|
|
|
 Re: مخاوف يكتمها الرجل . (Re: عمر التاج)
|
سلامات ود البشرى
Quote:
مرض جوّة البكتل المروّة
|
مرض جوه ده ما مر علي
لكن للضمان أي مرض طارئ عند الرجل
ممكن يتعالج بعد الزواج ، وتعتمد الفترة على خبرة الطرفين
لكن أمراض المرأة وعاداتها هي الكارثة، تموت تخليها بس.
| |
 
|
|
|
|
|
|
|
|
Re: مخاوف يكتمها الرجل . (Re: فيصل محمد خليل)
|
كانت يا عمر التاج كلمنا عن نمرة ٩...
وهو خوف الرجل ان تكون زوجتهىقد ارتبطت بقصة حب مع شخص اخر ، وخوفه ان
يكون هو في موضع مقارنة مع هذا الشخص الاخر،،،
والسؤال الان للناس المتزوجين،، هل اذا عرف الزوج بعد الزواج ان زوجته كانت على علاقة حب
مع شخص اخر، فهل من حقه ان يحقق مع زوجته عن ماهية هذه العلاقة، وهل من حقه ان يفارقها
بسبب هذه العلاقة التي اخفتها زوجته منه..ام انه ليس من حقه باعتبار ان ماضي الزوجة ليس من اختصاصه
وان المهم ما يحصل بعد الزواج،،،
..انشوف نفسياتكم..وجه ضاحك....
ونفس هذه الاسئلة ايضا بالنسبة للزوجة التي علمت بعد الزواج ان زوجها كان ايضا كذلك..
مع وافر التقدير
| |
|
|
|
|
|
|
|
|
 Re: مخاوف يكتمها الرجل . (Re: امتثال عبدالله)
|
سلام يا جماعة ود التاج نسى اهم شئ يتحكم فى هذه التسعة حيث الأخلاق
الحسنة هى مفتاح البيت لانه اذا انعدمت الأخلاق الحسنة انعدم كل شئ
لذا الجنسين لو كانت أخلاقهم حسنة لا يينتبهون إلى الصغاير
| |
|
|
|
|
|
|
|
|
|
Re: مخاوف يكتمها الرجل . (Re: فيصل محمد خليل)
|
اهلا يا فيصل ..
Quote:
9 و 10
و ديل ما عاوزه بحوثات
|
يعني البت ماتجرب تحب لحدي ما يجي يوم شكرها اقصد يوم عرسها؟
والراجل مايبقى بكاي ، نموت كمد ساكت.
كان كدي طلعت متطرف كمان يا صاحبي
| |
|
|
|
|
|
|
|
|
 Re: مخاوف يكتمها الرجل . (Re: عمر التاج)
|
الأخ عمر التاج والصحب الكريم، سلام
وشكراً بدءا على " مخاوف يكتمها الرجل " وشكراً على مــَــا ذَيّلتَ به موضوعك من خُلاصة "منقولة للمعرفة والمقارنة" ثانياً؛ ثم شكراً ثالثاً لكونك أخدتنا إلى "موقع برايت سايد" الأمريكي، وأفسّر اسمه بـــ" الوجه المُضيء" حيث أشاروا there إلى أن هناك مخاوف يكتمها 90% من الرجال، تتعدد وتتمدد إلى عشرة مخاوف وقد تزيد؛ ثم إن كل هذا الشكر الــ 3rd.Dimentions ثلاثي الأبعاد، لكوني كنتُ أحسبك (!) مُطَبِّعاً ..! أو على الأقل Semi-Kouz فلم أكُ أقرأك بجديّة!! و أحسب (!) مرة أخرى، إنني ربما قرأتُ لك سـابقاً، شيئاً مَـــا، وكان السببُ في بخسي أشياءك، ومن ثَم إغلاقي نوافذك Locking your Windows ضربة لازب وَ "ال تجي تجي" بيد أنّي في ما بعد، قد قرأتُ لك "شوية" فانقلب "تقييمي اللازبي" رأساً على جنب! وبقيتُ مُحتارا.
عشرة مخاوف يا رجل، تبدأ من كيف يبدو شكلي؟ وتنتهي بإظهار المشاعر، ثم لا يأتي ضمنها: لا الانتخابات؟ لا التحوّل الديمقراطي؟ لا الحوار الوطني لا الدولار لا سِعر "اليوريا" و لا "الدّاب" وتقول لي هذه العشرة التي يكتمها الرجال؟؟ ديل رُجال وين ديل يا مان؟ غايتو لا يسعني إلّا أن أشك شكا ابن كبّ! أن السودانيين غير معدودٍ لهم " وجه مُضيء" ..!
ودمتم بكل خير..
| |
|
|
|
|
|
|
|
|
Re: مخاوف يكتمها الرجل . (Re: محمد أبوجودة)
|
انا بتكلم من واقع مجتمعنا حالياً
و خصوصاً في النقطعة 9 .
يعني لو ارتبط بواحدة كان ليها صديق
يعني عمرك كله تكون ساكت و ما تشاكل
لو شاكلت طوالي بجيبو ليك سيرة البحر ههههه.
نحن عاوزين توعية في البداية . انا هنا بقصد الارتباط
الغير قانوني(يعني ما زواج) . لكن لو كانت متزوجة و طلقت
فلا مانع هذا في الشارع السوداني . و نحن اولاد البيئة . و ضروري النضال (التوعوي)
| |
|
|
|
|
|
|
|
|
|
Re: مخاوف يكتمها الرجل . (Re: فيصل محمد خليل)
|
الصديقة امتثال
ازيك يا خية
Quote:
والسؤال الان للناس المتزوجين،، هل اذا عرف الزوج بعد الزواج ان زوجته كانت على علاقة حب مع شخص اخر، فهل من حقه ان يحقق مع زوجته عن ماهية هذه العلاقة، وهل من حقه ان يفارقها بسبب هذه العلاقة التي اخفتها زوجته منه..ام انه ليس من حقه باعتبار ان ماضي الزوجة ليس من اختصاصه وان المهم ما يحصل بعد الزواج،،،
|
سؤالك صعب يا امتثال
والأصعب منه الإجابة من زاوية نظر الرجل
أنا غايتو ما حا أقدر أتجمل في الرد، وما بقدر اصرح
لكن هذه محاولة للرد يتفق فيها 99% من الرجاااالة.
من حق الرجل أن يمر بعدة تجارب للحب ، بدافع الغريزة والشعور، ثم ينتقي أفضلها وأدومها ..
وكذلك من حق المرأة أن تجرب الحب ( تقرأ التقرب و الانجذاب)
بدافع الطبيعة والعاطفة ، ومنها توسع دائرة احتمالات الارتباط
ولكن الرجل عموما لا يحبذ أن تكون حبيبته، أخته، أمه ذات علاقات غرامية سابقة
وإذا تزوج الرجل، في الغالب لا يجد حرجا في ذكر بعض علاقاته السابقة، و(اعجاباته) الحالية لآخر حبيبة.
بينما تكتفي المرأة بالتلميح بأنها كانت مطلوبة دون الإشارة لدرجة الاستجابة.
حد تاني يكمل..
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
الصديق صديق
ماك طيب وشديد
Quote:
سلام يا جماعة ود التاج نسى اهم شئ يتحكم فى هذه التسعة حيث الأخلاق
الحسنة هى مفتاح البيت لانه اذا انعدمت الأخلاق الحسنة انعدم كل شئ
|
الاخلاق سيدة الموقف يا صديق
وذات الدين في قمة الهرم
ولكن عمليا،
قلما تجد رجالا تصيبهم مخاوف الاخلاق
أو مجتمعات يقلقون على أخلاقهم.
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
الأخ الفاضل والإعلامي الثاقب
محمد أبو جودة،
تحية اجلال واكرام ،
وشكرا على شرف الزيارة
Quote:
الأخ عمر التاج والصحب الكريم، سلام
وشكراً بدءا على " مخاوف يكتمها الرجل " وشكراً على مــَــا ذَيّلتَ به موضوعك من خُلاصة "منقولة للمعرفة والمقارنة"
ثانياً؛ ثم شكراً ثالثاً لكونك أخدتنا إلى "موقع برايت سايد" الأمريكي، وأفسّر اسمه بـــ" الوجه المُضيء" حيث أشاروا there إلى أن هناك مخاوف يكتمها 90% من الرجال، تتعدد وتتمدد إلى عشرة مخاوف وقد تزيد؛
ثم إن كل هذا الشكر الــ 3rd.Dimentions ثلاثي الأبعاد، لكوني كنتُ أحسبك (!) مُطَبِّعاً ..! أو على الأقل Semi-Kouz فلم أكُ أقرأك بجديّة!! و أحسب (!) مرة أخرى، إنني ربما قرأتُ لك سـابقاً، شيئاً مَـــا،
وكان السببُ في بخسي أشياءك، ومن ثَم إغلاقي نوافذك Locking your Windows ضربة لازب وَ "ال تجي تجي" بيد أنّي في ما بعد، قد قرأتُ لك "شوية" فانقلب "تقييمي اللازبي" رأساً على جنب! وبقيتُ مُحتارا.
|
بدأً توقفت عند هذه التوطئة الباذخة , وتأملت في لمسة بصمتك المميزة الساحرة
وكما طالعت فيها انسجام الفكرة وجزالة العبارة، فقد قرأت منها حيرة زادتني حيرة على حيرتك
وإن كانت لي كتابات سابقة وحالية فهي مجردة من الانانية والتكلس ، أرجوها أن تتطور مع المواقف وتتجدد مع الحقيقة
وإزاء ذلك لا أجد ردا سوى الشكر المستديم على اللفتة الأخيرة البارعة، وأستغل حضوركم واهتمامكم الأدبي
لأذكر بأن بداياتي في الموقع كانت فعلا سياسية، وسرعان ما تخللتها بعض المحاولات الأدبية
أذكر منها ما جاء على وزن حيرتك وحيرتي: ( الحرة، حكاوى من الزمن الجميل)
وبعض القصص الأخرى المتبعثرة على صفحات المنبر أرجو لها عظيم اطلاعك ،
بينما خطي الأساسي اقتصادي في المنبر، واهتماماتي خارج المنبر فنية اجتماعية .
ولذا جاءت المخاوف في البوست خالية من السياسة والاقتصاد والتقانة،
أو مايهم السودانيين فعلا من منشط وارتباط ، أو كما قلت أنت عنهم:
Quote:
غايتو لا يسعني إلّا أن أشك شكا ابن كبّ! أن السودانيين غير معدودٍ لهم
|
مودتي، وجه ممتن.
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
Quote:
انا بتكلم من واقع مجتمعنا حالياً
و خصوصاً في النقطعة 9 .
يعني لو ارتبط بواحدة كان ليها صديق
يعني عمرك كله تكون ساكت و ما تشاكل
لو شاكلت طوالي بجيبو ليك سيرة البحر ههههه.
|
كنت عم أمزح يا صديقي
فهمت مقصدك ابتداءا ، ووافقته في ردي الأخير
وأهدي مداخلتك الأخيرة كاجابة ثانية للصديقة امتثال.
| |
|
|
|
|
|
|
|
|
 Re: مخاوف يكتمها الرجل . (Re: عمر التاج)
|
تعرف يا أخي عمر ود التاج، قبل مُداخلتي معك هنا، كنتُ حائماً
أقطُف من زهور بساتينك البوستاتية، وقد أطربتني شجينات حكاياها..!
وقد أحزنتني بَـ عَـد ... ها ههه؛ ثم لم أقوَ على الخروج من بوست
"النزول القومي الشامل" في مقامات أعيان وطننا، إلّا وَ أكاد
أكفكف دمعي غلبني..! كأنّو هذا الدهر قصَد سودانّا فضيّع آمالنا.
بوست "الحِرّة"، بدأتُه، ودايرلو سوحة تانية، أرجوها أن تكون قريبة،
وبي أمانة، فقد قراتُ الحِرّة بدءً ب ضمّ الحاء وتشديد الرّاء، فقلتُ
في نفسي، ال زول دا "قريبنا" وللّا شنو، فالحُرّة (الكِتَيْيــَّاب) كم مررتُ
على سوحها المترامي الدروب الخيِّرَة، بل أكاد لا أُخطيء "بساتينها" في
"حَنِّكْ" كجزء من مؤسسة الشمالية الزراعية، وتلك الوابورات الكبييييرة!
وفيما يبدو، فأريج السّواقي، واحد! وكذلك أنينها.
لكن آ عمر ياخ، ما نزلتَ فيني شُكرَن يدخِّل في الأضافرَيْن ذاتو ...!
لدرجة إني قرّبت أقوووللك: دي زي "جواب" للريِّس (في النُكتة الحلمية)
للزول ال قاللوا شُفتّك في الحِلِم حائم في الجنّة سااااي..! حيث قال الرّيس:
صاحبي الفريق فلان، كان معاي؟ قال الحالِم سبانا: لا .. لا .. كنتا برااااك!
قاللو: دا ما أنا يا زول دا يكون عُمُر تانٍ!
مودتي لك والتقدير ..
| |
|
|
|
|
|
|
|
|
|
Re: مخاوف يكتمها الرجل . (Re: محمد أبوجودة)
|
والله يا عمر يا أخوووي
أنا كنت شغال في السوق وأخدت راحتي في اللبس البلدي والاكل البلدي
وعندما ساءت أحوال السوق رجعت للوظيفة
وعشان البس اليونيفورم نمرة (واحد)ونمر (سبعة) بقت هاجسي الوحيد
لدرجة تجدني طوالي في حالة حمية وصيام وقمت وقفت السكر وتجاوزت تلك المصاعب
لكن واجهتني مصاعب الاتهام بالسكر
غايتو كدا ووب وجااي وبين .
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: مخاوف يكتمها الرجل . (Re: محمد حمزة الحسين)
|
نمرة واحد كيف يبدو شكلي ؟ فكرت اشطبا تاني قلت لا دا معناتو انا ما عندي اهتمام بمظهري العام ..
نمرة اتنين المال ؟ قدر ما حاولت اكشط يدي حرنت تب ..
نمرة تلاتة طول القامة : كشطتها طوالي لإني ما عندي مشكلة الحمد لله ..
نمرة أربعة الغيرة من الرجال الآخرين: شطبت ابوها ..
نمرة خمسة خبرة التعامل مع النساء : فكرت اشطب تاني قلت أفا كمان جابت ليها رجفة من النساء ؟ خلاس جيب اضانك..
نمرة ستة الصلع : كشطت امها لإني ماعندي تجربة ..
نمرة سبعة الحمية : حاولت اشطب لكن تذكرت كرهتي الكرش الكبيرة ..
نمرة تمانية التحدث عن مشاكلهم : جيت اشطب يدي رجفت الكضب خيبة..
نمرة تزعة ارتباط الشريكة بعلاقة سابقة : اكشط امها لإني خالي تجربة ..
بس ..
نمرة عشرة ما شفتو ..
يا تاج ياخي افهمها صاح حيدرنا قال ليك ولا واحدة يعني ما شافن كلهن ..
اما ود البشرى فقد ختاها طااااخ في الحتة الكرسو منها العملو الاستطلاع ظاااتم .
مودتي لك ولزوارك.
| |
|
|
|
|
|
|
|
|
|
Re: مخاوف يكتمها الرجل . (Re: محمد على طه الملك)
|
حبابك الف مرة يا أبا جودة
شاكرا لك الخواطر الجميلة والاندياح ، وهذا الشجن الحنين ..
قلت لي الحُرة ..
آآآي بعرفها زي جوع بطني
وأهلي منها جدعة واسوق
Quote:
فقلتُ
في نفسي، ال زول دا "قريبنا" وللّا شنو، فالحُرّة (الكِتَيْيــَّاب) كم مررتُ
على سوحها المترامي الدروب الخيِّرَة، بل أكاد لا أُخطيء "بساتينها" في
"حَنِّكْ" كجزء من مؤسسة الشمالية الزراعية، وتلك الوابورات الكبييييرة!
وفيما يبدو، فأريج السّواقي، واحد! وكذلك أنينها.
|
وبعدين عشان تمييز القرابة ،
شوف محسن خالد لمن جاب سيرة اهلي في صفحته الأخيرة
ترادف اسم جدي مع جدك، فهل هي محض صدفة؟
لا شك أن لهذه الخاطرة ألف زاوية للقراءة وسأفعلها بتأني
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
محمد حسن ود حمزة سلامات..
Quote:
أنا كنت شغال في السوق وأخدت راحتي في اللبس البلدي والاكل البلدي
وعندما ساءت أحوال السوق رجعت للوظيفة
وعشان البس اليونيفورم نمرة (واحد)ونمر (سبعة) بقت هاجسي الوحيد
لدرجة تجدني طوالي في حالة حمية وصيام وقمت وقفت السكر وتجاوزت تلك المصاعب
لكن واجهتني مصاعب الاتهام بالسكر
غايتو كدا ووب وجااي وبين
|
كويس يا محمد أنك جيتنا في حتتة مخاوف الرجل السوداني
وزي ماقالت مني ديك أنه مظهر السوداني غير لائق لانه بسف وبنبهل كرشيا ..
ولكن الهاجس الأكبر لدى السوداني عند التقرب من أي فتاة أنها تقول لك:
عايزة أقرأ
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
تحية عطرة لمولاي الملك
ان شاء الله شديد ولضيض يا اخ
وبدأ نقول مبروك المرور ،
خمسة من عشرة
Quote:
نمرة واحد كيف يبدو شكلي ؟ فكرت اشطبا تاني قلت لا دا معناتو انا ما عندي اهتمام بمظهري العام ..
نمرة اتنين المال ؟ قدر ما حاولت اكشط يدي حرنت تب ..
نمرة تلاتة طول القامة : كشطتها طوالي لإني ما عندي مشكلة الحمد لله ..
نمرة أربعة الغيرة من الرجال الآخرين: شطبت ابوها ..
نمرة خمسة خبرة التعامل مع النساء : فكرت اشطب تاني قلت أفا كمان جابت ليها رجفة من النساء ؟ خلاس جيب اضانك..
نمرة ستة الصلع : كشطت امها لإني ماعندي تجربة ..
نمرة سبعة الحمية : حاولت اشطب لكن تذكرت كرهتي الكرش الكبيرة ..
نمرة تمانية التحدث عن مشاكلهم : جيت اشطب يدي رجفت الكضب خيبة..
نمرة تزعة ارتباط الشريكة بعلاقة سابقة : اكشط امها لإني خالي تجربة ..
بس ..
نمرة عشرة ما شفتو ..
يا تاج ياخي افهمها صاح حيدرنا قال ليك ولا واحدة يعني ما شافن كلهن ..
اما ود البشرى فقد ختاها طااااخ في الحتة الكرسو منها العملو الاستطلاع ظاااتم .
|
طيب لو بدينا بالمقلوب حا نقول أنه نمرة 10 دي
والتي تقرأ ("لا تبكِ.. فالرجل لا يبكي" تربى معظم الرجال على هذه المقولة الخاطئة، التي أدت إلى إنتاج رجال يشعرون دوماً بالخوف من إظهار مشاعرهم أمام الآخرين)
فيها اتجاهان:
في ناس دمعتهم في طرف رموشهم ، وديل الحساسين البتقصدهم الدراسة ، والمرأة طبعا تفضل الراجل الحمش.
وفي ناس بكايين طبيعي ، وديل هم معشر المكسرين، الواحد لو مرت جنبو غزالة بتكسر فيها ، ودي واحدة من هواجس الرجل السوداني
أها ، أنت لاوزت من ياتو اتجاه؟
.
.
مما يروى (اعتقد اخونا درديري) عن السودانيين ذوي الاتجاه التاني ، قصة ذلك الشاب المسافر من الخرطوم الى مدني ،
ولما لم يجد غير بصات بورتسودان قطع نصف التذكرة بعد أن أقنع الكمساري أنه سينزل في أقل من نصف السفرية.
حظه المكسر أجلسه جوار واحدة زي الليل ، ولما بدت الونسة والتعارف وانداحت الضحكات تصادف أن البص وصل وجهته،
الكمساري وقف البص ونده لصاحبنا ، خلاص وصلت مدني يلا أنزل ، فما كان من صاحبنا إلا أن أخرج النصف الآخر من التذكرة وأسكت به الكمساري
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
بالنسبة للسودانين هناك مخاوف أخرى تضاف الى اللستة الواردة أعلاه أهما:
11- التعاطي القبيح ، كسف الصعود والسجائر وشرب الخمر ، فالرجل الذي يبتلى بواحدة او أكثر من هذه الممارسات يسأل نفسه باستمرار ( ماذا لو شافتني حبيبتي وأنا سافي؟) ، أو أين أضع سجائري وحقتي بعد الزواج
12- الكرش: الرجل السوداني لا يهتم كثيرا بمظهره الخاص بعد الزواج، واحد زميلنا كان عنده كرش أكبر من باقي جسمه ، وعندما ننصحه باتخاذ الحمية لتخفيف هذا الكرش يرد علينا (انتو عارفين الكرش دي أنا ربيتها بي كم حافز وكم بدل لبس )
13- الشنا : والشنا دي على قول زميلتنا وضاحة هي هاجس الهواجس الذي لا يتقاعس، ولكن الرجل السوداني يخفف عته اذا تذكر ان الجمال جمال الاخلاق.
14- عدم الرومانسية : الرجل السوداني لو بلغت به الرومانسية شأوا ساحقا، فإنه يسمى حبيبته بالحنان، ويمكن يناديها ب(يا فردة) ، وان تجرأت خطيبته ونادته ب ( ياحبيبي) بطلقها قبل الزواج (باعتبار ماسيكون)
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
Quote:
يا ود التاج درديري كسلاوي بالميلاد وأنا تسنين..
مدني ياتا البننزل فيها كمان
|
مدني دي انا زاتي ما نزلت فيها إلا مصادفة
خطفت ليها كراعي ومنها حبيبتي
وغادرت للبقعة التي شهدت ميلادي
كسلا الختمية
مكان الميرغني بنوم والقيامة بتقوم
ومنها رجعت شندي موطن آبائي واجدادي
شفت التوارد البينا ده كيف؟
| |
|
|
|
|
|
|
|
|
|
Re: مخاوف يكتمها الرجل . (Re: عمر التاج)
|
أما أكبر هواجس تقابل الرجل السوداني بعد الزواج (مباشرتن) لعدم تأكده منها هي:
1- هل ستظهر العروسة بنفس الجمال الذي كان يبدو عليها بعد عند تقوم من نومها بعد أول ليلة تقضيها معه
2- وهل .....
قبل ما اكمل اذكر انه الميرغني المقصود في المداخله الفوق
هو الميرغني الكبير جد سيدي الحسن ابجلابية
نواصل:
| |
|
|
|
|
|
|
| |
عمر التاج
حيدر حسن ميرغني
محمد البشرى الخضر
فيصل محمد خليل
صديق مهدى على
محمد أبوجودة
محمد حمزة الحسين
محمد على طه الملك
فيس بوك
تويتر
انستقرام
يوتيوب
بنتيريست