|
جنى فى إجازة مفتوحة
|
إستودعكم الله وكما يقول أهل الشام إعتذر منكم لكل من أصابه سهمامن لسانى الفالت بسبب مقالات قطبى والطيب مصطفى والتى عندما قراتها متزامنة مع تصريحات سيلفا كير وربيكا وتصريحات حركات الشرق والغرب وبركات الشمال أيقنت إنى لن أقول كلام مثمرا أو مفيدا وأن فى هذه الحالة من الإحباط ومرة أخرى إجترامى لكل ألوان الطيف جنى
|
|
|
|
|
|
|
|
Re: جنى فى إجازة مفتوحة (Re: jini)
|
جني المشوطن العاقل
ان كان غيابكـ بسبب الاحباط .. ياخي نحن محتاجين لي احباطكـ ده لانو ممكن ينبهنا لي اشياء غابت عننا .. اذن حجتكـ مرفوضة وان كان بسبب مشاغل اخري .. نتمي ليكـ التوفيق و العوده اكثر صفاء
| |
|
|
|
|
|
|
Re: جنى فى إجازة مفتوحة (Re: jini)
|
اهو كده انت بتكون جنيت جد جد
انا معاك الوضع محبط تماما
لكن فى زول بيحرد ليهو بلد
ونحردها لى منو...الكيزان
لا و الف لا يا جنى
عشان كده مص ليك شوال ليمون و قفة قنقليز واكرب بطنك و تعال راجع فالمشوار طويل ويحتاجك بشدة
| |
|
|
|
|
|
|
Re: جنى فى إجازة مفتوحة (Re: jini)
|
نرجو الا يطول غيابك ----- تنبيه يا جني أنا لم أبلغ الأربعين بعد وأراك تصنفني مع الأربعينيين ---Quote: ومرة أخرى إجترامى لكل ألوان الطيف |
أنت شايقي ولا شنو ؟ وجه باسم لا يعرف العنصرية نستودعك الله وتعود ملبيا دعوة بنت الأحفاد عد بكل الود يا دكتور -- الحبشي
| |
|
|
|
|
|
|
Re: جنى فى إجازة مفتوحة (Re: jini)
|
يا صاحبى قول الريالات كترت وعاوزة تفرغ عديل كده
عارف الاسهم الايامات دى طالعة فووووووووق
وعاوزة متابعة لصيقة
من قلبى ليك بتمنى
تصبح قوام هاموووور
| |
|
|
|
|
|
|
Re: جنى فى إجازة مفتوحة (Re: أحمد الشايقي)
|
ابو الجنون ما ممكن ياخي؟ زمان عارفين بيقبضوكم في رمضان اسع بقى برضو يقبضوكم في محرم.. دي عوجة..
سلم على اوسلي من الحرازي للحرازي ولا تخللك زول ما تسلم عليه..
نتمنى عودتك قريبا محملا بكل ما هو جميل
Quote: ومرة أخرى إجترامى لكل ألوان الطيف |
دي زلة كي بورد ولا قاصدها؟
| |
|
|
|
|
|
|
Re: جنى فى إجازة مفتوحة (Re: طارق جبريل)
|
الناس في شنو.. وجني في شنو..
Quote: جنى فى إجازة مفتوحة |
قال مفتوحة قال.. غيب وتعال.. بس..
أنفلونزا الجداد يا حيدر البيأمنها وراء منو..!!
هــبرة.. في رحم الغيب إحتمال أجيكم جدة..
| |
|
|
|
|
|
|
Re: جنى فى إجازة مفتوحة (Re: A.Razek Althalib)
|
Quote: سلم على اوسلي من الحرازي للحرازي ولا تخللك زول ما تسلم عليه..
|
الأخ جني، نوصيك بمثلما أوصتك به الدكتورة بيان.
وما تنسي تجيب معاك في جرابك شوية نكات.
أخوك
عوض الله أحمد الطيب أوسلي ريفي الملز
| |
|
|
|
|
|
|
Re: جنى فى إجازة مفتوحة (Re: jini)
|
يازول طاير وين؟ أقعد ياخي خلّنا نتطقِش يمكن نصل لي نتيجة..
ياما مرينا بإحباطات تخلي الواحد يشوف الهلاك عيان بيان وبرضو الامور تتحلحل وتعود لي سِكتا
يازول إن مشيت تصحبك السلامة واعفا مننا وعافين منك
ولا تطول الغيبة
ولك التقدير
| |
|
|
|
|
|
|
Re: جنى فى إجازة مفتوحة (Re: jini)
|
.....المانع خير يا جني أرجو الأتطول الغيبة ... سنفتقد أسلوبك السلس ..السهل الممتنع واللسعات الحارقة واللغة المكثفة القليلة في مفرداتها والكبيرة والعميقة في مضمونها أسلوبك يذكر بأسلوب الراحل المقيم محمد توفيق في جمراته كمال
| |
|
|
|
|
|
|
Re: جنى فى إجازة مفتوحة (Re: jini)
|
أخونا جني ما عهدنابيك تنسحب من أى معترك و لا عهدنا بيك تستسلم للاحباط أتمنى أن أراك قريب جدا شاهر سيف الكلمة على الجهل النشط و البورد غيرك كوم تراب
| |
|
|
|
|
|
|
Re: جنى فى إجازة مفتوحة (Re: jini)
|
أبو الجنون والفنون
كلام زعل ماااااابتقصدو .. مااااابتقصدو بعدين اتحداك كان تقدر تفارق البورد والبورداب نحن مدمنيييين عدييييييييييييييل كدا
بس نصيحة مجرب أبعد من الذين يرفعون الضغط ، ويكسرون الخاطر ، وينصبون على خلق الله أبعد منهم مدة من الزمن لغاية ما تطمن على الضغط والطمام وبعد داك تعال بتكون اللياقة عال العال ، والمناعة رجعت لي حالتها الطبيعية ، والجنون في أبهى صوره . بعد داك ضقل زي ما عايز .
تحياتي لك ولمن حولك من الأحباب
| |
|
|
|
|
|
|
|