بالمناسبة تراجي دائمآ بتقول انه الكيزان هم ونسوانهم عندهم فقرة في بيوتهم !!!!
احتمال برضو تكونوا مشيتوا لي كوز عنده فكي في البيت نيجيري ولا تشادي وعملوا ليكم عمل جننوكم بيهو كدا !!! هههههههههههههههههههههههههههههههههههههههههههههههههههههههههههههه
بالمناسبة لو في زول عنده التسجيل دا ينزله !
غايتو يا وفد المنافي زيكم مافي !
هههههههههههههههههههههههههه
الحقونا بالتسجيل .
02-18-2018, 09:55 AM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
انا جديد فى المنبر واكاديمى فقط لكن من خلال متابعتى ومواضيعك والله متخيلك الناطق الرسمى باسم المؤتمر الوطنى فى المنبر مع كامل الاعتذار غريبة تطلع من حزب معارض
02-18-2018, 09:36 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9021
الطيب رحمه قريمان سلام الأخ الفاضل ، من خلال وفد المنافي ، عرفناك و ظهرت لنا تلك ، الحقيقة الدامغة التقوي و الصلاح ، قريمان ذاك القرآني ، الذي يمشي وسط الناس بنوره ، الذاكر لله كثيراً ، أينما كان لونك الآيدولوجي ، فأنت أخ كريم ، ترفع لك القبعات ، ،،،،
عزالدين عباس الفحل ابوظبي
02-18-2018, 10:02 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
بت عمسيب بتقول الحقيقة لكن العنده حالة نفسية جابها بنفسه الحالة النفسية واصبح مسخرة واضحوكة ودا الحذرناه منه زمااان لكن المابسمع يأكل لما يشبع زي ما بتقول ست الحبائب حاجة نفيسة امي .
يا بت عمسيب أخونا الطيب قريمان دا عملتوا ليهو مشكلة نفسية !
02-18-2018, 10:25 AM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
انتو يا جماعة قصة الناس العاملة فيها معارضة وبينبذوا ويشتموا في الحكومة في منبر بكري ده ومقومين العجاجة وبيطاردوا في الناس عشان رايهم مختلف
وعاملين فيها هم بس البيعارضو !!! وفجأة تلقاهم حايمين في الخرطوم ومجدعين ومافي زول سالهم ولا سمعنا بيهم دخلوا السجن ولا اعتقلوهم!!
في حين ان اهل الحارة الجد موجودين في سجون النظام ومازال بعضهم يقاوم داخل البلاد لهم التحية
لكن السؤال البيطرح روحو هو ليييه اصحاب (الحلاقيم) الكبيرة في منبر بكري ده ومطارين الناس بس عشان رايهم مختلف بيخشو وبيطلعو بالمطار عديل ومافي زول قال ليهم بغم!!!
من المؤسف ان بعض الاعضاء يفتكر ان سقوط النظام يتم باسقاط ازيال النظام في المنبر امثال كتيرة من البوستات مفتوحة من اهل البيت تهاجم الافراد كان سقوط النظام مربوط بسقوط بريمة او الكنزي
و لمن يغيب احد الامنجيه زي ود الباوقة يقتحو بوست للسؤال عنة
اختشو يا مناضلين و يا اهل البيت
ماذا يهم الشعب السوداني غي ان يسقط عيال الامن و صبيان الجبهة امثال قريمات و ود الباوقة و الباحث عن الشهرة الكنزي او بريمة
فيا دينق و عمر دفع الله و الطربيد وبقية الشرفاء ارجوكم ارجوكم بطلو مهاجمة الافراد و هاجمو النظام
مهاجمة و تضييع الوقت في الهجوم و الونسة و الرد في بوستات الامنجيه و الحوار معهم اجدي بها كشف النظام و الدعوة للثورة و العصيان المدني الغام حتي اسقاط النظام
و الثورة مستمرة
و تسقط تسقط مافيا الكيزان
02-18-2018, 10:56 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
شهد الناس و تابعوا المطارادت و المضايقات الى يقوم بها .. الكثيرون فى هذا المنبر ضدى .. أنا قلمى مبرئ ..
و اعرف جيدا كيف و متى استخدمه ..
لكن معركتى ليس مع أعضاء هذا المنبر الذين ينصبون أنفسهم .. معارضين و أوصياء على كل ما كان له رأى او موقف مغاير لهم ..
هؤلاء لا يحركون فيى ساكنا ..
البعض لم يتوقف عند هذا المنبر .. بل منهم من أتصل على هاتفيا .. و بالايمل .. و بالفيسبوك أو الواتساب ..
يشجبون موقفى .. السؤال .. و منهم من شتمنى و خرج من صفحتى فى الفيسبوك و غيره .. و طبعا منهم من التزم الصمت و لم يواصلنى ... !!
السؤالالذى يفرض نفسه :
من من هؤلاء يملك طرحا مقنعا .. يقدمه لى اتدارسه قضايا السودان التى يدافع عنها .. فان اقتنعت انضممت الى فكره او الى حركته السياسية او المتمردة حتى .. !!
أنا اتحدث عن الذى يطاردوننى من المنبريين هنا .. كالذى افترع بوستا باسمى .. حاضرا و كثيرون سبقوه ..!!
أما خارج انظومة هذا المنبر .. و لله الحمد و المنة.. اتصل عليه بعض من قيادات كبيرة فى السودان لهم احزاب سياسية .. دعونى للانضمام اليها .. غير انى شكرتهم ..
و اوضحت لى انتماء سياسى انا ملزم و ملتزم به الى هذه اللحظة كما ذكرت آنفا ... !!
لم يكن ايا من ذلك سببا فى فتح البوست ... !!
نواصل
02-18-2018, 10:56 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
وردآ عليك .. لكن السؤال البيطرح روحو هو ليييه اصحاب (الحلاقيم) الكبيرة في منبر بكري ده ومطارين الناس بس عشان رايهم مختلف بيخشو وبيطلعو بالمطار عديل ومافي زول قال ليهم بغم!!!
يا ود بدر ان شاء انا ما اكون من صنف ابان حلاقيم ؟ هههههههههههههه غايتو لو ضميتني معاهم حا اكتب ليك اخر رد ( الفيك اعترفت ) هههههههههه
وتسلم يا ود بدر ,,
(عدل بواسطة مني عمسيب on 02-18-2018, 11:16 AM) (عدل بواسطة مني عمسيب on 02-18-2018, 11:19 AM) (عدل بواسطة مني عمسيب on 02-18-2018, 11:23 AM) (عدل بواسطة مني عمسيب on 02-18-2018, 11:28 AM) (عدل بواسطة مني عمسيب on 02-18-2018, 11:44 AM)
02-18-2018, 11:13 AM
Deng Deng
تاريخ التسجيل: 11-28-2002
مجموع المشاركات: 52544
Quote: انا جديد فى المنبر واكاديمى فقط لكن من خلال متابعتى ومواضيعك والله متخيلك الناطق الرسمى باسم المؤتمر الوطنى فى المنبر مع كامل الاعتذار غريبة تطلع من حزب معارض
الاخ خالد عباس مرحب بك في المنبر ............................................................................ مشكور الاخ دينق ترحيبك يدخلنى قائمة المطلوبين حيا لو ميتا هههههههههههههههههههههههههههههههههههههههههههههههههههههه
02-18-2018, 11:21 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
المهم خلاصة الامر .. حتى أنهى هذا البوست .. الخلاصة .. و سبب كتابة هذا البوست .. الخلاصة .. ذكرها عاصم فقيرى .. يا أبناء آدم انتم لستم بأوصياء على الناس .. اتركوا الناس لخالقها .. كونوا موضوعيين فيما يطرح عليكم و كونوا جادين فى تناولكم ان كنتم فعلا حريصون على السودان .. تصالحوا مع انفسكم اولا و حددوا اهدافكم و أعملوا على خير السودان و اهل السودان .. قبل ان يتخطفكم الطير .. السودان فى حاجة الى كل ابنائه .. العاق منهم و البر .. اليسارى منهم و الفاجر و المسلم و المسيحى و غير الدينى .. ارفعوا رايات السلام .. نواصل ..
خليني اقول ليك اقول ليك حاجة مهمة عشان بس ناسس ارضية للاختلاف،
١- الاخ الطيب قريمان شخص له مطلق الحرية في ابداء رايو سواء كان بيعجبنا ولا ما بيعجبنا ٢- للطيب مطلق الحرية في مشاركة رايو من مشاركتو في الحوار وغيرها كما لك مطلق الحرية في انك تخشي البلد وتطلعي منها زي ما انتي عايزه مع انك بتشتمي الحكومة في منبر بكري ده ٣- لك ايضا مطلق الحرية انك تكتبي ما تشائي وتخشي بالمطار وغيرك بيلقطوهم من المطار حال نزولهم من الطائرة! ٤- ليس لك الحق مطلقا في تكميم افواه الاخرين في كيفة ابداء رايهم سواء كان ضد النظام او معه ٤- ليس بمقدورك ان تحكمي علي الاخرين بمواجهة الة القمع او ما يدور في بلادنا فقط بالكتابة هنا علي سطح هذا المنبر
انا اعتقد النقاط الفوق دي كفاية عشان نقدر ناسس لارضية حوار يكون مدخلها انك انتي بتشتمي وبتدعوا الي قتل وسحل اي زول في الحكومة دي حتي لو شارك في حوار ساي زي الطيب قريمان ده ومع ذلك بتخشي عادي وبتقعدي بالشهور لا طلعتي مظاهرة ولا اعتقلوك ولا سمعنا باي حاجة زي ما بيحصل للاخوان كرم الله ورضوان داوود !!
فيا ريت تشرحي لينا الحته دي عشان بس نقدر ناسس لحوار فيهو المنطلقات الفوق دي ومع ذلك لك كامل الحرية انك ما تشرحي اي شي وتواصلي عادي
02-18-2018, 12:05 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
لكن السؤال البيطرح روحو هو ليييه اصحاب (الحلاقيم) الكبيرة في منبر بكري ده ومطارين الناس بس عشان رايهم مختلف بيخشو وبيطلعو بالمطار عديل ومافي زول قال ليهم بغم!!!
غايتو يا محمد الشيخ لو اخدو نصيبهم من العذاب في العهد داك يكون عداهم العيب ونكون انحنا اتلومنا تب
لكين يااا ود الشيخ ان بقت الشغلانية مطاردة ناس بسبب اراءهم ومواقفهم الهم حرين فيها ومعاها اكلتو قروشنا وقروش المساكين !!! كمان من حقنا احنا زاتنا نسعل من الناس البيدخلو ويمرقو وغيرهم بمسكوهم من باب الطيارة وواحدين بستلموهم من بره البلد!!!
غايتو انا بقول الناس في المنبر تكتب العايزه تكتبو لكين ما تكون وصية علي الناس وتبدأ تقبقب فيهو يمين وشمال عشان ما تجيب لنفسها اللوم ولا شنو اااد ود الشيخ
02-18-2018, 12:36 PM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
انا اعتقد النقاط الفوق دي كفاية عشان نقدر ناسس لارضية حوار يكون مدخلها انك انتي بتشتمي وبتدعوا الي قتل وسحل اي زول في الحكومة دي حتي لو شارك في حوار ساي زي الطيب قريمان ده ومع ذلك بتخشي عادي وبتقعدي بالشهور لا طلعتي مظاهرة ولا اعتقلوك ولا سمعنا باي حاجة زي ما بيحصل للاخوان كرم الله ورضوان داوود !! فيا ريت تشرحي لينا الحته دي عشان بس نقدر ناسس لحوار فيهو المنطلقات الفوق دي ومع ذلك لك كامل الحرية انك ما تشرحي اي شي وتواصلي عادي
يا اخي سنوسي البشتم بشتمو لما الرئيس بنفسه ووزرائه بشتمونا وبستفزونا كشعب ! فماذا تنتظروا منا غير رد بضاعتهم ؟ يعني اسأتهم حلال عليهم واسأتنا حرام علينا ؟ مقعول يا ود بدر بتنتقدني فقط عشان اسئيتهم ؟ بعدين الجيت تدافع عنه دا ذاتو ما كان اكبر المسيئن ليهم ليه ما فتح زمان بوست لومتو فيه ؟ بما الكان بقول فيه كل عين الحقيقة من قتل وجرام وغيرو ! بتمني منك ما تتعامل معاي كملاك انا بشر البسئ للوطن والشعب حا ارد ليهو بضاعته ! وتالله قريمان ما لاحقته الا لما بدأ يسمعنا ما لا يرضينا عن الشعب بعد ما خت يدو مع القتلة والمجرمين والمفسدين الكان فاتح ليهم بوست بهذا العنوان ! وممكن تمر علي كل البوستات الاولي الكان بكتب فيها عن الحوار ابدأ ما لاحقته ! لاني عارفه حدودي جدآ وعارفة متين اتداخل ومتين امتنع . اما بخصوص السحل والقتل دا يعتبر قصاص وليست امنية شخصية وما زلت بطالب كل من تسبب في قتل شهدائنا وشعبنا بنطالب بالقصاص هل عندك راي في كدا ؟ ده ومع ذلك بتخشي عادي وبتقعدي بالشهور لا طلعتي مظاهرة ولا اعتقلوك ولا سمعنا باي حاجة زي ما بيحصل للاخوان كرم الله ورضوان داوود !! فيا ريت تشرحي لينا الحته دي عشان بس نقدر ناسس لحوار فيهو المنطلقات الفوق دي ومع ذلك لك كامل الحرية انك ما تشرحي اي شي وتواصلي عادي كلامك صاح بدخل عادي وبطلع عادي وباسمي الحقيقي وصورتي الحقيقية . وما طالبني حلفية ما حصل دخلت .. بسترتي الا اتكلم مع البوليس وانتقد ليه العمل واسالهم من مطارهم ومتين بغيروه دا كل ما امشي اما بخصوص... المظاهرات طلعت مظاهرات يوم 18 والكلام دا فتحت ليهو بوست وبتلقاه في الصفحات الفاتت ممكن تتم اسالتك معاي فيهو وبتمني ذلك . وانا حا ارجع ليهو لانه في حاجات دايره احسمها فيه . وبالمناسبة انا كنت عاملة تغطية لبعض القروبات لهذه التظاهرات من الخرطوم والله علي ما اقول شهيد . ودي ما بطولة مني دا واجبي الوطني تجاه بلدي وغير كدا كان في زملاء لاقيتهم هناك في التظاهرة ونسبة للظروف الامنية ما حا اتكلم عنهم وكان في زملاء بتصلوا بي هناك .. وبوصل ليهم الحاصل بالضبط وهم معانا هنا في المنبر دا ومن خيرة عظماء المنبر والله علي ما اقول شهيد .
اما بخصوص اعتقالي انا ذاتي مستغربة ! لانه السفارة عندها صورنا بكل مظاهراتنا وندواتنا السياسية البنعلها وبكون انا راس القائدة بعض مرات ليه لما امشي للتأشيرة ما ببلغوا عني ؟ لكن احتمال عشان بخافوا من الاتحاد الاوربي اكتر من الله والله اعلم .
بالمناسبة دي صورنا في هولندا كل فترة بنقول تظاهرات وبنمشي نسلم مذكرة للبرلمان والمحكمة الدولية وهم دا كلوووو عارفنه
دي مظاهراتنا في هولندا جنب المحكمة الدولية .. وبالمناسبة كل فترة عندنا مظاهرة تابتة للفت انظار الاوربيين والمطاهرات دي بكونوا مبارينها ناس الاعلام .
دي واحدة من المئات من مظاهراتنا عشان ما تسلو حلاقيمكم فينا وتقولوا جابتنا بطنا ونسينا وطنا .
02-18-2018, 01:09 PM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
لا عداك العيب وكتين طلعتي مظاهرة في الخرطوم وهولند. وامانه اتلومنا معاك،
نجي لنقطة المجرم البشير الزول ده عليك الله اشتميهو وما تخليلو صفحة ينبطح عليها (النجس) وان لقيتي فرقة عليك الله لزيهو في اقرب حفرة عشان نرتاح منو (الضب) ده
نجي للنقطة بتاعة الطيب قريمان، اخونا الطيب ده انا زاتي مندهش لتغيراته المفاجئة ، لكن انا لست وصيا علي احد ولم اندفع بفعل العاطفة لانتقد مواقف الطيب.
اندهاشي من موقف الطيب الاخير هو سرعة التحول الاخير وعدم قيامهم بشرح التحول بصورة واضحة تزيح اللبس القائم حول المشاركة في الحوار وكان هناك غموض وتراكم ذلك الغموض بالتصريحات الغير مسؤلة للسيدة تراجي ولقد عول الناس كثيرا علي الطيب لشرح ملابسات التحول المفاجئ ولكن الطيب زاد اندهاش الكثيرين بسبب عدم توضيحة مواقفة.
وجاءت ردة فعل الطيب نتيجة للاستفزاز الذي مورس عليه من قبل المحبطين من التغيير وصار الطيب هدفا لكم انت يا مني وبعضي (مونساتي السياسة) من الناس البتفتكر ومعارضتها بتدار من المنبر ده.
تابعت كتابات الطيب واستطعت ان اخلص ان الرجل تبدلت قناعته وراي ان التحول يتم بالحوار وده زايو وهو حر ، نتفق معاهو ولا نختلف ما بيغير من قناعتو ولا نملك الا احترامها
في ناس اخدت الموضوع شخصي وجعلت من الطيب منصة لاطلاق احباطاتها في التغيير وكانو الطيب ماسك الحكومة او متقلد منصب دستوري فيها وذهبت ابعد من كده فمنهم من قال خذوه فغلوهو واكتلوهو
للطيب راي مختلف حول كيفية تغيير النظام او حتي تدجينه لا يقدح في عدم اهليته او يصادر حقوقو
02-18-2018, 02:45 PM
كمال عباس كمال عباس
تاريخ التسجيل: 03-06-2009
مجموع المشاركات: 17123
سلام أخ السنوسي بدر من حق إي شخص - يغير في فكره وقناعاته ومواقفه السياسية ويتبني ما يشاء من مواقف -هذه بديهية !! وطالما أن الشخص المعني - يطرح أفكاره ورؤاه كتابة أوشفاهة فمن حق الناس أن تنتقده وتختلف معه - فهذه أيضا من أبجديات الحوار وهي أيضا حق مشروع لايجب مصادرته ! * إن وقف شخص نقيض لما كان يطرح أو تغير موقفه مما كان يعتبرهم أس الداء والبلاء وأنهم قتلة ومفسدين - يحق لنا أن نسأله عن سر التناقض ؟ وعن أسباب تغير رأيه في العصابة الحاكمة ! ** إكتشف مخاطر الحرب والدماز - نحن أيضا ضد الحروب والدمار وندعو لإيقاف نزيف الدم اليوم قبل الغد ! ولكن نظل مع هذا في موقع معارضة النظام * راهن علي حوار الوثبة ! وإختلف الناس معه في جدوي حوار الوثبة - فدا كلو مشروع - ولكن: هاهو النظام وبشهادة أهل الجلد في حوار الوثبة يتنصل عن مخرجات الحوار ويواصل الهيمنة علي مفاصل الدولة والإقصاء والقمع ومصادرة الحقوق والحريات ! ونعطيك هنا نموذجا
كتب قريمان :
Quote: (نظام الانقاذ سوف يظل باقيا .. ذهب البشير ام بقى فى سدة الحكم .. و قد يأتى آخرون لا نعرفهم من قبل غير انهم انقاذيون .. ان الانقاذ سوف تظل هى الحاكم و المسيطر على الحكم فى السودان لعقود قادمة .. فلنا ان نجلس فى الواطة و نشوف كيف نعمر بلدنا .. )
! يقطع الرجل جازما ببقاء الإنقاذ وإستحالة التغيير - وهو أمر كان يناقضه قبل عدة شهور! يدعو الناس للقاعد في الواطة لحل مشاكل البلد ! حسنا أصرت علي الهيمنة علي مفاصل الدولة - سلطة وثروة وتصر علي إقصاء وتهميش الآخر - وعلي الفساد والإستبداد !_ وحتي مايسمي بحوار - نكس عنه البشير ولم يلتزم بمخرجاته ! وذلك بشهادة أركان الحواروأهل الجلد والرأس فيه ! بل وحتي زعيمة وفد المنافي أقرت بهذا وإشبعت الإنقاذ ضربا ولطما! * مسألة تبدل القناعات وارد - أن تكون غانديا وتتحول لجيفاري أو العكس مثلا- فهذا حقك ولكن لنا الحق في تقييم مواقفك ومحاولة فهم التناقض وخصوصا إن كنت ممن يخون الغاندوي ويراه إستسلاميا وخانعا وأسلوبه وغير مجدي أو تخون الجيفاري وتراه دموي وعنيف يفرز إسلوبه ضحايا من الأبرياء والعزل ويخدم الجلاد ويطيل عمره! * السؤال عن تناقضات أو تحول في المواقف والقناعات والحوار في ذلك حق مشروع ومحاولة مصادرته تعد إقصاء وضيق بالرأي الآخر ! الديموقراطية مش one way track أمارس حقي في تبني ما أشاء من رؤي ومواقف ثم أضيق بل وأرفض من ينتقدني ويختلف معي! لا فالديموقراطية تتيح لك إتخاذ ماتريد من خيارات في الشأن العام ولكنها تكفل حق الآخر فيالإختلاف معك !
02-18-2018, 03:00 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2185
كامل التقدير و الاحترام للاخ الطيب .. صاحب البوست .. تانيا اثمن دور اى شخص ساهم ف رفعة و استقرار وطنه ( كل حسب رؤاه و قدرته) .. و ثالثا و هو ثالثة الاثافى .. و المهم هو ما ذكره الاخ الطيب ( و ساخذ الاخ الطيب كمثال لانه صاحب البوست) انا حزب امة القومى .. و انصارى.. و كلامى هذا عام و ليس اقصد به الاخ الفاضل الطيب او حزبه و هو عدم الالتزام و الانضباط فى جل احزابنا السودانية .. اذ كيف اكون عضوا ملتزما و لا اتقيد بتوجهات و لا قرارات الحزب ؟ و يكوت لى ارائى الخاصة و انفذها كمان !!! و هذا داء موجود ف احزابنا .. لهذا حق للاخرين تسميتها بالاحزاب الكرتونية .. بمعنى لا قادة لا قيادة و لا ... احزاب تاخد و لا تعطى احزاب تعطى و لا تاخد و احزاب ما بين هذا و ذاك و احزاب لا هذا و لا ذاك .. عضو ملتزم بدفع اشتراكاته ومنضبط بخط الحزب ...و لا ياخذ من الحزب الا ايمانه بمبادئه .. و اذا تعرض لاى شىء لا يقف الحزب بجانبه .. و احزاب تعطى بلا مقابل لعضويته .. و احزاب تعطى بمقابل .. هههههه و ربما الوسطية غير موجودة .. اعضاء احزاب مفلسين لدرجة لا يعلمها الا الله .. و اعضاء احزاب يقتلهم التخمة .. و اشياء كثيرة ..... النتيجة .. احزاب لا تستطيع السيطرة على عضويتها او تحريكها مثال الامة و الاتحادى .. و السيد الصادق يرسل الخطابات و الاوامر من المنفى ايام المعارضة و اسمرا ... مرة باعتباره رئيس الوزراء المنتخب .. و تارة برئيس الحزب .... و لا احد يتحرك ممن دعاهم !!! و سلم تسلم ... المسالة ليست تريقة او استهزاء لقامات من بلادى نكن لهم الاحترام كيف ما كان راينا فيهم .. و لكن جوهر المسالة البحث عن الاسباب التى تجعل عضوية اكبر احزاب بلادى لا يتحركون ساكنا حينما يدعوهم قادتهم الذين يحملون القيادة الدينية و الدنيوية !!... و ف المقابل شوف تجربة الجبهة ..و كيف الانقياد لقيادتهم .. امشوا الجنوب .. مشوا الجنوب شباب و طلاب و وزراء و دعاة .. ماتوا ف سبيل دعوة حزبهم ... ما السبب .. و ما الفرق ؟؟ هل ارتباط العضو بتلكم الاحزاب وقتى و مؤقت و لاشياء ف نفس يعقوب .....و هل لان الحزب لن يعطيه ف وقت محنته ( اذا اعتقل او قتل .. الحزب ما حيفطى اعقابه و لا اولاده مثلا ) و ارتباط هذا الحزب عقدى ..و لانه اعانه ايام حياته بالتاكيد سيعينه ايام محنته ... ليست هذه نظرة ميكافيلية ... و لكنه الحياة ... انا عندى اولاد ...ساربيهم على المبادى نعم .. و لكن ليستوعبوا هذه المبادى لابد من صحة و عافية و جسم سليم ... الاسلام نفسه هو دبن الوسط .. حكومة الصادق المنتخبة كانت له صلاحية انقاذ البلاد .. و لكن ... قادت البلاد لحكومة العسكر و من تربص به من بعض الاحزاب .. لماذا لم يتداعى عضوية الحزبين الدفاع عن احزابهم او عن قادتهم .. او على الاقل عن الديمقراطية .. و لكن عندما ترى ابناء قادتهم ف القصر الجمهورى نعذر العضوية .... (و مرات بسال نفسى عندما يعتقل الشيخ الوقور الامام الصادق كيف عبدالرحمن بينوم مرتاح البال و لاّ ياكل ما لذ و طاب ف القصر و ابوه مرمى ف السجن ..ااااااااااااخ عليكم الله ما تفكروا فى دى عشان ما يجيكم الجانى ) ..... اسف للاطالة ... و لكن المسالة محتاجة تفكير و تقليب الامور و الرؤى .. و تحية للاخ الطيب مرات و مرات ... و للجميع مودتى وتقديرى
...
..
02-25-2018, 01:09 PM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
خليني اقول ليك اقول ليك حاجة مهمة عشان بس ناسس ارضية للاختلاف،
١- الاخ الطيب قريمان شخص له مطلق الحرية في ابداء رايو سواء كان بيعجبنا ولا ما بيعجبنا ٢- للطيب مطلق الحرية في مشاركة رايو من مشاركتو في الحوار وغيرها كما لك مطلق الحرية في انك تخشي البلد وتطلعي منها زي ما انتي عايزه مع انك بتشتمي الحكومة في منبر بكري ده ٣- لك ايضا مطلق الحرية انك تكتبي ما تشائي وتخشي بالمطار وغيرك بيلقطوهم من المطار حال نزولهم من الطائرة! ٤- ليس لك الحق مطلقا في تكميم افواه الاخرين في كيفة ابداء رايهم سواء كان ضد النظام او معه ٤- ليس بمقدورك ان تحكمي علي الاخرين بمواجهة الة القمع او ما يدور في بلادنا فقط بالكتابة هنا علي سطح هذا المنبر
انا اعتقد النقاط الفوق دي كفاية عشان نقدر ناسس لارضية حوار يكون مدخلها انك انتي بتشتمي وبتدعوا الي قتل وسحل اي زول في الحكومة دي حتي لو شارك في حوار ساي زي الطيب قريمان ده ومع ذلك بتخشي عادي وبتقعدي بالشهور لا طلعتي مظاهرة ولا اعتقلوك ولا سمعنا باي حاجة زي ما بيحصل للاخوان كرم الله ورضوان داوود !!
فيا ريت تشرحي لينا الحته دي عشان بس نقدر ناسس لحوار فيهو المنطلقات الفوق دي ومع ذلك لك كامل الحرية انك ما تشرحي اي شي وتواصلي عادي
03-13-2018, 11:06 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
فليترك المطاردة .. و المساككة .. بعض من أعضاء المنبر و عضواته الموقرين ..
فهل يا يرتى كل من يخالف اعضاء المنبر يطارد فى محاولة لحجر رائه ..
ذكرت فى اكثر من مداخلة .. موقفى من كثير من القضايا .. و لا اريد ان اكرر الكلام ..
لكن لكم ان تدعوا كل من مخالف لكم فى الرائ ان يذهب الى الجهة التى يريد .. فالمنبر هذا عام و لكل الون الطيف ..
هذا الذى نعرفه منذ نشأته .. و لم يكن محتكرا لفئة دون اخرى و لا لشخص له موصفات بعينها .. و ياتون لك بالاسباب و المحن و الاحن .. لان تكتب ما يوافق هواهم ..
فان ابت نفسك .. اتهموك .. بان عملا .. سحرا .. او كادوكا قد عمل لك .. يا للهول ..
فو الله ان لم يسع هذا المنبر ارءا اعضائه .. فان السودان من باب اولى ... !!
اشكر لك نصيحتك .. و نحن هنا فى هذا المنبر و فى غيره .. من أجل ان نقدم ما ينفع الناس .. ايا كانوا .. و لان نقدم ما لدينا ننفع به الناس و ننتفع بخبراتهم و علمهم ..
و لا ننتقد نقدا ايجابيا .. و نحاول قدر المستطاع ان نقدم الرئ الصائب .. و نمارس النقد الذتى باعتدال .. اشكرك و باك الله فيكى ..
تحياتى ..
03-19-2018, 09:36 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب رحمه قريمان
مني عمسيب
Asim Fageary
عزالدين عباس الفحل
Elsanosi Badr
Mustafa Mahmoud
أحمد الشايقي
Deng
MOHAMMED ELSHEIKH
كمال عباس
محمد بدرالدين
فيس بوك
تويتر
انستقرام
يوتيوب
بنتيريست