|
|
|
 Re: لازال يحسب نفسه .. (Re: عبدالحفيظ ابوسن)
|
سيزيف
بطل اسطوري في الميثلوجيا القديمة
كان قدرة ان يحمل صخرة حتي قمة الجبل ولا يكاد يصل القمة . حتي تتدحرج منه للسفح
ينزل تاني ويشيلها ويطلع بيها وهلمجرا
جهد ضخم مبذول في اللانتيجة مفيدة
| |
 
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
Quote: بطل اسطوري في الميثلوجيا القديمة
كان قدرة ان يحمل صخرة حتي قمة الجبل ولا يكاد يصل القمة . حتي تتدحرج منه للسفح
ينزل تاني ويشيلها ويطلع بيها وهلمجرا
جهد ضخم مبذول في اللانتيجة مفيدة |
اب سن كيفك...............ا.محمد مدني قال
Quote: سيقذف سيزيف صخرته
ويغادر ابليسُ لعنته
ويطير الحمامُ اذا … قامت القائمة . |
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
يا يوسف طه من سمات الشعر الحديث استخدامه الاسطورة والميثلوجيا المحلية او اليونانية . اشتهر بذلك السياب ثم تبعه الاخرين
حتي القدال كشعر شعبي دارجي يستخدم ذلك
يستخدمونها كرمز ودلالات
سيزيف مثلا في كجراي
وهأنذا كمجذوب يسير علي هواه
يجد ، يظهر في جموع السفر في كل القطارات
فيا شمسا تغيب هنالك وراء البرزخ
الممتد في أقصي المدارات
أتوه أظل ابحث عنك
بين مواكب الدهماء ،
خلف مرافيءالظلماء،
فوق مجرة الاسماء
لا ألقي سوي صمت يغربل لي عذاباتي
رأيت الليل مسعورا يمزق لي شعاراتي
يقود مظلة الاعصار ،يسخر من معاناتي
واما لذت بالاحياء يلقيني علي ابواب أمواتي
رفعت علي ركام الغيب فوق مدارج المجهول راياتي
وهأنذا أنوء بصخرتي الصماء
يا سيزيف ، أهدر في دروب الليل طاقاتي
فيا وطن الضياع المر يا نصلا
يمزقني ويكثر من جراحاتي
متي ينسل موج الضوء يغسل رمل واحاتي
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
كنا في أولى أو تانية ابتدائي لمن عمك من حلتنا بتروا ليه رجلينو بسبب السكري والزمن داك مافي موبايلات ولا قنوات ولا أي حاجة بتشغل الناس
مشكلته كان عازب يعني مافي أولاد يتحملوهو
بطلع كرسيهو المتحرك في الشارع ويا ويله البجي ماري بالشارع .. يبريهو ليك بري الجن حكاوى عن نفسه وتاريخ حياته الشايفينها قدامنا .. يعني عادي يحكي عن كيف البنات كانن بجرن وراهو وهو لامن عجز عزابي! .. أو كمية القروش الأدوها ليه الخواجات في مشروع الجزيرة وهو قاعد في بيت ورثة قديم فيه عشرين اسرة .. وهكذا
المهم بيحكي وانت غصباً عنك تسمع وغالباً بكون ماسك يدك أثناء الحكي عشان ما تجري .. والكلام دة غالباً بكون نصة نهار والناس ماشية على السوق تجيب اغراضها وملاح الغداء وما بقدر ليك أي ظرف حتسمع يعني حتسمع
نحن الصغار كنا دايماً بندقس نلقى نفسنا في نص الشارع وهو يكورك لينا والزمن داك ما بتقدر تقول لي زول كبير لأ .. لكن الشباب كانوا حرفاء بخلونا نعاين ليهم بالشارع قبل يوصلوا اللفة عشان يشوفوا عمك قاعد ولا مافيش .. إن بقى قاعد طوالي يغيروا الطريق
عمك دة مرة لقى الشارع فاضي الناس كلها بقت تلفلف بالزقاقات قام دور الكرسي المتحرك بتاعه على الميدان البلعبوا فيه الشفع كورة وبقى قاعد لحدي ما الكورة جات جمبه طوالي خطفها وختاها في حجره قال ليهم ما بديكم الكورة إلا تحلوا لي الغلوطية دي وقعدهم كلهم وهم ينقنقوا بي تحت ويهدوا في بعض خلونا نمشيهو عشان نشيل الكورة
والغلوطية بقت 10 وقلبت حكايات وونسة وضحك والأولاد كلهم منتظرين الكورة وهو ما راضي يفكها لأنه لو فكاها تاني مافي زول بعبّرو .. وطبعاً لحدي ما الواطة فللت وانتهى زمن الكورة ما فكاها بس الأكيد إنه دي كانت أمتع لحظات حياته كونه قاعد في الكرسي وحوالينه 20 ولد بستمعوا لحكاياته
في نفس الزمن داك كنا عايشين فقر مدقع مافي طريقة حلاوة من الدكان وحركات زي دي .. قام جاء قريبنا أكبر مننا شوية أبوهو مرتاح مادياً وهو مكمل الشقاوة
الزمن داك ظهر بسكويت جديد اسمه أشكَر بدل ستة قطع فيه تسعة قطع شايفنو وسامعين بيه لكن لا ضقناهو لا شفنا الضاقو
قريبنا المرتاح كان محتاج زول يعاونو على شقاوته وينفذ طلباته بقى سايق ود خالتو ومشغلو مهام صعبة .. أطلع راس البيت داك جيب لي كورة الشراب .. أمشي فن كلب ناس السرة بالحديدة من قريب عشان يكورك وعمتك تتخلع .. وهكذا
الطللبات كلها من النوع الصعب ومع كل طلب قريبنا برفض بقوم يكشكش ليه كيس بسكويت في جيب جلابيتو يقول ليه بعدين ما بنخليك تاكل معانا بسكويت أشكر طواااالي يدنقر وينفذ المطلوب
لاقيت قريبنا المرتاح بالليل قلت ليه أها أكلت ود الناس دة اشكر ولا لسة شاريهو ضحك وطلع لي كيس بسكويت فاضي من جيبو قال لا عندي بسكويت ولا أبوي بديني قروش لكن الكيس الفاضي دة بشغلوا بيه الإجازة كلها
________
يوم وفاة عمك كنت مغطي خشمي بي يدي في المقابر عشان ما تفضحني ابتسامة الارتياح من البري ووقفة الشمس لكن بعد مشيت الصيوان لقيت الناس دي ما فاضل ليهم إلا يجيبوا فنان ويرقصو .. أي ناس تمشي بي جمبهم تلقاهم بتكلموا براحة براحة : والله ارتاح وريحنا
آخر مرة لاقيت قريبنا الكان مرتاح كان عاطل في الحلة وبكورك في ود خالته الحندكوا بصندوق البسكويت بالتلفون وهو بحنس فيه يجيب ليه موبايل من دبي ويقول ليه انت كل مرة بتقول لي بجيبو ليك في الاجازة ولما تجي تقول لي نسيته
يا ربي بكون خاتيها ليه من الزمن داك !
| |
|
|
|
|
|
|
|
|
 Re: لازال يحسب نفسه .. (Re: Arif Nashed)
|
غايتو يا رامي عبد الكريم أكان ما فهمت من المقتبس دة معناها قاعد في بنبر تاني | Quote: عمك البرّاي الله يرحمو ما كان بقول ليكم افقدوني ما تزوغوا مني |
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
علي اليمين يا احمد عمر بالغت!!
أنا ساويك دفعتي و مباريك فيلمي وفيلمك وغلاطي وغلاطك واتاريك شافع ود امبارح!!
بسكويت اشكر دا لامن طلع احنا في البركس و كمّلنا خلط العوارة داك وخشينا في المسائل الجادة و التربيط وكدي!
| |
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
يا رامي المكوة ام سبعة نمر دى بتلقوها وين ياخ؟
قالوا الزول حلف ما يقعد في بيت مريسة . تاب
بعد فترة الكاروشة بمساعدة بطانة السوء 😆😆 ارته سوء حلفه 😆😆
عشان يفك الحلف . بقو يقعدو في شدرة برة البيت . اها تاني حلف ما يقعد في بنبر مريسة
والكاروشة
قالوا ليهو ما تقعد في بنبر مريسة . جر سرج حمارك
وفعلا تاني حلف ما يشرب
الكاروشة قامت عليهو
حلوها يشرب واقف لانو حلف قاعد 😆😆😆
| |
|
|
|
|
|
|
|
|
|
|
Re: لازال يحسب نفسه .. (Re: Rami Abdelkareem)
|
يا عارف بقينا نلعب وبالنا في الحكم والخصم ورجل الخط والجمهور زاتو
يا معلم ما تضيق الملعب امرق برة شوية ان شاء الله تمشي باريس
وياماشي لي باريس
رامي انزل هنا محطتك ما جات
انزل عشان ما دفعت 😆😆😆
قح ياخ
نحن الا تقح لينا
نزل معاك يوسف ما يعمل بلعب بي موبايلو ورايح
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
نحنا ناس سنة تسعين واحد وتسعين يا منص لكن خلطنا في اتنين وتسعين لا من مرق مننا وهم الدفاع الشعبي و الصلعة قامت يا دوب
| Quote: بيبي فيس ومسميني أب جضوم |
يا زول تاني تختانا كدا ولا كدا
كمان بعد العمر دا عايزة تجيب ليها اوبجيكتف وما ادراك ما عجلاتية وشنو وشنو
| |
|
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
يا زول انت ما شفت أزمة المدام مع الموضوع دة
مربية ليها 3 شيبات في راسي كل يوم تجي تطمن عليهن .. مرة اتنين اختفن حلفت علي ما أمشي للحلاق دة تاني :)
______
يا أب سن غايتو احسن نغير ليك الموضوع .. أب طبلة حااااااايم
| |
|
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
نحنا ناس سنة تسعين واحد وتسعين يا منص لكن خلطنا في اتنين وتسعين لا من مرق مننا وهم الدفاع الشعبي و الصلعة قامت يا دوب
ود البشري انت حاضر زمن الدفاع الشعبي والصلع؟؟؟ قبلك وحدك وبراك
كان كده نحن نتلم مع ناس بشاشا وعادل عبدالعاطي
| |
|
|
|
|
|
|
|
|
|
Re: لازال يحسب نفسه .. (Re: nazar hussien)
|
Quote:
علا مرات بخلوني اركب الدقداق لامن الدرب يروح لي
وسعيد بطلعة احمد بالجد
يا اخوي المراسة ديل حكم
|
سلام مربع لود أبسن و صاحبو ابسنين أحمد عمر ثنائي ماتع بالجد
فا تسمحو بالله تتارروا لينا نونسمعاكم شوية بتخريمة ذكرتوني ياها.
® علا إتا يا ود البشرى اللخو ، تحين قوت لي لامنخلطو في البركس
في التسعينات وكدي. . يا زول ما تخاف الله و تقوم تلف يا عمگ ما تشبحا
شديد گدي ، يقوم ينگطع فينا معاگ طايوق، و لا تنزلق لگ صابونة مخروقة.
ياخي التعسيعنات دي نحنا ظاطنا اللسغر منگم ما رجيناهافيالبركس. حاضرين
السانوي العام ، و گان ليگم إتا آبو ضراع، عاد تگونو من الوسطى و زات الراسين
و لي غادي.و لا عاد گان گدي أخير نرجعگ مرحلو الأساس راسو عدييل!!
© عمومن، باشتح دا ذگرتتي عمگ الجاگ الگضاب. مرة في لمة فراش بگا
ماسگ لگ المجلس مگطع الناس النفس. بس الدورابة و را الدورابة. فگان
جنبو ود عمن ليو،قاللو إتا آالجاگ گلو ما تگبر الگضبة أنا بديگ قرصة
و بقولگ الجاگ ، أنبهگ و گدي، عشان تباقصا شوية. قاللو سمح أتفقنا.
∆ و يلا قبل علي اللمة ، و بدا يحگيلو في مغامرة بطلا هو ظاطوشخسياً
مع تومساح عوشاري ، قال صدناهو في بحر أزرق ترا جيهة الصعيد دا.
قال ضنبو دا برايو بجيبلو خمسطاشر متر؛ أها و د عمو بدا يقارص فيه
و هو بدا يباقص في طول الضنب ، لحدت ما وصلو نص متر بس. و داگ
لسة يقارص فيه لامن كرَّهو ومسخ عليه اللمة، و يسويلو : الجاگ ، الجاگ.
فلامن خلاس زهج منو ، قاللو: ياخي ما گطعت لي تَجلدي، تطير عيشتو
الجاك ، أها عاد علا گان أخليه ليگ أملط ، برا ضنب؟! و يلا انگطعت
انشمطت و راحت الحگاية شمار في مرقة. بس أوعة تكون مسموعة.
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
| Quote: بسكويت اشكر دا لامن طلع احنا في البركس و كمّلنا خلط العوارة داك وخشينا في المسائل الجادة و التربيط وكدي! |
تاني بناديك بــــــــــــــــــــــــ يـاعمو البشرى 🤣
| |
|
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
| Quote: عمو دي ما مسموح لأي واحد فيكم يقولها |
هههههههههه انت براك دقست وقلت لمن كنا في البركس يامعلم انا لمن زول يقول لي انا سكنت في البركس طوالي بلصق ليو ياعمو
نحن في زمنا البركس قلبوها بقت حقت جكس ياعممممممك وكنا بنعمل رحلة الشتاء والصيف مع التتي
واظن سموها الزهراء واللا شنو مابعرف ليك
ههههههههه
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
معلم ياخ
الكورة جاتنا مدردقة براها وكراعي اكلتني
اخوك قناص
اب طبلة كمان داير يحرمنا الونسة ساي 😈😈
تعرف النسوان ديل صعبات خلاس . تكبرك في اي مجتمع وهي مدقرة في عمر واحد
عما لينا بقول ليك عمري 35 سنة
تقول ليهو السنة الفاتت كان 35 قول 36
يقول مالو !؟
طلق السنة الجاية 35
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
يا يوسف ما عشان اصغر عمري لكن قلبة البركس زهراء دي حضرناها
ايه رايك قرينا الفاينال في المناهل، ولا من ودونا ليها كانت لسة مضروبة بنفسجي و بمبي و الوان حنينة كدا لامن اتحسسنا زاتو!!
| |
|
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
| Quote: طلق السنة الجاية 35 |
خالتي الله يرحمها قالت لينا عمري 35 .. بنتها كوركت قالت ليها يمة أنا عمري 41 قالت ليه كل زول بطريقته
بمناسبة الشباب قبل كم يوم بتونس مع صاحبنا اصغر مننا في السعودية الكفيل عاصره مطلع زيته بطلع من صباح الرحمن وبدخل البيت 11 مساء
قال لي بمسك الشافع عشان انومه بنوم أنا وبخليهو صاحي :)
قلت ليه بالطريقة دي معناها انت والمدام عايشين اخوان اخوان
قال لي المسكينة بتحاول بكل الطرق والعطور والروبات واخوك ما فيه حيل يمد يدو يشرب موية لحدي ما مرة قالت تجيبها بي فوق فوق قالت ليه نفسي في بنية حليوونة كدة قلت ليها شفتي الولدين العندك ديل! أبقى عليهم عشرة الله أعلم يكون فيها تالت :)
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
هههه غايتو ناسنا ديل علينا بالظاهر 😆😆 صور ردوم مع الجكس والمقابضة
ناسنا من شدة المسؤوليات الجسام تقول ما قاعدين يلدو زاتو 😆😆 لكن سبحان الله 😆😆😆
واحد بتونس معانا ويشكو قلة الفئران في شنو كدة ما عارف
معانا واحد قال ليهو
والله جارنا دخاخينهم وريحتهم يومي شامينها بالليل
قال ليهو والله الا كان شغال شحاد
وفعلا طلع شحاد
غايتو لو ادتوني قناع شبحية احكي ليكم جنس قصص😆😆😆
| |
|
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
صديقي (محمد عمر) ليك وحشة (يازول)
وفقدناك والله وقربنا نسال عنك
لكن شغلنا بتاع المريسة البكرعا واقف دا
بحكي يا رجل قصص بسيطة جدا بعتبرا خطيرة!!
وهي
وبتحصل كل يوم للناس ولا بقيفوا عندها
ااااهااااا شكلو وفقوا اسحن ارحتنا؛
تقوم تتداخل اشكتيك....
النصيحة بسوكيتك دا ولا سمعتا بيهو
نحن حدنا اسبرو ومراقب الورشة وحلاوة لكوم!!!
وفي اخر طفولتنا جات حلاوة قطن....
ضحكتني الشيبتين تحت المراقبة
والحلاق دا شكلو اسيك
لكن وضعو اخف من وضع صاحبنا الذي تلقاه
اليوم مساهر يساسق من بوست لطبلة!!!
وكان حتى صباح اليوم مزهوا
وزاهيا ولا يكضب
وهو ابن سويسرة الحرة؛
ما علينا
.......
بالجد المنبر يفقتقد صديقنا العميق حاتم ابراهيم
نناشده العودة؛
......
ابسن فقري ولماح ولماخ
وبهدوء؛
| |
|
|
|
|
|
|
|
|
|
Re: لازال يحسب نفسه .. (Re: عبدالمنعم الطيب حسن)
|
المرة عندها سخل جابتو السوق معاها ولدها
في ذلك التاريخ السحيق النسوان لا يرتدين ملابس داخلية . لاشئ غير الفركة وثوب الزراق
اها
وقفها زول داير يشتري العنبلوك او السخل . واداها سعر ميت جدا
من الزعلة خمت السخل والقرقاب معاهو
ولدها شاف المنظر وداير ينبهها بدون تشعر
امي ختيهو يعني نزلي السخل في الواطة
قالت
وحات الله ما اختو . افتكرتو قاليها بيعي بالسعر دة
قال ليها
لا يا امي . ختيهو وبتان شيليهو
😆😆😆
بين قوسين
قصة رمزية
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
شرفت يا منعم
اخوك زي البشتر ليهو في شدرة لالوب يدلي الني والنجيض
بعدينك الضيوف ديل لامن يجو البوست الزول لازم يونسهم كتر خيرهم
علا مرات بخلوني اركب الدقداق لامن الدرب يروح لي
وسعيد بطلعة احمد بالجد
يا اخوي المراسة ديل حكم
ناس البغو
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
أوووووو منعم
شوق الشوق ياخ
أب سن طبعاً حريف في مناقشة القضايا .. بجيبها ليك بفوق فوق وبدون أسامي وكمان ولا بظهر في البوست بتاع المشكلة
بجدع الطواقي واللبس مجان
أنا طبعاً متابع المهزلة الأخيرة وصراحة كل البوستات اتلوثت بشكل النقاش العقيم عشان كدة ما صدقت أبو سن فتح البوست جيت جاري
تصدق أنا متأكد مليون في المية أكان جاء سيد الاسم داخل البوست دة ما حيفرز أي حاجة .. والله صحي :)
| Quote: علا مرات بخلوني اركب الدقداق |
حالتو لسة حافظ بشير ما جاك :)
| |
|
|
|
|
|
|
|
|
|
Re: لازال يحسب نفسه .. (Re: عبدالحفيظ ابوسن)
|
احمد محمد عمر
غايتو قصة عمك الباترين رجلينو بسبب السكري وختف الكورة من الشفع وبقى يحكي ليهم قصصه غصبا عنهم وهم منتظرين الكورة...قصة اوسكار ....
ود ابو سن
نهدي ليك اغنية خاينة يا دنيا ..ظالمة يا دنيا ...
| |
|
|
|
|
|
|
|
|
|
Re: لازال يحسب نفسه .. (Re: جمال ود القوز)
|
والله والونسة ما بناباها لكن خايفين من المحاكم،
...........
عشان كدة يا احمد
(محمد عمر)تصدق ما تداخلت في اي بوست
حيث (لا) عندنا اضافة؛؛
اقرب بوست لرؤيتي كان علي بس اول مداخلة قال انتهى
قنا خلاص فعلا
انتهى
نهاية بطل .....
...........
شايف في كومرين كدة نزلوا الخدمة بعد فترة غياب
واحد فيهم رابط مكنة استاندر المانية
والتاني خمسين في المية من مكنتو شرق المتوسط
والاتنين قريبين من تركيا؛
والدي ان اي لكيهما احمر قاني؛
وعاملين تحليلات وعمايل!!!
...........
| |
|
|
|
|
|
|
|
|
|
Re: لازال يحسب نفسه .. (Re: عبدالمنعم الطيب حسن)
|
ود اب سن والصحبه الكرام
الثيرد باك غتيت
فك ليهو اللعب قاصد
وردمو ردمه قانونيه خلا عجاجتو قايمه
ما لقى نفسو الا في المساطب
زمان الزهره فريق حلة الفلاته عندهم مهاجم خطيير اسم صديق
لاعبين مع المورد مدافعهم مضر من المضره مسمن دبيب
صديق جاهو باص ودبيب وراهو واحد من مشجعين الزهره بقى يكورك
صديقا اعمل حسابك دبيبا دا مضره
زولك كل المساطب والمقصوره تنادي فيهو اعمل حسابك من الاسد الاطرش
وهو شايف انياب الاسد افتكرو بضحك ليهو
لحدي ما لقى نفسو في الرج
| |
|
|
|
|
|
|
|
|
|
Re: لازال يحسب نفسه .. (Re: علي محمد الفكي)
|
غيريها لي بغنية فرايحية امتثال انا بحب الجبجبة
يا ود القوز الحبايب بحبو لمة الونسة الماتعة
يا علي زي ما قال عمنا كشيب مرة لي
اولاد الجامعة بلعبو معانا . شابكننا انجليزي واحد قال اوفر عرفتها ليك . جدعو ليهو الكورة قام معاها . عفصت ليك اصبعو الكبير بي طرف الكدارة. اسمع ليك رجججج
الكراع فيها كم مفصل ؟
سألني
قلت ليهو ما عارف
قال لي 360 مفصل . فكيت مفاصل كراعو من الاصبع لي راسو فوق
| |
|
|
|
|
|
|
|
|
|
Re: لازال يحسب نفسه .. (Re: Haytham Ghaly)
|
| Quote: اقرب بوست لرؤيتي كان علي بس اول مداخلة قال انتهى |
عارف يا منعم لأول مرة يجمع الأعضاء على رأي في قضية بدون يشذ منهم زول
لأول مرة زول ينشغل بالمنبر طول اليوم لمدة عام كامل ويتداخل في كل القضايا ويتصدر العناوين وتكون المحصلة ما عندو ولا ربع صليح !
مافي أي زول عارفه هل اتوقف ولا حردان! بل مافي زول مهتم يعرف
عادة في الحالات الزي دي بتظهر رسائل عبر أصدقاء العضو المختفي يا إما موقعة بإسمه يا إما هم بتكلموا عن وضعه كلام الخبير المتابع
بيجوا ناس يدافعوا عن حق التعبير وحرية الرأي وبيظهروا الأنبياء البقولوا ليك اختلف معانا وأذانا لكن نتمناهو بخير .. بس دة كلو ما حصل
عشان كدة يا امتثال أنا قصدت أورد مشهد الشماتة في المقابر وصيوان العزاء رغم لؤمه بسبب إنه شعور طبيعي تجاه إنسان ما خلى ليك درب لشعور تاني
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
عارف يا احمد
ما زال النبض العام بخير
ما زال ايقاع الشعب العام متزن
منبعا من دواخل الناس المليانة بالخير وبالمحبة وبالسموء
رغم العزف الاشتر هناك وهنا ولسنين؛
شكر لهؤلاء السودانيين جميعا النبلاء هنا وهناك
فالهم واحد؛ والعدو واحد ....
..........................
وبالمناسبة لا هذه ولا تلك
ولا الدنيا باكملها تساوي ؛
ملتقى النيلين في الخرطوم يا سمراء...
ولكن:
اقدلي هي اقدلي
وسكتي الخشامة
وانزلي في العوازل كي
..........
كي فوق الدبر والدم
قدل شيخي
قدل شعبي،
| |
|
|
|
|
|
|
|
|
|
Re: لازال يحسب نفسه .. (Re: سفيان بشير نابرى)
|
التساب تساب ستة واربعين.
والنكتة المناسبة لتمثيل المفارقة بين عمر الشبيبيح وطول لسانو لم تكن نكتة الزول البوصف في بت آنذاك
بل نكتة الفصل السألوهو في وجود المفتش التعليمي عن حاجة بتبدأ بحرف الباء، فاجاب أحد التلاميذ: " باء بعيو ثم تفنن في وصف البعيو مستخدماً يده اليمنى للتوضيح.
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
خلاص قلبتوها ونسه
طيب نونسكم
عندي واحد صحبي اليوم كله قصاد المرايا ، يعاين لي نفسه ويشتم المرايا
عرس ليه خواجيه، يوم قالو يعملو جو رومانسي، مرته سألته بتحب فيني شنو
قال ليها شعرك طويل واشقر وعيونك ووووو
اها قال ليها بتحبي فيني شنو قال خمسه دقايق بتبحلق فيه مالقت اي حاجه تشكرها
في النهاية قالت ليه ياخي انت ظريف ووناس
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
Quote: مالقت اي حاجه تشكرها
في النهاية قالت ليه ياخي انت ظريف ووناس |
بت خالي كانت معذبة البلد كلو بحلاتها عشان كدة معاييرها كلها جمالية
كانت بتناديني اشرح ليها رياضيات
أها في بريك كدة اثناء الشرح بتونس معاها قالت لي نحن في المدرسة أصلو ما بنفهم من الاستاذ الشين
استاذ محمد دة يملا السبورة ويشرح الحصة كلها وما نفهم حاجة لكن استاذ مهند كان جاء وقف ساي بدون ما يتكلم بنفهم :)
وانا طبعاً قاعد بشرح ليها طواااالي صلحت اللياقة وابتسامة للأضان قلت ليها رفعتي معنوياتي ياخي
عاينت لي باستغراب وقالت لي ومنو القال ليك أنا بفهم منك!
| |
|
|
|
|
|
|
|
|
|
Re: لازال يحسب نفسه .. (Re: جلالدونا)
|
تخيل يا جلال انت الوحيد الكنت صاح
ياخ الجماعة قاموا جارين ومسكت قميصي في سنوني وجريت وراهم
حتي كمان يقولو ما بعرف الموت😆😆
جدعت الاشارات ب هلمجرا
وبعامل السن
وبشنو وشنو
ويحسب نفسه
قلت ما بحرجهم
كل مرة اجدع اشارة
وهم راكبين راسهم
| |
|
|
|
|
|
|
|
|
|
Re: لازال يحسب نفسه .. (Re: Haytham Ghaly)
|
طالما ما عايزين تدونا الأكيدة في موضوع الـ rating دا انا بديكم ليها مسنسرة !
بمناسبة آلية تحديد سعر الدولار و القفزة في سعره قالوا في موقف شبيه زمان ود الجبل رحمه الله قال ليهم الدولار دا زي الـ - تيت تيت- كان هابشتوه بقوم !
| |
|
|
|
|
|
|
|
|
|
Re: لازال يحسب نفسه .. (Re: جلالدونا)
|
Quote: طيب احمد محمد عمر ده مالو
جا مكتنز ليهو حاجات و كبّاها هنا
|
احمد محمد عمر يا جلال عندو فروقات كلام كتيرة ، الراجل كان واقف من البورد لظرف ما ولما جا راجع عايز يعوض الفترة الفاتت هههههه
ذكرني ايام معسكر الخدمة الوطنية لمن كنا داخلين الجامعة ، اول خمسطاشر يوم دي كانت شي قاسي وصعب وتدريب مستمر ووقاف في الشمس وتمام تسعة حدو صلاة الصبح
يا زول نحنا كنا لمن نلقى فرقة مافي زول بتكلم بس بنجري ننوم وبننوم اثناء الصلاة كمان بس حدنا السجدة الاولى تجي وما بنقوم تاني مع الناس ولمن الناس تجلس للتشهد الاخير الجنبنا يصحونا وكمان نقوم ونسلم عادي وقبل كدا انا سلمت قبل الامام زاتو ههههههه
بعد حوالي تمنطاشر يوم من العزاب وعدم الكلام عدا ترديد التكبيرات والتهليلات والجلالات الفارغة شردنا انا وصاحبي اثناء المحاضرة اليومية بتاعة الجماعة اياهم وقدرنا مرقنا لحدي الشارع العام والزمن داك معظم المواصلات كانت دفارات .
المهم وقفلنا دفار وكان فيهو مجموعة من الركاب اول ما ركبنا واحد من الركاب قالنا انتو طلبة المعسكر وللا مالكن مبشتنين كدا هههه وتاني عينك ما تشوف الا النور صاحبي استلم ليك المجلس استلام تام ردحي وحكاوي وهزيان والله انا لمن اتحرجت منو واعتذرت للناس وقلتلم نحنا لينا تمنطاشر يوم ما اتكلمنا وصاحبي عايز يجيب الفرق ههههه
اها اسع صاحبي ود عمر دا بدور يجيب الفرق فااا استحملوه واعملوا ساتر في بعض الاحيان
| |
|
|
|
|
|
|
|
|
|
Re: لازال يحسب نفسه .. (Re: Haytham Ghaly)
|
يا زول وحاتك عندي قراية غلبتني .. الغلب الواااااحد دة
قلت أديها بريك يومين كدة عشان ارجع ليها بنفسيات جديدة
فتحت برطمانية العسل الاسمها الاونلاين قلت لحسة صغيرة كدة ما بتضر وانا أصلاً بطني قالبة وشبعان وما عارف شنو .. المهم قدرت أحنك روحي :)
اللحسة جرت أختها وكل مرة أغسل يدي نظام خلاص انتهيت
في النهاية لقيت روحي شايل عيشة وكاشح برطمانية العسل في الصحن وغاطس فيها للكوع
بس خلاص البريك بنتهي الجمعة أو السبت بالكتير وبعدها تاني ريجيم بس لحس عسل مافي
لكن لحدي الوقت داك يمنع دخول النساء والأطفال
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
الاسطوره اليونانيه قالت انو كان في صياد ماهر اسمو نيرسسوس
وكانت امو الحوريه ليربوبي ومنها اكتسب الجمال
وكان مغرور جداً ورافع قزازو
الالهه نمسيس بنت اللذينا ما عاجبه غرورو
شكلو شوكشه
قالت تنتقم منو ساقتو ودتو البحيره
وخلتو يشوف انعكاس صورتو في البحيره
زولنا علق في الصوره وحب الصوره بدون ما يكون عارف انها صوره
وبقى واقف قدام البحيره منجذب للصوره ورفض مغادرة مكانو الى ان مات ..
اها جبنا القصه دي ليه ؟
عشان نستعدل البوست ونرجعو للنقطه الاولى الانطلق منها ابووسن
نيرسسوس نرجسيتو مات بيها براهو وما جاب كفاوي للاخرين
اما زولك دا يا ابوسن نرجسيتو دي ملت البلد كفاوي وغطست حجره
| |
|
|
|
|
|
|
|
|
|
Re: لازال يحسب نفسه .. (Re: محمد البشرى الخضر)
|
أبو حسين غايتو الجاتو في بوستو سامحتو .. هههههه
ذكرتني بتاعة من الكورة للبنضورة ..
أنا غايتو من شفت البنضورا طوالي اتخذت الساتر ..
وعملت ساينق آوت ..
بعد ما علقت قمت مسحت تعليقي ..
قلت الظروف مامعروفة ممكن يفلقونا بي بنضورا معفنة .. خخخخخخخ
في صمة خشومنا ..
مع الكبسيبة ولاحتعرف جاتك من وين ذاتووو
قال ليك شنو ..
عايرني البنات وقالن لي خلقتك شينة مابندورا ..
شاحد الله الكريم يجعل عليهن بورا ..
لايشوفن عرس لايضوقن البنضورا .. ..
شاعر بنضوراوي حمتان ... خخخخخخخ ..
| |
|
|
|
|
|
|
|
|
|
Re: لازال يحسب نفسه .. (Re: جمال ود القوز)
|
مشى الخووور ياعمك ..
دي بركة البنضورا الكشفت دورا ... هههههههه
ماتقابض امامك حوض متروس بنضوره لي عينو ..
ــــــــــــــــــــــــــــــــــــــــــــــــــــــــــــــــــــــــ
مشينا نعصر معاهو الفراش بي غادي
لقينا عمك عمل ليهو دبل كيك ... ههههه
فقلت في عقل بالي ياود النجيبو لي أب سن بي جاي ..
ربما تجيك المقشاشة .. ههههههههههههههه
| |
|
|
|
|
|
|
|
|
 Re: لازال يحسب نفسه .. (Re: جمال ود القوز)
|
Quote: كبسة ..
السواري قال لي تاني ما اشوفك خاشي حوض البنضورا ده |
ودوك الماسورة؟!
عادي عادي .. أنا ذاتي كنت هناك
غايتو الناس دي في الخاص دعّايين خلاص
هسة بعد اتشجعت وقلت اعزمهم رقصة بدل فاقد يقولوا لي يكسر كرعيك الاتنين!
أرقص بلا رجول كيف يعني!
طيب خلو لي كراع واحدة أتم بيها الرقصة
| |
|
|
|
|
|
|
|
|
|
Re: لازال يحسب نفسه .. (Re: أحمد محمد عمر)
|
| Quote: كدي دي اديني ليها برواقة |
أبداً مافي شئ
أنا طبعاً زي ما انت عارف ما عندي أي علاقة بالموضوع .. من البداية خشيت أهدئ الناس واقول ليهم عيب تجيبو سيرة الناس والبوستات المحذوفة وكلمتهم عن بياض النية والتماس الأعذار وكدة بس للأسف الجماعة اتمادوا
المهم الموضوع بدأ بالقناصة .. متدسين بي وراء ويفكوا في الطلقات القاتلة بالخاص
بعد العدد كتر ضربوا تلاتة تسعات وجابو ليهم ليهم سلاح المدفعية .. خش البوكسي المدجج بالدوشكار والهاوزر واشتغل ليك قصف شديد امسح اكسح قشو أكلو ني ما تجيبو حي .. وحصل الحصل
| |
|
|
|
|
|
|
|
|
|
Re: لازال يحسب نفسه .. (Re: جمال ود القوز)
|
احمد محمد عمر
ود القوز
ود الغالي
خليتكم لي جدي حامد اب عصاءة سيف ياخد لي حقي منكم يا شينين يا حاقدين ما مجردين من الرومانسية والإحساس😂😂😂
قال نرقص كلنا ترقص بلاهن يا فقر😂
نكشة : اسمعوا عمك اب قلة مشاء يكابس في بوست المدير بعد
شكلوا المدير لحس مداخلاتوا وشخطو اسموا معلق بث
صحي والله ولا انا عيوني السمحات ديل بقن ما بشوفن 🤣🤣🤣🤣🤣
حمبرة وغنائية اكدو لي بالله الكلام دا😂
غايتوا جنس عدم كرامة ياخي الزول قال لي سيد الحوش انا ما عاوز اشوف رقعه وجهك تاني شنو🤣🤣🤣
عدم الإحساس مشكلة😀
| |
|
|
|
|
|
|
|
|
|
Re: لازال يحسب نفسه .. (Re: وضاحة)
|
| Quote: قال نرقص كلنا ترقص بلاهن يا فقر😂 |
أها شفتو!
جبتو لينا الكلام
يعني يومنا النفكر نرقص يحرجونا كدي!
كلو منكم
أهدي فيكم الليل كلو واقول ليكم سيبوا الناس في حالها وانتو لايكين الموضوع لبانة
| |
|
|
|
|
|
|
|
| |
عبدالحفيظ ابوسن
Arif Nashed
جلالدونا
Yousuf Taha
ابو جهينة
Nasser Amin
محمد البشرى الخضر
دفع الله ود الأصيل
عبدالمنعم الطيب حسن
جمال ود القوز
علي محمد الفكي
سفيان بشير نابرى
Hafiz Bashir
وضاحة
فيس بوك
تويتر
انستقرام
يوتيوب
بنتيريست