Quote: عبدالعظيم - سلام الفرق انو زى الاسمو حاتم دا بيلقط من النت لكن ماممكن يقود اوركسترا او يدخل معمل اويشغل محطه توليد كهربه او يعمل عمليه زايده او يصصم او يشرف على بناء عماره او يركب دوا (كحه) المعرفه متاحه من خلال النت لكنها لاتعنى التخصص او تماثل الخبره المسبوقه بدراسه علميه مققنه .. حاتم بدل مايعيش على سك ومرازاة الناس فى النقاش لاثبات جهلهم باسلوب خبيث (تكاتيك) عليه انقدم انتاج حقيقى على الارض فى حياته يكفيه شر الرزاله والاستعلاء على عباد الله . . الزول دا كان مشى للجماعه اياهم فى السودان يتنظيرو دا ممكن يبقى وزير اقتصاد يوم و..ويوم مدير جامعه ....ويوم يبقى طبيب او وزير صحه ..طالما الانترنت بيديهو الحق فى ممارسه ادعاء المعرفه الشامله الموسوعيه البتخليهو اعلم من ناس التخصص بشهاده عمنا ( قوقل ). . وبعدين انا ذكرت جزئيه فى مداخلتى هنا مامعناه ( انو فى فرق بين نقاش موضع فى قاعه محاضرات لاهل اختصاص وطرح مناقشه نفس الموضوع فى منبر عام تتفاوت معارفهم وخبراتهم واعمارهم وضروره محاطبه الجميع باسلوب يصل الى الجميع ).انا جاى هنا اتواصل باحترام وتواضع مع الناس دون انتقاص من احد مع احترام رايه مع انتظار المثل من الاخر ان يحترم راى دون انتقاص او استعلاء الناس بتتواصل وتتناقش عشان تتكامل الفائده حتى لو بالونسه . . اللى فى راسو علم صحى بيحس بانو مفروض يزيد عشان يزيد معرفتو مهما اوتى من علم ومعرفه فى جامعه او فى دكان عمنا ( قوقل ).
عاصم علي إزيك! وأنا براجع في المحتوى مريت بالصدفة على الشكوى المرة بتاعتك الفوق دي وعلى التوصيفات (خبث، رزالة، استعلاء) ويقيني إنو أنا ما بادلتك مثلها في يوم من الأيام مطلقاً، لكن بتذكر نقاش علمي غير مفيد معاك قبل كدة حول (الإدعاء) بتاعك موضوع البوست دا.
ومن الواضح أنك تشعر بمرارة شديدة من عدم تمكنك في حينها من إثبات شيء علمي فلجأت لنوعية الكلام في المقتبس أعلاه القائل (بخبث، رزالة، انتقاص، استعلاء) حاتم وهذا أمر غير محمود، فالفرصة كانت مفتوحة أمامك وعندك ما يكفي من العلوم حسب زعمك أدناه:
Quote: انا زول ( science ) وكلامنا فى المواضيع دى لازم يكون مبنى على (facts ) وليس على ( emotions ) Re: أين وصل السودان في الطاقة الشمسية ؟Re: أين وصل السودان في الطاقة الشمسية ؟
أنا هنا أرغب بشدة في إعادة الفرصة للنقاش وربما تجد هنا متسع للإفصاح بأريحية لأن هذا البوست بإمكانك اعتباره ملكك بالكامل وأنا مجرد تلميذ يرغب بشدة أن يرد لك اعتبارك الأكاديمي وأتمنى والله معرفة ميزة الخط (17.5) شمالاً وعلاقته بحصاد الكهرباء من الخلايا الكهروضوئية، وبالتأكيد أتوقع منك نقاشاً علمياً هادئاً ومثمراً، والأهم أن يكون مقنعاً لا تذمرياً أو تنمرياً يحيل الناس إلى (التكاتيك) و(قوقل) وشخص حاتم ويتناسى الموضوع العلمي الجدي المطروح، أها قلت شنو؟
الموضوع: زعمك التحت دا
Quote: انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه Re: أين وصل السودان في الطاقة الشمسية ؟Re: أين وصل السودان في الطاقة الشمسية ؟
الهدف: إثبات زعمك الفوق دا بأي وسيلة تراها مناسبة، وإذا الرقم لا يتيح الحركة فخلينا نجبره ونوسع ليك الفرصة شوية، قول بين (17 - 18) شمال خط الاستواء
أنا احتمال اتأخر في الردود.
___ الله معاك.
10-25-2018, 01:32 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
اهلا حاتم لما اتكلمت عن اقتراحى ذكرت تحدبدا فكره المزرعه الشمسيه وفى ذهنى فكره اشمل ضمنتها البوست التالى المياهالمياه . واتمنى نقدر نتفاهم بعيد عن استخدام التكاتيك.
10-26-2018, 06:19 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لما اتكلمت عن اقتراحى ذكرت تحدبدا فكره المزرعه الشمسيه وفى ذهنى فكره اشمل ضمنتها البوست التالى المياهالمياه
مرحب بيك! وأرحب بالمزارع الشمسية برضو!
شفت البوست الأنت أشرت ليهو (المياه)، واطلعت على الصور الزاهية والخرائط الملونة الاحتواها.
بس غلبني أفهم علاقة الطاقة الشمسية وخط 17.5 بالمياه والزراعة، فحسب علمي المتواضع جداً أنا طرحت موضوع يتعلق بالكهرباء.
وفعلاً أنا خيرتك في إثبات زعمك الفوق دا بأي وسيلة تراها مناسبة، بس ما اتخيلت إنو إثبات الزعم الواضح دا عن الخلايا الضوئية وتوليد (الكهرباء) لازم يبدأ بمحطة اليوم العالمي للمياه!!! الوسيلة غير مناسبة طبعاً لكن حتى ذلك الحين ننتظر ونشوف العلاقة شنو.
___ فاكرمني وصححني إذا اخطأت، هل أنا غلطت وتكلمت في البوست دا عن أي موضوع يخص (المياه)؟
10-26-2018, 11:54 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
اهلا في البوست المعنى انا اتكلمت - عن استغلال واعمار منطقه من السودان هي صحراء – الجزء الشمالي الغربي - لنستغل نصينا من الحوض النوبي اللى استفاد منو اصلا المصريين في مشاريع الصحراء الغربية والليبيين كرافد من روافد مشروع النهر الصناعي العظيم .ومن حقنا استغلال نصيبنا والنقطه المسكتها على انا بديتها ب كلمه (انسب ) و(مزارع شمسيه ذات جدوى انتاجيه ) مع العلم انو فى مشاريع فى السودان بتستغل الطاقه الشمسيه(باستخدام الخلايا الكهروضوئيه) وفى ناس اتكلمو عنها هنا فى بوست ما -لا يمكن قيام إي مشاريع الا بتوفر بنيات اساسيه الطاقة اهمها. -المزارع الشمسية لا تعنى الاعتماد على الخلايا الكهروضوئية وانما ايضا على المرايا العاكسة . - من المنطقي حسب مبدا تنوع مصادر الطاقة فالمنطقة موضوع اقتراحي يناسبها مصادر طاقه متجدده مثلى - الطاقة الشمسية وطاقه الرياح - خلاف أجزاء كبيره من السودان تعتمد على الطاقة المتولدة عبر الخزانات - توليد كهرومائي - وخاصه المناطق المتاخمة لمجاري الانهار والمثلث ما بين النيلين. أضف الى ذلك المفاعل النووي المقترح -كمصدر من مصار الطاقة -والذي حسب اعتقادي ممكن يكون على مسافه امنه غرب مجرى النيل الابيض او نهر النيل ولا اظن انو سيتخطى من ولاية نهر النيل شمالا. - لاحظ انا اقترحت مركز ابحاث الطاقة المتجددة في البيئة الصحراوية للدلالة على الاهتمام بالبيئات الصحراوية في افريقيا عموما وليس السودان فحسب. . - قصه 17ونص كما ذكرت جزء من فكره عبرت عنها في (ضمن) بوست المياه فى تركيز على صوره شامله وليس على نقطه محدده (انت شايفا الطاقة الشمسية وفى الطاقة الشمسية الخلايا الكهروضوئية) مع ادراكى التام انو فى خلايا كهروضوئيه بتعمل فى ظروف مناخيه مختلفه زى الاستفاده من تقنيه النانو وتصميم خلايا تعمل حتى فى غياب الشمس وهطول الامطار بتوليد طاقه من احتكاك قطرات المطر مع سطح الخليه . . -الحاجه الثانية انا بحاول اقدم فكره او قول احلم ببكره باستغلال امثل لموارد السودان - في حالتنا دي استغلال المياه الجوفية والطاقة الشمسية لتنميه الجزء الشمالي الغربي من السودان- بدل ما اضيع زمنى وزمن الناس في كلام سياسه كلو ادانه وشجب وتضامن ونبذ وشتيمه لا بودى لا بجيب ولو حصل تغغير تروح سكره التغيير وتجي لحظه مواجهه سؤال الفكرة ؟ عملنا شنو افكار لتنميه الوطن؟ ناس السياسة حيتصارعو على الكراسي لكن وين المواطن واستفادتو من موارد بلدو عشان تقدمو ورفاهيتو؟ - مافى زول كامل عشان يقدم حاجه كامله 100% لكن المهم تقدم شيء ولو بسيط يعمل فرق فى مكان ما ولدى مجتمع ما والناس تتبادل الافكار وتعدل عشان المنفعة العامة والإنسانية. . المهم انا قدمت فكره ممكن يستفاد منها بكره او عشره سنه او بعد خمسين سنه المهم قدمت شيء إيجابي وانت عندك رؤيه بتكمل اتراحى او مخالفه قدمها عشان تعم الفايده بنقاش بناء دون الدوران حول كلمه واحده وتجاهل الفكره. . *هل انت شابف انو الجزءالشمالى الغربى من السودان لايستحق الاعمار والتنميه باستغلال الموارد المتاحه فى تلك المنطقه من مياه وطاقه متجدده ؟ *رايك فى موضوع تنوع مصادر الطاقه كضمان لاستقرار امدادات الطاقه لمختلف الاعراض زراعه,صناعه,قطاع سكنى ..... , (اضافه ) الى توزع مصادر الطاقه المتاحه مقروءه مع الموارد الطبيعيه فى السودان واقتراح خارطه تنميه وانتاج اوسع فى السودان . . الدعوه للزملاء للمشاركه بعيداعن اقحام السياسه وخطبها للحصول على راى بناء يدعم ويكمل فكره غض النظر عن اطراف النقاش. . تحياتى
10-26-2018, 04:16 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: في البوست المعنى انا اتكلمت - عن استغلال واعمار منطقه من السودان هي صحراء – الجزء الشمالي الغربي - لنستغل نصينا من الحوض النوبي
أحب أذكرك إنو اسم البوست هو (17 ونص).
Quote: -المزارع الشمسية لا تعنى الاعتماد على الخلايا الكهروضوئية وانما ايضا على المرايا العاكسة .
موضوعنا هنا عن الخلايا الكهروضوئية.
Quote: - من المنطقي حسب مبدا تنوع مصادر الطاقة فالمنطقة موضوع اقتراحي يناسبها مصادر طاقه متجدده مثلى - الطاقة الشمسية وطاقه الرياح - خلاف أجزاء كبيره من السودان تعتمد على الطاقة المتولدة عبر الخزانات
بس أنت عملت العكس! أنت ما نظرت للمنطقة وقررت بعد الدراسة (أنسب) نوع طاقة ليها وإلا فالسودان كله مناسب للطاقة الشمسية بنوعيها. أنت نظرت لوسيلة توليد الطاقة ثم بعدها قررت أن (أنسب مكان) ليها في كل السودان المناطق شمال الخط 17.5 بمزاعم الجدوى ثم قلت ما نصه: (انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه) والفرق كبير طبعاً بين (النظرتين).
Quote: - لاحظ انا اقترحت مركز ابحاث الطاقة المتجددة في البيئة الصحراوية للدلالة على الاهتمام بالبيئات الصحراوية في افريقيا عموما وليس السودان فحسب.
كلام جميل، فما دلالة الخط (17.5) من ناحية الاهتمام بالطاقة المتجددة وبالأحرى المتولدة من الخلايا الضوئية؟
Quote: - قصه 17ونص كما ذكرت جزء من فكره عبرت عنها في (ضمن) بوست المياه فى تركيز على صوره شامله وليس على نقطه محدده (انت شايفا الطاقة الشمسية وفى الطاقة الشمسية الخلايا الكهروضوئية)
لأنك ذكرت الخط موضوع زعمك (العلمي) في بوست اسمه (أين وصل السودان في الطاقة الشمسية،)، اعتقد واضح.
Quote: -الحاجه الثانية انا بحاول اقدم فكره او قول احلم ببكره باستغلال امثل لموارد السودان - في حالتنا دي استغلال المياه الجوفية والطاقة الشمسية لتنميه الجزء الشمالي الغربي من السودان
وأنا كمان داير أحلم معاك، لكن فجأة لقيت إنو (الحلم) محصور في المنطقة شمال الخط 17.5 بمزاعم (مناسبتها) لمشاريع الطاقة الشمسية، فقلت أصبر وانتظر لغاية ما تشرح لي السبب شنو إنو الأحلام مشروعة هناك وجنوب الخط لا.
Quote: المهم انا قدمت فكره ممكن يستفاد منها بكره او عشره سنه او بعد خمسين سنه المهم قدمت شيء إيجابي وانت عندك رؤيه بتكمل اتراحى او مخالفه قدمها عشان تعم الفايده بنقاش بناء دون الدوران حول كلمه واحده وتجاهل الفكره.
في الواقع انت ما قدمت أي فكرة! أنت صرحت بمانفستو لا يقبل الجدل، ودلوقتي غرقتنا معاك في المياه وكراسي السياسة والأحلام وأنا موضوعي بسيط جداً ومحدد:
===== السبعطاشر ونص دي جبتها كيف؟ بس. =====
Quote: *هل انت شابف انو الجزءالشمالى الغربى من السودان لايستحق الاعمار والتنميه باستغلال الموارد المتاحه فى تلك المنطقه من مياه وطاقه متجدده ؟
حأرد على سؤالك دا بعد ما تدخل في الموضوع.
==========================
طيب كويس يا عاصم علي أجيك بطريقة تانية عامة شوية، كيف بتحدد أنت بناء على الحقائق العلمية مدى مناسبة منطقة جغرافية لتطبيقات الطاقة المتجددة وتحديداً المتولدة من الخلايا الكهروضوئية؟
وإذا عندك أي اسم لمرجع مناسب ولا ورقة علمية ولا حقيقة في مكان ما تشرح كيفية تحديد المنطقة الجغرافية بدقة تصل إلى نص درجة فياريت تمدنا بيها.
Quote: الردود كافيه للمتمعن فى القراءه .... ولاداعى للدخول فى تفاصيل واصطلاحات ولو كنت هنا فى السودان كان مديتك بمراجع من مكتبتى عن الموضوع Re: أين وصل السودان في الطاقة الشمسية ؟Re: أين وصل السودان في الطاقة الشمسية ؟
يعني يا عاصم علي أنا داير أعيد الإجراء الأكاديمي العلمي الأنت اتبعتو بناء على الحقائق لغاية ما وصلت للرقم 17.5.
أذكرك بالهدف مرة تانية: الهدف: إثبات زعمك الفوق دا بأي وسيلة تراها مناسبة، وإذا الرقم لا يتيح الحركة فخلينا نجبره ونوسع ليك الفرصة شوية، قول بين (17 - 18) شمال خط الاستواء.
10-26-2018, 05:06 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: سلامات حاتم سيد البوست سلامات عاصم موضوع البوست شايف في روقان شديد في النقاش.. 17.5 وخمسة
عبد العظيم كيفك والله داير استفيد لروحي من الطريقة العلمية الحسب بيها الخط لأول مرة اكتشف إنو الـ (POI) بيحددوها أول وبعدين يقرروا كيف يوظفوا ليه الموارد أياً كانت. وأهو الهدف واضح والطلب واضح، ونأمل في أن يتمكن من إثبات زعمه في وقت يسير.
___ الروقة ضرورية، بس عشان يمرق لي من بطن المياه ناشف، فالكهرباء ما بتمشي مع الموية.
10-28-2018, 02:49 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
ياخي في استحقاق للبوست دا وأنت طرف أصيل فيهو ووافقت على النقاش بكل وضوح. كونك تدعو الجميع للمشاركة دا يستدعي أن تتداخل أنت بنفسك بالضرورة ولكني ألمح تكاسل من جانبك.
يا عاصم علي أنا داير أعيد الإجراء الأكاديمي العلمي الأنت اتبعتو بناء على الحقائق لغاية ما وصلت للرقم 17.5.
أذكرك بالهدف مرة تانية: الهدف: إثبات زعمك الفوق دا بأي وسيلة تراها مناسبة، وإذا الرقم لا يتيح الحركة فخلينا نجبره ونوسع ليك الفرصة شوية، قول بين (17 - 18) شمال خط الاستواء.
11-02-2018, 01:09 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
فلا يمكن يا عاصم علي تضع يدك بكل بساطة في بقعة شمال مدينة عطبرة وتقول هنا أنسب مكان لمشاريع الطاقة الشمسية في السودان ولما نسألك السبب شنو تقول أنك بتتكلم بطريقة علمية وإنو في معادلات معقدة استندت إليها لتحديد الموقع ثم لا نجد أي مبرر علمي أو حتى مجرد سبب منطقي لزعمك ونتيح لك الدفاع عن مزاعمك فلا تأتي دلوقت اتضح أنك خلو من العلمية وليست هنالك أي طرق علمية ولا معادلات!
____ هل أنت جهوي يا عاصم علي؟
11-03-2018, 09:37 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
تحياتي أستاذ الخواض . . يا حاتم الموضوع أصل النقاش هو عن الطاقة الشمسية في السودان وانا عملت مداخلتين في التانيه أوردت اتكلمت عن طاقة الرياح والطاقة الشمسية وتجاوز الاستخدام المحدود للاستخدام لمستويات ذات جدوى تنموية وتطرقت للمزارع الشمسية ثم قدمت اقتراحي. دخلت انت على الخط لتفرض على الحديث عن الخلايا الكهروضوئية تحديدا وجر الحديث لمسار فيهو تسيس واستدعاء مبطن لاتهامات جهويه (طفحت في سؤالك المباشر في مداخلتك قبل الأخيرة هنا). الالواح الكهروضوئية مستخدمه على مستويات محدودة سواء مزارع واناره الأعمدة في بعض المناطق حتى بعض ناس الطبالى في أسواق الخرطوم الطرفية يستخدموها لخدمه (شحن بطاريات الموبايلات واغراض اخرى). فما في داعي تحوم حوالين حته الالواح الكهروضوئية. الجزء الشمالي من السودان ما هو شريط النيل فقط عشان تقعد تغنى على نغمه الجهوية.والجديث عن تنميه الجزء الشمالي الغربي من السودان وهو جدير بانو هذا الجزء (الجزء الشمالي من شمال كردفان وشمال دارفور) يكون ولاية قائمه بذاتها غنيه بالمياه الجوفية وامكانيه استغلال الطاقة الشمسية وطاقة الرياح. والحديث عن الطاقة الشمسية لازم ما يكون منفصل عن جدواه الاقتصادية وابعادها الاجتماعية. عشان كدا كان جزء من فكره عن تنميه (ولاية/اقليم الصحراء) وبناء تنميه تجمع مجتمع متجانس من جميع أطراف السودان-اشبه بحاله مشروع الجزيرة – اللى جمع الناس من الغرب والشمال مع المجتمع المحلى للمنطقة. وحتى يتم نجاح المشروع يجب استفلال موارد الطاقة المتاحة (الشمس والرياح). إقليم الصحراء فيها مورد المياه الجوفية مورد غير مستغل وقد تكون مصر وليبيا تستغل هذا المورد بنسب أكبر على حساب نصيبنا من الحوض النوبي. ودا معناها انو اولويه في الاهتمام القومي مع قضية حلايب وحصه السودان في مياه النيل. علمني الصيد بدلا من ان تهبني سمكه الناس محتاجة لمشاريع تنميه وانتاج حقيقيه (بدلا عن وهم الجري وراء تنقيب الذهب حتى بدون شروط سلامه تحفظ صحة العاملين وسلامه البيئة). ما تتوقع انى اقعد اغرف ليك من الانترنت صور وخرائط واحاول اقنعك فيما انت تمارس سادتيك باستخدام التكاتيك (وأساليب مهاترة اركان النقاش والصفات الثلاث) وتجاهل النقاط والأسئلة المهمة في ردودي. وبدل دا حاول تكون إيجابي بدل اثاره نقاشات بيزنطية لا طائل من ورائها. ما بضيع زمن الناس وزمني في محاولة اقناعك واقعد ادور في (ساقيه حاتم) اقصد (ساقيه جحا).
11-03-2018, 08:42 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
مثلث الرعب "العاصمي" و"مُهادن الإنقاذ" حاتم إبراهيم
يبدو أن "مُهادن الإنقاذ" حاتم ابراهيم قد أصابه الرعب من سجاله الفاشل السابق مع الأستاذ عاصم علي .
الضلع الأول هو حديث الأستاذ عاصم عن "الإرادة السياسية الحقيقية"، وهذا موضوع مُرعب لحاتم .
الضلع الثاني :نصيحته التالي نصّها:
Quote: نصيحه وليست رد على حاتم ابراهيم
*كل الردود على تساؤلاتك موجودة في مداخلاتي للشخص اللى عاوز يعرف فكره عن وجهة نظري في الموضوع.
*الدوران حول نقطه لاستغلالها يسذاجه سياسيا في الموضوع لا يستحق الرد.
*بدلا عن البحث في الانترنت ليومين لتأتى وتلقى ما جمعته من خرط دون (شرح)للقارئ في منبر عام (يختلف عن ما تقدمه وتقوله في منبر متخصص) مراعاه لخلفيه القارئ حول الرموز والمصطلحات !!!
*بدلا عن الجدال لأجل الجدال في الالحاح في الرد على مداخله في بوست ليس لك وليس لى .... قدم رأيك ورؤيتك حول الموضوع المعبرة عنك اذا كان لديك ما تقدمه.
*توليد الطاقة الشمسية ليس الخلايا الشمسية فقط (رغم تعدد أنواعها) ..............
*قدم مقارنه بين تكلفه والطاقة المولدة لمساحة محدده لمزرعة شمسيه مكوناتها الخلايا الشمسية ونفس المساحة لمزرعة شمسيه قائمه على المرايا العاكسة.
*الانترنت يقدم الغث والسمين من المعلومات ولايعنى ان اى شخص يجمع معلومات من الشبكة يضع نفسه كان صاحب تخصص. شايفك مره عامل اقتصادي في بوست المال ومره موسيقى خاتى راسك بى راس موسيقى متخصص !!!
* اتعلم تقدم وجهه نظرك الخاصة بك وعدم ترصد الاخرين واثاره نقاشات انصرافيه تخدم مصلحه نظام يطلق كتائبه لتكميم افواه واقلام كل من يتنفس بطرح رايه.
*مجادله الاخرين لا تصنع قيمه للمجادل وانما خصما عنه.
* عليه قدم طرحك انت المعبر طالما انت متفرغ للبحث على الانترنت 24 ساعه لتتخصص في كل علوم الدنيا حتى تناقش كل خلق الله فى كل العلوم والمعارف.. والسلام ختام
أمّا "الضلع الثالث" لمثلث "الرعب العاصمي"، فيرتبط بما أسماه الأستاذ عاصم علي "ساقية حاتم"..
وهذا يثير تساؤلات حقيقية، وجديّة عن طبيعة "الدور التخريبي المشبوه"،
الذي يقوم به هذا الشبح الأربعيني في "المنبر العام".
وسأعود لذلك ..
11-03-2018, 08:52 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
طبالي ومياه جوفية ودهب وحلايب ومشروع الجزيرة وحوض نوبي وشمال كردفان وقبلها اليوم العالمي للمياه.
هل أنت عاجز يا عاصم علي عن إثبات زعمك؟
الموضوع ياخي مفروض ينتهي في مداخلتين بس لو كنت فاهم تبعات كلامك العشوائي وغير العلمي. فيا إما تقول كنت بتقترح بناء على رغبة أو تضع المعادلة أو الحقيقة العلمية.
_______ السبعتاشر ونص دي حسبتها استنادا على أي مصدر أكاديمي علمي؟
11-04-2018, 00:36 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
مثلث الرعب "العاصمي" و"مُهادن الإنقاذ" حاتم إبراهيم
يبدو أن "مُهادن الإنقاذ" حاتم ابراهيم قد أصابه الرعب من سجاله الفاشل السابق مع الأستاذ عاصم علي .
وللرعب "العاصمي" ثلاثة جوانب ، آثرنا أن نطلق عليها مجتمعةً "مثلث الرعب العاصمي" ، ويمثِّل كل ضلع جانباً من جوانب الرعب الذي تملّك حاتم ابراهيم.
الضلع الأول هو حديث الأستاذ عاصم عن "الإرادة السياسية الحقيقية"، وهذا موضوع مُرعب لحاتم .
الضلع الثاني :نصيحته التالي نصّها:
Quote: نصيحه وليست رد على حاتم ابراهيم
*كل الردود على تساؤلاتك موجودة في مداخلاتي للشخص اللى عاوز يعرف فكره عن وجهة نظري في الموضوع.
*الدوران حول نقطه لاستغلالها يسذاجه سياسيا في الموضوع لا يستحق الرد.
*بدلا عن البحث في الانترنت ليومين لتأتى وتلقى ما جمعته من خرط دون (شرح)للقارئ في منبر عام (يختلف عن ما تقدمه وتقوله في منبر متخصص) مراعاه لخلفيه القارئ حول الرموز والمصطلحات !!!
*بدلا عن الجدال لأجل الجدال في الالحاح في الرد على مداخله في بوست ليس لك وليس لى .... قدم رأيك ورؤيتك حول الموضوع المعبرة عنك اذا كان لديك ما تقدمه.
*توليد الطاقة الشمسية ليس الخلايا الشمسية فقط (رغم تعدد أنواعها) ..............
*قدم مقارنه بين تكلفه والطاقة المولدة لمساحة محدده لمزرعة شمسيه مكوناتها الخلايا الشمسية ونفس المساحة لمزرعة شمسيه قائمه على المرايا العاكسة.
*الانترنت يقدم الغث والسمين من المعلومات ولايعنى ان اى شخص يجمع معلومات من الشبكة يضع نفسه كان صاحب تخصص. شايفك مره عامل اقتصادي في بوست المال ومره موسيقى خاتى راسك بى راس موسيقى متخصص !!!
* اتعلم تقدم وجهه نظرك الخاصة بك وعدم ترصد الاخرين واثاره نقاشات انصرافيه تخدم مصلحه نظام يطلق كتائبه لتكميم افواه واقلام كل من يتنفس بطرح رايه.
*مجادله الاخرين لا تصنع قيمه للمجادل وانما خصما عنه.
* عليه قدم طرحك انت المعبر طالما انت متفرغ للبحث على الانترنت 24 ساعه لتتخصص في كل علوم الدنيا حتى تناقش كل خلق الله فى كل العلوم والمعارف..
والسلام ختام
أمّا "الضلع الثالث" لمثلث "الرعب العاصمي"، فيرتبط بما أسماه الأستاذ عاصم علي "ساقية حاتم"..
وهذا يثير تساؤلات حقيقية، وجديّة عن طبيعة "الدور التخريبي المشبوه"،
الذي يقوم به هذا الشبح الأربعيني في "المنبر العام".
وسأعود لذلك ..
*قمنا بإعادة نشر المداخلة السابقة بعد إدخال إضافات ، كان من الصعب تعديلها
11-04-2018, 01:56 PM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
لا أعرف يا حاتم هل غرضك من البوست هو هذا السؤال: (هل أنت جهوي يا عاصم علي؟) أم ماذا بالضبط؟ ولكن عموما، فشكرا على ما هديتنا إلى هذه القراءة المفيدة والنافعة في بوست أخينا صبري طه الذي لم أتشرف بقراءته من قبل. حقيقة استفدت منه جدا.. معرفة طازجة زادتها المبادلات بين الآراء عمقا. ولم أك من قبل أعرف عن الموضوع شيئا.. ثم عرفت واهتممت! أين وصل السودان في الطاقة الشمسية ؟أين وصل السودان في الطاقة الشمسية ؟ ++++ فيا عاصم، نسبة لأهمية الموضوع، كما نظرت إليه من منظور الأمن القومي السوداني، وبما أنك من ضمن شركاء ذاك البوست المهمّين، والحمد لله، فحاضر هنا أيضا، فلو جاز لي أن أتمنى عليك يا سيدي: يا ليت لو تواصل الطرق على هذا الموضوع، هنا وفي أي وسيط آخر ممكن، حتى يسمع من به صمم من أصحاب القرار في الحكومة.. بعض الأمور الوطنية، كما أظنك ستتفق معي، لا يهم معه من هو الحاكم وما طبيعة الحكم، فهي أمور تتعلق بالدولة نفسها وبمصالحها العليا. وأعتقد أن هذا الموضوع لو درس من هذا المنظور الأمني، فستثبت ضرورته في أي (دراسة جدوى استراتيجية وطنية) وبالتحديد لو أنجز في الركن (الشمالي الغربي من السودان) كما اقترحته أنت وذلك قبل أي ركن آخر.. من هذا المنظور فالمؤكد أن مشاريعا كبيرة للطاقة الرخيصة نسبيا، يجب أن تكون شمال خط ١٧.٥ شمالا، حيث لا يوجد بديل منطقي لها!! ++++ يا حاتم، لو وجدت، أي من غير هذه الشكوك في جهوية عاصم، فما هي شكوكك حول خط ١٧.٥ وما أسبابها؟ فبالرغم من أنه قد اسهب في شرح أن هذا الخط ــ الذي يمر جنوب مدينة عطبرة تماما يا حاتم، ولكنه لا يمر بشمال كردفان أبدا يا عاصم ــ هو خط يمر أيضا بمساحات هائلة من الأراضي السودانية الصحراوية التي تكاد تخلو من أي عمران أو سكان؟ في ظني أن هناك ضرورة وطنية واستراتيجية لتعمير هذه الصحارى بما تيسر وبأعجل ما يمكن. لأن هذا مما يتعلق مباشرة بالأمن القومي للدولة السودانية.. ناهيك عن فوائده الاقتصادية. هل توجد طرق أجدى اقتصاديا لتوفير الطاقة بما يؤدي إلى تعمير هذه المناطق شمال خط ١٧.٥ شمالا، بما يسهم في تأمين حدود الدولة السودانية وفي رفاهية عموم شعبها بالتبعية؟؟ ++++++
المنطقة في صحراء العتباي (الصحراء النوبية) التي تقع بين النيل والبحر وهي منطقة واعدة بصناعة تعدين الذهب وغيره. قد يكون المردود الإقتصادي لتعميرها سريعا نسبيا. وبالتأكيد ستخدمها محطات توليد الطاقة الشمسية كما اقترحها عاصم والشباب.. ولكنها لاعتبارات القرب النسبي فأقل خطرا استراتيجيا من المناطق في غرب النيل..
المنطقة في صحراء العتمور تقع مباشرة بين المنحني الكبير للنيل وبين الحد الشرقي للصحراء اللبيبة في امتدادها السوداني، أو قل بين النيل وطريق أمدرمان دنقلا.. هي أيضا تحتاج إلى العمران والتعمير لأنها ثغر أمني كبير وأيضا فلا شيئ يمنع من استصلاح أراضيها لزراعتها بالمياه الجوفية من الحوض النوبي، لو أمكن، بدلا من نزع/هدر الملكيات/الحيازات التقليدية لصالح الاستثمارات الأجنبية كما تجري الأحوال الآن في البلد وتهدد كثير من مجتمعاته وبالتالي أمنه القومي.. وأيضا فليست أخطر من المنطقة الثالثة في شمال دارفور..
المنطقة في شمال دارفور قاحلة طاردة، وهي في كل يوم تتصحر بأشد مما هي أم الصحارى.. صراع الموارد المتناقصة فيها مشهور ولا يحتاج إلى ذكر.. وهي بعد بعيدة من البحر ومن مناطق الانتاج الزراعي ومن العمران حتى في دارفور نفسها.. ثم فيها جبال المالحة والنطرون.. ذلكم وعد تعديني مبشّر.. قريب منها مناجم جبل عامر وما أدرئيك ما جبل عامر، إنها خطر غامر.. ما هي الإمكانات التعدينية في تلك الصحراء.. النيجر ليست بعيدة وفيها مخزون العالم من اليورانيوم. وليبيبا أقرب، فيها نهر البترول ونهر الماء النوبي العظيم!! النهر العظيم أليس من بحيرة النوبة الجوفية التي تشمل منطقة شمال دارفور؟ لزمان طويل كانت مدينة (مليط 16.38 تقريبا )، التي تكاد تكون في وسط دارفور، هي نقطة جماركنا مع ليببيا! أي كأن حدودنا على بعد (ألف ميل) من حدودنا!! كل ما في شمال (مليط) و(كتم) عبارة عن فراغ سيادي واداري لا يعرفه إلا السودانيين البدو من رعاة الإبل في أيام الجزو! ما هي مخاطر ترك كل هذه الأراضي السودانية مفتوحة على الصراعات والأطماع التي في الإقليم أو تلك العالمية؟ حتى لو يكن مجديا اقتصاديا، فالجدوى الاستراتيجية من محاولة (ولو اصطناعا) تعمير وتحفيز النمو السكاني والعمراني في تلك المناطق، وبالذات التي في شمال دارفور، هي جدوى وطنية مؤكدة..
عاصم، أرجوك، والعارفين معك، واصل/وا في جهودك/م التعريفية/العلمية.. واعتقد أنك ستتوفر على الوسائل المناسبة لتوصيل رأيك.. وعلى أقل القليلة، فحتى لو يصل إلى الوعي والرأي العام..
11-04-2018, 02:07 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
Quote: وأعتقد أن هذا الموضوع لو درس من هذا المنظور الأمني، فستثبت ضرورته في أي (دراسة جدوى استراتيجية وطنية) وبالتحديد لو أنجز في الركن (الشمالي الغربي من السودان) كما اقترحته أنت وذلك قبل أي ركن آخر.. من هذا المنظور فالمؤكد أن مشاريعا كبيرة للطاقة الرخيصة نسبيا، يجب أن تكون شمال خط ١٧.٥ شمالا، حيث لا يوجد بديل منطقي لها!!
من المؤكد ويجب؟ ليه يجب؟ ممكن شرح مقنع للنزعة ا(التأكيدية) دي؟ ما (المنطق) أصلاً في اختيار الخط 17.5؟
Quote: يا حاتم، لو وجدت، أي من غير هذه الشكوك في جهوية عاصم، فما هي شكوكك حول خط ١٧.٥ وما أسبابها؟ فبالرغم من أنه قد اسهب في شرح أن هذا الخط ــ الذي يمر جنوب مدينة عطبرة تماما يا حاتم، ولكنه لا يمر بشمال كردفان أبدا يا عاصم ــ هو خط يمر أيضا بمساحات هائلة من الأراضي السودانية الصحراوية التي تكاد تخلو من أي عمران أو سكان؟
الشكوك في جهوية عاصم في أن الخط تم اختياره عشوائياً هكذا، بوضع الأصبع. وهو لا يمر (جنوب عطبرة تماما)، بل شمالها، منطقة دار مالي أوافقك في أنه لا يمر في أي منطقة أخرى سوى بالصحراء. ولكنه عند دارمالي يمر بمشاريع ري محوري بحاجة للكهرباء، آخر مرة طالعت فيها الخريطة. شفت كيف العلمية والأكاديمية! لهذا سألناه بوضوح: أمكان أنزلكه الله أم هو المكر والخديعة؟
وهو عاصم غرق في المياه وحلايب وطبالي السوق لشنو إنت قايل؟ بيموت في الجغرافيا؟
Quote: في ظني أن هناك ضرورة وطنية واستراتيجية لتعمير هذه الصحارى بما تيسر وبأعجل ما يمكن. لأن هذا مما يتعلق مباشرة بالأمن القومي للدولة السودانية.. ناهيك عن فوائده الاقتصادية.
قبل الصحاري هنالك مشاريع أصلاً جاهزة، وأراضي خصبة تصلح للزراعة أظنها أولى (بالمنطق) البسيط جداً.
____ باقي كلامك لا علاقة له بالموضوع، الذي هو عن الطاقة الشمسية.
==============
فكل طلبي هنا هو تعريفنا بالطريقة التي توصل بها لاختيار الخط 17.5 باعتباره الفاصل المحدد (لجدوى) إنشاء مشاريع طاقة شمسية في السودان.
___ أياً كانت الطريقة.
=============
Quote: عاصم، أرجوك، والعارفين معك، واصل/وا في جهودك/م التعريفية/العلمية.. واعتقد أنك ستتوفر على الوسائل المناسبة لتوصيل رأيك.. وعلى أقل القليلة، فحتى لو يصل إلى الوعي والرأي العام..
نحنا كمان بنفتش على التوعية.
___ بل أحرص عليها من حرباء.
11-04-2018, 05:05 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
لست متأكدا، لكنه لم يضطرني إلى الشك، افترضة افتراض من متخصصين! يمكن تكون حسابات تتعلق بأمور فيزيائية كزوايا سقوط الأشعة الشمسية مثلا، أو شدة الحرارة، شدة واتجاهات الرياح أو أي معيار فني آخر. وأيضا، ممكن تكون لأنه الخط ١٧.٥ هو الذي يحددد حدود العمران على حافة الصحراء.. مليط مثلا تقع على خط ١٦.٣٨ وهذه المعلومة فمن نفس الموقع القال أن خط ١٧.٥ يمر جنوب مقرن أتبرا يعني جنوب مدينة عطبرة، وأيضا يمر بأقصى جنوب ولاية البحر الأحمر.. وليس كما تقول..
Quote: وهو لا يمر (جنوب عطبرة تماما)، بل شمالها، منطقة دار مالي
ولكن هذا ليس مهما، الكهرباء طبعا عادي ممكن تقطع البحر لي جهات دار مالي، أو حتى لمشاريع (الري المحوري) القائمة أو المخططة فعلا في مناطق أخرى على نهر أتبرا وقريبا من عطبرة ودار مالي وعموم المنطقة.. طبعا عاصم لو شرح أهمية الخط دا بالذات أو عدمها، فحيكون شرحه مفيدا أكثر من مجرد تخمينات أو اتهامات... أما قولك:
Quote: عند دارمالي يمر بمشاريع ري محوري بحاجة للكهرباء، آخر مرة طالعت فيها الخريطة. شفت كيف العلمية والأكاديمية! لهذا سألناه بوضوح: أمكان أنزلكه الله أم هو المكر والخديعة؟
وبناء على هذه الأشارات الواضحة في كلامك عن المكر والخديعو والجهوية؛ فهل لديك أو هناك ثمة شبهة/تهمة/اثباتات/ادانة حول التالي: ١) إنو توجد هناك مشاريع زراعية كبرى (للري المحورى) أو بغيره، حول (دار مالي) بالذات؟ ٢) إنو لا تتوفر لهذه المشاريع الكهرباء اللازمة إلا بمشروع قومي للطاقة الشمسية؟ ٣) إنو عاصم يمتلك هو أو أسرته أو يشاركون بأي أنصبة في هذه المشاريع؟ ٤) إنو عاصم يعمل موظفا أو استشاريا مع مالكي هذه المشاريع؟ ٥) إنو عاصم لوحده، أو مع آخرين، هو عضو في (لوبي) مجموعة ضغط تعمل لصالح مستفيدين من كهربة مشاريع (دار مالي) أو غيرها من مشاريع (الري المحوري) أو غير ذلك، و لذا فهو يدفع بفكرة المشروع القومي للطاقة الشمسية في هذه المنطقة بالذات؟
هذا بخصوص عاصم ودار مالي... لكن عموما، بهذا الخصوص عن الطاقة الشمسية، ولو ما فيها جهوية يعني، فأنا تهمني (دار الريح ) شمال مليط، أكتر من دار مالي..!!
11-04-2018, 05:47 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لست متأكدا، لكنه لم يضطرني إلى الشك، افترضة افتراض من متخصصين!
الخواجة عندو قاعدة (منطقية) جداً يا هاشم بتقول Assumption is the mother of all fu.ckups.
Quote: يمكن تكون حسابات تتعلق بأمور فيزيائية كزوايا سقوط الأشعة الشمسية مثلا، أو شدة الحرارة، شدة واتجاهات الرياح أو أي معيار فني آخر.
كل السودان منطقة مدارية، يعني الشمس بتمر على أي نقطة في السودان مرتين، بناء عليه زوايا السقوط وشدة الحرارة أمور طبيعية متكررة في كل مساحة القطر السوداني. شيء من الجغرافيا لا يقتل.
Quote: وأيضا، ممكن تكون لأنه الخط ١٧.٥ هو الذي يحددد حدود العمران على حافة الصحراء.. مليط مثلا تقع على خط ١٦.٣٨
قرار إداري دا يا هاشم؟ النيس بيعمروا الأرض بمنطق خطوط العرض ولا بحسب الموارد الفيها؟ قول كلام تاني يا شيخ.
Quote: وهذه المعلومة فمن نفس الموقع القال أن خط ١٧.٥ يمر جنوب مقرن أتبرا يعني جنوب مدينة عطبرة، وأيضا يمر بأقصى جنوب ولاية البحر الأحمر.. وليس كما تقول..
Latitude: 17° 41' 29.99" N Longitude: 33° 58' 25.19" E كبر الصورة شوية عشان تشوف (الخطوط)، الخط بيمر شمال العمران وجنوب المزارع في منطقة دار مالي. فمن أين تتلقى معلوماتك الجغرافية يا هاشم؟
وإذا كنت حتترصد خط العرض فممكن نطلع قرية أم كربة شرق وغرب، إنما العبرة بالمنظور.
Quote: ولكن هذا ليس مهما، الكهرباء طبعا عادي ممكن تقطع البحر لي جهات دار مالي، أو حتى لمشاريع (الري المحوري) القائمة أو المخططة فعلا في مناطق أخرى على نهر أتبرا وقريبا من عطبرة ودار مالي وعموم المنطقة.. طبعا عاصم لو شرح أهمية الخط دا بالذات أو عدمها، فحيكون شرحه مفيدا أكثر من مجرد تخمينات أو اتهامات...
كيف ما مهم؟ الراجل تعب و(خطط) ودبر وقال إنو توصل للخط دا بالذات نتيجة لمعادلات معقدة ونهج (scientific) وأنا والله لي شهور بفكر هو كيف حسب الخط دا وبأي معادلة أو مجرد حقائق جغرافية على الأرض لكن أهو زي ما شايف، أخرج من جرابه حاجات كعبة خلاس، وفي النهاية غطس بينا في لب الموية ولما مرقت وراهو لقيتو دقش الدهب وحلايب وطبالي السوق، غايتو.
Quote: وبناء على هذه الأشارات الواضحة في كلامك عن المكر والخديعو والجهوية؛ فهل لديك أو هناك ثمة شبهة/تهمة/اثباتات/ادانة حول التالي:
شغال شنو ويمتلك شنو دي خصوصياته، لا تعنيني مشاريع الري المحوري عينك ما طستا في الخرائط يا هاشم يا أخوي، ومال الدويريات ديل ساعات حائط؟ أنا يهمني (التوعية) الممكن تحصل عندما عاصم علي يتواضع ويشرح لي ببساطة
كيف هو توصل لتحديد الخط دا؟
فلو حساب يشرح لينا الحساب دا كيفنو، حساب جدوى ما هلعة فتوى ولو مكان أنزله الله، نقول آمين. ولو مكر وخديعة فياها الجهوية.
____ فلا تنفع مليط ولا جنوب البحر اللحمر هنا، ولا أم كربة.
Quote: هذا بخصوص عاصم ودار مالي... لكن عموما، بهذا الخصوص عن الطاقة الشمسية، ولو ما فيها جهوية يعني، فأنا تهمني (دار الريح ) شمال مليط، أكتر من دار مالي..!!
أنا تهمني الحقيقة. غض النظر عن (اهتماماتك).
11-04-2018, 06:32 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
فى مقطع د.فاروق الباز تجاوز عن ذكر الحوض النوبى حتى لايكون له توابع سياسيه . مشروع امطار يمس الحوض الحوض النوبى على استحياء وانظروا حديث المسئولين عن مايقدمه للامارات . مشروع امطار يمس اطراف الحوض النوبى على استحياء الفكره المطروحه تدعو لاستغلال وتامين الحدود من اختراق واستغلال الموارد والاراضى السودانيه ارتكازا على عمق الحوض النوبى (المنطقه المتاخمه لجبل عوينات) والجزء الشمالى الغربى والتمدد الى الداخل. .
11-04-2018, 07:28 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
يا حاتم أنا لست متخصصا كما سبق وأخبرتك.. استفدت من بوست صبري ومداخالات الشباب علما نافعا بالخصوص، ولكنه علم سطحي جدا وغير مكتمل. أما كلامك ده، تعليقا على كلامي عن حاجتنا للعمران في الصحاري السودانية لضرورات استراتيجية؛ أي بقولك:
Quote: قرار إداري دا يا هاشم؟ النيس بيعمروا الأرض بمنطق خطوط العرض ولا بحسب الموارد الفيها؟ قول كلام تاني يا شيخ.
فما راكب عدلو.. لأنو: أنا ما قلت نعمّر بمنطق خطوط الطول والعرض.. أنا قلت لو أن خطوط العرض دي تجعل من الممكن استخدام الطاقة الشمسية لتوفر موردا (منطقيا) للطاقة، الضرورية لتعمير هذه المناطق الخالية من السكان، والواقعة بالصدفة على تلك الخطوط، فأنعم بها إذن من فرصة وإمكانية، ويا مرحبا ويا أهلا بها..
وأيضا، لم يوجد عندي سبب يدعوني للتشكيك في النوايا، خاصة وعاصم قد شرح ولأكثر من مرة أنه يتحدث عن مجمل (صحارى الشمال الغربي) بينما دار مالي ولّ سيدون ولّ أم شديدة أو قوز رجب والنخيلة وغيرها من محلات الدواير دي وما جاورها، فليست بالضبط في الشمال الغربي إلا بالنسبة للصفية وريرا وتمبول والشواك، مثلا.
وأيضا فأنا قد استخدمت الموقع دا وجبت ليك منو الصور البتقول عطبرة تقع شمال خط ١٧.٥ شمال الاستواء. https://www.latlong.nethttps://www.latlong.net وهو الموقع القال لي انو خط ١٧.٥ دا بقع جنوب عطبرة شوية.. دي مغالطة عابرة وما ما مهمة.. وربما موقعك أصح من موقعي. المهم هو أن مزارع الري المحوري فبرضو متوفرة على الضفة اليسرى (جنوب) نهر أتبرة يعني مع خطي الجنوبي دا زاتو! وأنا عارف الكلام المزارع دي من زمان وقبل ما تحصل. يعني مما بدو في انشاء خزان سيتيت.. وتعهدوا بتوفير الأرض للممولين/ المستثمرين. والآن برضو عارفوا حاصل، وكمان في أماكن عديدة غير هذه المناطق.. بعيدة وقريبة وجنوب وشمال الخط ١٧.٥ المبروك دا.
إذن سؤالي الأول: لماذا ربطتها أنت (الفكرة/المزارع) بــ(دار مالي) حصرا؟ لماذا لا تصدق حديث عاصم عن مجمل (الشمال الغربي)؟
وسؤالي التاني (أسئلتي): هل هناك شبهة بعينها (سوى الجهوية) حول فكرة عاصم؟ أو هل تظنها نوع من تدليس أكاديمي أو مهني، وللتربح منه وتحقيق مصالح شخصية أو تجارية خاصة؟
ما تقولي دي أمور ما بتهمني، وما يهمني هو الحقيقة وبس! تلميحاتك واشاراتك لم تدع لي ولا (لغيري) ممن يقرأ، مجالا للشك أن اهتمامك الشديد إن هو إلا الكشف عن تداخل طرح عاصم بمصالحه الجهوية/الشخصية.. وفي ذلك فأيضا كشف عن الحقيقة (طبعا)!!
أسمع يا حاتم، سؤال مهم يا ليت تفيدني حوله: ما رأيك (العلمي) في تنمية (شمال دارفور بالذات) أي صناعيا وزراعيا وبالتالي عمرانيا، عبر استخدام الطاقة الشمسية وطاقة الرياح ؟ ما جدوى مثل هذا التفكير سواء اقتصاديا أو استراتيجيا؟
11-04-2018, 06:51 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: فما راكب عدلو.. لأنو: أنا ما قلت نعمّر بمنطق خطوط الطول والعرض..
بل قلت أدق من ذلك، قلت إنو الخط 17.5 (هو الذي يحدد) حدود العمران على حافة الصحراء، بمعنى إنو العمران ينتهي عنده ودا كلام غلط.
Quote: وأيضا، ممكن تكون لأنه الخط ١٧.٥ هو الذي يحددد حدود العمران على حافة الصحراء.. مليط مثلا تقع على خط ١٦.٣٨
العمران لا يقترن بالخطوط الوهمية يا هاشم وإنما بمصلحة الناس في البقعة المعنية سواء جات في الخط ولا قبله أو بعده. وبعدين الخط 17.5 أصلاً لا يحدد نهاية الصحراء ولا بداية العمران في أي منطقة داخل السودان، هو نص البلد صحراء لغاية الخرطوم تقوم تحلق لها قطعية بمزاجك؟
___ أنت داير تتكلم ساكت يا هاشم.
Quote: أنا قلت لو أن خطوط العرض دي تجعل من الممكن استخدام الطاقة الشمسية لتوفر موردا (منطقيا) للطاقة، الضرورية لتعمير هذه المناطق الخالية من السكان، والواقعة بالصدفة على تلك الخطوط، فأنعم بها إذن من فرصة وإمكانية، ويا مرحبا ويا أهلا بها..
ودا ما حصل! لكن هب أنو حصل، نزحف نمشي ليها قال يعني؟ البلد كلها (تنعم) بطاقة شمسية كونها تقع بين المدارين، وكلها توفر مورداً للطاقة. لكن عاصم علي (اختار) البقعة البتهمو بس لشيء في نفسه، وداك ياهو لسة غرقان في الموية أنا بتكلم في الطاقة وهو مصر يبلبط ويجلبغ جوة السودان وبرة السودان.
Quote: وأيضا، لم يوجد عندي سبب يدعوني للتشكيك في النوايا، خاصة وعاصم قد شرح ولأكثر من مرة أنه يتحدث عن مجمل (صحارى الشمال الغربي) بينما دار مالي ولّ سيدون ولّ أم شديدة أو قوز رجب والنخيلة وغيرها من محلات الدواير دي وما جاورها، فليست بالضبط في الشمال الغربي إلا بالنسبة للصفية وريرا وتمبول والشواك، مثلا.
دا ما كان حديثه في البداية أبداً بل رده كان عن أني (ما مركز) وإنو هو يعتمد نهج (scientific) والآن اتضح العكس.
Quote: وأيضا فأنا قد استخدمت الموقع دا وجبت ليك منو الصور البتقول عطبرة تقع شمال خط ١٧.٥ شمال الاستواء. https://www.latlong.nethttps://www.latlong.nethttps://www.latlong.nethttps://www.latlong.net وهو الموقع القال لي انو خط ١٧.٥ دا بقع جنوب عطبرة شوية.. دي مغالطة عابرة وما ما مهمة.. وربما موقعك أصح من موقعي. المهم هو أن مزارع الري المحوري فبرضو متوفرة على الضفة اليسرى (جنوب) نهر أتبرة يعني مع خطي الجنوبي دا زاتو!
في الجغرافيا يا هاشم لما يوصفوا موقع مأهول (populated place) بياخدو موقع تقريبي، يعني لما تقول عطبرة ولا باريس وتحدد نقطة على الإحداثيات فهل دا مركزها الهندسي، ولا بيت العمدة، ولا الصهريج، ولا الميدان الكبير ولا أقدم جامع، ولا مبنى البلدية؟ مافي زول بيعرف، أي جهة عندها تفضيلاتها. الشيء الثابت إنو الخط 17.5 بيمر بنهاية العمران شمال عطبرة لوقتنا الحالي دا، وجنوب الدويريات حقات الري المحوري في دارمالي وبالمناسبة الخط لو شمال ولا جنوب فهو أصلا واقع في منتصف مناطق المشاريع المحورية دي يعني فوق ليهو مشاريع وتحت منو مشاريع، والظاهر عاصم علي عرف يختار بطريقته العلمية.
Quote: إذن سؤالي الأول: لماذا ربطتها أنت (الفكرة/المزارع) بــ(دار مالي) حصرا؟ لماذا لا تصدق حديث عاصم عن مجمل (الشمال الغربي)؟
الخط مر بدار مالي، اعتبرها غرينتش السودان. لكن لو حبيت ممكن نسميهو خط عاصم وهاشم.
Quote: وسؤالي التاني (أسئلتي): هل هناك شبهة بعينها (سوى الجهوية) حول فكرة عاصم؟ أو هل تظنها نوع من تدليس أكاديمي أو مهني، وللتربح منه وتحقيق مصالح شخصية أو تجارية خاصة؟
وأنا مالي ومال مصالحو الشخصية يا هاشم؟ كلامي واضح، الراجل قال استخدم أسلوب علمي نتج عنه الخط المعني لجدوى مشاريع الطاقة الشمسية، يثبت كلامه حتى ذلك الحين فما عندي ليهو غير الخيارات التلاتة: 1- الحساب. 2- النبوءة. 3- الجهوية.
___ يقع في البتعجبو، ومافي غير خيار واحد (Mutually exclusive)
Quote: ما تقولي دي أمور ما بتهمني، وما يهمني هو الحقيقة وبس! تلميحاتك واشاراتك لم تدع لي ولا (لغيري) ممن يقرأ، مجالا للشك أن اهتمامك الشديد إن هو إلا الكشف عن تداخل طرح عاصم بمصالحه الجهوية/الشخصية.. وفي ذلك فأيضا كشف عن الحقيقة (طبعا)!!
نعم مهتم بالطريقة العلمية التي تخصص المشاريع الكبيرة بناء على الإحداثيات الجغرافية! لكن الما بيهمني يا هاشم هو سعيك المحموم لإنقاذ الراجل ومحاولاتك الحثيثة لعمل تقاطعات وتداخلات شخصية، عملتها مرتين حتى الآن، فأرحم نفسك شوية.
Quote: أسمع يا حاتم، سؤال مهم يا ليت تفيدني حوله: ما رأيك (العلمي) في تنمية (شمال دارفور بالذات) أي صناعيا وزراعيا وبالتالي عمرانيا، عبر استخدام الطاقة الشمسية وطاقة الرياح ؟ ما جدوى مثل هذا التفكير سواء اقتصاديا أو استراتيجيا؟
سؤالك ما ليهو أي معنى! المجالات الأنت ذكرتها دي مطلوبة في أي بقعة في أي (دولة نامية) يعني (مجدية) بحكم الحاجة ليها مش ترف البحث العلمي يبقى المفروض تسأل هنا مش عن (الجدوى) بل حسن ترتيب الأولويات وما إذا كان اختيار عاصم (العلمي كما يزعم) يتبع ذلك ويراعيه.
___ ههههه، مشكلتك عويصة، ومشكلة عاصم أعوص.
================
ما أخير تتوكل على العلمية بعد دا يا عاصم؟ وكلمتني عن مراجع ومعادلات وكبسيبة داك كله كان خلاعة ساكت؟
11-05-2018, 06:02 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
Quote: انا زول ( science ) وكلامنا فى المواضيع دى لازم يكون مبنى على (facts ) وليس على ( emotions ) Re: أين وصل السودان في الطاقة الشمسية ؟Re: أين وصل السودان في الطاقة الشمسية ؟
فهناك فرق عظيم بين الاثنين بالطبع. أفرحتني أخبار ابننا حمدوك الذي تمتد أياديه بخبرته لخارج البلاد بينما يحرص الآخرون على تبرير حصر المشاريع (حتى داخل السودان) في جهات بعينها.
___ باسم العلوم والحقائق وليس العواطف.
11-06-2018, 05:17 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنا قلت لو أن خطوط العرض دي تجعل من الممكن استخدام الطاقة الشمسية لتوفر موردا (منطقيا) للطاقة، الضرورية لتعمير هذه المناطق الخالية من السكان، والواقعة بالصدفة على تلك الخطوط، فأنعم بها إذن من فرصة وإمكانية، ويا مرحبا ويا أهلا بها.
تلك المناطق موجودة منذ تطور الكوكب! الصدفة هي التي أودت (بالخطوط) لتقع فيها هناك.
يخيل لي يا هاشم إنك (فاهم) مبدأ الطاقة الشمسية على إنو الحرارة أو سخونة الشمس! أبداً يا هاشم، الطاقة الممكن تحويلها والمقصودة في البوست المعني هي الضوء الضوء المجرد يا هاشم، يعني حتى الممكن تحصل عليه في الظل أو داخل المنازل أو حتى الضوء المتوفر في المناطق المتجمدة (الباردة) إذا كانت هناك مشاريع تمت في مساحات واسعة (صحارى أو غيرها) في مكان ما من العالم فدا بس حرصاً على عدم التغول على المساحات القابلة للسكن أو الزراعة مستقبلاً وعادة لا تفضل (الصحارى) لأسباب عدة.
____ إذن (الفرصة) والإمكانية متوفرة في كل القطر والأقطار المجاورة.
سلام عليكم اسمه الخواض وهاشم الحسن حاتم انا طرحت عليهم اسئله واعتقد انو اجابتو الجاده عليها (من غير مايمسك هوامش الردود ويصدرها كانها عضم الرد ) هى البتخلينى اواصل معاهو عشان لى حته مقنعه تفيدو وتفيد الناس لكن هو مابعجبو العجب ولا الصيام فى رجب ورغم اقراره رغبتو فى ان يتعلم الا ان اسلوبو هو اسلوب من يحدد شكل الاجابه فى كل مره زى الاستاذ بالصحح فى الاجابات ويحدد الاجابه النموذجيه و الدرجه.....كيف دا ؟؟؟ طيب لو عندك اجابه نموذجيه ادينى صفر وخت اجابتك النموذجيه للناس . فى العلوم التالاساسيه والتطبيقيه مافى حاجه اسمها ترف بحث علمى مافى حاجه اسمها جدوى الطاقه الشمسيه لوجه الطاقه الشمسيه فى ظل مبداء تنوع مصادر الطاقه وانما جدوى قائمه على اعتبارات يرفضها حاتم ويركز على شما خط 17.5 كانو شريط النيل . . مازالت الاسئله المطروحه ل (حاتم ) فى انتظار الردود المسئوله حتى يتواصل الرد عليهو و(ليتعلم) كما يدعى ان كان جادا . وبقول ليهو خليك من 17.5 بتاعتى .....انت قدم شىء حقك عشان البلد دا (من اشتغل بالناس مات هما) . الاخ اسامه الخواض يضيف حاتم في هذا البوست خصلة أخرى ،للقارئة حق تسميتها بما تشاء تأويلاً، كما ورد في مداخلة له في هذا البوست:
Quote: داك كله كان خلاعة ساكت؟
فماهي الخلاعة؟؟؟ سيستمر حاتم فى الهروب من الاجابه على اسئلتى للانخراط واثبات جديتو فى الحوار المفيد للجميع عبر البوست واهو بدا يطلع بقاموس جديد من المصطلحات . الاخ هاشم الحسن ما اسعى اليه الان تكوين مجموعه من التخصصات المختلفه ذات الصله بما فيها الاقتصاد لتكوين دراسه متكامله تصلح لتقدم كاوراق علميه وتقديم ملخص الفكره وشرحها للوعى العام. . نواصل
11-06-2018, 08:39 PM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
يا عاصم علي أو العارفين بها: لو مرة مريتو بي جاي، فرجاء أن تنظروا في سؤالي التالي وتفيدوني عنه في أي سياق مناسب أو حين قد يتيسر لكم: ما هي الأهمية الجغرافية/الفيزيائية/ الهندسية/الاستراتيجية أو بالأخص، تلك المتعلقة بالحوض الجوفي في الصحراء النوبية/الليبية، التي للخط ١٧.٥ شمال خط الاستواء؟ ومشكورين مقدما.. ========
Quote: بل قلت أدق من ذلك، قلت إنو الخط 17.5 (هو الذي يحدد) حدود العمران على حافة الصحراء، بمعنى إنو العمران ينتهي عنده ودا كلام غلط.
غلط كيف يا حاتم؟ عليك الله؛ في كل شمال غرب السودان، وريييني ولو (فرد) مركز عمران يكون شمال خط ١٧.٥ دا، وهو ليس مركزا (علي البحر) !! بدل ما (تناقشنا) بقيت بس جنّك (تغلِّطنا)!!
Quote: العمران لا يقترن بالخطوط الوهمية يا هاشم وإنما بمصلحة الناس في البقعة المعنية سواء جات في الخط ولا
تمام، ما دا هو البقول فيهو أنا زاتي.. أن من مصلحة (عمران) السودان، المسارعة تعمير تلك "القفران".. حتى ولو (صدف) أنها ستكون شمال هذا الخط (الوهمي)!
Quote: وبعدين الخط 17.5 أصلاً لا يحدد نهاية الصحراء ولا بداية العمران في أي منطقة داخل السودان، هو نص البلد صحراء لغاية الخرطوم تقوم تحلق لها قطعية بمزاجك؟
ربما لا يحدد نهاية الصحراء ولا بداية الساحل، لكن الكلام هنا ما عن حدود الصحراء.. بل هو كلام عن (المصلحة) التي في تعمير تلك الصحراء السودانية بالذات، وما السبل العلمية إليها! أنا قبيل، على عدم معرفتي المتخصصة، فقد اشتبهت في بعض أسباب (علمية/هندسية) لاختيار هذا الخط، أما الآن، وإلى أن يأتي متخصص فيقول لا أو نعم، فسأزيدنا واحدا من اشتباهاتي، في شكل سؤال؛ هل يحدد هذا الخط الجغرافي (الوهمي) أو هل هو الحد الجنوبي للحوض الجوفي (الشهير) في الصحراء الكبرى (هل يسمى بالحوض النوبي؟)..
Quote: أنت داير تتكلم ساكت يا هاشم.
ابدا والله يا حاتم، لا أحب الكلام الساكت، أخير منو السكات الناطق.. أتكلم بحسب الذي أثار اهتمامي في بوست الأخ صبري طه وبالذات مداخلات عاصم علي..
Quote: الخط مر بدار مالي، اعتبرها غرينتش السودان.
هههههههها هههخخخخهخهخ.. ليـــه ولماذا وكيف؟ انتا قايليني ما سمعت بخط الطول (الوهمي برضو)، أو ما استفدت منك ومن عمر التاج ومن فرانكلي. حكمة والله، وحكايتك حكاية!!:) ثم ياخي ما مهم موقعك القال ليك خط سبعتاشر ونص دا يمر شمال ما قاله موقعي القال لي انو بمر جنوب عطبرة، المهم اتفقنا انو الداوير الخضراء دي مالية البلد.. السؤال: انت اخترت (دار مالي) بالذات من بين كل الدور الأخرى ليه؟ سيدون مثلا ولّ كنور، مالهن؟؟
Quote: سعيك المحموم لإنقاذ الراجل ومحاولاتك الحثيثة لعمل تقاطعات وتداخلات شخصية، عملتها مرتين حتى الآن، فأرحم نفسك شوية.
أشكيك لمين أنا يا حاتم؟ شخصية شنو ومحموم ولّ ميرود بتاع شنو؟ سؤالك لعاصم جيّد ويفيد قضيتي الأساسية بأن أعرف (علميا) لماذا وماهي أهمية خط ١٧.٥ أو غيرو.. إنها طريقتك في السؤال وفي التشكيك وفي الاستفزاز وفي الاتهام هي التي لا تساعد في الاستجابة ممن قد يفيدونا.. أما عاصم، فله رب يحميه، لا أظنه يحتاج إلى انقاذ إلا بعد أن تجيب أنت عن الأسئلة الفوق ديلاك عن أسباب تشكيكك في طرحه وسبب إيحائك بالتهم ضده.. وحتى بعد ذلك، سأشك وكثيرا جدا، في احتياجه للإنقاذ!
Quote: يبقى المفروض تسأل هنا مش عن (الجدوى) بل حسن ترتيب الأولويات وما إذا كان اختيار عاصم (العلمي كما يزعم) يتبع ذلك ويراعيه.
يا حاتم ما تقرانا شوية ياخي!! أنا قبيل ما قلتا ليك إنو تعمير الصحراء دي هو في اعتقادي؛ أولوية استراتيجية.. وإنه مهم جدا للأمن القومي السوداني وللسلم الداخلي ومهم اقتصاديا كذلك.. وعشان كدا أنا اهتميت بتلك المعلومات والتفاكير التي بذلها الإخوة الكرام وشكرتك على بعثها (ولو بغبارها) من حيث كانت في الأضابير.
Quote: يخيل لي يا هاشم إنك (فاهم) مبدأ الطاقة الشمسية على إنو الحرارة أو سخونة الشمس! أبداً يا هاشم، الطاقة الممكن تحويلها والمقصودة في البوست المعني هي الضوء الضوء المجرد يا هاشم، يعني حتى الممكن تحصل عليه في الظل أو داخل المنازل أو حتى الضوء المتوفر في المناطق المتجمدة (الباردة) إذا كانت هناك مشاريع تمت في مساحات واسعة (صحارى أو غيرها) في مكان ما من العالم فدا بس حرصاً على عدم التغول على المساحات القابلة للسكن أو الزراعة مستقبلاً وعادة لا تفضل (الصحارى) لأسباب عدة.
كلامك عن الطاقة (الفوتونية) صحيح وبارك الله فيك وفي في الشباب المهندسين في بوست صبري طه، فهو بعض ما استفدناه منهم.. وشرحك هنا ممتاز وأنت كمان فمشكور عليه جدا.. وبالذات الإشارة لعدم التغوّل دي.. حكوماتنا كسلانة وجيعانة وجنّها تتغول على مصالح الناس وعلى مستقبلهم والبلد.. لكن برضو، من كلامك دا، فالظاهر عليك ما قريت باقي مداخلات عاصم علي الهناك؛ أي عن (الشمس كمصدر للحرارة).. وخاصة حديثه عن (التجربة المغربية) مثلا!! بعدين يا حاتم ياخي، زول يسألك سؤالا آملا وعشمانا زي دا:
Quote: أسمع يا حاتم، سؤال مهم يا ليت تفيدني حوله: ما رأيك (العلمي) في تنمية (شمال دارفور بالذات) أي صناعيا وزراعيا وبالتالي عمرانيا، عبر استخدام الطاقة الشمسية وطاقة الرياح ؟ ما جدوى مثل هذا التفكير سواء اقتصاديا أو استراتيجيا؟
تقوم ترد وتعلق لي بالطريقة الما حلوة دي
Quote: سؤالك ما ليهو أي معنى!
وتعمل لي احباطات قدر دي وأنا ماني ناقص!! أشكيك لمين أنا؟؟ ===== أها يا حاتم، سلام عليكم.. وعشان تاني ما تقول لي (سعيك المحموم) بدلا عن (سعيك المحمود)، وإلى أن يفيدني عاصم أو عارف سواه، بقول على أقواله/هم الأولى، فـأها: (فتّك بعافية).. كما قد يقولها لك ــ في يوم ما ــ أسامة الخواض!!
11-06-2018, 09:00 PM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
سلام وتحية الأخ عاصم علي، لا بد أنني كنت مشغولا بلملمة الاقتباسات من الأقوال الحاتمية بينما كنت أنت تضيف مداخلتك. في مداخلتي، يا الله والله حتين قدرت أرجع لأولها وأضيف لك/لكم استفساري بأعلاها.. ومنكم وفي تفسيركم سأتحرى أول عتبات المعرفة..
أما كلامك العملاني أدناه، فهو بعينه ما يمكن أن نسميه بــ (البشريات).. وهي اقل ما يرجوه الناس والبلد من المتعلمين والمختصين.
Quote: ما اسعى اليه الان تكوين مجموعه من التخصصات المختلفه ذات الصله بما فيها الاقتصاد لتكوين دراسه متكامله تصلح لتقدم كاوراق علميه وتقديم ملخص الفكره وشرحها للوعى العام.
الله يوفقكم ويبشركم بالخير.
11-06-2018, 09:02 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: وبقول ليهو خليك من 17.5 بتاعتى .....انت قدم شىء حقك عشان البلد دا (من اشتغل بالناس مات هما)
من البداية كنت تحترم عقول الناس وتقول (خلوني)! أصلاً أنا عارفك قاطع الرقم دا من راسك لشيء في نفسك واتحداك أنت والزول العلمك وكل دكاترة الكلية الخرجتك تثبتوا بأي طريقة علمية إنو خطك (الفاروق دا) نتيجة حقيقية لمعادلة أو مجرد حقيقة واقعة على الأرض.
معقولة ياخ! الزول نقعدو في الواطا ونقول ليهو كلمنا عن الطاقة الشمسية يخش ويمرق مرة المياه ومرة حلايب ومرة طبالي ومرة مشاريع حوض نوبي ومرة دهب.
الحساب مرقت منو أبيض ساكت.
___ أظن بكدة، باقي ليك خيارين، النبوءة والجهوية.
11-06-2018, 09:28 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنا قبيل، على عدم معرفتي المتخصصة، فقد اشتبهت في بعض أسباب (علمية/هندسية) لاختيار هذا الخط، أما الآن، وإلى أن يأتي متخصص فيقول لا أو نعم، فسأزيدنا واحدا من اشتباهاتي، في شكل سؤال؛ هل يحدد هذا الخط الجغرافي (الوهمي) أو هل هو الحد الجنوبي للحوض الجوفي (الشهير) في الصحراء الكبرى (هل يسمى بالحوض النوبي؟)..
شوف العلوم الهندسية قاطبة مافيها الأرقام الحاسمة بطريقة عاصم علي الغريبة دي. فإذا بتتكلم عن الجغرافيا فالموضوع أميع من كدة بكتير، يستحيل تتحدث عن ظواهر طبيعية مقرونة بالحدة الفارقة في توصيف أبعادها كما يفعل عاصم، سواء كانت الظاهرة سطوع شمس أو مياه جوفية.
كلام عاصم عن الحوض النوبي دغمسة ساكت.
___ زول نسألو من حقيقة تحت الشمس على سطح الأرض يقوم ينزل جوف الأرض؟
Quote: ثم ياخي ما مهم موقعك القال ليك خط سبعتاشر ونص دا يمر شمال ما قاله موقعي القال لي انو بمر جنوب عطبرة، المهم اتفقنا انو الداوير الخضراء دي مالية البلد.. السؤال: انت اخترت (دار مالي) بالذات من بين كل الدور الأخرى ليه؟ سيدون مثلا ولّ كنور، مالهن؟؟
الباقيات ما بعرفهن، لكن حسب علمي المتواضع ذات الخط دا بيمر بمالي في غرب أفريقيا.
___ وبموريتانيا برضو.
Quote: سؤالك لعاصم جيّد ويفيد قضيتي الأساسية بأن أعرف (علميا) لماذا وماهي أهمية خط ١٧.٥ أو غيرو..
ما عندو أي أهمية، قاطعو من راسو ساكت لمجرد مروره بمناطق تهمه.
___ فلو في أهمية لخطه (الفاروق) دا يكلمنا.
Quote: أما عاصم، فله رب يحميه، لا أظنه يحتاج إلى انقاذ إلا بعد أن تجيب أنت عن الأسئلة الفوق ديلاك عن أسباب تشكيكك في طرحه وسبب إيحائك بالتهم ضده..
سبب التشكيك بسيط جداً، مافي معادلة تحدد خط بعينه بالدقة الخرافية البيتكلم عنها الراجل (العلمي) دي، ولا حتى حقيقة جغرافية تميز المنطقة يعتد بها، الراجل قال هو زول بتاع (science) وما عندو (emotion) في الجانب دا وذكر بأنه عندو معادلات معقدة ومراجع وفشل في إيراد معادلة واحدة ولا حتى اسم مرجع واحد أو مجرد حقيقة واحدة تدعم الخط بتاعو، يبقى فضل شنو غير الشك؟
Quote: أنا قبيل ما قلتا ليك إنو تعمير الصحراء دي هو في اعتقادي؛ أولوية استراتيجية
أنا ما عملت غير الإجابة على سؤالك، الإجابة البدهية المناسبة.
Quote: لكن برضو، من كلامك دا، فالظاهر عليك ما قريت باقي مداخلات عاصم علي الهناك؛ أي عن (الشمس كمصدر للحرارة).. وخاصة حديثه عن (التجربة المغربية) مثلا!!
شفتها، لكن خارج نطاق البوست دا كلام الخط 17.5 يتعلق بالخلايا الضوئية وليس المرايات العاكسة.
11-06-2018, 09:48 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
هههههه ياخي دا طلع واحد كشا مشا ساكت. الزول من يقعد يكورك ليك انا زول بتاع صاينص وحقايق معناها متشكك ومشكوك. العلم ما بدور كلام كتير جبت حقيقة علمية طوالي تخت جمبها إثباتها، بس آآخ وتف.
فور دمي ياخ أقول كهربا يكلمني عن الموية أقول طاقة يكلمني عن الموارد الجوفية داك ياهو بقى يتشبث بشخصنة الموضوع.
عموما هات ما عندك نشوف نجاحك.
_____ لكن هو باقي ليهو فرصتين واحدة فيهن مستحيلة.
11-07-2018, 04:51 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
بجيب العندي يا حاتم، لكن لازم نتفق على اختلاف هل انت بتقول انو الايفشنسي بتاعت محطة في الدمازين هي نفسها بتاعت نفس المحطة في عطبرة؟ داير اجابة بنعم أو لا ما تتلولو لي زي عاصم
سؤال سيدا اجابة سيدا مني مني ما في زين
11-07-2018, 06:40 AM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
هههها هههههها.... يا حاتم عليم الله رغم انك رجل متعلم تعليما ممتازا بيِّنا لا يخفى، وإنك ولابد، فمن ذوي الكراتين الكبيرة كمان، وإنك فكه ولذيذ وكريتيكال ثنكر وأي حاجة.. بل وكل هذا وأكثر ونص وخمسة زي ما كانوا بقولو لزيادة التأكيد.. إلا كمان.. فإنتا وبلا شك، زول شراني وحاري ليك تارات كتيرة كترة مريرة، وكأنك تتحرك بيننا بمكنة المهلهل بن ربيعة المسمى بالزير سالم.. يا ريت لو كان لمت فيهو البصيرة أم حمد، لسلمنا من سيرة الزير ومن بسوسه!!
طبعا من يومك ما قاعد تقصِّر في بث السخريات من محاوريك، ودي مرات بتكون مرحة، أكان بقت بالحق ولّ بالباطل!! لكنك أكتر شي، بتحب اللولوة والبهلوانيات زي عيونك، ويمكن أكتر!! أي والله.. كن ما لولوة منك، طيب حسّع مالك عملت لينا فيها غمران من سؤال أبوبكر القدامك دا. ولم جاوبت بسياسة بسمارك الخارجية على سؤاله عن السياسة الداخلية.. الراجل سألك إذا كان ممكن يثبت ليك: "انو كلما تحركنا شمالا في السودان كان توليد الكهرباء من الشمس هو الأفضل"، وتتفك من عاصم.. يعني اتبرع يكون محضر حير و"حمار وادي" كمان!! فما أفدته ولا نحن، إلا بأنك مستمسك بعاصم وبعمر وبكل من مر بتاريخك المنبري، استمساك "حربوية" بفريستها!! دحين، دايرو يثبت ليك، ولّ النقوم نحنا النطلب منّو الإثبات العندو؟؟
يا ربي أنا المرجعني البوست دا شنو غير تلك الضحكة والفكاهات المرحة؟ ربما هو التفاؤل المحموم!! أو ربما ذكرك لمالي التي هي بلد علي (حمار الوادي) توري!! في الأول أنا كنت قايلو التفاؤل بي كلمة "دغمسة" التي جاءت في كلامك كالتالي: (كلام عاصم عن الحوض النوبي دغمسة ساكت.)!! كلمات مثل دغمسة وجغمسة وكرفسة ودهنسة وربما فلقصـ(س)ة وأخريات مثلهن، سودانيات.. غالبهن في التقريع والتبكيت والتبخيس، لكن فيهن صوت الـ(سة) كالذي في صوت (همسة) وفي معناها أيضا.. زي الكأنهن اختراع لغوي سوداني لتخفيف وقع النقد والسخرية والشتيمة أيضا.. ولتمرير المرارات التي فيهن، عبر صوت ينتهي مخففا كالهمس، أو ربما حياءً.. أنت صاحب اللغويات فأفتنا فيهن والسبع العجاف..
المهم؛ شعرت بي الحنية في كلامك وقلت الزول الشرّاني دا الظاهر عليهو فيهو شوية خير.. يعني؛ فيك شيء لله.. لازم فيك شيء لله!! ثم قلتا لا.. لا يمكن.. الناس كلها فيها شيء لله، هناك سبب أقوى، ليست هي كلمة الدغمسة!! إذن لازم السبب يكون هو؛ ما لقيتك كاتبو لي.. وطبعا عن خط سبعتاشر ونص، كالتالي:-
{"الباقيات ما بعرفهن، لكن حسب علمي المتواضع .. ذات الخط دا بيمر بمالي في غرب أفريقيا. ___ وبموريتانيا برضو."}
هههههها ههههههه كتلتني بالضحك، البكتل القلب!! عليك الله حسّع دا نوع علم متواضع تتحف بيهو جهلنا..!! التواضع دا بس فضلة خيرك ياخي..!! قال موريتانيا قال، ههههههه يا الشناقيط بالدقداق!! المهم؛ من وقتها وأنا أضحك في لولوتك وبهلوانياتك العجيبة دي.. أظن دي المرة التانية تعملا.. داير تمرق بَيْ في باماكو!! يا زول الجاب سيرة نواكشوط منو؟ والسألك من تمبكتو وغانا منو؟ داير تربط (دار مالي) بي الفولفودي وبي فوتا جالون والسونغاي والعيون؟ مالو؟ هو نحنا لاقين؟ جيب حبلك وأربط ربطك طوالي.. ممكن نستفيد معاك مزيد ارتباطات.. لكن لماذا ولم وكيف تدغمسا وتجقمسا لينا هنا في محل الطاقة الشمسية.. مالك؟ ما تمش هناك محل الموضوع قيد البحث في بوست عبدالله ادريس!! ====== أستاذ دكتور أبوبكر، يا سيدنا المستنير، لو سمحت وتفضلت وتكرمت، هلا تجود علينا بشرح لأهمية التوليد الفوتوني/الحراري في شمال السودان؟
11-07-2018, 07:31 AM
MAHJOOP ALI MAHJOOP ALI
تاريخ التسجيل: 05-19-2004
مجموع المشاركات: 4000
Quote: كان البسوي حاتم شر وتارات ، البسيوي فيه الخواض دا شنو؟
البسويهو الخواض مع حاتم هنا دا.. بقا زيو واحد.. شرير وزول تار.. علا البادي منهما، أظلم.. قبل بوست واحد بس، حاتم زاتو مقر بحكاية البدايات دي، لكنو زي ما شايف، مغرم بالتارات!! لذا فلا مجال (منطقي) للمتابع إلا أن يبدأ من حيث ينتهيا.. إلى حين دورة جديدة.. الدورة دي تأبط كأس شرّها حاتم، بما بادر إليه!!
11-07-2018, 08:01 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: هل انت بتقول انو الايفشنسي بتاعت محطة في الدمازين هي نفسها بتاعت نفس المحطة في عطبرة؟
هو ما سؤال (efficiency) بل سؤال (feasibility)
من ناحية كفاءة، الإجابة نعم. الكفاءة واحدة في الحالتين طالما بتستخدم نفس العدة، لكن هل نفس العدة دي بتصفي معاك نهاية السنة طاقة متساوية؟ لا هل نفس المشروع جدواه الاقتصادية متساوية في المنطقتين، لا هل (النبوءة) بتاعت عاصم عليه السلام من ناحية جدوى سليمة علمياً، لا
11-07-2018, 08:05 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: كان البسوي حاتم شر وتارات ، البسيوي فيه الخواض دا شنو؟
البسويهو الخواض مع حاتم هنا دا.. بقا زيو واحد.. شرير وزول تار.. علا البادي منهما، أظلم.. قبل بوست واحد بس، حاتم زاتو مقر بحكاية البدايات دي، لكنو زي ما شايف، مغرم بالتارات!! لذا فلا مجال (منطقي) للمتابع إلا أن يبدأ من حيث ينتهيا.. إلى حين دورة جديدة.. الدورة دي تأبط كأس شرّها حاتم، بما بادر إليه!! ====
Quote: الغريبة ما عندي تار مع عاصم، ما عارفو (اختلق) السبب دا من وين
عليك النبي حسّع العينو قوية فينا منو؟
11-07-2018, 10:33 AM
Kabar Kabar
تاريخ التسجيل: 11-26-2002
مجموع المشاركات: 18537
غريبة يا هاشم الحسن ، انت بتسك مخالب الموساد..وراجي منها عقاد..!! الأغرب بقايا السودانيين الكنا راجيين فيهم حبة عقاد..!! دي سكة يا بابا ما وراها غير السراب..صدقني يا هاشم الحسن..!!
محمد النور كبر
11-07-2018, 10:33 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: البسويهو الخواض مع حاتم هنا دا.. بقا زيو واحد.. شرير وزول تار.. علا البادي منهما، أظلم.. قبل بوست واحد بس، حاتم زاتو مقر بحكاية البدايات دي، لكنو زي ما شايف، مغرم بالتارات!! لذا فلا مجال (منطقي) للمتابع إلا أن يبدأ من حيث ينتهيا.. إلى حين دورة جديدة.. الدورة دي تأبط كأس شرّها حاتم، بما بادر إليه!!
تبقى ما بتشوف بغير عينك الواحدة، والداير تشوفو. ملامح تداخلك هنا لا تخفى على أحد، والنشاط المحموم لشيطنة حاتم غير خفي.
لا لا بس حاتم بتاع تارات وشر هههه
وبالمناسبة لو للشرور فصاحبك هو البادي، بل كلهم، وإن لم يعجبك ذلك يا هاشم.
والدورة دي مجرد نقاش علمي، وإن حاولت اختلاق أي مسمى آخر له على عادتك غير الكريمة.
___ وياريت تنتبه هنا لموضوع البوست.
Quote: عليك النبي حسّع العينو قوية فينا منو؟
العينو قوية أنت دا يا هاشم! عاصم أنا لا بعرفو ولا اتداخلت معاهو في موضوع غير دا فكيف ومن وين (اختلقت) معارك وشخصنة للحوار دا؟ التار سببه شنو حسب خيالك الواسع؟ زول لفق معلومة وما احتاط إلى أنو ممكن يكون هناك شخص عنده دراية مناسبة لمراجعته فيها راجعناهو فيها بالذوق، رد بطريقة فاضحة ومراوغة، والموضوع نقاش علمي في نقطة محددة أنت تجهلها بالكامل تداخلك الأول كان محاولة لجر النقاش وشخصنته وتوجيهه بالكامل لصالح عاصم العاجز عن الدفاع العلمي دا حصل مرتين، وفشلت يا هاشم، دلوقتي رجعت وأنت مصر على النعوت غير الكريمة في حقي حتى لو بدت الحقيقة واضحة، كدة عيب.
الراجل الأنت (حاولت دون جدوى) تدافع عنو ما عندو غير يعتذر عن (اللبس والتلبيس) بتاعو والكلام الفارغ القالو في حقي، خلاف ذلك فبإمكانك تستمر في البتعمل فيهو دا، وفي إمكانه هو يناوش في السياسة الخارجية لكن دا ما بغير من حقيقة إنو 17.5 مجرد خط وهمي أراد عاصم أن يجعل منه سبب لحصر مشاريع الطاقة شماله بلا أي مبرر سوى الجهوية.
___ دي الحقيقة وعليك تقبلها بمرارتها دي.
11-07-2018, 10:48 AM
Kabar Kabar
تاريخ التسجيل: 11-26-2002
مجموع المشاركات: 18537
غريبة يا هاشم الحسن ، انت بتسك في مخالب في الموساد..وراجي منها عقاد..!!
الأغرب بقايا السودانيين الكنا راجيين فيهم حبة عقاد..!!
دي سكة يا بابا ما وراها غير السراب..صدقني يا هاشم الحسن..!!
شكرا يا عاصم علي ، التنبيه اتخر شوية..يا صاحب..ناس حاتم ابراهيم أو أي كان اسمو ..دي مخالب موساد...بتفتش عن معلمومات..طبعا الكيزان طابور خامس ليهم..ونحن بنعرف كيف نسقط حجر الكيزان وتركيا و قطر..!! كبر
غريبة يا هاشم الحسن ، انت بتسك في مخالب الموساد..وراجي منها عقاد..!!
الأغرب بقايا السودانيين الكنا راجيين فيهم حبة عقاد..!!
دي سكة يا بابا ما وراها غير السراب..صدقني يا هاشم الحسن..!!
شكرا يا عاصم علي ، التنبيه اتاخر شوية..يا صاحب..ناس حاتم ابراهيم أو أي كان اسمو ..دي مخالب موساد...بتفتش عن معلمومات..طبعا الكيزان طابور خامس ليهم..ونحن بنعرف كيف نسقط حجر الكيزان وتركيا و قطر..!!
كبر
11-07-2018, 12:16 PM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
لا يا أبا الأنوار، ما تجيب لينا الهوا ياخي:) أنا ما جيت هنا لأسك حاتم ولا استمريت ساكي فيهو، بل كنت ساكي أسباب اعتراضه الحاد على فكرة تهمني، قد أوردها عاصم. ثم، كالعادة الموضوع ما مشى كويس، لغاية الآن على الأقل، ونحنا بلا عقاد نافع فعلا.. غير شوية ونسة.. ثم بالعكس والله، ففي الحقيقة وبكل صدق واخلاص، أنا استخسر ألمعية حاتم أن تهدر في الخصومات والمساسكات المتوالية.. ولكن، على أية حال، يبدو أن قليل أريحية التداول، على اختلافنا، والتي كانت قد سمحت ببعض تبادل لخشونة مقبولة، وبضحكتين تلاتة، قد تلاشت الآن.. =====
يا عاصم معذرة، حتى لو كان حساب الخط ١٧.٥ غير دقيق أو غير صحيح كليا، فأقصى سوء (ظني) لن يتجاوز عتبة أن ذلك خطأ بسيط ووارد. الذي أثمنه فعلا هو الاجتهاد وأسبابه.. مشكور/ ين..
=====
حاتم، رغم أنني في تعليقي على تعليقك على محجوب. وبآخر مداخلاتي لك أيضا، قد كنت أضحك ملء الصحراء الكبرى؛ أي من طوطحتك لي من (دار مالي) وحتى منحنى النيجر في مالي.. ومن انكارك لمؤدى تعليقاتك عن عاصم، كمثالين فقط. إلا أن لغة مداخلتك الأخيرة تقول إنك غاضب جدا جدا.. لا احتاج إلى اقتباس عنها ولا لتدوير المغالطات، ستغضبك أكثر.. وأنا كذللك، ففي غنى عن الثأرات، كلّها.. هذا لن يساعد في استجلاء موضوع خط الــ(١٧.٥)، ولا سيناسب مزاجي. الموضوع ممكن أأجلو إلى فرصة أخرى، مع عاصم علي مثلا أو أبوبكر.. أما الشيء الأكيد هنا، فلم أكذب عنك أو عليك، ولم أكذبك القول.. ولا قبلا.. وبما أن هناك متع في غيره، وهي أفضل لمزاجي، فخيرها في غيرها إذن..
كل شيء، ولا حُمّى الحوارات المأزومة.. سلام عليكم!!
11-07-2018, 01:32 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أما الشيء الأكيد هنا، فلم أكذب عنك أو عليك، ولم أكذبك القول.. ولا قبلا..
بالله العظيم؟ وتاري معاهو شنو الأنت (اختلقته) دا؟
Quote: يا عاصم معذرة، حتى لو كان حساب الخط ١٧.٥ غير دقيق أو غير صحيح كليا، فأقصى سوء (ظني) لن يتجاوز عتبة أن ذلك خطأ بسيط ووارد. الذي أثمنه فعلا هو الاجتهاد وأسبابه.. مشكور/ ين..
لا خلاس حناخد بتصريحاتك على محمل الجد! عاصم لا حسب لا اجتهد لا فكر ولا راجع ولا صحح نفسه ولا اعترف بالخطأ المهم المرة الجاية تأكد أنك فاهم الموضوع وعند استعداد بدل ما تتكل على حيطة مايلة. دي معلومات عامة أولية يفترض أي زول يكون ملم بيها، مجرد اطلاع ومش تخصص. والراجل عجز حتى عن إيراد اسم المرجع الوعد (يمدني) بيهو، مجرد الاسم.
كنت تخلي ربه يحميهو بدل ما (تتبرع) وتقول (خطأ بسيط)! الحمية محلها ما في العلوم التطبيقية يا أخينا.
___ فإذا بتاع الصاينص والفاكتس خجل من فعلتو وقال (خلوني) تقوم تتداعى أنت بالسهر والحمى؟
11-07-2018, 04:05 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الأخ هاشم سلامات ح احاول ارد على تساؤلاتك وبعد داك انا حاضر لأى أسئلة للتوضيح والتفصيل او نسيت نقطه ما . بالإضافة لما ذكر حول الحوض النوبي في بوست المياه وفيديوهات قدمتها هنا عن استفادة مصر شمال الحدود من الحوض النوبي في تنميه شرق العوينات وغرب النيل وإنتاج زراعي على قدم وساق هناك واستغلال ليبيا للحوض النوبي في النهر الصناعي العظيم وتوصيل المياه العذبة الى شمال ليبيا للزراعة ومياه شرب دي مداخلتي الى في بوست صبري طه اللى بدا حاتم منها يمارس هوايتو انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه لتجاوز وتقليل مشاكل انتاج الطاقه الكهرمائيه . في حاجتين مهمات معدل الطاقة الواصلة في وحده الزمن (ثانيه) على وحده المساحات (متر مربع) تعرف بمصطلحات مختلفة حسب المجال بشده الاشعاع عموما او كما ورد هنا (irradiation). الخرطه اعلاه بتوضح متوسط معدل الطاقه الواصله سطح الارض حسب متوسط فتره زمنيه من(2004 الى 2010). الخرطه اعلاه توضح متوسط معدل الطاقه الواصله سطح الارض فى الفتره (1994 الى 2015). الطرف الاحمر للشريط التوضيحى مقصود (اكبر من )بدلا عن (اصغر من) حسب العلامه الوارده ______________________________________________________________ بالنسبة للخلايا الكهروضوئية القدرة او الناتج المتوقع من الطاقة على أساس (irradiation) واحده من عواملها كفاءه الخلية الكهروضوئية اضافه الى الموقع الجغرافي والظروف المناخية ومساحه المستغلة لنشر الخلايا الكهروضوئية. الموقع الجغرافي حسب خطوط العرض مرتبط بمناخ المنطقة ف (متوسط ساعات سطوع الشمس) وامثله ليها في وأدي حلفا حوالي 3900 ساعة في السنة اما في الخرطوم 3550 ساعة في السنة ونيالا 3250 ساعة في السنة الظروف المناخية تؤثر على ناتج الطاقة من الخلايا الكهروضوئية فالغبار والضباب والسحب تعمل على امتصاص او تشتيت جزء من الأشعة الشمسية (الطاقة الشمسية) قبل وصولها سطح الأرض بالتالي ناتج الطاقة الشمسية في بيئة الصحراء يزيد على ناتج الطاقة في بيئات كالخرطوم او نيالا (كأمثله حسب خطوط العرض التي تقع بها). عامل المساحة: في المدن والمناطق المكتظة بالنشاط البشرى كالزراعة والرعي والمدن تضيق المساحات التي يمكن الاستفادة منها في الحصول على طاقه شمسيه سواء من الخلايا الكهروضوئية او من المزارع الشمسية التي تستخدم المرايا العاكسة ويصبح الاستخدام محدود الجدوى ومرتبط بالأفراد غالبا (سكن او مشروع محدود) اما في الصحراء فيمكن تخطيط المنطقة وانشاء مزارع شمسيه سواء لمصفوفات الخلايا او المرايا العاكسة دون تأثير منها على مساحات الإنتاج او السكن وإنتاج طاقه ذات جدوى اقتصاديه على (large scale ) اقتصاديا. .
11-07-2018, 04:08 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الطاقة الشمسية تصبح عامل أساسي كمصدر للطاقة لتعمير المنطقة (مع اضافه طاقة الرياح كمصدر ثاني لضمان تنوع مصادر الطاقة في المنطقة). للاستفادة من مورد المياه الجوفية (نصيبنا من الحوض النوبي) لإنتاج محاصيل حسب المناخ والتربة تنتج الان في مساحة ضيقه حول شريط النيل ونوع المحاصيل ممكن ناس الزراع يفيدونا بأنواع بذكر المحاصيل دي. عندك المورد البشرى وكميه الطاقات الممكن تعمل ضمن تنميه المنطقة دي سواء خبرات متخصصة او فنيه مساعده او عماله. دا غير امكانيه قيام مراكز بحثيه مهتمة بشأن الحياة والبيئة الصحراوية (أوردتها سابقا في بوست المياه) تنميه المنطقة وادارتها تلزم ان تكون تحت اداره واحده لذلك وضعت مقترح منطقه إقليم/ ولاية الصحراء بضم الجزء من شمال دارفور والجزء من الشمالية واعتقد هذه المساحات عبء على هذه الولايات كامتداد لها دون فأئده اضافه الى تأمينها. (طبعا دارفور من الولايات المعلنة للاستثمار في التعدين خاصه اليورانيوم فدارفور اتفتح فيها الاستثمار لتعدين اليورانيوم والماس ومعادن أخرى طبعا الجزء الداخل في مقترحنا تحديده لن يضم مناطق التعدين هذه اما الصحراء شرق شريط النيل فبالإضافة الى تعدين الذهب اضيف اليورانيوم الذي أعلن تواجده في نهر النيل ولبحر الأحمر حسب مورد في الاخبار في مارس الماضي مع ذكر ان ولاية شمال كردفان ضمن الولايات المكتشف بها يورانيوم). الاستفادة من نصيبنا في الحوض النوبي وتامين الحدود من أي اختراق لاستغلال الموارد كما يحدث في حلايب وقطع الطريق لخط تهريب البشر الى ليبيا (مقبره المهاجرين) وضمان ان لا تكون المنطقة امتداد ومرتع ومخبأ للإرهاب المنتشر في الساحل وجنوب الصحراء
11-07-2018, 04:45 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
واصل أنا متابع. غالبا اعتمدت على الخريطة الأخيرة لتحديد موضع الخط صاح؟ يبقى تشرح بأي وسيلة تعجبك ليه بديت من عطبرة مثلا وما من كوستي؟ الأرقام الداعمة لاختيارك انبنت على تفضيلك لأي بارامتر؟
حأجي أشوف معاك الخرطة التانية عشان اتكلم معاك في بنية الخلايا نفسها والمشكلات شنو الممكن تحصل لو الناس سمعت كلامك المرسل دا.
الداعشي كبر قاطع رؤوس البشر إسفيريا بي جاي!! عاوز يعمل لدايات بي جماجم آدميه.. زول بالعقلية دي يتحاوم عادي بين البوستات كأن شيء لم يكن وبعد دا الناس تستغرب التطرف دا بيجي من وين..
11-07-2018, 10:18 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
استخدام الطاقه الشمسيه باستخدام تقنيه المدخنه الشمسيه (المدخنه الخضراء) اول مشروع تجريبى لهذه التقنيه كان فى النصف الثانى من عقد الثمانينيات فى اسبانيا وانتجت طاقه 50 كيلو واط. المولد التجريبي السابق الذكر كان مكون من مجمع قطره 240 متر و مدخنه قطرها 10 متر و طولها 195 متر ... مع نجاح التجربه ، ابدت بعض الحكومات اهتمامها مثل السودان و غانا و الهند و لكن كان العائق التمويلي هو السبب في عدم اتمام المشروع حيث ان استغلال المشروع اقتصادياً يجب ان يتم على نطاق واسع بمعنى زيادة حجم المجمع و طول المدخنة ... لقد تم حساب اقامة مولد من هذا النوع بطاقة 5 ميجا وات يترتب عليه اقامة مجمع زجاجي قطره 1100 متر و مدخنه قطرها 27 متر و طولها 445 متر ، اما اذا ارادنا اقامة مولد بطاقة 200 ميجا وات وات يترتب عليه اقامة مجمع زجاجي قطره5000 متر و مدخنه قطرها 150 متر و طولها 1000 متر !!! و لقد تم حساب ايضاً اذا تم زيادة المجمع الزجاجي الى قطر 7000 متر ، فمن الممكن لهذا المولد توليد طاقة بقدرة 700 الى 800 جيجا وات بالعام اي ان بناء عدد من هذه المحطات قد يستبدل بناء المفاعلات النوويه مع الفارق بين الاثنبن من حيث فنيات الصيانه و اليناء و المخاطر المترتبه عن الاخير في حالة حدوث اي اخطاء بشريه او كوارث طبيعيه الجدير بالذكر ان بعض العلماء قد اشاروا بامكانية استغلال المساحة تحت المجمع الزجاجي لأغراض الزراعة المحمية كأن المجمع الزجاجي صوبه زراعية كبيرة
11-07-2018, 11:20 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
المداخن الشمسية في أسوان.. طاقة نظيفة تمتد لـ100 عام يعقد عدد من الباحثين المصريين آمالا عريضة على التوسع في الاعتماد على الطاقة النظيفة، عقب نجاح فكرة إنشاء المدخنات الشمسية في أسوان، والتي بدأ التجهيز فيها منذ 2012. تنفيذ هذا المشروع جرى في ظل تعاون بحثي بين كلية هندسة الطاقة بأسوان وجامعتي فوبرتال والروهر بألمانيا، بتمويل من صندوق العلوم والتنمية التكنولوجية، وتم قبول نتائج ومخرجات هذا المشروع بشكل نهائي الأسبوع الماضي. المداخن الشمسية تتميز بأن أعمارها الافتراضية أكبر، ويتراوح ما بين 50 إلى 100 عام كاملة. نجح فريق من الباحثين بكلية هندسة الطاقة بجامعة أسوان، في توليد الكهرباء من المداخن الشمسية، بالتعاون مع باحثين من ألمانيا. أنشئت أول مدخنة شمسية بإسبانياعام 1980، لكنها انهارت بعد 7 سنوات فقط، بسبب بعض العيوب الهندسية، وعقب تطوير الفكرة، نجح تطبيقها مرة أخرى في الصين وبتسوانا. ويدرس باحثون في استراليا، إنشاء أطول مدخنة عالميًا، بطول ألف متر، ومن المتوقع أن تنتج هذه المدحنة طاقة كهربائية تكفي استهلاك مدينة كاملة. الدكتور طارق عبدالملاك، الأستاذ بكلية هندسة الطاقة بأسوان، الباحث الرئيسي للمشروع، يقول إن فكرة مشروع المدخنة الشمسية تتلخص في تسخين الهواء تحت السطح الزجاجي في المجمع الشمسىي عن طريق أشعة الشمس. ويؤدي تسخين الهواء أسفل السطح الزجامجي إلى سريان للهواء داخل مدخنة مثبتة في وسط المجمع الشمسي، والمثبت أسفلها توربينة فيحدث دوران لهذه التوربينة، التي بدورها تكون متصلة بمولد كهربائي. .صناعة مصرية يوضح عبدالملاك أن تنفيذ مشروع المدخنة الشمسية، جرى في كلية هندسة الطاقة بجامعة أسوان، لذا فهو صناعة مصرية 100%، ماعدا المولد الكهربائي فقط.
ويضيف أن وزن المدخنة الشمسية التي أنشئت كنموذج عملي لهذه الفكرة بكلية هندسة الطاقة يبلغ 7 أطنان، مقامة على قطعة أرض مساحتها 28 متر مربع، وهي عبارة عن مجمع شمسي مصنوع من الزجاج.
ترتفع المدخنة الشمسية عن الأرض لمسافة 1.5 متر تقريبا، والزجاج محمول فوق دعائم حديدية، بالإضافة إلى مدخنة عبارة عن ماسورة ضخمة من الحديد، طولها يبلغ نحو 20 مترًا وتبلغ التكلفة الإجمالية للمدخنة 250 ألف جنيه، بتمويل من صندوق العلوم والتنمية التكنولوجية. ويشير عبدالملاك إلى أن تكلفة المدخنة الشمسية أرخص من الخلايا الشمسية بنسبة 10 مرات على الأقل، لأن المدخنة الشمسية لا تحتاج لإنشائها سوى الحديد والزجاج، كما أنها لا تحتاج لصيانة كبيرة أثناء التشغيل. 100 عام من الطاقة النظيفة ويمتد عمرها الافتراضي إلى ما بين 50 إلى 100 سنة، بخلاف الخلايا الشمسية التي تعد أغلى سعرًا، وعمرها الافتراضي لا يزيد عن 25 سنة فق ويشير إلى أن المدخنة الشمسية لها مميزات عديدة أخرى، منها أنها تحافظ على البيئة، ولا تحتاج إلا إلى الشمس والصحراء، لذلك فهي تصلح للأجواء المصرية، كما أن مساحة الزجاج الموجود في المدخنة الشمسية يمتص حرارة الشمس، ويحد من درجة حرارة الجو، ما يقلل من الاحتباس الحراري، الذي يؤدي إلى ذوبان الجليد. الدكتورمحمد فتحي، عضو بالفريق البحثي بكلية هندسة الطاقة، يقول إن المدخنة الشمسية تعد نموذجًا بحثيًا، وتعطي نتائج جيدة للغاية، إذ تستطيع هذه المدخنة توليد 300 وات يوميا من الكهرباء. ويمكن زيادة عدد التوربينات في المدخنة لمضاعف هذه القدرة الكهربائية، كما أن الجانب الألماني، منح المشروع أجهزة قياس بتكلفة مليوني جنيه. لا تتوقف عن العمل ليلًا ويشير إلى أن المدخنة يمكن أن تعمل ليلا بسبب طاقة الرياح، التي تؤدي إلى تشغيل التوربينات أيضا، كما ثبت أن الحرارة المرتفعة تزيد من القدرة الكهربائية للمدخنة، بخلاف الخلايا الشمسية، التي تحتاج إلى أشعة الشمس دون حرارة مرتفعة . يطالب فتحي بالتوسع في إنشاء المدخنات الشمسية في مصر على مساحات واسعة، من أجل الحصول علي طاقة نظيفة ومتجددة. يضيف: في حال إنشاء مدخنة طولها 200 متر، فإن تكلفتها لن يتجاوز 25 مليون جنيه، وستعطي طاقة كهربائية قدرها 90 كيلواوت ومن الممكن أن يصل عمرها الافتراضي إلى 100 عام كاملة.
11-08-2018, 01:05 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
. نموذج لنفس المبداء لكن بتصميم مختلف . نماذج تجريبىه توضيحيه مصغره . يتميز بامكانيه بناء وحده حسب الحاجه والامكانيات الماديه . مبدا العمل (تيارات الحمل للهواء الساخن) هى نفس فكره تبريد المنازل قبل ظهور الكهرباء - السقوف المرتفعه وطاقاات باعلى قرب السقف لخروج الهواء الساخن- وعبر عنها شيخ المعماريين الراحل حسن فتحى فى تصميماته من المواد الحليه الاوليه.
11-08-2018, 01:06 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
المداخن الشمسية في أسوان.. طاقة نظيفة تمتد لـ100 عام يعقد عدد من الباحثين المصريين آمالا عريضة على التوسع في الاعتماد على الطاقة النظيفة، عقب نجاح فكرة إنشاء المدخنات الشمسية في أسوان، والتي بدأ التجهيز فيها منذ 2012. تنفيذ هذا المشروع جرى في ظل تعاون بحثي بين كلية هندسة الطاقة بأسوان وجامعتي فوبرتال والروهر بألمانيا، بتمويل من صندوق العلوم والتنمية التكنولوجية، وتم قبول نتائج ومخرجات هذا المشروع بشكل نهائي الأسبوع الماضي. المداخن الشمسية تتميز بأن أعمارها الافتراضية أكبر، ويتراوح ما بين 50 إلى 100 عام كاملة. نجح فريق من الباحثين بكلية هندسة الطاقة بجامعة أسوان، في توليد الكهرباء من المداخن الشمسية، بالتعاون مع باحثين من ألمانيا. أنشئت أول مدخنة شمسية بإسبانياعام 1980، لكنها انهارت بعد 7 سنوات فقط، بسبب بعض العيوب الهندسية، وعقب تطوير الفكرة، نجح تطبيقها مرة أخرى في الصين وبتسوانا. ويدرس باحثون في استراليا، إنشاء أطول مدخنة عالميًا، بطول ألف متر، ومن المتوقع أن تنتج هذه المدحنة طاقة كهربائية تكفي استهلاك مدينة كاملة. الدكتور طارق عبدالملاك، الأستاذ بكلية هندسة الطاقة بأسوان، الباحث الرئيسي للمشروع، يقول إن فكرة مشروع المدخنة الشمسية تتلخص في تسخين الهواء تحت السطح الزجاجي في المجمع الشمسىي عن طريق أشعة الشمس. ويؤدي تسخين الهواء أسفل السطح الزجامجي إلى سريان للهواء داخل مدخنة مثبتة في وسط المجمع الشمسي، والمثبت أسفلها توربينة فيحدث دوران لهذه التوربينة، التي بدورها تكون متصلة بمولد كهربائي. .صناعة مصرية يوضح عبدالملاك أن تنفيذ مشروع المدخنة الشمسية، جرى في كلية هندسة الطاقة بجامعة أسوان، لذا فهو صناعة مصرية 100%، ماعدا المولد الكهربائي فقط.
ويضيف أن وزن المدخنة الشمسية التي أنشئت كنموذج عملي لهذه الفكرة بكلية هندسة الطاقة يبلغ 7 أطنان، مقامة على قطعة أرض مساحتها 28 متر مربع، وهي عبارة عن مجمع شمسي مصنوع من الزجاج.
ترتفع المدخنة الشمسية عن الأرض لمسافة 1.5 متر تقريبا، والزجاج محمول فوق دعائم حديدية، بالإضافة إلى مدخنة عبارة عن ماسورة ضخمة من الحديد، طولها يبلغ نحو 20 مترًا وتبلغ التكلفة الإجمالية للمدخنة 250 ألف جنيه، بتمويل من صندوق العلوم والتنمية التكنولوجية. ويشير عبدالملاك إلى أن تكلفة المدخنة الشمسية أرخص من الخلايا الشمسية بنسبة 10 مرات على الأقل، لأن المدخنة الشمسية لا تحتاج لإنشائها سوى الحديد والزجاج، كما أنها لا تحتاج لصيانة كبيرة أثناء التشغيل. 100 عام من الطاقة النظيفة ويمتد عمرها الافتراضي إلى ما بين 50 إلى 100 سنة، بخلاف الخلايا الشمسية التي تعد أغلى سعرًا، وعمرها الافتراضي لا يزيد عن 25 سنة فق ويشير إلى أن المدخنة الشمسية لها مميزات عديدة أخرى، منها أنها تحافظ على البيئة، ولا تحتاج إلا إلى الشمس والصحراء، لذلك فهي تصلح للأجواء المصرية، كما أن مساحة الزجاج الموجود في المدخنة الشمسية يمتص حرارة الشمس، ويحد من درجة حرارة الجو، ما يقلل من الاحتباس الحراري، الذي يؤدي إلى ذوبان الجليد. الدكتورمحمد فتحي، عضو بالفريق البحثي بكلية هندسة الطاقة، يقول إن المدخنة الشمسية تعد نموذجًا بحثيًا، وتعطي نتائج جيدة للغاية، إذ تستطيع هذه المدخنة توليد 300 وات يوميا من الكهرباء. ويمكن زيادة عدد التوربينات في المدخنة لمضاعف هذه القدرة الكهربائية، كما أن الجانب الألماني، منح المشروع أجهزة قياس بتكلفة مليوني جنيه. لا تتوقف عن العمل ليلًا ويشير إلى أن المدخنة يمكن أن تعمل ليلا بسبب طاقة الرياح، التي تؤدي إلى تشغيل التوربينات أيضا، كما ثبت أن الحرارة المرتفعة تزيد من القدرة الكهربائية للمدخنة، بخلاف الخلايا الشمسية، التي تحتاج إلى أشعة الشمس دون حرارة مرتفعة . يطالب فتحي بالتوسع في إنشاء المدخنات الشمسية في مصر على مساحات واسعة، من أجل الحصول علي طاقة نظيفة ومتجددة. يضيف: في حال إنشاء مدخنة طولها 200 متر، فإن تكلفتها لن يتجاوز 25 مليون جنيه، وستعطي طاقة كهربائية قدرها 90 كيلواوت ومن الممكن أن يصل عمرها الافتراضي إلى 100 عام كاملة.
11-08-2018, 01:23 AM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
شكرا يا عاصم علي، أتابع وأتعلم. شكرا على الجهد. بحسب ما يتيحه لك التسلسل والوقت، أرجو أن تعلق على علاقة هذه الخريطة (من بوست المياه)، وهي للحوض الجوفي النوبي، بالمشاريع الممكنة للطاقة الشمسية أو طاقة الرياح، على حدود تلك المنطقة. تقديري.
11-08-2018, 02:20 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20357
محمد حيدر المشرف الموقع الجغرافي حسب خطوط العرض مرتبط بمناخ المنطقة ف (متوسط ساعات سطوع الشمس) وامثله ليها في وأدي حلفا حوالي 3900 ساعة في السنة اما في الخرطوم 3550 ساعة في السنة ونيالا 3250 ساعة في السنة لماذا قطعت بدايه الجمله الموقع الجغرافي حسب خطوط العرض مرتبط بمناخ المنطقة الموضع ان المدن المختاره ماخوده من الريكوردس لتعبر عن حزام المنطقه (خطوط العرض) .واظن انك مدرك ان ذكر المدن ليس الامؤشرات لتغير ساعات السطوع بتغير خطوط العرض ولكن يظهر انك تريد دعم حاتم ليس الا. اثاره النعرات فى عير موضع نقاشها غير سليم وهو ماينحدر بالسودان ومزيد من التفتيت ....... نعم جهويه المناداه بتنميه الصحراء شكرا
11-08-2018, 02:52 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20357
تحياتي يا عاصم علي ربما يخفى عليك (أو لا يخفى) أن هناك جهات معادية للوطن تتابع ما ينشر في هذا الموقع وتستغل المعلومات المبثوثة لتوظيفها في أغراض شتى، أهمها بالنسبة لنا تلك الموجهة ضد الوطن والمواطن السوداني
هذا البوست المصنوع بعناية (لاحظ استهلاله "بالصدفة") خير نموذج لزعمي
فااا شنو، النوايا الحسنة لا تعفي صاحبها من المسؤولية
11-08-2018, 03:26 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
عاصم واصل ما كنت داير اشارك فى البوست ده لقناعة تامة انك اهل له المشرف فى خدمة خطك كرجل مهموم بالوطن يقينى انه لن يطلب منك اعتذرا يكفيه و يكفينا كلمة سواء فى حق الوطن المترع بالخيرات واصل و على الخير و البركة
11-08-2018, 03:38 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: عاصم علي إزيك! وأنا براجع في المحتوى مريت بالصدفة على الشكوى المرة بتاعتك الفوق دي
مع إنو حاتم تداخل مباشرة بعد مداخلتك المكوتة هذه في نفس البوست المعنون بـ(تحياتي) كما أنه تداخل عدة مرات في ذلك البوست الساخن الذي عَدّ فيه على الناس أنفاسهم فما بالك بمداخلتك الحرى تلك؟ القصد من افتراع البوست الحالي هو العودة لبوست (أين وصل السودان في الطاقة الشمسية) لمزيد من حلب المعلومات باستخدام تكتيك "استفزاز الخصم\المصدر" حسب زعمي أيضا و.. حلوة الصدفة البيك جمعتنا
11-08-2018, 03:57 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
أخي العزيز الخواض، يفترض أنك شاعر، فلما تكثر من الاقتباس وكأن بك عي؟ وعندما تقتبس، لما لا تحسن الاقتباس؟ يقول عجز البيت المقتبس: فلما كل متني كلمتني، وأنت أردت الاشتغال على كلمتني، ولكنك عجزت عن تحويرها والاحتفاظ بالوزن-الموسيقى معا. انتبه أخي العزيز من التراكم الذي يغير الصورة الذهنية. خاصة وأنك لا زلت تروج لأسوأ بيت شعر قيل في الهجاء "وهربت يتبعك الضراط المنتن" فالشاعر أراد أن يهجو غيره فهجا نفسه (تأمل قوله تعالى: فاتبعهم فرعون وجنوده بغيا وعدوا. والضراط هنا = فرعون وجنوده = الشاعر بقية من يطارد حاتم. وتذكر أن الضراط لا يتبع الضارط إن كان هاربا بل يسير في عكس اتجاه هروبه بحكم قوة الدفع وقوانين الفيزياء). شاعران في التاريخ هجا كل منهما نفسه: أبو دلامة وقد أدخله الخليفة المهدي في ورطة عندما أجبره على أن يهجو أحد الحاضرين، فلم يجد إلا ذاته؛ والخواض عندما أراد أن يهجو حاتما فهجا نفسه!
11-08-2018, 05:43 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
Quote: وتذكر أن الضراط لا يتبع الضارط إن كان هاربا بل يسير في عكس اتجاه هروبه بحكم قوة الدفع وقوانين الفيزياء
الواقعية السحرية تغير القوانين الفيزيائية ؟؟؟؟
بعدين قصة "الضراط" هذه آتية من حديث نبوي شريف في صحيح مسلم :
Quote: - إذا نوديَ بالأذانِ أدبرَ الشَّيطانُ . لهُ ضراطٌ حتَّى لا يسمعَ الأذانَ . فإذا قضيَ الأذانُ أقبلَ . فإذا ثوِّبَ بها أدبرَ . فإذا قضيَ التَّثويبُ أقبلَ يخطرُ بينَ المرءِ ونفسِهِ . يقولُ : اذكر كذا، اذكر كذا . لما لم يكن يذكرُ . حتَّى يظلَّ الرَّجلُ إن يدري كم صلَّى فإذا لم يدرِ أحدُكم كم صلَّى فليسجد سجدتينِ . وهوَ جالسٌ . وفي روايةٍ : أنَّ رسولَ اللهِ صلَّى اللهُ عليهِ وسلَّمَ قالَ : إنَّ الشَّيطانَ إذا ثوِّبَ بالصَّلاةِ ولَّى ولهُ ضراطٌ . فذكرَ نحوهُ . وزادَ : فهنَّاهُ ومنَّاهُ . وذكَّرَهُ من حاجاتِهِ ما لم يكن يذكر
بعدين العبدلله مؤسس "الهجاء الاسفيري"، ولي الحق التصرف كما أشاء كطليعي في هذا الفن الجديد....
11-08-2018, 05:59 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
Quote: ح احاول ارد على تساؤلاتك وبعد داك انا حاضر لأى أسئلة للتوضيح والتفصيل او نسيت نقطه ما .
هي في الحقيقة تساؤلاتي أنا هاشم ارتكن للأحواض، فلا قبل له بالمواضيع الشمسية دي إلا من باب المناصرة.
طيب كويس، فلو المسألة سطوع وإشعاع حسب الخريطة التحت دي، فالخط بتاعك يمكن رسمه (بالنظر برضو) ابتداء من الدمازين
فمافي فرق يذكر بين مجموع الطاقة البتتلقاها من الشمس ونفس المجموع في أسوان (2.1 - 2.5) بافتراض جدوى الخلايا الشمسية في الأخيرة مع ارتفاعها. بل بحسب الخريطة بتاعتك الفوق دي فالطاقة البتتلقاها نيالا هي ذاتها البتحظى بيها بورتسودان وحلايب والجنينة! فأين تذهبون؟
+++
ولو المسألة إمكانيات توليد من الخلايا الضوئية ودا الأهم في كل الموضوع دا طبعاً فنفس الخط بتاعك يمكن رسمه ابتداء من الدمازين (وبالنظر) حسب الخريطة الأنت جبتها التحت دي، فمافي فرق يذكر بين مجموع الكيلوات الممكن توليدها في كوستي مثلاً عن أسوان (1.75 - 1.97) بافتراض إمكانية نصب الخلايا الشمسية في الأخيرة مع ارتفاع.
وفي الواقع فإن الخارطتين متطابقتين تقريباً، لكن مافي مشكلة، كلو في صالح الوطنية، وشايف ربك وزع الطاقة كيف، جابا سيافي يا عاصم! عشان التفكير الشظفي المتمنع على الآخر دا ما يكون في ليهو أي حجة.
يبقى يا عاصم الخط بتاعك مجرد (نزوة جهوية) غير مبررة، ففي خرطتك الخاصة بإمكانيات التوليد أعلاه تكون عطبرة وكسلا والخرطوم ونيالا والفاشر كلها لها ذات إمكانية التوليد يا عاصم، كلها في نفس الحزام البرتقالي بالقيمة 1.826 كيلوات ساعة في السنة! أنت خرطتك دي شفتها قبل ما تعرضها لي هنا؟
+++
Quote: بالنسبة للخلايا الكهروضوئية القدرة او الناتج المتوقع من الطاقة على أساس (irradiation) واحده من عواملها كفاءه الخلية الكهروضوئية اضافه الى الموقع الجغرافي والظروف المناخية ومساحه المستغلة لنشر الخلايا الكهروضوئية. الموقع الجغرافي حسب خطوط العرض مرتبط بمناخ المنطقة ف (متوسط ساعات سطوع الشمس) وامثله ليها في وأدي حلفا حوالي 3900 ساعة في السنة اما في الخرطوم 3550 ساعة في السنة ونيالا 3250 ساعة في السنة
ما عندي فكرة من وين جبت الأرقام دي، فياريت ترفق المصدر عشان نتابع معاك على بينة وعلى سنة الله ورسوله، أصلو بعد خرايطك دي ما حيفضل ليك إلا تستشهد بآية على خطك الفارق الفاروق داك.
Quote: الظروف المناخية تؤثر على ناتج الطاقة من الخلايا الكهروضوئية فالغبار والضباب والسحب تعمل على امتصاص او تشتيت جزء من الأشعة الشمسية (الطاقة الشمسية) قبل وصولها سطح الأرض بالتالي ناتج الطاقة الشمسية في بيئة الصحراء يزيد على ناتج الطاقة في بيئات كالخرطوم او نيالا (كأمثله حسب خطوط العرض التي تقع بها).
كلام غير صحيح. الغبار والأتربة والعواصف الرملية مكانها الصحراء يا عاصم، وهي الكتاحة بتجي للخرطوم من وين؟ كلمنجارو ولا كبويتا؟ زد على ذلك أنت بتتكلم عن السودان كأنه أوروبا من ناحية الضباب والسحب، فالمعروف أن فصل الخريف بالكاد يتجاوز شهرين بحسبان أن الضباب يتجمع يومياً والمطر يهطل كل يوم، ودا ما حاصل أبداً. كلامك دا في القضارف ما بيحصل.
وفعلاً السحب بتمتص طاقة الشمس، بس البيئة النظيفة هي الأمثل للخلايا الضوئية، المطر مطلوب لتنظيف أسطح الخلايا من الغبار وهو أكبر مشكلة بالمناسبة، لكن لا الضباب ولا المطر ممكن تعتبرهم عامل حاسم في الجدوى في دولة مدارية زي السودان، بل المطر مطلوب لتنظيف أسطح الخلايا مجاناً، فمن أين تأتي بالمطر لتنظيف أسطح الخلايا من رمال العواصف الصحراوية يا عاصم؟
بل أصلاً أنت كيف (تفترض جدوى) التوليد بالخلايا الضوئية في صحراء شمال السودان بالنظر للتقنية ذاتها يا عاصم الخطاط؟
Quote: عامل المساحة: في المدن والمناطق المكتظة بالنشاط البشرى كالزراعة والرعي والمدن تضيق المساحات التي يمكن الاستفادة منها في الحصول على طاقه شمسيه سواء من الخلايا الكهروضوئية او من المزارع الشمسية التي تستخدم المرايا العاكسة ويصبح الاستخدام محدود الجدوى ومرتبط بالأفراد غالبا (سكن او مشروع محدود) اما في الصحراء فيمكن تخطيط المنطقة وانشاء مزارع شمسيه سواء لمصفوفات الخلايا او المرايا العاكسة دون تأثير منها على مساحات الإنتاج او السكن وإنتاج طاقه ذات جدوى اقتصاديه على (large scale ) اقتصاديا.
هههههه ويعني حنقيف في نص مدينة كوستي (كرهاً) ونتعلل ونقول أها شايفين مافي مساحة؟ واللارج إسكيل دا داير كم كيلومتر مربع أصله، الما بتتلقي في دارفور ولا نيالا مثلاً دا.
Quote: اما في الصحراء فيمكن تخطيط المنطقة وانشاء مزارع شمسيه سواء لمصفوفات الخلايا او المرايا العاكسة دون تأثير منها على مساحات الإنتاج او السكن وإنتاج طاقه ذات جدوى اقتصاديه على (large scale ) اقتصاديا.
دا كلام غير علمي ومرسل ساكت، فلما تتكلم عن (جدوى) مشاريع طاقة عليك تفكر مش بس في توليدها بل نقلها وباين عليك ما مدرك للتعقيدات في الجانب دا والممكن جداً بسببها تؤول المحصلة لصفر في حال عملنا بتوصيتك الصحراوية الجهوية الأنانية دي.
+++
Quote: دي مداخلتي الى في بوست صبري طه اللى بدا حاتم منها يمارس هوايتو انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه لتجاوز وتقليل مشاكل انتاج الطاقه الكهرمائيه .
هي ما هواية بقدر ماهي (تصحيح) وكشف للهلع والطمع غير الرشيد البسببه انفصل تلت البلد، شفت كيف! وأهو بنناقشك بطرق علمية وبنفتل ليك من دقنك وبنفس معاييرك ومرتكزاتك وخريطاتك المتوهجات.
دلوقتي، الخط التحت دا (خط عاصم) أنا عارف أنك عملته (بالنظر) بعد نظرتك لعطبرة تحديداً باعتبارها (POI) وبدون أي معيار أو حساب أو (فاكتس) تانية. وكمان بعرف أنك جريتو (بالنظر) عشان يقسم مشاريع الري المحوري في عطبرة شماله وجنوبه، دي الحقيقة. فالخرائط اضطريناك ليها اضطرار بعد ما عومتنا في المياه والدهب والأحواض الجوفية والطبالي. وأهي باعتبارها (فاكتس) بتناقض رغباتك في حصر المشاريع شمال خطك بكل وضوخ وشفافية.
لكن برضو أنا أعشم تواصل كفاح وتبين أكاديمياً على أي أساس علمي بتعمم (خطك الفاروق) دا على جدوى إنشاء مشاريع الطاقة الشمسية (في السودان) بناء على شنو؟ هل بناء على معطيات الخرائط الفوق دي الجبتها دي؟
لأنو لكل معطيات في الخريطتين الكبار الفوق الأنت جبتهم تفسير مختلف، فلو بالسطوع كلمنا ولو بالتوليد ورينا.
ولو بتعمم (بالنظر) فياها الجهوية الكريهة الفصلت البلد. جنوب السودان لغاية ما انفصل ما كان فيهو بنية تحتية بقدر أهميتو كجزء عزيز من الوطن ولا حتى شوارع مسفلته بأكتر من 50 كليومتر.
___ شارع واحد من المطار لبيت الحاكم وجاي تكلمني عن (النعرة).
11-08-2018, 06:40 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
ديل المتعلمين. والتاريخ يعيد نفسه بلبوس علمي وصاينص وفاكتس ممكن يتخم بيها أي غافل أو مغفل. من 800 وظيفة عامة كان نصيب أهل الجنوب بعد الاستقلال أقل من أربعة وظائف وقس على ذلك نصيبهم في التنمية.
لاقاني بوست ولا موضوع ما عارف بيتكلم عن السلوك الأناني والنزعة الجهوية عند بعض السودانيين. كنت حأصفق ليك وأقيف احتراما لو خطك دا بدأ من نيالا واستمر على استقامة لغاية كسلا.
فما عارف يا عاصم هل تعتقد إنو بطريقة تفكيرك دي ممكن البلد تتطور؟ وشنو المحصلة غير الحروب الأهلية إذا كلنا فكرنا زيك كدة.
11-08-2018, 04:24 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: حاتم زمنك انتهى فرصه ترد على اسئلتى فى الملحق بجديه حتى اتحاور معك . انتهى
ههههه ما فاهم شنو يعني (زمنك)، هل تقصد الزمن الخصصتو للرد علي؟ فلو زمني أنا فأنا حر فيهو، ولو (زمنك) أنت فتذكر أنك ضيف في البوست بتاعي.
خامي ليك خرائط لروحك ما فاهمها، هي ذاتا دي نفس الخرائط الطقيناك بيها أول مرة، تقوم تردها علي عشان تثبت زعمك الجهوي اصحراوي المايل؟ ___ دروشت ولا شنو يا (زول الصاينص والفاكتس)؟
عموماً شنو هي أسئلتك بالمناسبة؟ وخلي ردك في النهاية بدل ما تغز المداخلة في لب الكلام.
11-08-2018, 04:25 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
خيبت ظن الكوكبة المتكالبة، ولسة ما ولجنا معاك في حديث علمي متخصص عن الخلايا ذاتا.
والله يا عاصم علي لو ما كنت لجأت للمرواغة الكريهة وقعدت تخش الموية وتمرق منها للحوض النوبي كنت أدعسك هنا في نفس المجال البتتشدق بيهو وتتعجرف دا في يوم واحد.
لكن الجهل بقى ليك نعمة وحماية، عميت بالحقد، خرايطك بتتساوى فيها المدن الحاولت تقصيها من التنمية، شفت كيف كلامي جاك عن (المكر والخديعة).
Quote: والله يا عاصم علي لو ما كنت لجأت للمرواغة الكريهة وقعدت تخش الموية وتمرق منها للحوض النوبي كنت أدعسك هنا في نفس المجال البتتشدق بيهو وتتعجرف دا في يوم واحد.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم إبراهيم
Asim Ali
عبدالعظيم عثمان
osama elkhawad
هاشم الحسن
أبوبكر عباس
MAHJOOP ALI
Kabar
محمد حيدر المشرف
معاوية الزبير
جلالدونا
محمد الأمين موسى
معاوية المدير
فيس بوك
تويتر
انستقرام
يوتيوب
بنتيريست