[} يوميات عزابي رغم أنفه π√

مرحبا Guest
اخر زيارك لك: 04-25-2024, 02:30 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-24-2018, 12:06 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
[} يوميات عزابي رغم أنفه π√

    11:06 AM February, 24 2018 سودانيز اون لاين
    دفع الله ود الأصيل-
    مكتبتى
    رابط مختصر.
    {1}
    [} يوميات عزابي رغم أنفه π√

    [} في أعماقنا عازبٌ نائمٌ أو
    عازبة ، لعن الله من أيقظهما {]

    ® طبعن العرس دا قسمةٌ و نصيبٌ مأمولٌ لكل أعزبَ و عزباءَ. و لكن هذا لا يعني أن قفصالزوجية كله (ذهبٌ) خالصٌ؛ و لا أن العزوبة كلها طينٌ لازبٌ. فكما للزوجية ، أيضاً للعزوبية أسرار رونقها، على علاتها كذلك.

    © و هكذا شأن الدنيا و لكل شيء قطبان: أيجابٌ و سَلْبٌ، و من يملك قوت يومه لا بد أنه يمتلك قراره. الهملة و الانطلاقة واحدةٌ من مزايا العزوبة لكلا النوعين:

    {]گأن تنوم و تصحى على مخدات الطرب، و گيفما اتفق. تأكل ما يعجبك و تلبس ما لا يعجب الناس. تغادر فلا أحدَ ليودع الله دينك و أمانتك و خواتيم عملك، أو ينكس البيارق لغيبتك، و لا أحدَ ليُهْرَعُ لقرع الطبول لدى قدومك.

    [} تمرض فلا أحدَ ليقرأ ميزان حرارتك؛ يتخن جسمك أو ينتحل فلا أحد ليجس نبضك. تختفي بقطعٍ من الليل، فلا أحد ليتفقد وسادتك الخالية؛ مثلما لم يتحين أحدٌ على جمرٍ تهبه الريح، لحظةَ عودة مياهك العذبة إلى مجاريها. و هگذا،

    [} و عندما تأوي إلى فراشك و أنت عازبٌ، لك أن تحتل أضلاع مضجعك برمتها لذات ، تشخر ، تتمدد و تتقلب بين أرجائه ذات اليمين و ذات الشمال بلا منازع.

    [} تضع درجة غرفتگ حسبما يناسب مزاجك، و تترك الانوار ، الستائر، النوافذ و الأبواب مؤصدةً أو مشرعةً على مصاريعها الثمانية، تماماُ كما يحلو لك؛ فلا تخشى لومةَ لائمٍ و لا تهاب بأس كأئنٍ من كان أن يقض مضجعك، لايِّ سببٍ كان.

    ∆ و للكثير منا لن تبدو الأمور أعلاه و كأنها مناقبُ
    بقدرما هي مثالب ُ، فالكثيرون أنانيون يحبون أن يقلق الناس عليهم و أن يجدوا دوماً من يَطْرَبُ لقرع نعالهم ، فيأنس بجوارهم و يعبس لعبوسهم.

    ¶ ذلك لأن كلاً مِنَّا قد يوجد في أعماقه شرُّ عازبٍ أو عازبةٍ نائم(ة)، يوشك أن يستيقظ على حين غِرَّةٍ باحثاً عن منفذ للهروب من زنزانة قفصه الذهبي، و عن متنفسٍ لاستنشاق همبريب الحرية المنشودة و الاستمتاع بفوضى الحياة الخلاقة و عيشة الوحدة و اللامسؤولية على عواهنها.

    and رسالتي موجهةٌ لنا ذكراناً و إناثاً، لأن نراعيَ في شركاء حياتنا وجود نسخةٍ متنگرةٍ لذاك الأعزب أو العزباء، و لعن الله من يوقظه، فإذا به(ا) أَسَدُ هصورٌ أو لبوةٌ شرسة؛

    ¶ بخلاف ذلك الحمل الوديع أو (السَّخْلَة) الهدية الرضية. فيتمنَّى علينا أمانيَ ربما أغربَ و أعجبَ من لبن الطير، مثل الغدوِّ باكراً جداً و الرواح متأخراً جداً ، أوالنوم على أريكةٍ بحجرةٍ نائيةٍ أو إهمال مظهره أو السهر برفقة أصدقائه؛

    # أو حتى للخروج للعيش في مجاهل الطبيعة على رشوشة من أفخاذ النمل، مكشنة بفرطاقة من بصل الكلاب ، عليها 3 (كيزان) غولاد من موية ترس الحقنة، و التحلية قرض او صفق نيم، و الشائ طبعن مدنكل و مقنن بلبن عُشَر.

    @ فمتى ما يستيقظ ذاك العازب القابع في أعماقنا، تجب معاملته برقة و عطف و لين و رفقٍ ،و ما دخل الرفق شيئاً إلا زانه و ما نُزِعَ من شيءٍ إلا شانه. فهذه أحسن وسيلة ليعود سريعاً للنوم ، عندما يحن الزوج لطعام أمه البائت ، حتى وإن كان(إدامه الخل)، أو تحن الزوجة لأحاديث أبيها عن صولاته و جولاته حتى و إن كانت متوهمة. هذا ، و القناعة كنز لا يفنى!!!

    © و كل ليلة خميسٍ ، و أنتم بخير.

    (عدل بواسطة دفع الله ود الأصيل on 02-24-2018, 12:07 PM)




















                  

02-24-2018, 12:11 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    ®[} يوميات عزابي رغم أنفه π√
    (2)
    ® يوميات عزابي في رمضان π√€
    ® جاءني صاحبي اللدود، الروح ما تروح/
    أحمد الجعلي حانف وشو شاكياً باكياً من رقة
    حاله و تعاسة حظه خلال الشهر الفضيل فقالي:
    أها يافردة، المرة دي اتخذت قراري بالطفشان من أول يوم من(كرنتينة) العزابة و جرينا نكابس في موائد الرحمن , و أقرب برش مفروش نقعد نصنقر لامن يجو الجماعة أهل (الزاوية) يلقونا ليك مشمرين عن سواعد الجد و متحرفين لمعمعة اللهطي، فلو ما ساي اختشاياً منهم ، ما فاضل علا يقولو لينا (جر) يا كلب،

    © فقلتا ليو: عجبتني طب و الله يا أب عويناتن مشتحات(متل البصلة في الروب)، و حالتك دي لسة برلوم وجاي داخل لافي (الصينية) غلت و بالطول و العرض بس تقول بالله (طبق ) طاير، و كمان مشمر عن ساعدي الشفط و متحيز إلى أقرب زاوية إفطار جماعي على(مائدة رحمن).

    ∆ و لكن تعرف اللخو أنو هنالك من هو أسوأ منك حالاً؟! نعم ، اللَّي هو ظاطو العبد الفقير إلى الله، أنا نفسي لامن أكون عزابي بمحض إرادتي طبعاً، بمعنى متزوج مع وقف التنفيذ.

    ¶ طبعاً أولاًفي التبادي أخوك الأيامات دي عزابي براي متل البغلة في الأبريق (أنا و النجم و المساء! و ليس (أنا و إنتا و النيل والقمر)، بعدما طفشنا الجماعة قلنا نغير شوية ، في محاولة بائسة لكسر رتابة و روتين (گلو يوم معانا)؛ و بالمرة برضو تمزيق فاتورة تگاليف سفسفة رمضان !

    ¶ يلا، كدي خلني النحكي ليك بشتنة اليومين الفاتن ديل بس .. و لعل من شر (البليلة) حقاً ما يوشگ يفقعك ضحكاً .

    (عدل بواسطة دفع الله ود الأصيل on 02-24-2018, 12:13 PM)
                  

02-24-2018, 12:16 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (3)
    ® طبعاً الواحد ندم كتير في حياتو. علا لاكين عن نفسي أندم ما أندمني سحور ذات يوم ليلة من ليالي رمضان الظلماء ، عندما ظبطت ليك الرقاق العجيب معطون في الروب و متقل بأوتاد من بلح القونديلة، مو ياهو الغلاد، و جنبو النشاية معطرة و معتقة بفسائل من روس النال و المحريب و آبري الحلو/مر دا صاقط شديد.

    © يلا، التكاوين ديل كولهن ختيتن ليك على جنبة و أنا أضمر لهن نية
    السوء: إني أقوم عليهن بعد قلنا ناخد تكية، يعني غفوة بسيطة ما بعد الهزيع الأخير. لكن الظاهر إنو تعسيلة للأسف الشديد، جرت معانا شوية لا عن ضحوية اليوم التالي. فأصبحت أندب حظي التعيس و أقرع سن الندامة لامن أصحيت لأجد الندي و قد تجمع إكليلاً خمرياً يرصع و جنات الآنية.

    (عدل بواسطة دفع الله ود الأصيل on 02-24-2018, 12:21 PM)
                  

02-24-2018, 12:23 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    اقتباس المشاركة الأصلية كتبت بواسطة الحفيان مشاهدة المشاركة
    الظاهر عليك عندك محن ما هينة في رمضان . واصل و نحن في الانتظار
    .
    ******((({4})))*******

    @ الحفيان ياخ تصوم علي قرضة ، و تفطر علي صفق نيم وسط أهلي الحونان في أم صفقن عوراض و گدي. يلا قول يامين!!

    and فعلن نقشتني، و هي أصلن محن عزابة متلتلة. فمنها رمضانيات و منها (فطريات).فيا ريت تنطظرونا تامين و لامين فوق عضة تخت ضل نبمة مرشوشة؛ عشان نحگي يومياتنا بي رواقة. طيب گدي هاگم شوفو الجاية دي:-

    ® أها ، كمان أمبارح مشيت الملجة بالسوق المحلي، جبت لي من زناكي الخدار ديل عقلة خودرة ملوخية ما ياها البربرواية الجديلا الموكانة (أم صفقن عراض و مندي) .

    © جيت راجع بها البيت لقيتو صان (تقول بالله گرنتينة الجدري). طبعن لسة براي بس علا الله و رقبتي ؛ فبقيت لا شعوريا أدندن (حليل الراحو ، و خلو الريح تنوح فوق النخل).

    ¶ يلا، اتتتفنتا ليها في الواطة ، ورقتها ليگ، و حشيت البصل و أنا أذرف دموع التماسيح، و رميتا ليگ فوق الخلطة السحرية: من سليقة الكوارع والبوميار و الذي منو ثم قدحتها ليك بي كاتولةحجر جردقة ، نفس العطرون البمطروبو التومباگ (ود عمار الجيد) ؛ و يلا قعدت أدرج ليك فيها بالمفراكة، مساهر فوقا لحدت قريب البياح.

    ¶ و لكن يا لخيبة الأمل لقد مات كل شيء تقريباً في تلك الوصفة العجيبة حتي عضلات يديني بردن. اللهم عدا شيئاً واحداً لم يمت أبدا ، ألا و هي ست الاسم ، فاضطررت أعشقا ألايقا ليگ بي تورتار ويكة و أنزلا سووودة (جملكة)، بس ، تقول: بوماستگ من بوهيات الموهندس. غايتو لغاية ما شميت رائحة الحرق في نخريني.

    ¶ بعد داك شدَّيْت لك الطاجن فوق اللدايات، قمت عست موگطاع اللقمة، گوجنتها ليگ بالكنش {بني كربو}. ثم قلبت ليگ(الدبليبة) و ملحتها. ثم ربطت رأسي كويس بعصابة حمرااء (على طريقة الدبابين) و يلا انعدلت ليك ليها أجازف فيها:بس، أمدغ و أبلع ليك أظرط ظط ظط . غايتو ، كانت بلا طعم و لا لون محددين و لا نكهة سوى رائحة الشيط المحرق و الدرادم يلاون مع لهاتي(كمن يدافع الأخبثين). و لم يحملني على گل ذلك سوى مغسة الدواشات و التكاوين الخسرتهن في تلك العشوة المهببةو متعوب عليها بدنيَّاً و مادِّيَّاً و معنوِيَّاً .

    ¶ أها بعد داك ما فضل لي خيار قدامي علا البحث عن مواقع موائد الرحمن عبر قيعان و نفافيج المدينة، مستعيناً بنظام gps ، لإغراض الملاحة على خارطة عمگ غوغل إيرث)؛ و لا گمان أتخارج أمشي ألحق أهلي أتكاملون بباقي الشهر الفضيل قبال تمسگنا ليگ {گوفارة و لا جضمارة ، و لا يابوسة، أم بعيرة } مزمنة. باخ الواحد لامن بقى يضع گالشاه.

    <فبالله شايف گيف جنس محن العزوبية؟!!

    (عدل بواسطة دفع الله ود الأصيل on 02-24-2018, 12:28 PM)
                  

02-24-2018, 12:31 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    يوميات عزابي في رمضان

    المشاركة الأصلية كتبت بواسطة الأخ/ أبو النور
    ياخ والله حننتني و أتا غلطان
    ياخ في زول يتعزب في رمضان
    و كريم عليك رمضان ياخ يا ربي انا وين/ sun shine
    ******(((((5))))))******
    أبو النور وينك ياحبيب ماك ظاهر ، شكلك من دخل رمضان دا بالباب ، طفرت مرقت بالشباك و لا شنو؟! و الله على رايك فعلاً ختيان ما مفروض الواحد يتعزب في تواقيت زي دي، خسوسن العزابة الأيامات دي مع موجة الجفاف الحاصل و الجيوب المسخنة دي، بقو مافي زولن فاضيلون يفتح ليهم أيتها ثغرة. للتناحة و التحنك .

    © بس ما فاضل علا يصفدُوهم في رمضان مع المردة من كبار الشياطين ، علا لاكين إتا عارف، بناجيس الأبالسة ديل ظاطم ماهون هينين ، الظاهر فاكنهم لينا الأيامات دي.

    ∆ قاعدين يقضوا فينا خدمة إلزامية وكدا. و أما إذا دار محور سوعالك عني فإني قريب من بابك و جاهزين داب وردة نجيب دعوة الداعي إذا دعانا(لإي عضة)؛

    (عدل بواسطة دفع الله ود الأصيل on 02-24-2018, 12:35 PM)
                  

02-24-2018, 07:59 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    مشاكسة من Abdelazim
    انا احمد الله ماني عزابي ولا شيتين.

    (6)
    ® ي زول قوم لف بالله. تعرف ي عبدولي، رغم إنو العزوبية شر مستطير ، علا أنا شايفا أخير من حال الناس الماشة بي رفعة الكنش ديل، و عاملين بي شعار/ شركة سابتكو السعودية، و القائل :(دع القيادة لنا و تمتع بمنـــاظر الرحـــلة).

    © ياخ دي عيشة أرحم منها الواحد يمش يسكن مع ناس أمو ساي؛و لا أحسن يفضل عزابي ، بس عايش مع الطيبعة عديل على رشوشة من أفخاذ نمل السگر، عليها رشوشة بي بصل كلاب ، و يترعا بي (كـــوزين) من موية ترس الحقنة؛ و بعداك يحلي بقرن (موز كاذب) ؛ و الشاي طبعن مدنگل و مقنن بي لبن العُشَر. ).

    (عدل بواسطة دفع الله ود الأصيل on 02-24-2018, 08:02 PM)
                  

02-24-2018, 08:04 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (7)
    ® بالنسبة للعبد لله فمريح أضاني خالس،
    كاسر كرونة طيلة الشهر الكريم دا لا شغلانة
    لا مشغلة.اللهم تلقاني هائم على وجهي متنقلاً
    بين موائد الرحمن حيثما ثقفناها نمرقلها
    إن شاء الله كان في(أم طرقن عوراض).

    and فكدي هاك نختم لك بدي واحدة خفيفة.
    قالك دا واحداً من عروبنا ديل داقشين البنادر
    ببيعو اللبن و بعض مواد التشاشة على ظهور الحمير.

    © ففي يوم أدركه مدفع الأفطار وهو حايم هفتان
    عطشان في آخر رمق. فعرج على زاوية جماعة بخلاء
    لقاهم يا دوبك يميطون لثام الطباقة عن الصواني المي خمج .

    ¶ بهنا جوكاكة العصائر و قد توشحت بقطرات الندى على وجناتها
    كما إكليل الجبل؛ و بهناك السلطات والملطات العجيبة تسيل اللوعاب؛
    دا غير الفطاير منها المحمر و المشمر و المسىتت. المحتحت، و هگذا دواليگ.

    @ و لكن أشد ما استرعى فضول ذاك الأعرابي و حرك منابع غدده اللوعابية ، لعله كان قدح اللقمة وقد رأى أحدهم يريق ملاح النعيمية على جنباته كما الشلال السادس عند السلبوقة . قام أخونا الضيف ألقى تحية الإسلام السلام على السامعين مثنى وثلاث و رباع و لكن يبدو ألا "أضان"لمن تناغم.

    ∆ فلما استيأسمنهم ذهب مغاضباً و معر لك حمارو المسكين
    بي قشطتين على صفاقه و انتهره متحسراً على تلك العضة
    المجيلة: عرررت، أريتو(مولاح الروب) اليكسرركبينك المكلوجات ديل.

    (عدل بواسطة دفع الله ود الأصيل on 02-24-2018, 08:06 PM)
    (عدل بواسطة دفع الله ود الأصيل on 02-24-2018, 08:07 PM)
                  

02-24-2018, 08:09 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    امشاكسة من Abdelazim :
    اسكن مع ناس امي وين انت ما عارف
    انو انا يتيم والا شنووووووو ياخ؟!!!.
    (8)
    ® حننتني و الله ي يتيم أفندي ،
    عاد ما ياني ناالأمي لسة ي دوب خلاس
    كبرتي و بقيت تسصعطاشر سنة. عمر الزهور .
    عمر الغرام.. عمــر المونـــا.

    © ياخي إحنا ما شوفناها من أساسو،
    ترا قاعدين بس نقابض في النسوان من طرف
    على شبه الوصف ساه لأمنا ، تلگ التي مالثبت
    أن تودعنا أماتة في عنق هذا العالم الخرف، حتى
    توارت عن الأنظار بهدوء، لتستأذن بالرحيل إلى
    رفيقها الأعلى. فيا زول غايتو خلها في سرگ
    ساه ما تخلنا نفتح في وصلة جعير
    بعدينك تقعد تكوس للبسكتنا ظاطو.

    (عدل بواسطة دفع الله ود الأصيل on 02-24-2018, 08:11 PM)
                  

02-24-2018, 08:13 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    . مشاكسة من Abdelazim :
    انت لكن يتيم و الا امك ميتة بس.
    ٪٪٪٪٪٪٪٪٪٪٪٪(((and)))٪٪٪٪٪٪٪٪٪
    {9}
    أولا عشت (فطيما) منذ نعومة أظفاري
    وتاني تمت الناقصة برحيل الوالد. فبقيت
    مگطوع من شدرة. بعدين يا عظمة ياخي
    مالگ مقلب علينا المواجع ؛ دا بدل ما تطرانا
    بي مگطاع لقمة و لا جگ آبري صاقط.
    عالم جنها شمارات ، بس.

    (عدل بواسطة دفع الله ود الأصيل on 02-24-2018, 08:15 PM)
                  

02-25-2018, 11:34 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)


    مشاكسة من أ×ونا عادل القاسم
    يا شاب قلت ليك العزابة عمرهم ما
    بفطرو في بيتم...بنتظرو العزومات.ولو
    ما جاتم بمشي لاي زول بفطرو عندو...

    ياخ اسألني انا... (9)
    ياخي إتا اللي تسعل و نحنو نوجيب.
    أولن مانا عارفين لنا بيت عزابة غير الفاتحو
    عمك عظمة داك قال إيه: لزوم الفرفشة والونسة
    و القعدات الجميلة قال؛ و فارعو لينا بسؤاله لأيوب
    عن التمباك و الشيشة ن في أرطب الأحوال. بعدين شن
    فيهو غير السراويل المدرعات بمسامير البيبان. علا دا كلو
    كوم و المحيرني بالجد فيهه بلاعة في صفاق الحمام يات
    من يجي زاير بيقيف جنبها حزين و يشيل الفاتحة لي
    منو و لا في منو المرحوم، دي علا تسعل منها
    صاحب الدار و(أدمن) الميز. دا طبعن لو
    في ميز من أساسو. فمافي داعي
    ياخي لنبش للفضايح
    اللــهم إني صايـــم.
    بعدين ثم منو هو الفاتح لك بيتو
    (تكية) عشان تمشيلو تلهط معاه؟!
    دا كان زمان الناس حُنان و لا تكون
    إتا ياخوي مرطب عايش لك في بلدن
    طيرو عجمي. أما هنا فخذ العبرة
    من صاحبك ود التهامي من
    يوم جا بجاي تحين تاني
    سمعتو قال بغم؟
                  

02-27-2018, 11:28 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    ؟!..
    مشاكسة من Abdelazim
    يا شباب انتو غاتس وين؟!
    (10)
    ديل بقولو غاتسين وين گمان؟!
    ضيوفم جو بالباب و هم أخد وأبناهم و نطو
    مرق بالشوباگ ، شتتو و عملو حمد لبد . عاد
    بقدر على ياءك ياءگ دي ؟! خايف أفواج العزابة
    يجوهم ريقان ريقان يتاوقو مع رفعة الطبق خسوسن
    في رمضان ، يلهطو اللخدر و اليابس ؟! و إتا براگ
    عارف الگورتاحة اللحنا فيها . و إتا ما تفسر
    و أنا ما بعدين بقصر
                  

02-27-2018, 11:36 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (11)
    مشاركة من الحفيان:
    يا جماعة الجرسة لسه و الا الحاصل شنو؟!!
    أيوة ي حفيان ، كلها كم شهر تلقى رمضان وقفا
    على الابواب.؛ يادوبك نخلص وح ندخل بعدا ك
    في جرسة الستوت.و طبعن اتا قايل يا ضلفلف ما
    ظنيتك من الناس البصومو الستوت. بالموناسبة إمامنا
    الراتب في التراويح واحد مصري دمو خفيف.مرة قال :
    بعض المصلين زعلانين مني عشانموش عاجبهم گلامي
    في "الست". فكلنا نططنا عويناتنا قلنا المطوع بتاع ستات
    و لا إيه.؟! قال: مالگو إتخضيتو گدا ليه؟! حتين في النهاية
    فهمناإنو قاصد (الست من شوال).وإنو عايز يهيئنا
    للحديث حول نفس الموضوع.).
                  

02-27-2018, 11:39 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    مشاكسة من عادل القاسم
    يا عظمة بتسأن عني ، مالك شن ديار مني؟!
    رسلوني الكميرون اجيب تمباك...عاوز بي شنو.؟؟
    أنا قدرك ي اخوي ولا لحم سدرك..
    (12)
    و الله على رايگ ي (عضولي)، شن جابگ ليهو؟!
    عمگ دا من سنة مجاعة ( أم دقنوس) و هو داجي
    حفيان،ع امل الدرب ساساقة بين التحتانية و الفوقانية؛
    و إتا ي حبت عيني، لسة حنگوش، و لا يزال ليلگ
    طفلن يحبو. قال يجيب تمباگ ود عماري
    الجيد قال ، محن آخر زمن ي ناس!؟
                  

02-27-2018, 11:41 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    المشاركة الأصلية كتبت بواسطة ABDELAZIM
    طيب عليك الله جيب لي معاك بذر بتيخ

    @ يجيب لك(بذر) دي ، بصراحة أنا شخسياً
    ود الأصيل ما فهمتها شخسيا، يا(عظومتي)،
    و لا يمگن قصدگ يجيب لك ( بزازة)؟!!!
                  

02-27-2018, 11:46 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (13)
    مشاكسة من Abdelazim
    اسمع يا دفعة يا جنكوش أفندي
    طبعن كنت متأكد انك ما ح تعرف
    بذر يعني شنو لانك انسان جاهل
    بذر يعني حَـب يا أُمـي !!!
    حب بضم و لا فتح الحاء؟! بعدين
    تعال هنا ي حبوب (أمگ) أنا و لدتگ متين ،
    أريتگ تلد البنط ، برگة إلاهي و سيدي ،
    و ترا ماني ختيان عليگ. لأنگ دايمن قاعد
    بتستغل سذاجتي و جهلي بأمور( الحوبگان)
                  

02-27-2018, 11:55 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (14)مشاكسة امن د. سيف الاسلام :يا ود الاصيل ،
    اثبت لي انك كراكة قديمة لدرجة التشكيل ما بتشوفه .

    لا و الله عاد يا ديك /(تور) عاجبني صاحبگ
    (الگراگة أم دلو) داگ القاعد يلقم ليگ و تبع شايفگ إ
    تا بديت تجدع. علا اسمعو هوي ، أنا لا هاميني البنا و لا
    البناول الطين. لأني لا بخاف، لابعرف الخوف ؛ و علا گان
    گشگش گديس تلقاني قايم صوف
    .٪٪٪٪٪٪٪٪
    علا بس يسلم لي ضراع أخوي الحفيان دا
    و لا نامت أعين الجوبناء..حالو دي حفيان ،
    الجعلي الحمش (الحفيان) فوق الرماضاء بمش
    لأنو عامل بنظرية : (انصر أخاك ظالماً و مظلوماً)
    لا، و مال دايرو يهملنا ليكم إتوتاكلونا حنك ساااه؟!
    و ليهو علي العيد الجاي دا گان شنوداگ علا أنعلتو،
    إن شاء الله حتى لو شقيانة تموت تخلي.علا عان جاي،
    برضگ ما قت لي، هو عمك داشايب من وين؟!
    قصديدقن و لا شنب ، و لا الأتنين معاً؟!!عامل
    فاخورت راسوالغليدة دي ، المتل سرج العجلة،
    عمگ أب دربن ماگن؟

    (عدل بواسطة دفع الله ود الأصيل on 02-27-2018, 12:02 PM)
                  

02-27-2018, 12:10 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (15)
    مشاكسة من ABDELAZIM :ع
    لي فكرة الحفيان لا أمان له!!!
    @عاد بس نعلو كمان بعضي السايب.
    ياخ قوم لف كدي ولا كدي، دامن تشككنا في الناس
    البنسق فيهم. و الحفيان دا أنا متأكد إنوحِميل وديع جدن.
    غايتو علا يكون مندس في جلد ذهب بشري. بس أوعة
    يكون يا ربي عميل مزدوج، بالنهار يسبح و بالليلبضبح
    والله فيالزمن العلينا دا الواحد على رأي عمك جحا لو ضمن رويحتو دي، بتكون كتيرة منو

    (عدل بواسطة دفع الله ود الأصيل on 02-27-2018, 12:22 PM)
                  

02-27-2018, 12:14 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)


    (16)
    مشاكسة من Abdelazim
    ياخي حمل وديع شنو دا حفيان تاني شنو؟!!

    @ بالله ، لا يسخر قومن من قومن.
    ياخ دا بدل ما تكسيه جيب ليو معاك
    نعلات من إستوكات باب شريف إن شاء الله
    حتا لو (شِقَيَّانة) ولا تموت تخلي برضو ترا يعيد بهن
    العيد الجاب الناس و لينا ما جابك. بس ضارب لي الطراوة
    بهناك لبحر المالح دا و نحنا بجاي نتعشى من خشاش الأرض
    مكشن ببصلكلاب عليه كباية شاي مدنكل بي لبن عُشَرْ . قال
    مطافي الحرمينالشريفين قال. ياخ سيبنا ساي ما تخلنا نفتح
    عليكم نيران . بذكر سنة حريق منى الشهير كنا في الحج ؛
    بالله جماعتكن ديل مجخمين و قاعدين ؛ عربات دفاعكن
    المدني كانت ماسكة فيهنألسنة اللهب. الواحد يجي
    يمسك خرتوشالحريق يلوحو يجدعو ليك متل
    هنوووك .غايتو كانت جنس مهازل
                  

02-27-2018, 12:20 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: [} يوميات عزابي رغم أنفه π√ (Re: دفع الله ود الأصيل)

    (17)مشاكسة من سيف الاسلام
    اتا ي ود الأصيل فاكر الحفيان دا هو
    الوحيد القرفان يا صديقي العزيز؟!! والله هكنا
    فايتنو بس بي السوكات بس وعليك الله الما بخلي
    بطننا تطم شينو؟!!
    فاهمك و الله يا ييك(تور) و عارفك زي جوع بطني ،
    ما لأنو الحال من بعضوو الله خايفك يوم تجي قشة عينك
    من النومتلقاني واقع منسدح هنا و مكتوب على (شاهد)
    قبري(نهاية بطل أسفيري من بين قبيلة بني عدمان)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de