|
دعواتكم لزميلنا المفكر د.الباقر العفيف بالشفاء العاجل
|
|
 Re: ## ....... بيت بكاء .. للمكسرين .. لا عزاء .. لل ## (Re: Elkhawad)
|
الحبيب خواض
والله إنك مبدع وصاحب ذوق عالي فى الإختيار
منذ فترة وانا متابع بوستاتك الجميلة حتي وإن كنت افضل الإستماع فقط دون التعليق
لكن
المرة دى الموضوع فيه ذكريات و قصص
تعرف الأغنية دى فى شريط للفنان حبيبو نادر خضر واطلق عليه الأصدقاء هنا لقب شريط الشاكوش
والقصة كالأتي:-٠
نحن مجموعة من الشباب جمعتنا الغربة فى مدينة صغيرة ببقعة بعيدة نوعآ ما و من دون ان ندري كنا بنتلما مع بعض كل ما إحصل لي واحد فينا تأزمات فى علاقته العاطفية وبعد ما نمارس العادة المححببة لدي السودانين الا و هي المشاغلة و نقعد ندور بعض و تعلو الأصوات بين ضحكات و محاولات فاشلة لرد إتهامات موجهة بالشاكوش اللعين او معاودة الحنين للمرحومة ولقب المرحومة للناس المعارفاهو يطلق علي الحبيبة التي كانت فى الماضي
وفجأة إقوم واحد إشغل الشريط دا و تعم الجلسة حالة من الصمت والتأمل الفردي. والله بكون فينا منظر لا عنترة العبسي و لا جميل بثينة ما إوصفوه
عشان كدا سمي الشريط دا بالزات بى شريط الشاكوش
و بعد ما نسمعه فى صمت تام لعدة ساعات بكون إتحرقت فيها زي مليون سجارة كدا
بتتفرتق الجلسة و لسان حال كل واحد بقول كلام سنتمنتل و قرجة
ما بتستاهل بت الكلب(طبعآ واحدين قاصدين الدونيا وتانين قاسدين حاجات تانية حامياني)٠
و بعد داك صدر امر شبابي عام بمنع الشريط دا منعآ باتآ فى السفريات و
high way
حرصآ علي السلامة العامة
اههههههههههههههههههههههههههههههه دونيا
ربنا ما إحرمكم من حبيب ولا تفقدوا عزيز
تحياتي يا حلوين
ورورورورورورورورورورورورورورورورك
(عدل بواسطة woroorrook on 02-05-2003, 04:45 PM)
| |
 
|
|
|
|
|
|
|
|
Re: ## ....... بيت بكاء .. للمكسرين .. لا عزاء .. لل ## (Re: SAMIR IBRAHIM)
|
بصراحة الزول لمن اجئ اعمل بيت بكاء بضرب تلفونات لا قصدى برسل ايميلات عشان الناس تعرف اها حسع انا الربة الاولى فاتتنى عيدها لى يا خواض تانى
كنت جْد ناوي الرحيل إلا شايل زكرى منك
خفت في الغربه البعيده المسافات يبعدنك
العيون الشايله سيرتك بكره يبكن ويفقدنك
والاماسي الحالمه تحزن والمشاوير يتعبنك
| |
|
|
|
|
|
|
|
|
|
Re: ## ....... بيت بكاء .. للمكسرين .. لا عزاء .. لل ## (Re: zozo)
|
يا خواض
قبل ما اجى امريكا دى بشوية
سمعت الغنية دى من الهادى الجبل ، سيدها
وبعدين من عصام محمد نور، البعذبها
وبعدين حصل انى اتفارقت مع اعز انسانة لى ، بتى
لمدة طويلة
وكانت هى طفلة بتحتفظ بشريط الاغنية دى لانو بذكرها بى
وانا فى نفس الوكت بسمع الاغنية على اساس انو الاغنية دى بتعبر لى عن فقدى ليها هى، بدون اتفاق بيناتنا
واتلاقينا
واكتشفنا انو كنا بنتعطر بنفس اللحن
وبنبكى بى نفس الدموع
ومن يومها
والاغنية دى عندها مذاق خاص وقيمة خاصة وطعم خاص
واهو انت تانى جبتها
ونادر خدر بغنيها بى نواح
ما همانا مادام حبيبنا معانا
تبكوا بس
| |
|
|
|
|
|
|
| |
bint algazeira
الجندرية
HAMZA SULIMAN
مهاجر
noha_g
SAdo7
garjah
Soumeta
woroorrook
السوباوي
Donkey khot
zola123
طارق اسماعيل
raheel
Tumadir
فيس بوك
تويتر
انستقرام
يوتيوب
بنتيريست