|
|
|
 Re: حولت الحكومة المدارس بيوت عزاء (Re: عبدالحفيظ ابوسن)
|
قريت قبل ايام تعليق لوزيرة التربية منقولا حول وفاة تلاتة طالبات معتبرة ذلك قضاء وقدر . وانو الحكومة لا تمنع الموت
او قريت في الصحف تصريح حكومي لمنو كدة ما بعرف ، مافارقة اياهو البصلة ام ريحتا واحدة انو السيول والامطار ابتلاء
ونعم بالله !!
ربنا ابتلانا بيكم لأننا عجزنا عن الوقوف ضدكم
عاملناكم كديكتاتورية تقليدية وليس منظمومة او قول منظمة
خيوط متشابكة من الفساد مستشرية في كل مكان يدعم بعضها بعضا
| |
 
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
اتخيل الحادثة فى غزة كان عملوا منها قصة
هؤلاء الدجالين اطفالنا لا قيمة لهم
ولكن اطفال غزة يستحقون العزاء
دمائهم اطهر من دمائنا
تنظيمهم اهم من شعبنا
يجب ان يعلم الناس هذه الحقائق
وتعازينا لكل الاهل فى المناصير
ولكل الشعب السوداني المنكوب
اللهم انت اعلم بحالنا
إنا لله وانا اليه راجعون
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
🅾عاااجل
والي نهر النيل اللواء حقوقي حاتم الوسيلة السماني يعلن تحمل مسؤلية حادث غرق التلاميذ الان وعلي الهواء مباشرة عبر فضائية سودانية 24 في برنامج حال البلد واعلن ايضاً تحمل مسؤلية اي قرار يصدره رئيس الجمهورية تجاهه وذكر آنه مستعد للاستقالة من منصبه وذكر ايضا انه مستعد للمساءلة القانونية
انتهي
المصدر قناة سودانية 24
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
Quote: والي نهر النيل اللواء حقوقي حاتم الوسيلة السماني يعلن تحمل مسؤلية حادث غرق التلاميذ الان وعلي الهواء مباشرة عبر فضائية سودانية 24 في برنامج حال البلد واعلن ايضاً تحمل مسؤلية اي قرار يصدره رئيس الجمهورية تجاهه وذكر آنه مستعد للاستقالة من منصبه وذكر ايضا انه مستعد للمساءلة القانونية
|
سمعت الجزئية دي من البرنامج يا حفيظ (كنت ناوي أفتح بيها بوست).
فعلاً أعلن مسئوليتو عن الحصل.
في نهاية كلامو الطاهر سألو سؤال مباشر (هل قدّمت استقالتك لرئاسة الجمهورية)
كانت إجابتو: أنا مسئول مسئولية كاملة period.
ما سمعتو قال شئ عن (إستعدادو) للإستقالة أو المساءلة القانونية.
يعني شنو الواحد يعلن مسئوليتو؟
مافي شي بيتبع الإعلان ده؟
| |
|
|
|
|
|
|
|
|
|
Re: حولت الحكومة المدارس بيوت عزاء (Re: علاء سيداحمد)
|
سلام اب سن
دي مداخلتي في بوست ابو الريش
Quote: امبارح حضرت برنامج الطاهر حسن التوم ...اتضح في تلك المنطقة حتي المواصلات الطولية
تتم بالمراكب لعدم وجود طرق او حتى ردميات يعني الموضوع ليس عبور من ضفة لاخرى.
و اعتقد عدم الاهتمام بتنمية هذه المنطقة لانهم رفضوا التهجير و تمسكوا بارضهم فاهملتهم الحكومة
حتى يهاجروا من تلقاء انفسهم فهم ان لم يغرقوا يموتوا بالعقارب توفي حني الان 74 طفل بالعقارب
على حسب الصحفي بكري المدني وهو من المنطقة لعدم وجود امصال و لا توجد لديهم كهرباء علي رغم
من وجودهم في بحيرة السد و على بعد 30 كيلو من سد مروى
الكارثة هذه مسؤول عنها النظام و القائمبن عليه مسئولية مباشرة لتعمدهم اهمال المنطفة و انسانها.
|
ما قادر اتصور بيت يكون فيهو 5 اطفال يغيبوا فجأة.
استغفر الله العظيم ...ربنا يصبّر اهلهم ويرفع عنا البلاء.
| |
|
|
|
|
|
|
|
|
|
Re: حولت الحكومة المدارس بيوت عزاء (Re: Asim Ali)
|
الآن على قناة السودانية 24 ..
الصحفي لوالي نهر النيل حاتم الوسيلة :
إلى الآن منطقة البحيرة لم تصلها الكهرباء و الطرق و الجسور مما تسبب ذلك في وفاة 73 طفل بسبب لدغات العقارب خلاف الغرقو ..
مقدم البرنامج للوالي :
ما هي اقتراحاتكم و حلولكم ؟
السيد الوالي : انا بقترح إنو نقبض العقارب و ننزع منها السم ..
والله ي اخوانا انا ما مجنون والله قال كدة
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
شوفو عبقرية الوالي وطريقة تفكيرو في الحلول
لاذكر تعبيد طريق ولا بنطون
بل يلزم المدير بالركوب مع الطلاب . ياح لو قلت وزير التربية كان بنبلعها غصب نقول عشان يحس
هل ركوب المدير ولا انت زاتك بمنع الغرق ؟
طيب لو المدير ساكن جمب المدرسة تلزمو يمشي الحلة التانية ويجي راكب معاهم ؟
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
رئيس الجمهورية يصافح امهات الشهداء بقرية كبنه بمحلية البحيرة ظهر اليوم ويصدر عدد من القرارات
قرارات زيارة رئيس الجمهوريه لمحلية البحيره قرية كبنه،'(الشهداء)-
تنفيذ بنود الخيار المحلى
تبرع من رئاسة الجمهورية (تحمل نفقات العمره لاسر الشهداء الشهر المقبل .
تبرع والى الولاية اللواء حقوقي حاتم الوسيلة بنفقات الحج لاسر الشهداء العام القادم
بناء مدرسه ثانويه مختلطه باسم الشهداء.
تغير اسم القريه من كبنه الى الشهداء .
بناء جسر فى المنطقه .
ختاما
نالت الرضاء والاستحسان فى نفوس اهل المنطقه .
ابرار إسماعيل
اعلام وزارة الثقافه والاعلام والاتصالات نهر النيل
| |
|
|
|
|
|
|
|
|
|
Re: حولت الحكومة المدارس بيوت عزاء (Re: nour tawir)
|
يا ابوالريش دي ثقافة الكيزان بفترض مجرد تصريحه دة مفروض نرفع ليه القبعات
مجرد كلام مرسل وللاسف هو قانوني . لا الرئيس بحاكمو ولا غيرو ديل دافننو سوا
نشكر للقنوات الاجنبية والرؤساء الاجانب يا علاء
ديل هم الخلاهم يخجلو دة اذا كان عندهم حياء ولا اخلاق
مؤلم يا ناصر عجزت عن سماع تسجيل والدهم او لقاء الناجين
الامر أكثر من مؤلم
دة بكتل الروح
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
شفت الوفد الحكومي للعزاء لايبدو عليهم حزنا
واجب ثقيل اجبرهم عليه العالم
وشفت بكاهم قبل كدة كل زول فيهم اخد ليهو بكية حتي الرئيس
ما اظن في زول من السودانين بمشي يرفع فاتحة في بكا زي دة ومايبكي لو قلبو حجر
الناس الخبر بكاهم
الصور بكتهم
معقولة يشوفو مجمع حزين زي دة ولا تنزل منهم دمعة واحدة !!
قساة القلوب
اجلاف
منعدمي اخلاق وضمير
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
حزينة وجوفك دمدم هزيم
حزنتي وقلب الحازنك خلى
اصلو الحازنك كافر زنيم
وانتي وحيدك قلبك ولي
القدال
حجة وعمرة ؟؟؟
لامن يجي وقت العمرة كم شهر
ولامن يجي وقت الحج سنة
شوفو الاستهبال والترضيات
هم لادايرين حج لا عمرة . دايرة شوارع آمنة مسلفتة ومعبدة
ومدارس آمنة مكتملة وجاهزة
يعني دايرين الاعلان يتنشر وبعد داك قد لا يعتمرو ولا يحجو
يعني بعد انتهاء العزاء يمشو يسكوكم ؟
تلك وعود جماهيرية معروفة لا تغادر مكانها للتنفيذ
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
سلام وتحايا..الأعزاء أبو سن وضيوفه
بعاين للبوستات وغالبني أكتب حرف!!
والله دا ألم لا يُحتمل...
لا ينفع معه عزاء ولا حتى قصاص
،
وزي ود الباوقة ده ما يتوقع لو سودوا المنبر يوم لوفاته..إنه الناس تدخل تترحم عليه،
عابد سيده الرئيس الظالم
لأي إلهٍ يصلون؟
بعد إنعدام الحياء.. كل شي وارد
وحسبنا الله ونعم الوكيل
| |
|
|
|
|
|
|
|
|
|
Re: حولت الحكومة المدارس بيوت عزاء (Re: تماضر الطاهر)
|
كأنما في الفم طعم الكينين يا تماضر
مسخت واصلها مسيخة
كنت اتجاوز عن ودالباوقة ولا اقرأ له بحسب ان مايكتبه مكايدة للاعضاء ولكن في هذا الامر لم استطع ابتلاع كتابته
تجاوز الامر السياسة والانقاذ
الموت حق ومكتوب وسبيل كل بشر . لكن التعامل مع الموت هو مايجعل من البشري انسانا
| |
|
|
|
|
|
|
|
|
|
Re: حولت الحكومة المدارس بيوت عزاء (Re: عبدالحفيظ ابوسن)
|
الحزن والله أكبر من طاقتنا وأوسع من مساحة البلد
إيام ماقادر اقرا ولا اكتب رغم اني كنت في ظروف امتحانات
الا بس ما في القول إلا حسبنا الله ونعم الوكيل
قدرنا ان تكون آلمدارس الحكومية أفقر مؤسساتنا وأكثرها تهلكة
والسبب باختصار لأنها غير مخصصة لأبناء المسؤولين واسرهم
| |
|
|
|
|
|
|
| |
عبدالحفيظ ابوسن
محمد أبوالعزائم أبوالريش
جلالدونا
Asim Ali
معاوية المدير
علاء سيداحمد
Nasser Amin
nour tawir
تماضر الطاهر
عمر التاج
فيس بوك
تويتر
انستقرام
يوتيوب
بنتيريست