|
|
 باذن الله هلال السودان اليوم يعتقل البوليس اليوغندي
|
باذن الله يعتقل هلالنا اليوم البوليس اليوغندي في دارنا المره دي
باستاد الهلال بنفوز عليه انشاء الله
وبكون تمرين للرجاء البيضاوي
اليوم يعود الطوربيد للممارسة العشق
اليوم البرنس قائد الفرقه ونجم نجوم السودان بيواصل العزف المنفرد
اليوم الرهيف الحريف المعلم الصغير بيملاء الوسط
اليوم حموده اصابه بنال جائزة احسن لاعب
داريوكان السودان ابو قلب حار
رتشارد قلب الاسد
ابوبكر الشريف واثبات الجدارة بحراسة الهلال
الشعله المبدع
مرق كفاية اسمك بس
قودوين مزعزع الدفاعات
البلدوزر خاتينك لي مهمه معينه اليوم
ربنا ينصركم
|
|
 
|
|
|
|
|
|
|
 Re: باذن الله هلال السودان اليوم يعتقل البوليس اليوغندي (Re: abas)
|
حبيبنا عباس:
يا زول الليلة إن شاء الله منتصرين علي البوليس والجيش والإحتياطي المركزي زاتو ..
لاقينا ناس الحرس قالوا ده جيش..
جابو لينا البوليس قالوا ديل رائدات ..
مشينا لي ناس وداد في بيتهم وقالوا دي جكساية ..
أسة إن شاء الله بندبل بي رجاء ونكسر عين المغاربة بإذن الله ..
مباراة اليوم خطورتها تكمن في إنو أي تعادل إيجابي يخرج الهلال من البطولة عشان كده الإستهوان ما مفروض يكون وارد وعلى فرقة الهلال أن تلعب بي روح قتالية وتأمن الموقف بفارق هدفين أو تلاتة حتى يلعبوا مطمنين ..
عموماً الهلال ماف فريق فاز عليهو في إستادو من قبل 3 سنوات تقريباً وده المطمنا ..
ومش كده وبس لينا زمن ماف فريق جاب فينا قون في السودان خليك من يغلبنا ..
الهلال فريق الأرقام وإن شاء الله الليلة يفوت ناس روما القالوا ليهم 11 كورة ما إتغلبوا في الدوري وما عارفين إنو الهلال ليهو سنتين ما إتغلب ..
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: abas)
|
والله تصدقو ولا لا مخيرين.
انا اتمنى فوز الهلال على البوليس الضعيف(البوليس اليوغندي)
وفعلاً اتمني ان لايطلق البوليس البمبان احتفالاً بهدف للبوليس لاقدر الله....
المهم اتمنى ان يرد الهلال على تطاول مدرب البوليس الذي اجاد التصريح فقط.
والله ياعمر صدقني بقيت بحن عليكم وعاوزكم تجربو طعم الفرح الخرافي.
| Quote: عموماً الهلال ماف فريق فاز عليهو في إستادو من قبل 3 سنوات تقريباً وده المطمنا .. |
مين الـ لعب مع الهونفيد والاسماعيلي رايح جاي قبل ايام ووين.
ياعادي.
| |
|
|
|
|
|
|
|
|
 Re: باذن الله هلال السودان اليوم يعتقل البوليس اليوغندي (Re: abas)
|
منقول عن سودانايل
تأهل الهلال لدور الـ32 لبطولة الأندية الأفريقية أبطال الدوري وذلك بعد اكتساحه لفريق البوليس اليوغندي بثلاثة أهداف دون مقابل في مباراة الاياب التي جرت بينهما مساء الأحد باستاد الهلال , قدم الهلال مباراة كبيرة خاصة في شوطها الثاني الذي تسيده تماما وكان بإمكانه أن يضاعف النتيجة لولا سوء الطالع الذي لازم مهاجميه طمبل وقودوين.
انتهى الشوط الأول بهدف اللاعب طمبل في الدقائق الأخيرة ولم يقدم فيه الهلال العرض المتوقع منه, وفي الشوط الثاني ومع انطلاقته بسط الهلال سيطرته التامة على الملعب وشن هجمات شرسة على مرمى البوليس اليوغندي ليضيف اللاعب هيثم طمبل الهدف الثاني بضربة رأسية , ومن كرة بذل فيها اللاعب قودوين مجهود كبير مررها باتقان لكابتن الفريق هيثم مصطفى يلعبها مباشرة في المرمى أجمل أهداف المباراة, ويواصل الهلال ضغطه وسيطرته الميدانية حتى أعلن الحكم عن نهاية المباراة بفوز الهلال بثلاثة أهداف نظيفة, ليتأهل الهلال للدور الثاني للبطولة.
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: abas)
|
عبس
تحياتي
الكورة المغربية تمر بعصر (إنحطاط) كروي.
خروج الفريق الأول من الدور الأول في أمم أفريقيا.
خسارة بطاقة التأهل لكأس العالم
خروج من كأس العالم للناشئين.
خروج الأندية المغربية من بطولة الأبطال الأفريقية.
وثالثة الأثافي خروج الوداد برغم الثلاثية على يد الهلال!
وتبقى الحسنة الوحيدة في الكرة المغربية هذه الايام في الجيش الملكي الذي حصد بطولة الكونفيدرالية وخسر قبل أيام بطولة السوبر من الأهلي المصري.
غايتوا كل (رجائنا) تشيلو الكأس إنشاء الله عربي!! حتى لو ما معتمد حنمشيها ونحسبها واحد  
هاك الشرطة الشعبية دي
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: abas)
|
سامي الخصال المريخابي :
يا زول إنت عارفنا بنتكلم عن التنافس الدوري والمباريات الرسمية والودي ده نحن ما قاعدين نحسبو وزيو زي كورة الإنقاذ ..
الداير يغلبنا يجي يشيل مننا 3 نقاط وكده بنسميهو فاز علينا ..
لكن المباريات الزيها وزي التقسيمة الداخلية وبيكون فيها التغيير عشرين لاعب دي ما بتنفع معانا ...
مبورك لهلال الملايين الأداء الراقي قبل الفوز ..والله بالأمس الهلال لعب كورة ولا في الأحلام ..إلتزام بالخانات ولا وجود للإستهتار في الجانب الدفاعي بالرغم ن إنو فريق البوليس طلع فريق ما ساهل وكورتو منظمة وبيقدر يصل مرمى الهلال..
تخريمة :
مباراة الهلال والمريخ في الإسبوع الرابع ما حا تتلعب وشوفوا كلامي ده ..
حا يتم تأجيلا نسبة لمشاركة الهلال والمريخ افريقياً (طبعاً ده الحنك بتاع شداد) لكن الغرض الأساسي هو إنو المريخ ما ممكمن يلاقي الهلال الأيام دي لأنو حا ياخد عشرة صفر إن شاء الله وشوفوا ككلامي ده ..
قال الإسبوع الرابع قال..
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: عمر الفاروق)
|
ياجماعة انتو كنتو خايفين لشنو الحكاية شنو
هي يوغندا دي فيها كوره
بعدين انتو كدا يادوب ماشين في الطريق الصحيح لجلب الكاسات المحموله جوا بس روشته بعطيكم ليها ابعدوا عن ثلاثة::ـــ
1ـ كراهية المريخ العظيم سيد البلد وجالب الكاسات المحموله جوا الأوحد في السودان.
2ـ مزمل ابوالقاسم الكاتب المريخابي الرائع.
3ـ الجديع بالحجارة عن الهزيمة والنرفزة فالكورة نصر وهزيمة.
ابومصطفى
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: keiga2000)
|
يوغندا للأسف يا أخي هزمت المنتخب الوطني بالثلاثة قبل أقل من ثلاثة شهور!
و برضو ما فيها كورة؟
و عشنا و شفنا المغرب كورتها" في النازل"
قال في النازل قال
بعدين الوداد دة ما ياهو الكنتو بتراهنوا عليه؟
و أعلنتوا جهارا تشجيعكم ليه؟
و مقولتكم المشهورة "دوم لي ودادك"
آهو دام ليكم
هاك كلتشي.. يوسف هوت..
و بعبع أبدي اسمه الطوربيد
بس ما قلتوا لينا رايكم في قون البرنس سيدا؟
المهم شكرا ليكم على التهاني ال"ما قلبية"
بس حنسميها تهاني "صفراء"
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: ابوعسل السيد احمد)
|
| Quote: يوغندا للأسف يا أخي هزمت المنتخب الوطني بالثلاثة قبل أقل من ثلاثة شهور |
الفريق الذي انهزم في امام يوغندا بالذات ما عندنا معاهو قضية!، خاصة وإنو الثلاثة أهداف كانت نتيجة أخطاء رباعي خط ظهركم إضافة إلى أسد الحراس المعز!
تخريمة :
بالأمس في دوري الأبطال
إنهزم البوليس اليوغندي
وإنهزم البوليس البتسواني
وإنهزم البوليس الكنغولي
حاجة غريبة!
وتخريمة تانية:
هسي كل (رجائنا) بالجد تجيبوا كأس
| |
|
|
|
|
|
|
|
|
|
Re: باذن الله هلال السودان اليوم يعتقل البوليس اليوغندي (Re: abas)
|
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
الراكوبة كشفنا عيوبا..
| |
|
|
|
|
|
|
| |
abas
عمر الفاروق
شمهروش
على محمد على بشير
ابوعسل السيد احمد
ALGARADABI
saifkeli
Rakoba
keiga2000
بلدى يا حبوب
الزنجي
فيس بوك
تويتر
انستقرام
يوتيوب
بنتيريست