|
|
|
 Re: ماذا لو استولى حميدتي على الحكم؟ (Re: nazar hussien)
|
هو الآن في الموقف الأقوى يقدر بيتز ( عمك ) و يرهبه بقواته دي و ياخد منو العاوزو، أو على الأقل يخليهو ينهب زي ما عاوز.
و حرامي قلع من حرامي
لو استلمها حا يلقاها خاوية على عروشها، و هو عارف كده ، فما حا يغامر يعملها.
| |
 
|
|
|
|
|
|
|
|
Re: ماذا لو استولى حميدتي على الحكم؟ (Re: أيمن محمود)
|
يا أيمن .. غايتو بوست كمين
لكن في ذمتك هي فارقة شنو كان استلمها حميدتي ولا غيره ... هي البلد في رويحتها راحت
البنات متشكلات في عريس .. العريس اصيب في حادث وفقد اهم اعضاءه للزواج
اها تاني البتدورو منو ؟ !
وشوش خدرا مدردقة
| |
|
|
|
|
|
|
|
|
|
Re: ماذا لو استولى حميدتي على الحكم؟ (Re: Osama Mohammed)
|
تحياتي ايمن ...
كتبت المداخله السمينه دي في بوست دابة
الارض وما جابت اي دخل ولافي زول هببو
لي قنا نجرب عندك بي هنا ...
1 :- الجيش والامن الوطني والدعم السريع
هم الداعم الاساسي للبشير ... لا تقول لي
حركة اسلامية ولا مؤتمر وطني ولا كيزان
ولا بطيخ ... اكتر من 75% من ميزانية البلد
بتمشي للجماعة ديل وما من الساهل يتخلو
عن (مصلحة) زي دي ... يبقي العايز ينهي
حكم البشير لازم يخترق هذه الجهات ...
وما تفتكر هذه الجهات نايمه في العسل
وانما تعمل ليل نهار في تامين النظام او
بالاحري تامين مصالحها .... وما تسمع كلام
في عدم تناغم بين هذه القوي ... المصلحة
هي التي تجبرك علي التناغم.
2 :- البيقول النظام حا ينهار وتاكلو الدودة
ولا النمل ما اظن ملم بتفاصيل قوة هذا النظام ...
3 :- النظام تخلي تماما" عن الايدلوجيا ولم يعد
يعنمد علي (هي لله) والدليل الان يجري تغيير
كل القيادات الادارية الكيزانية في الولايات بي
كبار قيادات الجيش والامن وبصفة خاصة
المعتمدين والوزراء الولايين وفي مرحلة صارت
قريبة جدا" سوف يتولي ضباط من الجيش
(في الخدمة او متقاعدين) امر الحكومة الاتحادية
زات نفسها وتنصيب البشير لامن يموت ...
وسوف يصطف الاسلاميين والكيزان مع الخطيب
والدقير وبقية المناضلين لمنافحة العسكر ....
تحياتي ....
| |
|
|
|
|
|
|
|
|
|
Re: ماذا لو استولى حميدتي على الحكم؟ (Re: صبري طه)
|
قوات الدعم السريع او الجنجويد ... من هم؟
من الذي انشاها ولماذا ... بالتاكيد انشاها الجيش
بالتعاون مع محمد عطا (الامن الوطني) .... ولماذا
كونت؟ ... لتقوم بحماية القبايل العربية التي تم
التهجم عليها والتنكيل بالاطفال والنساء والشيوخ
في قراهم وبواديهم من قبل الزغاوه او القبايل
الافريقية او مليشيات الشيوعين محمد نور ومني
اركو والاسلامي خليل ابراهيم ...
طيب هل يعقل ان يتم تكوين قوة مسلحة بواسطة
الجيش السوداني لتصبح اقوي منه ... نعم الدعم
السريع قام بمهام كثيرة ساعدت الجيش السوداني
في تحجيم التمرد في دارفور وجنوب كردفان
والنيل الازرق ... بس مش ممكن انشيء وادعم
قوة لاجعلها اقوي من الجيش زاتو ... قادة الجيش
يعلمون مدي قوة الدعم السريع ولو احسو بي اي
خطورة من جانبهم ولو بي نسبة 1% لتم ردعها
والاطاحه بها وارجاعهم الي من حيث اتو ...
وهذا هو منطق الاشياء ... يبقي المتكل علي
حميدتي كفارس للتغيير وبيده الاطاحه بالحيكومه
اليقوم يضري عيشو ويبقي لاحق السوق ...
ما ذكرته انفا" هو الذي يجعل هذه الثلاث قوي
(الجيش والامن والدعم السريع) متماسكه
ومتحده خلف البشير ...
ههههه
بقيت زي استاذنا كمال في اجترار المداخلات
بين البوستات ... الله يستر من المتريه ...
| |
|
|
|
|
|
|
|
|
|
Re: ماذا لو استولى حميدتي على الحكم؟ (Re: Salah Zubeir)
|
التحية للجميع ...
حاربهم الله .
ما ذكرته انفا" هو الذي يجعل هذه الثلاث قوي (الجيش والامن والدعم السريع) متماسكه ومتحده خلف البشير ...
اللهم ارينا فيهم قوتك وعزيز قدرتك انهم هم
المفسدين الظالمين القتلة المجرمين ... اللهم
نشكوهم اليك وفوضنا امرنا فيهم عليك انهم
لا يعجزونك ارينا فيهم كما رايتنا في قذافي
وعلي عبد الله صالح وجميع الطغاة .... انهم
لايعجزونك .
امين .
| |
|
|
|
|
|
|
|
|
|
Re: ماذا لو استولى حميدتي على الحكم؟ (Re: kamal omer)
|
Quote: هو الآن في الموقف الأقوى يقدر بيتز ( عمك ) و يرهبه بقواته دي و ياخد منو العاوزو، أو على الأقل يخليهو ينهب زي ما عاوز.
و حرامي قلع من حرامي |
يا كمال عمك البدفع المصاريف لما يوقف المصاريف ببقى ما ليهو داعي .. بفكرو يشلو مصاريفهم بيدهم
| |
|
|
|
|
|
|
|
|
Re: ماذا لو استولى حميدتي على الحكم؟ (Re: محمد البشرى الخضر)
|
| Quote: ديل ما ناس استيلاء على سلطة ولا عندهم ليها طولة بال, حدّهم ينهبوا البنوك يقلعوا مرتباتهم أو يستولوا على مطبعة العملة و يلخوّا لخ جد بعد داك |
والله يا ود البشرى التاريخ بقول انو في ميليشيات عشوائية سيطرت على دول وحكمت (خاصة في افريقيا) بحاول اتذكر ليك دول محددة!
| |
|
|
|
|
|
|
|
|
|
Re: ماذا لو استولى حميدتي على الحكم؟ (Re: Deng)
|
ايمن كيفك
أولاً قوات الدعم السريع مشاة فقط
وليس لها اي سلاح استراتيجي يستطيع ان يهزم الجيش السوداني
ثانياً قوات الدعم السريع ليس لها العدد الذي ذكرت في اول البوست
ثالثاً قوات الدعم السريع ليس لها اي وجود في اي مدينة ( قوات ومعسكرات )
الا في ولايات دارفور وفي أماكن محددة لهم التحرك فيها بامر ألجيش
رابعاً عند التحرك الي ولاية يكون وفق خط سير محدد مع التنسيق مع الجيش
| |
|
|
|
|
|
|
|
|
 Re: ماذا لو استولى حميدتي على الحكم؟ (Re: محمد المسلمي)
|
Quote: ايمن كيفك
أولاً قوات الدعم السريع مشاة فقط
وليس لها اي سلاح استراتيجي يستطيع ان يهزم الجيش السوداني
ثانياً قوات الدعم السريع ليس لها العدد الذي ذكرت في اول البوست
ثالثاً قوات الدعم السريع ليس لها اي وجود في اي مدينة ( قوات ومعسكرات )
الا في ولايات دارفور وفي أماكن محددة لهم التحرك فيها بامر ألجيش
رابعاً عند التحرك الي ولاية يكون وفق خط سير محدد مع التنسيق مع الجيش |
محمد المسلمي
قوات خليل كان ممكن تستولي على الحكم صحيح؟
| |
|
|
|
|
|
|
| |
أيمن محمود
محمد البشرى الخضر
nazar hussien
kamal omer
Asim Fageary
احمد حمودى
الطيب رحمه قريمان
Osama Mohammed
Salah Zubeir
مني عمسيب
محمد بدرالدين
Deng
محمد المسلمي
فيس بوك
تويتر
انستقرام
يوتيوب
بنتيريست