|
Re: شبّال مزخرف بالنجوم (Re: أبوذر بابكر)
|
أيها الممطر شعراً،
والمغرد خارج سرب الاسفيريين هنا...
فعلها من قبلك "بلة الفاضل"،
لكنه رغم صبره بالسنوات على "الصمت: اقصى درجات الجرم"،،،
لم يستطع الصمود، فانزوى....
هنا لا مكان للشعر.
السرد؟؟؟ يعنى .....
أحيي صمودك الشعري الأنيق....
| |
|
|
|
|
|
|
Re: شبّال مزخرف بالنجوم (Re: osama elkhawad)
|
وكيف الشمس نست الغروب لبست ألق جيتك طِرح بدل الشفق
=========== يا سلام اباذر هذه الابيات تذكرني بشعر الرائع ( ابوقطاطي ) وأنت تضوع المستحيل وتقنع القاريء بأنه حدث كما كان الشاعر أبوقطاطي ( نجم الليل منوع عداه غيري .. مديت للرهاب إيدي .. بنيت في الموج قصور آمال .. شيدت سرجي فوق الريح..)
يا سلام يا أبوذر لقد جعلت الشمس تنسى الغروب ولبست الق جيتك جعلت هذا ألق أجمل من الشفق والشفق من أجمل جماليات الكون ..
مع التحية الحبيب أبوذر حليل زمن الفنانيين ..
| |
|
|
|
|
|
|
Re: شبّال مزخرف بالنجوم (Re: osama elkhawad)
|
ازيك يا اسامه
كيف بالله
هنا لا مكان للشعر
كلامك سليم تماما
ولو تحرينا دقة التوصيف، بكون تمام جدا نقول
هنا اصبح لا مكان للشعر
اصبح ومعاها امسى كمان هههههه
عشان زمان كان فى قبول للشعر، تقريبا لغاية منتصف الالفين وكده كان فى قبول و قرايه و تذوق سواء بالمدح او القدح
وتانى غابو ناس الشعر و فاتو
بقينا مقتنعين من الغنيمة باياب القراءة براها
مجرد قراية الشعر غنيمة كويسه، وان كان التفاعل مهم و محفز جدا
شكرا يا حبيبنا
| |
|
|
|
|
|
|
Re: شبّال مزخرف بالنجوم (Re: osama elkhawad)
|
تصدق يا اسامه
اول مره انتبه لدور الشعور و للحظة ولادة الشعر عندى
ما حصل ابدا سالت نفسى ذات السؤال
ليه النص ده بالفصحى وليه ده بالعامية ؟
سؤالك يا اسامة فتح عالم غريب و عجيب فعلا
سؤال ذكى و مفيد
الإجابة الحاضرة فعلا الان فى البال هى
انى بلقى النص اتخلق واتولد فى عمق الشعور بدون اى تخطيط او ترتيب مسبق
ويطلع زى ما هو، عامى او فصيح
تصدق ده الحاصل بالضبط
لكين ما بخلى الموضوع زى ما هو لازم ابحت و ادرس واشوف الحاصل شنو
انت زول بتاع مشاكل يا اسامه
ههههههه
شكرا ياخ
| |
|
|
|
|
|
|
Re: شبّال مزخرف بالنجوم (Re: أبوذر بابكر)
|
شكرا "المطر":
طيب :
ما هو الغالب في تجربتك الشعرية "الكتابة الفصحى" أم العامية ؟؟؟
وهل حصل أن فاجأتك الدفقة الشعرية بقالب لغوي معين ثم غيرت القالب؟؟؟
بمعنى آخر:
جاءتك الدفقة الشعرية بالفصحى، ثم عدلت عن ذلك وكتبت بالعامية؟؟؟
| |
|
|
|
|
|
|
Re: شبّال مزخرف بالنجوم (Re: osama elkhawad)
|
عوافى يا مشاء ومساك و نهارك سعيدين
أسئلة سهلة جدا والله، اسهل كتير من السؤال داك ههههه
الاجابة على غلبة الفصحى على العامية والعكس
الفصحى هى الاكتر، كما و نوعا حتى البدايات كمان كانت بالفصحى
وبخصوص تغير او تبدل الماعون اللغوى، بعد اختمار النص، من فصيح ل عامى او العكس
ما اتذكر حصل
والله يا اسامة لفت نظرى لأشياء ابدا ما اظن فكرت او انتبهت ليها اطلاقا على الرغم من انها يفترض تكون عادية و سهلة و محسوسة
قبل حوالى سنتين وانا خارج السودان، جمعت كل النصوص ال بالفصحى فى مسودة مطبوعة، و نفس الشى بالنسبة للعامية، و الان انتبهت الى انى ما حصل حسبتها او عرفت عددها كم
ياخ كتر خيرك والله
اتارى انا حايم ساى ههههه
غالبا يا اسامة يكون السبب انى ما حصل مثلا فكرت فى عمل و اصدار ديوان بالمعنى
وكل الموضوع بقتصر على مجرد الحوامه فى الاسافير والميديا
وزمان كان اخونا الصديق احمد عبد المكرم، عليه الرحمة والغغران، بنتزع النصوص منى عنوة وينشرها فى الملحق الثقافى لجريدة الخرطوم
وبرحيله المفجع انتهت علاقتى بالنشر الورقى
مشكور يا اسامة على الاسئلة الدافعة و المنبهة فعلا
| |
|
|
|
|
|
|
Re: شبّال مزخرف بالنجوم (Re: osama elkhawad)
|
الاكتشاف الاول، بحكم العمر والسن المبكر، ما اظن وصل مرحلة تحديد أبعاد الهوية بقدر ما كان نوع من الانجذاب وقراءة ومحبة الشعر
تقريبا مع نهاية مرحلة "الثانوى العام" فى ممتصف السبعينات
المدخل كان عبر الفصحى
اول الافتتان كان ب بدر شاكر السياب
وبعده توالى الشغف، مصطفى سند، محمد المكى، عبد الحى
و بالتاكيد شعر العرب الأوائل، امرؤ القيس و المتنبئ تحديدا
وحتى اشعار الحقيبة كنت بلقى فيها سحر خاص جدا، خصوصا قصائد صالح عبد السيد أبو صلاح بعتقد انه أبو صلاح شاعر متفرد عبقرى ولسه الناس ما وصلو ابعاده الحقيقية
العشق الاعظم كان وما زال ل درويش
درويش عبقرية شعرية لا تطال
بالنسبة لهجران الشعر او هروبه منى و بالعكس
ما حصل ابدا والله يا اسامة
الشعر مقيم ما اقام عسيب
او كما قال ذو القروح
لا فكاك منه
مجددا ليك الشكر والامتنان لفتح النوافذ المضيئة دى
| |
|
|
|
|
|
|
Re: شبّال مزخرف بالنجوم (Re: علي عبدالوهاب عثمان)
|
عشان زمان كان فى قبول للشعر، تقريبا لغاية منتصف الالفين وكده كان فى قبول و قرايه و تذوق سواء بالمدح او القدح
وتانى غابو ناس الشعر و فاتو
بقينا مقتنعين من الغنيمة باياب القراءة براها
مجرد قراية الشعر غنيمة كويسه، وان كان التفاعل مهم و محفز جدا
==============
أبا ذر الحبيب الشعر ينظم للنشر ولا يمكن حبس الشعر عن مسامع الناس اصلاً هو ينظم ليتلقاه الاخرين .. وما الغناء إلا شعر ملحن .. هل يكون الغناء سراً
كما قال ابوطيب أنا مليء جفوني عن شواردها ويسهر الخلق جراها ويختصم
انشر شعرك في أي فرصة ومناسبة أيا كان الزمان أو المكان
تحياتي الحبيب أبوذ وهذا الخواض الحبيب متى كان حضوره كان الابداع والادب الراقي
| |
|
|
|
|
|
|
Re: شبّال مزخرف بالنجوم (Re: علي عبدالوهاب عثمان)
|
كلامك صحيح و سليم يا على
الاهم فى الكتابة، اى كتابة، هو القراءة
اما عن التعليق، فهو فى الأساس يفترض يجى ك نقد، والنقد اكيد شى غير التعليق العابر، سواء إعجاب او عكسه
و حنظل نكتب و ننشر الى ان يرث الخالق الشعر و الشعراء
مشكور يا على
| |
|
|
|
|
|
|
Re: شبّال مزخرف بالنجوم (Re: علي عبدالوهاب عثمان)
|
قريبنا و حبيبنا ع. ع. ع.
تحية و تقدير
مجرد حضور اسامة هنا بكون مدعاة للفخر والله والسعادة
انا عددت لاسامة مجموعة من الشعراء ال قرينا و احببنا شعرهم وتاثرنا بيهم لاحقا
والله و للامانة والحق، اسامة الخواض الشاعر، كان مع وضمن كل المبدعين ديل
بس انا ما حبيت اقول ليه انى اعجبت و تاثرت بيه
عشان ما أظهر وكأنى بمارس نوع من ال Hypocrisy
تسلم يا على ويتعلى مقدارك إن شاء الله
| |
|
|
|
|
|
|
Re: شبّال مزخرف بالنجوم (Re: أبوذر بابكر)
|
شاعرنا الانيق اب ذر ليك القومة ياخ وغايتو بي زخرفاتك دي يوم بتكتل ليك متيم من المتيمين بي الزخارف الكلام الحلو والمكرب . وبارك الله في عزيزنا الشاعر الخواض والاخوان الشباب الدخلولك علي زيادة. توشيح. النجوم. بالزخارف. . تحياتي
| |
|
|
|
|
|
|
Re: شبّال مزخرف بالنجوم (Re: أبوذر بابكر)
|
شكراً على الكلمات الطيبة للعزيزين علي وعثمان.
كيف يأتيك الشعر؟ دفقة واحدة؟ على مراحل؟
هل حدث أن "زارك" نص شعري في الحلم؟؟
وهل تكتفي بالكتابة الأولى للنص الشعري؟
وهل عندك "طقوس للكتابة" مثل أن تكتب في الليل، أو على ورق خاص وحبر خاص ؟؟؟
وهل اختلفت طريقة كتابتك بعد "اختراع" الانترنت؟؟؟
| |
|
|
|
|
|
|
Re: شبّال مزخرف بالنجوم (Re: osama elkhawad)
|
عوافى يا اسامة نجى للإجابات:
كيف يأتيك الشعر؟ دفقة واحدة؟ على مراحل؟
النص ياتى دفعة و دفقة واحدة، وكأنى تنقله من مكان الى اخر.
هل حدث أن "زارك" نص شعري في الحلم؟؟
لا، لم يحصل، لم يحدث يا مشاء.
وهل تكتفي بالكتابة الأولى للنص الشعري؟
نعم فى غالب الأحيان، ويندر ان اجرى تعديل او اضافة او حذف فى النص.
وهل عندك "طقوس للكتابة" مثل أن تكتب في الليل، أو على ورق خاص وحبر خاص ؟؟؟
ابدا، لا يوجد اى اعداد او ترتيب للكتابة، يمكن ان ادون واكتب النص الشعرى فى اى وقت واى مكان فى حال توفر ادوات الكتابة.
وهل اختلفت طريقة كتابتك بعد "اختراع" الانترنت؟؟؟
التغيير الوحيد هو كتابة النص مباشرة على الشاشة وعبر "الكيبورد" بدلا من القرطاس والقلم.
| |
|
|
|
|
|
|
Re: شبّال مزخرف بالنجوم (Re: osama elkhawad)
|
كيف الحال يا اسامة
ما مدى الأهمية التي توليها للعنوان؟
العنوان هو باب الولوج الى ثنايا النص، لذا فهو مهم، و احيان قد يكون محفزا لقراءة ما بعده.
كيف تتوصّل إلى عناوين نصوصك الشعرية؟؟
غالبا ما يختار النص عنوانه، بمعنى ان يات العنوان من فكرة النص ذاتها او قد يكون جزءا من النص، مفتتح او شطر بيت الخ.
هل هنالك طريقة واحدة؟؟ أم عدة طرق؟
وما هي تلك الطرق؟
الاجابة السابقة تتكفل أيضا بهذا السؤال.
شكرا يا مشاء
| |
|
|
|
|
|
|
|