|
|
|
 Re: The A . T . M محن وتجارب لأكثر من اسبوع (Re: محمد حمزة الحسين)
|
نُـــككككككتا...
'طبعاً بقينا نتلفت زي سواق التاكسي او الزول المودر ليهو صراف ...
ما إن تجد صف وراء زجاج صراف إلا وتنتهزها فرصه وتقطع مشوارك بخسارة ما بين الجنهين الي خمسه جنيهات أملاً صرفه من مدخراتك .
كان الصراف مظلل لزوم الخصوصيه وكدا
فجاءةً جا واحد وقف وربع يدينو فأنتظم الناس في صف طويل وراءهـ وهو يتبسم
ولما طال الانتظار ولم يخرج من بداخل الصراف حتي تاوق واحد بالداخل لزوم الاستفسار والمساعدهـ إن لزم الأمر ...
فكانت المفاجأة لا يوجد أحد
فدخل الرجل متبرعاً وسط دهشة الجميع مختبراً الصراف فكانت الرساله sorry this A T M is out of cash
http://sudaneseonline.com/db/attention/190_icon82.gif[/img][img]
ووسط غضب الجميع كانت اول الصف فص ملح وذاب فانقلب الموقف الي نكته وضحك
ونواصل غداً بإذن الواحد الأحد ...
:
:
:
:
:
مع التحيات لله الزاكيات
| |
 
|
|
|
|
|
|
|
|
Re: The A . T . M محن وتجارب لأكثر من اسبوع (Re: Hani Arabi Mohamed)
|
الأخ هاني عربي ...
شكراً للمرور وعذراً للرجوع للبوست متأخراً ...
البوست تاهـ مني ولم أجدهـ عند البحث وظننته حُذف لسبب لأعلمه...
لأا اتفق معك إن السودان إنتهي بل ...
ما زال السودان بخير ومواطنيه متصالحون مع أزماته ...
أما ما تفضلت به أدناهـ
Quote:
ما نشهده الآن هو فصول الختام |
ظللنا نسمع هذه الترهات مراراً حتي شاع النكته ...
سؤال مذيع برنامج من سيربح المليون ...
ما هي اغني دولة في العالم ؟
وبدون حذف إجابه او الاستعانه بصديق جاوب المتسابق وسط دهشة جورج قرداحي ...
إنه السودان ...
حتي قال مذيع مذهولاً يا زووول ممكن تبرر ...
فقال المتسابق بكل ثقه لانو الكيزان بنهبوا فيه 30 سنه ولسع ما إنهار !!!!
حقيقة ما زالت أزمة الصرافات والبنوك وهي سياسة اتخذها بنك السودان لتجفيف السيوله
ومنع المضاربات في السوق السوداء ...
بل زادت الأزمة وتعقدت بصفوف البنزين والجاز والغاز الناس مقبله علي رمضان شهر الخير والبركه ...
والناس تأمل الفرج ببركته ....
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: The A . T . M محن وتجارب لأكثر من اسبوع (Re: Asim Ali)
|
| Quote: فى الحالتين كبار السن من المعاشيين والطلاب اصبحت ضروره الذهاب الى فرع البنك لسحب مايحتاجه. |
الحبيب عاصم مشكور علي المرور يا غالي ...
ما قلته صحيح واتفق معاك فيه لكن لا يفوت عليك الشعب السوداني بقي حرباء تتأقلم أو تحاول التأقلم مع كل حالة ووضع ....
فمثلاً ابشرك انا مشغول شويه وعندي ملاحظات كتيره لكن ازمة الوقود نفسها بقت روتين وادمان ومصدر رزق لذا لا تحس او تشعر
بالضجر من تلك الازمات المتدفقه ...
انا القدامك دا ضعيت يوم واحد اودعت المبلغ خاصتي بالحساب مقاصه كويس إنها مقاصة إلكترونيا وعندما جأني إشعار بنزول المبلغ بالحساب ،
هرعت لتوريد شيكات من حسابي لحسابات خاصتي أخري بعضها إدخار وبعضها جاري وطبعاً كل حساب جاري معه حساب إدخار دا (السيستم) بقول كدا
وبعدها صاقرت الصرفات كل ما لقي صراف شغال احلب كل البطاقات حتي تثني لي سحب المبلغ في حين ...
يوم لقيت صراف شغال وقعدت احلب لمن وصلت سته الف الجماعه قاموا عليّا ففضلت الانسحاب التكتيكي حفاظاً علي ما تحصلت عليه مرفق بإعتذار رقيق
لم يحميني من نظراتهم الغاضبه...
يعني بالدارجي كدا مرقني كُرعياً
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: The A . T . M محن وتجارب لأكثر من اسبوع (Re: محمد حمزة الحسين)
|
أحدث نكته عن الصراف والجاز تجدونها هنا...
مشيت الصراف قلت اتصرف (اتصرف دي من اشيل مصاريف ما عارف صاح واللا غلط يا مدير)
لقيت ناس واقفا برا وناس مرطبا جوا سألت يا جماعه الفهم شنو
الجوا ما تكلمو رغم إنهم لسانهم رطب من البرودهـ
والبرا قالو في وعد بالتغذيه
فجأةً طلعت موظفه يبدو إنها اغتاظت من ترطيب الجماعه علي حساب وعد بالتغذيه وقالت تفرتك اللمه ...
وقالت يا جماعه العربيه الخاصه بالتغذيه لسع بعيده عندهم تغذيه في مواقع تانيه ولسع عليهم زمن ...
فانبريت لها بحسبي اقرب المرابطين خارج الصراف اها يا استاذه والمواقع دي وين عشان نمشي عليها ...
ضحكت وذكرت اول موقع تعجيزي ابو ادم ...
ابو ادم من السوق العربي بعيدهـ شديد
غايتو الكلام دا وزع ليك جملة المرابطين علي ذمة الوعد بالتغذيه ...
البت مشت والجماعه مشو وفجأة بتاع الصناديق السحريه جاء من جوا البنك
وصرفنا وامتصرفنا لسع بفكر البت كانت قاصدهـ شنو بي كلاما الوزعت بيهو ناس ربما كانو مضطرين
لأخذ مصاريف يوميه مثلما كنت ...
:
:
واخر تقليعات صف الوقود طلع المستفيدين من الازمه كثر يعني كوتاااار
مثلاً البنظموا الصفوف في غير زمن الشغل وهو اصلاً الوقود بجي في غير زمن الشغل ههههههههه
باخدو حمراء يعني عشرين جنيه والبخلقوا صفوف للعربات المقلبنه يعني في عربات بتجي تنكيها مقلوب دي بشيلوا منها
ابو بقره يعني خمسين جنيه شوفتا كيف وبعد تحديد الكوته البدفع المعلوم بدوهو فل تنك ولا من يختشي ...
والطالبين الوقود طلعوا جداد سمين علي وزن قطط سمينا يعني الازمة نعمة بينما تضج الاسافير بإنها نغمة
ونواصل ...
:
:
:
:
:
مع التحيات لله الزاكيات
| |
|
|
|
|
|
|
|
|
 Re: The A . T . M محن وتجارب لأكثر من اسبوع (Re: محمد حمزة الحسين)
|
الاخ محمد حمزه رمضان كريم
حكايه الصراف دى ...مره بالمساء بعد قلبى انقطع من اللف عن صراف فيهو قروش لقيت صف فى صراف حوار موقف الحاج يوسففى بحرى ....اها والصف مشلى لما وصلت الباب وباقى اتنين جوه طلع واحد من البنك ماعارف القعدو شنو لانصاص الليالى ؟؟ وقال ياجماعه الصراف باقى فيهو 8 الف اتفقو شيلو الف الف عشان كلكم تاخدو ......اها كلام زى دا ممكن يعمل فوضى .....المهم دخلت سحبت الدايرو- الدنيا كانت اول شهر وكدا - واتخارجت ماعارف الحصل بعدى شنو .
| |
|
|
|
|
|
|
|
|
|
Re: The A . T . M محن وتجارب لأكثر من اسبوع (Re: Asim Ali)
|
ههههههههههه الاخ عاصم سلام من الله عليك
ورمضان كريم ياخي ...
أظن دا صراف البنك المصري السوداني دائماً بغذوه بعد نهاية اليوم ...
اوصيك ركز عليهو انا مبسوط منهم لامن عايز افتح عندهم حساب وعندهم اوبشن بتاع وديعة استثماريه
عجبني شديد اغلب ابطال القصص البحكيها في هذا الصراف بالذات الاخيرا بتاعت الوعد بالتغذيه ...
:
:
:
جيت عايز احكي نكتا وارفع البوست
واحد نائم حلم انو فاز بي عربيه برادو وصح معنوياتو كويسا شديد
يدندن وماشي الحمام لمح بي رقراق الباب حاجة واقفه قدام الباب عاين الفتحه بتاعت المفتاح شاف البرادو المايغباها
وجاتو هيستريا وقعد يكروك جاتو الوليه يا عاصم قول بسم الله مالك ,...
قال لها كنت بحلم اني فزت بي عربيه برادو ياها جابوها وقفوها قدام الباب تعالي شوفيها ...
المرا قالت ليهو قول بسم الله دا صف الجاز بتا الطرمبه الفي شارع النص
,والي اللقاء
:
:
:
:
:
مع التحيات لله الزاكيات
| |
|
|
|
|
|
|
| |
محمد حمزة الحسين
Hani Arabi Mohamed
Asim Ali
فيس بوك
تويتر
انستقرام
يوتيوب
بنتيريست