|
Re: دولاراتي أكان أخَزِّنا في إبريق ما بَخُتَ (Re: محمد أبوالعزائم أبوالريش)
|
ابوالعزائم وشركاه دي باختصار شهادات بالدولار لشراء الذهب بالسعر الدولاري الجدي المثبت شرعا من المركزي ( 47.50) جنيه وباقي تقريبا (24) يوم لبداية التفعيل وطبعا كالعادة نوع من انواع الهبل البتمارسه الحكومة على الشعب المسكين .. نفس افكار عبدالرحيم حمدي هو رجل (بانكر) عمره كله مع صالح كامل في (البركة) .. شنو الجابو في (الحزم) الاقتصادية والاقتصاد السوداني وهو سبب رئيسي في الحال الوصلنا ليهو بافكاره المتردية والنطيحة عالميا وقبلها محليا انحن اكتر شعب بتاع نظريات وبتاع القاب عموما ينقول للسيد الوالي: ليس كل ما يلمع (ذهبن)
| |
|
|
|
|
|
|
Re: دولاراتي أكان أخَزِّنا في إبريق ما بَخُتَ (Re: محمد أبوالعزائم أبوالريش)
|
أبو العزايم التحية لك وللأخوة المتداخلين كلام طاعم ومضحك (وشر البلية ما يضحك) والله عنوانك دا كان عندي لوري أو ركشة حتي كان كتبتو فيها وبالخط العريض وكان حا ينافس صاحب العربية التعبانه الكاتب فيها "يا مالك الجود والعطا إما تزيدها وإما تزعطا" رغم إنه دا رقيصاً ما عندنا ليهو رقبة لأنه لا عندنا دولار أمريكي لا شلن كيني لا روبية باكستانية لكن كان ربنا أداني ياني رفقيك عليكم بالإبريق وإياكم والبريق حتي لو الإبريق يعلوه الصدأ وأقلاها بتقول بيدي لا بيد هناي
| |
|
|
|
|
|
|
Re: دولاراتي أكان أخَزِّنا في إبريق ما بَخُتَ (Re: almulaomar)
|
Quote: لمن يختوا فيها دولارات ماليزيا بنخت ان شاء الله |
الأخ خالد عباس فعلاً ربما يكون بريق هي فرصه مطمنه لأصحاب الودائع الدولاريه في ماليزيا واثيوبيا ويوغندا ، وايداعها بشهادات بريق لتعمل في داخل الإقتصاد مما يمكن الحكومه في إطاله الحصار علي تجار العمله الدولاريه والسودانيه ... الحكومه دي ما زالت كِنانتها مليئه بالسهام الحارقه ... وقيل جُعبتها هههههههههههه : : : : : : مع التحيات لله الزاكيات .
| |
|
|
|
|
|
|
Re: دولاراتي أكان أخَزِّنا في إبريق ما بَخُتَ (Re: محمد أبوالعزائم أبوالريش)
|
Quote: الأخ خالد عباس فعلاً ربما يكون بريق هي فرصه مطمنه لأصحاب الودائع الدولاريه في ماليزيا واثيوبيا ويوغندا ، وايداعها بشهادات بريق لتعمل في داخل الإقتصاد مما يمكن الحكومه في إطاله الحصار علي تجار العمله الدولاريه والسودانيه ... الحكومه دي ما زالت كِنانتها مليئه بالسهام الحارقه ... وقيل جُعبتها هههههههههههه |
محمد حمزة شايفك ركّزت شديد في تشكيل (جُعبتها) .... مالك ... خايف من شنو؟
يا زول لا كنانة ولا جعبة .... الحكومة دي شغالة فينا تجارب .... يسلخوا جلدنا، ما يجيب نتيجة يجيبوا المشرط، لحدي ما وصلنا العضم.
(أصحاب الودائع الدولارية) فقدوا الثقة في الحكومة .... قول ليهم ما ينتظروا شي.
| |
|
|
|
|
|
|
Re: دولاراتي أكان أخَزِّنا في إبريق ما بَخُتَ (Re: محمد أبوالعزائم أبوالريش)
|
(Quote: دولاراتي أكان أخَزِّنا في إبريق ما بَخُتَّا في بريق) ... هي حملة أطلقها ناشطين في التويتر رافضين المشروع الذي أطلقه رئيس الوزراء بإسم شهادات بريق.الهاشتاق الرئيسي يقول: #بريق_دولاري_بريدو. . |
سلاممربع لي بو الريش ياخ من زماوونك ما تقول لينا إنكبتتعامل في الصنف دا ، كنا والله نسلم في سلام برا غرد و طيبين برا مرض؛ ونرجى بوستاتك ديل با لطوالة نتاوق لهن ونرد في الهينة و القاسية. عمومن ، صخشياً لو عندي دولارات ما بختها في بريق دي علا عاد لامن أشوف بي عيني دي راس البغلة تتاوق من بطن الإبريق و يمكن كمان (حتى يدخل الجمل في سم الخياط). لأنو الواحد برضك بخاف علي دولاراتو يمشن، و تاني ما يجن.
بالموناسبة ياخي ذكرتني حاجة ، و الله علا أحكيها ليك بس توعدني لو فهمتها توريني سنونك ديل. واد من عروبنا ديل كان شغال في فندق قصر الصدقة زمن الناس حونان. في قسم خدمات الغرف (هاوس كيبنغ)، فكان لامن نزيل يعزل يمرق يعمل ( تشيك آوت) ، بيجو زولنا دا و زملاهو بيقلوه ناسي ليو حاجة مسلن زي تحفة صغيرة كتاب لترتشة ولا كدي. فيمشو يسلموها لقسم خاص بالأمانات، مخصص لحفظ الأغراض المنسية في انتظار عودة أصحابها لاستـلامها كان مسمنو ( Lost And Found). فزولنا دا مستهبل و همباتي خيرة . فا شنو بينتظر شوية كدا النزيل لوما جا راجع لحاجتو طوالي يروح مخمبقا ليك شادها و مارق بها . بالذات الخواجات ديل مرات كدي بينسو ساعات قيمة و قمصان حارة ماركات عالمية.فبقينا كلما نشوف زولنا دا قاشر بحاجة جديدة نقوللو: بس أوعة دي تكون خاتفا من نظام (لوست أند فاوند و تاني لوست)؟!!
| |
|
|
|
|
|
|
|