|
|
|
 Re: هم كانوا دايرين كم مليون (Re: عبدالحفيظ ابوسن)
|
هنا في كوستي لامن يحتاجو كولاية لقروش بستدينو من احد التجار . وبرجعوها ليهو
ولو غلبهم يسددو بشوفو حاجة يبيعوها ليهو
طيب وقت نفر واحد عندو المبلغ دة نقدا في بيتو .. وهو من المغمورين ماليا .. الباقين بكون عندهم كم في بيوتهم؟
مع التذكير كم حادث سرقة من احد اعضاء التنظيم الحاكم فيها عملة صعبة ؟
اقلاها قروشو بترجع ليهو
وفيها فايدة
ويكون ساهم في استقرار السلطة ال هو واحد منهم😆😆😆😆
| |
 
|
|
|
|
|
|
|
|
Re: هم كانوا دايرين كم مليون (Re: Frankly)
|
تحياتي ابو سن وفرنكلي
الخبر جا في صحف اليوم يا فرانكلي, الاتساب جاب القصاصة مصورة من الجريدة
وأمس كان عنوان رئيسي عن المية سيارة و الـ 67 قطعة ارض باسم نفس ضابط الأمن المتقاعد
| |
|
|
|
|
|
|
|
|
Re: هم كانوا دايرين كم مليون (Re: محمد البشرى الخضر)
|
يلا يا اب سن العارفين قالوا دا عبد الغفار الشريف احد المحالين للتقاعد بعد عودة صلاح قوش و على رأس قائمة القطط السمان الخاصة بالأمن
ويوصوا بقراءة الأمور مع استصحاب هذه الاشارات!
الانقاذ ما جادة في محاربة الفساد قدر ما تستخدمه كعصا غليظة في تصفية حساباتها و تخويف النافذين وبالواضح كدا تمرير خرق الدستور وترشيح المعلّم لـ 2020
كثر الحديث عن فساد اسرة البشير, و كما يقال ابت الدنانير الا ان تطل برأسها و سبحان من قطع باسرة البشير الزلط بين كوبر وكافوري ولم - ولن - نسمع قصة واحدة عن سؤال ساي خليه محاكمة لأحد منهم أو من المرتبطين معهم
ما يدور من كم يوم عن سير فضل محمد خير ايضا لا يمكن قراءته بمعزل عن الموضوع دا
الناس ديل شغالين بانتقائية عجيبة, يسربون ما يخدمهم للصحف و الوسائط ونحن علينا الباقي نتلقف و ننشر و نلعن, اعتقد حتى من تم اعتقالهم و يخضعون للتحقيق لن يتجاوز الامر ابتزازهم ومن ثم مخارجات على طريقة التحلل أو خلافه, ومن يركب راسه هو من سيجسن وتصادر املاكه
| |
|
|
|
|
|
|
|
|
|
Re: هم كانوا دايرين كم مليون (Re: محمد البشرى الخضر)
|
| Quote: نلعن, اعتقد حتى من تم اعتقالهم و يخضعون للتحقيق لن يتجاوز الامر ابتزازهم ومن ثم مخارجات على طريقة التحلل أو خلافه, ومن يركب راسه هو من سيجسن وتصادر املاكه |
ده هو الموضوع ببساطة
مغارز و كسر عين
وبيع سبح كمان نظام نحن بنحارب في الفساد
شخصيا ما بثق في صحة اي اجراء قضائي ضد كوز حتى لو اتنشر في الصحف ..
بكرة يجر واطي ويدخل واسطات ويدفع ويطلع زي الحلاوة ..
| |
|
|
|
|
|
|
|
|
|
Re: هم كانوا دايرين كم مليون (Re: محمد البشرى الخضر)
|
يا محمد البشرى أنا موضوع ال 245كيلو جرام دهب لحدي الأن ما قادر أهضمه ديل بيعادلوا 9 مليون دولار
يجوا يقولوا لقوا 120 مليون دولار في بيت؟
وهو خاتيها في بيته لشنو بالضبط وليه ما طلعها خارج البلد أو .......؟
وين المعروضات؟
غايتو كلام غريب جداً
| |
|
|
|
|
|
|
|
|
|
Re: هم كانوا دايرين كم مليون (Re: Frankly)
|
يا فرانكلي موضوع الـ 245 دولار دا كمان قوش بنفسه ظهر في الاعلام, دي ما اخبار واتساب عادية
إمّا تسريبها و ارقامها مقصودة من الحكومة او فعلا البلد بقت مسرح كبير للامعقول و تاني نصدق اي شي !
لكن في كل الأحوال وبصفة عامة ومع القبضة الامنية على الاعلام من الحكمة دائما البحث عن ما و راء الخبر, اي تسريب مقصود وله ما بعده
| |
|
|
|
|
|
|
|
|
|
Re: هم كانوا دايرين كم مليون (Re: محمد البشرى الخضر)
|
بالجد يا محمد البشرى
التسريبات دي بتخدم منو ما تعرف
بتخدم الحكومة مثلاً ؟ الله أعلم
في موضوع الدهب أول ما انتشر الخبر سعر الدهب في السودان نزل مع أنه مفروض يكون تسعيره بالدولار وبلسعر العالمي
أها في موضوع ال120 مليون دولار دي وكمية العربات والبيوت مع دا كله سعر الدولار طار ووصل 42 جنيه والبيوت اسعارها في زيادة والعربات كمان.
وكمان كونه نعتبرها تصفية حسابات داخلية فدي شوية عايزة وقفة لأنها لو بدت فليس هناك ما يوقفها عشان كدا أي حرامي بيكون حريص أن الموضوع يبقى تحت السيطرة وما يصل تصفية حسابات شخصية وينهد عش الحرامية ويظهر المسروق.
هل المستفيد تجار العملة ولا الحكومة ولا منو بالضبط من التسريبات دي
أنا شايف المبلغ كبيرة لدرجة مبالغ فيها أن يكون متواجد في بيت ويتم الكشف عنه بمنتهى السهولة دي
يعني ما مليون دولار والمليون كتير شديد
لا دافنها لا باني عليها يكون خاتيها في "الفضية" ؟
| |
|
|
|
|
|
|
|
|
|
Re: هم كانوا دايرين كم مليون (Re: Frankly)
|
عناوين الصحف السياسية الأحد 15 يوليو 2018م
صحيفة الأخبار
* سرقة وثائق مهمة من حقيبة “الترابي” لحظة وفاته
* تراجع تداول فئة الـ50 جنهياً الجديدة بالمصارف والأسواق
* (4) وفيات في مستشفى النساء والتوليد بودمني
صحيفة مصادر
* المطاحن: (المالية) تتحمل الأزمة الطارئة في الخبز
* إتحاد المخابز: نعمل في ظروف قاسية ولا زيادة في الأسعار
صحيفة الصيحة
* ضبط 120 مليون دولار بمنزل ضابط أمن متقاعد
* إعتقال “3” شخصيات مهمة بينهم نجل والٍ سابق
* حريق يلتهم (4.050) نخلة بالشريك
* مباحثات رسمية بين البشير وبوتين بموسكو، والرئيس يتعهد بتحديث الجيش السوداني
صحيفة التيار
* مبارك الفاضل: الأزمة سياسية وليست إقتصادية
* زوجة عبدالغفار الشريف لـ(التيار): لا نريد غير محاكمة عادلة ..!
* سلفاكير يرفض التخلي عن تعبان دينق ويقبل بمقترح نائب خامس
* جامعة الخرطوم تنفي بيع جزء من أراضيها
صحيفة الراي العام
* البشير: راضون عن العلاقة مع موسكو سياسياً وإقتصادياً وعسكرياً
* بوتين: روسيا ستواصل التعاون مع السودان في تحديث الجيش
صحيفة الإنتباهة
* بوتين: العلاقات مع السودان تغيرت للإتجاه الأفضل
* رفع الحصانة عن نائب رئيس تشريعي الخرطوم
* الدولار يرتفع الى 42.50 جنيه
* إحالة المتهمين في حادثة “شمبات” للسجن
صحيفة السوداني
* بوتين خلال لقائه البشير: سنواصل التعاون العسكري مع السودان
* مبارك الفاضل: أشخاص بالمؤتمر الوطني وراء الأزمة الإقتصادية
* توقعات ببدء التحقيق مع رجل أعمال محظور من السفر
صحيفة آخر لحظة
* بوتين: العلاقات مع الخرطوم تغيرت للإتجاه الأفضل
* الأفراج عن رجل أعمال متهم بالفساد
* مبارك الفاضل : أشخاص بالوطني وراء الأزمة الإقتصادية
صحيفة المجهر
* الكرملين: “البشير” و(13) رئيس دولة يشهدون اليوم نهائي المونديال
* قمة بين “البشير” و”بتوين” في موسكو والرئيس الروسي يعد بتطوير الجيش السوداني
صحيفة الدار
* تحويل المتهمين بإرتكاب جريمة شقة شمبات لسجن كوبر تمهدياً للمحاكمة
* إختطاف طفل من مستشفى بشائر والمباحث تعيده والقبض على ثلاث متهمات
* سلسلة حلقات الحوت تحتفل بنجاح توأم الراحل محمود عبدالعزيز (حاتم) و(حنين)
* السجن عاماً والغرامة 15 ألف جنيه لشاب صفع طبيبة داخل مستشفى شهير بعبطرة
* منى مجدي تعود لإثارة الجدل مرة أخرى بتقليد شاكيرا
* وفاة أشهر تاجر سيارات بحادث أليم بشرق النيل.
| |
|
|
|
|
|
|
|
|
|
Re: هم كانوا دايرين كم مليون (Re: علي عبدالوهاب عثمان)
|
تشكروا جميعا
سأعود حتما
يا صيام مافي شئ غتس حجرنا غير الصبر
الصبر السلبي من اسوأ الخصال
زمان صحبي يقول لي
الزول يشحدك سفة .. وبعد يدردمها وياخد ليهو دشية كاربة كدة باااااع
يقول ليك الحمدو لله
هسة دة في سفة داير يكتب قصيدة
اخير يشوفو المتضايقين
| |
|
|
|
|
|
|
|
|
|
Re: هم كانوا دايرين كم مليون (Re: عبدالحفيظ ابوسن)
|
تحياتي فرانكلي
اهو ودو و قدورة ادوك النجيضة
مرحبا ودو
يعني لعبة داخلها غش
زمان زمن تجار العملة . قبضو ناس نكرات في التجارة وفي اسماء معروفة علي نطاق السودان ماسمعنا زول قبضوهو
قبضو السماسرة البلقطو رزقهم بي جلابيتهم ساي
| |
|
|
|
|
|
|
|
|
|
Re: هم كانوا دايرين كم مليون (Re: Ahmed Yassin)
|
يا عبدالله سلطة سحب القضايا من النيابة او المحكمة زاتا دي سلطة لا تحقق عدالة
زي ماقلت مغارز و كروت ضغوط وذر الرماد في العيون !
صحي يا علي منشورة في الصيحة مش اي جريدة ساي 😆
شن عرفني بي مصطلحات القانون يا احمد يسن
سامع بقولو معروضات .. جسم الجريمة ولا اداة القديمة
فقلت بدل قيمة الدولار ينزل يشترو بيهو بترول😆😆
| |
|
|
|
|
|
|
|
|
|
Re: هم كانوا دايرين كم مليون (Re: عبدالحفيظ ابوسن)
|
الليلة يا فرانكلي لو لم تجي الاخبار عناوين رئيسة في الصحف او لو ما الاعلان الرسمي في موضوع الدهب كان قلنا مبالغات واتساب وكذبناها بسهولة، اسي حتى الاعلانات الرسمية لا تعني المصداقية ١٠٠ بالمائة لكن هناك مؤشرات لأن الأخبار دي خرجت بموافقة الحكومة طبعا، لأي غرض الله اعلم
يمكن زي ماقلت التأثير على سعر الذهب او شيئ آخر، عموما البلد دي الاسرار لا تبقى طي الكتمان طويلا وعاجلا او آجلا سيكشف سر هذه الاعلانات او التسريبات بالارقام الكبيرة دي
| |
|
|
|
|
|
|
|
|
|
Re: هم كانوا دايرين كم مليون (Re: محمد البشرى الخضر)
|
غايتو في حاجة ما طبيعية بتحصل
شوف الخبر دا جديد
Quote: استرداد خزانة مسروقة بداخلها 600 مليون جنيه
أوقفت مباحث محلية شرق النيل مجموعة اجرامية تخصصت في السرقات المنظمة واستردت خزانة بداخلها (600) مليون جنيه سرقتها العصابة من منزل رجل اعمال بحي النيل الازرق، وكشف مصدر شرطي انه فور تلقي البلاغ تم تشكيل فريق بحث ميداني باشراف رئيس قسم شرطة الجريف شرق، وبمعاينة الموقع واكمال اعمال الادلة الجنائية تعرفت القوة على المشتبه بهم ووضعتهم تحت رقابتها، وتمكنت من توقيفهم خلال (48) ساعة وبحوزتهم الخزانة بكامل محتوياتها، ومواجهتهم ببلاغ رقم (2043) تحت المادة (174) من القانون الجنائي. |
600 مليون جنيه دي يعني 14 مليون دولار ولو بالقديم برضو كتيرة وتعادل 14.200 دولار
الناس دي حارسها قروش قدر دا في بيوتها؟ دي مغامرة بالروح عديل كدا (الليبيين قتلوا تجار العملة في 17 ألف دولار)
هل في أي قانون بيجبر التاجر دا يضع قروشه المستردة دي في البنوك؟
| |
|
|
|
|
|
|
|
|
|
Re: هم كانوا دايرين كم مليون (Re: Frankly)
|
واكتر كمان، الازمة الاخيرة في السيولة افقدت القليل من الثقة الكانت في النظام المصرفي، الزول البنحول معاه من هنا بتونس معاه وجات سيرة البنوك وعدم السيولة والمشكلة الدخلوا فيها مع اصحاب التحويلات بسبب عجزهم عن سحب قروشهم من البنوك لمقابلة التزامهم وانهم اشتروا خزن وبنوا اوض مخصوص في حيشان ليخزنوا فيها .
برضو مرة سمعت تحليل احد الخبراء الاقتصاديين انو ٨٥ في الماىة من السيولة خارج النظام المصرفي معناها الناس عندها مبالغ اكثر من دي في بيوتها
| |
|
|
|
|
|
|
|
|
|
Re: هم كانوا دايرين كم مليون (Re: محمد البشرى الخضر)
|
مرحب فرانكلي و ودو
الحكومة معتمدة اعتماد كلي علي نشر الاشاعات . اظنو دة المنهج الاعلامي الامريكي
من بدري جدا قبل الانقاذ كان الكيزان بقروا اعلام في امريكا
اكيد مرقت بعلم الحكومة .. اذا كان بمنعو النشر في قضايا ظاهرها شخصي جدا فأكيد دة تسريب مقصود
| |
|
|
|
|
|
|
|
|
|
Re: هم كانوا دايرين كم مليون (Re: عبدالحفيظ ابوسن)
|
ممكن الناس البتفهم في الرياضيات يحسبو معانا
عشان نقدر نفهم انو هل يمكن الاحتفاظ ب 120 مليون في البيت؟
سمك الورقة 100دولار هو 0.1075 ملم طيب لو ضربنا في مية مليون بنحصل علي10750000 ملم
المتر الف ملم بتكون اذا 10750 متر دة لو ختيناهم فوق بعض بكون طولهم كدة
ما عارف طول الورقة كم سم عشان نقدر بنحتاج كم من المساحة
| |
|
|
|
|
|
|
|
|
|
Re: هم كانوا دايرين كم مليون (Re: عبدالحفيظ ابوسن)
|
سلام حفيظ
اداناة الوزن بمساعدة شيخ قوقل .
$1M in $100 bills = 22.05 pounds.
$1M in $20 bills = 110.5 pounds
وقس على ذلك .
رحلوها بكم دفار ؟
عدوها كيف ؟
هل هى مزورة ولا حقيقية ؟
بعدين هى طباعة سنة كم ؟
وحسب معلومات شيخ قوقل ، اى دولار
امريكى يطبع و مسجل ومتابع لعملية
الأبدال والإصدار .
—————-
سنة أولى روضة (مع الاعتذار ل Kostawi هههه)
| |
|
|
|
|
|
|
|
|
|
Re: هم كانوا دايرين كم مليون (Re: النذير حجازي)
|
Quote:
اها هسة قالوا نفر واحد لقو عندو 120 مليون دولار في بيتو
القروش دي ختوها معروضات؟ |
يا اب سن ايضا لا تنسى محافظ بنك السودان السابق صابر محمد الحسن اللصوص تسوورو بيتو وسرقو اموال وعملات اجنبية شئ دولار شئ استرلينى شئ يورو شئ ....
الناس ديل خامين اموال ومقدرات السودان وخاتينها شئ استثمار فى دبى وماليزيا ومصر و لندن وشئ داسينو فى بيوتهم .
ثورة الجياع حتما ستصل الى مافى حوزتهم فى منازلهم .
| |
|
|
|
|
|
|
|
|
|
Re: هم كانوا دايرين كم مليون (Re: هاشم احمد ادم)
|
| Quote: * إحالة المتهمين في حادثة “شمبات” للسجن |
هههه الإحالة كمصطلح إجرائي قانوني يكون من الجهة المعنية بالتحقيق للمحكمة المختصة ..
أما التحويل من حراسة الشرطة إلى السجن العمومي يمكن التعبير عنه بلفظ تحويل أو نقل .
| |
|
|
|
|
|
|
|
|
|
Re: هم كانوا دايرين كم مليون (Re: محمد على طه الملك)
|
مرحب عمر
كما قال سيدنا عمر رض لعلك رأيته يطيل الركوع والسجود
اشكالية التقييم الانطباعي والمعرفة الشخصية دون النظر للكفاءة والمؤهلات
مرحب النذير
ياخ نحن رأسمالنا كلو بنشيلو في جيبنا في الدولاب ما بنختو
مرحب علاء
وكانت فضيحة أكبر رئيس البنوك لا يثق في البنوك!!
مرحب هاشم
عندهم جواكر بدون حساب في الجيوب
مرحب الملك
دة كلام كبار علينا دايرلو شرح
لكن العارف كزول ساي
الناس ديل ما شغالين بالكتاب😆😆
| |
|
|
|
|
|
|
| |
عبدالحفيظ ابوسن
Frankly
محمد البشرى الخضر
Abdullah Idrees
عبدالقادر محمد
آدم صيام
علي عبدالوهاب عثمان
Ahmed Yassin
هاشم احمد ادم
عمر دفع الله
النذير حجازي
علاء سيداحمد
محمد على طه الملك
فيس بوك
تويتر
انستقرام
يوتيوب
بنتيريست