|
|
 بحري ...اقيس محاسنك بمن؟؟
|
وحشة حرى اصابتني اليوم
وجعلتني اترك نوم الضحى الذي دائما ما يكون موعده الجمعة الجميلة
لاكتب عن تلك المدينة التي غلبني الشوق لها
فبحري سكنها الجمال منذ ميلادها ولا زالت غضة شابة
فام درمان شاخت وقتلها شعراءها حبا ووحشة
ورغم احتضان بحري لعدد كبير من الشعراء ونجوم المجتمع والفنانين الا انها لم تلق حظها من الشعر والحب الذي تستحق
فكانما اهلها يستحون مدحها مفسحين المجال لتك المدينة الخربة امدرمان لتاخذ ما تستحق وما لاتستحق من المدح والثناء
لا ازال اذكر حدائق البلدية وكيف كنا نقضي فيها ايام الاعياد بطولها وعرضها
وكم تدردقنا في نجيلة حديقة عبود الجميلة ايام الصبا الباكر وبعد ان اعيدت للحياة في الاونة الاخيرة
وكم كانت نشطة تلك الدار البسيطة مركز شباب بحري
وكم كانت الامسيات رائعة وجميلة في نادي الاتحاد البحراوي
ونادي التحرير في بعضها
ونادي العمال العتيق
وفي جمعة ظننت ان العاصمة تنتفض ولكني اكتشفت انها حفلة يحيها ابن بحري والصبابي جمال فرفور في كازينو النيل الازرق
يومها مشيت خلف الشباب حتى الكازينو وقرات في اعينهم انهم اكفاء وليسوا صيعا
وعشت معهم الانفعال بالحدث لحظة بلحظة ولم اخذ كثير من الوقت حتى اندمج معهم فلقد فعلت بنا الغربة غربة متصلة حتى ونحن نشاهد الاحداث في الوطن
هذا الجمال والنظام الذي اشتهرت به بحري تستحقه فهي مدينة العمل والزراع ومدينة الصناعة
انجبت المدينة من الشعراء الكثير
فابناء صالح عبد السيد يعيشون بها
ومن الفنانين
عبد العزيز داؤود....خضر بشير......صلاح بن البادية .....ثنائي العاصمة ...وقبلهم عوض وابراهيم شمبات....ومجذوب انسة....خوجلي عثمان....
ومن نجوم المجتمع الدكتور عوض دكام
ومن نجوم الكوميديا الفاضل سعيد
انها مدينة يغلبني الشوق لها كل يوم ...فهل من لقاء قريب يا بحري
يطفئ بعض ما يحترق فينا من حشى
|
|
 
|
|
|
|
|
|
|
 Re: بحري ...اقيس محاسنك بمن؟؟ (Re: garjah)
|
...ومن نجوم الفن من سكنها وهو في بدايته الفنية امثال عماداحمد الطيب،محمود عبدالعزيز،المرحوم عبد العظيم حركة،والكثير الكثيرو في مجال الكرة عندك الثعلب كدوس نادر منصور،والكثير الكثير من مبدعي ونجوم المجتمع،السياسة،الفن وال،لله درك يا قرجة فقد صحيت فينا تلك الزكريات الجميلة ،وكاني اراك جالسا في حدائق البلدية تسامر الاحباب ،ليتها تعود تلك الايام الخوالي
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: manubia)
|
العزيز
مانوبيـــأ
لا ادري لبحري طعم خاص
فاقت به المدن
لقد سافرنا وراينا المدن
ولكن لم نجد ما يشبهها
نعم انه الانسان
انسان بحري موجود بها هي فقط
من اللاعبين
شيخ ادريس كباشي
عبده الشيخ
عماد خوجلي
الصديق العزيز عزالدين الصبابي
| |
|
|
|
|
|
|
|
|
 Re: بحري ...اقيس محاسنك بمن؟؟ (Re: manubia)
|
اخى قرجه
لطيف التحايا
ياناس بحرى نحنا من بحرى
بحرى الشيوخ
حمد
خوجلى
ود ضيف الله صاحب الطبقات
زين العابدين
البشير
ود دوليب
نابرى
سماحه
ضحوى
بحـــــرى الشعــراء
جماع
محمد محمد على
حدباى
الملثم
بحرى السياسةوالقيادة
حسن بشير نصر
ابوحسبو
عزالدين السيد
مبارك زروق
احمد محمد صالح
احمد على بشير
سرور رملى
حسين الكدرو "قائد حركة رمضان "
بشير حسن بشير
ابو رنات
الطيار عبدالقادر الكدرو
بحرى الفن
خضر بشير
ايوب فارس
ابوداؤد
حركه
رمضان زايد
خوجلى عثمان
اسماء بشير
علاء محمد على
فيصل محمد نصر
عماد احمد الطيب
عادل احمد الطيب
محمد ميرغنى
بحرى العلماء
د.عون الشريف
د.بشير حمد
د.عبدالقادرالكدرو
د.معتصم السيد
د.عبدالباقى كرار
د.عوض دكام
بحرى الكوره
على سعيد
القرود
غزالى
جيمس
حمزه الطيب
عروه الطيب
ابراهيم الطيب
فتح الحمن فضل الله
نجم الدين حسن
وهناك الكثير
نواصل
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
العزيز قرجة
لك التحية
اؤيدك الراي في ان بحر لم تحظ بالاهتمام الكافي و لكني اعتب عليك ان تصف امدرمان بالخراب....ليس ذنبها ان امتدح الكل روعتها وجمالها .....و لا تلقي اللوم عليها فانها اولا و اخيرا امدر....امدر الحنينه
ولك كل التحايا
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: zoro)
|
زورو اخوي
لك التحية
ارجع لكتابات ابناءها
امدرمان تحتضر
وهي المدينة الوحيدة الممكن تكون ماشي في شارع تلقى نفسك جوى بيت
صدقني مكانها محفوظ في التاريخ
ولكن من ناحية التنظيم بحري اكثر نظاما
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
عزيزي قرجة
لك التحية
اذا اعتمدت علي رواية امدرمان تحتضر وحدها كمرجعية لخراب امدر....فاجدك خاطيء جدا...حيث ان امدرمان تحتضر ما كانت الا خوفا علي مدينة احتضنت معظم تاريخ السودان الحديث....وصهرته في بوتقه ابناءها....بوتقة ابناء السودان الواحد0....فهي كراوية تفخر بتاريخ امدرمان و اصلها....اما اذا تكلمنا علي تخطيطها...فلا اجد فرقا كبيرا بينها و بين بحري فما زالت في احياء بحري مناطق لم يتم تخطيطها بعد و اقرب مثال .....التخطيط الذي ما زال جاريا في مناطق الدروشاب و الكدرو....اما كلامك عن انك فجاة تلقي نفسك جوه بيت ....ده شي مقصود و الهدف منه الحنيه الزايدة لي ناس امدر....مافي بيوت بفصلها باب عن بعضها ...اعتقد ان المسالة مسالة ثقافية و اجتماعية في المقام الاول .....واقرب مثل منزل السيد عبد الرحمن المهدي...حيث لم يتم تركيب باب له حتي الان
ولك التحية
| |
|
|
|
|
|
|
|
|
 Re: بحري ...اقيس محاسنك بمن؟؟ (Re: manubia)
|
مرحبا
أغمض جفنيي لأحلم بأني أحلق في سمائها فوق السحاب الابيض
واعود بحلمي هذا لى حيث وجودي واتمنى ان احقق ما بقلبي
على الواقع
فعلا بحري ليها طعم خاص
ومن اللاعبين
نجم الدين حسن
عصام سليم (أبو الجاز)ز
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: بنت الاحفاد 2001)
|
سلام يا قرجه
تعرف انا لي هسه ما شفتا بحري مع انو عندي فيها اصحاب كتيرين و اهل كمان
بتزكر زمان كلو ما اقول امشيها القى ليك المواصلات ان و جدت لازم الزول يشيل عكاز اقوم اغير رايي
اها رايك شنو تعزمني هسه
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: ايهاب)
|
الاعزاء
منوبيا
بت الاحفاد
زورو
ايهاب
بحري كتلتنا بحبها
ومن الشعراء
ابو امنة حامد
يازورو
لا تزعل فانت تحب امدرمان كما نحن احببنا بحري
وكله عشق
وكل يعشق ليلاه بطريقته في الحب
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
أخي قرجة
اشكرك على موضوعك الرائع الذي جعل عيوني تترقرق بالدموع من شدة الشوق لبحري ولربوع بحري .
انها أيام جميلة ورجعتنا لذكرياتنا الجميلة في شوارع بحري
شارع المعونة والملتقي عند الاجزخانة واشواق كابلي
شارع البوستة حيث نسلكه يوميا في طريق الذهاب والعودة
شارع المدارس
مدرسة بحري الحكومية
سعد قشرة
السوق
والمزاد ، شعبية ، هجرة ، شمبات الأراضي ، حلفايا ،كوبر، الختمية ، الدروشاب ... الخ
ميدان المولد
... الخ
والكثير الكثير من الأماكن
وليت حظي يسعدني طوفة في ربووووووع بحرررررررري
مع الاعتذار لود الأمين وناس مدني
ومن الفنانين عبد الكريم الكابلي ، محمود عبد العزيز ، هشام درماس ... الخ
وناس الكورة فايز نصر الدين ، عبد الشيخ ، هشام الطيب حارس الهلال سابقاً وغيرهم الكثير ممن لا تحضرني الذاكرة لذكرهم .
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: أسير الغرام)
|
الاخ قرجه
فى شمبات حليل مجلسنا
الحياء والعفاف حارسنا
كما أن قصيدة يا مداعب القصن الرطيب
كتبت فى احدى حدائق شمبات وقصتها معروفه
فى يوم شم النسيم وتلكم القبطية الفائقة الجمال
وفتنت الشاعر بها
حياك الله وحيا بحرى تلك المدينه التى تجيد علينا بدفء الشمس كل يوما صباحا
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
مليون تحية لجنائن البلدية
وبحرى بالليل هنية وبحرى فيها المرغنية
وبحرى بالليل سعادة وبحرى فيها الذوادة
وناس بحرى حنان فرقنا زمان
بحـــــــرى مرتع صباى ونغمة غناى وبتجرى فى دمائى
ليكم الود من بت بحـــــــرى
توسكا
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
الأخ قرجة
لك الود والتحية
لقد حاولت وفشلت، أن أتجاوز هذه الذكرى التي وضعتها هنا، فهي تجعل الألم يقتلني. لله درك يا رجل، لماذا تحرك ساكنا، حتى الأمس القريب كنت أظن أن أيام الغربة أهلكته ونالت منه. بحري الجميلة لكن يبدو أن المارد لا يضعف، حتى وان تناسوه، لأنه سوف يبقى مارد.ما بقى الدهر.
شبيك ابوى لبيك
نحن اولادك ديك
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
بوستك فى السلك
حقيقى زكرتنا بى ايام جميلة وحقيقى بوستك جبرنى ارد ولى طرفة عن صديق لى وهى واقعية انه معروف دائما بكون واقف متكل على عمود التلفون
يوم كله فهل تصدقو انه العمود ده لما وقع كان متكل فيه الكلام ده فى شارع المدارس المهم كان له صديق فى دول الخليج ارسل ليه شنطة ملابس مع واحد ماشى السودان وقال لييه الشنطة ده تمشى تديها لى واحد تلقاه واقف متكل على عمود تلفون ووصف ليه شكله وفعلا صاحبنا وصل السودان واخد ليه تاكسى مشى بحرى ولقاء صاحبنا واقف متكل على العمود وسلم عليه وقال ليه ده من فلان طبعا صاحبنا اتوهم وقال ليه عرفتنى كيف قال ليه من الوصف وصاحبك بعد ما طبق الشنطة قال ليه لما ترجع للزول ده قول ليه انعل ابو البعرفك لووووووووووووووووووووووول
صدقونى واقعية ده بحرى ياخوانه بى ظرافتها وظرافة ناسها وترابطها
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
اخونا قرجة
لو قلت امدر اصالة وعز واهل
وقالوا العز اهل
برضو بحري يعني الواحد ما عاوز يتذكر ايام الكورة في الهند وتشجيع الروابط
لكن عندي خدمة بسيطة منكم يا ناس بحري
عندي صديقي منذ ايام حنتوب لم اسمع عنه شيئا اسموا ياسر بخاري
اعتقد من الختمية
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: bilbila)
|
اخي والله لا اذكر اسم والدوا لاننا تعودنا بس مناداته بياسر بخاري
لكن هو رجل لونوا اصفر ضعيف البنية الكلام دا كان سنة 1987
وبعدها لم نلتقي انا ذهبت الي الهند ومنها الي دولة اخري
ممكن تتاكد لي منو وقول في واحد زميلك اسموا عباس فداسي تعرفوا
ولك خالص شكري
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: azza)
|
الاعزاء
بلبيلا
مهاجر
ارجو ان تتمكنا من الوصول للطيب بخاري وتعود صداقات قديمة من جديد
الاخت عزة
يبدو انك بحراوية اصيلة
وذكرتي اكثر مناطق بحري نشاطا
هل حضرت بص الكندا
وبص الكندا به مقاعد متقابلة طويلة
وكانت تعمل في خط شمبات
وكانت بطيئة المشي
ولكن لا بد من الوصول وان طال السفر
وموقف تكاسي الهيلمان جوار الجامع الكبير
ويعمل بها اعمام كبار في السن
وهي تعمل بين مرسى شمبات والجامع الكبير
ولا ادري لماذا تذكرت سوق البرسيم في الطرف الجنوبي الشرقي من ميدان عقرب
وميدان المولد القديم حيث مستشفى احمد قاسم الحالي
حيث كنا نلتقي في ليلة المولد بكل من درس معنا في اي مرحلة من المراحل الدراسية
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
قرجة
رغم أنى لم أحمد كلامك عن أم درمان
مصدر الخير والجمال والطيبة
الا انى أذكر بحرى بالخير فلى فيها أحباب وأصدقاء
فقد زاملت يوما فى العمل أخى وحبيبى عبد القادر أشولى وكان لاعبا ماهرا فى الأمير وشقيقه كمال لاعب الأملاك الخطير وكانوا يسكنون فى المزاد وكان نسيبهم الفنان محمد ميرغنى يحي ليالينا بأحلى الطرب
شفتك وإبتهجت وين يا غالى انت
نحن الزمن سبانا
وانت زى ما إنت
وكانوا يحبون بحرى حبا جما
حتى أحببناها معهم
وكل أخى قرجة يغنى على ليلاه
فأترك ليلانا دون من أو أذى هداك الله
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
بحرى؟؟؟
و هل هناك مكان يشبه بحرى؟؟؟؟
حلة الصبابى
حلة الميرى
الوابورات
المدرسة الانجيلية
شارع المدارس
بحرى الاميرية
بحرى القديمة
الشهداء
مدرسة عشمانة
الخاتمية
كرش الفيل
المزاد
الدناقلة شمال
ميدان المولد القديم
سلوى بوتيك
لاركو
اجزخانة الملتقى
المنطقة الصناعية
مستشفى بحرى
مستشفى حاج الصافى
طيبات
كوبرى شمبات
موقف الباصات القديم جنب المستشفى
مرطبات 6 ابريل
عيادة هاشم ياجى
المرغنية
الشعبية
شمبات الحلة
كلية الزراعة
معهد شمبات
و
و
و
البقية تاتى
| |
|
|
|
|
|
|
|
|
|
Re: بحري ...اقيس محاسنك بمن؟؟ (Re: garjah)
|
أخى قرجة
انا وانت وهم
نسير فى هوى بحرى لانرضىالانفكاك
أو
الانعـــــــتاق
إضافة
لرجال الاعمال
السيد الطيب السيد العربى
ابراهيم خلف الله
حسن هلاوى
صلاح حسن احمد
ود ام دوم
عبدالقادر حاج الصافى
ميسره السراج
رجال الادارة الاهلية
اولاد المقبول
اولاد تمساح الكدرو
اولاد جماع
نواصل
| |
|
|
|
|
|
|
| |
garjah
manubia
دورنقاس
بنت الاحفاد 2001
ايهاب
wadazza
عزيز
alsngaq
Elmosley
cola
مهاجر
يازولyazoalيازول
lana mahdi
فيس بوك
تويتر
انستقرام
يوتيوب
بنتيريست