|
Re: المنتدي.............. و دافوري ميدان الربيع (Re: Magdi Is'hag)
|
يا مجدي ،،،
ازيك ،،،
Quote: في العباسية في اعتقاد شائع بانهم اسياد الكورة وان دافوري ميدان ا لربيع هو البداية الحقيقية لأي لاعب حريف. في ايمان راسخ بان جكسا اتعلم الكورة هناك وهناك من يحلف بان قرعم و برعي و المحينة كلهم بدوا الكورةفي ميدان الدافوري.الحاج بهوية كشاف النجوم بيتحسر دايما علي ايام زمان وايام ميدان الربيع و كيف انه الدافوري انتهي وانه ذاته خلي متابعة الدافوري من زمن ومختتما دايما تعليقه بضحكته الساخرة(يا ابوي دي ما كورة ده عك ساكت ووجع قلب).عمنا الوسيلة كشاف الهلال بعدما انقطع من متابعة الدافوري أطلق جملته المشهورة (يا ابوي ده أخير منو قعاد ساي). أعمامنا الوسيلة و حاج بهوية رغم التسابق لاكتشاف النجوم لكن اتفقوا في انو دافوري الربيع انتهي يوم ما اللعيبة بقو اكتر من المشجعين.
|
نـــــــــــــــــــــــــــــــــــــعــــــــــــــــــــــم ،،،
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
Quote: المشكلة في الدافوري الكيمان كل شلة او اولاد اهل بيكونوا مع بعض وبيحامو لي بعض والله قال بي قولك لو عملت فاول مع واحد من كومهم يعني اولاد عيساوي ما شاءالله بيكونوا علي الاقل اربعة ولاخمسة في الدافوري ولو هبشت واحد منهم اقنع من لانو بعد كده بيبقوا ليك في رقبتك لو الكورة معاك ولا ما معاك عشان كده العاقل سياستو بتكون في ناس لا تحاورهم ولا تخليهم يحاوروك. |
القضية كلها و بتفاصيلها مربوطة بانماط التربية التي قام عليها الناس ... طبعا هنالك العديد من الانماط التربوية و كلها خطيرة و فتاكة تفتك بالانسان فتكا مبينا... و اخص منهابال>كر التربية العقائدية التي تقوم علي تحنيط العضو المنتسب ووضعه في تابوت في انتظار يوم الدين... و يوم الدين ه>ا لمن لا يعرفونه هو يوم مقداره انقلاب عسكري/ مدني او قل مدني/عسكري لانها لن تفرق كثيرا .
نعم هنالك شلليات و ابناء عمومة و بنات عمومة و قبائل ليها شنة و رنة في المنتدي و لكن من اخطر القبائل فتكا بالناس في المنتدي هي قبيلة اليسار السودانية ...مع انه يسارنا السوداني تكالة ساي... لكن نقول شنو فلاحتهم/ن في مطاردة القبائل الصغيرة الموجودة في المنبر بعد ان فشلوا ... في هزيمة قبيلتي الرأسمالية و الامبريالية العالميتين.
الخطاب اعلاه خطاب قديم و موجود في السودان و يقول به اناس معروفين يتوهمون العلم و المعرفة ... اي بمعني اخر يقولون بانهم الكل في الكل لانهم عندهم نظرية و بقية الجماعة راقدة رز ساي... و اعني بهم ناس قريعتي راحت ... عشان كده الواحد منهم بيفتكر انه بنقط المعرفة دي تنقيط ...عليه ما في داعي يدافر في دافوري المنتدي مع اللعيبة الماعندهم حاجة وهم الرجرجة .
مرة كنت قاعد مع واحد عضو في المنبر و انا جالس معه اتصل به تلفونيا عضو اخر في المنبر و دار حديث الاثنين حول بوست معين في المنبر و حول مداخلة بعينها كتبها احد الاعضاء ... و في نهاية المكالمة قال ال>ي اجلس في بيته لمهاتفه هو لو ما هانت الزلابيا نحن نحاور ناس زعيط و معيط ديل ... و الله ياهو الفضل لينا...فقلت للزول اسمع يا فلان دعك من العجرفة المعرفية دي و خت الكورة واطها ... و مافي حاجة اسمها زعيط و معيط في الحوار ... و كلامك ده فيه انتهاك كبير لحقوق الانسان... فبالضد تعرف الاشياء ... قال لي يا زول هوي انا معروف و ما عاوز زول زي ده يعرفني ... هو ده معرفتو فائدتها شنو ... اسكت عليك الله ما تقلب علي المواجع!! فتيقنت انه مشكلتنا ما ناس الجبهة الاسلامية و لا الطائفية بس ...المشكلة اخطر و اكبر من >لك بكثير.
الامر المحير هو انه المعرفة الانسانية دي متواترة و مافي زول مولود عريف و عالم بكل صغيرة و كبيرة و لو ترفع الناس ال>ين قبلنا عن محاورة الناس لتوصيل المعلومة لكنا الان في غياهب الظلمات اجمعين و لما وجد اناس يعرفون و بدرجات متفاوتة... و المدهش ايضا انه من اهم صفات العلماء التواضع في كل شيء... لا سيما عند مخاطبة الرجرجة من ابناء و بنات شعبهم.
العاقل هو من يحاور الرجرجة لكي يخرجهم من الظلمات الي النور ... و ا>كر حادثة هنا جديرة بال>كر وهي انه عندي صاحبي استا> جامعي طارده النميري لكي يغتاله و لكنه لجأ لأحدي الدول الاوربية ... و عندما قامت الانتفاضة ضد النميري و عشيرته المقربين ... جاء الاستا> الجامعي طالبا من الجهة التي اعطته حق اللجوء السياسي ان تسهل له اجراءات العودة الي السودان ... و لكن الجهة طلبت منه ان يستمر في البلد و يدرس في احدي جامعاتها و لكنه اقنعهم قائلا يا جماعة انتو ما عندكم مشكلة اسات>ة جامعات و لكننا عندنا مشاكل ليها اول و ما ليها اخر في السودان ... عشان كده كتر خيركم كتير و ادوني خاطركم... فمن هو العاقل يا تري؟
| |
|
|
|
|
|
|
Re: المنتدي.............. و دافوري ميدان الربيع (Re: برير اسماعيل يوسف)
|
Quote: ود الكاردقل جا الدافوري لابس كبك و مركب مسامير بالجنبات مسميهم الشلاخات ودخلت الاجاويد عشان يقلع الشلاخات ديل. |
الاخ العزيز دكتور مجدي
دائما اجد متعة عالية في قراءة كل ما تكتب.. وتعجبني الفكاهة و "القتاتة" في كتاباتك..
شكرا لك لتشريح ما حادث.. بس الحرفا هم ما حرفا لكن متوهمين انهم حرفا ومفتكرين اي زول كيشة والحرفنة جات عندهم وانقرضت..وشغالين يدوا شهادات القبول..
بس حبيت اقوليك انت من احسن من يلعب دافوري في ميدان الربيع.. واتمنى زمنك يسمح ليك تمتعنا بكتاباتك الالمعية ويديك العافية.. الكوت اعلاه اتفطعت فيهو عديل كدا..
تحياتي للوالد والوالدة وربنا يمتعهم بالعافية
| |
|
|
|
|
|
|
Re: المنتدي.............. و دافوري ميدان الربيع (Re: bayan)
|
العزيزة د.بيان لك الودوالتقدير علي الكلمات الشفيفة وكل الاسرة بخير وتغريك السلام اولا تعبير الشلاخات تعبير مستعار من استاذنا حساس محمد حساس فله فضل الخلق ولنا فضيلة الاستعارة والتحوير ليناسب الدافوري. انت عارفه اهم حاجة في الدافوري كان انك نكون عارف امكانياتك وما تتشوبر انا كنت عارف نفسي اكيش واحد في الدافوري بعد قرمة و عموش .قرمة كان عندو باقي شلل اطفال اما عموش فهو كان شوفتو في تلتله و لازم ناس توريهوا اتجاه القون وبعد داك تفكوالايص .انا مشكلتي الاولانية انو اشول وكرعيني الاتنين شمال وكان عندي حبة كرش صغيرة فجاولت اغطيها بفانيلة حمرا والله كانت صدفة ما مقصودة وما كنت ما عارف في الدافوري انواللون الاحمر مشكلةوالازرق مشكلة والناس قراقير كلهم و جنهم و جن الهلال والمريخ ومن اليوم ده مصنف مع الصهاينة وكنا شوية وكل الكسر واقع علينا.عشان كده في الدافوري كنت لابد وكنت مابهمش الكورة الا لمن اضمن الجماعة كتالين الكلاب بعيدين من الكورة عشان كدة اللبدة والقتاتة ضرورية عشان تحافظ علي كراعك.لمن وصلنا المنتدي واصلنا سياسة اللبدة وزيدناها بي قانون في ناس لاتحاورهم لاتخليهم يحاوروك لانو ما همهم الكورة او اللعبة الحلوة همهو كرعينك. طبعاانا راي انو بتمتلكي واحد من ارشق الاقلام لمن تكتبي عن عبد الحي لكن لمن قلمك تسرقه السياسة انابساسق من بعيدو بقرأ من وراء حجاب والملم كرعيني عليّّّّ.وطبعا المشكلة لمن تجرنا السياسة بنلبس الكبك بتاعنا ونفتش شلاخات نلبسه رغم اني بجاول ابعد من الشوت الضفاري لكن هل نجحت في ده الله اعلم.ياريت لو كلو واحد بقي يلعب في خانته عشان يمتع ويفيد الجمهور انت ناقدة وباحثة في الادب وساحاول ان العب في حانة علم النفس لكن المشكلة انك مرات لازم تشوت مع الناس وتدافر حتي لو دي ما خانتك والا حتقعد الدافوري متفرج ولا كورة ما تصلك وترجع البيت نضيف زي ما طلعنت منه,وزي ما شايفة في البوست الباير بتاعي التنازع في زمن الهجرة الناس ما بيستحملو الكلام الناشف والكورة الحلزونية وبيشجعوا الشوت الضفاري ولعب العصر وكندكة التراب كفاية لي هناوساواصل واحكي ليك عن بعص الشخصيات بتاعت الدافوري لو طاب ليك المقام معانا. ولك الود
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
اول مباراة لى مع أشبال العباسية بدار الرياضه أمدرمان وأظن أن أمكانياتى متوسطة الموهبه لكن كنت لاعب (فرفارة) بأمتياز ..أخدن اللاين وفى بالى أن أعكس الكورة للمهاجمين أنحرفت الكورة دون أن أقصد ومشت عديل بأتجاه المرمى لينقذها الحارس بعد مناهده
صفق لى البعض (تمام ياكابتن)..كان لابد لى أن أغير جريتى وأضف أليها بعض تحسينات خيلاء الكابتنية وأهميتها..ضارباً الأرض ببوز الجزمة بغضب مصطنع (الود حريف خانتو الكداره) وأنا أستطلع ما أذا كان مدربنا (فرينى) قد أعجبته هذه اللعبه
حليل العباسية..أجتهدوا معى لكن سقف الموهبة ضئيل اظننا فى الثقافة كذلك...نحتاج لتمارين ومكوث طويل على (كنبة الأحتياطى)
التحية لك ولكل (شعب العباسية المغوار ) يادكتور
| |
|
|
|
|
|
|
Re: المنتدي.............. و دافوري ميدان الربيع (Re: Hussein Mallasi)
|
العزيز مجدي
شكرا لك للنصائح. واسعدني ما قلته...وأتمنى ان اكون عند حسن الظن دائما.. لم ار ذلك البوست الذي ذكرته لو جلبت وصلة تكون ما قصرتا..
وسعيدة كون الوالدين بخير ربنا يحفظهم...
العزيز حاتم
الكابتن الحريف..انت ومجدي من احسن الكتاب الجالسين في المساطب بس الكرة تطلع اوت يجبوها مشيوتة... مازلت استرجع قصة المفتاح وصاحبة المفتاح بكثير من الاعجاب والانبهار...
انت وين؟ قد قتلني الشمار ياخي..
"القتاتة " ليك شنو..
مودتي لكما
متابعة هذا التشريح الحريف...
| |
|
|
|
|
|
|
Re: المنتدي.............. و دافوري ميدان الربيع (Re: bayan)
|
Quote: وتعجبني الفكاهة و "القتاتة" في كتاباتك.. |
العزيزة/ دكتورة بيان
اولا: الف حمدا لله علي سلامتك و سلامة صحتك ... و ربنا يكتب ليك الصحة و العافية علي الدوام.
ثانيا: الف حمدا لله علي الشوفة المنبرية ... فقد فقدناك كثيرا.
ثالثا: يا بيان يا عزيزتي لعلك تتفقين معي في انه زمن القتاتة قد ولي ... فقد جربناه في السودان و اثبت فشلا ما بعده فشل... و لك حبال الود ممدودة.
| |
|
|
|
|
|
|
Re: المنتدي.............. و دافوري ميدان الربيع (Re: bayan)
|
Quote: انا انفقت زمنا طويلا لأعرف انك شايت وين...ولكن الى الان ما عرفت شوفتا كيف انك زول "غتيت"؟
العزيزة/بيان مع انه كلامك حمال وجوه كثيرة ...الا انني اقول لك و بصدق انه انا شايت في جميع الاتجاهات التي تؤدي بدورها الي الخلاص من واقعنا المر ... القائم علي مصادرة حقوق الناس تارة باسم الله ودينه و تارة باسم العلمانية و تارة باسم التقدمية و تارة باسم تارات ليها اول و ما ليها اخر... فضيتنا كبيرة و عويصة... و لك حبال الود ممدودة علي مر الدهور و الاجيال... كما قال ابو عاج دراج المحن.
| |
|
|
|
|
|
|
Re: المنتدي.............. و دافوري ميدان الربيع (Re: برير اسماعيل يوسف)
|
العزيز حسين ملاسي شكرا علي التوثيق والصوروطبعا الدافوري كان في الجزء الجنوبي الشرقي قبل ما تبقي ساحة الربيع لكن ما عارف حنقدر نوثق للمنتدي بالصور كيف؟ العزيز حانم العجبني في مداخلتك انك زول زينا عارف قدر نفسك لا متحرفن ولا فاكيها في الناس وغاوز تجري دمك زينا ساكت ورغم عن كده شايف جاياك شهادة من الدكتور بيان. د.بيان اللنك للكلام الناشف وباير تلقيهو فوق في اعلي البوست في اول مداخلة وزي ما شايفة ياهي دي خانتنا الواحد بيعرف يلعب فيها كويس لكن المشكلة لو لعبت فيها العصرية كلها يمكن ولا كورة ما توصلك و زي ما قلت ليك الواحد عاوز يجري دمو عشان كده مجبور يدافر مع الناس في كل الخانات يمكن يلقي ليهو كوره طاشه يجيب ليهو منها قون. عاجبني تعبير الغتاتة وخاصة لي زمن ماسمعتوا وطبعا الغتاتة في الدافوري مهمه لانو زي ما قلت ليك في ناس همهم كراعك وما عندهم علاقة لابالكورة ولا باللعبة الحلوة وديل نصيحتي ليك لاتحاوريهم ولا تخليهم يحاوروك وانت زولة في فترة نقاهة محتاجة اللعب الهادي والباصات الارضية ولكم الود ونواصل
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
Quote: العزيزة/بيان مع انه كلامك حمال وجوه كثيرة ...الا انني اقول لك و بصدق انه انا شايت في جميع الاتجاهات التي تؤدي بدورها الي الخلاص من واقعنا المر ... القائم علي مصادرة حقوق الناس تارة باسم الله ودينه و تارة باسم العلمانية و تارة باسم التقدمية و تارة باسم تارات ليها اول و ما ليها اخر... فضيتنا كبيرة و عويصة... و لك حبال الود ممدودة علي مر الدهور و الاجيال... كما قال ابو عاج دراج المحن. |
العزيز برير
دائما رجح حسن النية فيما اقوله لك.. فانت نموذج ممتاز لرجل وطني وانا معجبة بك جدا.. عندما فكرت في فكرة المناضل المضاد كنت افكر فيك..
وربنا يصلح الحال في بلادنا الحبيبة..
| |
|
|
|
|
|
|
Re: المنتدي.............. و دافوري ميدان الربيع (Re: bayan)
|
العزيزة / بيان كتر خيرك يا زولة ... و لكن و الله العظيم يا بيان انا زول راقد ريح ساي كما يقول اهلنا الليبيون... و من سقط لقط و ليس من حي العمارات او الرياض او الطائف مع احترامي الكبير للكثير منهم/ن ...و لم ندخل المنبر بحثا عن زعامة زائفة, زعامة الركع السجود و اللاجئين/ات و ال>ين لا حول و لا قوة لهم/ن ... و قد عملنا ما نقدر عليه من اجل اهلنا اجمعين... و لم ندع بان كلامنا هو القول الفصل و ما هو بالهزل... و لم نكن في خانة خالف ت>كر عندما كنا طلاب في الحركة الطلابية السودانية... كنا و ما زلنا نحترم و نقدر الخصم الشريف و نحترم بالتالي شرف الخصومة من غير همز او لمز او مطاعنة ... لاننا نحترم منهج الفقش في ابداء الرأي .
اللهم اجعل نصائحنا مستجابة و كفنا شر البوار... و حولنا من خانة خالف ت>كر الي خانة تهتدون/تنصحون.
| |
|
|
|
|
|
|
Re: المنتدي.............. و دافوري ميدان الربيع (Re: Omar Elshowaya)
|
Quote: إنو البني أدم التاني برضوا عندو حق في إنو ما يتشات ضفاري كده ساكت وما يتشلّخ (بالشلاخات) ديلاك؟ هل في إمكانية نرجع الناس المشت ميدان كمبوني بالمساء ديلاك؟ أضعف الأيمان تكون في مباريات كده بيناتهم لكن لعبها نضيف وفي أخر التمرين نقعد نتونس كلنا سوا، وكل واحد يرجع أهلو بكرعينو بدل ما البعض برجع حالياً وشايل كراعو فوق رقبتو |
العزبز الحبوب ليك وحشة وعجبني كلامك الراقي بتاع الكباتن الجد جدومش خشم جريوات ساكت. افتقدتك في الدافوري وما كانت دابرة ليها درس عصر عشان اعرف انك بتحاول تحافظ علي كرعينك في الزمن الصعب ده.انت عارف انك بتذكرني بي واد حريف كان اسمو ود جكسا حريف للطيش لكن مشكلتو ما بعرف الشلاليت ولا اللعب الضفاري ععشان كده كان مصيرو انو يوقف جية الدافوري ويبطل الكورة ومرة لاقيتو بيتمرن فولي بول قال لي يا ابوي دي ياها الرياضة بينك وبينهم شبكة ومافي زول ضربوهو شلوت ومافي زول شالوهو بي نقالة. يالحبوب تتونس وين دي في ناس بيجوا الدافوري مؤهلاتهم الحقارة وحمرة العين الواحد كراعو قدر علبة الكوبري كان جاء ماشي بي جمبك ساكت مفروض ادوهو كرت احمر. اجيك راجع بي رواقة عشان احكي عن بعض شخصيات الدافوري الاسطورية ولك الود
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
العزيز برير شكرا ليك على حسن تفهمك.. تعرف انا اصلي ما بشتغل بعدد المتداخلين بس بعداد الدخول ودا الحكم.. مرة كتبت انه متلبسني شعور العشيقة اي زول عايز يصاحبني سرا..عشان كومو ما يعرف.. اها الناس هنا اذا كلامك سممممممممح وعجب زول ما بيقدر يجي يعلق عشان الكوم وكدا... زمان عملنا كوم من لا كوم لهم قلنا نعمل اتفاقية دفاع مشتركة..اسع كلهم اتكومو.
Quote: تعرف أول ما جيت وصلت ميدان الدافوري كده ولابس دييييك يالكدارة الما خمج لكن وحاتك عندي مافيها ولا مسمار واحد ، لا داير أكسر زول لا داير زولاً يكسرني، بس أستمتع بالدافوري ده مع الناس ديل، وعملاً بالفهم البقول (إيد في إيد تجدع بعيد). أها يا زول كده قلت لروحي أنا أظهر لباقي اللعيبة قدراتي عشان أتسجل مع تيم تاني لكن برضو شغال بسياسة الامان يعني كان شعرت إنو المكان ده إمكن المطرة تصب فيهو ، وكراعنا حنشيلا فوق رقبتنا (وكان ده الغالب في التمارين)قلت يا زول كراعك ورقبتك إنت أولي بيهاوشخت شخيت ووقفت بعيد. |
ابداع يا الشوية .. تعرف يا الشوية انا جيت متلك في قرية مجاورة اها كتبت عن هاشم صديق وعن محمد عبدالحي .. بدون سبب الكفتيبة بدت قالو شيوعية تاني جيت المنبر دا كتبت عن حاجة كدا قالو كوزة .. بعداك قلت يا بيان خليك من السياسة بس اقعي تخصصك اها صادفت ذكرى رحيل السمندل. عملنا داك يا الاسبوع انا والفيا بس جا زول كتب لينا "المتناقدين الجبناء" ما حصل الزول انا دافرتو في شئ كدا ذي ما بيقولو الخوجات(آوت اوف ذا بلو) اها الحقارة حاااااااارة اصلي قلت ما بشخت شخيت بس جبتا ليك شلاخات للكدارة ونزلت دافوري صاح ..اهاو ذي ما شايف اسع.
Quote: مصيرو انو يوقف جية الدافوري ويبطل الكورة ومرة لاقيتو بيتمرن فولي بول قال لي يا ابوي دي ياها الرياضة بينك وبينهم شبكة ومافي زول ضربوهو شلوت ومافي زول شالوهو بي نقالة |
عثل ؤبث
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
Quote: يالحبوب تتونس وين دي في ناس بيجوا الدافوري مؤهلاتهم الحقارة وحمرة العين الواحد كراعو قدر علبة الكوبري كان جاء ماشي بي جمبك ساكت مفروض ادوهو كرت احمر. |
الصديق الجميل مجدي
دايماً تأتي بالجميل يا زول يا جميل .... لكن المصللح بتاعك ده (كراعو قدر علبة الكوبري) ده ما أظن في زول سبقك فوقو وما أظن زول يلحقك فوقو YOU MADE MY DAY!!
يسعدني دوماً حضورك مجدي
خالص ودي وإحترامي
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
Quote: اصلي قلت ما بشخت شخيت بس جبتا ليك شلاخات للكدارة ونزلت دافوري صاح |
أستاذة بيان
تحياتي
ما المهم الناس قالت إنت شنو، المهم إنت عارفة إنت شنو وبتعملي في شنو.
لكن كمان برضو الدافوري الكتير وبحماس عالي ما كويس لأنو بأثّر علي لياقة اللاعب وبكون معرض أكتر للأصابة والابتعاد وكده. خليها مرة في الأسبوع لو أمكن بس عشان اللياقة تكون تمام وكده .... بعدين الدنيا دي أجمل بكتير من كده وبدل نضيع زمنا في الدافوري في حاجات تانية أجمل من كده ممكن تتعمل
لك الود
| |
|
|
|
|
|
|
Re: المنتدي.............. و دافوري ميدان الربيع (Re: Magdi Is'hag)
|
العزيز مجدي مازلت متابعاك بصحبة" بخاخة" وفوطة لمسح المونتر....
نجيب ليك بوست كتبو منعم الجزولي ما لفت نظري هو انك تكون قاعد في مصاطب فريق وتشجع الفريق الآخر..
[Quote: B]احبائى .. واهلى ياسلام الله عليكم رحم الله والدى واسكنه فسيح جنانه. الرجل لم يكن يكلف نفسه عناء التعصب لفريق ضد الاخر، رغم حبه الجم لكرة القدم. كان والدى يشجع فريقا واحد،ا تشجيعا يجعله ينام من غير عشاء اذا انهزم ذالكم الفريق. كان رحمة الله عليه يشجع الفريق الاهلى السودانى ( اصبحت تسميته فيما بعد بالفريق القومى). ونحن بعد زغب صغار، نتلمس لانفسنا دروبا وسككا فى هذه الفانية، وفى بداية ستينات القرن الماضى، تحلقنا حول المذياع، نتابع مباراة السودان ضد كينيا، ولعلها كانت ضمن تصفيات كأس افريقيا. كانت النتيجة تسير فى اتجاه تعادل سلبى، مما يعتبر نصرا للفريق الكينى. وكانت الثوانى تهرول سريعا نحو حتف المباراة. حتى ابتدأ الكابتن (امين زكى)... ( او ماوماو ... لا أذكر )... هجمة انتهت تحت اقدام وزة.والحكم ينظر فى ساعته استعدادا لاعلان نهاية المبارة( حسب وصف المرحوم طه حمدتو) ووالدى رحمة الله عليه، كان قد اغتسل تماما بالعرق، وتدثر بالاحباط،وبدت خيبة الامل ترسم دوائرها فوق وجهه الجميل. وكان اكثر مايشقينى فى هذه الدنيا، ان ارى ابى، وقد اكتسى وجهه الطيب بالاسى. او ارى ان المسافة بين شلوخه قد ضاقت بفعل الاسف. وكنت قد بدأت بالفعل فى البكاء، حزنا على فرحة ابى المهدورة. وفى لحظة مباغتة صرخ المرحوم طه حمدتو:- - وزة شات على الطاير .....قون ...قون ..قوووووووووووون وانطلقت رجل ابى لتؤكد هذا ال..( قوون) متخذة من المذياع كرة، اسكنها عليه الرحمة فى اعلى سقف الفراندا .....وانطلق الهدير فى كل انحاء قشلاق القيادة الشمالية ( حيث كنا نسكن) بل فى كل انحاء مدينة شندى ...بل فى كل مدن وقرى السودان ....تهتف باسم (وزة ). وصرخ المرحوم طه حمدتو باسم الرجل الجديد ( هداف الثوانى). وفرحت غاية الفرح ...ليس لانتصار السودان ... ولكن لفرحة ابى ... وشعرت لحظتها بعشق رهيب يجتاحنى لهذا ال..(وزة) الذى استطاع بفعل ساحر من قدمه ان يعيد الفرحة لوجه ابى الجميل . سألت ابى عن الفربق الذى يلعب له وزة. فقال والدمع قد غمر عينية الحلوتين، وهو يجهش بالبكاء ... - المريخ ياولدى ... بلعب فى المريخ. انغلقت كل شارات الاستقبال فى عقلى وقلبى. وانفتحت على نجمة حمراء، لاتزال تخيم على فى حلى وترحالى وفى صحوى ومنامى. لم يتغير هذا العشق الابدى رغم صداقاتى المتعددة لاقطاب الهلال بل ولعدد من كبار نجومه التقيتهم تباعا فى زقاقات هذه الدنيا.... جكسا .. بحكم عمله فى موبيل مع ابن خالتى .. وجيرته لابناء عمى فى ميدان الربيع. وامين زكى بحكم عمله فى التدريس ثم مزاملته لوالدى فى الجيش ( بعد ان انضم لفرع التوجيه المعنوى الذى ولد فى رحم مايو) بل وامير الكرة السودانية صديق منزول بحكم صداقته اللدودة مع صديقى المرحوم على المك. ولكن عشقى للمريخ لم يتزحزح قيد انملة . وكان لايطيب لى اذا ذهبت لحضور مباراة هلال مريخ الا رفقة اصدقائى الهلالاب والجلوس معهم وسط جماهير الهلال والتى كنت ابادلها السباب والتهكم بفعل تشجيعى الفاجر للمريخ. وقد قال صديقى (نور الهدى) مرة ليهدئ من روع الجماهير الغاضبة بفعل ( دحدوحتين ) اسكنتا شباكهم، وانا اهلل فرحا بالنصر المبين، وسط اقوام من المقهورين ... - الزول دة يا اخوانا بتاع مشاكل ساكت. دمتم منعم الجزولى |
| |
|
|
|
|
|
|
Re: المنتدي.............. و دافوري ميدان الربيع (Re: bayan)
|
العزيز مجدي
احييك
Quote: لمن وصلنا المنتدي واصلنا سياسة اللبدة وزيدناها بي قانون في ناس لاتحاورهم لاتخليهم يحاوروك لانو ما همهم الكورة او اللعبة الحلوة همهو كرعينك.
|
كأنك لسأن حال كثيرين ممن يشجعون اللعبة الحلوة، ولا يريدون التورط مع كل الذين يهمهم في الامر "كسر الكرعين".
انا "اساسق" في هذا البورد، اجوس هنا وهناك ، اتابع حروب داحس والغبراء، والمناكفات التي يعلو غبارها، لكني نادرا ما اتداخل، وان دخلت احد البوستتات فانني افعل ذلك وانا اتخذ ساترا، او اطمئن الى ان اللعيبة ليس من النوع الخطير او اولئك الذين "يلبسون كدارات لها مسامير" او شلاخات وفقا لتعبيرك.
وددت ان اقول ايضا، انني استمتعت كثيرا بالمداخلات التي جاءت في هذا البوست الذي تسميه "بايرا" واراه منتعش السوق، فقط استمع الى نصيحة بيان بألاكتفاء بالنظر الى جمهور القراء وليس المتداخلين. كل مودتي لك ولزوارك
| |
|
|
|
|
|
|
| |