|
|
 رسائل شوق
|
تغني أيضا الشاعر معاوية السقا لمدينة ود مدني مسقط راسه ، بالقصيده التالية بعنوان :
رسائل شوق
بفاخر بيك ديار أهلي وبفخر بيك رافع الراس
واحدث بيها كل الناس
دي مدني العزة والتاريخ
ومدني المعني للإنسان
سيادة قيادة فن وريادة
يشهد ليها أي زمان
مدني منار وطن أحرار
علم مرفوع في أي مكان
وفيها رجال أسود أبطال
بنوها العزة للسودان
بفاخر بيك ديار أهلي
واباهي بإسمك البلدان
عروس النيل وأرض الخير
جمال ونضار زهور وعبير
نسيم فواح روايع تدهش السياح
مناظر أوحت المسّاح
يقول أشعار ويغني الكاشف الفنان
غناوي تداعب الوجدان
تسوق أشواقي لي مدني
وطريت أهلي الحنان بالحيل
وجلسات السمر بالليل
ودرويشاً يدق الطار
طريت لمتنا جنب القيف
ومسيد مولانا عبد السيد
وقبة جدنا السني
صور واشكال بتلهمني
حروف فني
تسوق أشواقي لي مدني
|
|
 
|
|
|
|
Dr.Elsarrag
فيس بوك
تويتر
انستقرام
يوتيوب
بنتيريست