عـرس الـشهـــــــــيد

مرحبا Guest
اخر زيارك لك: 03-28-2024, 10:55 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-08-2006, 05:47 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
عـرس الـشهـــــــــيد

    ؟؟!!
                  

02-08-2006, 06:04 AM

shammashi
<ashammashi
تاريخ التسجيل: 03-10-2002
مجموع المشاركات: 2278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    إنت يا إدريس عندي سؤال من زمان مجنني.
    الجماعة البيموتوا في حرب دارفور (من طرف الحكومة) ديل ليه ماقاعدين يسووا ليهم عرس الشهيد زي بتاعين الجنوب.

    يكون ياربي ناوين يسووا ليهم عرس شهيد جماعي بعد لاهاي؟؟؟
                  

02-08-2006, 06:45 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: shammashi)

    shammashi

    سلامات يا حبيب

    الحور العين قالن ما دايرات جنجويد والجنجويد بره عرس الشهيد

    محبتي واحترامي
                  

02-08-2006, 07:14 AM

shammashi
<ashammashi
تاريخ التسجيل: 03-10-2002
مجموع المشاركات: 2278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    بس يكون دا السبب.
                  

02-08-2006, 09:22 AM

Mutwali Malik
<aMutwali Malik
تاريخ التسجيل: 12-08-2005
مجموع المشاركات: 2720

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: shammashi)

    نكتة
    واحد قريبي رباطابي جوهم الجماعة وهم يهللون ابشر ياحاج ولدك الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال اديها طلقة عشان تحصل الجرتق
    موضوع حيوي نرجو من الجميع المشاركة
                  

02-08-2006, 11:11 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: Mutwali Malik)

    الاخ/ متولي مالك

    تحيه عطره

    واحد بلدياتنا جوهو الجماعة قالوا ليهو ولدك استشهد في الجنوب واقامو الزيطة المعهودة .. بعد سنه الولد جاء راجع .. المهم بعد استياب الصدمة وذبح الكرامه .. بعد الغداء عندو جارو اسمه محمد صالح (حلفاوي ساخر) سأل الابن العائد يا محمد يا أبني انت جيت راجع براك مالك وين العروسة ولا اختلفتو طلقتها.

    كل الود
                  

02-08-2006, 01:23 PM

هشام هباني
<aهشام هباني
تاريخ التسجيل: 10-31-2003
مجموع المشاركات: 51288

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    الناظر

    موضوع (البعاعيت) بتاع دكتور عبد الماجد يتوافق جدا مع موضوعك ونح في انتظار راي دكتور عبد الماجد؟؟
    وبمناسبة عرس الشهيد في حلقة في العام 1998 من حلقات برنامج (ساحات الفداء) كان المأفون المهندس اسحق احمد فضل الله المتواجد حاليا بتلفزيون السودان واحدا من الذين شاهدتهم في التلفزيون في ذلك التاريخ في حلقة عن (عرس شهيد) وهو امام اهل الميت في بيت العرس وهو يتحدث عن كرامة الشهيد عند دفنه وهو يقول اي اسحق( وعندما هممنا بدفنه وبدأنا نقرأ علي راسه الفاتحة فأتمها معنا الشهيد؟؟) وكبر الحاضرون الطيبون.... وقلت في نفسي ( يا جماعة الزول ده دفنوه حي عديل) ولم نسمع حتي اليوم راي اولئك الدبابين والمهووسين في رد اعتبار لرفاقهم الشهداء بعد تصريحات المدعو حسن الترابي عاقد نكاحات الحور العين كلها حينما صرح بانهم كانوا فطايس؟؟؟؟
                  

02-08-2006, 04:16 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: هشام هباني)

    Quote: وبمناسبة عرس الشهيد في حلقة في العام 1998 من حلقات برنامج (ساحات الفداء) كان المأفون المهندس اسحق احمد فضل الله المتواجد حاليا بتلفزيون السودان واحدا من الذين شاهدتهم في التلفزيون في ذلك التاريخ في حلقة عن (عرس شهيد) وهو امام اهل الميت في بيت العرس وهو يتحدث عن كرامة الشهيد عند دفنه وهو يقول اي اسحق( وعندما هممنا بدفنه وبدأنا نقرأ علي راسه الفاتحة فأتمها معنا الشهيد؟؟)


    هسي عليك الله جنس الدفنوهو حي نقول عليهو شهيد ولا شليق ؟
                  

02-08-2006, 10:30 PM

Yassir Tayfour
<aYassir Tayfour
تاريخ التسجيل: 08-18-2005
مجموع المشاركات: 10899

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    عرس الشهيد
    و بعد ده كلوا فى ناس لسا عندها اعتقاد فى الشيخ المسن المخرف ده، و مووش كده و بس، كمان بفتكروا هم افهم و اعلم و اعظم ناس!!!



    طابعا مافى كوز حا يجيكم بى هنا، الا يكون شليق \ى الشهيد الدفنوهو حى داك....


    واحد من اهلنا ناس الذيداب اسمو ابو خديجة من كيزان التسعينات، عملو ليهو عرس شهيد مبالغة، الناس جات شايلا دلاليكا و تغنى، فاتحة مافى، زقاريت ساكت...قام واحد من الكيزان يخطب، قال والله انى رايت ابو خديجة فى الجنةو ان اب خديجة لاب لاب قرب يقول صلى الله عليه و سلم، اها العرس فرتك و كلو زول طلع شجرتو, اها بعد اسبوع بس ابو خديجة يظهر فى بانطون الزيداب عشان يمشى اهلو بى الغرب...و الناس بقت تنظر ده هو ؟؟؟ لا لا ده ما هو!!! قالو ليهو ابوخديجة!!! قال اى ده انا ظاااااتو ....الجماعة بقوا يقرقوا و يضحكوا
    فى واحد قطيم قال ليهم ابو خديجة طردوهومن الجنة عشان اكل من الشجرة الاكلت منها حوااء

    تخيلوا!!! بهذه العقلية تحكمنا الجبهة الاسلامية، و الادهى و الامر من ذلك ان تجد من يدافعوا عنها ايما دفاع
                  

02-08-2006, 10:59 PM

ABDELMAGID ABDELMAGID

تاريخ التسجيل: 09-09-2005
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: Yassir Tayfour)

    ود اخوى الناظر ادريس
    مشتاقين كتير و الله
    ات خليا حكاية عرس ( الفطيس ) دى ... انا ما محيرانى الا حكاية ( الدبابين ) البقو ( دعت ) انترنت و تحولهم الدرامتيكى من أخوان نسيبه الى ( أخوان وداد !!!! )
    كسرة
    هشام هبانى قلت لى الزول نضم ميت عديل كدى ؟؟؟؟ طيب ( اسحاق فضل الله ) ده ما كان اصوروا لينا بكاميرا التلفزيون !!!!
    عبدالماجد
                  

02-09-2006, 04:51 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ABDELMAGID ABDELMAGID)

    دكتور عبدالماجد أخوي
    والله الشوق بحر

    Quote: حكاية ( الدبابين ) البقو ( دعت ) انترنت و تحولهم الدرامتيكى من أخوان نسيبه الى ( أخوان وداد !!!! )


    مستغرب ليييه دا ما فقه الضرورة ..كل مرحلة نفصل التوب المناسب .. مرة نسيبة ... ومرة وداد.

    Quote: هشام هبانى قلت لى الزول نضم ميت عديل كدى ؟؟؟؟ طيب ( اسحاق فضل الله ) ده ما كان اصوروا لينا بكاميرا التلفزيون !!!!
    هشام هبانى قلت لى الزول نضم ميت عديل كدى ؟؟؟؟ طيب ( اسحاق فضل الله ) ده ما كان اصوروا لينا بكاميرا التلفزيون !!!!

    كدي اسأل شكرالله خلف الله لمخرج .. قول ليهو الكلام دا ممكن يحصل؟ .. انشاء الله في مسلسل

    خالص التحايا
                  

02-09-2006, 04:45 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: Yassir Tayfour)

    الاخ/ ياسر طيفور
    عاطر التحايا

    انت عارف ياياسر ابليس يكون محتار لي يوم الليلة يكافئو بي شنو.

    كل الود
                  

02-09-2006, 01:11 AM

Alshafea Ibrahim

تاريخ التسجيل: 12-12-2004
مجموع المشاركات: 6959

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    التحية والتقدير أخي إدريس

    تخيل شهيد عملوا ليهو عرس وسلموا زوجته وأطفاله الفيها النصيب ، وقبلت زوجته الحال الجديد (أرملة شهيد) لكن تخيل ؟؟
    رجع حي يرزق مع شهداء آخرين مفترضين بعد توقيع اتفاقية السلام ومفاجأة المرحوم البطل د. قرنق
    لك أن تتخيل هؤلاء الحكام الجدد ؟؟ ماذا نسميهم ؟؟ وربي الشيطان مستغرب وخايف منهم؟
    مع شكري
    الشفيع
    الدمام
                  

02-09-2006, 04:58 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: Alshafea Ibrahim)

    الاخ/ الشفيع ابراهيم

    عاطر التحايا

    ما اثار استغرابي من اين اتي هؤلاء بالمرجعية .. لم نسمع بعرس الشهيد في مذاهبنا الاربعة ولا حتي في المرجعية الدينية في النجف وقم .. حتي ولم يسبقهم احد علي مثل هذا العمل من قبل .
    أكسر يمين:
    يكون جابوها من صحيح الترابي .. يجوز.

    محبتي واحترامي
                  

02-09-2006, 01:17 AM

ahmed haneen
<aahmed haneen
تاريخ التسجيل: 11-20-2003
مجموع المشاركات: 7982

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    ادريس والأخوان الشهداء

    تحياتي

    عقبال عندكم

    وانشاء الله الجماعة ما يكونوا كملوا الحور العين

    وزي ما قلت يا ادريس

    اشمعنا الحور العين رفضوا الجنجويد
    الحكاية فيها تفرقة عنصرية ولا شنو ؟؟

    ويبقي السؤال

    ماهو مصير اولئك الشباب الذين غرر بهم وتم خداعهم
    وسوقهم قسرا لتلك الحرب القذرة ؟؟ والتي تنصل منها
    عرابها الترابي؟؟؟؟

    ماذا نقول لأم فقدت ابنها الوحيد في تلك المجزرة؟؟
    ماذا نقول لطلاب معسكر العيلفون الذين اعدموا قصدا؟؟

    لماذا يبقي هذا الأسحق الي الي الأن في اجهزة الأعلام؟؟

    وين الود الغناي شنان وقيقم والنار ولعت ؟؟

    بجيكم بي مهلة
                  

02-09-2006, 05:20 AM

gamal elsadig
<agamal elsadig
تاريخ التسجيل: 07-07-2005
مجموع المشاركات: 3076

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ahmed haneen)

    اولا لابد ان نترحم على الاموات الذين قتلوا في هذه الحرب اللعينة ونسال الله لهم المغفرة ..

    نعم إن الحرب قذرة .. و الانقاذ حولت الحرب في الجنوب الى حرب دينية واخذاعلام الضلال يروج الي ذلك للشعب السوداني في الداخل اما في الخارج فان الحرب حرب سياسية هروبا من الادانة الدولية.
    اي ان قيادة الانقاذ ظلت تخدع الجميع حتى منسوبيها من (المجاهدين) .

    كثيرا من نعرفهم ومن لا نعرفهم ذهبوا طوعا او قسرا الي الجنوب وباهداف مختلفة منهم من كان يؤمن حقيقة ان الذي يذهب اليه هو الجهاد وانهم موعودن بالجنة .. ومنهم من كانت له اهداف اخرى مختلفة ومنهم من اجبر على الذهاب .

    الاحتفال الذي كان يقام وماعرف بعرس الشهيد وهو عنوان هذا البوست انا اعتبره من البدع التي اتت بها الانقاذ بكل ما فيها ؟؟
                  

02-09-2006, 05:28 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: gamal elsadig)

    الاخ/ جمال الصادق

    تحيه وسلام

    شاكر لك المرور والاضافة القيمة . التي لاتحتاج الي تعليق.

    محبتي واحترامي
                  

02-09-2006, 05:24 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ahmed haneen)

    المقاتل احمدحنين

    تحيه وسلام

    Quote: اشمعنا الحور العين رفضوا الجنجويد
    الحكاية فيها تفرقة عنصرية ولا شنو ؟؟

    والله يا احمد اخوي دي اظن ان فقه المرحلة اكتفي بشهداء الجنوب.

    Quote: ماهو مصير اولئك الشباب الذين غرر بهم وتم خداعهم
    وسوقهم قسرا لتلك الحرب القذرة ؟؟ والتي تنصل منها
    عرابها الترابي؟؟؟؟

    ديل اعتقد انهم مابين فطيس وشليق. علا دمهم معلق فوق رقبة من زج بهم الي تلك الحرب.

    Quote: لماذا يبقي هذا الأسحق الي الي الأن في اجهزة الأعلام؟؟


    الظروف ما معروفة بدل يدربو ليهم واجد جديد علي الكذب .. عندهم كذاب جاهز .

    في انتظار جيتك

    كل الحب

    (عدل بواسطة ادريس خليفة علم الهدي on 02-09-2006, 06:08 AM)

                  

02-09-2006, 05:42 AM

بكري اسماعيل

تاريخ التسجيل: 12-29-2005
مجموع المشاركات: 1041

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    شقيقي ادريس ماك طيب

    يا خوي العقد طلع باطل بشهادة المأذون ..

    محبتي ،،
                  

02-09-2006, 06:01 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: بكري اسماعيل)

    الشقيق / بكري اسماعيل

    تحيه عطره

    Quote: يا خوي العقد طلع باطل بشهادة المأذون ..


    في الحالة دي مصير الزوجات شنو ؟
                  

02-11-2006, 07:54 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    من أكثر الاشياء التي كانت تثير حيرتي في برنامج ساحات الفداء .. اللقاءات التي كانت تتم مع الشهداء .. يجيبو ليك واحد يتكلم ... وتحت مكتوب الشهيد فلان . وكأن وراء الموضوع شيئ ما.
                  

02-11-2006, 10:53 AM

wadalzain
<awadalzain
تاريخ التسجيل: 06-16-2002
مجموع المشاركات: 4701

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    توفى احدهم من الجريف فى الجنوب جو جماعتك من هناك يهللوا ويكبروا ابشرى يا أم الشهيد ابشرى وينى امو, لاقاهم ابوهو قال ليهم فى شنو قالو ليهو ولدك كاتب خطاب لامه يسلم عليها ويطلب العفو ,ابوهو قال ليهم ادونى الجواب جاى الولد امه متوفيه ليه خمسه سنوات, فاسقط فى يدهم واصابتهم هاء السكت.
                  

02-12-2006, 06:13 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: wadalzain)

    العزيز ود الزين

    تحياتي

    Quote: قالو ليهو ولدك كاتب خطاب لامه يسلم عليها ويطلب العفو ,ابوهو قال ليهم ادونى الجواب جاى الولد امه متوفيه ليه خمسه سنوات, فاسقط فى يدهم واصابتهم هاء السكت.

    الجماعة ديل الكذب ما جديد عليهم .. نعيش ونشوف

    محبتي واحترامي
                  

02-15-2006, 05:02 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    شركة الانقاذ للانتاج السينمائي
    تـــقــــدم

    الفلم الحائز علي جائزة الاوسكار ولأول مرةفي العالم يحوز فلم علي هذا العددمن الجوائز
    1-الفكرة
    2-الاخراج
    3-التمثيل
    4-الانتاج
    5-الموسيقي التصويرية
    بإجماع كل النقاد والمشاهدين من أقاصي الارض وأدانيها - مسليميها مسيحيها ويهودها وحتي من لادين لهم - الفلم الكبير والمثير والمشاهدة مجانا ما محتاجين فلوس بس محتاجين عقول . الفلم الكبير :
    عــــــــــرس الـــشــــهـــــــــــيــــــــــد

    (نواصل)
                  

02-15-2006, 05:23 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    خلفية بسيطة عن بطل الفلم (الشهيد)
    الشهيد في هذا الفلم مواطن سوداني بسيط طالب ، موظف ،جندي ، ضابط قوات مسلحة وغيرهم ممن يرغب في الاستشهاد والموت في سبيل الله لدخول الجنة (كالمتدافعين في رمي الجمرات ابتغاء الموت) أو من غسل دماغه بالفكرة (محاربة النصاري)والجميل في الفلم ان كل من استشهد قبل استشهاده كان هناك لقاء متلفز معه قبل استشهاده وهذه احدي الاسرار في الاخراج نائل الجائزةوسوف نأتي اليها في تحليل الفلم.

    العرس أو الزواج :
    كما نعلم أن الزواج أو النكاح هو عقد بين اثنين رجل وامرأة وله في الشريعة الاسلامية شروط الكل يعلمها وهي :
    1- اركان العقد
    2- محل العقد
    3- شروط صحة العقد:
    أ- الاهلية
    ب- القبول والايجاب
    ج- الاشهار
    د-غيرها من المسائل الشرعية والقانونية الموضوعية يا ناس القسيمة والمأذون ...!!!
    ( نواصل )

    (عدل بواسطة ادريس خليفة علم الهدي on 02-15-2006, 05:34 PM)

                  

02-16-2006, 07:12 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    ندلف الي موضوع الفيلم الاساسي :
    يدور موضوع الفلم والحدوتة بسيطة ابسط من افلام اسماعيل ياسين وان كانت الاخيرة مضحكة أومسلية في أسوأ الظروف – لكن هذه حدوتة تراجيدية مبكية جدا – ولاضحايا فيتنام – من الامريكان – ناس ماشة حرب ما عارفة دروبها ولا تدريبها ولا الايدولوجيا الاساسية منها .. شباب مشحون بكل أنواع الشحن الايدولوجي .. وطبعا الايدولوجيين احسن من يقنِع بالفكرة وخاصة لمن تكون الفكرة دينية صميم قلب المسلم .
    دي الفكرة الاساسية للفلم (حرب صليبية بين الاسلام والكفار) في احراش افريقيا والاسلام مهدد وجنود الله يحمونه.
    السيناريو والحوار:
    يتم هذا السيناريو والحوار وفق احداث بسيطة – هي لله هي لله والله اكبر ، روسيا وامريكا دني عذابهما ، خيبر خيبر يا يهود جيش محمد سوف يعود وارمي لي قدام ، هبي هبي رياح الجنة وناس ماشة لي قدام وترنم زي المنومين مغناطيسيا .
    التمثيل :
    اما من ناحية الممثلين ديل علي قفا من يشيل سواء ممثليين حقيقيين أو مستعارين .
    الاخراج :
    هذه النهمة الصعبة – المسألة ما حرب صليبيين حقيقية يقوم الاولاد ديل يسوها جد – راجمات ، عربات في الوحل ، قطاطي ،ادغال .. الخ وناس تكبر وتهلل .. حاسب صور اقطع شهيد وقع كبر ارسل الخرطزم شهيد موسيقي تصويرية دن دن دن .
    التمويل والمونتاج:
    مافي مشكلة مؤسسة شباب الوطن ، اخوات نسيبة ، مؤسسة الزبير الخيرية ، مليون مؤسسة ممكن تمول بس قول الحساب كم – انتهي الفلم – عندكم كم شهيد .. عندنا عشرة شهداء من الخرطوم خمسة من كوستي ثلاثة من نيالا – المهم اولاد الخرطوم شفت ليك شهيد بره الخرطوم عملوا ليهو عرس؟ المأذون منتظرهم .

    ( نواصل )

    (عدل بواسطة ادريس خليفة علم الهدي on 02-16-2006, 07:13 AM)

                  

02-16-2006, 11:20 AM

جمال هباني

تاريخ التسجيل: 03-13-2005
مجموع المشاركات: 421

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    ادريس

    سؤال بسيط
    الشهيد الذي عاد من الموت ووجد زوجته تزوجت من غيره حكمه شنو؟

    جمال هباني
                  

02-17-2006, 03:02 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: جمال هباني)

    الاخ/ جمال

    تطلق الزوجة وتخير بينهما
                  

02-18-2006, 01:16 AM

ABDELMAGID ABDELMAGID

تاريخ التسجيل: 09-09-2005
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    الناظر ادريس
    صياحك سعيد
    و ماذا عن الأبناء ؟؟؟؟؟
    تحتى و احترامى
    عبدالماجد
                  

02-18-2006, 02:49 AM

مريم الطيب
<aمريم الطيب
تاريخ التسجيل: 12-18-2003
مجموع المشاركات: 1356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ABDELMAGID ABDELMAGID)


    مصيبة العافية بت نورين

    ((الى أمهات السودان القابضات على جمرة حرقة الحشا))


    اسمي العافية.. ساكنة امبده وعندى تمانيةابوهم فاتهم متل الطير..شالو الشقا والضيم

    خلاهم امانة ..اتحزمت واتلزمت على همى..قلت االعافية.. تقبلى وين فى الزمن الضيم ..

    تقبلى وين فى الزمن الشين وراك تمانية..اياكى يمة ويابة...وكتين الناس الشقيانين

    السهرانين شايلين الليل يتراوحوا لى بيوتهم كسرتى بتمرق..اشيل السوق على باب اللة..

    عليك يااللة تكبر بلة ..تجبر صالح..يشيلوا معاى هم الستة..............

    فرهد بلة شوية وشفت عيونو..دخل ومرق مع الجنيات سقتو مشيت لى جاد السيد سيد

    الطاحونة..قلت لو بلة امانة روحك..ماعندى بلاهو يشيل الشيلة..

    خليهو حداك ..يشيل ويخت اياهو جناك..........

    يجينى المغرب جيعان واغيبش يحننى ..شايل لى مدرسة اخوانو حق اليومية..فرحنا وقلنا خلاص

    تقول اتوظف...........................

    ويوم اتأخر بلة..قلبى نقر الجنا مو سالم..

    اصلى بخاف الكشة..قلت االعافية اصبري شوية..

    ابعدي الشينة.. صبري كمل جريت الشارع..

    وقفت شوية.. اجرجرت على الطاحونة..

    عارفاها بتقفل خمسة.. جادالسيد مصنقر بره..

    قلت لو وووب ااجادالسيد وين بله.. باقي بخاف الكشه..

    قام جاد السيد واتلملمو ناس الحلة......

    جرينا النقطة.. جرينا الشرطة.. نقبل وين ااناس الشرطة..

    نسأل مين.. لقينا الناس كارات كارات زي الطير..

    نقبل وين ونسأل مين.. كمين كمين مفقودين......

    وقف الضابط جمب الباب.. جريتلو سألتو..

    _ وين بله؟؟؟

    _ بله مين ياحاجه؟؟؟

    _ بله وليدي الكبير.. أعاين لي الله وليهو..

    _ اسمو بالكامل ياحاجة؟؟؟

    _ بله عبدالحبار سماعين..

    _ (يقلب ورقة بيده).. ده راح الجهاد اللواء 13

    كتيبة المغيرات صبحا..

    _ (منهارة).. جهاد مع مين.. جهاد ضد مين..جهاد لمتين؟؟

    بتلفحو بله عيون اماتو.. ملاح اخواتو.. طبيق اخوانو

    وبله يتيم...............

    أنبح ليل ونهار زي الطير وعارفه الطير كان شالو جناهو

    تب مابنوم.. أقوقي الليل وأقوقي نهار وحمالتي عليك ياالله

    تفرج الحال.. اليوم في اليوم وبله بعيد مامعروف وين..

    وغيرو كتير.. حالنا سجم.. ويومنا عدم.. وليلنا ندم....


    يوما أسود زي الليل جوني بنات نايرات لابسات..

    فتحت الباب ..

    _ حباب الضيف.

    _ زغردي ياأم بله..

    _ بله رجع..ّّ؟؟؟؟؟؟؟؟

    _ بله شهيد..

    طرت هناك وقعت بعيد.. صرخ البيت.. صرخ الجار.. صرخ الطير..

    مت حييت.. مت حييت.. مت حييت.. ألفين مرة.. شهيد لي منو..

    شهيد لي شنو.. وقفت قويت وقلت...أمرقن بره.. ماهو شهيدكن بله.... بله شهيد أخواتو..

    شهيد الطلبة الضاعو معاهو.. شهيدي..

    شهيد المسؤولية الشالا صغير.. شهيد البلد الطيب وخير..

    بكره بفرهد بله مع أخوانو وتطلعو أنتو جماعة الغفلة..

    بعد يومين جوني جماعة سمان ونضاف.. شايلين سكر وزيت..

    ومية ألف على التربيزة.. صالح واقف بره يعاين.. جاهم داخل..

    حفيان بي لباسو.. وقال لي رئيسهم أطلع بره..

    ضحك الابله وعاين لي.. قلت لو بره.. صالح ماهو صغير..

    صالح راجل وأرجل منك..( وصالح في الكتاب يابنية)..

    قلت لو بره وشيل حاجاتك.. واخجل.. ده تمن بله؟؟..

    جزمة بله أشرف منك ومن الجابك.. ياوسخان ياتاجر الدين..

    فقرانين ااي لكننا شرفاء وقلبنا ثمين..

    قويت يابنية.. قويت وقويت.. فهمت وعيت.. حليل العافية

    ست الكسرة الغافلة الطيبة.. فرطنا كتير.. غفلنا كتير..

    دفعنا جنانا التمن الغالي..

    شالو جنانا مابنسكت..

    حرقو حشانا.. مابنسكت..

    في الزنزانة.. مابنسكت..

    بالجبخانة.. مابنسكت..

    مليون دانة.. مابنسكت..

    مابنسكت..


    *******

                  

02-18-2006, 06:45 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: مريم الطيب)

    الاخت/ مريم الطيب
    تحيه وسلام

    Quote: دفعنا جنانا التمن الغالي..

    شالو جنانا مابنسكت..

    حرقو حشانا.. مابنسكت..

    في الزنزانة.. مابنسكت..

    بالجبخانة.. مابنسكت..

    مليون دانة.. مابنسكت..

    مابنسكت..


    شاكر لك مرورك الجميل

    محبتي واحترامي
                  

02-18-2006, 06:40 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ABDELMAGID ABDELMAGID)

    الدكتور عبدالماجد
    تحياتي

    Quote: و ماذا عن الأبناء ؟؟؟؟؟


    اذا كانو دون السابعة تؤول حصانتهم للام وما فوق السابعة يخيرون .

    خالص الود
                  

02-19-2006, 02:15 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    عرس الشهيد وهذا هو لب الموضوع :
    تفتقت الاذهان وحار الزمان فيكل الحروبات رومان وفرس هنالك ابطال وفرسان لكن في حربنا هذه رمز اسمه الشهيد فهل يموت فطيس ؟ ونحن ضد الانصبه والصولجان والمهرجان والورود والذكري العطرة والريحان .. فماذا نعمل له من المهرجان ؟ والله غير عرس لهذا الشهيد مافي فدان .. عرس عدييييل كده . وله زفة زمان .. فارقة معاهو شنو يا انسان .
    عرس عرس يا الله .. في الاول نخطر ام الشهيد بالميعاد .. يا ام الشهيد ولدك دخل الجنة ايوي ايوي ايوي (زغروتة) وربنا راضي عنو وجلعو من الصديقين والشهداء . ولكي يتم نعمته عليه سوف يزوجه من الحور العين الحسان واليلية يوم العرس والعقد والعاقبة عندكم في المسرات .
    دخول اخوات نسيبة وهن يزغرتن ومعهن الشيلة ما غايبة فيها حاجة زيوت سكر دقيق بصل وزغرتي يا ام الشهيد هي لله هي لله والله امبر هبت رياح الجنة ..والشباب يكبروا ويهللوا ..ونصب الصيوان ورصت الكراسي وحضر المعزيم .. شباب وطن ، مجاهدين ، دفاع شعبي ، وبعض اللحي الكبار واخوات نسيبة لزوم الزغاريت .. قيلت الكلمات وذكرت الكرامات .. واقام المأذون العقد بين الشهيد الغائب واحدي بنا الحور العين وابشري يا ام الشهيد ونومي قريرة العين ابنك خلاص في الجنة مع الحور العين .وهبي هبي رياح الجنة طيب ام الشهيد نستودعك الله .
    فكرة جهنمية شيطانية تفتقت بها اذهان الجبهجية لامتصاص حزن وغصب الاهالي البسطاء الساخطين الحانقين .. حتي الحزن استكثروه علي الناس .. حتي الدمعة في عين ام القتيل ما عايزنها تنزل .. لم نسمع بمثل هذه العمايل لا في صدر الاسلام ولا بعده .. ولا في الدول الاسلامية من حولنا ولا حتي وسط الجماعات الاسلامية المتطرفة التي ترفع الحرب باسم الاسلام ضد الكفار .. من اين اتت هذه الفكرة الشيطانية .. والغريب بعد توقف الحرب في الجنوب .. الان هناك حرب في الغرب يموت ايضا فيها شباب وليس لهم عرس كسابقيهم . ولا لأن الجنوبيين مسيحيين ؟
    والاغرب في الامر ان عراب الفكرة بعد خروجه من الحكومة وانقسام الحزب الحاكم افتي ان الشهيد فطيس وان هذه الحرب ليست جهادا لنصرة الاسلام ..ما كفايه فقه ضروره .. ما كفايه لعب بعقول الناس ما كفايه مسرحيات هزليه ما تنفع حتي للاطفال .والتاريخ لاينسي وليس هناك عفا الله عما سلف كل شيئ مدون وموثق .
    والي ان نلتقي في فيلم اخر من افلام الشياطين .. اتمني من الله ان يحفظ عقولنا من اللوثة والدجل والخبل .
                  

02-21-2006, 05:50 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    أخبرني ضابط بالعاش برتبة عميد أنه في يوم من الايام وهو ذاهب للقيادة العامة وجد احدي النساء (وكانت بائعة خمر ) داخل القيادة العامة فسألها مستنكرا وجودها في القيادة العامة (يا فلانة مالك بي هنا ) انحنا القيادة العامة دي كنا ما بندخلها الا بعد رتبة مقدم فقالت له ضاحكة (انحنا ما أمهات الشهداء وجيت عشان آخذ مستحقاتي ) وعجبي
                  

03-01-2006, 01:42 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    up
                  

03-02-2006, 06:48 AM

عماد الخير

تاريخ التسجيل: 12-25-2005
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    هذا البوست به نكهه وطنيه فحتى الآن كل المتداخلين فيه من الوطنيين ولذا وحتى يشارك فيه كل الاخوه الوطنيين ويكتبوا لنا فيه عن صحيح الترابي وأعراسه وأنجاسه وايضا لنسمع من الأبواق رأيهم في دجل شيخهم ونظامهم فبعد اذن صاحب البوست :-

    UP


    http://www.kefayh.com
                  

03-02-2006, 08:01 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: عماد الخير)

    Quote: ماهو مصير اولئك الشباب الذين غرر بهم وتم خداعهم
    وسوقهم قسرا لتلك الحرب القذرة ؟؟ والتي تنصل منها
    عرابها الترابي؟؟؟؟


    يبعث الانسان على نيته.. ولا اعتقد ان هناك من يقدم
    اكبر تضحية وهي حياته لاجل فرد..
    هؤلاء الدبابون.. آمنوا بخيار الحرب مثلهم مثل الجهة الاخرى
    و احزن على هذا الخيار لأن مزيدا من الدمار قد حدث
    واهدرت طاقات شابة من الجهتين كانت يمكن ان تعمر بسواعدها
    البلاد...
    ولا ارى اي مدعاة للسخرية ممن قدم حياته للوطن..
    والذين اراهم احسن بكثير من استخدم
    القذف وتلفيق الاكاذيب عمن يتوهمون انهم اعداء
    مثال حركة كفاية..
    القى نظرة على السايت لتري نموذج للنضال..
    فايهما اقيم ان تذهب لتجاهد بنية الجهاد وتفقد حياتك ام
    تتخذ اسم وهمي وتتهم الاخرين وتكتب الافتراءات
    والاكاذيب..
    ايهم اسؤ واقذع؟
    ان تموت ام ان تتاجر بمن ماتوا من اجل الوطن..
    مستخدما من مات في مكان لا يليق بهم..
    مثل هذا "السايت" الذى يدعى كفاية
    يضع صور شهداء رمضان
    ومشرفه يدخل باسم امرأة
    ليشتم ويكذب ويلفق..أمراة منمطة جاهلة تستخدم لغة بت قضيم..
    ولكن بمحتوي يضرها..
    والتحية لكل شاب قدم حياته
    من الجانبين من أجل الوطن..
    ولا نبخسهم تضحيتهم العظيمة

    وللاخ علم كل التحايا والاحترام

    انظر الى هذا البوست...جدير بالقراءة
    في البحث عن رؤية اكثر انسانية بعيدة عن مزايدات السياسة..


    سبعة ضد القمر
                  

03-27-2006, 12:11 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: bayan)

    يبعث الانسان على نيته..

    الم تسمعي قوله صلي الله عليه وسلم ( من قاتل تحت راية عمية مات ميتة جاهلية)
                  

03-02-2006, 10:13 PM

farda
<afarda
تاريخ التسجيل: 04-08-2003
مجموع المشاركات: 826

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: ادريس خليفة علم الهدي)

    Quote: من أكثر الاشياء التي كانت تثير حيرتي في برنامج ساحات الفداء .. اللقاءات التي كانت تتم مع الشهداء .. يجيبو ليك واحد يتكلم ... وتحت مكتوب الشهيد فلان . وكأن وراء الموضوع شيئ ما.

    الأستوديو الإسلامي لصناعة الشهيد
    أستوديو "منظمة الدعوة الإسلامية" ذو التقنيات العالية وبكادره الفني والإعلامي الذي تم تدريبه في الولايات المتحدة هو الجهة الأولى التي كانت تقوم بانتاج برنامج "ساحات الفداء" ، وهو طبعاً نفس الأستوديو الذي سُجِّل فيه خطاب عمر البشير الإنقلابي الأول. وقد تحولت ملكية البرنامج وإدارته لاحقاً لجهات أخرى ، ثم ، حسب ما سمعت، الى شركة خاصة.

    من مشاهداتي العينية في ذلك الزمن العجيب أنني كنتُ يوماً في أستوديو "منظمة الدعوة الإسلامية" لعمل مونتاج لإعلان تلفزيوني، فقد كان الأستوديو يدير قسماً تجاريا أيضاً. وتصادف أن مخرج ساحات الفداء حينها "لا أذكر من إسمه سوى جادين" كان يعد لمونتاج حلقته القادمة. دخل عندها شاب "كوز" في مقتبل العمر وألقى بالتحية، ويبدو أنه جاء في مهمة ما لتوصيل أوراق أو أغراض، ثم خرج من الغرفة الى ساحة الأستوديو. بسرعة تحدث المخرج إياه الى أحد المصورين وطلب منهم تصوير الشاب اليافع "الذي اتضح أنه في طريقه قريباً الى الجنوب"؛ وبطريقة تضمنت بارقة من ابتسامة الترابي المتضاحكة الشهيرة تلك قال المخرج للمصور :"الشاب ده ماشي العمليات... عليك الله صوِّرو لينا... الظروف ما معروفة". بعد دقائق من ذلك كانت صورة الشاب تتراءى على شاشات غرفة الإخراج التي كنا نجلس داخلها وشرع جادين في الضغط على أزرار مختلفة على جهاز المزج الصوري - Vision Mixer. بدا الشاب مرتبكاً ، وأتذكر الآن صورته وهو يتلفت في خجل وقلق طفيف، إذ لم يكن مستعداً لهذه اللحظة ولم يكن لديه ما يقوله. طلب جادين من المصور أن يطلب من الشاب أن يقول اسمه ويتحدث بكلمة كلمتين. وتم تسجيل المادة، وهكذا كانت خامة الشهيد القادم جاهزة على الشريط ولم يتبق سوى صورة جثته المتقطعة الأوصال مسجاة في ميدان المعركة قبل أن يوارى التراب مع هتافات التهليل والتكبير.
    لا أعرف ما إذا كان ذلك الشاب ما زال حياً اليوم أم ميتاً.

    ح.خ
                  

03-27-2006, 12:13 PM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عـرس الـشهـــــــــيد (Re: farda)

    farda

    تحياتي

    اشكرك علي مرورك البهي

    محبتي واحترامي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de