ثورة الإنقاذ والإعجاز -الوطن الغالى

مرحبا Guest
اخر زيارك لك: 04-20-2024, 04:47 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-30-2018, 04:28 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ثورة الإنقاذ والإعجاز -الوطن الغالى

    04:28 PM June, 30 2018

    سودانيز اون لاين
    سيف اليزل برعي البدوي-
    مكتبتى
    رابط مختصر

    بسم الله الرحمن الرحيم
    بقلم .. ابوبكر الكندو عبدالماجد
    .
    ثورة الإنقاذ والإعجاز
    الوطن الغالى

    بعد ان تم تجهيز كل شئ ... الدعم المالى والعسكرى والغطاء السياسى والدبلوماسى بل حتى بيانات الشجب والإدانة وضبط النفس قد صيغت وأعدت فى إنتظار الإعلان والنشر . والبلاد تكتم انفاسها وهى ترقب فى خوف وحذر تلك الخطوات والناس يسمعون منصور خالد يصرح بالتزامن مع تقدم التمرد فى كل المحاور وسقوط المدن الواحده تلو الاخرى وهو يقول (( على السودانيين ان يهيئوا انفسهم بأن يحكمهم غير مسلم وغير عربى )) ويزداد الهم والناس تسمع قرنق متحدثا مخاطبا قواته (( عرب ديل قعدو فى اندلس عشرة قرون برضو طردوهم ، عرب بتاع سودان ديل قعدو اربعة قرون بس)) والجنود الثمالى يصيحون بابتهاج واذاعة التمرد تتفوق على اذاعة ام درمان فى جذب المستمعين والشيخ البرعى له الرحمه يصيح وهو يرى بعينيه حوافر الصليبية تدخل القردود بكردفان فيقول مناجيا ..
    يارب الوجوه الدنقرن
    فى الدجى لى ربهن صنقرن
    اكفينا شر فتنة جون قرنق

    فزاد خوف الناس وهم يسمعون نداءات العارفين ولكن بحمد الله فقد كانت الاستجابة الالهية سريعة لاهل الصلاح من اهل السودان فكان الوطن الغالى ....الوطن الغالى كانت كلمة السر وسر الليل للتحرك فى ذلك اليوم 30 يونيو 1989 والذى مثل علامة فارقة فى تاريخ السودان واهله الطيبين ذلكم التحرك المبروك الذى جنب المسلمين فى السودان مجازر اعدت بليل مجازر خططت بعناية لتعلية دين الاقلية على دين الاغلبية ولاقامة تصفية عرقية عبر فوهة البندقية ، ولكن قيض الله للبلاد عبادا فطنا جنبوا البلاد والعباد هول الفتنه وعبروا بنا من المسكنة والذل الى العزة والشموخ.. جنبونا الاهوال وجنبونا ان نصبح احاديث وماده القنوات والاذاعات والصحف وخطب المساجد ،جنبونا بتوفيق من الله وفضله سيناريوهات ماينمار وافريقيا الوسطى والتى تم فيها استباحة وذبح للمسلمين والذى شاهدناه موثقا وشاهدته كل الدنيا ورأينا كيف كان رد فعل الجميع .. مجتمع دولى ودول اسلامية ودول جوار ومنظمات وشعوب وهو مايجعلنا نحمد الله كثيرا ونشكره بأن من الله علينا بمن فتح الله بصيرته وقوى شكيمته فاتخذ القرار الصحيح فى الوقت الصحيح... فالتحية لهم فى هذا اليوم المبارك التحية للشهيد الرائد طبيب احمد قاسم الذى لقى ربه فى فجر ذلك اليوم شهيدا عند مدخل سلاح المهندسين والتحية للشهيد وكيل عريف وداعة الله النور - سلاح الاشارة والذى لقى ربه امام منزل القائد العام اثناء المقاومة والتحية والتجلة والتقدير للشهيد ابراهيم شمس الدين عريس ذلك اليوم والتحية للشهيد الزبير وهو يتابع من محبسه بجبل اولياء وتحية خاصة لرجل الاستخبارات القوى الشهيد عميد كمال مختار وللشهيد عمر الامين كرار والتقدير للشباب الخلص الشهيد م اول عثمان عمر بابكر والشهيد النقيب ابوحفص والشهيد الرائد سامى سعيد والشهيد ياسر كرم الله والتحية والتقدير للشهيد آدم ترايو والشهيد رقيب احمد خليفة واخوانه من شباب المدرعات الذين استشهدوا من بعد ذلك فى ذلك الحادث الاليم والتحيات الزاكيات للراحل لواء م محمد المأمون المرضى - كاتم السر - وللراحل رائد امن ود الحاج والراحل لواء م محمود محمد الطيب والتحية والتقدير للراحل على الروى والراحل مبارك قسم الله والشهيد ابوقصيصة والراحل هاشم مصطفى والشهيد عبد الرحيم الامير والراحل محمد حسن مقلى والشهيد عبيد ختم والشهيد عبد السلام سليمان والتحيه للشهيد الحى المساعد حسن بابكر والشهيد الحى عبد المنعم . والتحية لكل الذين مضوا ولم نذكرهم فحسبهم ان يذكرهم ربهم والتجلة لمن بقوا وعلى رأسهم ذلك (الرجل) الذى جاء اشعثا اغبرا الى ذلك (المكان) وهو يحمل القرار بالتحرك فى حر ذلك اليوم من شهر
    يونيو 89 . والتحية لكل من خطط ونفذ وثبت الانقاذ ويأتى على رأسهم السوابيط وشباب الطرمبات وناس (نيالا) وشباب (اللجنة) او (المقر) وما ادراك ماالمقر ولسيده الف تحية وسلام .
    ياربى لك الحمد كما ينبغى لجلال وجهك وعظيم سلطانك على ما انعمت على عبادك وبلاد السودان بهذه الثلة المتوكلة الموفقة التى بعد ان سلس لها القياد طهرت بلادنا من دولة العلمانية العميقة وجنبت بلادنا سيناريوهات الجزائر ومصر الجريحة. الحمد لله الذى فتح بصيرتهم ولم يخدعوا بشعارات الديمقراطية الخادعة والتحية لهم وهم يركلون بالبوت اصنامها الكاذبة . التحية لهم وقد اكتشفوا كذب وضلال العلمانيين وكذب وازدواجية معايير الغربيين ، اكتشفوا ذلك قبل كل دراويش اليوم الذين ظنوا ولازال بعضهم يظن فى هؤلاء خيرا ويصدقون مزاعمهم الكذوب .
    يا ايها الناس والله لو خرج من مرقده سيدنا عمر بن الخطاب ومشى بين الناس حافيا واقام عدله ونام تحت الشجره لحاربه هؤلاء ولتآمروا عليه ولتكالبت عليه الامم المتحده بمنظماتها ومجالسها وهيئاتها الظالمة ولأقاموا الدنيا واقعدوها ولهتفوا واعلنوا الحرب ضد الارهابى الآتى من الزمن السحيق ولجندوا ضده الف كرزاى والف ابوعيسى ولوجدوا من بين صفنا الف متخاذل والف عميل. السلام عليكم اخوتى فى الاولين السلام عليكم اخوتى فى الخالدين السلام عليكم وعلى من سار على دربكم من المجاهدين الى يوم الدين... اللهم بلغنا مقامهم مقام الشهداء والصالحين وتقبل اللهم من مضى فى دربهم من شباب الانقاذ عبر كل سنواتها ومعاركها ومتحركاتها و جبهات قتالها ممن قضوا الايام والليالى يحمون الثغور وهم يسطرون بدمائهم الطاهره اعظم لوحات التضحية والفداء وقد تكسرت على صخرتهم المتماسكةالصماء كل المؤامرات .. وعهدنا معهم ان نجدد المسير ونحاسب من ركنوا وخانوا وافسدوا وعهدنا معهم ان نجدد المسير رغم انف الحاقدين والمارقين والمنحرفين والضالين وستظل الراية عالية خفاقة فالحمد لله مشروعنا مزكى بدماء طاهره هى التى حمته ببركتها من تكالب الاعداء وهى التى لفظت ببركتها كل من قدم نفسه من بين صفنا على هذا المشروع.. وصلى الله على سيدنا محمد قائد المجاهدين الغر المحجلين وعلى آله وصحبه الطيبين المطهرين
    ابوبكرالكندوعبدالماجد
    كسلا
    يونيو 2018م




















                  

06-30-2018, 04:30 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثورة الإنقاذ والإعجاز -الوطن الغالى (Re: سيف اليزل برعي البدوي)


    حكاية عبد الله بزقة

    العام,1988... سيول, فيضانات, أمطار, بعوض, ذباب, غلاء, مجآعة,
    إنعدام مواصلات, صعوبة في السفر, حرب في الجنوب, فصل تآم للأقاليم
    عن العاصمة, إنعدام الكهرباء, أحزاب, خراب. خراب, أحزاب... وهلم
    جـرا...

    وأحد من نوع المستهبلين الممكن يقنعوا الثعلب يطلع من جحرو, وبسهولة
    كمان, إستطاع في هذه الظروف السيئة أن يسافر من الخرطوم إلي جهات مناطق
    النيل الأبيض.
    متسكع في السوق. الناس عرفواإنه جاي من الخرتوم. في تلك الفترة الناس
    كانت تصلهم أخبار الخرطوم بالتواتر, لكن أخونا ده جاهم عديل من الخرتوم.
    الجماعة متلمين حوالينو, وبيسألوا عن الحاصل في الخرتوم.

    قال ليهم: الحالة صعبة شديد. والأحزاب واقفة لمبة, ومتناقرين
    مناقرة شديدة, وعلي وشك أن يحصل ضرب بيناتهم, والسبب الوحيد المانعهم
    يتكاسروا الخرتوم فيها أزمة عصي, العكاز بالشئ الفلاني ومعدوم زاتو.
    واحد من الجماعة المستمعين بحلق عويناتو, وشررف إضيناتو. لقط
    الخبر وبراااحة إنسرق من وسط الجماعة, ودخل الغابة. وقع في الأشجار
    قطع. السنط ماخلآ فيهو حاجة, اللعوت كملوا كلو, السيال عدمو نفاخة
    النار, السلم, القنا...الخ. ما ترك شجرة واحدة واقفة عشان يطقو فيها
    صمغة. 8 لواري ملاها عكاكيز ودور علي الخرطوم.

    وصل جنب الجامع الجامع الكبير. ردم عصيهو فوق الشارع وقعد.
    المكان مزدحم بالناس, والباعة. واحد فارش سبح, واحد فارش مساويك,
    واحد فارش ظهرة, سم فار, عروق, أحجار غير كريمة, كتب من زمن جدي حي,
    ودآعية, حجبات, موية بآردة...وهلم جرا.
    الراجل فارش العكاكيز, وقاعدمتمحن بعد أن إكتشف إنو الوضع مستتب,
    ومافي أحزاب متكاتله, وعرف أنو الحكاية مقلب إبن ستين فتلة...

    في هذه الأثناء, وأخونا في حيرته ومحنته. المستهبل إبن اللزينة
    قدر بقدرة قادر يسافر ويصل لمنطقة الدندر. الناس متعطشين لأخبار
    العاصمة. بمجرد أن عرفوا إنه جاي من الخرتوم إتلموا, وهاك يا أسئلة.
    الزول طمنهم تب.
    قال: الخرتوم حالها زين تب, هدؤ, وعمار. الحالة السياسية مستقرة,
    والتجارة منتعشة. المواصلات راقده, الكهربا ما بتقطع. الناس حالهم زين,
    ومبسوطين. بس في حآجة وآحة مغرودين فيها بالحيل. لكن معدومة عدمة
    لبن الطير.
    الجماعة بنفس وآحد: الحاجة دي شنو؟؟؟
    المستهبل: ريش النعآم. معدوم والناس مغرودين فيهو بالحيل, وممكن
    يشتروهو باي تمن.

    وآحد أخو بنات, الخبر قبل الناس تستوعبو, إتسلل من بين الصفوف
    ودخل حظيرة الدندر. وقع في النعام ظعييط ومعييط شديد. ما خلا نعامة
    وآحدة حايمة بريشها.8 لواري شحنها ريش نعام وقبل علي الخرطوم.
    الجماعة لمان إستوعبوا الخبر, ودخلو حظيرة الدندر, لقوا النعآم
    زي البخس المعلقة في المشلعيب, كلو ميطي جل.
    صاحبنا عيييك شحن وكسح...

    باحة الجامع الكبير...الواطة سخانة, الغبار قايم, وأبوالفرار
    حايم,وصاحبنا بتاع العكاكيز قاعد فوق قطعة كرتونة, ومضاري رويسو
    بقطعة كرتونة من الهجيرة. مافي زول بالغلت عشمو والا قال ليهو إنت
    بتسوي في شنو؟. عندو عقاب قريشات مرقن من جيبو, وكورك: يا ولد يا
    بتاع الموية تعال. الموية بكم؟...
    بتاع الموية: بطراة يا عمنا...
    قرطعلوا ورجع الفاضي...
    بتاع الموية: يا عمنا شايفك ليك زمن متمحن وكده,الحاصل شنو؟
    بتاع العصي: والله يا ولدي العصي ديل بارن علي...
    بتاع الموية: يا عمنا عصيك ديل مافي حل غير توديهن لعبد الله بزقة...
    صاحب العكاكيز:ى عبد الله بزقة ده منو كمان؟
    بتاع الموية: عبدالله بزقة ده واحد في أمدرمان, في سوق الجلود. قطع شك
    بيخارجك منها...
    بتاع العكاكيز: الله يفتح عليك دنيا وآخرة يا ولدي...
    صاحبنا شحن لواريهو ودور علي سوق الجلود. قبل ما يدخل الكبري, بتاع
    ريش النعام وصل. محل العكاكيز ملاهو ريش نعام وقعد. الناس إتبهطوا
    عديل كده. ريش نعام؟؟؟!!!
    أحد المارة قال لصاحبو: الناس دي جنت ولا شنو؟ يوم عكاكيز, يوم ريش
    نعام!!! حيرونا زاااتو!!!
    الراجل حاول يخفي نفسو بعد إكتشف المقلب. لكن هل يخفي القمر في سماهو؟
    نظرات الناس كانت تحيطه من جميع الإتجاهات, ولسان حالهم يقول: يأخي معقولة بس؟! بالغته عديييل كده...
    وأحدة حنكوشة ما قدرت تستحمل الموقف, مشت عليهو وبإنفعال قالت ليهو:
    لكن يا عمو ما بالغت عديييل كده! ريش نعام؟ يعني نحن حا نقدر نواجه
    ناس العالم الأول كيف مع عمايلكم دي؟! ياااااااي. قرف...
    صاحبنا, لعن اليوم الطلعوا من بطن أمو زاتو مش من الدندر...

    بتاع العكاكيز لافي في سوق الجلود إلي أن وجد عبدالله بزقة.
    مجموعة من الناس في دكان قديم. عنقريب على الكراب, كم بنبر, كمية
    جركانات فاضية, وشوالات . الجماعة طاقين الحنك, والجبنة والصعوط مدورات.

    صاحب العكاكيز: السلام عليكم.
    الجماعة: وعليكم السلام.
    صاحب العكاكيز: يا جماعة داير عبد الله بزقة.
    واحد من الجماعة: أيوه, أنا عبد الله بزقة. في شنو؟.
    صاحب العكاكيز: ياخي والله مغرود فيك. عندي عكاكيز بايرة, وقالوا لي
    إنت الوحيد البتقدر تصرفها.
    بزقة: بنجيهك تب, بس نحن مابنشتري. بنقايط.
    صاحب العكاكيز: ياخي المهم تخارجني منها بأي وسيلة.
    بزقة: يا ولآد. (يصيح)...
    مجموعة من الشباب حضروا, وبسرعة.
    بزقة: فضوا شحنة عمكم دا, وأرفعوا ليه البضاعة من المخزن.
    الشباب نزلوا العكاكيز, وشحنوا للراجل اللواري مسلات.
    (المسلة أكبر من الإبرة كانت تستعمل لخياطة , والخيش, والبالات.)

    صاحبنا دور على الجامع الكبير. الشحنة نزلها جنب بتاع ريش النعام.
    الناس مبحلقين فيهم, والجماعة كان لاقيين مرادهم, الوآطة تنشقه,
    وتبلعهم...
    بحكم الجيرة, دخلوا مع بعض في ونسة.

    بتاع المسلات: ياخوي شايف ريش نعامك ده مآ مآشي في السوق!
    بتاع الريش: باير الهينة دى, والله ما عارف أودي وشى من الناس وين!,
    يا أخي مبحلقين فينا اليوم كلوا؟. الله يقطعها دي عيشة دي.
    بتاع المسلات: يا أخوي والله ريشك ده, ما يخارجك منو غير عبد الله بزقة.
    بتاع الريش: ياأخي عبد الله بزقة, عبد الله مرقة, المهم إتخارج.

    بتاع المسلات أعطاه وصف دقيق لدكان بزقة. صاحبنا ما صدق, دفس ريش
    النعام في اللوآري وكسح .

    بزقة وجماعتو قاعدين نفس القعدة. ونسة, جبنة, بزيغ, ...., صعوط...
    بتاعاالريش: السلام عليكم.
    الجماعة: وعليكم السلام.
    بتاع الريش: يا جماعة وينو عبد الله بزقة؟.
    بزقة: حبابك.. بتدور شنو؟.
    بتاع الريش: والله عندي ريش النعام ده. وموصيني ليك قالوا بتاخدوا.
    بزقة: يا أخوي نحن ما بنشتري بنقايط.
    بتاع الريش: يازول ما في مشكلة, بس خارجني من ريش الزفت ده.
    بزقة: يا ولاد... الأولاد بسرعة حضروا...
    بزقة: جيهوا عمكم ده. نزلوا بضاعتو دي, وارفعوا ليهو البضاعة.

    الأولاد نزلوا ريش النعام, ورفعوا للراجل العصي بتاعت أخونا. الراجل
    ما صدق إتخارج من ريش النعام ...

    ردم العصي جنب المسلات, والونسة دورت...

    بتاع المسلات: ياخوي أناالعصي دي مابتغباني, شايفها قبل كده.
    بتاع العصي: قايطني بيها عبدالله بزقة, والله عبدالله خازوق بتاعك ده.
    بتاع المسلات: ما قلت ليك, بزقة بيجيهك.
    بتاع العصي, بزهج شديد جدا: ياخي بزقة زفت بتاعك ده, تديهو
    السـجمـ يديكـ الرمآد...
    معاوية المدير..كندا
                  

06-30-2018, 04:39 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثورة الإنقاذ والإعجاز -الوطن الغالى (Re: سيف اليزل برعي البدوي)

                  

06-30-2018, 04:45 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 8995

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثورة الإنقاذ والإعجاز -الوطن الغالى (Re: سيف اليزل برعي البدوي)

    سلامات يا ابو السيوف
    من رحمة الله على السودان واهله ان تخارج ذلك العدد الكبير من الكوادر
    الاسلامية مبكرا وإلا فكيف كانت ستكفيهم موارد البلاد ان ظلوا جميعا
    احياء يريدون نصيبهم من حصيلة نهب المال العام والتمكين على رقاب
    المواطنين واحتكار فرص العمل والاستثمار والتجارة.
                  

06-30-2018, 05:07 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثورة الإنقاذ والإعجاز -الوطن الغالى (Re: سيف النصر محي الدين)

    مذكرة القوات المسلحة السودانية
    ــــ 20 فبراير 1989-
    ***************
    جمهورية السودان:
    القيادة العامة لقوات الشعب المسلحة
    مكتب القائد العام الخرطوم -
    تلفون: 75462 – 78055 نمرة: م / ق / ع-
    التاريخ: 20 فبراير 1989م *
    -------------------
    بسم الله الرحمن الرحيم-
    ( من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا) صدق الله العظيم.

    ***- السيد/رئيس وأعضاء مجلس راس الدولة والقائد الأعلى للقوات المسلحة السيد/رئيس مجلس الوزراء ورئيس مجلس الدفاع الوطني مذكــــــرة:
    1.
    ----
    ***- انطلاقا من مسئوليتنا الوطنية والقومية التاريخية في هذه المرحلة الدقيقة التي تمر بها البلاد، واعتباراً للظروف الأمنية الخطيرة التي يشهدها الوطن في بعض أجزاءه، وبعد قراءة ودراسة متأنية وعميقة للوضع الراهن واستشراقاً لآفاق المستقبل بكل ما ينطوي عليه من احتمالات قد تؤدي إلى انفلات يقود إلى تهديد وحدة تراب البلاد وتفتيت الأمة السودانية ومسارها الديمقراطي الذي ارتضاه الشعب وضمنه في مواثيقه ودستوره كخيار لا بديل له، وبناءاً على منطوق المادة 15 من دستور السودان الانتقالي لسنة 1985م التي تقرأ: «قوات الشعب المسلحة جزء لا يتجزأ من الشعب مهمتها حماية البلاد وسلامة أراضيها وأمنها وحماية أهداف ومكتسبات ثورة رجب الشعبية». فإن قواتنا المسلحة قد قامت بواجبها باحتراف وبسالة وتضحية وفي ظروف يمكن أن توصف بأنها الحد الأدنى من المناخ الملائم وتوفر المتطلبات الأساسية لإدارة أعمال القتال. وبدون إسهاب مفرط يمكن الدلالة على ذلك بموقف قواتنا الباسلة في الناصر التي أثبتت أن المقاتل السوداني كعهده دائما منذ إنشاء قوة دفاع السودان قمة الثبات والتضحية والفداء.

    2.
    ----
    إن دراسة المعطيات الواضحة تكشف أن قدرتنا القتالية قد تناقصت بنسبة 50% مما كانت عليه في العام 1983م وذلك للاستنزاف المستمر في المعدات المختلفة والأسلحة ومؤن القتال مع غياب كامل للإستعواض المنتظم،وأخيرا توقفت كل الدول المانحة عن تقديم أقل احتياجاتنا الحيوية.

    3.
    ----
    ***- أما المؤشرات لذلك فهي واضحة، إننا قد فقدنا مساحات أرضية ليس بسبب قصور مقاتلي جيشنا الباسل ولكن بسبب تدني إمكانياتنا القتالية وقصور حركة إمدادنا المنتظم، من الجانب الآخر نجد أن العدو يحظى بدعم الشرق والغرب وتتوفر له إمكانيات ومتطلبات القوات النظامية.

    4.
    ----
    إننا نقف اليوم أمام مسئولية تاريخية تجاه وحدة وتماسك وطننا العزيز وأمام مسئولياتنا المقدسة نحو ضباطنا وجنودنا الذين يقدمون أنفسهم ودماؤهم الذكية في تضحية وفداء مقدس وفي عطاءِ لم يسبق أن شهده تاريخ السودان الحديث. إن مسئولياتنا التاريخية كقيادة عامة وكقادة لتشكيلات قواتنا المسلحة تتطلب منا جميعا التماسك والتعاضد والتوحد في تجرد تام نحو توفير احتياجاتنا القتالية والمعنوية. إن التاريخ لن يرحمنا جميعا أن نكون على قمة قواتنا المسلحة الباسلة وهي تفقد معارك تفرض عليها، ولا تجد الحد الأدنى من المتطلبات الدفاعية، ولا يتوفر لها القدر المعقول من السند المعنوي في الجبهة الداخلية.

    5.
    ----
    ***- أننا جميعا قيادة وقاعدة ندرك تماما مسئوليتنا وواجبنا المقدس في الحفاظ على كل شبر من تراب هذا الوطن، لا تفريط، لا انهزام ولا استسلام.

    6.
    ----
    إن الحرب التي نخوضها في جنوب السودان قد أظهرت بعداً استراتيجياً جديداً وفريداً لم يشهده عالمنا المعاصر. لقد توحد المعسكران الشرقي والغربي في دعم وإسناد حركة التمرد التي نواجهها. إن الكتلة الشرقية تقدم كل متطلبات القتال والتدريب والتوجيه لحركة الخوارج، بينما يوظف العالم الغربي كل إمكانياته المادية والإعلامية لخدمة أهداف حركة التمرد، بل تمكن العالم الغربي من فرض حصار وترهيب على الدول المعتدلة في العالم العربي حتى لا تجود علينا بالقليل من احتياجاتنا الدفاعية الحالية، بينما ظل دعم العالم الغربي يذهب إلى معسكرات الخوارج ـ براً ـ وجواً تحت مظلة الإغاثة.

    7.
    ----
    ***- لقد وظفت الدول الغربية وبعض المنظمات العالمية الطوعية كل إمكانياتها للتأثير على الدول المانحة للسودان، ويمكن رؤية ذلك بوضوح في موقف دول السوق الأوروبية المشتركة تجاه السودان. وقد امتد هذا الأثر لحد تهديد الدول الصديقة والشقيقة التي كانت تمد لنا يد العون في السابق مما أثر سلبا على حجم هذا الدعم.

    8.
    -----
    ***- على الصعيد الإقليمي فإن بعض دول الجوار تمارس عدائيات واضحة وتسخر إمكانياتها لدعم حركة التمرد. أما موقف أثيوبيا فهو واضح ومستمر لدعم حركة الخوارج إلى أن تتحقق أهدافها التي تكمن وراء هذا التمرد، والتي تتمثل في إيجاد حل يناسبها للقضية الإريترية.

    9.
    ----
    ***- خلاصة القول في هذا الجانب هو أن حصاراً اقتصادياً وإعلامياً قد فرض على السودان، وأن التأثير المباشر لذلك تدفعه قواتنا المسلحة دماً وأرواحاً في ميادين القتال كل يوم.

    10.
    -----
    ***- دون خوض عميق فيما يحدث في الجبهة الداخلية فجميعنا ندرك الحجم والأبعاد والمؤثرات، ولكننا نركز على جانبين: أولهما التأثير المباشر على الأمن القومي السوداني، وثانيهما التأثير على إدارة العمليات العسكرية وعلى تماسك ووحدة القوات المسلحة: أ. الأمن القوم السوداني: إن مهددات الأمن القومي السوداني لعديدة ولكن نشير إلى أكثرها خطورة وهي:
    (1) التناحر الحزبي وغياب التوجه القومي.
    (2) الانهيار الاقتصادي والتضخم والغلاء.
    (3) نمو المليشيات المسلحة والاختلال الأمني.
    (4) إفرازات الحرب في الجنوب.
    (5) تفكك المجتمع السوداني وانتشار الفساد.
    (6) إفرازات الصراع المسلح الدائر بدار فور. ب. القوات المسلحة: (1) انهيار البنيات الأساسية والاقتصاد والمجتمع وتأثيره المباشر على القوات المسلحة وتركيبتها القومية. (2) المحاولات المستمرة لاختراق القوات المسلحة من جهات سياسية في الداخل وبتوجيه من الخارج. (3) انقسام الجبهة الداخلية في إسناد ودعم القوات المسلحة وإفرازات ذلك الواضحة على أمن العمليات وتأثير الحرب النفسية على الروح المعنوية.

    11.
    ----
    ***- في هذا الجانب يجب أن نقف قليلاً ونخلص إلى أن ما يشهده السودان اليوم على صعيد جبهته الداخلية مؤشر واضح لخطر داهم على مستقبل الوطن، أمنه ووحدته وحق شعبه الكريم في مستقبل مشرق.

    12.
    -----
    ***- لقد أشرنا مسبقا إلى ضعف قدرتنا العسكرية والتي تسبب فيها أساساً غياب السياسات الدفاعية المدروسة طوال السنوات الماضية، وتفاقمت الآن نتيجة للاستنزاف المستمر بسبب الحرب وتأثير الحصار الاقتصادي والعسكري المفروض علينا اليوم. إننا وبكل وضوح قد طلبنا من مجلس الدفاع الوطني توفير احتياجاتنا العسكرية المطلوبة الآن وليس غداً حتى يمكننا إحداث التفوق العسكري وإعادة التوازن، ومع تقديرنا الكامل لكل الجهود التي بذلتها الحكومة والتحرك النشط الذي قامت به وزارة الدفاع وهيئة القيادة على كافة الاتجاهات، إلا أن ذلك كله لم يحقق النتائج الإيجابية المأمولة والمطلوبة لتوفير كافة احتياجات القوات المسلحة اللازمة للقتال لأنها اصطدمت بواقع مرير سببه السياسات الداخلية والخارجية للدولة.

    13.
    ----
    ***- عند النظر إلى موقف العدو نجد أن قواته اليوم تقارب 40 ألف خارج. دعمه العسكري بلا حدود وخطوط إمداده مفتوحة عبر طرق جيدة من أثيوبيا وكينيا ويوغندا، هذا عدا التشوين الجوي إلى مطارات كبويتا وبوما وكنقر. أما الدعم المادي من المنظمات الطوعية غير الحكومية فهو واضح في ميدان المعركة وفي قدراته في الإنفاق على مكاتبه المنتشرة في معظم الدول وفي تحرك أفراده في الخارج. هنالك الجانب الأكثر خطورة على معنويات شعبنا وقواتنا والمتمثل في توظيف الإعلام العالمي لخدمة أهداف الحركة وشن حرب نفسية لم تتمكن قدرات دولتنا المحدودة من التصدي لها.

    14.
    -----
    ***- إن خلاصة القول في هذا التقييم العسكري، هو أن هنالك مؤشرات واضحة لإمكانية حدوث اختلال في ميزان القوى. إن تجربة قواتنا في مقاومة حركة الخوارج لكبيرة وأن مقاتل الجيش السوداني خير مثال للشجاعة والإقدام والتضحية، إننا لم نهزم مطلقاً بإذن الله، نعم لقد فقدنا بعض المعارك ولكن لن نقبل أبداً أن يسجل التاريخ خسارتنا لهذه الحرب.

    15.
    -----
    ***- استناداً على ما تقدم فإنه من الأهمية بمكان التأكيد بأن ما سيرد من مقترحات وتوصيات يمثل الرأي العام العسكري بعد استقصاءه بواسطة الأجهزة المختصة وبعد التفاكر وإجماع آراء القادة في كل المستويات.

    16.
    -----
    ***- إن وحدة وتماسك القوات المسلحة هدف مقدس لا يقبل المساومة أو المزايدة، وإن القوات المسلحة ذات التوجه القومي المتجرد هي صمام الأمان الوحيد لتماسك ووحدة ومستقبل الوطن.

    17.
    -----
    ***- إننا جميعاً قيادة وقادة وقاعدة منتشرون في كل بقاع السودان يجب أن نؤكد بوضوح لا لبس فيه، أننا مع خيار الشعب السوداني الأصيل في الحفاظ على الديمقراطية كما أكدنا ذلك في السادس من أبريل، وأننا نرفض كل أنواع الدكتاتورية وسنظل أبداً أوفياء لواجبنا المقدس في حفظ وصون وحدة وسيادة الوطن.

    18.
    -----
    ***- إن إدارة الصراع المسلح لا ينفصل أبدا عن إدارة السياسات المتوازنة للدولة، عليه يجب أن تهدف الدولة إلى كسر طوق الحصار الاقتصادي والعسكري المفروض علينا من الغرب والشرق، وذلك بانتهاج سياسات متوازنة تمكننا من كسب احترام العالم لديمقراطيتنا المرشدة، وتمكننا من استقطاب العون الاقتصادي والعون العسكري الذي نحتاج له اليوم.

    19.
    ------
    ***- إن تماسك ووحدة الجبهة الداخلية يتطلب تطبيق توجه قومي بعيداً عن المزايدات السياسية والتناحر والتآمر، وهذا يتطلب في المقام الأول توسيع قاعدة المشاركة في الحكم للخروج من هذا المنعطف الصعب.

    20.
    ----
    ***- إن القوات المسلحة لم تهزم أبداً، ولن تهزم مطلقاً بإذن الله وستستمر في أداء دورها الوطني الرائد في تضحية ونكران ذات، لذلك يجب على الدولة أن تنتهج نهجاً سليماً في سياساتها الداخلية والخارجية بما يمكن القوات المسلحة من أداء مهامها الدستورية.

    21.
    -----
    ***- وفي الختام ليس هنالك أكثر من التأكيد مرة أخرى أننا جميعا أمام مسئولية تاريخية ستسألنا عنها أجيال السودان القادمة، وهي أن نحافظ على أمن ووحدة وتماسك القوات المسلحة، ألا نقبل مطلقاً المزايدة باسمها، وألا نعرضها أبداً للتضحية والخسائر نتيجة لقصور الإمكانيات ولأسباب موضوعية أخرى لا يمكن أبدا أن تسأل عنها القوات المسلحة،

    ***- وعليه ومع تأكيد الولاء لله وللأرض والشعب نرفع لكم هذه المذكرة النابعة من إجماع القوات المسلحة لاتخاذ القرارات اللازمة في ظرف أسبوع من اليوم.

    *بسم الله الرحمن الرحيم* ( إنا عرضنا الأمانة على السموات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا) صدق الله العظيم.

    فريق أول /
    فتحي أحمد علي القائد العام لقوات الشعب المسلحة.
    إعجاب ·
                  

06-30-2018, 05:10 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثورة الإنقاذ والإعجاز -الوطن الغالى (Re: سيف اليزل برعي البدوي)

                  

06-30-2018, 05:21 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثورة الإنقاذ والإعجاز -الوطن الغالى (Re: سيف اليزل برعي البدوي)

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de