|
|
|
 Re: في سبيل تقييم تجربة الاستيكة (Re: أيمن محمود)
|
| Quote: تراجع وسحب هذه الصلاحية غالبا لأنه وصل لقناعة انه يساء استخدامها وضررها افضل من نفعها |
هلا ابويمن
لا سحبها لأنه اتضح أن هناك ثغرة تسمح للمستخدم مسح مداخلات في بوستات الآخرين أيضا, اكتشفها صبري الشليق وعمل بيان بالعمل :)
بالنسبة للتجربة العملية النقطة رقم 3 (استخدامها بإفراط) فرانكلي افضل نموذج لدرجة انه صار عنده زباين يمسح لهم حتى قبل ان يقرأ ماذا كتبوا
رأيي الشخصي أنا معها - لولا هذه الثغرة - ومع منح العضو كامل الصلاحيات لإدارة بوسته ولا ارى ان هذا يحد من حرية التعبير باعتبار ان الفرصة دائما قائمة لصاحب الرأي المأستك أن يفتح بوسته الخاص و يمارس حريته في التعبير عن رأيه في اي موضوع بما فيه الموضوع الذي تمت أستكته فيه
| |
  
|
|
|
|
|
|
|
|
Re: في سبيل تقييم تجربة الاستيكة (Re: محمد البشرى الخضر)
|
| Quote: سحبها لأنه اتضح أن هناك ثغرة تسمح للمستخدم مسح مداخلات في بوستات الآخرين أيضا, اكتشفها صبري الشليق وعمل بيان بالعمل :) |
سلامات يا محمد البشرى
ما سمعت بالثغرة والله .. بس من ناحية نظرية كده هل في فرق كبير بين انو يكون عندك الحق في مسح التعليقات في بوستك او بوستات الاخرين (من حيث المبدأ)؟
سؤالي ده لانو بالجد مسألة انو البوست بتاعي او بتاع زول تاني ما مفروض تفرق! المبدأ واحد! - الحق في انو أمسح التعليق الما بعجبني!
باستثناء عمليات تخريب البوستات - فعلا الواحد لما يجي يعبر عن فكرة والتاني يجي يخرب البوست متعمد دي عملية قبيحة من المخرب ومافي مشكلة اظن لو اتحذفت مداخلته!
| Quote: فرانكلي افضل نموذج لدرجة انه صار عنده زباين يمسح لهم حتى قبل ان يقرأ ماذا كتبوا |
غايتو انا كنت حتى لو صليت على النبي في البوست بتاعه كان بمسح مداخلتي ... لله دره 
| Quote: مع منح العضو كامل الصلاحيات لإدارة بوسته ولا ارى ان هذا يحد من حرية التعبير باعتبار ان الفرصة دائما قائمة لصاحب الرأي المأستك أن يفتح بوسته الخاص و يمارس حريته في التعبير عن رأيه في اي موضوع بما فيه الموضوع الذي تمت أستكته فيه |
انا ما بتفق معاك انو البوست حاجة شخصية وملك لصاحبة ومفروض يحذف بمزاجة - البوست ملك عام حتى لو فتحه شخص محدد - ومفروض صلاحياته في البوست تكون في حدود الفتح والاغلاق مثلا والنقل لربع اخر!، مسألة انو الزول المحذوفة مداخلته "يهاجر" ويفتح بوست تاني بالنسبة لي زي زول يهاجر من بلده لبلد اخرى عشان يعبر عن رأيه من خارج الوطن!
عموما مسألة تقييم تجربة الاستيكة بحاول عن طريقها تقييم تقبلنا في سودانيزاونلاين للرأي الاخر ومدى فشلنا كأفراد في تقبل الرأي الاخر!
| |
|
|
|
|
|
|
|
|
|
Re: في سبيل تقييم تجربة الاستيكة (Re: أيمن محمود)
|
| Quote: عموما مسألة تقييم تجربة الاستيكة بحاول عن طريقها تقييم تقبلنا في سودانيزاونلاين للرأي الاخر ومدى فشلنا كأفراد في تقبل الرأي الاخر! |
شكرا ايمن على فتح البوست
موضوع الاستيكة من البداية ماكان موفق في رأيى انو يتعمل لانو دى ساحة نقاش الهدف منها الرأي والرأى الاخر
وده فعلا امتحان لمقدرتنا على تحمل بعضنا زى ما لخصت انت في الاقتباس أعلاه
فشلنا في المنبر انعكاس لفشلنا في الحياة على تحمل بعضنا البعض وبالتالي ما مفروض
يتم السماح للناس انهم يواصلوا نفس الفشل في المنبر والعكس مفروض يكون المنبر
ساحة تدريب مفتوح والما بقدر يتحمل ينسحب منه ....
كان ممكن إدارة المنبر تعمل آلية اكثر ديمقراطية
للتعامل مع الظواهر المرتبطة بممارسة الأعضاء
افضل من احظر فلان ورجع علان بدون حيثيات
واضحة للناس لانو ده أدى لاضمحلال المنبر بسبب
انسحاب ناس كان ليهم اثر ايجابى في المنبر
واضطروا ينسحبوا او يختفوا لاسباب متعددة
وبالمختصر المفيد الاستيكة معالجة سلبية
ورسوب في امتحان التحمل فلو الناس مانجحت
هنا كيف حتنجح في الواقع ؟؟
| |
|
|
|
|
|
|
|
|
|
Re: في سبيل تقييم تجربة الاستيكة (Re: Abdalla Hussein)
|
Quote: فشلنا في المنبر انعكاس لفشلنا في الحياة على تحمل بعضنا البعض وبالتالي ما مفروض
يتم السماح للناس انهم يواصلوا نفس الفشل في المنبر والعكس مفروض يكون المنبر
ساحة تدريب مفتوح والما بقدر يتحمل ينسحب منه ....
كان ممكن إدارة المنبر تعمل آلية اكثر ديمقراطية
للتعامل مع الظواهر المرتبطة بممارسة الأعضاء |
بتفق يا عبد الله مع رأيك ده تماما وهو يعبر عني تماما
سودانيزاونلاين ساحة مفيدة جدا للتدرب وتعلم تقبل الرأي الاخر ويجب ان تظل كذلك
| |
|
|
|
|
|
|
|
|
|
Re: في سبيل تقييم تجربة الاستيكة (Re: أيمن محمود)
|
سلام مربع .. أيمن محمود
أنا أتفق معك ومع الأخ عبدالله
وأنا كنت من المعارضين لها
ولم أستخدمها بتاتاً بالرغم من كل ما تعرضت له من مضايقات ومداخلات خارجة عن الموضوع الذي أطرحه .. فقط أتجاهل من يريد تخريب بوستاتي
مع تحياتي،،،
عاصم فقيري
| |
|
|
|
|
|
|
|
|
|
Re: في سبيل تقييم تجربة الاستيكة (Re: أيمن محمود)
|
| Quote: بس من ناحية نظرية كده هل في فرق كبير بين انو يكون عندك الحق في مسح التعليقات في بوستك او بوستات الاخرين (من حيث المبدأ)؟ |
فرق بالطبع, لامن تمسح من بوست أنت كاتبه فعلى الأقل لديك مبرر - على علّاته - أمّا كونك تمسح مداخلات ناس في بوست انت لست كاتبه وربما تمسح لكاتب البوست نفسه فمهما حاولت لايوجد اي مبرر بعلّة أو بدون
بالنسبة لعدم اتفاقنا فهذا امر طبيعي, بل ومستحسن
و لا أكتمك سرّا ان اتفاقك معي يزعجني ويجعلني اراجع موقفي دائما
خخخخخخ
| |
|
|
|
|
|
|
|
|
|
Re: في سبيل تقييم تجربة الاستيكة (Re: Abdalla Hussein)
|
| Quote: لامن تمسح من بوست أنت كاتبه فعلى الأقل لديك مبرر - على علّاته - أمّا كونك تمسح مداخلات ناس في بوست انت لست كاتبه وربما تمسح لكاتب البوست نفسه فمهما حاولت لايوجد اي مبرر بعلّة أو بدون |
لو قصدك انو المبرر هو انك "صاحب" البوست فاكسكيوز مي - ده مبرر طفولي جدا والله ... زي الحركة الزمان بتاعة صاحب الكورة لما يتحكم في الناس وياخد صلاحيات انو يطرد ده ويدخل داك وينهي اللعب لو زعل او اتغلب .. حركات شفع 
مبتدر النقاش، صاحب "فكرة" البوست (صاحب البوست كما تسميه) ميزته الوحيدة عن الاخرين انو صاحب فكرة البوست فقط!
| |
|
|
|
|
|
|
|
|
|
Re: في سبيل تقييم تجربة الاستيكة (Re: أيمن محمود)
|
كما أسلفت لم أستخدم هذه الخاصية (الإستيكة) ولكن في إحدى بوستاتي إضطر كاتب مداخلة سيئة لسحب مداخلته لأنني لم أعير تلك المداخلة سيئة الذكر أي إهتمام فأجبر ذلك الثقيل على سحبها بل كانت أكثر من مداخلة سحبها كلها !
| |
|
|
|
|
|
|
|
|
|
Re: في سبيل تقييم تجربة الاستيكة (Re: أيمن محمود)
|
اذا كانت فكرة "سيد البوست" حركات شفع فا مسج مداخلات الآخرين في بوستات انت لست "سيدها" حركات كيزان عديل كدا!
السياق في المقارنة و ليس تبريرا كما كنت اظن انه لم يخف عليك, ولكن بعض الظن إثم
خخخخخ
| |
|
|
|
|
|
|
|
|
|
Re: في سبيل تقييم تجربة الاستيكة (Re: محمد البشرى الخضر)
|
| Quote: اذا كانت فكرة "سيد البوست" حركات شفع فا مسج مداخلات الآخرين في بوستات انت لست "سيدها" حركات كيزان عديل كدا! |
هو كذلك
كلهن ما عندن سند اخلاقي او موضوعي!
لالا يا ود البشرى .. انت حاولت تبرر بحاجة انت ذاتك ما كنت مقتنع بيها وتبرأت منها في اقرب ملف
قلت انو تصريحك تم تفسيره خطأ - عملت بالظبط زي قندور لما اتزنق 
| |
|
|
|
|
|
|
| |
أيمن محمود
محمد البشرى الخضر
Abdalla Hussein
Asim Fageary
فيس بوك
تويتر
انستقرام
يوتيوب
بنتيريست