************* أرحل/التجاني سعيد قلت أرحل .. أسوق خطواتي من زولاً نسى الإلفة أهون ليل أساهر ليل أتوه من مرفى لي مرفى ابدل ريد بعد ريدك عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفرقة والتجريح بسيبو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معاية لا بندم ولا بقضي العمر تبريح أصلو العمر شوقا حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى منــــــفـى
في الطيف أو في الصحيان زورني يا حبيبي أنا عيان مالو لـو فـي بعـض الاحيـان تسمح لـي صحـوا أراك عيـان تاخذ يا حبيبي عـن حالـي بيـان عسى تبقي قلوبنا في الغرام سيـان
يا الفريد في حسنك و بهجة أمدرمان لي من شوفتك يا حبيبـي زمـان أنا ساهر و نـوم عينـي حرمـان و إنت بين أترابك في نعيم و أمـان
النحول علي جسمي يا حبيبي بيان و إنت جسمك نامي و بالنعيم طربان لو رأك الناسك المـن الله جبـان بيك يفتن و يصبح بالغـرام تعبـان
قبل حسنك قط ما رأيـت انسـان فاق العسجد لمعة و الحريـر لمسـان كيف يحصر وصفك يا حبيبي لسان و البان إتعلم من قامتـك الميسـان
ما الـدرر لثنـاك ما بنـت ألحـان للمـاك و آيـة نفحـة الريـحـان إنت حسنك كامل لكـن لمحـان خدك قاسـي و قلبـك ما حـان
******************* أقيس محاسنك بمن أغنية ذات مدلولات عديدة وينبغى الرجوع لخلفيتها حيث كان الثلاثى الغنائى آنذاك يتكون من سرور والأمين برهان وكرومة... وشاء قدرهم أن يفترفوا لفريقين .. سرور وحده والأمين وكرومة ثنائى.. وبالتالى تحدد ميول الشعراء بصورة قاطعة فانقسموا لقسمين.. وظل التنافس قائما ليحدد البقاء للأصلح ، وكان اللقاء المنتظر فى ليلة ساهرة على مسرح نادى الخريجين بأمدرمان ، وكان المفاجأة أداء الفنان سرور لأغنية ( أقيس محاسنك بمن ) وكانت للفنان طريقته الغنائية الخاصة وهى الرقص الموقع الموزون والتحرك المستمر فى جنبات المسرح مما جعل الجميع يتسائل : ( دى الدنيا أم جنة عدن )
عتيق احرموني ولا تحرموني سنة الاسلام السلام عطفكم يا من الموني كالاشعة الاسهم رموني الشجون بالليل نادموني الانين والنوح علموني لو معنعن قول كلموني حبي طاهر لم تظلموني برضي قابل الظلم احترام
يا النفوني كفى اعرفوني ساهي ساهر ساحات جفوني في هواكم يا من جفوني لا الوم ان لم تنصفوني انعكاس الاحوال كفوني ايضا الايام عرفوني يوم سموما ويوما غمام
كلما النسمات عطروني فاجأوني دموع مطروني رب اغفر للعكروني في وداعة الباري العروني رب وقت يتذكروني او يقول القايل دروني او يحدث عني المنام
الدهاة بالسلو ما دهوني عن تجاهكم ما وجهوني بي تحكو وشمتو النهوني وبرضي هايم وخاضع لهوني لا اقول مستنكف دهوني عن كثير عن قيس نبهوني عن حقيقة الحب غين ولام
ما تنفس صبح او ضحى لي الا غاب هدهد فكري ورحالي قال قربك عين المحال قلبي غير زكراك ما صحى لي يكفي ان السهد اكتحالي يكفي شاهد لي انتحالي شاكي شاكر شاخص دوام
في التفكر اصبح وامسي ايضا التزكار نجوى همسي وحياتي اشبه برمسي اشكو يومي واسترحم امسي ما عهدتك يا ليل تمسي طلت وامتى اشراق شمسي وانت وين يا بدر التمام
قتلو ليت الايام يندن تبقى لانت وسحابا دندن بلماك النيران يخمدن ليك روحي واجزيك حمدا قال لي كيف تستوجب لي حمدا من تعاطى المكروه عمدا غير شك يتعاطى الحرام
02-21-2006, 02:49 AM
عزالدين آدم علي عزالدين آدم علي
تاريخ التسجيل: 01-29-2006
مجموع المشاركات: 591
أخونا الوجيه إيهاب والله لو قصدك أنك داير تحفظ فأنها فكرة جميلة جداً ولكن لاتتوقع مني شيء ساهل أبداً وسأبدأ لك بإحدى الأغنيات الخالدات وصدقني إلا ترجع الإذاعة وتطلبها لتسمعها أو نحدد جلسة وأحفظك ليها!!!!
أغنية / هوى الروح كلمات وألحان الشاعر المخضرم / عبدالرحمن الريح وأداء الفنان الذري إبراهيم عوض.
أنا عمري ماحبيت غير الجمال في الروح تعال ولو مرة آسي الفؤاد مجروح @@@@@@@@@@@@@@@@@@@@@@@@@@@@@@@@@@@@@@@@@@ تبخل علي بلقاك أنا ياحبيب مجروح باكي العيون ساهرة أنا إزداد علي النوح القمري في الأغصان يحكيلي لما ينوح وإنت تحكي الفُل والورد لما يفوح @@@@@@@@@@@@@@@@@@@@@@@@@@@@@@@@@@@@@@@@@ بالغت في الإعراض أنا ماقصدت زهور من خدك الوردي بل أسكرتني عطور ولمحت في عيونك فتنة وأشعة نور ملكت قوى عقلي وملأت فؤادي شعور ***************************************** حبيبي يا أسمر خدك عليهو فصود جرحتني في قلبي وسحرتني أعيُن سود إنت الهوى العذري وإنت الرجاء المفقود إن غبت عن عيني هنا في الفؤاد موجود ***************************************** تتغابى آلامي وأنا عقلي مشغول بيك ليك الفؤاد يهفو والروح تنادي عليك أوليتك إخلاصي وقدست حبي إليك عاجباني روحك وما أجمل عوطف فيك ****************************************
وهذه تذكار عزيز للشاعر / مصطفى إبراهيم ألحان وغناء الفنان الذري إبراهيم عوض وهذه الأغنية للمعلومية هي الحائزة على المرتبة الأولى في الألفية الثالثة من حيث كلماتها ولحنها:
جرحي الأليم الشايلو تذكار طول حياتي أسى وهموم ++++++++++++++++++++++++++++++++++++++++++++ جرحي الدفين العذبك يا قلبي طول عمرك أنين داريتو في الأعماق سنين غنيتو للعشاق حنين شكوى وشجون غنيتو أصدق أغنيات وأصبح مجرد ذكريات وين الشموع وين الصلات الفي دروبنا منورات وبقت هموم تذكار تشيلو جرح أليم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أصلو القلوب الهايمة تعبد في الجمال بضيع سنينا الحلوة في الريد إبتهال ولهانة تحلم بالوصال مسكينة تحلم بالمحال كفاية أبكي ياقلبي الجمال خلاك تذوب شكوى وسهر ودر شباب عمرك هدر شال النضار الكان مفرهد ومزدهر خلى الشجى وخلى اليباب الكل ثانية بعيشو لحظات من سراب أحسو في روحي إغتراب أحسو شوق وشقاء وعذاب نار في الضلوع وجرح أليم تذكار عزيز ياقلبي شايلو أسى وهموم |||||||||||||||||||||||||||||||||
والجاييك كتير يا إيهاب لكن ليس عبر البوست بس أطلب خصوصاً ماتغنى به الفنانون: الذري (إبراهيم عوض) حمد الريح زيدان إبراهيم أبوعركي البخيت فأنني أحفظ لهؤلاء الكثير والكثير جداً
اهلا بيك يا استاذنا الحبيب وياريت على اساس انا وانته وغيرنا من الناس المهتمين بالفن والاغاني انا بطلب كلمات اغنيه عزيز دنياي للرائع ابراهيم عوض الصراحه الاغنيه من اصعب واقوى الاغاني السودانيه ما اي فنان بيقدر يأديها بالشكل المطلوب انا بتمنى لو كمان قدرته تنزل لينا الاغنيه دي صوت اكون شاكر ومقدر بيك واهلا بيك في البوست .... واغنية في عيونك يا اميره للفنان حمد الريح اسباب جفاك للأستاذ زيدان ابراهيم انا بطلب منك كلامت الاغاني دي
02-21-2006, 07:23 AM
ايهاب نميري ايهاب نميري
تاريخ التسجيل: 02-09-2006
مجموع المشاركات: 1238
الخدود نارها مضرمة فى حشاى واضعة مفرمة بي هلاكنا أنت مغرمة طرفك الساهى كم رمى سمحة قامتك على التما فاهك البسمة خاتما للبدور خدك إنتمى فى العيون شلخك احتمى يالقلب تقسما وحبيب تبسما بدر تم وقد سما اه ما أبعد السما يا نسيم أمشى سالما بى لطيف شيشا حلما بالعلى أ[قى كلما وهاك رويحتى سلما مجلس الأنس ضمنا نحنا والكانو يمنا والسرور كله عمنا مافى هم لا همنا مافى جاهل بذمنا يا شقاوة البشمنا العيون هادرة دمنا أصله ما بيبرأ سمنا وقفت بانة النقا ديسا طاويها فالقا النظر راح يسارقا صد قال فوق خالقا الحرير ماله خانقا والحجيل يمشى زانقا صيدة روايها ما اتلقى كل شىء فيها قالقا جلست شوف تأملا وقفت ضجت الملا صاح شاديها وإتملى متنا ما سمعنا ململة شوف وريدا وسوالفها شوف صديرا المزالفا شوف ضميرا الموالفا من كفيلا المخالفا ليلة فى غاية الصفا حفلة معدومة الصفة يا نديم عقب أوصفا وأقطف أزهارها صفصفا غصن بان إذا مشى واذا مال واختشى فضح الغصن والرشا لك يا غصن مافشى لك يا ريم ما تشا لك فى داخل الحشا روضة طيبة وشى الحسان تمشى قادمة يضوى العتمة كالدما يا عيومى تهدما من صياح أزرفا دما كوكب السعد إنتمى لك يا صاحب النما فسلام عليك ما لبس الروض نمنما العيون ناعسة صاحية والخدود يقطرن حيا البصيبن ما حيا ما بتزيل عطشته الحيا
بتقولى لا كلمات: عثمان خالد غناء : عبدالعزيز المبارك
بتقولى لا.. بتقولى لا بتقولى لا لقليب عليك يقطر حنان ويذوب وله بتقولى لا لقليب رهيف ماظنو لالالا بيحمله
بتقولى لا ياغاليه ياست القلوب يامذهله وحياة شبابك ذبت في عينيك حنان ومغازله سافرت فى رحلة مشاعر ملهمه ومتامله
شفت الورود من وجنتيك غيرانه جات متوسله حتى القمر غار من صفاك واصبح يردد فى الصلاه جاك المساء ادى الفروض داعب شفايفك وغازله شال لون جميل من وجنتيك مسح خدودك وبلله
اصبح يلملم فى النجوم وينظم عقوده ويغزله طرز لى جيدك بالحرير وبتقولى لا انا بيك بدغدغ فى القلوب ياحلوه احرف واشكله املاها رقه ودندنة وعناق حنان ومبادله اسقيك حنان ماظنو كان فى الدنيا او كانت صله
انا بيك لو قلبك يحن عالم يجن من الوله اسقيك حنان ما اظنوا كان دى الدنيا او كانت صله وازرع هواك بين النجوم روضة حنان وادللة واحكيك لحون يا غالية لو سالت والعود غازله واخلى كل الكون اقول فنان ادوب و اغزله بتقولى لا يا لهفة المشتاق وطعم الحلا
02-21-2006, 07:32 AM
ايهاب نميري ايهاب نميري
تاريخ التسجيل: 02-09-2006
مجموع المشاركات: 1238
وخمر وشفاه شعر حسين عثمان منصور غناء الراحل المقيم سيد خليفة ---------------------------
أغنيات فى شفاه الحب غنّاها الجمال والمنى يا روح قلبى ليس يفنيه الدلال أغرقتنى بين أمواج المنى والمنى شطّ على بحر الغرام وسقتنى خمر أعناب الهنا والهنا كأس وهمس وإنسجام علمتنى كيف أنسى من أنا وأنا لفظ حرام فى الهيام يا سقاة الكأس من عهد الرشيد ما لكاسى ظمئاً أبدا وحيد ونديمى قد سرى نجما مع الأفق البعيد حطم الكأس وولى وانطفأ نجم تلألأ وغدت تبكى على شفتيّ أصداء النشيد ليل وخمر وشفاه هنّ للقلب لظاه هنّ إكسير الحياة شعرها ليل تموّج صدرها الوثّاب هودج شفةٌ عطشى .. وأخرى هى كأسُ خمرها نار وجمرة ليتنى لو ذقتها فى العمر مرة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ايهاب نميري
عزالدين آدم علي
فيس بوك
تويتر
انستقرام
يوتيوب
بنتيريست