# كائناتٌ شَائِعَةٌ في مَضَاِربِ أمْثَالِنَا الشَّعْبِيَّةِ

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-06-2018, 02:50 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-06-2018, 09:31 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 2043

للتواصل معنا

FaceBook
تويتر Twitter
YouTube


# كائناتٌ شَائِعَةٌ في مَضَاِربِ أمْثَالِنَا الشَّعْبِيَّةِ

    09:31 AM June, 12 2018 سودانيز اون لاين
    دفع الله ود الأصيل-
    مكتبتى
    رابط مختصر// مخلوقاتٌ شَائِعَةٌ في مَضَاِربِ أمْثَالِنَا الشَّعْبِيَّةِ//
    Re: # كائناتٌ شَائِعَةٌ في مَضَاِربِ أمْثَالِRe: # كائناتٌ شَائِعَةٌ في مَضَاِربِ أمْثَالِ

    (1)
    ثمة مخلوقات من مملكة الحيوان تبوأت لنفسها مرتقى
    صعباً و وضعاً اجتماعــياً لائقــاً في ذاكرة الحس الشعبي.
    و ربما يعود الفضل في ترويج قصصها و ترسيخها فيالذهنية
    الجمعية إلى الكاتب الناثر/ عبد الله بن المقفع، و الذيتولى جمعها
    و استنساخها من تحفته الموسوعة (كليلة و دمنة) المستوحاة من
    حضارة قدماء الهنود و قام بتعريبها /حتى صارت مضاربَ للأمثال
    السيارة و الرائجة عبر دوائر الأدب المتواتر و المتداول عادةً شفاهياً
    بين شعوب الأرض قاطيةً؛ و القابل أيضاً، للحذف أو الإضافة أو حتى
    الجرح و لترقيع و التعديل ؛ و إن تنوعت مشاربها بمثابة مصادرَ و
    مرجعياتٍ عفويةٍ لاستنباط الدروس و صيد الخواطر و استلهام العبر.

    # و لعل بعضها مقتبس كذلك من كتاب الحيوان للجاحظ. و هي
    مناسبة أيضا لنقف و لو لثواني معدودات مترحمين مراراً و تكراراً
    على روح أديبنا الراحل عن عالمنا مؤخراً الأخ/ سعد الدين إبراهبم
    ؛طيب الله ثراه؛ لما كان له من سهمٍ في تطرقه لبعض
    المحاورذات الصلة، و لو من باب تلاقح
    الأفكار حول هذا المنشور.

    @ و لعله حريٌّ بنا أن نتوخى متعة البدء بأصغر
    عجائب تلك المخلوقات ما أمكن ؛ ثم الأمثل فالأمثل.
    و لله المثل الأعلى ف{ إن الله لا يستحي أن يضرب مثلاً
    ما بعوضة ، فما فوقها}. هذا، علما بأن لكل كائن ما كانحياً
    قصة حياته التي لها أسباب نزولها، التي تستحقالوقوف
    عندت وسوف نوردها في متسع ملائم.

    @ و لكن مراعاة لحرمة رمضان و العيد الجاي،
    كسرنا جمود القاعدة؛ و آثرنا أن نفرعها بمخلوق ذي
    خسوسية خاسة (و لعله يكون أبو الدردوق)!

    ****(((+)))*****
    فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

    (عدل بواسطة دفع الله ود الأصيل on 12-06-2018, 10:44 AM)

                   |Articles |News |مقالات |بيانات

12-06-2018, 11:21 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 2043

للتواصل معنا

FaceBook
تويتر Twitter
YouTube


Re: # كائناتٌ شَائِعَةٌ في مَضَاِربِ أمْثَال (Re: دفع الله ود الأصيل)

    (2)
    @ طبعن البداية مفروض تكون بخروف العيد ،
    البعد الجاي ؛ قصدي عيد المرارة، و اللي لامن يجي
    بتكون المناسبة دي الوحيدة خلال السنة اللي نحنن ناس
    قريعتي راحت ديل ممكن نضوق لينا فيها نشتة مرارة عشان
    بعداك يرجع (هؤلاء) للانغماس في حلاوة الطراوة ويلا يفكونا
    ليك نحنا عكس الهوى نواصل مع مغايس(المراير) والحناضل .
    و لكن الشهد ، إنو بحسب دايناميكا منطق الأشياء، لقينا إنو الأولية
    لأبو الدردوق دا غير إنو هنالك كذا عامل بديهي، اقتصادي و خلافه
    لتقف حائلةً دون إقدامنا على مجازفة ذبح كبشٍ أقرنَ أملحَ للأضحية.

    # و هو بالله أول شيء ، هسي دا حال زولن بضحي .
    و الكلام طبعن ليك ، إنت يا أيها القارئ المشتح (إضنيك)
    اللهم علا نزمي بالنا لبتاعينن السعودية الجاييننا مكشوشين
    قريب ديل ، و لسة فيهم دعكة طراوة إن شاء (نقرض رغيف
    خُبْزِنا على رأئحة شوائهم) ياخ يا حليل أيام الزمن الجميل.
    كانو عادي بتدفروهن لينا سواكنيات يفكوهن لينا من جدة
    و براهن يجننا عايمات كاطعات ليك بحر المالح بي
    سدورن ســـــاه. (نظام عرف الخير أهله ليتقدم )
                   |Articles |News |مقالات |بيانات

12-06-2018, 11:43 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 2043

للتواصل معنا

FaceBook
تويتر Twitter
YouTube


Re: # كائناتٌ شَائِعَةٌ في مَضَاِربِ أمْثَال (Re: دفع الله ود الأصيل)

    (3)
    // عرس أبو الدرداق للقمرة//

    أبو الدرداق حشرةٌ حقيرةٌ هائمةٌ على وجهها بالكوش و البلاليع.
    ذات غفوة أخد تعسيلة مفترشا قشرة موزة ؛ و ملتحفا قبة السماء،
    ترعان و خالف كراع فوق كراع و يكتح كاس وراء كاس من موية
    المجاري المخمرة لحدت ما طشم وقف لمبة. يلا بقى يشوف ليك
    الجعرانةغزالة ، و أبو الدنان هيلكوبتر. قعد يهضرب.

    @ و فى عز المزاج فجأة ً كدا عينو تقع في مخلوقة حسناء
    لامن قايلة بس و سماحة ترمي في الشوك . يلا أخينا دا راح
    عاشقا ليك من أول نظرة ؛ و أحب ناقتها بعيره . مسكتو ليك أم
    هلَّا هلَّا و كب جرس صاح لامن غلت. ولا قعد يتودد و يكسر تلج
    لحدت ما نقش ليك اسما القمرة و ست السنسنة الحمراء ؛ و بقى مساقد
    الليالي يبحلق فيها و يتأمل فى {وشها الصبوح و منور}. و يلا فضل
    مِتَّلحا عامل وجع وش؛ لحد ما كرها الطلة المسخت خلق الله.

    @ ففيوم قررت( تشوكشو) رسلتلو؛ ركب ليها تاكسي الغرام
    هوى و قام جاييها فللي يسابق فبي الربح . و بالجد صاحبنا ما
    مصدق ظاتو يخاطبامشافهة و كفاحاً : قال : قالت ليهو تعال
    قال : كبرت كراعو من الفرحنص فى اللرض نص فى النعال
    "اتلخبت الشوق بالزعل اتحاوروا الخوف
    و الكــلام راح لي سمبهـــار!!

                   |Articles |News |مقالات |بيانات

12-06-2018, 12:07 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 2043

للتواصل معنا

FaceBook
تويتر Twitter
YouTube


Re: # كائناتٌ شَائِعَةٌ في مَضَاِربِ أمْثَال (Re: دفع الله ود الأصيل)

    (4)
    @ في الحقيقة ، القمرة رافعة القزاز حبتين،
    فما حبت تضيع زمنا مع واحدن هلفوت، كدا من قولة تيت نادتو:
    - فقاتللو بي غنج شديد : شوف يا دردوقتى أنا موافقة نعقد قرانا سوا؛
    بس أنا عندى ليك شرطن فرد ويحيد . صاحبنا اتنفخ وقال ليها "انتى تأمري
    يا ست الحسن و الجمال ، إهيــي و نحنـا في ديك الساعـة؟! ياخي لو دايرانى
    اجيب ليك كاس العالم مليان لبن طير بجيبو. و بضحكة دلع غبشا كدا،القمره
    قالت ليهو: دردقوتى إتة كمان ما تبالغ؛خليك من( تقيل المحلبية) دى القاعدين
    يسقوق لي ناس القرمبع و القراد ديل .أنا شرطى الوحيد انك تنضف ليا كل
    الواطة دى تخليها بس صالة للأفراح و ليالينا الملاح جاهزة لساعة
    صفر ليوم دخلتنا.

    # و يلا، و من اليوم داك صاحبنا أبو الدرداق بقى عاد
    ماعندو شٌغٌل و لا مشغلتن يقضاها غير بس يدردم في
    كميات من فضلات البشر و البقر و الحشر عاد المي خمج
    يلملم فيها من طٌُرُقات الدنيا ومستراحات الكرة الأرضية
    بأسريه ؛ ويلا يقعد يستعدل ليك فيها يدردق فيها ور
    ا ورا وقدام و قدام ي لحد ماظاطو حيلو. انهد.

    # و القمرة طبعن ساخرة من صاحبنا طول عمرو
    مسوي الدروب ساساقة؛ يودي و و يجيب فى (الخريات).
    ترا شغل الحاري ولا اامتعشي، يمني النفس بالفوز بشغاف
    قلب(الأمورة) "كوكب منزه في علاه".جطيب يا سادة يا كرام ،
    واحنا حكينا القصة دى عارفين ليه؟!طبعن.عشان نوري
    بي بساطة شديدة: إنو { يا ما في الحبس دراديق}

    (عدل بواسطة دفع الله ود الأصيل on 12-06-2018, 12:09 PM)

                   |Articles |News |مقالات |بيانات

14-06-2018, 02:46 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 2043

للتواصل معنا

FaceBook
تويتر Twitter
YouTube


Re: # كائناتٌ شَائِعَةٌ في مَضَاِربِ أمْثَال (Re: دفع الله ود الأصيل)

    (5)
    *****************
    أبو الدرداق للأسف جندي مجهول الهوية،
    بدون ذكرى و لدون ميلاد. شأن غيره من
    المجاهيل و الدراديق في الأرض، و هم كثر،
    في صفوف {الغبش أبان مسوحن موية}.

    @ ثم معروف إنو الحب العذري عقيم بحيث
    لا ينجب أطفالاً، منذ عهود معتوه ليلى و قيس
    لبنى ، و مرورا بابن الملوح ؛ و حتى محلق تاجوج .
    فكلها عذريات رهبانية كانت مشرطة فواتير حاجات
    اسمها زي ناس/بامبرز و حليب أطفال والذي منو.

    @ طبعن، دا بخلاف عشق أبو الدرداق هنا
    لستنا القمرة ، دا بالذات يعد إيجابياً إلى النخاع .
    ياخ ، يكفي إنو لاحس لينا ضهر كوكبنا المختطف
    دا من تلال {العفونيـــات} المتحركة حيثما كنا.

    تخريمة بسيطة ن مع تكية خط:
    @ و طبعن سامعين بلبنان الشقيق كان
    داخل منذ زمن في أزمة سياسية بسبب تراكم
    القاذورات. فمن هنا يبرز سوعال ليطرح نفسو
    بإلحاح شديد: فيا ربي بس الحكاية دي من شنو،
    فيا إمتن يكون ناس {تؤبرني} ديل ما عندهم
    {أبو الدرداقات}؛ و يا إمتن كمان نكون نحنا
    ماسكانا جضمارة {يابوسة} مزمنة، و ما
    عندنا أيتها {فضلات} نرميها نفايات؟!
    راجين الجواب بعد الفاصل و نواصل.
    <<<<ود الأصيل>>>>>
                   |Articles |News |مقالات |بيانات

24-06-2018, 09:55 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 2043

للتواصل معنا

FaceBook
تويتر Twitter
YouTube


Re: # كائناتٌ شَائِعَةٌ في مَضَاِربِ أمْثَال (Re: دفع الله ود الأصيل)

    *******(6)*********
    واحد أخونا بسألني :
    قلت لي القمرا غرودت عيوناتا لي دردوقي رقدتو خل

    ***(((+)))***
    ® قلنالو: خل و طرشي عديييل بس ي الحبيب/ عبودي،
    بل هناك ملاحظةٌ أهم: إنو دردوقتي دا طلع فناناً شاملاً ،
    و من بين مواهبه المتعددة ، أنه نحاتٌ بارعٌ من الطراز الأول.
    و يتمتع بعبقريةٍخلَّاقةٍ و ذات رؤيةٍ رمزيةٍ سيرياليةٍ {فائقة الواقعية} .

    © فهو عادةً ما تلقاه منطلقاً بسيقانة الرفيعة
    (حركة ورا) ، ليشكل لنامن شتات تلك { الفتافيت المتعفنة}،
    تحفةً فنيةً دائريةً متكورةً على هيئة ربما تشابه وجه محبوبته
    الخالق الناظر، أو ممكن نصلحا شوية نقول (أخاً تُفْ).تذكرني
    أغنية لمحمود تاور بنقول: { ا لشمش غابت ، وينو القمر طيب؟!! }؛
    و لكأنه يضاهي بصنعته{إزميــــــل فديــــاس و روحــــاً عبقريةً}

    @ حتى ليذكرني بذاك الشاعر الأموي أو لعله
    عباسي شديد خصوبة الخيال، حين يقول: "إن أنس
    ما أنسى خبازاً مررتُ به يحو الرقاقة وشك اللمح بالبصرِ
    فكأن ما بين رؤيتها في كَفِّه كرةً .. ثم رؤيتها قوراءَ كالقمرِ
    إلا بمقدار ما تنداح دائرةٌ في لجة الماء يُلْقَى فيه بالحجرِ.

    *****ود الأصيل ******

    (عدل بواسطة دفع الله ود الأصيل on 24-06-2018, 10:15 AM)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de