|
|
 من عاطف خيري في ...
|
دي مقطع هـ
من مسادير
منك و ليك يا استاذ يارئع يامتواضع
يا عاطف خيري
رد غربتك
و اتمنى ليكم ياناس البورد و كل السودانيين البره تايهين هايمين بلعتهم المنافي
انو نتقابل بس جمب النيل تحت النخل
او جمب الباباي
هــ
نتقابل
حقيقه بقولها ما بحلم
غصباً عن عيون الهم
وعن كل الضباب الجايي
والمبهم
وعن زمنى الصِبح جاسوس
يهّرب للحزن خبرى حنتقابل
وأشيلك في العمر وأجرى
أحبك ينقطع نفسى
وأضمِك نتفرق واحد
نتقسّم على العاشقين
ونتقابل بدون ندرى
القاك والأّ تلقينى
لا دايرك معايا عروس
ولا بيك ينجبر دينى
ولا شايلك معاى واجهه
حنتقابل وترسم
فى حشا الأيام تصاويرنا
نضيع فى زحمة الفرقة
تحس بالألفة ناس غيرنا
مع ضو الشمس تشرق
ملامحنا وتعابيرنا
صحى الأيام مشت
لكن
نحن الليله موجودين
لا بنتعب ولا واقفين
ولا كملت مشاويرنا
***************
***************
تعالي
تعالي نأدب الأيام
تعالى نلجّم الوحشه
عشان خاطر عيون طفلين
فى أعماقنا ما كبروا
وكبرت فيهم الدهشه
تعالى مفاصل اللقيا
بكت مشتاقه للرعشه
تعالى حسب مواقيتك
عقارب الساعه مشدوهه
تفتش عن مواعيدك
تعالى خلاصنا فى إيدك
|
|
 
|
|
|
|
فيس بوك
تويتر
انستقرام
يوتيوب
بنتيريست