حبيبنا ابو حسين .. تباشير أولية ظهر الحبيب الجميل صاحب مصطلح ( نقونتود ) جلالدونا .. دعنا نجعل اليوم خاص بالاخوانيات .. نطلع من بوستات وراق وأردوغان ومصريين ..إلخ إن شاء بكرة نرجع ليها .. مشكلتي إني من ناس ضواحي الدنيا ( طقطقة وعكننة إلا بالنوبية .. بالعربي نو ) واصلوا ..
01-01-2018, 09:48 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: حبيبنا أبوحسين .. مودتي .. متوقعين بوست إخوانيات ( عكننه ) حلوة .. في إنتظار باقي الاحباب ( عووضة ، جلالدونا ، والزبير ... ) شوية نطلع من جو الكفيل ..
واصل .. فوق ..
الزول الطيب و حبيبنا علي عكننة نعم ... اخوانيات لا .... 😂😂😂 عووضة دا كورتو فكت و بقى ما منو فايدة ... جلالدونا دا تبع ناس خط 100 غرب بكون نايم اسي و لو صحى برضو زول طيرة ساكت ما منو فايدة ... ود الزبير موقف ...... كدي ننتظر نشوف منو البتقدم الصفوف ... 😂😂😂😂
01-01-2018, 09:58 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
"حاج الطيب" حاشاه الشتارة وفي غيابه يا جلال أصبح المنبر موحشاً فهو ومنذ أكثر من أسبوعين محتجب عن "رادارات" المنبر ، كما لم تلتقطه نظارات أبو حسين نتمنى له السلامة.. ونترقب عودته العاجلة وعودة بت عمسيب، وندعو لكل الغائبين بان (يجو عايدين)
وكل عام وأنتم جميعاً بألف خير ... .. .
01-01-2018, 10:37 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: "حاج الطيب" حاشاه الشتارة وفي غيابه يا جلال أصبح المنبر موحشاً فهو ومنذ أكثر من أسبوعين محتجب عن "رادارات" المنبر ، كما لم تلتقطه نظارات أبو حسين نتمنى له السلامة..
حاشاه شنو يا الصادق ... ؟؟؟ دا الشتارة راكبة عجلة ....
01-01-2018, 10:43 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
ههههههههههه عارفو ياخ مابتاع حسابات .. لكن ممكن يطالبوهم بي تقارير .. لتقييم التكاليف لاقسامهم واللذي منو .. المهم آخر السنة الناس بيكونوا ملخومين .. وكل اقسام الشركات بيكون .. عندهم علاقة بالحسابات الختامية .. بطريقة ما .. المهم اهو شايفو ظهر في بوست بي غادي ... تحياتي لكما .. وعام سعيد ع الجميع ..
01-01-2018, 06:07 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
سلام على و الصادق و جمال تصدق صاحبك مطبول و المشكلة الطبلة مفتاحا ضايع يا شباب الفقر ده لا عندو تقفيل حسابات لا طالبين منو تقرير الاخبار الجاتنى قالو عندو نزلة لكن تحت تحت اكتشفت انو ما عندو نزله للاسف عندو طلعة شفتو الاكتشاف المذهل ده
01-01-2018, 06:15 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10109
ابو حسين الناس كلها عارفة الزول الفقر ده منو الا انا. بعد ماشفت تعليق جمال ود القوز افتكرت انه ده ود الباوقة،،
لكن بعد ردك انه الزول الفقر ده ما عنده غرض مع الحسابات طردت الفكرة من راسي، وخاصة وان ود الباوقة ما زول فقر ، بل هو فاكهة المنبر كما وصفه احد الاعضاء من قبل، وزول لا يرد الاساءة باساءة ،،، لكن في تعليق تاني هنا ممكن تستشف منه منو هو الزول الفقر ده،
01-01-2018, 07:09 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: ابو حسين الناس كلها عارفة الزول الفقر ده منو الا انا. بعد ماشفت تعليق جمال ود القوز افتكرت انه ده ود الباوقة،،
لكن بعد ردك انه الزول الفقر ده ما عنده غرض مع الحسابات طردت الفكرة من راسي، وخاصة وان ود الباوقة ما زول فقر ، بل هو فاكهة المنبر كما وصفه احد الاعضاء من قبل، وزول لا يرد الاساءة باساءة ،،، لكن في تعليق تاني هنا ممكن تستشف منه منو هو الزول الفقر ده،
و الله بتبالغ يا السر .... المنبر فيه زول فقر واحد و منافس ما عندو في الفقورية ..... و جنو غلاط ..... 😂😂😂😂
01-01-2018, 08:40 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
انت يا عبد اللطيف لسة محتفل بي راس السنة ولا شنو؟؟😋😋😋 اصحی معانا یاخ ،،انا السنة الفاتت القريبة دي كنت كبير الكرور،،،وفي نفس العام تمت ترقيتي الی متونس تحت التجربة،،والعامريلفظ انفاسه(شفت کیف) تمت ترقیتی الی کبیر المتبجحین وعملوا لي كرامة كمان،،،
01-02-2018, 05:21 AM
Osman Awoda
Osman Awoda
تاريخ التسجيل: 06-19-2017
مجموع المشاركات: 495
Quote: غايتو انا راقج فوق عنقريبى اب كرّاب مقطع داك خاتى سفتى و كورية المريسة تحتى تحت ضل النيمة الجمب باب الحوش راجيهو يجى داخل عشان اشوف موضوع الطواقى ده
ضرستو ياخ ......
01-02-2018, 06:21 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
Quote: اي نعم مداخلتي مديدة يا جمال،،،لكين ما حرقتني زي حقتك😁😁
ده شنو ده ؟ ..
يا عمك والله بقيت ما ساهل كلو كلو .. يأخ انا من ديم سلك ... فحاول قدّم بين يدي كلامك ده ... مع الحشمة او ما شابه .. لانه ناس أبو حسن والجماعة الطيبين ديل .. حيدقوا طاري ساي ... خخخخخخ ..
ــــــــــــــــــــــــــــــــــــــــ
انت هين يا عووضه .. لكن في ناس هنا ما مضمونين البتة ...
أبو حسين ياخ مالكـ ...
01-02-2018, 09:35 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
هههههههههههه .. عارفكـ داير تقول شنو ؟ .. من الكورة للبنضورة ...
ــــــــــــــــــــــــــــــــ
مره واحد بتاع عصير قصب .. بيروج للبضاعة .. كاتب من ضمن قائمة لفوائد عصير القصب .. يعمل على تهييج المشاعر العاطفية .. بعد كشحت الكباية .. قلت ليه ده شنو يا عمنا يأخ .. عملتها ظااهرة .. ههههه ..
يا جماعة المنتدى ده بقى ما مضمون كلو كلو .. تاني الواحد يجي مردّف احسن ... خخخخخ
01-02-2018, 09:40 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
يا عمك والله بقيت ما ساهل كلو كلو .. يأخ انا من ديم سلك ... فحاول قدّم بين يدي كلامك ده ... مع الحشمة او ما شابه .. لانه ناس أبو حسن والجماعة الطيبين ديل .. حيدقوا طاري ساي ... خخخخخخ ..
ــــــــــــــــــــــــــــــــــــــــ
انت هين يا عووضه .. لكن في ناس هنا ما مضمونين البتة ...
أبو حسين ياخ مالكـ ...
عايز ترميها في أبو حسين المسكين دا ..... الله يسامحك ياخ .....
01-02-2018, 09:56 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: هههههههههههه .. عارفكـ داير تقول شنو ؟ .. من الكورة للبنضورة ...
طلعت من جماعة اللبيب .... صاحبك عووضة بكون ضرب لي 60 زول عشان يفهم حاجة ....
Quote: مره واحد بتاع عصير قصب .. بيروج للبضاعة .. كاتب من ضمن قائمة لفوائد عصير القصب .. يعمل على تهييج المشاعر العاطفية .. بعد كشحت الكباية .. قلت ليه ده شنو يا عمنا يأخ .. عملتها ظااهرة .. ههههه ..
فضحتني في المكتب الناس كلها تعاين للزول البضحك لم إتشرق دا ...
Quote: يا جماعة المنتدى ده بقى ما مضمون كلو كلو .. تاني الواحد يجي مردّف احسن ... خخخخخ
الطبلة أضمن .....
01-02-2018, 11:18 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
أحسن بتاع مديدة في بحري المحطة الوسطى, اي نعم هو ما أول واحد لكن النصيجة لله طوّر الشغلانة ودخّل عليها نكهات جديدة جوافة و قمردين وبتاع لكن تبقى مديدة الدخن هي سيدة الساحة و القاشّة السوق !
01-02-2018, 07:01 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: أحسن بتاع مديدة في بحري المحطة الوسطى, اي نعم هو ما أول واحد لكن النصيجة لله طوّر الشغلانة ودخّل عليها نكهات جديدة جوافة و قمردين وبتاع لكن تبقى مديدة الدخن هي سيدة الساحة و القاشّة السوق !
انت جابتك المديدة يا هناي .....؟؟؟ 😂😂😂😂
01-02-2018, 07:30 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
. . مرة كنا في السوق الشعبي معاي واحد اسمو مِرِق ... وكنا ما فاطرين وعندنا عربية خسرانة مزهجانة وقاعدين نصلح فيها عند المكانيكي ... عاينت للساعة لقيتا عملت واحدة ظهرا قلت لي مرق ارح ناكل او نشرب لينا حاجة ياخ ... قال لي تعال في عمك هنا عنده مديدة كاربة ... وقفنا عند عمك بعد السلام ، مرق قال ليه ... يا عم فلان عليك الله اعمل لينا اتنين مديدة لنفرين ما فطروا وما اتغدوا وما دايرين يتعشوا ... ... . .
01-03-2018, 01:17 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
طريقة عمل مديدة الدخن المكوّنات نصف كوب من دقيق الدخن. مئة وسبعون غراماً من اللبن الزبادي. معلقتان من السكر. ثلاثة أكواب من الماء الساخن. مكونات الزينة: ملعقة كبيرة من مبشور جوز الهند. ملعقة صغيرة من الفستق الحلبي. ملعقة صغيرة من اللوز. ملعقة صغيرة من الكاشو. ملعقة صغيرة من السكر. طريقة التحضير نضع الدقيق واللبن الزبادي والسكر في قدر، ونخلطهم جيداً حتى يتشكل خليطاً متجانساً ثمّ نضعه على النار. نضع كوب من الماء الساخن في القدر، ونحركه بالمضرب الكهربائي حتى يذوب الدقيق بالكامل. نضع كوبين من الماء الساخن إلى الخليط ونحركه مرّة أخرى بالمضرب؛ حتى يصبح كثيفاً ومتماسكاً، مع مراعاة الانتباه لعدم تكتل الدقيق. نرفع القدر عن النار، ثمّ نسكب مديدة الدخن في أكواب التقديم، ونزينها بالمكسرات. تحضير الزينة: نضع كلاً من الفستق الحلبي، واللوز، والكاشو في كيس صغير شفاف، ثم نضغط عليها بكأس زجاجي ثقيل حتى تتكسر. نضع المكسرات المطحونة في وعاء صغير، ونضيف إليها السكر ومبشور جوز الهند، ثم نخلطهما معاً. _____ مافى زول يجى يسألنى الكاشو ده شنو لانو واضح و جلى و كذلك الفستق الحلبى اما الدخن لمن لا يعرفه فهو من فصيلة الحبوب النباتية حجم جبته اكبر من حبة السمسم قليلا و لونا بيجى زى لوى صفحة سودانيز دى يا ريت تشكرنى على المعلومة دى بدل تقول لى قوم لف
01-03-2018, 05:09 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
ولا جغمة يأخ .. هههه تصدق يا ابوحسين خالص ما بحب المديدة .. لو في البيت أو عند بتاعين المدايد .. ونحن صغار كان عشانا ثابت مديدة تمر أو حلبه .... اصلا ما كنت متخيل محلات المديدة .. تلقى رواج بالصورة دي والرجال يقبلوا عليها .. ومحلاتها تملا المدن فعلا اختلفت مفاهيم الناس .. المديدة دي كانت بتتعمل للمرا النفساء بس .. فكونو يجي راجل يقعد يشرب مديدة قدام الناس كده .. ما كنت متخيل الكلام ده يحصل .. هههه ..
01-03-2018, 07:43 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الشكر للوصفة الرائعة بتاعة أخونا جلالدونا .. وزي ما قال ود البشرى يمكن لو اتعمل ليها جوافة .. يمكن تبقى مقبولة وتتشرب .. باضافة قمر الدين في رمضان بعملوها .. صراحة وهي دافئة جميلة في افطار رمضان ..
غير كده يا قولك باااااااص .. ههههههه ..
مديدة شنو ياخ ..
01-03-2018, 07:44 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
تشكرنى شنو يا جمال لسه جاييك للكوارع التجم ديل ما فارزنو قال فتة كوارع قال اتحداهم كلهم يجى واحد يقول الكوارع دى شنو بس عليكم ,,, بتاعت الكديسة و ازيد عليها دم يدمكم
01-03-2018, 09:03 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: المكوّنات نصف كوب من دقيق الدخن. مئة وسبعون غراماً من اللبن الزبادي. معلقتان من السكر. ثلاثة أكواب من الماء الساخن. مكونات الزينة: ملعقة كبيرة من مبشور جوز الهند. ملعقة صغيرة من الفستق الحلبي. ملعقة صغيرة من اللوز. ملعقة صغيرة من الكاشو. ملعقة صغيرة من السكر.
يا فقر دي للناس الميئوس منهم .......
01-03-2018, 09:30 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: ولا جغمة يأخ .. هههه تصدق يا ابوحسين خالص ما بحب المديدة .. لو في البيت أو عند بتاعين المدايد .. ونحن صغار كان عشانا ثابت مديدة تمر أو حلبه .... اصلا ما كنت متخيل محلات المديدة .. تلقى رواج بالصورة دي والرجال يقبلوا عليها .. ومحلاتها تملا المدن فعلا اختلفت مفاهيم الناس .. المديدة دي كانت بتتعمل للمرا النفساء بس .. فكونو يجي راجل يقعد يشرب مديدة قدام الناس كده .. ما كنت متخيل الكلام ده يحصل .. هههه ..
الزمن دا الناس بقت تصدق أي شي ... مفتكرين المديدة دي بتخليهم يحلقو (الكلمة الأصلية في بوست زي دا بتتفهم غلط) في السما ..... عشان كدا المديدة أخدت رواج و ناس غنو منها ......
01-03-2018, 12:00 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
تصدق ماباكل كوارع خالص .. ههههههه والله صحي .. انت قايلني مرّاسي ولا شنو ..
بعدين اصلا ما معروفة كوارع شنو ؟ .. ممكن تكون كوارع حمير ... خخخخ ...
ابو حسين ود جزارين يعني الكوارع دي منذ نعومة اظافري مستمتع بيها ... عمي محي الدين الله يرحمه و يغفر ليه افضل من يظبط (النيفة) اها دي وحاتك انت تاكلها تحس بي نفسك قامن ليك جناحين و طاير فرررررررر ...... 😂😂😂😂
01-03-2018, 05:52 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
شوف يا زول ما تهرشنا بى ود جزارين دى سألتك سؤال محدد بتعرف الكوارع ___ يا ود القوز طوارع حمار شنو ياخ فى حاجة اسمها .. ذات الظلف المشقوق يعنى زى ذات الشامة قصدى حاجة مميزة
01-03-2018, 07:27 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
أأوووو ولقد ذكرت عزيزا والله اظرف كوارع في جنوب الخرطوم كانت عند الحاجة سكينة في الصحافة 30 قريب من محطة سبعة ايّامنا الطلبة و الفلس فارض نفسة كنّا بناخد منّها طلبات شوربة بس ولمّا ربّنا يفرجها كنّا بنطلب كوراع كاملة ولازم نمش بدري ونحجز وإلّا مع بتاعين الحافلات ما بتلحق ويا سلاااام اليوم داك سلاطين زماننا و شيوخه! شوية و اتخرّجنا و اشتغلنا و بقى في دخل عرفنا ادريس الحلة الجديدة ولمّا الهلال يكون لاعب في أمدرمان عرفنا الفاتح الكوتش و سوق الموردة وإيييك لكن تبقى حاجة سكينة صاحبة "أكرع" كوارع أكلتها في حياتي بشوربتها موزونة الدكوة و الدهن و كوارعها التي تذوب في فمك و لا تحتاج "الملاواة" المعروفة ويا لها من ايّام حيّاها الغمام
01-03-2018, 08:43 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5453
Quote: أأوووو ولقد ذكرت عزيزا والله اظرف كوارع في جنوب الخرطوم كانت عند الحاجة سكينة في الصحافة 30 قريب من محطة سبعة ايّامنا الطلبة و الفلس فارض نفسة كنّا بناخد منّها طلبات شوربة بس ولمّا ربّنا يفرجها كنّا بنطلب كوراع كاملة ولازم نمش بدري ونحجز وإلّا مع بتاعين الحافلات ما بتلحق ويا سلاااام اليوم داك سلاطين زماننا و شيوخه! شوية و اتخرّجنا و اشتغلنا و بقى في دخل عرفنا ادريس الحلة الجديدة ولمّا الهلال يكون لاعب في أمدرمان عرفنا الفاتح الكوتش و سوق الموردة وإيييك لكن تبقى حاجة سكينة صاحبة "أكرع" كوارع أكلتها في حياتي بشوربتها موزونة الدكوة و الدهن و كوارعها التي تذوب في فمك و لا تحتاج "الملاواة" المعروفة ويا لها من ايّام حيّاها الغمام
بالله من الزمن داك انت شغال مديدة و كوارع .... ؟؟ و كمان زبون ...؟؟؟ واحدة من المدارس الثانوية وصل خبر للمدير انو طلبته زباين عند بتاعة المريسة القريبة من المدرسة ... يوم كبس عليها اثناء وقت الحصص ... الجماعة بالشبابيك اتخارجو ... قدر ما هدد ست المريسة عشان تديه اسماء تلاميذه و زباين عندها ابت ..... جاب ليه ورقة و شال القلم و وقف قدام الحيطة .... لقى ليك اسماء الطلبة كلهم و الديون العليهم ... 😂😂😂😂
01-04-2018, 06:17 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
آآآآ يعني البوست عن المريسة !! حبيت اساهم لكن للأسف عودي فيها عود مرة! لكن ايّام الجامعة عملنا رحلة لكوستي كنّا نازلين في مدرسة البنات, أها كان معانا طبّاخ السف نسيت اسمو يوم عمل بتاعة السمسم الحادقة ديك الكوجو مورو افتكر اسمها المهم ضربنا فيها لامن قلنا بس, ما عارف بتقبلوها مساهمة في اللبوست المريسة دا ولاّ لأ
01-04-2018, 12:01 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: آآآآ يعني البوست عن المريسة !! حبيت اساهم لكن للأسف عودي فيها عود مرة! لكن ايّام الجامعة عملنا رحلة لكوستي كنّا نازلين في مدرسة البنات, أها كان معانا طبّاخ السف نسيت اسمو يوم عمل بتاعة السمسم الحادقة ديك الكوجو مورو افتكر اسمها المهم ضربنا فيها لامن قلنا بس, ما عارف بتقبلوها مساهمة في اللبوست المريسة دا ولاّ لأ
لا المريسة دي لسه بدري عليها ... بعدين تعال إنت الفضل ليك شنو ما جربتو ...؟؟؟؟ ما عندك حاجة لم نصل لي حتة العرقي ...؟؟؟؟
01-04-2018, 02:01 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة