|
|
 البورد دة ما بتخلى
|
هيى البورد دة ما بتخلى
كان شادى الملاح فى الحلة
ولا مصيبة جات فى الحلة
كان واجب جناك ما اتحل
كان البرلمان اتحل
كان يوم فى الشغل تتزلى
وكان روح المعاك تتسل
ياكا الجارى ليه
بلهفة، داير تقرا، داير تبقى، داير بالبديع تتسلى
يابورد ... اصلو ماتنضر... بس يمسكنا منك ... الله
دة شنو دة؟
|
|
 
|
|
|
|
|
|
|
|
Re: البورد دة ما بتخلى (Re: Tumadir)
|
و الله يا تماضر
البورد بقى لينا إدمان
ما نخش النت إلا ليه و عليه طوالي
بس بالجد ما بتخلى
بقى لينا أهلنا و ناسنا
الزول ما بصدق يلاقي ليه زول يتونس معاه في الغربة دي
و ناس البورد أحلى ناس
تسلموا لي كلكم
| |
|
|
|
|
|
|
|
|
|
Re: البورد دة ما بتخلى (Re: noha_g)
|
تماضر لنحمد الله ان هياء لنا مكان نعوض فيه
عن بعض مااجبترتنا الظروف علي فقده
يكفي البورد هذا روعة انه جمعنا بكم
نهي
ناس البورد احلي ناس
وانت من احلي ناس البورد
حفظك الله
| |
|
|
|
|
|
|
|
|
|
Re: البورد دة ما بتخلى (Re: عبدالله)
|
ما ياها حلاة ناس نهى دى زاتها... المجننانا
لكن معاك حق نحمد الله انو عندنا متنفس... زى دة بس لو زادوا لينا اليوم شوية بقوهو لينا خمسين ساعة... يكون رهيب...
حقو نقدم طلب لادارة البورد يزيدوا لينا الزمن؟ ولا رايكم شنو ياعبدالله ونهى، طالما الكلام جاب الكلام؟
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
صدقت يا تماضر البورد ما بتخلى لأنه فيه الزيك وزي نهى وإنسانة وودعزة والموصلي وحمزة و .. و .. أقول منو ولا منو ولا منو والله درر في جيد سودانا الحبيب جمعهم البورد ربنا يجعل ليك يا بكري يا ود أم بكري في كل معلومة وكل طرفه وكل كلمه جميلة في هذا البورد ألف مثلها في سجل حسناتك
ٌقولوا معايا آميييين يا رب العالميين
| |
|
|
|
|
|
|
|
|
|
Re: البورد دة ما بتخلى (Re: عاطف عبدالله)
|
عبد الله
تماضر
عاطف عبدالله
لكم التحايا يا رائعين
و الله إنتم الحلوين
و زايدين البورد حلاوة
و كلنا تامين
في هذا البورد
و إن شاء الله كمان دايما لامين
و على الحلوة و المرة نتعاهد نكون اخوان
و يخلي لينا البورد
و كل الناس الحلوة
اقتراح اليوم 50 ساعة دا جميل منك يا تماضر
كدي نشوف امكانية التحقيق
looooooooooooool
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
ما قلتو نووووووووووووووووووووووووووووبه
عودا حميدا مستطاب...والجابك يجيب عقابك..هو اصلو ذي ما قال صاحبنا غربة السجم دي بلا بوردات اصلو بقت ما بتنطاق..اهو الواحد يعني بيحاول يكون قريب من الناس لانو البورد عباره عن سودان صغير فيه وفيه ..وما احوجنا لمن يسري عنا ويخفف ويلات الغربة التي تكاد تكتم انفاسنا وعموما نورتي بيتك يا ستي تماضر ..ورجوعك ذكرني غنية البلابل رجعنالك ..والله الغنية دي بفتش ليها ذي المجنون ولو واحد جابه لى يكون ذي الوهبني الدنيا وما فيها ويلا ارتاحي والشاي في النار يا بت شيخ الدين
| |
|
|
|
|
|
|
|
|
|
Re: البورد دة ما بتخلى (Re: Elmosley)
|
هل تعلمي
العزيزه تماضر اني لا اتخيل ان اليوم يبدا
دون ان افتح البورد وابدا به يوم عملي
كانما اتنفسه اجد نفسي هناك بين اهله
والله ما عارفه كيف يوم البورد يخلي
دا اظنه المستحيل
لك ودي
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
يا تماضر البورد ده أبى يتخلى حتى لو قلنا نريد حلا غايتو يحلنا الحل بله
لكن عزاءنا أن نكون في شربكه ما بتتحله مع هذه الشخصيات السودانيه الجميله و الإدمان مع الجماعه عرس
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
الرائعة تماضر
(تكملة)
وليه يتخل
بدل نمشي بعيد ننزل
ندخل البورد وما نتدل
ولا بنقدر كمان نتحل
خش قلبنا صميمو احتل
روائع سمحة ما بتتقل
أديب القصةقام يتجل
معاني رقيقة ما بتنعل
شوفو البورد وقتنا احتل
والبيعوم أكيد أنبل
وعشان يبقى نقول يا الله
لا نخليهو ولا يتخل
| |
|
|
|
|
|
|
|
|
 Re: البورد دة ما بتخلى (Re: wadazza)
|
العزيزة /تماضربت شيخ الدين
لك التحية
واخيرا أعترفتي لكن شئ طبيعي لأ نسان يحمل الطيبة والحنية لبلده واولاد بلده
بس انا بقول الله يمسكنا منك يابتاعت الشمارات ههههههه يكة
مع الود
النورس الحزين
| |
|
|
|
|
|
|
|
|
|
Re: البورد دة ما بتخلى (Re: النورس الحزين)
|
بت الشيخ امسيتتى عافيه
عاد قلتيه لى والله الصباح الصباح مناقره شديده خلاس؟ مع ام الجماعه عمنها متريسه ومنظمه وما بدور السهر باقى بسيلها وجع الراس؟
وان هاك يا سهر وديك با الكتابه وديك يا القرايه
ومرات متل المجنون اقرقر براى
اها البارح القريبه دى قالت لى قريت كلام منو كدى واحد من الرطانه ديل اظنه انقليزى قتلها لا ما قريته قالتلى اها ده باحث فى علم النفس قال الانترنت بتسوى الطلاق العاطفى . عاد ده كلام
اقول ليك اثنى وما ببطل؟
انور عبد الرحمن
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
بسم الله الرحمن الرحيم
العزيزة الرائعة تماضر
عليك الله يتفات وين بس البورد ده
هو الزيكم بتفات وحتة فوقها انتي بتتفات؟؟؟؟ربنا ما يحرم السودانين من بعض واخوة واخوات دوما ان شاء الله
تحياتي يا عسل
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
صدقتم والله
فكل هذه القامات
وكل هذه الاطلالات الخفيفة والمفعمة تجعلنا لا نفارقه
فلنكن اخوان واصدقاء
على الحلوة و المرة كما قالت الاخت نهى
ونحن بالفعل كذلك
وبرغم حداثة بعضنا ومنهم انا
الا انى كانى اعرفكم عن قرب فردا فردا
وربنا يديكم الصحة والعافية
سلام يا حلوين
| |
|
|
|
|
|
|
|
|
 Re: البورد دة ما بتخلى (Re: ودنمر)
|
البورد يا تماضر بالجد ما بيتخلى
اكتبى باختصار يوم التشدى الحلة
واقرى كتير كمان لما القليب يتجلى
وزوزى هنا وهنا زى دابى دخل الحلة
وفطفطى للمواضيع زى طفلن بيشوف فى مجلة
واياك الحرد ود عازة قالوا تخلى
ولا أخوك كمان رمى لى استقالتو تخلى
كضابين كضب باكر يجوك بى علة
عشان يتحكروا فى عنقريب الحلة
ويسمعوا للخبارات أمريكا عمر الملا
looooooooooool
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
تماضر
وأخوانها وأخواتها (الجد جد والبي الرضاعة والبي بورد كمان ) أعود
أيضا لحكمة أمي فلقد قالت
في موضوع بلة أن: المثل يقول يحلنا الحلة بلة من القيد والزلة. وذلك يعني أن بلة كان أسيرا بغير وجه حق لكن الله حلاه. فمن أسره هذا البورد بغير وجه حق الله كفيل بيه. لكننا أسرى
(الغرام.(وياأسير الغرام ياقلبي
ودمتم يا الحبايب
| |
|
|
|
|
|
|
|
|
|
Re: البورد دة ما بتخلى (Re: Abomihyar)
|
الأخت تماضر
شخصيا اتنفس بحرية وبهدوء عندما أدخل البورد
وأحب كثيرا المواضيع المضحكة التي تخفف علينا عنء الغربة وآلامها
ولو تصدقي انني تاسفت على كل الأيام التي كنت بعيداً فيها عن هذا البورد
فالشكر لكل الذين أعادوا الينا البسمة
وخلقوا هذه الإلفة بيننا
| |
|
|
|
|
|
|
|
|
|
Re: البورد دة ما بتخلى (Re: Abomihyar) (Re: Tumadir)
|
أعزائي
كلكم يا الناس الفوق
يعني تاني أي واحد يقول حردان والا زعلان والا استقال
ننادي ليهو الزول زاتو بعد ما نمط ليهو لسانو شوية
وبدون تعليق نخلي بس اللسان شغال اليوم كلو لغايت ما الحردان يرجع
يعني الكلام داك كلو طلع كضب وعرضحالات الرقم كانت بتحريض من الحردانين
تاني واحد يقول ماشي
عشان نفتح ليهو
ونقول ليهو الباب بيمرقك مع بوستاتك
بوظتو اعصابنا في الفاضي
| |
|
|
|
|
|
|
|
|
|
Re: Re: البورد دة ما بتخلى (Re: Abomihyar) (Re: garjah)
|
ايتها القامة الفنية السامقة لكي التحية وانتي تحاولي بقدر المستطاع ان تعبري عن ما يعتري الجميع من شوق عارم ولهفة لا تحدها حدود لوطن غالي حدادي مدادي ..ولكن برغم البعد عنه وعن نيله وانسانه الا ان هنالك من نفتخر بهم ونعتز بانهم قربوا المسافات واختصروا الطرق للتواصل فلهم مني ومن الجميع خالص التحايا لبكري وصحبه وكل الميامين الذين يحترقون من اجل ان نتواصل برغم البعاد ..
صدقتي ياتماضر في ان هذا البورد اصبح المتنفس الوحيد الذي نلجاء اليه عندما نشعر باننا في حوجة الى من نضحك معهم ونقراء افكارهم وارائهم وحتى ضحكاتهم نحسها وكانهم معنا فلن اتصور نفسي بدون هذا المنبر يوما ما فيكفي انه جمعنا باصدقاء اعزاء ونعتز بهم وكنا نتمنى ان نلتقي بهم منذ زمن طويلا واخوات عزيزات يشرفنا ان يكونن معنا من خلال هذا المنبر فلهم بدون فرز جميعا اندى التحيات
| |
|
|
|
|
|
|
|
|
|
Re: Re: البورد دة ما بتخلى (Re: Abomihyar) (Re: ebrahim_ali)
|
طيب ايه رايكم نبصم على منفستو الحب الجائر دة، الحب للبورد
نقسم ان نهديه وريدنا وشريانا
ونبث فيه شغاف احلامنا
نكتب فيه منتهى ابداعنا
نتعوض فيه وطنا
نكب فيه دموعنا ونشكى حزنا
ونضحك فيه على الظلمونا،الجاى يظلمنا
نبقى تحت سقفو ، تحت نور شمسو الدايرين كنا نكونوا وما كنا؟
ايه رايكم ونسجل صوت شكر لبكرى ابوبكر
والحردو ورجعو
ويازول يازول
صوت شكر طوييييييل زى صوط المطرالعقب القحط، من كل الالوان
نشكر فيه الداير ينبع مننا وال كان فينا وامكانيتنا وحقنا فى الحب،
والمرة الجاية البحرد ما بنحنسو، برجع واثقين من دى
وبس نبصم بالعشرة
كلنا،
مجبورين ، بنحب البورد
وعاش من شافكم ياروح البورد.
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
يا تماضر كيف
يتخلى؟ بالله كيف يتخلى
كان تماضر بالجديد كل يوم تتجلى
فيه الحبايب زى البدور تتدلى
وهجا عديل ........أنفاسنا
فيه تتعلى
وناس البورد أهلنا
كيف منهم نتحلا
ديل العسل ...........بى ذاتو
بيهم نبل الريق
وبالطعم اللذيذ كمان نتحلى
| |
|
|
|
|
|
|
|
|
|
Re: البورد دة ما بتخلى (Re: omergoda)
|
وانت القال ليك خلي منو
غايتو
جنس شلاقة
لكن المحيرني انه مالو كده وكيف بقي كده
والناس عرفت الموضوع ده كلها مرة واحدة مالم
الله يكفيهم شر العين
والحسد
والامن
وببغاء يحيي فضل الله المفضوح
| |
|
|
|
|
|
|
|
|
|
Re: البورد دة ما بتخلى (Re: Tumadir)
|
يا رايعه يا استاذه
بت شيخ الدين
البورد ما بتخلي
كان تفوت منو اكان تدق راسك بي جله
كان قاعد في فيهو ولا بتتحلا
سافرت جيت تاني بسراع للخلا
| |
|
|
|
|
|
|
|
|
 Re: البورد دة ما بتخلى (Re: Tumadir)
|
لو يخلوه كلهم.... يا أبو حراز.. ما بنخليهو...
عصر الجمعه 7/6/2003
المكان:- نادى الكوكب بحى الشاطىء بورتسودان... حيّنا....
weeen al malaieeen....
Tumadir ya 7aneena.... Allah yekhliki...
AnwarKing
| |
|
|
|
|
|
|
| |
Tumadir
noha_g
عاطف عبدالله
Elmosley
رقم صفر
Yassir Mahgoub
جمال السنوسي
بت قضيم
محسية
zola123
wadazza
النورس الحزين
قرشـــو
يازولyazoalيازول
ALZOLZATOO
Abomihyar
ابوحراز
garjah
ebrahim_ali
bushramk
omergoda
ABUKHALID
alfatih
AnwarKing
الفاتح يسن
فيس بوك
تويتر
انستقرام
يوتيوب
بنتيريست