|
|
 انا انسانة غريبة
|
تحياتي ومحاولة شعرية
اتمني ان تنال اعجابكم
انا اتقبل النقد و الاشادة
انا انسانة غريبة
لست بالقريبة ولست بالحبيبة
انما انا انسانة غريبة
تعيش في دنيا اقل ما يقال عنها انها كئيبة
تمر فيها الأيام حلوها يستأذن عصيبه
ولكني لست بالحبيبة انما انا انسانة غريبة
احبك كولدي واهتم بك كأخي و استمع لك كمن ملك قلبي وترنيمة
ولكني لست بالحبيبة
ربما اكون صديقة
ولكن من نوع انسانة غريبة
صديقة تهبك روحها وقلبها و يديها وكل ما بينهما مما تملكه من هذه الدنيا العجيبة
و لا يكون مقابلها غير صداقة بريئة
وقلوب جريئة ومواقف انسانيه جميلة
تراني العيون فتظنني عاشقة مجنونة
لا والله فلست بالحبيبة
انما انا انساة غريبة
غريبة العقل والقلب مثل ما انا غريبة الحياة
تتلون عيناي بلون عيونك
وتتحرك يداي بامر حروفك
اذا اردت العون قلت لبيك
اذا اردت المشورة كانت بين يديك
اذا اردت المال نثرته تحت قدميك
لا اغلي عليك شيئا ولا اتوقف عند شيء
فقط كن صادقا كن صادقا كن صادقا صدوقا
بصدقك اهبك عمري
وبقلبك اهبك حبي
وبعقلك اهبك امري
ولكني لست حبيبة
انما انا انسانة غريبة
|
|
 
|
|
|
|
|
|
|
 Re: انا انسانة غريبة (Re: safa)
|
اعتقد ان انسان يستطيع التعبير عن نفسه بهذه الطريقه
السهله والسلسه
لا يمكن ان يكون غريبا
هذا هو السهل الممتنع
تحياتى ومزيد من الابداع
فالشاعر هو من يشعر و يشعر
| |
|
|
|
|
|
|
|
|
|
Re: انا انسانة غريبة (Re: safa)
|
صفاء
أعجبتني كلماتك كثيرا ففي حروفها ترتوي القلوب وفي معانيها تمرح الكلمات لتخرج لنا انسانه غريبة لكن واضحه 000
أبدعتى عزيزتى صفاء
اذا اردت العون قلت لبيك
اذا اردت المشورة كانت بين يديك
اذا اردت المال نثرته تحت قدميك
لا اغلي عليك شيئا ولا اتوقف عند شيء
ما اظن هنالك شى اجمل من كده انتىانسانه غريبة
فعلا تحملى كل الاشياء دى وتقولى غريبة؟؟؟؟؟؟؟؟؟؟؟؟
| |
|
|
|
|
|
|
|
|
 Re: انا انسانة غريبة (Re: safa)
|
الخت صفاء
تحياتي
الكلام مافيه كلام
النظم ما متلو نظم
لكن اخر دعواي ليك انو ربنا يرد غربتك ويرجعك وتلقي ود الحلال اليفهمك وتفهميه وما تتعاملي معاه بصفة الصداقه فقط بل الحب قبل اي شيء
| |
|
|
|
|
|
|
|
|
|
Re: انا انسانة غريبة (Re: safa)
|
الاخت صفاء اولا خليني اقول ليك ودونما اي قصد سئ
الك وحشة يا ابو الضحكة الحلوة
احسست بغيابك الايام الفائتة ان شاء الله المانع خير
اما موضوع الحديث ربما اختلف معك قليلا في تسميته. اوافقك بانه يمكن ان يصّنف ادبا . ولكن ليس بالضرورة ان يكون شعرا. لان للشعر مواصفات خاصة حتي في مجال القصيدة النثرية . ولا رايك شنو؟
| |
|
|
|
|
|
|
|
|
|
Re: انا انسانة غريبة (Re: altahir_2)
|
الاخ حسن ستة شكرا علي ردك
وياريت الناس كلها زيك بنفس الشفافية
وحياتك يابوكو كان فهمت حاجة اكون كذبت عليك يارريت توضح لي اكتر واكون متشكرة
آأأأأأأأأأأأأمين ياعباس وتسلم لي
يالله يالطاهر ماتتخيل انا بحب الاغنية دي قدؤ شنو
وانتو كمان وحشتوني مع انو المعرفة جديدة ولكن اوعدك بانو نقعد مع بعض اطول فترة و نقرب من بعض اكتر واظن تفسيرك للابيات معقول جدا
وليد
ما تصدق قدر شنو ترديدك للكلمات ادتها ابعاد جديدة ومعاني دافئة بدفء احساسك بالمناسبة وصلتني رسالتك بس اعزرني ما عارفة اردها كيف معليش جديدة مع المسنجر الداخلي ده ياريت تساعدني او اي واحد تاني و اكون مشكورة
| |
|
|
|
|
|
|
|
|
|
Re: انا انسانة غريبة (Re: safa)
|
صفويه كيفك
الصراحه كلماتك حلوه
وإيقاعها زكرنى الأغانى الأجنيبه
تصدقى كلماتك دى ممكن وبراحه تبقى أشهر أغنيه أجنيبه
كدى أسالى عمر رجب بكلمك
بعدين ماعارفه ليه كده حسيت إنك بتتكلمى عنى
هى دى ما أنا زاتى
حبيبه لكن غريبه
تقبلى تحياتى
وجــــــــــن
| |
|
|
|
|
|
|
|
|
|
Re: انا انسانة غريبة (Re: safa)
|
اقول انهاكتابة رائعة لفرط الصدق فى وصف الحالة الشعورية واعنى بالصدق القدرةعلى جعل الكتابة مطابقة للواقع الشخصي
يكون ان القصيدة انتابها الاتى
كان الولوج لمخاطبة الحبيب وجعلهةمركز النص الخفى مفاجئا اى ان القصيدة باشرت مخاطب مجهول والحقته بان ادارت موضع النص
النص يتحرك فى بحور بدون نظم وبين الزاجر والطويل
يظهر جدة الكتابة عليك ياصفاء
الاكثار من العطف بحرف الواو يثقل النص ويجعله اقرب للسرد
النص رائع فى فكرته وبه اخلاص فى وصف العاطفة
والاسترسال كان جيدا
| |
|
|
|
|
|
|
|
|
|
Re: انا انسانة غريبة (Re: safa)
|
صـفاء ..حبابك وكل غربة وانتي بخير..
ما عارف ، لكن حاجتين بيستغرقون لحد الاحتفال وهما الحزن والغربة..الاولاني ده ما مجالو..اما التانية فعندي قناعة أن الغربة احساس انساني ايجابي ..لاحظي انا ازعم اني عرفت الغربة في حياتي منذ عشرين سنة مع اني طلعت من السودان قبل اربعة سنوات فقط..ما هو الغربة برضك انواع ..غربة جغرافيا..وافكار وروح..
فكرتك ، حسب فهمي أقرب للتمرد من كونها غربة..والسبب بسيط ، لأن واقعنا الاجتماعي والثقافي والجمالي يتصور العلاقة الانسانية بين المرأة والرجل في اطار الحب وتوابعه ولوازمه كمان..فلما تجي انسانة تقول ليك انا ما عاوزة الدور ده او الاطار ده..ح يكون أول ردة فعل باطلاق حكم القيمة:واللـه دي انسانة غريبة..عشان كده جات فكرة "انسانة غريبة" هي دعوة لمراجعة تصوراتنا ومفاهيمنا للعلاقة الانسانية..وكلامك من هذا الفهم هو عبارة عن منفستو جديد لهذه العلاقات..
المسألة التانية ..مدخلها اخر عبارة في مفاكرة اخونا حسن ستة والتي تذهب الى ان الشعر شعور واحساس..اتفق معه تماما ..وتصوري للمسألة ان الشعر انفعال ..على أساس ان لكل فعل رد فعل مساوي له في القوة ومضاد له في الاتجاه ، ما ادس عليك الفيزيا دي سقطت حجري من زمان، المهم ما علينا..لكن داير اقول انو أي انسان عندو القدرة على الانفعال ،لكن الرد بيختلف من زول لزول او من زولة لزولة..فمثلا قد يكون الرد قصيدة، خاطرة، لوحة، ثورة، انقلاب، او حتى شلوت..
اما تصنيفات الكلام الى شعر او نثر فهي قيود تحد من حريتنا في توصيل صورة الانفعال..وده ما كلام ضد الشعر وانما هو تصور قابل للدحض والتفنيد..
لكن بالنسبة لفكرة التمرد دي..اهديك النص ادناه وكتبتو في يوم 13 أيار 1988 وكان رد لسؤال زولة..لاحظي الرد كان بعد ست شهور قمرية..المهم..
صــــديقـة
مـدي جسور التواصل
مـدي يديك الـمرعشة
و أكتبي على صدر الزمـان أروع وثيقة
وقولي بكل اباء
وكبريــــاء
وشـموخ..قولي الحقيقة
عين الحقيقة
بأني قد فضلتك من بين النساء
كل النساء
أوفـى صديقة
و بأني حكيت لك
عن كل أشيائي الصغيرة
وأسراري الـمثيرة
وعن حزن في صدري لا أطيقه
قـولي ..أن الـمرأة أروع حينـما تكون صديقة
أنا لا أريدك
امـرأة ترثـى لحـالي
وترسم حينما تلقاني
على وجهها مـحبة شفيقة
وتسكب على مسـامعي..
در الـكلام
وهـمسات تـملق رقيقة
أنا أريدك انسانة
تـهدهـد جـرحي
وتؤمـن بأحزاني العتيقة
كـل أحزاني العتيقة
وبأني بـحـار متعب
يعاني في ذلة الـصـمت
اشتعال حـريقه
أنا..يا انت
وبكل حـقيقة
أفضـل الـمرأة صــديقة
و أفـى صــديقة
ودمت
محمد النور كبر
| |
|
|
|
|
|
|
| |
safa
boco
waleed500
abas
altahir_2
وجن
Kabar
ايهاب
فيس بوك
تويتر
انستقرام
يوتيوب
بنتيريست