|
كتب الكاتب الفاتح جبرا المتوفرة بمعرض الدوحة
|
|
 Re: حبيبنا أبوبكر عباس ( المستنير ) فقدناك يا ج (Re: محمد المسلمي)
|
حبيبنا أبوالنسب .. مودتي ..
حبيبنا المسلمي .. نحن هناك في قرانا إذا جلسة الونسة
ما فيها التربال والمعلم وإمام المسجد وناس ودالجريد والمفتري والشايف نفسو ( الجلسة تكون بدون طعم )
والمستنير يدخل ضمن ( الشخص المباشر ) الذي لا يجامل .. يذكرنا أعمامنا زمان في البلد
ما في مجامة أعور أعور .. شين شين ..
أتذكر كمان لو في مشكلة بين إثنين ويتطلب الأمر إبلاغ رسالة كان هناك شخص متخصص في هذا الدور
يحل المشكلة على طول ( يا فلان إنت كذا وكذا ) والغريب أن المخاطب لم يكن يزعل منه ..
القصة طويلة يا أبوالنسب لكن صدقني مشكلتي ما عارف أكتب بالعامية .. لو بالنوبية يا سلام ..
حبيبنا المسلمي المستنير مهم كمان مع زهج الغربة .. وخاصة الخليج الكاتم ..
أرجو أن تواصل المحاولة ..
| |
 
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: فرح الطاهر ابو روضة)
|
اخونا علي عبد الوهاب
كل عام وانت بخير
رواية المسلمي صحيحة الكيشة المستنير سمع نصيحة جلالدونا الله لا كسبو
من هنا نطالب السيد بكري ابو بكر بأعطاء يوزر جديد بإسم(المستنير)
بالجد والله فاقدنو وايد وايد
=================
حبيبنا على دفع الله .. وأنت بخير يا جميل ..
صدقني يا حبيبنا علي .. عند حضورنا للعمل رغم وجود كاميرات في المكتب
نتحايل ونلف وندور من أجل قراءة ونسة الاخوان .. هنالك كثيرين غير أعضاء في المنبر
ولكنهم حريصين جداً على المتابعة .. صدقني المستنير لديه شعبية عالية .. وأنا فتحت هذا البوست
بمناشدة منهم ..
حبيبنا علي المستنير زول جميل .. وده واقعنا وجلساتنا وخاصة في قرانا في الشمال زمان
كان من زول الكاس إلى إمام المسجد في ونسات في ضل النخيل ..
لا أعرف ربما الاجيال الجديدة يختلفوا عننا شوية .. الله يا زمن حتى ( أخت الرجال كانت تشارك في الونسة )
الحبيب بكري سيد الحوش .. المستنير ده زي ميسي في برشلونه .. المنبر فقد جزء من بريقه
تحياتي الحبيب علي .. واصل دعمك يا جميل ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: فرح الطاهر ابو روضة)
|
المشكلة نسيبك ده
يا عبدالوهاب بكرة يجي
في اقرب بوست يقول لي انت
ناديتني لاني مهم ههههه
والمنبر ما بقدر يتخلي عني
والكلام الحامض داك
مع كمية الحوامض الفي حلوقنا دي
مرارتنا تقوم تنفقع
يجي ويركز علي القصة القصيرة
تابعت ليه بوست ما ممكن نجردو
من مشيريع زول قاص
=============
أبو روضة الحبيب .. تدوم الاخوة
شكرا|على إهتمامك ومتابعتك للبوست
دليل على تسامحك ..
مشكلتي يا أبوروضة أنا ما متعمق في العامية السودانية
صدقني أحياناً بعض المداخلات ما أفهم القصد منها
أكيد حبيبنا أبوروضة المستنير يقرأ هذا البوست
شكراً كثير كثير أبوروضة ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
الاخ علي عبدالوهاب عثمان
تحية
اسمح لي بالاختلاف معك
مقدمة لوكنت قد ناشدت السيد ابوبكر عباس -وطالبته بالعودة لكان هذا امرا عاديا لايستحق الاختلاف ولكن ما لفت انتباهي هو ( مسوح الصراحة التي التي البستها له - وهومااخنلف معك فيه مع اكيد احترامي
لشخصك
مسالة الصراحة والقول للاعور انت اعور دى يمكن ان تكون مدخل للاساءة والنجريح تماما مثل السخرية واتظارف يمكن تستخدم كمعبر للاساء والتحقير !
* وا لسخرية راقدة ياللا علينا جاي! فهي طرف السوق - بالكوم ووالقطعة والهوادة -وساهل جدا للجوء لها وا! ولكن هناك قيود نسانية واخلاقية - تجعل المرء يعف عن الغمز واللمز والطعن
والاذي - تحت هذا الستار !
انتهي الكلام العام
السيد ابوبكر عباس يمارس التعدي والاذي والاسفاف تحت ستار الصراحة والتخفف وسط ترسانة من التبرير الواهي والتطبيل وتزيين الباطل !وهناك عشرات النماذج لهذا التعدي !
٠ ابتعد ابوبكر عباس عن المنبر نهائيا او عاد فهذا قراره - ولكن لنسال لماذا ذهب ولماذ يعلن\ التوقف مرارا ثم يعود !
* فليعد ابوبكر ويلتزم حدوده ويكف عن الافراط في الشخصنة والتعدي ويغير مابنفسه - واعتقد ان الموضوعىة والصراحة تقتضي نقد تعدياته وممارساته الضارة - !
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: سفيان بشير نابرى)
|
سلامات أخونا على و تحية طيبة...
نقول :-
الحمد لله الذي اذهب عنا الأذى و عافانا.
==============
حبيبنا سفيان مودتي ..
هههههه ( بالغت ) لكن يا سفيان إحتمال مداخلتك دي ترجع المستنير
أنا عندي إحساس زي مداخلتك دي سوف تجعل المستنير يستجدي بكري
المهم يكون متابع البوست
=========
سفيان الحبيب كان في الشمالية عندنا
محافظ الشمالية ( مالك أمين نابري )
لكما أقرأ إسمك أرجع بالذاكرة إلى ذلك الزمان
شكراً على المرور الحبيب سفيان
إذا المداخلة الحالية ما جابت نتيجة .. نرجو أيضاً مداخلة أخرى قوية
ربما تجيب نتيجة
تحياتي سفيان الحبيب
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: كمال عباس)
|
حبيبنا كمال عباس .. تحياتي ..
الحبيب كمال طبعاً أنت من الاقلام التي أقرأ كثيراً ..
يا سلام يا كمال الاختلاف في الرأي ربما سبب بقاء الحياة في هذا الكون
لأن الكل يجود ما عنده وتكون المحصلة النهائية المنتج المثالي من الطرفين
حسب ما أراه وجهة نظري أبوبكر .. درجة المزح لديه ( هظار) عالية جداً
كما أنه سريع الاعتذار ..
نعم ألا يخاطب الجميع بأسلوب واحد فدرجة التحمل تتفاوت بين الناس
المهم الحبيب كمال .. هذه فرصة أن أعبر لك عن إعجابي بكتاباتك
ولك التحية والتقدير ..
فليرجع المستنير .. ونملي عليه بنود الميثاق
سعيد بمرور قلمك الرائع في هذا البوست ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: جلالدونا)
|
هوى ها كلّكم
من بتين ابوبكر قاعد يسمع كلام زول
بعدين انا ما نصحتو
بس وريتو الناس بتعمل شنو
براهو مشى يحاكيهم و عوّق نفسو
__
سلام على و سلام لى ضيوفك الكرام
==================
الحبيب جلالدونا .. مودتي ..
لك التحية وكل عام وأنت بخير
صحيح ما ورد في مداخلتك المستنير لا يحتاج إلى إستشارات
ربما جنح إلى خلق طرف ثالث كنوع من الانصرافية
خليك واسطة عند بكري سيد الحوش لإرجاعه
تحياتي الحبيب جلال ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
Quote: شكراً على المرور الحبيب سفيان
إذا المداخلة الحالية ما جابت نتيجة .. نرجو أيضاً مداخلة أخرى قوية
ربما تجيب نتيجة
|
الحبيب العزيز على أي انا عارف الديح أبوبكر عباس زي المداخلات دي بتجيبو راجع فقط عشان يرد و يستفز الناس بعديها يظهر بدور المستنير ههههههههه
اشكرك على ذكر حكم الإقليم الشمالي سابقاً لكن هو اسم على اسم.
مودتي
| |
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
سلام اخونا علي عبد الوهاب وضيوفك في البوست
صراحه المستنير ابوبكر استنارتو فكت في الفترة الاخيره
ياخ تلاقي عندو في بوست واحد أكتر من15 مداخله
ذيو وذي العوام .... المستتنيرين بدوك مداخلة وحده بالكتير مداخلتين عميقااااااااات
بتكون الزيت ...
فشنو خلي يرتاح شويه ويعيد تأهيل استنارتو ويرجع افضل لنا وله ...
وتحياتي ....
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Ali Alkanzi)
|
من بركات طرحك هذا اننا رأينا علي دفع الله رأي العين بعد أن اختفى لعام ولالف عام
وعقبال عودة المستنير ابوبكر عباس
==============
حبيبنا الكنزي .. تحياتي وكل سنة وأنت طيب
هذا المنبر حاضنة دافئة لكل الاخوان مهما كانت إتجاهاتهم وأحزابهم وميولهم
حبيبنا الكنزي تخيل في فطور رمضان في منزلكم أن يكون المستنير موجوداً وسط ذلك الجمع الجميل ؟
أكيد كان حيكون إضافة ..
شكراً الحبيب الكنزي .. تحياتي ومودتي
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: محمد عبد الله الامين)
|
صراحه المستنير ابوبكر استنارتو فكت في الفترة الاخيره
ياخ تلاقي عندو في بوست واحد أكتر من15 مداخله
ذيو وذي العوام .... المستتنيرين بدوك مداخلة وحده بالكتير مداخلتين عميقااااااااات
بتكون الزيت ...
فشنو خلي يرتاح شويه ويعيد تأهيل استنارتو ويرجع افضل لنا وله ...
===============
الحبيب محمد عبدالله .. مودتي ( ما شاء الله صورة البروفايل إبتسامة رائعة )
نعم مثل هذه المداخلات هي التي سوف تدفع المستنير للعودة
المستنير يحب التحدي ..
جربنا معاه التطبيل ما نفع .. يمكن يجي بالتحدي
شكراً الحبيب محمد .. مرورك رائع
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
ا يابا الشيخ الطيِّب.. أكتب لي حِجيِّب.. لقلبي المِغيِّب.. أريتو بكور يبقى طيب
-----------
دي من اغاني المناداة الشعبية ياجماعة ما يجيني واحد حنبلي
==========================
احمد أمبس .. كل عام وأنت بخير ..
جمعية بنا نهاية الاسبوع ( الضمنه ) مولعة ( منافسة وتحدي )
ناس بشير ومحمد عبدو وإبراهيم
=================
الحبيب احمد المستنير ما يعرف الشيخ الطيب
لديه مشايخ من وراء الطبيعة
مع التحية أحمد أمبس
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
الاخ علي عبدالوهاب
شكرا لردك المملوء بالعاطفة الانسانية السودانية
ما دفعني ان ارجع اليك ثانية وربما ثالثة قولك:
الحبيب محمد عبدالله .. مودتي ( ما شاء الله صورة البروفايل إبتسامة رائعة )
والله انا ذاتي كنت داير اعلق على صورة محمد عبدالله وقلتا في قلبي الزول السمح دا جاء من وين؟
ولكني امسكت
وقبل ان تضيع الكلمات من شفتي اراك تقول وأنا اشاركك في القول:
الحبيب محمد عبدالله .. مودتي ( ما شاء الله صورة البروفايل إبتسامة رائعة )
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: فرح الطاهر ابو روضة)
|
علاقة ناس الكباشي شنو بالرطانة ؟
رطانة محمد المسلمي
دي ياخ زي سلبطة اولاد السجادة
في السلطة الشينة دي
ههههههههههههه
==============
حبيبنا أبوروضة .. تحياتي
يا الحبيب أهلنا المحس من توتي إلى تخوم الجزيرة
الحبيب أبوروضة كمان الموضوع نسابة ( الله يحفظ عائلته الكريمة )
جميل يا أبوروضة .. فائدة المنبر هو التعارف وتواصل الاهل مع بعض
والتحية للكباشي أبو النسب ..
==============
جاني مقنطر عقبال نسيبك
الحبيب أبوروضة ( العبارة الفوق والله ما فمهتها )
( جاني مقنطر ) يا أخي نحن من غير الناطقين ( ناس ضواحي الدنيا )
شكراً للاثراء وروح الدعابة حبيبنا أبوروضة
أكثر نموذج أخواني يعجبني في المنبر ( ودالباوقة ، ودينق ، ومعاوية عبيد)
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
يا عبدالوهاب
مقنطر دي عشان اقدر اوصلها ليك
زي لما تكون لاعب مدافع
وتلعب ليك باص قصير وبخطفوا
مهاجم في
وضع هو والقوون
دي قنطرت ود المسلمي لي نفسه
انا عايز اديك النجيضة
نسيبك بكور
ما بجي اقل من اسبوعين تلاتة
هو عارف انه كتر حكاية
الوادعيات دي
مفكر اعمل لي بوست توثيقي
لوداعيات بكور
البوست الوداعي الاخير
خاصة حنفرد ليه
مساحة كافية
شرح وتحليل وتعليقات اعضاء
بما فيه
الوضع النفسي لبكور
يجي ولكل حدث حديث
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: فرح الطاهر ابو روضة)
|
ما بجي اقل من اسبوعين تلاتة
هو عارف انه كتر حكاية
الوادعيات دي
مفكر اعمل لي بوست توثيقي
لوداعيات بكور
البوست الوداعي الاخير
خاصة حنفرد ليه
مساحة كافية
===================
الحبيب أبوروضة شكرا للتواصل
ما فهمته من مداخلتك أن عودة المستنير أصبحت حالة ميئوس منها
نرجو منه .. فقط أن يرجع ونقيم له حفل تكريم ووداع يليق بمقام المستنير
ونوشحه بأوسمة إستنارة ..
شكراً الحبيب أبوروضة .. مودتي ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Mohamed Adam)
|
"المستنير سمع نصيحة جلالدونا وغير الباسويرد حقه دون
ان يحفظه وهو في حالة اختفاء مقصود"
يابكوري لو فعلا دا حصل منك، تكون قد هكرت أبو أم
الإستنارة ذاتو!!
==============
حبيبنا محمد آدم .. شكراً على الحضور والمداخلة
في مداخلة سابقة .. نفى جلالدونا أن يكون له يد في الموضوع
وما أظن لأن المستنير في درجة لا يحتاج معها إلى أستشارة من أحد حتى لو كان جون بولتون ( أبوشنب )
أظن ان المستنير في بيات صيفي حتى يعرف نتيجة إستفتاء شعبيته في المنبر
شكراً حبيبنا محمد آدم .. على التواصل
تحياتي
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: فرح الطاهر ابو روضة)
|
لا لا برجع يا عبدالوهاب بعد البوست يصل الصفحة
التالتة ولا الرابعة
وبشوف درجة التضامن انخفضت
حيجي ويرفع البوست
وتقول ابو روضة قال
===========
حبيبنا أبوروضة .. ربنا يبشرك بالخير
معليش يا الحبيب .. الناس في بوستات الحب والجمال والاغاني
بعد قليل سوف يكون الحضور مكثف ..
أظن لديك خبرة واسعة في طريقة التعامل مع المستنير (هههه)
يا أخي .. شكراً على الحضور الجميل في البوست ..
أنا متوقع مداخلاتك سوف تقود المستنير إلى البوست
شكراً كثير حبيبنا أبوروضة
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Mohamed Adam)
|
مشكورين اخ علي عبد الوهاب واخونا علي الكنزي
على المجامله والتعليق على الصوره ....
مع العلم بانها قديمة من عام 2010 ايام الشباب وبريقهو ...
اسي الجلحات وصلت ام دقرسي ^ــــــ*
يا محمد ادم ...... بريمة بلل ده زول كتاب جدا لما يكتب
عن البقارة وطبيعتهم وعن بداياتو في امريكا وشغلوا ومشاكلوا مع
الغجر ووصف الطبيعه والنقله هناك .........كتب بوستات جدا
جميلة رغم طولها بس حرف واحد فيها ما بتفات
..... بس يرحمنا من العرب والعروبيه الماجايبه همهما
هههه وتحياتي للجميع
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: محمد عبد الله الامين)
|
يا محمد ادم ...... بريمة بلل ده زول كتاب جدا لما يكتب
عن البقارة وطبيعتهم وعن بداياتو في امريكا وشغلوا ومشاكلوا مع
الغجر ووصف الطبيعه والنقله هناك .........كتب بوستات جدا
جميلة رغم طولها بس حرف واحد فيها ما بتفات
..... بس يرحمنا من العرب والعروبيه الماجايبه همهما
هههه وتحياتي للجميع
==================
حبيبنا محمد عبدالله .. مداخلة جميلة
صدقت فيما عبرت عنه
بريمة الحبيب كاتب متمكن وله عمق في ثقافة البقارة وتراث أهلنا في الغرب
ومعه الحبيب كبر ..
شكراً للمرور الزاهي .. حبيبنا محمد ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
vابو بكر فضل بناء غرفة للسكن علي تاهيل مدرسة ابتدايية في حي شعبي....هل دا يقلل من انو مستنير؟
في العام ٢٠١٢ مر ابوبكر بمنطقة واشنطن حينها كان عدد من الناس مشغولين في جمع مبلغ من المال لدعم احد احياء مرابيع الشريف التي دمرتها السيول و الامطار دار نقاش في هل يستغل المبلغ في بناء المدرسة الوحيدة في الحي ام بناء غرف لبعض المتضررين؟ جاء كلام قوي و لزول حماسي محتواهو، ناس ما عندها ضل المدرسة يمشوا ليها كيف؟ ابنوا ليهم غرف . كان ذلك صوت السيد ابو بكر الذى لا يعرفه و لم يساله احد من الحضور ومعرفته كانت محصورة في اسرة وااحدة فقطأأأأ....اذا قابلت ابوبكر الان لن اعرفه لكن صدي تدخله الجريء لا يزال يزن في اضاني و للغرابة وجهة نظرهو مشت وتم بناء ١٢ غرفة بلك و مونة حرة كل واحدة منها بمثابة بيت لاسرة و بمواصفات تقاوم الخريف;
هل البيت قبل المدرسة استنارة؟
هل تدخل ابوكر مبررا في مكانا ما مكانوا و اصلا ما في زول عارفو او سالو؟
هل لو الزول دا رجع ليكم هنا ممكن يرد علي بعض الاسيلة اعله او ناس ترد بالانابة؟
كمال طيفور
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: كمال طيفور)
|
vابو بكر فضل بناء غرفة للسكن علي تاهيل مدرسة ابتدايية في حي شعبي....هل دا يقلل من انو مستنير؟
في العام ٢٠١٢ مر ابوبكر بمنطقة واشنطن حينها كان عدد من الناس مشغولين في جمع مبلغ من المال لدعم احد احياء مرابيع الشريف التي دمرتها السيول و الامطار
دار نقاش في هل يستغل المبلغ في بناء المدرسة الوحيدة في الحي ام بناء غرف لبعض المتضررين؟ جاء كلام قوي و لزول حماسي محتواهو، ناس ما عندها ضل المدرسة
يمشوا ليها كيف؟ ابنوا ليهم غرف . كان ذلك صوت السيد ابو بكر الذى لا يعرفه و لم يساله احد من الحضور ومعرفته كانت محصورة في اسرة وااحدة فقطأأأأ...
.اذا قابلت ابوبكر الان لن اعرفه لكن صدي تدخله الجريء لا يزال يزن في اضاني و للغرابة وجهة نظرهو مشت وتم بناء ١٢ غرفة بلك و مونة حرة كل واحدة منها بمثابة بيت لاسرة و بمواصفات تقاوم الخريف;
هل البيت قبل المدرسة استنارة؟
هل تدخل ابوكر مبررا في مكانا ما مكانوا و اصلا ما في زول عارفو او سالو؟
هل لو الزول دا رجع ليكم هنا ممكن يرد علي بعض الاسيلة اعله او ناس ترد بالانابة؟
كمال طيفور
===========================
حبيبنا كمال طيفور .. مودتي .. شكراً للحضور الزاهي ..
راي أبوبكر في الموضوع هو دراسة الاولويات .. لديه آراء أحياناً تصيب الهدف
إعترض على موضوع الخلاوي .. بأن لا فائدة من شخص يحفظ القرآن ولكن ليس لديه مهنة يعمل فيها
وأن الخلاوي لا تصلح لبناء الانسان الحديث المسلح بالعلم ..
وللحل إقترح البعض أن تكون هناك علوم أخرى في الخلاوي ( كمبيوتر مثلا) إلى جانب حفظ القرآن
نعم كما ذكرت حبيبنا كمال : أبوبكر جريء ومباشر
شكراً على المرور .. وشكراً للمداخلة التي وضحت لنا نموذج أبوبكر في أعمال الخير
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
الحبيب علي عبدالوهاب
رأيت فيما يرى اليقظان أن الظلامي الشريف حفيد العباس قد تسلفت وحسن تسلفته فإن كانت رؤيتي حقيقة فمرحباً به وسهلاً بين أخوته السلفيين لطقطقة بني علمان والملحدين
وأن كانت اضغاث أحلام فليمكث في كهفه بضع سنين ولكن أخشى ما أخشى أن يأتينا بالرسالة الثالثة
لذلك ادعه يأتي إلينا بظلاميته
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Frankly)
|
Quote: عليك رب المجرات، تنزل المداخلة دي في بوست الجميل علي عبد الوهاب.
سلام الحبيب علي عبد الوهاب،
يحز في نفسي أن لا أستجيب بالعودة لرجل رقيق مثلك.
يا سيدي، موضوع الاستنارة دا عندي جادي جداً، وقد بذلت عمري له لأخرج الناس من الظلمات إلى النور، لكنني لا أخفي عليك
لقد بلغت من اليأس عتيّا، هذه عقول متحجرة محتاجة مرزبات بدل لمبات انارة!!
يبدو أنني أتيت في زمنٍ يسبق وقتي بكثير
وزي ما بقولوا أهلكم:
"إن دنيات دهن ميلي" |
الرسالة اعلاه بي كما هي من المستنير
وحلفني بي رب المجرات انقلها للجميل علي عبد الوهاب
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Frankly)
|
رأيت فيما يرى اليقظان أن الظلامي الشريف حفيد العباس قد تسلفت وحسن تسلفته
فإن كانت رؤيتي حقيقة فمرحباً به وسهلاً بين أخوته السلفيين لطقطقة بني علمان والملحدين
وأن كانت اضغاث أحلام فليمكث في كهفه بضع سنين ولكن أخشى ما أخشى أن يأتينا بالرسالة الثالثة
==============
حبيبنا فرانكلي .. مودتي ..
الدنيا تسع الجميع سلفي ، علماني ، ملحد
كيف نعرف الملحدين والعلمانيين .. إذا لم نستمع إليهم ..
بصراحه هو لا يظهر ولكن يقسم ( برب المجرات)
المهم يرجع لينا سليم ومعافي ويحرك المنبر شوية
فرانكلي الحبيب .. شكراً على المرور
مداخلتك يمكن ترجع المستنير للرد
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
عليك رب المجرات، تنزل المداخلة دي في بوست الجميل علي عبد الوهاب.
سلام الحبيب علي عبد الوهاب،
يحز في نفسي أن لا أستجيب بالعودة لرجل رقيق مثلك.
يا سيدي، موضوع الاستنارة دا عندي جادي جداً، وقد بذلت عمري له لأخرج الناس من الظلمات إلى النور، لكنني لا أخفي عليك
لقد بلغت من اليأس عتيّا، هذه عقول متحجرة محتاجة مرزبات بدل لمبات انارة!!
يبدو أنني أتيت في زمنٍ يسبق وقتي بكثير
وزي ما بقولوا أهلكم:
"إن دنيات دهن ميلي"
===============
الرسالة اعلاه بي كما هي من المستنير
وحلفني بي رب المجرات انقلها للجميل علي عبد الوهاب
==============
حبيبنا على دفع الله .. صدقني إنت زول رائع
اجمل خدمة تقدمها إنك نقلت رسالة من المستنير لزملاء المنبر
حبيبنا أبوبكر .. طالما لديك رسالة تريد أن تبلغها للناس لابد من الصبر
وكما ذكرت تريد ان تخرج الناس من الظلمات إلى النور .. هنا لابد التضحية
والتنازل والصبر .. وإستخدام القفاز الناعم .. أما المزربات فهي تصلح في بعض الاحيان
شكراً على الرسالة ..
التحية موصولة للزول الجميل علي دفع الله ..
إلى المزيد من الرسائل .. حتى تخرج من العزلة الاختيارية والاعتكاف
شكراً كثير للاحباب علي والمستنير
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
الحبيب علي
كلماتي كانت ملاطفة
تعليقاً على "ربّ المجرات"
"رب المجرات" هو الله سبحانه وتعالى, والله سبحانه وتعالى وصف نفسه بأكبر من ذلك وقال " رَبُّ السَّمَاوَاتِ وَالأرْضِ وَمَا بَيْنَهُمَا وَرَبُّ الْمَشَارِقِ"
"وما بينهما" هذه تشمل المجرّات والنّجوم والثّقوب السود وعوالم من مخلوقات الله لا نعلم عنها شيئاً "وَيَخْلُقُ مَا لَا تَعْلَمُونَ"
تحياتي وتقديري
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Frankly)
|
سلامات يا أستاذ علي والصحب،
تعرف، من متابعة وخبرة، فلن يفتيك عن غيابات ورجعات المستنير أبكر
كمثل ود البشرى،، فاستفتوه!
لكن تحت تحت سمعنا إنو حايم في السودان في حملة استنارة
يتقصى عن بقية مواضع الظلام هناك ليفقعها بمرزبة نور.
قال "يحز في نفسي" قال!! ههههه !!!
يا مستنير هوي، خليك راجع
سريعا ... خطوات تنظيم وأعمل حزا...
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: هاشم الحسن)
|
لكن تحت تحت سمعنا إنو حايم في السودان في حملة استنارة
يتقصى عن بقية مواضع الظلام هناك ليفقعها بمرزبة نور.
قال "يحز في نفسي" قال!! ههههه !!!
يا مستنير هوي، خليك راجع
سريعا ... خطوات تنظيم وأعمل حزا...
=============
حبيبنا هاشم الحسن .. مودتي
ما أظن يا هاشم الناس في السودان فاضين للاستنارة
هناك في القرى والاحياء تمشي المسجد غصب ورغم أنفك
لأنه اصبح سلوك عادي تذهب مع شلة الونسة حتى لو الواحد علماني
مواضيع المستنير لا تصلح إلا هنا في سودانيز
ما دام سبب غيابه السفر .. سوف لن نفقد الأمل
شكراً الحبيب هاشم على المداخلة
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: السيد المسلمي)
|
بدو أنني أتيت في زمنٍ يسبق وقتي بكثير
وزي ما بقولوا أهلكم:
"إن دنيات دهن ميلي"
============
العبارة أعلاه بالدنقلاوية وردت في مداخلة المستنير عن طريق الحبيب على دفع الله
"إن دنيات دهن ميلي"
الترجمة الحرفية ( الدنيا دي بطالة خلاص )
حاجة تحير .. هل يا مستنير إنت من عندينا
مودتي ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: MOHAMMED ELSHEIKH)
|
| Quote: لديه مشايخ من وراء الطبيعة |
الحبوب علي ... تحيات زاكيات ...
أبكر دا فكي وشيخ من وراء الطبيعة ..
دي مطرة مدني شوف الزول دا إتبين
فيها كيف ... مطرة دبي والحصل فيها
تحت الكبري ... سيدو الحسن ما أظن
يقدر يتبين فيها زيو ...
Quote:
أول مرّة أسوق عربية من مدني للخرطوم كانت خريف ٩٣ والعربية كانت بفلو بيضا.
أول ما طلعنا من مدني وجنب برج الإذاعة الفي ود المجدوب، صبت مطرة
طلعت العربية من الشارع ووقفت في حتة عالية،
بالرغم من أنو الوقت كان نهار إلا إنّو الواطة ضلمت وجابت ليها برق قوي، فكرت إنّو برج الإذاعة دا بشتغل مانع صواقع،
جات رعدة قوية جدا جدا، قبلها بثواني ظهر برق ما شفت زيو، مباشرة شرق النيل وتحديدا في ابحراز.
ما في زول بصدقني، لكن من محلي داك شفت قبّة الشيخ يوسف ابشرا البغنن ليهو البنات:
بالضرى بالضرى يا ابشرا
بالضرا ان شاء الله راجل مرة
يا ابشرا
شفت الصاقعة امتصّاها الهلال الفي قمة القبة، وشفت ابشرا قاعد ليهو في كرسي أخضر في نص القبة ومتوشح بشال اخضر بالدهبي، وشايل سبحتو يسبح:
يا حسن،
يا حسن،
يا حسن
في اللحظة ديك مرت بخيالي تلاتة حاجات:
- شوف السيدة آمنة بنت وهب للنور الذي أضاء مدائن كسرى يوم وضعت الرسول (ص)
- سيدنا عمر بن الخطاب من المنبر يقول لسارية: الجبل الجبل
- قصة يوسف ابشرا وهو صبي برعى بالغنم في الصفيّا وبرد (يرد الماء) بيهن الرهد في ابحراز (٤٠٠ كلم)، بشرب من الرهد، لمان يصل الصفيّا، قطرات الماء البلن شنبو بكونن ما نشفت!! |
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Salah Zubeir)
|
vابو بكر فضل بناء غرفة للسكن علي تاهيل مدرسة ابتدايية في حي شعبي....هل دا يقلل من انو مستنير؟
في العام ٢٠١٢ مر ابوبكر بمنطقة واشنطن حينها كان عدد من الناس مشغولين في جمع مبلغ من المال لدعم احد احياء مرابيع الشريف التي دمرتها السيول و الامطار
دار نقاش في هل يستغل المبلغ في بناء المدرسة الوحيدة في الحي ام بناء غرف لبعض المتضررين؟ جاء كلام قوي و لزول حماسي محتواهو، ناس ما عندها ضل المدرسة
يمشوا ليها كيف؟ ابنوا ليهم غرف . كان ذلك صوت السيد ابو بكر الذى لا يعرفه و لم يساله احد من الحضور ومعرفته كانت محصورة في اسرة وااحدة فقطأأأأ...
.اذا قابلت ابوبكر الان لن اعرفه لكن صدي تدخله الجريء لا يزال يزن في اضاني و للغرابة وجهة نظرهو مشت وتم بناء ١٢ غرفة بلك و مونة حرة كل واحدة منها بمثابة بيت لاسرة و بمواصفات تقاوم الخريف;
هل البيت قبل المدرسة استنارة؟
هل تدخل ابوكر مبررا في مكانا ما مكانوا و اصلا ما في زول عارفو او سالو؟
هل لو الزول دا رجع ليكم هنا ممكن يرد علي بعض الاسيلة اعله او ناس ترد بالانابة؟
كمال طيفور
===========================
حبيبنا كمال طيفور .. مودتي .. شكراً للحضور الزاهي ..
راي أبوبكر في الموضوع هو دراسة الاولويات .. لديه آراء أحياناً تصيب الهدف
إعترض على موضوع الخلاوي .. بأن لا فائدة من شخص يحفظ القرآن ولكن ليس لديه مهنة يعمل فيها
وأن الخلاوي لا تصلح لبناء الانسان الحديث المسلح بالعلم ..
وللحل إقترح البعض أن تكون هناك علوم أخرى في الخلاوي ( كمبيوتر مثلا) إلى جانب حفظ القرآن
نعم كما ذكرت حبيبنا كمال : أبوبكر جريء ومباشر
شكراً على المرور .. وشكراً للمداخلة التي وضحت لنا نموذج أبوبكر في أعمال الخير
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: Salah Zubeir)
|
الحبوب علي ... تحيات زاكيات ...
أبكر دا فكي وشيخ من وراء الطبيعة ..
دي مطرة مدني شوف الزول دا إتبين
فيها كيف ... مطرة دبي والحصل فيها
تحت الكبري ... سيدو الحسن ما أظن
يقدر يتبين فيها زيو ...
===============
حبيبنا صلاح الزبير .. مودتي ..
إحتمال يكون فكي .. رغم إدعائه للعلمانية لكن الظاهر لديه عمق صوفي
إستحضر قصة سيدنا عمر رضي عنه وأحضر الشيخ أبوشرا
وجمع بين مدائن كسرى وأبو حراز
أؤكد أن المستنير ليس علمانياً ولا ملحداً
ربما الأمر مختلط عليه ..
نحن العاملين فيها مطوعين ما عندنا المعلومات دي كلها
شكراً صلاح الزبير .. لديك لغة عامية ذات مستوى عالي جداً
إذا كانت لدي مثل هذه المقدرة كنت قلبت الدنيا في سودانيز
مودتي يا جميل .. معليش أحب أقرأ مداخلاتك ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
| Quote: ياصلاح ياخ .. صورتك دي حلوة جدا والله لكن القديمة كانت أروع وأرحب وتتسق ودمك الخفيف وحروفك الرشيقة .. فحقو تعيد النظر يا في صورتك الجديدة أو في خط كتابتك القديم :) |
هلا ابو السيد ...
شكرا" كتير علي كلامك الطيب وطلبك
علي العين والراس ... تم التغيير بفعل
فاعل قريب مني (مش أنا) ... غايتو
إنتا تاني واحد يطالب بإرجاع الصورة
المسحوبة ... بس الزول القريب مني
دا قعد يضحااااك في حكاية دمي خفيف
وحروفي رشيقه دي وما مصدق نهائي ...
هههههههه هو صحي يا ابو السيد إتا ما
كبيت ليها شوية مويه ... هههههه
تحياتي ترب سيدي الكباشي ...
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: نعمات عماد)
|
Quote: بمرزبة نور.
ايواااا،
شكراً استاذ هاشم ، يا دكتور أبوبكر، وانت جاي أطبق معاك إعتذار
لي ست نور☺
=================
التحية للاستاذة نعمات ..
يا جماعة حرام بدل لمبة الاستنارة تم التحويل إلى ( مرزبة نور )
المستنير دائماً يستخدم القفاز الناعم ..
وأتفق تماماً مع الاستاذة نعمات على الاعتذار للاستاذة نور
إرهاصات عودة المستنير بدأت تظهر من مداخلة حبيبنا علي دفع الله
وبعض المصادر كشفت عن وجوده في الوطن والدليل ( السيول والامطار في مدني )
حسب مداخلة حبيبنا صلاح الزبير ... أمطار كبرى دبي .. ودعوات الشيخ أبو حراز
شكراً كثير الاستاذة نعمات على المداخلة ..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: علي عبدالوهاب عثمان)
|
المستنير أبكر دا ما جمع لسع؟؟؟؟
قلت كيف يا أستاذ علي!؟| Quote: مواضيع المستنير لا تصلح إلا هنا في سودانيز |
كان كدي الزول دا ما بتكون لاقيتو في الواقع ... حكاية تصلح وما تصلح دي ما فيي معاييرو الأساسية.☺
| Quote: بمرزبة نور. ==== وانت جاي أطبق معاك إعتذار لي ست نور☺ |
هههههها لقيتك متابعة ومفتحة يا دكتورة ☺هههه
بس والله أنا ما قصدت، وبي لغة الكورة قلشت مني ساي ههههههها
ما زي استعارتي الوش الباسم لخارج المقتبس...دي مقصودة ☺
بس دحين بي هناك هو ما قال إنو بيعتذر؟ صحي ما قال غلطان وسامحني
لكن برضو شفت ليك ست نور ما قصرت والمرزبة لا تزال في متناولها.☺☺☺
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: هاشم الحسن)
|
Quote: . بس الزول القريب مني
دا قعد يضحااااك في حكاية دمي خفيف
وحروفي رشيقه دي وما مصدق نهائي ...
هههههههه هو صحي يا ابو السيد إتا ما
كبيت ليها شوية مويه ... هههههه |
إنت عارف ياحبيب الناس القراب ديل أصلا بشتغلوا وفقا لأجندتهم الخاصة والتي منها عدم رفع المعنويات الى مستوى معين .. ثم والله أبدا مافي أي كوز موية ولا نقطة ذاتو .. كتابتك فعلا دمها خفيف وبنحس بي خفة روحك من بين السطور .. فشنو .. الصورة دي فيها ملامح صارمة شوية .. خلينا مع السمحة ديك ذات البسمة الضواية .
...
لا تلتفت للمخذلاتي الجنبك 😁
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: MOHAMMED ELSHEIKH)
|
والله يا بكور دايرك تعمل لي حجاب يحجب
لي اب صلعه بتاع سودانيز دي ... لي فيها
٣ سنة لكن لي الليلة ما تميت فيها ٦ شهور
كونسكتيف .. عادي .. يتلحني مناضل ولا
حرامي اقوم ارشو .. يقوم صاحب الامانه
يصفدني ٣ شهور ... والمره الأخيره قالو
لي حا تركب التونسيه من غير رجعه ...
مواصفات الحجاب المفروض يطشش
لي اب صلعه من الهنات البتحصل غصب
وتخليهو ينظر لينا بعين الرضا عن كل
عيب كليله ...
أدناه يا علي ود عبدالوهاب قصة فكي
أبكر ومطرة كبري دبي :-
بوست ... قبل الارشفة باقي سلك ...
Quote: كبيت بترول في محطة العوهة، العوهة دي آخر نقطة في العين المدينة، هسع الاسم قلبوهو الفوعة، ما عارفو عملوا شنو؟! لكن غيروهو.
اشتريت سندوتش نقانق زيادة طماطم وخالي طحينة، وعصير مشكل، ومسكت الظلط.
لمان وصلت كبري قباشة (غباشة)، نفس المطرة بتاعت ود المجدوب دوّرت، والدنيا انقلبت ليل، برق رعد خطيرين
طلعت العربية من الظلط، لمان البرق شدّ، شيطاني قال لي:
ديك مرقك منها ابشرا، دي بتمشي منها وين؟
تذكرت عفصة الإبريق، قلت ليهو (للشيطان):
الله ما بعابي ولا ينفعل وابشرا "لحاق بعيد"
الغريبة، تعبير "يا لحاق بعيد" دا كان كاتبو بابكر سالم ابو سنون في كل لواريهو (جمع لوري) في مدني
ما عارف جاني من وين نابل
كمال ود عمي قال لي، وكنت قاعد ابني ليهو في قفص حمام بحي مايو جمب جامع بابكر سالم ابوسنون، وأنا بالمرحلة المتوسطة، قال لي:
لو تقول كل يوم الصباح "يا لحاق بعيد" تلاتة مرات، أصلا ما بتفقر.
نزلت من العربية قلت انزل تحت جسر قباشة دا، آخد لي بولة، النصيحة أنا زي النوبيين بهرش من الرعد هرش شديد، قلت وأنا نازل من العربية:
يا لحاق بعيد
تلاتة مرات
دي كانت أول مرّة استعمل وصيّة ود عمي
حصلت حاجة غريبة جداً جداً
دي ما ظنيت زول واحد يصدقها، أكبر من ديك
حيدر حسن ميرغني ذات نفسو ممكن ينكرها، وفِي أخفّ الأحوال يقول:
"ان كان قد قال؛ فقد صدق"
وأنا نازل تحت الكبري، حصل برق وسيفو (سيف البرق) فصل بيني والعربية، بقى قدامي زي بوابة التنقل بين الماضي والحاضر البجيبوها في الأفلام الامريكية الخيالية.
أول مرّة أدخل إستاد مدني كنت في بداية المرحلة الابتدائية، مع ود أختي الذي يكبرني بسبع سنوات.
المباراة كانت بين المريخ العاصمي والنيل مدني، سبّطت مطرة شديدة، نزلنا ادسينا في ضهر اللوحات الجانبية، كل مرّة كان يقول:
جايّة رعدة
فعلا تجي بعد كلامو
أدهشني صدق التنبوء بتاعو
لاحقا شرح لي إنّو الضوء يسبق الصوت
أها سيف البرق لمان شقّ بيني والعربة، شاهدت نفسي طفلا تبلله الأمطار في إستاد مدني، وانتظرت الصوت، لكنني وجدت نفسي في زمن مختلف خالص عن ود المجدوب وأستاذ مدني وعن قباشة!!
في زمن مختلف ومكان مختلف، فتحت عيوني لقيت ارض خضراء منبسطة على مد البصر، تزين الخضرة زهرة التبر البيضاء
المكان عرفتو بطانة اب علي، وقاعدين في ضَل تاية، وجنبنا بهم ضان وشاي مشدود في نار بعر، ونغني واشيل معاهم وأقول:
تالي القبلي شايف لي برقا لمع
والصيد في الخمائل يا ناس اجتمع
الصوت الأساسي في الغنا عرفتو صوت المداح الحكيت ليكم بيهو زمان
قلت ليهو:
يا يوسف أبشرا، اللماك بي هنا شنو؟
قال لي: اللماني بيك اتّا عارفو، لكن قول لي:
بنطلونك وجزمتك ديل غيرتهم متين؟ ووين؟ |
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: محمد المسلمي)
|
وقد جاءكم من مصدر مسلمي موثوق أن المستنير؛
"متابع المنبر وشايفه كمان اتجه "للكناية" في احدي الصحف الثقافية الأسبوعية"
عليك النبي يا مسلمي قول ليهو خليك من "الكناية" والنكاية وحركات كفار قريش دي، وتعال أول وقّع "معاهدة وقف الكجار"
ثم جيب كتابتك وقصصك هنا في وسط الساحة خلي الناس تستنير..
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: هاشم الحسن)
|
عليك النبي يا مسلمي قول ليهو خليك من "الكناية" والنكاية وحركات كفار قريش دي، وتعال أول وقّع "معاهدة وقف الكجار"
ثم جيب كتابتك وقصصك هنا في وسط الساحة خلي الناس تستنير..
====================
حبيبنا هاشم الحسن .. تحياتي ..
ظاهر للعيان المنبر بدون المستنير فاقد عنصر مهم ..
حتى أننا إفتقدنا لحركات كفار قريش ( رب المجرات )
ليت حبيبنا المسلمي ينقل لنا واحدة من تلك المقالات المنشورة في صحف
ولكني أظن أن سودانيز أفضل له لأن هنا الاطار واسع وبدون حدود
أما في الصحف فالاطار ضيق بالاضافة إلى الرقابة .. يعني ما في ( حركات كفار قريش ورب المجرات ... إلخ)
لذا سوف تكون كتاباته فيها نوع من التناقض في الصحف ..
لا بد من عودة المستنير .. فقد كبير ..
شكراً كثير حبيبنا هاشم .. ونرجو من شيخنا المسلمي المزيد من الاخبار
عن المستنير ..
المنبر جميل نموذج المسلمي والمستنير ( وحب التواصل بينهم )
| |
|
|
|
|
|
|
|
|
|
Re: حبيبنا أبوبكر عباس ( المستنير ) فقدناك يا ج (Re: مجدي عبدالرحيم فضل)
|
مجدي .. أمبس .. تحياتي يا جميل ..
غيابك طال الحبيب مجدي ..
حبيبنا مجدي .. نظرتي لهذا المنبر بأنه تجمع سوداني جميل
فيه خلاف سياسي وعقدي ورياضي ... إلخ ، ولكنه وطد العلاقات بين الناس
تماماً يا مجدي كمقاهي جدة تجد فيها ( الدكتور والمهندس والمعلم والسائق والميكانيكي .. إلخ)
جلسات جميلة ورائعة رغم الخلاف ورفع الاصوات أحياناً ... ولو أنها إنحسرت بعض الشيء حالياً بسبب الاوضاع الاقتصادية
وجمال التجمعات السودانية في هذا التنوع الرائع .. داخل إطار الاخوة والصداقة والمحبة ودعم بعضنا عند الشدة
المستنير كان عنصر مهم ..
ننتظر حبيبنا علي دفع الله .. ربما يأتينا بأخبار عن المستنير
شكراً حبيبنا مجدي .. مشتاقين
| |
|
|
|
|
|
|
| |
علي عبدالوهاب عثمان
محمد المسلمي
فرح الطاهر ابو روضة
علي دفع الله
عبدالحفيظ ابوسن
كمال عباس
سفيان بشير نابرى
جلالدونا
Ali Alkanzi
Ahmed Yassin
Mohamed Adam
كمال طيفور
Frankly
هاشم الحسن
MOHAMMED ELSHEIKH
Salah Zubeir
نعمات عماد
مجدي عبدالرحيم فضل
فيس بوك
تويتر
انستقرام
يوتيوب
بنتيريست