في وجهة نظري .. أن المسألة win-win .. كسب الجميع .. ولكن في أتجاهات مختلفة تماماً ..
الحكومة كسبت رهان مصداقتيها أمام المجتمع الدلي في مسألة السماح للتظاهرات السليمة .. الحزب الشيوعي كسب رهان حق الشعب في التظاهر السلمي ..
وأتوقع قيام الحزب الشيوعي .. تاني .. بدعوة لمظاهرة سليمة أخري .. لتعبيد الطريق للسالكين .. وأتوقع أن الحزب الشيوعي سوف يكون أكثر إلتزاماً في حراكه السلمي في المرة القادمة ..
الحكومة مكسبها واضح جداً أنها بيّضت وجهها مع المجتمع الدولي .. يبقي السؤال الذي يحتاج لإجابة .. ما هى فائدة الحزب الشيوعي .. من كل هذا الجهد والعرق المتصبب .. وحشر نفسه في حتة ضيقة بهذه الصورة .. وكل زول عارف دا ما شئي يسقط نظام؟
تعالوا نقرأوا خيبات الكتاب المنضوين تحت الحزب الشيوعي .. أو المساندين لموقفه ..
في بوست مجاور كتب د. محمد حسن الأتي:
Quote: نعم هي سلميه ولكن في بطنها كل الإصرار على اقتلاع الظلم نعم هي سلميه لان هذا الشعب صبر عليكم ثلاثة عقود ولكن لم تعو الدرس والان الشارع يقول لكم قاعدين ليه ما تقومو تروحو
نعم سلمية .. ثم، في بطنها خبر أخر .. والشيئ الأخر يسميه الناس في الغرب "الفيل في الغرفة" .. ؟ الشيوعيين هم أول الناس عارفين .. طريق السلم ليس طريق للجنة .. الجنة حفت بالمخاطر .. وهنا ليس هناك مخاطر في مسيرة سليمة ..
بريمة
01-16-2018, 06:37 PM
كمال عباس كمال عباس
تاريخ التسجيل: 03-06-2009
مجموع المشاركات: 17134
وديل ما شالو سلاح ولاعصي ولاحجار !! قائمة بالمعتقلات والمعتقلين من داخل الموكب واماكن اخرى الذين تم التعرف عليهم لغاية الآن : 1- أمل هباني 2- يوسف الكودة 3- صديق يوسف 4- يوسف جمال 5- عبد الغني كرم الله 6- حيدر خير الله 7- بكري جاد 8- وهج الطيب 9- عمر عشاري 10- مهند بلال عثمان 11- صفية فضل عبد الحميد 12- بكري نوري 13-طارق صلاح 14- بهرام عبد المنعم 15- محمد محمد عثمان 16- امتنان الرضي 17/امال جبرالله 18/مأمون التلب 19/ايمان الباقر 20/نوال عيسى 21/وئام شوقي 22/ناهد جبرالله 23/ابوبكر تاج الدين 24/عمر الكنزي 25/عفراء سعد 26/رشان اوشي 27/سماح محمد 28/مجدي العجب 29/عبدالله محمد 30/مدثر خميس 31/سيد الطيب 32/موسى الفكي 34/اقبال احمد علي 35/عزيز ابراهيم 36/نسيبة مسيك 37/منتصر احمد الحاج 38/اسحق احمد عبدالعزيز 39/محمد الحسن محجوب 40/سمية علي سيد احمد 41/محجوب عبدالله محجوب 42/مجاهد حمدان فجة 43/احمد عثمان عبد الرحمن 44/عبدالقادر بدر دياب 45/عمر البشير حاج عمر 46/احمد فهد قصاب 47/عبدالعزيز موسى عبد الحميد 48/نجاة ميرغني
إزيك يا بريمة ((المجتمع الدولي دا غبيان واللا مغيب ! في زمن الأقمار الصناعية والإعلام الرقمي !* المجتمع الدولي يرصد ويتابع الإعتقالات التي طالت المئيات ( وفيهم حزب إمة) إعتقالاتلا ذنب سوي تسيير موكب سلمي !* ومصادرة الصحف !*وإغلاق الشوارع والبمبان !** الموكب دا خطوة سيعقبها زخم أكبر وتصعيد وتنسيق في كل المدن والشوارع وخلي النظام يتحمل الجاي !.. *** الحكومة تعاملت مع الموكب بعقلية مكرها أخاك لابطل ! تركته يمضي - فدا سيكون خطوةوبداية لطريق ثوري لاهب وشعلة لثورة متصاعدة ! ضربته وأجهضته - فهذه خطوة ستفضحها أمام العالم وقد تقود لنتائج كارثية خروج جماهيري عارم ! * دي بروفة وجس نبض - ومحاولة لكسر حواجز كثيرة ! خطوة لها مابعدها ! دي إسمها lose lose situation بالنسبة للنظام !
01-16-2018, 09:55 PM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
Quote: مواطنون مسالمون في مسيرة سلمية يشكون غلاء الأسعار
يمارسون حقهم الدستوري
والإنساني
واجب الحكومة الإستماع لهم
وحمايتهم
ليس من حق الحكومة أو غيرها منعهم
او استخدام العنف ضدهم
الباقر
شيوعي ويبكي و يستجدي الحكومة .. ما تضربوهم .. ما تدقوهم .. عليكم الله والنبي .. حلفتكم .. الزول دا .. اليوم حبة السمسم .. بقت بالنسبة له مثل جبل أحد .. أتلاشي عدييل ..
الزول صار يحنن الكافر ..
بريمة
01-16-2018, 06:51 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
Quote: لا تحتقر كيد الصغير ربما ماتت الأفاعي من سموم العقارب حبابك ود أبا
حكمة بالغة .. الجزب الشيوعي بعد ما شاخ .. وسنيناته أتسللن .. تانى داير يقوم ليهو ريشات ..
ناس الحكومة مفورض يجبيوا دكتور نافع علي نافع .. راجع .. ح يقول ليهم "ألحسوا كوعكم" ..
أنا في ظني لعبة حلوة .. كانت ودية .. وفيها رد أعتبار للحزب الشيوعي .. وأظن الحكومة قصدت شيئ من هذا القبيل .. لأن الحزب الشيوعي هو أول حزب أنضرب بقوة حينما جاءت حكومة الأنقاذ ..
بريمة
01-16-2018, 07:07 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
باكر ضقلها بكركب في دار حزب الأمة بام درمان بعد الحراك يتم من جامعة ام درمان الاهلية خاصة بعد تسريبات عن انشقاقات بين قيادات قوات الشرطة المشاركةأخشى على النظام أن يدس مخربين في الحراك السلمي لتبرير استخدام العنف
ود ابوك كيفك قرايتك الأولى صاح تمام لكن القصة بتتوسع والحكومة ما بتقدر ترجّع الجان للقلة مرة تانية، ودي القصة لأنه الحزب الشيوعي حيقود المرة الجاية حراك أكبر وحيدعو لتسليم مذكرات تانية والقصة بتبقى (بيضة أم كتيتي كان شلتها بتكتل أمك وكان خليتها بتكتل أبوك) بالنسبة للحكومة
المحك في الشغل البعد المسيرة دي
01-16-2018, 07:00 PM
محمد جبره محمد جبره
تاريخ التسجيل: 01-12-2013
مجموع المشاركات: 940
الحكومة كان ممكن تكسب المجتمع الدولي لو سارت المسيرة مسار طبيعي و خرج لها الوالي واستلم المذكرة امام عدسات الكاميرات لكن الاعتقالات التمت للصحفيين ومراسلي بعض القنوات العالمية تحديدا كفيل باظهار طبيعة الحكومة القمعية المعروفة اصلا للجميع
تحياتي
01-16-2018, 07:01 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
Quote: دي بروفة وجس نبض - ومحاولة لكسر حواجز كثيرة ! خطوة لها مابعدها ! دي إسمها lose lose situation بالنسبة للنظام !
الخطوة التى بعدها .. برضو سوف تمضي بسلام .. لأنها ح تكون مسيرة أو مظاهرة سليمة ..
واحدة من الحاجات التى لفتت نظري .. أن الشرطة لم تقم بتنظيم سير المسيرة .. لماذا لم تقم الشرطة يتغيير سير العربات إلي شوارع أخري .. الناس والبصات والحافلات وعربات الملاكي والتكاسي كانت تزاحم المسيرة .. وأكتفت بمراقبة سيرة المسيرة .. وفي لحظة جدعوا في الناس علب بومبان .. لحدي ما الجماعة وأخواتهم أخذوا جكة جكتين ..
دا يا كمال تحول ديمقراطي يشهده السودان .. و أنا أقول برافو للحكومة والحزب الشيوعي .. الأثنين أنضبطوا ..
بريمة
01-16-2018, 07:08 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
Quote: لأنه الحزب الشيوعي حيقود المرة الجاية حراك أكبر وحيدعو لتسليم مذكرات تانية والقصة بتبقى (بيضة أم كتيتي كان شلتها بتكتل أمك وكان خليتها بتكتل أبوك) بالنسبة للحكومة
بغض النظر كم مسيرة أو مظاهرة سلمية يسيرها الحزب الشيوعي .. الحكومة سوف تتعامل معها بنفس البرود وضبط الأعصاب ..
لكن الجميل .. نحن الأن أما تدريب مفتوح في ممارسة الفرد والجماعة لخياراتهم الديمقراطية .. حق التعبير والتظاهر .. وما فضل لينا من الديمقراطية الكاملة إلا الأنتخابات الحرة والنزيهة.
يا لطيف حال البلد ينصلح عشان نرجعوا والواحد لو بقي عليهو حق الله يموت وسط أهله ..
بريمة
01-16-2018, 07:13 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
الحكومة كان ممكن تكسب المجتمع الدولي لو سارت المسيرة مسار طبيعي و خرج لها الوالي واستلم المذكرة امام عدسات الكاميرات لكن الاعتقالات التمت للصحفيين ومراسلي بعض القنوات العالمية تحديدا كفيل باظهار طبيعة الحكومة القمعية المعروفة اصلا للجميع
تحياتي
أنت مسؤول من الخير .. هل الوالي لم يتسلم المذكرة؟ .. الحصل شنو؟ .. تلك اللحظات لم يتم تصويرها .. يعنى الناس مشوا هناك وهتفوا وفي النهاية رجعوا ساكت؟ أم الحصل شنو؟
بريمة
01-16-2018, 07:20 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
Quote: باكر ضقلها بكركب في دار حزب الأمة بام درمان بعد الحراك يتم من جامعة ام درمان الاهلية خاصة بعد تسريبات عن انشقاقات بين قيادات قوات الشرطة المشاركةأخشى على النظام أن يدس مخربين في الحراك السلمي لتبرير استخدام العنف
الله يستر بس؛
لا لا .. يا ول أبا .. معلومات مهمة تتسرب أن الحبيب البلدوز مبارك الفاضل .. قاتل الجداده وخامي البيض علي حساب المسيرة .. إجتماعات الحبيب بوزراء الأقتصاد والمالية .. هى وراء تهدئة الأمور .. لأنه في الحكومة وبتكلم من بيت الكلاوي .. ناس الحزب الشيوعي شايلين وش القباحة والحراية ساكت ..
لو الشيوعيين شاطرين يكسبوا أو ينسقوا مع ود المهدي .. عشان ما يمسكهم قرون البقرة .. ويخليهم يطوطحوا ساكت ..
بريمة
01-16-2018, 07:40 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
تصدقوا .. من كل الناس الذين كتبوا .. ودعموا المسيرة وهاجوا وماجوا .. ما في زول وصل مرحلة الباقر عثمان ..
Quote: وكل من راهن ضد شعبنا ..خسر
لذلك لا تضيعوا وقتكم مع المخذلين
لأن الشعب هو من يرد عليهم
حينما..
يتش عين الظلام بالضو
الباقر .. وضع كل البيض .. في سلة المظاهرة .. والناس ماشه في المظاهرة .. وكثرة الزحام .. وجات عربية مارة وطقشت السلة .. والبيض وقع وشتت .. وأتكسر تحت لاساتك السيارة وأحذية المارة .. والباقر .. خشموا ملح ملح ..
قلنا ليك .. أخذ الأمر مثل الأخرين .. محاولة ضغط لتخيفض الأسعار .. لكن أنت مأخذها مسيرة لقلب النظام .. أنا عارف أنت محروق علي الكيزان لأنهم أكلوا تجارتك .. ودا السبب الخلاك تهاجر ..
أنا شخصياً عايز نظام سياسي مستقر .. وما عايزين دماء تسفك .. سواء دماء شيوعيين أو كيزان أو بقية الشعب .. كلكم سودانين وحريصين علي دماءكم ..
أمشي ابلع ليك حبة ضغط .. وشوف ليك حبوب منوم .. باقي راقده رج في الغرب .. وأتخارج من المنبر لمدة اسبوع أسبوعين .. ثم تعال ..
بريمة
01-16-2018, 07:53 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
نناشد الحكومة .. بأطلاق سراح المعتقلين .. حق التجمع .. وحق التنظيم .. وحق التظاهر .. حقوق مكفولة لكل الشعب .. ما دام سنت في القانون .. فهؤلاء الناس لم يفعلوا أكثر من المطالبة بحقوقهم .. أو قل ممارسة حقهم القانوني ..
Quote: 1- أمل هباني 2- يوسف الكودة 3- صديق يوسف 4- يوسف جمال 5- عبد الغني كرم الله 6- حيدر خير الله 7- بكري جاد 8- وهج الطيب 9- عمر عشاري 10- مهند بلال عثمان 11- صفية فضل عبد الحميد 12- بكري نوري 13-طارق صلاح 14- بهرام عبد المنعم 15- محمد محمد عثمان 16- امتنان الرضي 17/امال جبرالله 18/مأمون التلب 19/ايمان الباقر 20/نوال عيسى 21/وئام شوقي 22/ناهد جبرالله 23/ابوبكر تاج الدين 24/عمر الكنزي 25/عفراء سعد 26/رشان اوشي 27/سماح محمد 28/مجدي العجب 29/عبدالله محمد 30/مدثر خميس 31/سيد الطيب 32/موسى الفكي 34/اقبال احمد علي 35/عزيز ابراهيم 36/نسيبة مسيك 37/منتصر احمد الحاج 38/اسحق احمد عبدالعزيز 39/محمد الحسن محجوب 40/سمية علي سيد احمد 41/محجوب عبدالله محجوب 42/مجاهد حمدان فجة 43/احمد عثمان عبد الرحمن 44/عبدالقادر بدر دياب 45/عمر البشير حاج عمر 46/احمد فهد قصاب 47/عبدالعزيز موسى عبد الحميد 48/نجاة ميرغني
وأيضاً نطالب الحكومة .. برفع كفاءة الشرطة .. وشرطة الشغب ..تحديداً .. ما ممكن الشرطة تجئ داقشة في مسيرة سلمية بسرعة ولا تأبه بالناس المارة .. كأنها في حالة حرب معهم .. هذا وجه واضح وغير مشرف لموقف الحكومة .. وكان من المفترض أن تأتي الشرطة .. وليش شرطة الشغب .. تغير طريق السيارات المارة .. وتحاول تسعف كبار السن الذين رأيناهم يتتكلون علي أكتاف أخرين في الزحام .. للشرطة في الغرب .. وجه حضاري جداً .. يعكس بوضوح تقدم الدولة وأجهزتها الأمنية ..
عليكم الله يا ناس الحكومة .. أعملوا علي أبراز هذا الوجه المشرف للسودان .. من خلال أظهار الشرطة بأنها راعية حقوق الجميع ..
بريمة
01-16-2018, 07:41 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: مهما حاول العبار بريمة أن يخفي كوزنته، ولكنه لا يستطيع ذلك.
الطبع يغلب على التطبع
يا العبار دينق .. هذه التظاهرة السلمية .. أنا أكثر سروراً بها منك .. عارف ليه .. لأني واقف مع السلام .. ومن أجل السلام .. منذ أن جئتكم في المنبر قبل 12 عام ..
هذا الحدث أختزل كل حروب السودان .. جعلها عديمة المبررات .. ما في مبرر لزول يجئ ويقول النظام قمعنى .. وما خلاني نعبر تعبير سلمي عن حقوقي ..
بعد دا مشكلتكم هى السلطة .. والحكومة قالت ليكم الأنتخابات سوف تقام في 2020 .. أنتظروا والحشاش يملأ شبكتو ..
ما عندكم حجة للزيطة والزمبليطة ..
بريمة
01-16-2018, 08:52 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
وأيضاً نطالب الحكومة .. برفع كفاءة الشرطة .. وشرطة الشغب ..تحديداً .. ما ممكن الشرطة تجئ داقشة في مسيرة سلمية بسرعة ولا تأبه بالناس المارة .. كأنها في حالة حرب معهم .. هذا وجه واضح وغير مشرف لموقف الحكومة .. وكان من المفترض أن تأتي الشرطة .. وليش شرطة الشغب .. تغير طريق السيارات المارة .. وتحاول تسعف كبار السن الذين رأيناهم يتتكلون علي أكتاف أخرين في الزحام .. للشرطة في الغرب .. وجه حضاري جداً .. يعكس بوضوح تقدم الدولة وأجهزتها الأمنية ..
عليكم الله يا ناس الحكومة .. أعملوا علي أبراز هذا الوجه المشرف للسودان .. من خلال أظهار الشرطة بأنها راعية حقوق الجميع ..
بريمة قَرِطْ علي كِدَه
01-16-2018, 09:03 PM
Mohamed Doudi Mohamed Doudi
تاريخ التسجيل: 01-27-2005
مجموع المشاركات: 3871
سلام بريمة وأصحابك، الكاسب الأكبر هو الشعب السوداني، باستعادته للأمل بامكانية تغيير هذا الواقع المزري. والمكسب الأول هو عودة السياسة السودانية من غيبوبتها الطويلة إلى الحياة وسط الشعب وبعينه. وعبر فعل سياسي معارض ذكي (سلمي واقعي وايجابي) وبوعي منفتح نحو المراجعات وتصحيح السلبيات. هذا الحدث، حتى لو لم يثبت تماما إنه كما قلتم:((أختزل كل حروب السودان .. جعلها عديمة المبررات))، فقد أكد الإمكانيات المهولة المدخورة في الخيارات السياسية الأخرى وقطع بيها بحر الشك. أول الغيث قطرة... وخريف الغضب طويل!!!
Quote: هذا الحدث أختزل كل حروب السودان .. جعلها عديمة المبررات .. ما في مبرر لزول يجئ ويقول النظام قمعنى .. وما خلاني نعبر تعبير سلمي عن حقوقي
يا بريمه الظاهر عليك كنت تشاهد فيديوهات من مظاهره اخرى ياخ حرااام عليك لقد استخدمت الشرطه الغا المسيل للدموع والهروات وتم اعتقال العشرات
نعم شفت كل حاجة .. لكني لا أعتبرها محاولة لأعتراض المسيرة .. أنا أفتكر ناس المسيرة بالخطأ غير خط سيرهم .. وهناك تصدت لهم شرطة الشغب .. ودي الحتة ذاتها أنا رأيت فيها أن هناك وجه غير مشرف للشرطة .. مفروض الشرطة تبط خط السير .. وتؤشر للناس علي الطريق الصحيح الذين يجب أن يسيروا فيه .. مش طوالي ترزعهم بمبان طوالي ذي كانوا متشاكلين معهم ..
أداء ضعيف جداً للشرطة ..
طلاب جامعة الخرطوم .. أخذوا الأمر بيدهم .. وسيروها مظاهرة عديل لأسقاط النظام .. ربما كان مخططهم قائم بذاته وليس فيه تنسيق مع الحزب الشيوعي .. أضف أن الطلاب المنضويين تحت حركة العدل والمساواة .. وحركة التحرير جناح مني وعبد الواحد .. أيضاً يرفعون لافتات .. وهؤلاء لا يجب أن يظهروا هذه اللافتات أبداً .. لأنهم يتبعون لحركات تحمل السلاح، فكيف يسمح لهم بالعمل السلمي وهم أنفسهم لم يقروا بالعمل السلمي كمبدأ ..
ما كل شيئ مضبوط .. لكن هذه خطوة الناس ممكن تبنى عليها لممارسة العمل الديقمراطي ..
بريمة
01-16-2018, 10:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
Quote: سلام بريمة وأصحابك، الكاسب الأكبر هو الشعب السوداني، باستعادته للأمل بامكانية تغيير هذا الواقع المزري. والمكسب الأول هو عودة السياسة السودانية من غيبوبتها الطويلة إلى الحياة وسط الشعب وبعينه. وعبر فعل سياسي معارض ذكي (سلمي واقعي وايجابي) وبوعي منفتح نحو المراجعات وتصحيح السلبيات. هذا الحدث، حتى لو لم يثبت تماما إنه كما قلتم:((أختزل كل حروب السودان .. جعلها عديمة المبررات))، فقد أكد الإمكانيات المهولة المدخورة في الخيارات السياسية الأخرى وقطع بيها بحر الشك. أول الغيث قطرة... وخريف الغضب طويل!!!
أنت تعرف تماماً متعة الديمقراطية .. كممارسة .. أشبه بالسيرك الجماعي .. الناس تلعب في السيرك معها كلها خططها .. الهجومية والدفاعية .. ولعب دور الضحية .. وتقديم التنازلات .. نحن قرررربنا .. من إعادة الديمقراطية علي مستوي الممارسة .. حينما نستطع ممارسة الديمقراطية .. هناك نستطع نحكم بلدنا بأسس الديمقراطية .. المشوار دا كان مشوار صعب .. لكن انفتحت كوة ضوء في أخر النفق .. وأهلنا قالوا أخوك لو بقي ليك عسل ما تبقي ليه متّاخ .. كلمة متّاح تعنى ما تكملة لما تلحس أصبعينك بنهم شديد .. خطوة .. خطوة .. وفي النهاية .. إن شاء الله الأمر يكون خير للجميع .. تحول الجميع لخانة السلم السياسي ..
طبعاً في أنتخابات أمريكا التى جاءت بترامب .. أكثر حاجة ممتعة بالنسبة لي .. حينما سقط السيناتور "تيد كروز" .. في ولاية أنديانا .. كما يسميها هو هوشا أستيت .. الزول كان فاكر الدنيا ما فيك إلا أنا .. لكن الجماعة سلوه من عروقه سلت عرق "أبون بغل" .. عرق أرضي له جذور عميقة .. وكل ذلك تم بصراع سلمي بحت .. ولعب موضّب .. نحن عايزين نشوفوا لعب موضب مثل ما يحصل في أمريكا .. الناس تراهن علي قدرتها علي تقديم المفيد للشعب .. والشعب يحكم من يريد يأتي به ..
30 سنة ضاعت في عنف غير مبرر من جميع الأطراف .. كنت بعد 3 أشهر فقط من مجئ الأنقاذ سافرت خارج السودان .. وجدت ناس منتظرين في المطار يسألوني قالوا الحكومة ح تسقط في خلال شهرين هل هذا صحيح؟ .. قلت ليهم يا ناس زمان الشيوعيين أستلموها وقعدوا فيها 16 سنة .. وديل الكيزان ممكن يقعدوا نفس الزمن .. سمعت واحد منهم يقول أراكم نرجع دا ذاتو ممكن يكون كوز عايز يهبطنا .. وقال الحكومة دي شهرين ما تتمهن تغور من وشنا ..
الأن الحمد الله بعد كل هذا الزمن ركنت الأطراف للحكمة وصوت العقل ..
بريمة
01-16-2018, 09:59 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
الحكومة دي حكومات وهسع بتفوت المسيرة الاولى لكن لو كِبْرَتْ بيستعينوا بصديق (ود ابوك حميدتي) ودي توقعاتي، التمرين الديمقراطي دا في حكومة من ضمن حكومات الانقاذ ما داراهو وديل الحيجيبوا ضقلها يكركب وحتشوف الكلام دا قريب احزاب المعارضة تواصل المسيرات السلمية وتفتح عينها حيكون في النص (كيزان) يحرقوا
01-16-2018, 11:03 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
الحكومة دي حكومات وهسع بتفوت المسيرة الاولى لكن لو كِبْرَتْ بيستعينوا بصديق (ود ابوك حميدتي) ودي توقعاتي، التمرين الديمقراطي دا في حكومة من ضمن حكومات الانقاذ ما داراهو وديل الحيجيبوا ضقلها يكركب وحتشوف الكلام دا قريب احزاب المعارضة تواصل المسيرات السلمية وتفتح عينها حيكون في النص (كيزان) يحرقوا
ول أبا حميدتي ما ح يجئ .. وما ح يتدخل في هذه المعمعة .. الفارس حميدتي معروفة هوبته ضد الحركات المسلحة .. صدقوني الشعارات التى رفعها منسوبي العدل والمساواة .. وكذا حركة التحرير جناح مني وعبد الواحد .. الشعارات دي بتجيب لناس المسيرات السلمية الهوي .. القائد حميدتى .. حسي ح يعتبر الخرطوم ميدان قتال .. وهناك الطامة الكبري ..
حاجة تانية .. القائد حميدتى في مواجهة في الشرق .. لديه قوات كبيرة جداً ذهبت شرق السودان في أنتظار قوات مناوي وحركة العدل والمساواة .. هؤلاء المرتزقة .. ما أنفكوا يرهنوا أبناء الشعب السوداني لدول الجوار .. خلوا القائد حميدتي يوريهم نجوم القايلة ..
شايف باقر مظاهرات .. تانى أنزل بوست قال هناك تجمع في ميدان الأهلية في أم درمان .. ما أظن دي خطوة موفقة .. دي خطوة إرتجالية ..
بريمة
01-17-2018, 08:26 AM
Deng Deng
تاريخ التسجيل: 11-28-2002
مجموع المشاركات: 52545
بريمة انشاء الله انت طيب انا حاولت اعمل بوست ( ماظبطت معاى الصور ) عن تفاعل ناس المنبر ديل - خليك ساى بالكلام بس لقيت وضع فضيحة 12 موضوع تحت بعض عن المظاهرات عدد المتفاعلين فى ال12 موضوع ما تمو 350 متفاعل بينما هناك موضوع واحد للاخ جلادونا بعنوان حكاية موضوع تعريفى فيه اكثر من 1100 متداخل و 42125 قراءة تحليلى الموضوع ما مهم بالنسبة للناس
Quote: الاخ الكريم بريمة والتي أظنها تصغير لكلمة برمه لم يخطر على بالي انك تقرا خيباتي التي أعتز فيها بسودانيتي على كل اشكر لك اقتباسك لهذه الخيبات
أنت زول فاعل جداً في كتاباتك .. لكني أراك أنت والباقر و Nasr ثلاثتكم تصرون علي لعب دور الضحية .. ولعب دور الضحية يجعل الأنسان يقدم للأخرين خيبات أمله .. وأهباطاته .. بدل أن يقدم بدائل إيجابية .. أنتم بصورة غير مباشرة تمجدون خصمكم بأنه القوي .. والقاهر والظالم .. والمتجبر .. في حين أنتم الضعفاء .. المقهورين .. المقموعين .. هذه الرسالة لم تفد المتلقي السوداني .. بأي شيئ .. أنت بتزيده المتلقي وهن علي الوهن الذي يتعوره.
شايف هنا في البوست .. أنا وازنت بكل صدق بين المعطات التى شاهدتها .. وخرجت أن الجانبين كسبا .. رغم أختلاف نوعية وطبيعة المكاسب .. ولأنك بتمثل دزر الضحية يصعب عليك أن تقول مثل هذا الكلام .. فأنت ونصر والباقر تبحثون عن علبة البمبان الوحيدة التى أسقطت علي المسيرة لتقول أن الحكومة ضربتنا بالبمبان .. وعييك وعاك ..
الأيجابية تجعل تري النصف المليئ من الكوب .. وأنت غير ذلك .. مع أحترامي لك
بريمة
01-17-2018, 10:29 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
كلامك عن حق التظاهر بالنسبة لك لا يتعدى عن مسيرة احتجاجية من أجل الغلاء وليس تغير النظام.
أنا قلت من قبل أن المواثيق والعهود .. ملزمة بشروطها .. تعرف الكلام دا يعنى شنو؟ .. لو أنا وأنت دخلنا في تجارة وقلنا أنت ليك نصف الأرباح وأنا لي نصفها .. دا ميثاق وله شروطه في تقسيم الأرباح .. ما تشيف الأرباح كثيرة .. وتكاوش عليها وتدينى الربع بس .. أنا بوديك المحكمة .. وممكن أشيل عكازي وأضاربك عدييل ..
المسيرة السلمية لها شروطها .. من تلك الشروط خط السير والألتزام بسلمية التظاهر .. إذا أخليت ح أضربك بالبمبان أو الرصاص لو تطلب الأمر .. وعشان كده .. الشيوعيين ما عندهم خيار غير يسيروا في طريق خيارهم السلمي ..
في دار حزب الأمة اليوم .. الأمام الصادق أعلن أن كل مطالبهم سلمية .. وكل المظاهرات سلمية .. ودعا حتى الجيش والشرطة .. والحركات المسلحة .. أنتهاج السلم كوسيلة لنزع الحقوق ..
أنت تجي تقول المظاهرات لأسقاط النظام .. مين القاليك؟ .. ومن في الحكومة يكون مغفل عشان يسمح ليك تتظاهر من أجل أسقاطة؟ أنت جهلول .. ولا عايز تكون جهلول!
بريمة
01-17-2018, 10:45 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27322
Quote: بريمة انشاء الله انت طيب انا حاولت اعمل بوست ( ماظبطت معاى الصور ) عن تفاعل ناس المنبر ديل - خليك ساى بالكلام بس لقيت وضع فضيحة 12 موضوع تحت بعض عن المظاهرات عدد المتفاعلين فى ال12 موضوع ما تمو 350 متفاعل بينما هناك موضوع واحد للاخ جلادونا بعنوان حكاية موضوع تعريفى فيه اكثر من 1100 متداخل و 42125 قراءة تحليلى الموضوع ما مهم بالنسبة للناس
الموضوع مهم .. لكن هناك جبن وتردد .. ناس المبنر ناس بارده ومشرحة .. لم يخوضوا النار من قبل .. لم يقتل أخوانهم أو أبواتهم أو تنتهك حرمات كريماتهم .. الحارة لقوها وين ..
معقولة جنوب كردفان وحدها مات فيها حوالي 100 ألف منذ أندلاع الحروب لم تخرج مظاهرة دعماً لحق النوبة في الحياة ..؟! يبقي الرغيف غالي في عام 2013م أحزاب الجلابة قتلوا من أبناء الشعب السوداني 200 شاب وشابة في ريعان شبابهم .. دفعوا بهم لمواجهة النظام .. معقول الغلاء أهم من أرواح أهل دارفور .. وأهل من أرواح أبناء النيل الأزرق ..؟
إذا ناس المركز يحركهم الرغيف والبنزين .. نحن في الهامش لا عربات لنا تحتاج لبنزين .. وكذلك لا نأكل الرغيف .. نأكل العصيدة والكسرة .. وبنزرعهن في أرض الله وبمطر ينزله الله علينا رحمة بنا .. ما يحصل الأن لا فائدة منهم لنا في الهامش ..
وما لم تتبنى قوي الأنتفاضة مطالبنا نحن البقارة والقبائل العرببية في أرض التماس .. وقضايانا أمنية في المقام الأول .. لن يجدونا معهم .. والخزي الأكبر بالنسبة لهم .. ليس هناك شيئ يخلينا نغير مواقفنا تجاه الرئيس وحكومته .. الرئيس، صديق وأخ عزيز علي البقارة من قبل ما يكن رئيس ..
بريمة
01-18-2018, 01:39 PM
Deng Deng
تاريخ التسجيل: 11-28-2002
مجموع المشاركات: 52545
هذه الحكومة غير شرعية، وأتت للسلطة عن طريق إنقلاب عسكري. والأخوان المسلمين كان لهم حزب أسمه الجبهة القومية الإسلامية وكان لهم 51 نائب برلماني، بمعنى أخر كانوا جزء من العملية الديمقراطية، ولكنهم فضلوا الإنقلاب على السلطة الشرعيىة المنتخبة. فكيف تجي أنت هسع تدافع عليهم بمثل هذه الطريقة الرخيصة؟؟
أختشي يا عبار أختشي.
01-18-2018, 04:31 PM
Elbagir Osman Elbagir Osman
تاريخ التسجيل: 07-22-2003
مجموع المشاركات: 21469
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
كمال عباس
د.محمد حسن
A.Razek Althalib
الصادق اسماعيل
محمد جبره
Deng
Hamid Elsawi
Mohamed Doudi
هاشم الحسن
لطفى العمده
Elbagir Osman
فيس بوك
تويتر
انستقرام
يوتيوب
بنتيريست