|
|
|
 Re: بهدوء ماكر اشعريون (Re: عبدالحفيظ ابوسن)
|
أكد نائب رئيس حزب المؤتمر الوطني بولاية الخرطوم نائب والي ولاية الخرطوم محمد حاتم سليمان أن حملة أشعريون الخيرية المجتمعية استطاعت في أيام التشريق الثلاثة ذبح 903 عجول و1091 خروفا ووزعت 594،446 ذراع خروف وجمعت 14.675 كيس لحمة ،مبينا أن الكميات في مجملها بلغت 1.617.145 كيلو لحمة بتكلفة أكثر من مائتي مليون جنيه.
وقال حاتم في تصريحات صحفية اليوم بحسب سونا – عقب ختام حملة أشعريون أن الحملة حققت نجاحاً باهراً وتفاعلت معها فئات المجتمع السوداني المحبة للخير والعمل الصالح، موجها شكره للجهات التي ساهمت في تحقيق هذا النجاح خاصة الذين تبرعوا للحملة من حر مالهم ومولوا أعمالها وكوادر الحزب وهياكله وقياداته التي نفذت الحملة والذين تصدقوا من أضحياتهم لأجل الفقراء، موضحا أن الدال على الخير كفاعله.
وأعلن نائب رئيس حزب المؤتمر الوطني بولاية الخرطوم أن حملات ومبادرات الحزب لحل المشكلة الاقتصادية وعبور تحديها وتخفيف أعباء المعيشة عن كاهل المواطنين ستترى وتستمر الواحدة تلو الأخرى، معلنا طلاق حملة قوتنا من بيوتنا والتي تهتم بالزراعة المنزلية وتطورها .
المصدر : كوش نيوز
| |
 
|
|
|
|
|
|
|
|
Re: بهدوء ماكر اشعريون (Re: عبدالحفيظ ابوسن)
|
قال وزعوا 1091 خروف يعني في اربعة كرعين بي 4364 ذراع
وللعلم ساي نحن كسودانين بنطلق كلمة ذراع علي الارجل الامامية فقط وتعتبر افضل من الخلفية . وهو نوع الكرم ان تهدي الارجل الامامية وليس الخلفية
ثم بعد ان قال وزع 1091 خروف قال ووزع 594446 ذراع لو قسمنا علي اربعة بتجينا
148611 خروف ونص
بزيادة 147520 خروف ونص
وش مندهش
| |
|
|
|
|
|
|
|
|
|
Re: بهدوء ماكر اشعريون (Re: عبدالحفيظ ابوسن)
|
يتخيلون ظاهرة بس انت كايس مشاكل شاي
الخرفان الضبحوها وزعوها كاملة من قروش الحملة اما الاذرع فا من تبرعات أعضاء الحملة كل واحد تبرع بذراع او اتنين من خروفه الشخصي 😂
| |
|
|
|
|
|
|
|
|
Re: بهدوء ماكر اشعريون (Re: محمد البشرى الخضر)
|
السلام عليكم عبد الحفيظ والأخوة الأتداخلوا
ماداير أقول الأرقام مضروبة كالعادة لكن مما لقيت كلمة ( ستتري ) عرفت الموضوع منتهي
الجماعة ديل ستتري عندهم زي ( حقيقة ) كلما أستعمالها زاد معناتا الكضبة أكبر .... خبرة 29 سنة في سماع نوع الكلام ده
وفي الآخر لا يودي ولا يجيب
| |
|
|
|
|
|
|
|
|
|
Re: بهدوء ماكر اشعريون (Re: Khalid Abbas)
|
ههه صحي يا قلقو
عاين حتي في الفبركة لا يستعملون عقولهم
صحي يا احمد البركة بتزيد الطعام لأنو مصاحبها القناعة والرضي
وديل لا راضين ولاقنوعين
تخيل في حساباتي يا ودو لكن حكاية وزعنا دي
نجيهم براحة براحة
تترى يا عباس والترى عند اهلنا الليان يكون جابو لين 😆😆
يا خالد نحن مضروبين من اول بيان واول فعل
اذهب انت شنو كدة وين وانا امشي وين شنو كدة
| |
|
|
|
|
|
|
|
|
|
Re: بهدوء ماكر اشعريون (Re: عبدالحفيظ ابوسن)
|
Quote: الجماعة ديل ستتري عندهم زي ( حقيقة ) كلما أستعمالها زاد معناتا الكضبة أكبر .... خبرة 29 سنة في سماع نوع الكلام ده
|
لو عندي السلطة "ستترى" دي ومعاها بشريات - نفرة - احسبه -بسط - وضيف ليهم البدلة السفاري ، حا اشطبهم من كل قواميس الدنيا ..
اعوذ بالله .. على قول عثمان شبونة
| |
|
|
|
|
|
|
|
|
|
Re: بهدوء ماكر اشعريون (Re: عبدالحفيظ ابوسن)
|
Quote: لو عندي السلطة "ستترى" دي ومعاها بشريات - نفرة - احسبه -بسط - وضيف ليهم البدلة السفاري ، حا اشطبهم من كل قواميس الدنيا ..
|
ياخ مالك نسيت "مشروع شنطة الطالب، مشروع زاد المجاهد، مشروع كافل يتيم، مشروع...
| Quote: اعوذ بالله .. على قول عثمان شبونة |
تحياتي
وكل سنة والبلد بخير
تحياتي لصاحب البوست وضيوفه
| |
|
|
|
|
|
|
| |
عبدالحفيظ ابوسن
قلقو
محمد البشرى الخضر
عباس محمود
Abdullah Idrees
فيس بوك
تويتر
انستقرام
يوتيوب
بنتيريست