|
|
|
 Re: في عز الليل...ساعة النسمة...أنا مسافر...يا ها (Re: Kostawi)
|
الأخ كوستاوي صاحب الابداعات
تحياتي
برضه أغنية في عز الليل دي ذكرتني واحد صاحبي الروح بالروح الله يطراه بالخير…هو ما عنده قضية بالأغاني…
و هو زول خفيف دم و ظريف و البنات كانوا بريدوه…لكن هو ما كان شغال بيهم ..طبيعة يعني مش قرضمة…
لكن حكاية صحبة البنات و الخلط و مباراة البنات دي ما كان شغال بيها…
فجأة أوقعت به إحدى بنات حواء …فبقى يساهر و يحسب النجوم… و فجأة لقيته ليك حافظ أغنية في عز الليل صم…
• ده شنو يا فلان؟
• و الله اتاري الكابلي ده غنّاي خلاص…
• يادوب سمعت بيه و الا شنو؟؟
و هكذا مرت أيام قليلة …و البت غيّرت رأيها دون أسباب واضحة…هي في الحقيقة من النوع الوسواس ..البغيّر رأيه في الدقيقة تلاتة مرات…
تركت في نفسه جرحا غائرا و تزوج بأخرى( هو ما بتاع لعب) بتاع أمسك لي و أقطع ليك..
هل تصدق جات بعد أن تزوجت و أنجبت و قابلتني تتحسر على أن لم ترتبط بذلك الصديق؟؟
طولت عليكم لكن معليش اصله الأغنية بتاعة بوح و ذكريات و همس و مناجاة و نغم..
| |
 
|
|
|
|
|
|
|
|
Re: في عز الليل...ساعة النسمة...أنا مسافر...يا ها (Re: Kostawi)
|
سلامات للجميع
لما كابلي يغني (كيف يهون عندك خصامي) أحس إنو بيغنيها لي براي أو أنا القاعد أغني فيها
سنى 94 سكنت جنوب الخرطوم في منطقة عمران جديدة ما وصلتها خطوط الكهرباء لسه
كان مفروض علي مشوار زي 3 كيلو كل يوم بالليل
وقتها ما كان في موبايلات وكان عندي هدفون فيه شريط كابلي كنت بسمع كيف يهون بس وأنا ماشي وأنا راجع
ومن كترة جر الشريط كنت بستهلك حجارة بطارية كتيرة جداً مع قلة الموارد المالية وقتها لكن عافي ليك يا كابلي
| |
|
|
|
|
|
|
| |
Kostawi
محمد المرتضى حامد
محمد عبد الله الحسين
Fadl Karrar
فيس بوك
تويتر
انستقرام
يوتيوب
بنتيريست