|
|
|
 Re: رسالتى الاخيرة الى من أنزلته من الفردوس !!! (Re: نادية عثمان)
|
قلت ليك.. مااظن بتقدر
قلت لى ..بقدر أكيد
قلت ليك ..انا ريدى قاسى
قلت لى .. بهواك شديد
قلت ليك .. حزن الاماسى
قلت لى .. الدنيا عيد
قلت ليك.. وجعى الخرافى
قلت لى .. حظك سعيد
قلت ليك .. سيبنى لحياتى
قلت لى .. حاشا وبعيد
قلت ليك .. يازول بتندم
قلت لى .. حبى الوحيد
قلت ليك... اوعك تغامر
قلت لى .. قلبك حديد
قلت ليك ..يازول بحبك
قلت لى .. هل من جديد ؟!!
| |
 
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: ALGARADABI)
|
Quote: نادية عثمان مختار"]قايلنى جيت أشكى ؟!!
أبدا وحاة حبك
انا جيت ابارك ليك
وأشرب كمان نخبك
عذبنى ماهماك
انا شاكية لى ربك !!
## ## ##
قايلنى جيت أبكى
وارجوك تسامح جد؟
ابدا وحاة عينيك
مهما الوجع اشتد
انا بابى كان جنة
وهسع خلاص انسد !!
## ## ##
قايلنى بترجاك
واحلف عليك ترجع ؟
ابدا وحاة المر
الكان شراب أنجع
مادايرة منك شئ
وحكم القدر أسرع |
لو جيتي تشكي الريد
بشكيكي لي قلبك
انا حبي ليكي شديد
وريني وين حبك
لو جيتي شايلة العيد
انا عيدي بفخربك
دنيايا تفرح بيك
ومنايا بس قربك
***
لو جيتي تبكي كمان
شوفي الدموع الجد
ببكي مع الانسام
وقتين ازيد الصد
لمن الاقي عنيك
والروح يسوقه المد
والجوه جوه الروح
يكبر علي يشتد
واقراكي في همسي
القى الحروف ترتد
والقاها في نفسي
فاتت مكان الحد
سكنت جزر عينيك
قفلت علي السد
***
انا ما رجيتك يوم
تترجي شان ارجع
لو النهر بقدر
يتمدى غير منبع
يتمدى في عينيك
جوه القلب يركع
انا اصلي ساكن فيك
جواكي ما بطلع
لو قايله غير حبك
دنياي تكون اروع
ابدا وحاتك.. لا
تلقيني... بتوجع
احضن دموعي براي
حزني الكبير امنع
واشده من الصد
والراح وفات ودع
يا ست هواي حلمك
صبرك علي انفع
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: خدر)
|
الرائع خدر ابو لقاء
Quote: قصيده جميلة كالعاده يا ناديه
مذيدا من الالق
سوف اعود و معي موسيقي تناسب روعة كلماتكـ |
هات موسيقاك واجلب مزيدا من الالق لكى نجعل من هذه البقعة الاسفيرية دوحة للجمال..
فى انتظار موسيقاك وصوتك الحنون
خارج النص:
لحنت الاغنية ؟
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: عبدالله وداعه الامين)
|
Quote: لو جيتي تشكي الريد
بشكيكي لي قلبك
انا حبي ليكي شديد
وريني وين حبك
لو جيتي شايلة العيد
انا عيدي بفخربك
دنيايا تفرح بيك
ومنايا بس قربك
***
لو جيتي تبكي كمان
شوفي الدموع الجد
ببكي مع الانسام
وقتين ازيد الصد
لمن الاقي عنيك
والروح يسوقه المد
والجوه جوه الروح
يكبر علي يشتد
واقراكي في همسي
القى الحروف ترتد
والقاها في نفسي
فاتت مكان الحد
سكنت جزر عينيك
قفلت علي السد
***
انا ما رجيتك يوم
تترجي شان ارجع
لو النهر بقدر
يتمدى غير منبع
يتمدى في عينيك
جوه القلب يركع
انا اصلي ساكن فيك
جواكي ما بطلع
لو قايله غير حبك
دنياي تكون اروع
ابدا وحاتك.. لا
تلقيني... بتوجع
احضن دموعي براي
حزني الكبير امنع
واشده من الصد
والراح وفات ودع
يا ست هواي حلمك
صبرك علي انفع |
ياما صبرت عليك
ياقاسى يامغرور
حارقنى بى هجرك
سنوات تمر وشهور
سايبنى للاحزان
وليل الظلم والجور
لاقلت يعنى تطل
لاتحضن العصفور
يازولى سبت العش
خالى الوفاض مهجور
انا قلبى ياملهم
جامح بينط السور
وانا عقلى فيك تائه
وبيك الفؤاد مأسور
الغربة جد لاهياك
بلد الحسان الحور
لمتين عذابى يدوم
وخاطر القليب مكسور ؟!!!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: عبد الله عقيد)
|
المبدع الخلوق عبد الله عقيد
Quote: أيوة كِدة
أنا لي أجر (التحريض) غايتو
وشكرا.. لهذا
Quote: الانسياب الشعري |
حرضتنى ثم مضيت الى حال سبيلك ؟!!
لا مابنفع طبعا !!
لازم تسكن هنا فى البوست ده مع عبدالله وداعة وكل من يعشق العامية السودانية من احبابنا هنا
Quote: وراجعين بي مهلة
لك التحية |
لازم ترجع وانا فى رجاك ياود عقيد
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Mohammed Haroun)
|
Quote: الليلة اتجمعت السحب والغمــــــــام
وندوية الحلوة أشهرت الخصـــــــــام
وخلتنا واقفين نبحلق في الظـــــــلام
يا ربي ليه بكت البنية وأعلنت الفطــــام
الليلة يوم الإبتسام وعيد الحب والغرام
ياربي ليــــــه |
لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
بيهو يكتمل الوئام
رد قال يوم يعنى عادى
بس بيزيد فيهو الزحام
قلت مابتعشق حمام ؟
رد قال وين السلام ؟
ياخسارة حبى جدا
انت عقلك ماتمام !!!!
| |
|
|
|
|
|
|
|
|
 Re: رسالتى الاخيرة الى من أنزلته من الفردوس !!! (Re: منتصر حسن محمد)
|
ورينى كيف ألقاك
ساعة الشجون تكبر
لاهي راضية تفوت
ولا الخاطر كمان يجبر
شكرا نادية أعتذر للتهريج الشعري ولكن كلماتك الرقيقة أجبرتني
أن أترك شيئا في عيد الحب .. وأحيي عبرك تلك الانسانة الرقيقة المشاعر
والمقاتلة من أجل الحرية السياسية .. منى عوض خوجلى.. فلها أجمل التحايا
في عيد الحب..
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: malamih)
|
ملامح
Quote: ورينى كيف ألقاك
ساعة الشجون تكبر
لاهي راضية تفوت
ولا الخاطر كمان يجبر |
تلقانى فى الافراح
باسمة وحياتى وهج
تلقانى لا باكية
لاصارة وشى زهج
تلقانى يامحبوب
فرحانة شان حبيت
قلبى الحنون مملوك
لى حبى واحة وبيت
تلقانى راسمة العين
مكحولة حب وعسل
الزول بريدو شديد
لى قلبى دمو وصل
تلقانى فى الشريان
حايمة ومعاى البوح
اهمسلو فى الرئتين
واشهق هناك فى الروح
تلقانى مجنونة
بكتب حرف سكران
شارب نبيذ الريد
مليان نغم وحنان
بين الفرح والخوف
شتان وكم شتان !!!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: عماد شمت)
|
النبيل عماد شمت
Quote: اتعودنا دائمامنك حلو الكلام.. يديك الصحه والعافيه.
واصلي المشوار.. وياريت يكون في صحبتك البديع عبدالله وداعه واضيف السيد محمد هارون ليكمل
الضلع الثالث وبه تكتمل اللوحه الفنيه الرائعه.. تلبسوا توب العافيه دوما... |
ربنا يديك العافية والخير الفى الدنيا كلو يارب
واتمنى ان يسكب مدادى مايلامس وجدانك المرهف
واتمنى ان لايغيب عبد الله وداعة ومحمد هارون وكل من عشق دوحة الشعر الوريفة ..
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: منتصر حسن محمد)
|
منتصر العزيز
| Quote: سلااااااااااام بت أمي الرائعة |
سلااااااااااااااام ود امى الرائع
| Quote: لاتكفي عن الألق فنحن بدونه عطشي ..... |
لن يكون للالق بدون وجودكم رونقا ولمعانا وزوهوا فكونوا فى الجوار دوما
Quote: ( يحفظك الله ويغطيك من عينهم
حتي الولد الغيااااااظ داك شايفاهو
ربي يحفظك منو ...؟ ومن غيرو يااااااارب ) |
ربنا يسمع منك ويغطى على ذلك العاشق الغياااااااااااااااظ يارب
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Mohammed Haroun)
|
محمد هارون
Quote: أشعارك حلوة ولها مدلولات عميقة وزي ما شايفه محسوبك جرفه التيار ساكت وقلت عاوز أجاريك لكن شتان ما بين الثرى والثريا.... آمنت بأن الشاعر يولد شاعراً.
لكي كل الود ومزيد من الألق يا مبدعة |
تسلم على هذه الاريحية ..ولست انا الثريا ولاانت الثرى ..ولكننا عشاق فى محراب الدوحة الشعرية نحاول ان نصل الى عاليات نخيلها الباسق..
كن بخير
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
الأخت العزيزة نادية
الفردوس قد يكون قلب حبيبة حانية رقيقة أو قرية جميلة عشت فيها أجمل أيام الصبا الحلوة الندية. فمنذ أن أصابني داء الرحيل كما قال كاتبنا الطيب صالح أمد الله في عمره لم أجد في هذه الدنيا فردوساً اطيب من قريتي التي قضيت فيهاأيام طفولتي وصباي ولم أجد فراشة أظلتني بحبها وحنوها غير جدتي الحنونة. إن معاناتي مع الغربة والبعد عن الديار والأهل قد عاشها قبلي الشاعر العظيم أوليفر جولد سميث فجسدها شعراً في قصيدته المعروفة (القرية المهجورة) التي يعن لي أن أذكرك بأبيات منها كما ترجمها الأديب الدكتور زاخر غبريال:
قريتي .. كم تهت في الماضي على الوادي جمالا
وعلى شطيك خصب ونماء
يملآن قلب أهليك سرورا
كم مشى فيك الربيع المزهر
باسماً قبل الأوان
وتأتى الزهر في الصيف طويلا
محجماً قبل الوداع
مرتع اللذات أيام الصبا
كم على أعشابها قد طال لهوي ومراحي
أقطف اللذات من كل جنى
وأرى في كل ركن مرتعا
المروج الخضر والكوخ الصغير
والغدير الهادر الموج صباحاً ومساء
والطواحين أشرأبت للسماء
في عجيج صاخب
وقباب طوقت معبدها
وتعالت تسبق التل إلى قمته
وشجيرات من الشوك استقرت
تحت ظل وارف
هو بالعشاق أولى مربعا
كم حلا لي كل يوم أن أمني
بغدي أمسي ويومي
فغدي يحمل لي شيئاً جديدا
كل يوم كان في القرية لي يوماً سعيدا
حينما كنا جماعات من الجد نفيق
وجماعات إلى اللهو نعود
تحت أغصان وظل وجنى
كلنا فتيان لهو تعبث
أو شيوخ من بعيد ترقب
خفة تنساب قفزاً وصياحا
وفنون من ألاعيب الشباب
كلما فنا مللنا, جدد الفن فنونا
كم ظللنا: كل مثنى في سباق
أينا ينهك في الرقص إلى الأرض الرفيقا
والفتى الريفي يعرو وجهه المغبر شبه الخجل
بينما ضحك خفي شاع كالهمس الرقيق
والعذارى أعجبت ترنو افتتانا
مجفلات خفرات
بينما النسوة عين كلها لوم وعتب
هكذا كانت فتون القرية
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Emad Abdulla)
|
بت خالتى تحياتى
تعرفى يا بت الخالة ما كنت فاكرك بكاية كده
وكما قال ود دفع الله ..مختار
تانى كاتب لى خبارك
انت فاكر انو قلبى لسع تايه
فى مدارك...دى الديار خليتا زاتا
لما ضاقت بى ديارك
جيت تنمق فى اعتذارك
يا جميل الرجعة لا لا لا
كونى ارجع ليك تانى مره
الف مليون استحالة
ده الجرح من ما استمرا
لا حصل طيفك غشانى ولا مرا
فى زاكرتى مرا
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Emad Abdulla)
|
النبيل عماد عبد الله
Quote: الجميلة .. والوحش ) ..
سلام
( وش مقبل على خلق الله الكتار في حضرة نشيدك ده ) :
آآآآ ناس المهله ..
ح تشربو ما تروو
نادية يا كتّابه .. أدينا
كمان ..
( على قول أحمد بدير ) |
عماد ياملك الاريحية والدم الخفيف ..بوجود امثالك فى المنبر يطيب لنا المقام رغم كل شئ !!!
كن دوما بالف خير ولاتحرمنى اطلالتك البهية من على بيوتاتى الاسفيرية ..سمح ؟
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
من البحر اليك
الوريفة نادية عثمان
ياسمراء ياواضحة
Quote: قايلنى جيت أشكى ؟!!
أبدا وحاة حبك
انا جيت ابارك ليك |
تحياتى واماقبل :
احيكى على هذا البوح الشفيف ولكى ماتريدى من الحمى
اهديكى ماقاله سيف الدين الدسوقى :
الشاعر يسمع صوت الحسن ويحسن كل فنون القول ولكن ان يحى فى الانسان احساس او يصنع اعصاب من اللياف لتكون مكان الحس فى الانسان لو كان بالامكان ....
حقا صنعتى فينا هذا الاحساس واحييتى تلك الاعصاب الميتة .... شكرا لكى ايتها الشاعرة الانسانة ..
لك الوفاء ثم الوفاء
ايمن هارون
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Munir)
|
الرائعة جميلة الدواخل نادية
قايلنى بترجاك
واحلف عليك ترجع ؟
ابدا وحاة المر
الكان شراب أنجع .
لي كم يوم داير اعلق بس
وحاتك ضاعت مني الكلامات وغلبتني الحرف
عشان اعبر
بس داير اقول في حضرتك يكون الصمت ابلغ
وتحلو القراة
مع حبي مدثر تيف تيف
| |
|
|
|
|
|
|
|
|
|
Re: وايه دخلنا نحن ؟؟ (Re: مدثر محمد ادم)
|
احترم نادية ككاتبة .. لكن شعرها فيه قولان .. واعتقد ان الانكسارات العاطفية او النفسية تحتاج الى طبيب وليس الى شعر بارد وباهت مثل الذى طرحته نادية عثمان .. واختلاف الراى لا يفسد للود قضية
شاك
| |
|
|
|
|
|
|
|
|
|
Re: وايه دخلنا نحن ؟؟ (Re: shak)
|
لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك
| |
|
|
|
|
|
|
|
|
|
Re: وايه دخلنا نحن ؟؟ (Re: shak)
|
Quote: Re: وايه دخلنا نحن ؟؟ (Re: shak)
لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك |
shak
ما هكذا يكون النقد !!
الناقد يكتب وجهة نظره ، لان كاتب الحروف لا يري ما فيها من اخطاء ..
ان كانت كل الكتابة في وجهة نظرك لا تعني شيء او اضافة بامكانك تجاهلها بدلا من ان تبخسها ..
و لسان حالك يقول
بحثت عن مشاركاتك في المنتدي منذ بداية العام الحالي .. فلم اجد الا الاتي:
Quote: Re: وايه دخلنا نحن ؟؟ 17-02-06, 05:33 م, shak
Re: وايه دخلنا نحن ؟؟ 17-02-06, 05:37 م, shak
Re: جمعـية أصــــدقاء اســرائيل 02-02-06, 02:04 م, shak
Re: عاجل عمليات اعتقال عشوائى للسودانيين بالقاهرة 30-12-05, 11:00 ص, shak
لماذا لا تكتبى عن ابادة اللاجئين فى القاهرة 02-01-06, 11:34 ص, shak
Re: ** مساهماتكم : لرفع دعـوى دستوريــة ضد قانون ضرائب المغتربين** 14-08-05, 12:14 م, shak |
وهذا ارشيف الصف الثاني من 2005 !!!!!
Quote:
أرشيف المنبر العام للنصف الثانى من عام 2005
يا ناس ليفربول افيدونى 16-12-05, 10:04 ص, shak
منو البعرف الحكاية دى ؟ 13-12-05, 04:45 م, shak
Re: لماذا تفاجئنى ؟ 07-11-05, 10:02 ص, shak
الى نفيسة محمد ,رتردام ,هولندا 17-10-05, 11:56 ص, shak
Re: (قذافي السودان) حمد الريح يتبرأ من العروبة ويرتمي في حضن افريقيا 03-10-05, 03:22 م, shak
Re: مــاذا لن يقر ر سلفا كير ذلك .. والمحمية ليست هى المكان المناسب 01-10-05, 04:31 م, shak
اوقات للقلب .. اوقات للمسغبة 27-09-05, 02:44 م, shak
Re: قصــة طيفور من قرية الحضور وسليمان عبد الجليل فى باب المعرفة 03-10-05, 03:44 م, shak
Re: كسير تلج لي ناديه عثمان 18-09-05, 01:01 م, shak
Re: سـودانـيـون في معســكرات الذل !!!!! 06-10-04, 01:41 م, shak
وانا اشتاق اليك 23-05-05, 04:09 م, shak
Re: وانا ... يا نادية عثمان 24-05-05, 10:58 ص, shak
|
ماذا قدمت انت !!!!
الاستاذة نادية قادرة علي الرد عليك و لكن المعجبين بكتابتها و انا احدهم لا اقبل طريقة نقدك...
الاستاذة / نادية عثمان
اسف لخروجي عن صياغ البوست.
(عدل بواسطة فيصل نوبي on 02-17-2006, 07:32 PM)
| |
|
|
|
|
|
|
|
|
|
Re: وايه دخلنا نحن ؟؟ (Re: shak)
|
Quote: دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك |
وهذا نقد موضوعى ولغة رفيعة ومهذبة جدا يعجز قلمى المتواضع عن الرد عليها ..احترامى لوجهة نظرك مجددا !!
وكن بخير شاك
| |
|
|
|
|
|
|
|
|
|
Re: وايه دخلنا نحن ؟؟ (Re: shak)
|
| Quote: احترم نادية ككاتبة |
..
اشكرك ..واحترمك جدا
| Quote: لكن شعرها فيه قولان .. واعتقد ان الانكسارات العاطفية او النفسية تحتاج الى طبيب وليس الى شعر بارد وباهت مثل الذى طرحته نادية عثمان .. |
اشكرك مرة اخرى جزيل الشكر ..واحترم وجهة نظرك !!
| Quote: واختلاف الراى لا يفسد للود قضية |
اختلاف الرأى لايفسد للاحترام واللغة المهذبة والموضوعية بين الناس اى قضية بالطبع ..الف مرحبا بك دوما اخى شاك
نادية
| |
|
|
|
|
|
|
|
|
|
Re: وايه دخلنا نحن ؟؟ (Re: نادية عثمان)
|
Quote: لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك |
Shak!!
u really shocked me
Don't hate, man, appreciate
everybody has a uique taste, so if u dont like what she wrote, that means it's not written for u
spread luv n' kill hate
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: مدثر محمد ادم)
|
النبيل مدثر محمد ادم
Quote: لي كم يوم داير اعلق بس
وحاتك ضاعت مني الكلامات وغلبتني الحرف
عشان اعبر
بس داير اقول في حضرتك يكون الصمت ابلغ
وتحلو القراة |
تعليقك ولو عبر المرور الصامت فهو مبعث سعادتى دون شك ايها الرجل النبيل
وحديثك الطيب شهادة اعتز بها ايما اعتزاز ..شكرا بهيجا
وكن بالف خير دوما
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Munir)
|
العزيز منير
| Quote: قمة الروعة يا نادية ـ كلمات مموسقة وسلسة وموزونة وخفيفة تطفو علي بحر من المعاني عميق بلا حدود |
واحة الشعر مرافئ نتكئ عليها ..بحر نخوضه بلا مجداف ..وان غرقنا فحبا فى حروفه الغراء
شكرا لمرورك الباهى وكن بالف خير
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: khaleel)
|
الاكرم خليل
Quote: اسماعيل حسن برغم رقته
انتفض وكتب اجمل قصائد الكبرياء
حلفتك يا قلبي
حلفتك بربي
الخانك تخونو
والفايت غرامك
اوعك يوم تصونو
زي ما ابكي عيني
سهر لي عيونو
اوعي تقولي تانيط
ما بنعيش بدونو
ايه في الحب لقينا
غير همو وشجونو |
تسلم ويسلم اسماعيل حسن من كل شر يارب
انها سطوة الحب ياخليل ..ويالها من سطوة !!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
حرف نازف
انا حرفى زول مجروح
نازف وباكى وحيد
محتاج لضمة حب
ولهمسة اعلان ريد
حرفى التعيس ندمان
مأزوم وقع زى صيد
شان قال كليمة حق
بقى حرفى ديمة طريد
سارح وتائه جد
حرفا لقيط وشريد
سجنوهو ماهماه
ختو النقط فى القيد
حرفى المناضل ثار
مابخاف هتاف ووعيد
لو جابو ملك الموت
انا حرفى مارعديد
حرفى العشوق ولهان
بيشبه صباح العيد
لابخاف سلاح لا دم
لابخاف عيون الغيد
انا حرفى ديمة ولوف
مرهف مثالى شديد
بس حاشا مابيخاف
من ضابط اصلو عقيد !!!!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
حرف غريد
حرفى الولوف وبشوش
زول بعشق الالحان
ماسور جمال الروح
وبيقدّر الانسان
لاعمرو حقّر زول
لا جاب قبيح قولان
حرفا بيشع بالنور
وبالحب دوام تريان
لكنو نغمة نشاز
مالاقى ليهو مكان
ساحة حرب وخصام
وخيول بدون فرسان
تعبان شديد حرفى
مهموم وجد حزنان
ورغم الظلم والجور
مافارق الحبان
جاك الحرف بدموع
عارف حداك حنان
ضمو وكمان داويه
من قسوة الخلان !!!!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
حرِف ولهان
ليه يا حرف ولهان
مهموم ومتألِّم؟
شايفك قِبيل نديان
لي روحي بتعلّم
نورك يضوّي أمان
ما خلّى شي مضلِّم
ما كنت بتسلِّم
وبي هواك متكلِّّم
شايل المحبة سلاح
بتنادي للأفراح
ناسي القديم الراح
ليه جيتني متظلِّم
يا حرف يا ولهان
أرمي السلاح.. سلِّم
هاك وردة من بستان
وارف ندي ورويان
والوردة نادية كمان
وعبيرا يشفي جراح
ويجدد الأفراح
يا ملهم الأرواح
يا حرف يا ولهان
ما تجيني متظلِّم
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
حرف مجنون
واقف علي رمشك
مستني جنب القيف
خايف خطاه تتوه
والقلبِ فيهو وجيف
في وحدة يتأمّل
سامع وراهو حفيف
جاييهو من همسات
ساحرة ونغيما ظريف
تغريهو بي جنّات
مخبوءة في الوجنات
في ظلِّ هادي وريف
قال ليها هوي يا عيون
أنا حرْفِ هادي حنون
بحرك عميق مسكون
عايز حرِف مجنون
أو حرْف سيدو حريف
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Mohammed Haroun)
|
محمد هارون الغالى
وشقيقه ايمن هارون الغالى
Quote: وشقيقي أيمن هارون أهداك ما قاله سيف الدين
الدسوقي. شايفة إنت كيف عزيزة على أولاد عمك هارون. |
انتو الاتنين اروع هدية للدنيا من عم هارون والله
وانا سعيدة بيكم وبى الزمان المانى بيكم جدا ياشباب زى الورد
خليكم هنا دائما ..سمح؟
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
Quote: حرف مجنون
واقف علي رمشك
مستني جنب القيف
خايف خطاه تتوه
والقلبِ فيهو وجيف
في وحدة يتأمّل
سامع وراهو حفيف
جاييهو من همسات
ساحرة ونغيما ظريف
تغريهو بي جنّات
مخبوءة في الوجنات
في ظلِّ هادي وريف
قال ليها هوي يا عيون
أنا حرْفِ هادي حنون
بحرك عميق مسكون
عايز حرِف مجنون
أو حرْف سيدو حريف |
حرف مشتاق
حرفى الولوف مشتاق
والشوق حريق فى الجوف
كايس كلام الريد
موجوع سنين بالخوف
حرفا بسوم ضحاك
من حبو ياما تشوف
### ### ###
حرفى العشوق رياد
مليان غنج ودلال
من قلبو بهوى عديل
كم للرياحين مال
حرفى الشموخ بالجد
دهب السبايك سال
حرفا شفوق ملتاع
بينادى زولو تعال
حرفى الوديع وحنون
جاك يجرى فى استعجال
قال ليك نعم ياحبيب
نستكمل الموال !!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
Quote: حرف مشتاق
حرفى الولوف مشتاق
والشوق حريق فى الجوف
كايس كلام الريد
موجوع سنين بالخوف
حرفا بسوم ضحاك
من حبو ياما تشوف
حرفى العشوق رياد
مليان غنج ودلال
من قلبو بهوى عديل
كم للرياحين مال
حرفى الشموخ بالجد
دهب السبايك سال
حرفا شفوق ملتاع
بينادى زولو تعال
حرفى الوديع وحنون
جاك يجرى فى استعجال
قال ليك نعم ياحبيب
نستكمل الموال !! |
حرِف تائه
يا قلبي يا ولهان
في الريد مشيت مشوار
ما شلت هم للموج
سابح مع التيار
والريد دا بحرو عميق
لي نهايتو ما في قرار
في الجوف درر لكين
محفوفه بالأخطار
فيهو الهموم والخوف
وخزاين الأسرار
فيهو الهَنا المنشود
وسعادة واستقرار
بس فيهو عدم النوم
وصعوبة الأسفار
يا قلبي يا ولهان
ما تنسى ما تنسى
حرفك كتبتو دموع
مجروحة تتأسّى
بس حرفك التائه
ما بيبقا ليك مرسى
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: ودقاسم)
|
الغالى ود قاسم
| Quote: جيت ، استمتعت ، وقلت أسلّم وأقول ليك شكرا ... |
شكرا كده حاف ؟!!
بدون لاقصيدة لاوعد بالعودة لا شئ ..لا شئ ؟!!
لاياعزيزى ود قاسم انا فى انتظار رائعات شعرك الجميل وعارفاك كريم ومابتبخل علينا ابدا !!
كن بالف خير وفى انتظارك !
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: نادية عثمان)
|
Quote: حرف ملتاع
حرفي الحزين ملتاع
يبكيــك نص الليل
يافل بيــن الورد
منظوم في الإكليل
******
حرفي الجريح وعليل
من هجرك القتــال
ياجدية بين الريم
تزدان نضار وجمال
*******
حرفي المعذب ديمة
يهديك اعـذب فال
ياأرق مـن نسمات
رويانة من النيل |
راجعة ليك بمزااااج بعد الانتهاء من خبر انفلونزا الطيور ..معليش ..سمح ؟!
| |
|
|
|
|
|
|
|
|
|
Re: رسالتى الاخيرة الى من أنزلته من الفردوس !!! (Re: Mohammed Haroun)
|
| Quote: إذن أنتظرك أيتها النيلية الحانية على قارب قرب الشاطيء لنجدف معاً إلى شطآن المحبة. أعرف أن الأمواج العالية سترهقنا فتضنينا لكن تذكري إننا نسير على خطى الأنبياء. |
نعم ..هى خطى الأنبياء ..ولكن لاتنسى انه حتى الأنبياء لم يسلموا من اذى عشاق الشر المستطير ..فرموا فى طريقهم القاذورات والسنة اللهب ..فهل نستطيع تغيير خارطة الشر فى نفوس الآدميين ؟!!
| |
|
|
|
|
|
|
| |
ALGARADABI
خدر
احمد العربي
munswor almophtah
فيصل نوبي
ابو جهينة
Muna Khugali
bushramk
khaleel
Mohammed Haroun
عبد الله عقيد
سجيمان
بلدى يا حبوب
ايوب عبدالرحيم
Sahar Abdelrahman
Yassir Tayfour
عماد شمت
Emad Abdulla
waleed500
ayman haroun
عشة بت فاطنة
Munir
Kostawi
انعام عبد الحفيظ
AMNA MUKHTAR
ودقاسم
Dr. Moiz Bakhiet
فيس بوك
تويتر
انستقرام
يوتيوب
بنتيريست