|
Re: غلطة لذيـــــــــذة .. الليلة ما عيد ميلادي (Re: Modic)
|
بسم الله الرحمن الرحيم
الظريف/ محمد موديك HAPPY BIRTHDAY7modiee al 3sal +الفنجري+عاطف عبدالله
المكتوب قدامي دا هبي بيرس دي (حمودي) العسل + عاطف عبدالله + الفنجري فحمودي هي خلطة من (محمد وموديك) ولو إنت عيد الميلاد دا ما حققك أديني ليهو لأنو أنا ماعندي عيد ميلاد وما عارف نفسي مولود متين لي هسع وكل ما اسأل أبوي أقول ليهو أنا مولود متين يقول لي مولود أيام موت صلاح أها وصلاح مات متين يقول لي السنة الزارنا فيها سيدي ود المهدي أها وسيدي زاركم متين؟ .. وقصة طويلة فرأيك شنو تتنازل لي من عيد الميلاد دا وتخليني مع عاطف عبدالله والفنجري ولو أصله المشكلة في كلمة العسل خليهم يختو بدلها شنا
عاطر التحايا بدرالدين شنا
| |
|
|
|
|
|
|
Re: غلطة لذيـــــــــذة .. الليلة ما عيد ميلادي (Re: Modic)
|
العزيز بدر الدين شنا
غايتو ربنا يعينك .. ذكرتني بي حبوبتي .. لما اسألها عمرك كم ؟ تقول لي : لما ولدت ولدي البكر كنت صبية طيب صبية دي يعني كم سنة يا حبوبة ؟؟ و أنا بعداك أقعد أحسب و أخمن لحدي ما أطلع نسبة تقريبية و لو عايز يوم الميلاد ده .. ما عندك أي مشكلة .. و علي بالطلاق ما بيغلي عليك تب .. و هو ذاتو أحسن ليك من 1 /1 اللي بيتخذوهو الناس اللي عندهم شهادات تسنين .. و عندي منك طلب .. أديني مؤشرات كده عشان نحدد سنة ميلادك بانتظار ردك كل الخير
layon العزيز
تسلم يا راقي و نحتفل بيك في يوم خير الامتحانات كانت كويسة جدا .. و الحلاوة لما تطلع النتيجة .. بس انت اتواصل و ما تنقطع لك مني كل الود
محمد
| |
|
|
|
|
|
|
Re: غلطة لذيـــــــــذة .. الليلة ما عيد ميلادي (Re: Modic)
|
بسم الله الرحمن الرحيم
الغالي موديك سلام وشكر طيب إنت عايز مؤشرات ممكن تساعد غايتو بالإضافة للمعلومات المذكورة آنفاً أمي سألتها قالت لي (غايتو أنا البعرفو أختك أم شعيرات دي مولودة بعد بي سنة) وجارنا قال أنا مولود في السنة الكتلت فيها الصاقعة حمار الخليفة ود أبو راس .. يازول هوي أنا كفاي الهدية الأديتني ليها دي .. قلت يوم كم شهر كم؟
عاطر التحايا بدرالدين شنا
| |
|
|
|
|
|
|
|