|
إنت البورد مش كدا؟؟؟ أنا بدرالدين شنا
|
البورد دا نحن بنعرفو لكن هو ما بعرفنا المشكلة دي أنا بتواجهني لمن أجي أرسل مسنجر أقول ليهو بتعرف الموصلي (بالإنجليزي) يقول لي لا .. أقوم أكتبو بي طريقتي يرجع يقول لي ال(نك نيم) خطأ .. طيب إنت وكت عارف الصاح ما توريني ليهو بإختصار ياريت يا بكري تعرِّفو بينا تقول ليهو إذا في زول كتب حرف النون مثلاًً ساعدو ووريهو منو الببدا بي حرف النون يعني يرص كل الأسماء (ناذر الخليفة .. نادية عثمان ....) لأنو والله أنا قاعد أتعب شديد في الشغلانة دي أمشي أشوف الزول وأشوف بروفايلو وأعمل كوبي بيست لأنو لو غلطت في همزة رسالتك ما بتمش وزيادة على كدا الزول الهبشتو في بروفايلو دا يحلك الله يحمِّر ليك فترة طويلة كل ما تفتح البودر تلقاهو محمر ليك إسمو
نك نيم (أ) أساسي أحمد العربي أمبدويات أنس مصطفى وهلم جرا.........
وكان في زول عندو طريقة تانية وقادر يساعدني بارك الله فيهو
|
|
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: الخير محمد عوض)
|
ابنكنبة ود فصلي ضحكتني ياخي...
الله يحت اهلي حت البرم كان عارفة كنت ساعدتك..(وش متذكر المدرسة بتاعة علم النفس)
يا البدري بندور نعمل "بيتشن" لارجاع المسرحيين المفصولين تعسفيا.. وكمان نساعد محمد عباس العربي..
مودة اذا مرت بفلسطين لحررتها..
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: bayan)
|
حبيبتي (أنا جادي) بيان سلام وشوق لتلك الدفعة والكنبة
Quote: الله يحت اهلي حت البرم كان عارفة كنت ساعدتك..(وش متذكر المدرسة بتاعة علم النفس) |
الله يجازي محنك وأهلك يبروا من الحت علم نفس وأزياء وعيييييييك ربنا ينصر أخونا محمد عباس العربي مودَّة ومعزَّة
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: bayan)
|
د. نجاة محمود سلام ليك ولي زوجك وبياتك والعائلة الكبير في الدامر
Quote: الله يطرى يعقوب الخمجان بالخير الزول دا وين؟ |
يطرشني قبل كم يوم إتصل بي السماني لوال وسعدت كثيرا بذلك متين يا ربي تاني تلمنا
البوست دا شكلو أنفجخ
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: ALHALAWI)
|
الحلاوي قريبي وحبيبي مشتاقيييييييييين
Quote: إنت قاعد تغطس كده ... بتمشي وين !!!!! |
يازول والله أخدت لي زرَّة طريت الميتين عديل كدا لكن الحمد لله بقيت كويس وإحتمال أنزِّل بيها بوست قريب بالإضافة للقرفة العادية البتحصل للزول لك خالص معزتي
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
بدر الدين الما شين
تحيات نواضر طبعا اولا في البداية وحيث انه ومن المنطلق المفروض ( دي لزوم القشرة في البورد) وما تفوتك جملة تحيات نواضرالفوق دي!! لانه الواحد مما دخل البورد لقى جمل كده ثابتة اها منها تحيات نواضر ، فعشان البورد يعرفك لازم تستعمل الكلمات دي وتقوم كده ( تخلعه ) وتقول ليهو يا شفيف ويا رائع ..لووووووووووول وبكده تسود المعرفة بينكم
اها نرجع تاني ازيك يا بدرالدين وييييين الحي بيك شكلو العزيزة اماني والاولاد بطرفكم ؟؟ ولا انا ما غلطانة؟ وبرضو ما رديت علي وقلت لي انت بقيت رئيس من ورانا ولا شنو؟ شكل العمة ( بكسر العين) والعرضة الما خمج دي تنبيء بحدوث شيء من هذا القبيل !!!!
وتحيات بحجم موية النيل في الخريف
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: maia)
|
منو؟
لوال؟؟؟
(وش مدردق في التراب ومكندك روحو بالتراب) في صورة خترية عايزة ارسلها ليه.. النجاشي وتلب معا واقفين عاقلين ومحترمين كون انه عمرهم صار في الاربعينات ..طلعو اولاد ناس الناس دي تصور؟
بالله رقمو ضاع مني رسلو لي في الماسنجر(وش مادي لسانو)
اما ايام دامر المجذوب فلا تنسى ابدا.. وصار زيارتكم لنا يوما يؤرخ به في تأريخ الدامر لمان البدري جانا.. الجميع بخير الهنا والهناك انت كيف الاهل هنا وهناك..
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: bayan)
|
د. نجاة محمود سلام أردام أردام زي العافية في العضام
Quote: بالله رقمو ضاع مني رسلو لي في الماسنجر(وش مادي لسانو) |
قلتي لي إنتي بتبدي بياتو حرف؟؟؟ هههههههه برسل ليك بريدو الإلكتروني أما هاتفه فليس بحوزتي
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: maia)
|
ميَّا بتكدب الغطاس صديقتي الجميلة ميَّا والله الشوق فلت من إيدي عديل كدي
Quote: ازيك يا بدرالدين وييييين الحي بيك شكلو العزيزة اماني والاولاد بطرفكم ؟؟ ولا انا ما غلطانة؟ |
حرَّم غلطانة تحياتي لي أهلك
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: قرشـــو)
|
أخي وصديقي قرشو ربنا ينصر نبينا ويجعل من اراد به سوءاً من الأخسرين
Quote: والله فيك الخير انا فاقد الزول ده من مده وكلما اقول اكتب بوست اسأل عنه انشغل
اخباره شنو بالله |
غايتو آخر رسالة بيناتنا قال طيب أول حرف في إسمو [e] يلا حمَّرو (بس ما تطق النقعة)
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
بدرالدين الماشين
تحيات نواضر يا شفيف وحياة زبدة لورباك الخايفة تاني ما اشوفها عشان اكتب الكلمتين ديل عملت بروفة في المسرح القومي وتدريبات في سلاح المظلات .. اها انفع اقشر في البورد وكده ؟؟
اما من حيث العودة فانها عودة مرورية تعتمد على الكثير من الظروف الخارجية.. لووووول وهمتك مش كده ؟ لقيتني كيف وانا مثقفة؟؟ اصلوا ناوية انضم لحزب ربيكا
بدرالدين لغاية حسه ما فهمتنا قصة الصورة شنو اوع تكون عملت انقلاب على الخواجة بتعكم وهو الان رهن الاقامة الجبرية؟؟ ....لوووول
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: maia)
|
الصديقة المثقّفة ميَّا سلامات
Quote: وحياة زبدة لورباك الخايفة تاني ما اشوفها عشان اكتب الكلمتين ديل عملت بروفة في المسرح القومي وتدريبات في سلاح المظلات .. اها انفع اقشر في البورد وكده ؟؟ |
دا شنو العملتي من ورانا؟؟؟ المسرح القومي مرة واحدة؟؟؟ وسلاح المظلات كمان إنتي أقشري بالخير وأنا بزغرد ليك أما قصة الصورة فهي مأخودة من مجلة "الدعاش" والتي يصدرها نادي الجالية السودانية بمسقط أها إرتحتي
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
البدرى سلامات
كيفك وكيف العقاب حبيبتي (أنا جادي) بيان بتكلم وبتكلم وبفت الكلام دا
يازول والله أخدت لي زرَّة طريت الميتين عديل كدا لكن الحمد لله بقيت كويس وإحتمال أنزِّل بيها بوست قريب بالإضافة للقرفة العادية البتحصل للزول
يطرشنا ما سمعنا بي زرتك دى
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: المعتمد)
|
معتمدنا الغالي سلام حار ليك وللمدام و......
Quote: بتكلم وبتكلم وبفت الكلام دا |
والله تتكلم أنا أتكلم ... إنت مش كنت متفق معاي؟؟؟ أما قصة طرشك بخصوص مرضي تبرى من الطرش ولكن بما إنك (معتمد) مفروض تكون ملم بكل الأخبار لكن بيني وبينك في أخبار مكلفة لك حبي (أنا جادي) أها إتكلم
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: Muna Khugali)
|
الغالية جداً منى خوجلي سلام معدَّل بواسطتي فيهو الكلام الطيب بعد التعديل
Quote: بقينـا درون...راجـه بوسـت التعـددية في الزواج.. |
بس الفرق هنا إنو أنا رديت ليك بي سرعة أنا متعود أتداخل مع الآخرين وبصبر يومين كان صاحب البوست ما رد علي مداخلتي طوالي بمسحها لكن بيني وبينك أنا سعيد جداً بي وجودك هنا
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
الغالية جداً منى خوجلي سلام معدَّل بواسطتي فيهو الكلام الطيب بعد التعديل
Quote: بقينـا درون...راجـه بوسـت التعـددية في الزواج..
بس الفرق هنا إنو أنا رديت ليك بي سرعة أنا متعود أتداخل مع الآخرين وبصبر يومين كان صاحب البوست ما رد علي مداخلتي طوالي بمسحها لكن بيني وبينك أنا سعيد بي وجودك هنا (معليش ال quote ماشـغال معـاي..)
أنـا كـنت قـايلة احمـد ود جـيرانـا براهـو أبو الدقـيق..لكـن....... طـيب يا عـزيزي...
أنـا ما اتأخـرت ...أنـا بس كنت ماشية بالـدور.... لكن معليش إحـنـا أسـة خـلاص بقينـا صـافي يالبن..
واعـترف ليك بسـر خـبيث مـع انه ظـاهـر?
هـو ذاتو ماكـان في كـلام مكتوب أنـا عـدلتو!
واقـول ليك كـلام? أنـا ذاتي سـعيـدة جداً بالتواصـل...
مـني
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: المسافر)
|
حبيبي المسافر أبو نقطة مشتاقييييييين
Quote: هلم جرا ده لازم تجره بتسعة نقاط؟؟ تسعة عديل!!
ليه حق البورد يقول ليك
تسو..تسو..تتو .. لستووووووووو أدريييييييييي |
إنت أقعد أحسب لي في النقط دي لمن الطيارة تفوتك ولا خليت السفر؟؟؟ ياخ والله في بوردات تقول ليهو "خدر" يقول ليك تقصد طارق أبوعبيدة؟؟؟ تقول تسعة نقط!!!
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
بدري سامي علاه
انا عندي ليك الحل الناجع
شفت شنو، اولا تمشي تكبكب النكنيمات بتاعات الناس القاعد ترسل ليهم رسالات كلهم وتجي تعمل تكست فايل تقوم تبستبم في الملف وتحفظه عندك. وبي كده يكون عندك النكنيمات جاهزات للمرات الجايات بس تفتح الملف وتكبكب وتبستبم.
قلت شنو بالله؟ ما حل فقري
بس انت كدي جرب وادعو لينا
Quote: يازول والله أخدت لي زرَّة طريت الميتين عديل كدا لكن الحمد لله بقيت كويس |
قلت لي، الزراك منو؟
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: Yassir7anna)
|
الظريف ياسر حنَّا سلام باين بينونة كبرى
Quote: شفت شنو، اولا تمشي تكبكب النكنيمات بتاعات الناس القاعد ترسل ليهم رسالات كلهم وتجي تعمل تكست فايل تقوم تبستبم في الملف وتحفظه عندك. وبي كده يكون عندك النكنيمات جاهزات للمرات الجايات بس تفتح الملف وتكبكب وتبستبم. |
لا عليك الله قول لي كمان أحفظوا بعيداً عن متناول الأطفال دا طبق اليوم ولا شنو؟؟؟ مرة تكبكب ومرة تحفظ .. كان داير تكبكب كبكب براك
Quote: قلت لي، الزراك منو؟ |
زول عااااااااادي تحياتي ليك وللعيال وأمهم وآسف جداً لتأخر الرد
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
البدري
حبيب قلبي
ات عارف اكتر ناس متعبني في السيرش
بكرى ابوبكر
ات عارف الياء بكري عاملها الف ملوية( الله يقوّم ليهو شعر راسو )
وتاني زول
قرشـــــو
الجرّة البعد الشين ماني عارفها كم شختة لي قدام
اما يازول ده سيبو ساي ...هو براهو قاصد مافي زول يبحت وراهو
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: بدرالدين شنا)
|
اقول يا حبيب حكاية التكنولجيا دى ما عارفة اقول ليك شنو والله يا بدر متعبانى تعب وهسي كمان عزة ما مامعاى وما قادرة اسوى شنو؟المهم تعرف الايام دى بنتلاقى فى البقعة اصلك ايه فى مهرجان مسرح للشباب ، وعندنا حالة مسرحية رائعة جدا بس فاقداك ،مصطفى احمد الخليفة امس عمل حاجة لذيذة ( المهرجان فيهو كم رئيس) لمناصب مختلفة ، المهم انه اسماهو (مهرجان التنين) لانه متعدد الرؤساء ، على اى حال خلينا نسمع صوتك مرة مرة ، تغمرنى المسرة ،تحياتى لاسرتك الكريمة
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: سلمى الشيخ سلامة)
|
يا سلمى الله يسلِّمك ويديك لي طول العمر في الدنيا يوم ما يألِّمك ولا يألم عزة ولا ناس أمبدة ذاااااااتن
Quote: وعندنا حالة مسرحية رائعة جدا بس فاقداك ،مصطفى احمد الخليفة امس عمل حاجة لذيذة ( المهرجان فيهو كم رئيس) لمناصب مختلفة ، المهم انه اسماهو (مهرجان التنين) لانه متعدد الرؤساء |
يخسي عليك يا سلمى ما تكاويني .. والله عايز أضحك وعايز ابكي وغايتو شعور ما قادر أوصفو أهنيك على قرارك القوي بالعودة للسودان وعقبالنا عليك الله سلمي على الجماعة الحلوين ديل شدييييييييد وسأتصل بك قريباً جداً
| |
|
|
|
|
|
|
Re: إنت البورد مش كدا؟؟؟ أنا بدرالدين شنا (Re: Munir)
|
منير المنير نورت البوست وزينتو يا جميل
Quote: يا بدر البدور انتو لو ما زاتكم بتاعين حركات : المسنجرات والحنكشة العليكم شنو !! ـــ . لكين العنوان براهو تحفة يا رائع |
أنا كان خليت التِسِنْجِرْ برجع للصعوط إنت عارف أنا آخر حاجة بكتبها في البوست العنوان ياخ أنا برسل لي صديق الموج تقول لي حنكشة؟؟؟ لك خالص معزتي يا منير
| |
|
|
|
|
|
|
|