|
Re: بهدوء الوالي لا يستقبل النساء (Re: عبدالحفيظ ابوسن)
|
قراءة موازية قالوا سيدنا عمر بن الخطاب أعطي واحد فقير كيس نقود من بيت المال . طبعا الكيس من القماش زي كيس المخدة كدة . وبكون خشمو مربوط بي خيط ولا حبل عشان القروش ما تنبهل .. اهلنا بسموهو بلغة سودانية وكاي .. وفصيح الكلمة وكاء . دايما بطلق علي القربة او الخورج المهم قال ليهو شيل كيس النقود داك فسأله السائل اشيلو بي وكايو فرد سيدنا عمر الذكي الحصيف بعيد النظر بل دع المال !! اها القصة ما منقولة لكن محكية بلغة سودانية في علاقة وطيدة
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
Quote: متحججاً بأنه لا يقابل ولا يستقبل نساء في منزله. |
وحتي مطران الكنيسة القبطية لايقابل اي نساء في منزله مهم كان السبب ...وسمعت ان السيد الحسيب النسيب ابوهاشم زاته سيد الحزب والرصة لا يصافح النساء ولايستقبلهم في منزله'
----- ود ابوسن سلامات
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
في العمل في حاجة اسمها التوصيف الوظيفي job description وفق لنوع الوظيفة والوظايف فيها ادراية وخدمية وكدة وفي واحدات عندهن حساسية عالية واهمية قصوي في خدمات عندها زمن بتبدا وتنتهي فيهو وواحدات ماعندهن زمن شغالات 24 ساعة اقصد الوظيفة
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
في وظايف مدنية وعسكرية مافيها انقطاع . 24 ساعة الاطباء والممرضين بشتغلوا ورديات العساكر السادين خدمة حراسة معظم القطاعات الخدمية زي الكهرباء مثلا بشتغلو 24 ساعة خدمات الاتصالات وفي وظايف فيها طلب استدعاء call allowance يعني يضربو ليك وانت ملزم تجي من بيتكم
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
يعني الوظيفة توصيفها مربوط بحوجة الناس ليها . حوجة الناس بتحدد زمن الوظيفة عندك رخصة ما طلعتها لغاية 2ظ تجي بكرة مافي استعجال لكن حصل ليك عطل كهربا تضرب يجو يصلحو ولا مرضت في اي زمن تمشي المستشفي وهكذا وديل للخدمات الملحة المفروض تتعمل في وقتها طيب دي وظيفة مدنية عندها هيلكل وظيفي وترقيات وكدة في وظايف ماعندها هيكل وظيفي ولا ترقيات زي الوالي والمعتمد والوزير والرئيس
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
الوالي والمعتمد وظايف ذات طبيعة مختلفة ديل حكام حكام في السودان يعني ممكن يصدر امر واجب التنفيذ .. او يلغي امر بيدهم مصاير الناس والناس شغالة 24 ساعة وبرضو الوظايف دي في السودان بتسكن في بيت الحكومة وعندهم ميزانية ضيافة .. ضيافة دي من ضيف وعندهم طباخ تدفع ماهيتو الحكومة وطاقم عمل منزلي تدفعه الحكومة عشان شنو؟ عشان يتفرغ للمواطنين وبيتو اسمو بيت الوالي ما بيت فلان لأنو لو شالو بجي والي غيرو بسكن فيهو
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
الوالي حاكم للولاية الولاية دي مسؤول من كل ناسها ضكور واناتي لامن يقول ما بستقبل نساء داير يوصل رسالة دينية محددة . مع انو بستقبل رجال طيب لو قال ما بستقبل مواطن في بيتو عندنا معاهو كلام مع انها افضل من حكاية ما بستقبل نساء بعدينك هن ما جاياتنك عشان انت فلان جايات للمسمي الوظيفي وما جايات للضيافة مع انك عندك بند ضيافة وما جاياك مرة واحدة جاياكم كورجة
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
والله يا ود ابو سن اذا كان الوالي ده بيستقبل رجال في بيته ويستمع لشكاويهم ويحل مشاكلهم ويرفض يستقبل نساء فعندك حق في كلامك ...وما مفروض يكون والي ...ممكن يكون وزير الأوقاف والشؤون الدينية ويقول انا ما يستقبل نساء ولا يسلم عليهن واذا عاوزات فتوى دينية فمن وراء حجاب ...اما الوالي فلا يجب عليه أن يفرز بين الرجال والنساء وخاصة وان معظم مشاكل ولاية الخرطوم تختص بالنساء المظلومات ظلم الحسن والحسين...جيبو لينا والي يحل مشاكل النساء أولا ومن ثم الرجال ...
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
لا يا شيخ العرب. فى حالات محددة جدا. مثل الحالات الطارئة التى لا تحتمل التاخير. يعنى لو سكان القرية عرفوا للتو بتحرك جرافات الولاية ولكنها لم تصلهم بعد.. او حالات انفلات امنى جارية.. او شئ من هذا القبيل. ولكن لا تشمل تكوين وفد ليشتكى من موضوع ظلم وقع على قرية مما يمكن ان يتم بصورة افضل فى مكتبه.. وهى كمسؤولة حكومية اكيد لن تجد مشكلة فى مقابلته فى مكتبه. بأمانة حين قرات العنوان قلت الوالى بقى وهابى
| |
|
|
|
|
|
|
Re: بهدوء الوالي لا يستقبل النساء (Re: Mirghani Taitawi)
|
كويس يا ابوالريش اهو وقت اقتنعت بالاضطرار وشكرا تيتاوي للاشارة للاضطرار واضيف ليك بأشارة لما ذكرته عاليه للوالي ميزانية ضيافة يومية وطباخ وغيرو لأنو عارفين الناس بتصل الحاكم في بيتو في السودان في صعوبة احيانا في مقابلة الولاة . ما هاجسين في مكاتبهم ..شي اجتماعات ولقاءات سياسة ولف في الولاية . يعني مامتوفر في مكتبو طوالي زي اي موظف . وشغلو ما بقوم بيهو غيرو وكل السلطات متركزة في يدو ! مالو ما يمشو ليهو في بيتو!!؟؟
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
يا امتثال قال لا اقابل النساء يعني فرزن ممكن يقابل الرجال يا مسلمي مافي زول قال ليهو صافحهن . ممكن ما يصافح لكن يقابلهن . وفعلا هو بقابل النساء في المكتب وغير المكتب اشارة لا اقابل النساء في منزلي غير مريحة في نظري وتصريح غير موقف ويامسلمي دي ماوظيفة دينية .. دي وظيفة دنيوية . اذا تعارضت مع اعتقاده فليدعها لغيره
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
الوالي فارغ وماعنده موضوع ولا شغله .. كان يتحجج بانه لايقبل نقل العمل للبيت .. لانه مكان سكنه وراحته .. حكاية مابيقابل ومابيصافح والحركات دي .. خلاص اوانها بالنسبة ليهو وليها راح وانتهى .. عبد الرحيم ذاااتو بقى من القواعد .. خخخخخ .. الجوز طاعنين في السن .. البيسمع كلامه ده يقول خلاص لسه فيهم شرايه ..
| |
|
|
|
|
|
|
Re: بهدوء الوالي لا يستقبل النساء (Re: جمال ود القوز)
|
يا ود القوز دة تهرب من المسؤولية شوف حول الموضوع من عجز عن حل مشاكل الناس لي حكاية لا استقبل النساء في منزلي مالن النسوان مابتستقبلن في بيتك ؟ الاشارة لي شنو ؟ ماياهون دة بنستقبل النساء في دارنا معززات مكرمات دون اي اشارة ريبة وظيفتو دي ماها وظيفة راتبها بسيط ولا مخصصاتا بسيطة . ولا سلطاتا بسيطة لأنها يفترض ان تكون كدة ان تكون تحت الخدمة في اي وقت واي مكان مامكن تعتبر وظيفتك دي زي اي وظيفة مدنية تانية . وتقول وقت راحتي وزمن بيتي من ينبري لها يجب ان يكون مستعدا لها ولا يفرق في تعامله بين النساء والرجال
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
ابوسن سلام اصلا ما مفروض المواطن يضطر يمشي لي مسؤل في بيته دة لو المسؤل شايف شغله الوالي و الرئيس والوزير دي وظايف عادية زيها وزي الباقيات، مفروض يكون عندها ساعات عمل رسمية لو حسبت انجاز اي مسؤول في اليوم ما حيكون اكتر من شغل التمانية ساعات شغالين شنو يعني؟ الدكاترة وناس الكهرباء الشغالين بالليل ديل بكونو مرتاحين الصباح
| |
|
|
|
|
|
|
Re: بهدوء الوالي لا يستقبل النساء (Re: حسن حماد محمد)
|
صحي يا الفاضل لو كان بعدينك قول جوك في البيت شنو يعني المشكلة ؟ وحتي لو كان في سيستم الوالي زاتو مافي زول بجيهو في مكتب ولا بيت الولاة مكدسين السلطات في يدهم لو داير تتوظف الوالي لو مضي ليك بوظفوك لو داير تصديق لو داير قطعة لو داير ترفع مظلمة عنك لو ولو بس يمضي ليك
| |
|
|
|
|
|
|
Re: بهدوء الوالي لا يستقبل النساء (Re: عبدالحفيظ ابوسن)
|
صحي يا حسن عيب والله كدى اسمع جبار الكسور البنقزو فيها ويرقصو ده في الظلام كباس ده البفزع قبل يبكوا و يضيقوا الناس يا جبار الكسور ميزان الذهب يا اب كفةً راحجة ابواب مسكنك ليل و النهار فاتحة جبار الكسور يا اسد الظلام يا اب ولدةً ناحجة صقر الخلا عينيك سلاح جارحة البموت في ايديك ما بيقروا لي الفاتحة جبار الكسور الدود النتر صحي المرافعين خوف ده محشم قبيلتو البستر المكشوف ان شافك عدوك يرجف يغلبوا الشوف النار في الجسم و الطعنة جوة الجوف عشاي الجماعة يا مشبع الملهوف يا جبار الكسور ميزان الدهب يا الغالي وزنو تقيل يا اب صدراً ركيزة تب ما بغلبوا الشيل ده الدابي البسم العاتي زي السيل ستار العيوب حاشاهو ما قويل وقت الناس تضيق يلفاها هجعة ليل
| |
|
|
|
|
|
|
|