|
|
|
 Re: ارتفاع هدوم العيد (Re: عبدالحفيظ ابوسن)
|
أخي ود أبو سن
تحياتي
لا حولا ولا قوة الا بالله
ديل جعلوا حياة البسطاء مستحيلة
بكل الاحساس بالالم التعاطف مع أهلنا رقيقي الحال
سيدي لهم أجمعين رب اسمه الكريم العادل الرزاق
مع ودي
| |
  
|
|
|
|
|
|
|
|
Re: ارتفاع هدوم العيد (Re: عبدالحفيظ ابوسن)
|
حسب تقديري وكحد ادني مليون للطفل ، عشان تشتري ليهو لبسة وحذاء ولبسة داخلية
الاسر ماهم لها سوى الحديث عن غلاء ملابس العيد
امس كان بتكلم معاي استاذ قال لي
قلت اشتري للولد قميص ابيض ينفع للعيد والمدرسة البعد العيد وشنطة
لقيت القميص بي 250 والشنطة بي 400 وصرفت نظر
... اها وبتعمل شنو ؟
... والله ما عارف!
وهو ليس استثناء
| |
|
|
|
|
|
|
|
|
|
Re: ارتفاع هدوم العيد (Re: عبدالحفيظ ابوسن)
|
ناس كوستى كل واحد يقلع ليهو قروش من الارزقية اللافين عندكم من مكتب مسئول لى مكتب مسئول جلاليب وعمم
عمدة ومجلس تشريعى واليوم كلو قلع وتصاديق اقلعوهم زى ما قلعوا حقكم السنين الفاتت
| |
|
|
|
|
|
|
|
|
|
Re: ارتفاع هدوم العيد (Re: Khalid Abbas)
|
زمان يا معاوية كنا نشتري القماش من حسن الجاك المنصوري . تيرفيرا ولا كرمبلين ولا بولستر تقيل . والخياط عمنا معاذ عليه الرحمة . مقسمين الشغل معاذ للقمصان وزهير للبناطلين . مات معاذ وظل زهيرا وحده يخيط القمصان والبناطلين ويقضي جل وقته ونسه مع زائريه من اولاد المرابيع . ولا عبدالله احمد الترزي الحديث او يوسف المقص السحري
وجا الجاهز ارخص واجود قماشا وتفصيلة وموضة . شئ جنز وشئ جنز وما جنز ماركات كولسون ومارشال
ما بتذكر مشيت لي خياط من سنة كم
يا معاوية العجلة لو طولت منها بتسوقها لكن بغلبك تقوم بيها سداري ولا تركب او تدلا منها وهي جارية
بتفقد مهارتك
تلك الانامل فقدت قدرتها علي الابداع
| |
|
|
|
|
|
|
|
|
|
Re: ارتفاع هدوم العيد (Re: عبدالحفيظ ابوسن)
|
تعرف خالد حكي لينا مولانا شيخ الريح محمد الطيب اطال الله ايامه . وكنا في الثانوي العام بالاهلية
في غير هذا الزمان
قال مرة وهو في سوق الفاكهة بكوستي . واحد اشتري فواكه ومد لي بتاع الفواكه ورقة ام عشرين ج . وكانت عشرين يعني عشرين وجنيه جد جد
قال لينا وهو يدرسنا عربي ودين
قال جا واحد فجأة خطف منو العشرين ، زول نضيف ولابس كويس وشكلو موظف
ختفها منو قبل تصل لسيد الفاكهة وقال ليهو
نحن مالاقين ناكل وانت تاكلو في المنقة والبرتكان
فما كان من المشتري الا ان اخرج عشرين غيرها ولم يعلق
هسة ما بنقدر نختف منهم لأنهم ما بتدلو من عربيتهم زاتو
| |
|
|
|
|
|
|
|
|
|
Re: ارتفاع هدوم العيد (Re: أحمد الشايقي)
|
صدقو يا جبره
هو الما زاد شنو !؟
كيس الشعيرية بي 15 ألف وكيس الدقيق واحد كيلو بي 20 ألف
كيلو اللحمة شرموط بي 180 ألف
كدة فطور العيد زاتو راح
اهم شئ غايتو في كوستي كان
لازم اول يوم في العيد تشرب شاي اللبن بي بسكويت صناعة بيتية
والفطور ملاح شرموط وشعيرية
الناس ديل حاكينها معانا حكة شديدة للجير
يشيلوك الهم في مواسم الفرح ، الفرح البقينا بنسرقو سرقة بس
تسعي جاهدا لاسعاد اطفالك وتلبية المعقول من رغباتهم
| |
|
|
|
|
|
|
|
|
|
Re: ارتفاع هدوم العيد (Re: عبدالحفيظ ابوسن)
|
تصدق يا الشايقي لازلنا بخير
آي والله
نرفض ان نموت
نحن عشاق الحياة لن نفقد الامل مطلقا في واقع اجمل وافضل
يوم العيد بنلبس اجمل ماعندنا ، وبنتعطر ونسوق اطفالنا وهم فرحين جزلين ونحن زاتنا فرحانين ، بنمشي صلاة العيد ونجي راجعين نلف بيوت الحلة بيت بيت . نسلم في الطرقات علي من نعرف ولا نعرف
الناس كلها فرحانة وننسي الهموم وننسي الحكومة زاتنا
لن يقتلو شهوة الحياة داخلنا يا صاحب
| |
|
|
|
|
|
|
|
|
|
Re: ارتفاع هدوم العيد (Re: Amira Hussien)
|
سلامات يا ود أبو سن وكل سنة وانت طيب
مشكلتنا كسودانيين أنو كل شيء عندنا بالموسم
الطماطم بتظهر في موسم، والمنقة بالموسم
واللحمة بناكلها في الموسم ، والهدوم بنشتريها في الموسم ،
والمشكلة الأكبر أنه موسمنا مشترك ، يعني كل الشعب بموسم سوا
ويمشي الشغل من الصباح سوا ، ويطلع من نفس الشارع سوا
عشان كده بتجد ندره في أغلب حاجات وغلاء حاجات وقت الموسم
عشان كده بوصي الشعب يشتري هدوم العيد بعد العيد
وبوصي الحكومة تخلي الشعب يعيد يوم العيد
| |
|
|
|
|
|
|
|
|
|
Re: ارتفاع هدوم العيد (Re: عمر التاج)
|
عشان كدة يا ابوالريش زمان خلينا الخياطة وقلبنا جاهز
هسة الخياطة بتخليك تقدر تكلفتك من خلال القماش . تشتري قماش ارخص
مثلا بنطلون الولد بي 500 ج . تشتري متر ربع قول المتر مية وخياطة مية ولا مية وخمسين
| |
|
|
|
|
|
|
| |
عبدالحفيظ ابوسن
زهير عثمان حمد
معاوية الزبير
Abureesh
محمد جبره
أحمد الشايقي
Amira Hussien
عمر التاج
تماضر الطاهر
Hafiz Bashir
فيس بوك
تويتر
انستقرام
يوتيوب
بنتيريست