|
Re: ول ابا بريمه .......لابارك الله فيك (Re: عمر عثمان عبد الوهاب)
|
اقوليهو دي حباية الملوك يادكتور يقولي ملوك مين ياعم
والدكتور الاهبل التاني ماسك في الكنكشه قلت ليهو زوجتي ليها سبعه شهور مامشت السودان
عموما بعد مغذيات وملاواه 24 ساعه اطلقو سراحها
وانا اشيل واداعي/ الله لا غزه فيك بركه يابريمه والدكتور يقولي بريمه مين؟؟
| |
|
|
|
|
|
|
Re: ول ابا بريمه .......لابارك الله فيك (Re: walid taha)
|
يا وليد...
حمد الله سلامة الولية... بس كان مفروض تتابع البوست قبل ما تنصح بيه الوليه.. لانه فى واحد دخل و قال انو الحباية ممكن تتسبب فى تهتك جدار المعدة و تكتل الزول.. و قد حدث أن مات شخص جراء استعمال تلك الحباية.. زوجتك نفدت منها... بس المرة الجاية تحّرى الآمر قبل التنفيذ...
| |
|
|
|
|
|
|
Re: ول ابا بريمه .......لابارك الله فيك (Re: muntasir)
|
ول أبا عمر،
سلامات .. وحمد الله علي سلامة المدام ..
يا أخي أنا كلمتكم قلت ليكم دا علاج صعب .. وأرجع للبوست .. أنا قلت لما أخذت حبة واحدة قعدت معاي 6 ساعات .. بمعدل دخول الحمام كل نصف ساعة .. يعني دخلت الحمام حوالي 12 مرة في ست ساعات .. وقلت ليكم لما أستعملت في المرة القادمة حبة ونصف الحبة .. أخذت معي 24 ساعة .. يعنى أنا دخلت الحمام حولي 48 مرة ...
لكن يبدو لم تتبع الأرشادات .. أنت لم تأت بملح تروية Electrolytes ..
بخصوص، الجفاف في الأطراف، أنا برضو كتبت عنه .. دكتور السنوسي قال أقرأ عن مسألة Dehydration.
كل الحصل كوم .. والنتائج المرجوة كوم أخر .. وح تشوف يوم من الأيام تأتي تكتب لنا عن صحة المدام .. وإذا لم تتحسن حاول أكسر الحبة النصف .. وما تخاف من العلاج .. الحبة ما بتقتل أي حاجة .. رعب منها ساكت ..
متنظر اليوم الذي تأتي وتشكرني فيه .. بإذن الله أت ولو بعد حين.
بريمة
| |
|
|
|
|
|
|
Re: ول ابا بريمه .......لابارك الله فيك (Re: Biraima M Adam)
|
اولا حمد لله علي سلامة المدام يا عمر وما تشوف شر.
المواضيع الطبية التي يتم تناولها في هذا المنتدي علي الرغم من حساسيتها الا انها مهمة كعمليه تثقيفية (فقط) Quote: وإذا لم تتحسن حاول أكسر الحبة النصف |
تاني يا باشمهندس!!!!
يا زول الحبه دي ما بتنفع مع كل الناس
والجفاف بالمناسبة عندو نتائج كارثيه
| |
|
|
|
|
|
|
Re: ول ابا بريمه .......لابارك الله فيك (Re: Biraima M Adam)
|
عزيزنا محمد حمزة الحسين...
المتضرره زوجت اخونا النوبي علي عبد الوهاب عثمان ... وليد طه متداخل ... ....
أولا حمد الله زوجة و ليد... ما جاها شر... و يا النوبى زى ما قلنا ليك تحّر الدقة قبل الاستعمال... بس فى طريقة سهلة جدا و ما ليها آثار جانبية و الاطباء بينصحوا بيها كمان.. وهى عصير ليمونة فى كوب ماء مغلى و يترك حتى يفتر الماء.. و يشرب على الريق.. هذه الطريقة تتسبب فى اذابة الدهون من جدار المعدة.. و بالتالى تتخلص المعدة من أى رواسب.. و النتيجة تظهر من أول استعمال.. و تستمر حتى تشعر بأن المعدة قد نظفت تماما...
الطريقة الثانية هى تذويب ملعقة طعام زعتر فى ماء مغلى.. و تحركه فى الماء لمدة دقيقة أو اقل.. ثم يشرب دافئا.. و ذلك قبل وجبة العشاء..
صدقنى هذه الطرق سهلة جدا و ليس فيها ما يضر.. بل الليمون الدافئ و الزعتر كذلك... لهم فوائد جمة يمكنك ان تبحث فى قوقل وهو يقول لك...
| |
|
|
|
|
|
|
Re: ول ابا بريمه .......لابارك الله فيك (Re: MOHAMMED ELSHEIKH)
|
أظن يا ول أبا محمد الشيخ الشيئ الذي جهجه المدام .. إنها من كثرة دخول الحمام تظل تقعد لفترة طويلة مما يصيب الأنسان بالأرهاق والتعب .. ويحصل شيئ مثل الهبوط في جسم الأنسان .. لكن أخوك أنت عارفه "سوسة" قراية .. أكاد أكون قرأت كل شيئ وجدته مكتوباً عن البذرة .. وعملت "تدوين" لما يجب عمله ..
والطريقة السهلة هى دق الحبة .. أوعاك تقرمشها .. دق تمام حتى تصير دقيق .. ويكون دقيق شووووووية .. وتضيف الدقيق علي كوب من اللبن .. وتوكل الله .. قرطيع .. كرع كرع كرع .. وإن فضلت بعض الرواسب من الحبة زيد اللبن .. حتى ينظف الكوب من رواسب الحبة .. من ثم أرجي الراجيك! بعد نصف ساعة أنت ح تكون محكور في الحمام .. شيل معاك موبايلك .. والكمبيوتر ذاتو .. وممكن تجيب ليك أغاني .. لكن أنت ح تقضي 6 ساعات .. معناها حتى تقضيها رضيت أم أبيت ..
وبعد داك ح يصيبك هولاع .. لازم تجيب ما لذ وطاب .. وتأتيك شهوات بطن ما لها حد .. مديدة دخن .. نشاء حامض .. وعصيدة بملاح الويكاب .. وعييك من الشهوات .. وكذلك تذهب الحبة لأثارة شهوات أخري .. "طبعاً أنت فاهم!".
بريمة
| |
|
|
|
|
|
|
Re: ول ابا بريمه .......لابارك الله فيك (Re: Biraima M Adam)
|
Quote: لازم تجيب ما لذ وطاب .. وتأتيك شهوات بطن ما لها حد .. مديدة دخن .. نشاء حامض .. وعصيدة بملاح الويكاب .. وعييك من الشهوات .. |
بالله عليك الله دي ما لذ وطاب عندك هههههه يا جماعة البطن المتعودة على الحاجات الزي دي مااااا زي أي بطن --------- حمد الله على السلامة للمدام
| |
|
|
|
|
|
|
Re: ول ابا بريمه .......لابارك الله فيك (Re: ابراهيم عبد الوهاب)
|
Quote:
اللافت للنظر أن ول أبا بتمجيدو للحبة كاد أن يلغى قدرات وعمل قوات الجسم الدفاعية التى وهبها الخالق !!! هل بلغت أجسدنا هذا الحد من العجز حتى نوردها مورد التهلكة ؟!! |
سلام اخونا وليد
بريمه كان بروج للحبه بعدما خلي بالك اتزرزر وضاق الويل
قال يزرزر خلق الله معاهو حساده بس
وبرغم اعتراض بعض الاخوه من الأطباء وذوي الخبره في بوسته المشئوم كان يلمع للفكره ويقنع في الطير المتلنا ديل لامن الفاس وقع في الراس
| |
|
|
|
|
|
|
Re: ول ابا بريمه .......لابارك الله فيك (Re: عمر عثمان عبد الوهاب)
|
Quote:
يا وليد...
حمد الله سلامة الولية... بس كان مفروض تتابع البوست قبل ما تنصح بيه الوليه.. لانه فى واحد دخل و قال انو الحباية ممكن تتسبب فى تهتك جدار المعدة و تكتل الزول.. و قد حدث أن مات شخص جراء استعمال تلك الحباية.. زوجتك نفدت منها... بس المرة الجاية تحّرى الآمر قبل التنفيذ... |
مشكوره استاذه نور ولو انك قاصده وليد
وقد مات الكثيرون الذين نعرفهم بي درب الأعشاب
حتي النعناع هذه النبته البريئه ذات الرائحه الطيبه قاتله
انا واحد من الناس لو كان عندي قولون اكان بلعت اربعه حبايات بي كلام بريمه عنها لكن ربنا ستر ووقعت فيها المسيكينه دي
| |
|
|
|
|
|
|
Re: ول ابا بريمه .......لابارك الله فيك (Re: عمر عثمان عبد الوهاب)
|
Quote: لازم تجيب ما لذ وطاب .. وتأتيك شهوات بطن ما لها حد .. مديدة دخن .. نشاء حامض .. وعصيدة بملاح الويكاب .. وعييك من الشهوات ..
بالله عليك الله دي ما لذ وطاب عندك هههههه يا جماعة البطن المتعودة على الحاجات الزي دي مااااا زي أي بطن |
يبدو يا كمال، بتعجبك المزّات
دي لا مزّات لا يحزنون .. الشواء وما شابهه هى أسباب أمراض البطن التي جننتنا .. ما تتطاول!
بريمة
| |
|
|
|
|
|
|
Re: ول ابا بريمه .......لابارك الله فيك (Re: Biraima M Adam)
|
Quote: انا واحد من الناس لو كان عندي قولون اكان بلعت اربعه حبايات بي كلام بريمه عنها لكن ربنا ستر ووقعت فيها المسيكينه دي |
ول أبا عمر، بعد شهر بإذن الله أتصل عليّ .. وخلينا نتونس .. أنت بتجربتك مع المدام لو أقنعتني نسحب البوست .. سوف أسحبه .. أنسي تجربتي أنا .. نوقف التقدييم علي تجربتكم أنت .. رأيك شنو؟
بريمة
| |
|
|
|
|
|
|
Re: ول ابا بريمه .......لابارك الله فيك (Re: muntasir)
|
منتصر، ياخ أنت مبالغة .. معقولة متذكر الجنوبي الذي أكل وليمتنا دون عزومة .. ؟؟ يا أخي داك كان سنة 2011م .. وقت أنفصال الجنوب وأنا حاتيها قرض مع أي زول .. الصور الحالية ليس من تلك الدعوة .. ديك كانت دعوة بمناسبة شفاء صديق عملية زائدة .. وعملت ليهو تلك المناسبة .. مع الكميونتي بتاعنا ..
وبعدين، يا منتصر، أنا زول شيخ عرب .. دفعتي في الثانوي الأن عمد لقبائلنا في غرب السودان.
بريمة
| |
|
|
|
|
|
|
Re: ول ابا بريمه .......لابارك الله فيك (Re: Biraima M Adam)
|
ول أبا قدوره، سلامات ..
Quote: ول أبا بريمة الشغل كان شغل (ققيْ) ألحقني بالحبة .. تجَّازى يابريمة .... سلامة المدام ياعمر وماتشوف شر. |
هههاي أنت عارف القصة دي .. هى التى أدخلتني في شك اليقين أن الحبة غير سامة .. معقول بس جسم الأنسان يكون stupid للدرجة دي، يعني السم عايز يموته والجسم عايز يمارس حاجاته الطبيعية ..؟ .. وتفسيري الوحيد للحالة أن الجسم سليم intact .. وكل الحصل هو محاولة الجسم للتخلص من شيئ غير مريح - الحبة - ألم به فجأة .. ثم يعاود نشاطة الطبيعي .. ولا شنو؟ ..
وأنا بكتب ليكم بكل شفافية عشان تعرفوا أنا لما أقول ليكم الحبة ما بتموت .. يجب أن تصدقوني ..
أنا خايف بعد دا منتصر ح يجرب الحبة ..!!
بريمة
| |
|
|
|
|
|
|
Re: ول ابا بريمه .......لابارك الله فيك (Re: Biraima M Adam)
|
ود المسلمي شكرا علي المرور وعيال البقاره ديل مابنعرفلهم غير اكل العصيدة دخلو الخرطوم كملو علينا الفول والطعميه
اهلا محمد حمزة والله نحنه المشاكل دي مابندوره تب لكن الشقي يعترلو بريمه
حبابك فرانكلي وشكرا للتصحيح دايما واعي ومتابع
سلام وليد بالله هو اللابس العقال ده بريمه؟؟؟ والله قايلو شاعر ولا شخصيه خليجيه بريمه معجب بيها بس بيني وبينك الولد كاشخ
اخونا منتصر شكرا كتير وبريمه شكيناهو الي الله هههههها
| |
|
|
|
|
|
|
Re: ول ابا بريمه .......لابارك الله فيك (Re: عمر عثمان عبد الوهاب)
|
اخونا السنوسي
الله يسلمك وحتقول شنو علي طيبتنا وعفويتنا كسودانيين
ناس حاكو حاكو
اهلا بك عارف ناشد عبابير دي ماتقولي عبابير مريسه؟؟ برضو المريسه دي عندهم عيب وجو اتعلموها في الخرطوم الاندايه ماتلقي فيها غير الغرابه والشوايقه ماتلقالك بمبر فاضي
سلام دينق واخوك متابع بس طريقة استعماله للحبه فتحت شهية الكثيرين والذين يعانون لكن حيروح وين من الله
دكتور المشرف حبابك الف وانا عموما شرحت حالة المدام لكي لايقع فيها غافل زي حالتي كده وفي كتير بكونو استخدموها وعملو رايحين
إبراهيم عبدالوهاب الله يسلمك وشكرا علي مرورك
| |
|
|
|
|
|
|
Re: ول ابا بريمه .......لابارك الله فيك (Re: عمر عثمان عبد الوهاب)
|
والله يابريمه اخوي اتا كان بتاكل لحمة قدر ده معاك حق تبلع تسعه حبات
فارشين ليكم تمساح تشوشو فيهو يالبعيد؟؟؟
الشفع ديل غايتو كان وليداتك اتو عاوزين دناميت ماحبايه ملوك ههههها
ربنا يخليهم ويحفظهم ليك
بعدين اطمنك الحمدلله المدام بخير بعدما كنا حنستلمها من الكرنتينه وفي كل الأحوال جزاك الله خير والعفو والعافيه وتاني ماتعمل لينا طبيب اعشاب
| |
|
|
|
|
|
|
|