|
|
 الجندريه..عملتي شنو في التوب؟
|
العزيزه...
كيفك ..والله انا شفغانه علي توبك لانو العيد قرب...
اهـا...وصلتي لحدي وين...انا والله لو كنت بعرف افلفل كان جيت ساعدتك...لكن ممكن اقدم ليك مساعده تانيه،ممكن امسك ليك الشفع والعب معاهم لانودي شغلتي...قصرت معك
والعندو مساعده تانيه يدق سدرو لانو توبك دي اهم حاجه...
تحياتي
حلوم
|
|
 
|
|
|
|
|
|
|
 Re: الجندريه..عملتي شنو في التوب؟ (Re: Abomihyar)
|
الكاتب : تاج السر محمد حامد
الثوب السودانى كان ولايزال وسيظل رمزا لحشمة المرأة السودانيه وعزتها وجمالها أيضا وقد تغنى به الشعراء فى وطن المليون ميل مربع منذ سنوات طوال ولايزالون يتغنون به وهاهو الشاعر بشرى سليمان سعيد يطالنا جميعا بأن نعز الثوب حيث يقول :
عز التوب وكت يتشال وينشره
وعلى الكتفين يتوه ويتيه مره
عز التوب سماحه على بنات بلدى
وقد تغنى بهذه الكلمات الفنان الراحل ابراهيم موسى أبا .. وماأروع الفنان على ابراهيم اللحو وهو يشنف الآذان بجمال محبوبته وحشمتها وهى ترتدى الثوب السودانى حيث يقول :
شوف عينى الحبيب بى حشمة لابسه التوب
والتوب زاد جمالو وزينه يامحبوب
إلا أن مايدعو للألم والحسرة ونحن هنا فى غربتنا ولسان حالنا يقول ( خطا كتبت علينا ومن كتبت عليه خطا مشاها ) وهو رؤيتنا لكثير من الأفريقيات وقد إرتدن هذا الثوب الأنيق دون أن يلتزمن بما يفترض فى من ترتديه من الحشمة والوقار وكريم الأخلاق .. ومايؤسف له أكثر وأكثر تفاجأ بالحقيقه المره والتىتصفعك بكل قوه وقسوة وتجرح كبريائك وصدق إنتمائك لوطن النيل والنخيل وطن الجمال والتلال وطن توتيل وعدراييل وطن القطن زعصيدة الدخن حيث تفاجأ بأن الكثير منهن يحملن جوازات سودانيه وربما الجنسية أيضا !!! هنا تعقد الدهشه لسانك وتبدو عاجزا عن الحديث رغم تزاحم الأسئله وتدافعها فى دواخلك .. كيف حصلن على هذه الوثيقه المهمه ؟ وعلى أى أساس ؟ ومن الذى سهل لهن ذلك ؟ والى متى يظل الحصول على الجواز السودانى أمرا ميسورا لكل من هب ودب ؟ وماهى الضوابط التى يجب إتخاذها لاحكام الرقابة على منح الجواز السودانى بحيث لايحصل عليه إلا من ينتمى فعلا للوطن القاره ويدرك تماما ماتعنيه عازه فى هواك .. لكل أصحاب السواعد السمر .. اللهم قد بلغت اللهم فأشهد . وأكتفى .
| |
|
|
|
|
|
|
|
|
 Re: الجندريه..عملتي شنو في التوب؟ (Re: bamseka)
|
حليمة الحنينة
وابو مهيار
بامسيكا
اشكركم من كل قلبي
على اهتمامكم بالتوب
ويا بامسيكةموضوعك ده بارجع ليه تاني بعد احل مشكلة التوب
انا طبعاً احبطت جداً وخلاص حانضم لي ركن المحبطين حق بت قضيم
لانه مافي اي طريقة التوب يلحق
مع شغل السخرة ده
وزرة الأولاد في الخبيز
وادمان البورد
وضيوف ماقبل الاذان بثانية
وموانع كثيرة
طارت احلامي في توب مفلل
كان ربنا هون يمكن يلحق عيد الضحية
وشكيت ود شاموق علي الله
كل منو
| |
|
|
|
|
|
|
|
|
 Re: الجندرية عماتى شنو فى التوب (Re: الجندرية)
|
كل الحلوين
كل سنه انتو طيبين..
ابومهيار شكراليك وانت بس جيب مهيار يلعب مع اولاد الجندريه عشان هي تفضي للتوب.
يا جندريه والله بختك الله يديني البجيب لي ضيوف في وقت الفطور ذاتو...
تحياتي
| |
|
|
|
|
|
|
|
|
|
Re: الجندرية عماتى شنو فى التوب (Re: Halema2)
|
الجندرية
عليك الله وقت تفضى عندى عمة جديدة برضها عاوزة ليها شغل من النوع البتعرفيه داك ويعجب الناس..
حليمة والله حننتينى ياخى
الله يديك والعيد الجاى فى بيتك ان شاء الله
| |
|
|
|
|
|
|
|
|
|
Re: الجندرية عماتى شنو فى التوب (Re: قرشـــو)
|
حليمه والجندريه
وكل الاحباب
العيد مبارك عليكم
وعلينا وعليكم اتبارك
واعفو مننا نحن حتنا عافيين منكم
مالك يا حليمه ما كلمتينا من بدرى باقى نحن لقينا لينا ترزى المانى على الحدود والله فصالا. ونقشته تقول وا غربتى دحين الفحن تيابكن وتعالن بتوسط ليكم وتانى مره من رجب ابقو ناس خياته ما تقابلوا بينا قبايل العيد وتجهجهونا
ليكم الود
انور
| |
|
|
|
|
|
|
|
|
|
Re: الجندريه..عملتي شنو في التوب؟ (Re: Halema2)
|
ياخوانا ، حليمة تو وبقية حبات العقد .. كدي كلمونا عن مستقبل التوب .. هل حا يصمد مع العولمة والتأصيل والتجديد والتحديد والبشتنة المتمثلة في الطريحات اللا ساترات لا مغطيات ديل . هل أجيالنا القادمة ستقتنع بلبس التوب ؟ إنظروا إلى طالبات الجامعات الآن . هل للوضع السياسي دخل في الموضوع؟ أم هل هي أدوات العولمة تتسلل إلى التوب .. وعلى ذكر التوب أجدني أقيس موضوع الكسرة التي لا أعتقد أنها ستصمد أكتر من عشرين سنة قادمة إن لم يكن أقل . وعلى العكس أجد أن العطور السودانية ستصمد وأشك أن الأغنية السودانية ستنجو من التيار
وبعد ما تخلصوا من عمة قرشو .. أنا برضو عندي عمة
| |
|
|
|
|
|
|
|
|
|
Re: الجندريه..عملتي شنو في التوب؟ (Re: Halema2)
|
مافي مانع نشتغل ليك العمة
بس تكون صبور لانو انا التوب ما قدرت اللحقو العيد
يعني العمة حتلبسها في عيدالضحية البعد الجاي
اتخيل لي العولمة دي حاتخلي التوب يصمد اكثر مما كان يمكن ان يفعل بدونها لأن انفتاح العالم على بعض يدعو لأن تقدم ما لديك فالثقافات الشعوب ستنهض بالانفتاح علىالثقافات الاخرى لأن في العولمة اعتراف واهتمام بالخصوصية وليس العكس كما هو شائع
تصدق انا بعد ما طلعت من السودان حت بقيت البس التوب
طول عمري داخله في الجينز بنطلونات واسكرتات
لكن لمن طلعت من السودان لم اجد اجمل منه لا أرتديه
بس في الاخير عايزه اقول انه التغيير الأزياء باعتبارها ملمح ثقافي قائم ووارد وليس له علاقة بالعولمة فقد تخلصت نساء الوسط من لبس الرحط ولبست التوب في قبل فترات ليست موغلة في القدم
المسائل ماشة وليس هناك مقدس
فكلو قابل للتغيير حسب الزمن ومتطلباته
| |
|
|
|
|
|
|
|
|
|
Re: الجندريه..عملتي شنو في التوب؟ (Re: Halema2)
|
الاستاذة حليمة
والله الواحد خايف إن الموضوع يكون في مرحلة تحولوا من ممارسة يومية إلى مجرد حب له وحنين إليه ، ثم ما يلبس ذلك الحنين أن يخبو بطول المدة وعدم الممارسة
والسبب هو هذه الغربة التي حلت بعض المشاكل وخلقت مشاكل كثيرة أخرى
والله شفعنا الولدناهم في الغربة ديل ما عارف هل نحن جنينا في حقهم وللا أحسنناليهم
يعني تجبرهم على اللبس السوداني
تجبرهم على الأكل السوداني
تجبرهم على الغنا السوداني
بعد شوية بمقارنة بسيطة مع المطروح الاجنبي يلقوأ إن الحكاية في النهاية هي محاولة إرضاء لنا فقط .. لكن المقارنة صعبة وبضاعتنا مؤهلات المنافسة فيها تعتمد على الإرث أكثر شيء
يعني مثلا مسلسلاتنا في التلفزيون ، غير جاذبة مقارنة بما نراه من غزارة الانتاج المطروح
بالنسبة للأغاني تجد الاغداق الاجنبي في الفيديو كليب لا يقارن ببتاعنا
بالنسبة للبسي حايقولوا ليك طيب دا مالو؟
فهي معادلة صعبة تورطنا فيها بمحض إرادتنا
| |
|
|
|
|
|
|
|
|
|
Re: الجندريه..عملتي شنو في التوب؟ (Re: Halema2)
|
الجندرية
خاتمة كلامك تخوف
يعني مافي شىء مقدس؟
والله تبقى عوجة كبيرة
بعدين نحن لو جينا نفلسف الحكاية فسنجد أن
البلدان التي تستعمل التوب هي الحزام الممتد من الهند إلى موريتانيا مرورا بالصومال والسودان
إلا أنه أصبح لنا علامة بارزة وصفة مميزة نحب أن نتمسك بها
بس في نفس الوقت لا نجد الاجيال الشابة الآن متمسكة به
والدليل على ذلك كلامك انت ، حيث مل تلبسي التوب في السودان
| |
|
|
|
|
|
|
|
|
|
Re: الجندريه..عملتي شنو في التوب؟ (Re: Ahlalawad)
|
مافي شئ مقدس اقصد هنا في السياق وليس بشكل عام
انا مؤمنةتماماً بأن الزبد سيذهب جفاءً واما ما ينفع الناس فيمكث في الأرض
لبس التوب كما ذكرت لم يكن قديماً سائد عندنا في السودان فحتى في الاربعينات كانت النساء في بعض مناطق الوسط خاصة في فترة ما قبل البلوغ يرتدين الرحط ولي خالات على قيد الحياة وربنا يمد في اعمارنهن كن يلبس الرحط فمسألة الأزياء والاكل متغيره بسرعة ويبقى التمسك من باب الحنين
بس ما في خوف كل جميل في وقته وبي معاييره
يعني زي ما بقولوا اللسانيين في السياق
| |
|
|
|
|
|
|
|
|
|
Re: الجندريه..عملتي شنو في التوب؟ (Re: الجندرية)
|
انور
انت انور صاحبنا ولا واحد تاني
رسلينا في المسانجر النفهم الحاصل شنو
لاني شفت ردك في بوست حق الموصلي بتاع الغناء ودخلني الشك
كان صاحبنا مليون سلام ورسل في الماسنجر عشان نعرف اخبارك
وكان واحد تاني
برضو سلام
وكل سنة والجميع بالخير كلو
| |
|
|
|
|
|
|
|
|
|
Re: الجندريه..عملتي شنو في التوب؟ (Re: ود شاموق)
|
1- عام
الذي رأيته في الخرطوم يؤكد ان التوب آئل إلى زوال،صرف النظر عن الدواعي وألأسباب
لا موقف لي ضد التوب ،أتعامل معه أوبالأحرى موقفي منه متحول وفقآ للحالة، مثلآ ،زوجتي كانت ترتدي الجينز والفساتين بدون توب إلى أن انجبت التومات وهن البطن التالته ،فزاد وزنها وسترته بالتوب، وفي الحالتين ما قبل ومابعد التوب متصالح مع شكلها وتبدو أنيقة بقدر مناسب ،والبنات طويلات ولايلبسن التوب ،ما عدا واحدة تلبسه مابين بيتنا وبيت ناس يمه ،مسافة شارع واحد ،كسلآ منها زي ما قالت ولكن عارف انها خجلانه من طولها الفارع وبداية الإكتناز ،وكل يوم نقرأ لها ان الاكتناز حرام ،هذه يناسبها الجينز وتلك لا والعكس
التوب في بعض مجالات العمل غير عملي بل في بعض المدن ، القاهرة مثلآ بيكون معوق في الحركة وايقاع المدينة السريع ،مرة قفزت من الاتوبيس وهي لم تستطع بسبب التوب ونزلت في المحطة التالية وكانت تبعد زهاء الخمس كيلو وكادت ان تضيع مني
اوافق على التوب في مدن الخليج لتناسبه مع الجو العام وتوفر وسيلة المواصلات الخاصة ،كما انه يوفر حالة التمايز بين الزولات والأخريات
لا اوافق على التوب بإعتباره الزي الوطني ف حالة التعدد في السودان تقتضي الاعتراف بثقافة ومزاج الآخر بما فيها الأزياء ،ويكون للاوو والجرجار ذات الاعتبار الذي هو للتوب
يستفزني شعار إتحاد الشباب السوداني ،توب وجلباب ،هذا يمكن وبتحفظ ان يكون شعار شباب الشمال ذوي الثقافة العربية الإسلامية ،ولكنه لايصلح شعار للشباب السوداني {راجعوا الفقرة اعلاه عن التعدد } وعلى إتحاد الشباب السوداني مراعة هذا التعدد في شعاره
2- خاص للجندرية
انا جعلي،وزوجتي فخورة بي بل تفاخر بي زميلاتها ،وبناتي يتمنين ان يوفقن ب زوج مثلي ،،وايضآ دارنا مفتوحة للضيوف ،واتيي بهم للبيت مرات في آخر الليل ،فتنفض النوم عن عيونها وتشمر بحب لتعد لهم وجبة ومأوى ،،واتسامح في لبس النضارات ،وأم ساندرا تقود سيارة ، ونناقش الحالة العاطفية لماهيتاب ونصدر قراراتنا بالسكوت الجماعي
| |
|
|
|
|
|
|
| |
Halema2
Abomihyar
bamseka
الجندرية
BAKASH
bit barber
mohmmed said ahmed
قرشـــو
ود شاموق
Ahlalawad
أبو ساندرا
فيس بوك
تويتر
انستقرام
يوتيوب
بنتيريست