|
تماضر .. عزة .. أدخلن سريع و قولن لي ليه قافلة معاكم ؟؟؟؟؟؟؟
|
عــــزة و تماضر أنتوا أقرب اتنين لي في البورد ده .. و أكتر زولتين أنا سعيد و محتفي بي معرفتهم .. لكن أنا حاسي بي انها قافلة معاكم الأيام دي .. ليه ؟ عزة الليلة قافلة مني كل طرق الاتصال بيها و قالت لي انها قافلة معاها و أبت تقول لي ليه و تماضر ما عندها مزاج ترد أو تعقب ذاتو .. و بالتالي الموود انتقل لي أنا برضو و بقت قافلة معاي شديد .. و بس قاعد اسمع في جيمي كليف ( قديم شديد مش .. يمكن عشان أعيش مشاعر جيلكم الزمان ) و متنح علي قول المصريين .. حصل ليكم شنو انتوا ؟ ما كنتوا مفرهدين و تماضر بيسموها زهرة البورد المتفتحة و عزة كل يوم تتحفنا بي نص أدبي حاسي بيكم و الله .. و الموود اللي انتوا فيهو أنا عايشو برضو .. و أحيانا احساسنا بالغربة بيزيد لدرجة اننا بنحس بي أنفسنا غريبين حتي عن أنفسنا .. لكن بشوية استبسال كل شيئ بيرجع لي حالتو اللي مفروض يكونها .. طمنوني عليكم و وروني الحاصل عليكم شنو ؟ و قولو لي ليه قافلة معاكم قدر ده ؟ و ليه الحاجات ما زي ما هي مفترض تكون ؟ لكما كل حبي
مودك
|
|
|
|
|
|
|
|
Re: تماضر .. عزة .. أدخلن سريع و قولن لي ليه قافلة معاكم ؟؟؟؟؟؟؟ (Re: Modic)
|
محمد ياصديقى الملهم الصغير لقد اخجلتنى بسؤالك الكبير كيف عرفت ان الشتاء يزور؟؟؟ وان خارج شباكى ينام الثلج وفى هياكل الاشجار النازعة الى تقبيل السماء، العصافير غادرتنا ولم تعد الجداول تحتضن الزهر وانا كائن من عجين الشموس واحتقانات الغروب
نجيمات المساء لم تعد تخبرنى بحكاية القمر مع سطح البحر، ورمل الصحارى
اتمرغ فى جوعى لكلمة صغيرة مضيئة، ويحزننى غدر الاصدقاء ولكنهم، على كل حال، اصدقاء حتى الفصول والمواسم، لم تختارنى للفرح، مع انهم هم اصدقاء حتى المدى، والشواطىء، لم تصادق على وصولى ، مع انهم هم اصدقاء
شكرا يامحمد انا بخير اتنفس بانتظام واموت موتا بطيئا بانتظام
مع ان الحب احبنى ، والسماء باركتنى ، لكنى اموت ببطء مهيب...
انا بخير والحمدلله اشجن من العشاق وابكى من الثاكلات واخفق من محارب مهزوم لكنى بخير والحمدلله
اشكرك على السؤال عنى وهو ما يجعلنى بخير، والحمدلله
يا اشف الاصدقاء
| |
|
|
|
|
|
|
Re: تماضر .. عزة .. أدخلن سريع و قولن لي ليه قافلة معاكم ؟؟؟؟؟؟؟ (Re: Modic)
|
محمد
i will be fine.
انا امكن مدلعة سااااااى
ما تخرب طبعى
لووول
انا اصحابى وصاحباتي يغطوا عين الشمس ما افضلهم عليك مبطرة فى الحب والاهتمام ما افضله عليك شبعانة من حب الاخرين واطفالى بعاينوا لى الله وبعاينو لى وما افضلهم عليك
لكن اهو مرات بتقفل معاى امكن جحود منى امكن حاجة وهمية اسمها ابداع، فن ، عباطة ، غربة ، وطن مستحيل، مسئوليه اكتر من اللازم، زمن عاصى، قصيدة متكلسة، حنين ما عارف لمين؟؟ المهم اما بنعمة ربك فحدث انا شبعانة حب واصدقاء وظمآنة للزيادة وانا قريب دة بقيت على اتصال يومى تقريبا مع انوار لانهم عاملين منتدى للنساء فى واشنطن ودعونى للاشتراك وواشتركت، انوار بتعمل فى حاجات سمحة وقريب دة حنتلاقى فى ندوة عن تربية الاطفال فى الغربة ودى ندوة منظماها الستة دى زاتها
محمد انت تعاود فرحك وجمالك
وانا بكون كويسة
وهسة كويسة
طيب؟؟؟
تحياتى لروحك المبدعة
| |
|
|
|
|
|
|
Re: تماضر .. عزة .. أدخلن سريع و قولن لي ليه قافلة معاكم ؟؟؟؟؟؟؟ (Re: Modic)
|
مودك يا رائع دعني اكسر الابواب المغلقة والعن سارتر الذي احكم اغلاقها بان قال ان الاخرين هم الجحيم لقد اسقط عنه اهاب الفكر وصدق الكلمة ورغم انف سارتر سالج هذا البوست الذي لا يخصني لان روح اجمل انسانة اسمها تماضر ترفرف حوله وحيث تكون هذه الروح القلقة ساكون لعلي اتجانس معها وانفح روحي بمعين صدقها الذي لا ينضب وامتع نفسي بشي من الالق والبهجة الذين اجدهما حيث ما حلت تماضر انفضي عنك هذا الخطاب الذي لا يشبهك وتذكري دائما ان لك اصدقاء يحبوك اكثر من تتصوري . تماضر انا معجبة بهذا البشر الاستثنائي الذي يسمى مودك رغم حداثته فهو يمتلك العقل الراجح والشفافية هذا موقف ماساهل يا محمد كونك تسال عن اصدقاءك لتتعرف على اوجاعهم وتنفحهم من روحك الجميل انت انسان يا محمد. عزة ارجو ان تظهري مودك في انتظار ردك فعلا واحشانا الناس بالناس والكل برب العلمين
| |
|
|
|
|
|
|
Re: تماضر .. عزة .. أدخلن سريع و قولن لي ليه قافلة معاكم ؟؟؟؟؟؟؟ (Re: azza)
|
عائشة يا صديقة الظلام والحيرة محمد ايها الشفيف لحد العطر
والى كل ما واتاه الشك فى التواصل وكل من اعتراه الغبن فى وحدته
لعلنا نخلص بالدعاء
فيا ايتها الامارة ارجعى الى ربك راضية والى عشقك مطمئنة والى الشعر مقرورة والى خيط الماء سلسبيلا والى شموسك فاقعة والى جناتك مخضرة والى الوانك ناصعة والى اصدقائك وافية والى الحنين مهتزة والى الاوتار دامعة والى الطيوب مستبشرة والى عيون الاطفال جديدة مولودة مندهشة والى غبار الفقراء فانفضيه والى المرتد عن الحب الكونى فايقظيه والى المدى فاصدحى فيه والى القلب الملتاع فواسيه
والى الوطن فاعشقيه والى الشهيد فغنيه وانثرى الورد على مقبرته..فسيبتسم وسيرى مباركة مدثرة بعباءات التوق بخطى من عطاء تظلك سحابة من مطر متفائل وحليب وهناء يكفى لسلام الارض وامان الله
قولوا امين
| |
|
|
|
|
|
|
|