اقول ليك كلام حار ، ما اظن في زول يقدر يقولو ليك او يذكرك بيهو..!
وهي لحظة نحس يا صاحب..هذى التي اكتب ليك فيها..!
اهلنا قالوا الجرح (الأذى المادي) بيبرى و بتنسي ، لكن الكلمة الجارحة ما بتروح..! قبل سبع سنوات بالتمام يا ابوبكر ، وقبل تاريخ اليوم باربعة ايام ، تحديدا يوم 7 مارس 2011 ، انت من اتى بذكر (جون ناش) وفيلم.. A beautiful mind وقتها ، الجميل الجيلي احمد عقب على كلمتك تلك ، ووضح لك بان ناش كان عندو انفصام ، ومحسن خالد يكتب كلام مرتب وواضح ومتصل ونسق واعي للغاية..! ثم رد محسن خالد ، الذي ذكر فيه محادثتك التلفونية واعتراضاتك (بحسب كلام محسن انك تساءل اعتقاد محسن وقتها).. لو راجعت رد محسن لك في مارس 2011 في خيط (زهرة الغرق) في منبر سودانيات..وتابعت سير الأحداث ستجد صدف ومفارقات غريبة..!! انتهى المنعطف بمحسن خالد في مصحة امراض نفسية في امسودان (جون ناش) ، ثم انتهى به المقام ان يتحدث ويكتب..وتجأر الناس لأنو ما قاعد يكلمها ويناغمها (يعني مجنون يحدث نفسه بحسب معاييرهم المعوجة)..!! شفت المحنة كيف يا صديقي..؟؟؟؟!! الآن فقط عرفت ان في امسودان لا يزرعون الزهور..وان نمت الزهور براها كده فالحقد يقطفها ويدوسها تحت الأقدام (بحجج عديدة) او الحقد الغير مباشر (كأن نترك اغنامنا ترعى فيها وتقتطفها كوجبة شهية)..!! في لحظة كتابة (زهرة الغرق) محسن خالد كان في درجة حساسية انسانية عالية للغاية..ولأننا في امسودان لم نتربي على احترام مثل تلك اللحظة..فاننا نخستك بيها زي الترتيب (كما هي الحال مع محسن خالد)..كلمة بسيطة او تعليق عابر بلا حساب وتأطير ممكن يخرب الرصة للطيش..! روايتي (التعاريج : واحمل اقدارهن على ظهري ولا ابالي) ، نشرت في عام 2017 عن دار اوراق المصرية ، المفارقة فيها (التي لم ينتبه لها الإ قلة قليلة/تظن اني ساكون مثل محسن خالد وينتهي بي المقام في مصحة نفسية واحدث نفسي من باب الإقصاء كما حدثنا عنه ميشيل فوكو في فلسفة السجون والعقاب) هي الإهداء..وهو الواقعة الحقيقية ..اذ كان لعمي ادم احمد معلا..وهو رجل كان يعمل بديوان المراجع العام في امسودان (حسابات/رياضيات/جبر/تباديل/توافيق/ لوغريتمات..الخ)..وانتهى به المقام بالحوامة من تقابة فكي/مصحة علاج نفسي (كوستي/مدني/الخرطوم بحري)..وكما تعرف ويعرف غيرك..دخول المصحة النفسية في امسودان يكون عبر بلاغ جنائي وشرطة وامر قبض وحجز..!! اخر عهدي بعمي ، النيابة في كوستي صدقت امر القبض عليه ، وقبضوهو وجابوهو الشرطة والرجل اخذ يتحدث معهم بلغة انجليزية فصيحة ورفض التحدث باللغة العربية..وانتهي الأمر بان ابيت معه في الحراسة ..وصدف ان احد زملائنا وكيل النيابة الأعلى وقتها ، وكان يعمل طواف ليلي غير معلن وتفاجأ بوجودي في القسم (الحراسة مع عمي)..وكما تعرف شكل المعارف والمجاملات في امسودان..تم تسهيل الأمر..وافرج عن الرجل ومشينا البيت واتونسنا..وفي الصباح بدري قام صحاني وقال لي: يا ابوحميد ناس البوليس هسع بيكون منتظرننا وضحك ضحكته الجميلة..وقمنا رجعنا النقطة ..في السكة بتونس معاي عادي..يحكي لي عن طريقة بناء الإهرامات والحسابات الدقيقة..وعلاقتها بالطاقة الكونية..ولمن وصلنا النقطة عمل حاجة تانية..!! نفس الرجل يا ابوبكر..حينما كان في لحظة حساسية عالية..والناس ما قدرت تستوعب اوتكلف نفسها بالإجتهاد لربط كلامه مع بعض..طوالي لصقوا ليهو مجنون او جون ناش بحسب عبارتك التي قلتها انت لمحسن ذات يوم..عمي اتجلد ، اتربط بالجنازير ، انكوى بالنار..واليوم لو التقيته ووثق فيك واطمأن ليك ح يحدثك عن حاجات اظرط من كلام محسن خالد..وممكن بعد عشرة سنة لي قدام ممكن تقع للناس..!! وينتهي به الأمر مجرد اهداء صغير في الصفحة الأولى من رواية..قد يقرأها الناس ثم يلفون الطاعمية بورقها ..او مجرد مجاملة عابرة مثل اهداء مدحة..!! فهي لحظة نحس..!! ساعة نحس يا صاحب..وفي ساعات النحس قد نرى الأشياء بصورة غير مألوفة..!
كبر
03-14-2018, 08:06 AM
Kabar
Kabar
تاريخ التسجيل: 11-26-2002
مجموع المشاركات: 18537
(2) ثم.. لو سمحت لي..اهديك مدحتين..زمنهما مختلف للغاية..والمعاني..اسكت ساكت خليها.. وقبل ذلك بعض ثرثرة يا صديقي (هاشم الحسن /بابكر قدور/صلاح ابوزيد/اسامة الخواض ، اطلبهم شهود سماع وقراءة..!!).. محسن محظوظ يا صاحب ، لأنو ببساطة عرف اللعبة واشترى دماغو..وهناك اخرين يموتون في الثانية مليون مرة ..فليس وحده ابوبكر/بابكر عباس من يقول (جون ناش وعقل جميل..!)..!! السوداني هو السوداني يا ابوبكر.. سواءا كان في غربة وليل ومطر ، او في ربيع ، اوفي صيف ، سواء كان رجل ، سواءا كان امرأة..سواءا كان صديق ، سواءا كانت صديقة/حبيبة/الخ..لا يؤمن الكائن السوداني بلحظة الحساسية/الشفافية/الصدق/ابتكار المعارف/المقاربات..كلهم يا صديقي في الهوا سوا..والخائفون الجــــــبناء (نساءا ورجالا) هم من ينجحون في التذاكي على الواقع وكتابة ما يرضي القطيع والتقيد بشروط لعبة القطيع..!!!..لا مجال للتمرد..!..او هكذا يظنون..!!!..المتمردون هم مجرد قطيع من المجانين / المنفصمين/ الملعونين..الخ..! هي ثرثرة ، قد تكون مقدمة محزنة لمدحتين..!
المدحة الأولانية..مكاشفي القوم..
اتراك يا ابا اردوغان وبقية عبيدو في امسودان الفضل..!!
(شتفا الكمبيوتر بيسوي شنو با ابكر؟.. لوغريتمات/ تباديل..وشنو كده ما عارف..!!..مدحة مكاشفي القوم ممكن تتقري بمليون طريقة ، والماعارف تباديل واحتمالات ما يجازف..!!..والله صحي)..
..النص/الليرك (على قول صاحب ول ابا محسن)..فيهو غوامض ..ورطين بالباب العديل..ولكن عشان الصوفية تجازف المعاني وهي تبحث عن قبول/حضور وسط العامة ، بتقول ليك النص الذي اعجز العرب حيلة..والعرب هنا مقصود بيها الناطقين باللغة العربية..لغة الكتاب الذي يعمل فيه محسن خالد على شاكلة دان براون (شفرة دافنشي/ الرمز المفقود) ويعمل فيه عبد الدائم الكحيل..والصوفية الفرس وغيرهم من صوفية في دار امسودان من الهموا البوني كتاباتها الجميلة مثل (شمس المعارف/منبع اصول الحكمة)..عرفت ليه يا ابوبكر محسن خالد مصر انو امسودان دي بلد الأسرار ومركز الكون؟؟؟؟!! وده ما المحك.. المحك يا صاحب..ليه الناس بتستمع بمدحة مكاشفي القوم؟..ليه الناس بتنطرب للطيش من مدحة مكاشفي القوم؟..هل هو الماعون (القالب الموسيقي)؟..هل هو جمال اللغة وغرائبها؟..ام هو انجذاب نحو شفرات (ترميز بلغة محسن خالد)؟ بالرغم من انو سودانيين وسودانيات كثر لا يعرفون معاني الليرك في مدحة مكاشفي القوم ، ولكنهم يطربون لها ويرددونها زي الترتيب..ولكن حينما يكتب محسن خالد تبقى رطانة وهدر للباندوث وشنو كده ما عارف..!! هل الريتم لازال سر الروح فينا؟.. عرفت ليها ، الصوفيين الأوائل لمن دخلوا امسودان ، لم يتحدثوا عن اسلام قطع الرقاب حين المفارقة (الردة) وقطع البتاع (ختان الذكور) عند الدخول فيه ، ولا فكرة داعش وسلفية الوهابية وشنو كده ما عارف..وقتها كان اسلام متسامح ويعرف قيمة القاعدة الأصولية (صالح لكل زمان ومكان)..ومحسن خالد يا مؤمن يا مصدق شغال بهذه القاعدة..مع تأصيل دقيق بضرورة الرجوع للكتاب الحق..!!..شكرا عادل عبد العاطي..الناس اليوم يا عادل فكرة (عرفاني ) عندها رطانة..ولمن تجيبها ليها باللوغريتمات والتباديل والإحصاء والجبر التجريدي..بتعمل رايحة زي الترتيب..وبتقول ليك (الإسمو محسن خالد..!!)..يا فليلك يا ود البتولا..الضحك شرطنا قبال يشرطك يا قريبي..!!!!!! كااااااااااااااااك.. كبر
03-14-2018, 08:23 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
كبر صاحب وبكري عباس يا كبر داير اوانسك بدون ترتيب افكار جون ناش بكون حضرتو زي عشرة مرات ولم امله . وبدون خجل ممكن اقول ليك كل مرة ببكي فيهو بكاءا صامتا .. عارف ببكي فيهو متين ؟ لحظة تسلمو الجايزة ومخاطبتو لزوجتو والكمرة بتمشي علي زوجتو .. والقدرة التعبيرية الهايلة للزوجة . الخواجات ديل بعرفو يمثلو حتي يتفوقون علي الحقيقة . نظراتها وهي ترنو نحوه في مشاعر تفوق الحب ! وتعابير وجهه تجسد مشاعر الحب والامتنان والثقة شوف يا كبر الحب دة كيف . الوحيدة الآمنت بقدراته واحبته . رأت فيه بالقلب مالم يره الآخرون بالعقل والعين ف شنو مافي توو لايت يا كبر يا صاحب ابدا في فرق رؤية .. قدرة علي الاستبصار بتختلف من زول لي آخر . في زول بشوف مسيرة ثانية ! وغيرو بشوف مسيرة لانهاية .. يشوف خارج الزمن والواقع بكري عباس زول كويس جدا يا كبر . اسمعها مني .. من الناس الذين تكاد تنظر من خلالهم ولكنه نزق محسن محض ضوء . الضوء بعمي يا كبر مرات الا تلبس نظارة تخففو !! محسن دة كما ذكرت احبه جدا والحب يسمح يسمح بكل شئ .. يسمح بالخطأ والتجاوز واحدة من عيوبي سؤ ذاكرتي واحسدك علي ذاكرتك اعجز عن تذكر المداخلات واصحابها . اعجز عن الاتيان بها وربطها . اتذكر الفهم العام للشخص ولا اتذكر قوله . احسدك واحسد ودو والحبشي في تلك القدرة عموما دعنا نبدأ من تاريخ الحب نسمح بالتراجع واعادة القراءة واعادة اتخاذ المواقف ونحسب المواقف الحالية ولا نحاصر الناس ونجمدهم ادي مساحة اوسع في الحلبة محبة ليك ولي بكري ومعاوية الزبير
03-14-2018, 08:40 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
سلام يا أبسن، مداخلتك تثبت بشكل أو بآخر قراءة كبر التعبانة، الذين يستطيعون أن يكتبوا عن تداعيات وسياقات زهرة الغرق، أنا، بروف أمين، المبر محمود وثلاثة آخرون من سودانيات، قراءة كبر دي ناقصة زي تلاتة سنين ضوئية زهرة الغرق غير البوست معاهو بوستات منبسقة جمعنا فيها رموز codes كثيرة أيضا يقرأ بمعية الونسات التلفونية حولو يقرأ بمعيّة الجلسات الحقيقية حول الموضوع، تختف ليك حاجة صغيرة من نص كيمان كبيرة وتجي جاري بيها، دا كلام غير منصف
03-14-2018, 09:47 AM
Kabar
Kabar
تاريخ التسجيل: 11-26-2002
مجموع المشاركات: 18537
في. زهرة الغرق أول ما محسن بدأ يكتب عن الرموز، كتب ليهو زي صفحة كاملة ولون بعض الكلمات (رموز) أو نصفها بالأحمر بقت صفحة كبيرة مكتوبة بالأسود وفيها كلمات مفرزعة بالأحمر.
الناس الشافت الفيلم بتاع جون ناش بتذكروا لقطة كدا، المخابرات الأمريكية استعانت بجون ناش لفك شفرة التقطوها من الاتحاد السوفيتي، وقفوهو قدام شاشة كبيرة وخلوهو يقرأ الرسالة الروسية المخرج كان شغل عقل جون ناس بصرياً وكانت الكلمات الرموز تضيء اثناء قراءة ناش للرسالة الروسية، دا وجه الشبه والإعجاب الخلاني اكتب سطري بتاع: جون ناش في ابيوتفل مايند القرّاء الأذكياء ممكن يرجعوا للبوست داك ويشوفوا السياق الخفي لمداخلتي بعد مداخلة محسن المشفرة
03-14-2018, 11:14 AM
Kabar
Kabar
تاريخ التسجيل: 11-26-2002
مجموع المشاركات: 18537
Quote: في. زهرة الغرق أول ما محسن بدأ يكتب عن الرموز، كتب ليهو زي صفحة كاملة ولون بعض الكلمات (رموز) أو نصفها بالأحمر بقت صفحة كبيرة مكتوبة بالأسود وفيها كلمات مفرزعة بالأحمر.
كضاب يا ابوبكر..!!
محسن اتحدث عن لعبة الطاب..المافهمتها انتا شخصيا زيها زي مكعب روبيك (بوست السلام) ..وانت اول من استفز محسن وجبت سيرة جون ناش واتهمت محسن خالد بالجنون..!!
ارشيف زهرة الغرق موجود يا قريبي وح نجيبو ليك من قولة تيت لغاية اخر صفحة..!!
لمن قلت ليك النصيحة هنا يا ابوبكر قلتها و ظاني فيك انك انسان ممكن تفهمها..ولكنك مكابر..لدرجة انك بتكتل الكتيل وبتمشي في جنازتو..يعني انت اول من قال انو محسن مجنون والخلق مشت في هكذا درب..والليلة بتجي بتقول انك بتحب محسن وكمان بتهديهو مدحة؟؟..يا زول اختشي..!! والأغرب ، تتهم الناس بسوء الفهم..!!
جيب كل الكلام الإقتبستو من مداخلة محسن خالد ، ثم كتبت تحتو جون ناش وبيتوفل مايند..واهم حاجة التاريخ يا ابوبكر..ورد الجيلي احمد عليك ورد محسن خالد عليك..!!
السياق الخفي يا ابوبكر انك اتهمت محسن خالد بالجنون والإنفصام في يوم 8 مارس 2011 ، والجيلي احمد راجعك وقال ليك انتا غلط..ثم ونستك مع محسن خالد الجابها ونشرها (كلو موجود ح انشرو هنا يا ابوبكر..)..
مافي قارئ بيرجع للبوست يا ابوبكر..وبنجيبوا ليك هنا كلمة كلمة..!!
مالك زغت من المدحة التانية يا ابوبكر؟؟..
كبر
03-14-2018, 11:21 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3445
كضاب وبليد إتّا أمشي بتلقاني اقتبست مداخلة التي بها الشفرات المحمرة وكتبت تعليقي تحتحها، بطبعي أميل للبيان بالطريقة المختصرة قول لي سبب واحد بخليني أقتبس المداخلة قبل ردي لا أمارس الكتابة بغباء ولا يمكن أن أزحم القاريء باقتباس لو لم ار في ذلك وجاهة كبيرة
أكرر كضاب وبليد إتّا
03-14-2018, 12:00 PM
Kabar
Kabar
تاريخ التسجيل: 11-26-2002
مجموع المشاركات: 18537
Quote: كضاب وبليد إتّا أمشي بتلقاني اقتبست مداخلة التي بها الشفرات المحمرة وكتبت تعليقي تحتحها، بطبعي أميل للبيان بالطريقة المختصرة قول لي سبب واحد بخليني أقتبس المداخلة قبل ردي لا أمارس الكتابة بغباء ولا يمكن أن أزحم القاريء باقتباس لو لم ار في ذلك وجاهة كبيرة
أكرر كضاب وبليد إتّا
مالك منفعل كده يا صاحب؟ نعم انا بليد وابن ستين بليد.. لكن حكاية كضاب..خلينا نحتكم للأرشيف..جيب رابط بوست زهرة الغرق؟..وشوف بتين انك بديت تتداخل مع محسن خالد وقتها..واقتباسك القلتو كان كيف..ورد الجيلي احمد كان كيف..ورد محسن خالد كان كيف..!!
ما تخاف ، لو عجزت عن جلب الرابط..ممكن نجيبو هنا..وممكن نجيب كلام محسن خالد القمتا باقتباسو..ونجيب اقتباسك وتعليقك..ونجيب تعليق الجيلي احمد..ونجيب تعليق محسن خالد الذكر فيهو محادثتك ليهو..
قلتي لي شفرات محمرة؟..
ياخي محسن خالد قال ليك الروب عدييل يا ابوبكر..وقال ليك يا ريت ما تكون قاصد الإساءة لي (أي لمحسن خالد)..وبعدها الحاجات اتطورت..وانت مصر على اللف والدوران؟..
انتا اول من اتهم محسن خالد بالجنون وانفصام الشخصية..والليلة جاي بتعتذر بمدحة ومحبة؟..
اختشي يا قريبي..!!
الروابط جاهزة..وخليني اجامل عبد الحفيظ اب سن بكلمة..لأني اثق انو زول من ناس قبيل وبيعرف معنى الكلام..!!
باقي الكلام برجع ليك في اقرب فرصة يا صاحب..!!
كبر
03-14-2018, 11:37 AM
Kabar
Kabar
تاريخ التسجيل: 11-26-2002
مجموع المشاركات: 18537
المدحة/الهدية/ التانية يا ابكر الطويل..!! قام بادائها الفنان السوداني المرحوم محمود عبد العزيز..!! اتذكر حكاية محمود عبد العزيز دي كويس يا ابكر..لأنك عجوز شوية مقارنة بناس محسن خالد..!! المدحة اسمها (خدام النبي)..التصوير في بعض اجزائه كان قدام اهرامات الجيزة في مصر (متذكر انو محسن خالد كان زار الحتة دي واتصور فيها..؟؟؟!!!!!!!..ثم كب نقة الناس عدت بيها زي الترتيب..!)...
المدحة يا ابكر الطويل..اضيفت الى اليوتوب في يوم 18 يناير 2013..التاريخ مهم (محسن كان عامل شنو وكتها)..! الفيرشن المضاف هنا..فيهو عبارات تظهر على الشريط كأنها ترجمة.. قال ليك يا ابكرالطويل: ونغسل كافة الأجناس وننعم بالنبي واٍيناس..!! فاهم حاجة يا ابكر؟..لأنك لو فهمت ممكن تشرح للناس البتمارس الشرشحة لدرجة تجبرك تهدي مدحة للكور محسن خالد..!! (بالمناسبة كور يعني شنو يا ابكر؟).. في خيط (السلام) وهو اسم من اسماء الله الحسنى..محسن خالد جاب حكاية (عالم الإيناس)..والفاهم يقول لينا عووووك..!! ودي مش هي المفارقة/المحك يا ابكر..!! جماهير الفنان السوداني ، محمود عبد العزيز..اخترعت ليهو اسم عجيب وغريب (حتى اللحظة اتقصى سبب التسمية)..وسمته (الحوت)..!!!..يا النبي نوح على قول استاذنا دكتور حسن موسى عليه السلام..!! (الحوت)..!!!!!!!!!!!!!!!!! محسن خالد قال هو (نون/النون)..ومفسري القرآن الكريم حينما وصلوا حتة تفسير سورة القلم (معليش يا شباب ، لست في جرأة محسن او غيره من يكتب ايات القران في هذا المنبر ، قلتها لأصدقاء كثر زمن الحجاج في هذا المنبر الكريم باني لن اتجرأ لأكتب ايات القران هنا..!!)..تحديدا الأية الأولى..احتاروا : هل هو قسم من العلي القدير ام تقرير وحكاية ساكت؟..ولكن الأغلبية اتفقت ان نون يعني حوت عظيم..لذلك حينما يتحدثون عن سيرة النبي الكريم يونس..يشيرون الى ان كنيته هي (ذو النون)..أي صاحب الحوت..!! جماهير الفنان السوداني محمود عبد العزيز تسميه (الحوت) ومافي زول قدر يقول بغم..!! محسن خالد يقول انا نون (حوت النبي يونس) وعينك ما تشوف الإ النور..طلاسم..هدر باندوث (الباندوث ده شنو يا احمد محمد عمر ، انت رجل اثق فيك كثيرا يا صاحب..لو قلت لي دي ام لهيب ام النيران..وحاة الحكامة الشباية لصدقت قولك..!!)..ومجنون يكلم نفسه..او بالعدم (جون ناش)..!! نسوي ليكم شنو يا خلق الله وكت نسيتو علوم الجبر / الجبر التجريدي/التباديل/ اللوغريتمات (الخوارزمية يا ابكر الطويل)..؟؟؟!!! سكة محسن بتودي للخطر (مصحة نفسية والذي منو)..! سكتنا ليست هي سكة الجبناء ، ولكنا سنعيد نفس الرواية عبر كتابة ادبية..سعجب بها تسعين في المية بانها رواية جميلة..وسيتوقف عشرة في المية امام معانيها الحقيقية..!! محسن خالد مش حاجة واحدة ، يا محمد ابراهيم صاحب بوست الإسمو محسن خالد..!! شكرا يا ابكر الطويل..اعرف انك ستحزن كثيرا..ولكن.. مشروع محسن خالد محتاج ايادي كثيرة..كثيرة..وهو مشروع لن يضيع حتى ولو لم نتمكن من تقديم يد العون له..!!..كتر خير ثورة تكنولوجيا التواصل..!! هي لحظة نحس..!!
كبر
03-14-2018, 12:10 PM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
سلام يا كبر تعرف يا صاحب، في المنبر ده أقرب زول عاطفياً وثقةً لمحسن خالد هو أبكر الطويل وأكثرهم معرفةً به، لكن صاحبي ده ما ح يقول ليك كده بعدين مجنون بتاعت أبكر ده زي انعل دينك بتاعت قباني أكعب حاجة وعصية على الكتابة.. شرح البديهيات معقول ياخ!! ألعن ديشك ذاتو
03-14-2018, 12:13 PM
Kabar
Kabar
تاريخ التسجيل: 11-26-2002
مجموع المشاركات: 18537
دنيا بت لذينا يا عبد الحفيظ..ونحن بخير يا قريبي..!
بعد شوية مارق لي مشوار..زيارة عيادة..دكتور بتاع قلب وشنو كده ما عارف..للشابة شهد كبر..!! الدكتور غير العيادة والعنوان..يعني الواحد ح يتوه ويتوه قبال يصل..!! الفكرة يا عبد الحفيظ..مش بحثا عن رثاء ومطايبة..ولكنها غريبة غربة شديد للغاية.. اخر مرة زرنا الدكتور ده كان في يوم 8 ستمبر 2016 ..!! في ذاك اليوم ، وانا في العيادة ، شعرت بهزيز الموبايل ..مرقت..كان المتصل صديقنا المهندس وعضو المنبر حامد الصاوي..سلامات ، مطايبات وسؤالات..وكان خبر وفاة اخونا محمد عبد الله حرسم..!! لا اتشائم يا صاحب..والبتجي من السما الأرض بتحملها..ولكن..! بعض من ظروف الكتابة والنقة هنا..!! كيف نكتب؟ متى نكتب؟ لمن نكتب؟..كيف يقرأنا الناس؟..هي اسئلة مؤكد دارت في رأسك من قبل..!! انا طيب يا قريبي..ومحسن خالد برضك طيب..!! سلام.. كبر
03-14-2018, 12:45 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3445
رديت عليك من ذاكرة الزهرة، لكن هسّ رجعت للبوست، لم تقرأ مداخلة مبر؟ زهرة الغرق فنتازيا اسفيرية استحقيت أنا بابكر عباس سابقا فيها مع محسن أوسكار الحوار الاسفيري، بعد مشيت راجعت البوست، دمعت عيناي وقلت: بعد العظمة ديك، الجابني أكتب تاني مع الرجرجة ديل شنو؟ في نهاية بوست زهرة الغرق كتب محسن بوسته بتاع نار اليشب في سودانيز أون لاين غضبت وأحبطت، حينها كنت في باكستان، أحسست بخيانة من جانب محسن، سألني بدوي اماراتي عن سبب إحباطي؟ قلت ليهو: عندي صاحبي قال هو نبي وح يطير قال لي: صاحبك دا يبي نيج ذكرت هذا الكلام لاحقاً لمحسن
03-14-2018, 01:08 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
السلام عليكم.. متابعين البوست ياريت يا كبر تجيب روابط عشان تساعدنا في الفهم ذكرت انو ((اضيفت الى اليوتوب في يوم 18 يناير 2013..التاريخ مهم (محسن كان عامل شنو وكتها)..!)) هل التاريخ مهم اكتر من معرفة مين النزلها
حاليا بقرأ في بوست "زهرة الغرق" ووصلت للحتة القال عليها استاذ كبر...و شايفو مكبرَ الموضوع بل بالعكس لقيت في مودة ظاهرة و ثنائية دي مداخلة للاديب محسن خالد في صفحة 19 بعد موضوع ناش
Quote: لووووول ياخي ما تشوف الحركات دي، والله العظيم تلاتاً ما ببقى براك. والبوست دا لامن يعدن كم يوم وإنت ما ترفعو ببقالي مسيييخ، وأقول بكوري مالو كضم. وحاة أمي البتولا العزيزة كلامي دا بالجد. أهرشك شنو ياخ، إنت قايل قرايتك البي الواحدة دي أنا لاقيها من منو غيرك لامن أهرشك والناس تجي طاشة ساكت. دايرك تتأمّل بس قبال تفك الكلامات، عشان تساعدني أحسِّن مشهادي، مش تستنزفني مداخلات في لزوم ما لا يلزم. قاعد أتدرب علي تقنيات لأجل تحسين العرض مستقبلاً، فقلت أكاويك بالصورة دي، أصلك ما بتنفعني إلا في تمارين بشاتن:D لووول
----- بالجد يا بكور، أنا فرحان إنو ربنا أكرمني بقارئ مثلك، ودا حقيقي ومن بوبا القلب، الزمن العلينا دا في زول داير ليهو قراية هو. بالقروش في زول دايرها! لكن الوحل قدام، كرّب القراية، الكلام الوَكَرَة بالجد بفتل فيه لسع. انجض، وكلّم المادح المعاك داك برضو يستعد.
03-14-2018, 03:55 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3445
شكراً جزيلاً يا ناصر أنا كنت متوقع إنو المستنير يكون قاصد مشهد غير دا و من فيلم تاني خالص.😕😕😕
ود البشرى يا صاحي النبي عزيز و إنت ذاتك عزيز علينا أنا سكت. لكن عليك الله بعد المستنير شكر ناصر على اللقطة، إنت في رايك الزول دا شغال إستنارتو دي بكم لمبة؟
03-15-2018, 07:34 AM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
Quote: حاليا بقرأ في بوست "زهرة الغرق" ووصلت للحتة القال عليها استاذ كبر...و شايفو مكبرَ الموضوع بل بالعكس لقيت في مودة ظاهرة و ثنائية دي مداخلة للاديب محسن خالد في صفحة 19 بعد موضوع ناش
الغريق قدام !!
03-14-2018, 04:14 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3445
نحن محبة المستنير ده بدأت من زهرة الغرق يا كبر اظنو الوقت داك قبل يجي هنا لو كان ما استنتجتو فيهو جزء ضئيل من الصحة ما كان نال المحبة دي كلها. الشيء المريح في البوست ده انو كل زواره ليهم محبة ( الله يكفيكم شر الغارات الحايمة الأيام دي) 😁 وجون ناش والحوت برضو ليهم محبة ولو ما الخوف من الغارات كان الواحد صرف ليكم زي قباني 😊
03-14-2018, 06:45 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3445
سلام يا ناصر لا لا، أنا عارف المستنير قاصد لقطات الكود الفي A Beautiful Mind لكن المستنير أخطأ خطأ فادح في قوله "المخابرات الأمريكية استعانت بجون ناش" المخابرات الأمريكية لم تستعن بجون ناش، و الشفرة و موظفي المخابرات الأمريكية في المشهد ليس لهم وجود إلا في مخيلة جون ناش.
رغم ثقتي في إنو المستنير فاهم قصة الفيلم و مغزى كل مشهد فيه، و رغم ثقتي في مقصد المستنير في إستعانته بالمشهد للتعبير عن العبقرية. إلا أن المشهد يعبر عن عبقرية مختلفة خالص عن تلك التي يقصدها المستنير. و بالتالي إستعانة المستنير بالمشهد تدل على عدم دقة المستنير في تعبيره عن إنطباعه. عدم الدقة هذا يصل لدرجة لا تناسب الإستنارة.
معليش يا ود البشرى، ناصر دا زنقني ياخ
03-15-2018, 08:11 AM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7193
يا ناصر طبعاً سؤالي للمستنير عن اللقطة و الفيلم و كلامي ليك عن إنو المستنير بيكون قاصد لقطة تانية ديل كلهن الهدف منهن فقط إستفزاز المستنير و إستدراجه لدخول الشرك.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة