Quote: هذا البوست لا علاقة له بالمدعو جورج بوك الذى يكنتب فى هذا المنبر باسم دينق ..
احبطني يا قريمان انا جيت جاري قلت اووووبااااا قريمان جاب الديب من ديلو ,واصل اهو نعرف كيف الاسم بريء منو براءة الذئب من ابن يعقوب : : : : : : مع التحيات لله الزاكيات
03-26-2018, 02:20 PM
Abureesh Abureesh
تاريخ التسجيل: 09-22-2003
مجموع المشاركات: 30182
ياقريمان ما تلاوز ياعمك .. أرتكز .. وماتستخدم الساتر .. دينق سيد الإسم فشوش ساكت .. وزي مابتقول حبوبة صلاح غريبة .. جنها وجن الراجل الروغبة 😁 فصاحبك هو في الحقيقة عبارة عن روغبة ليس إلا 😂 ..... الروغبة .. بمعني الرغوة 😁
03-27-2018, 00:29 AM
Deng Deng
تاريخ التسجيل: 11-28-2002
مجموع المشاركات: 52720
الاخوة و الاخوات .. اعضاء المنبر و القراء الكرام ... !!
هذه مساحة لتناول الاسماء و دلالتها و ما تعنيه من بعيد او قريب .. بعيدا عن الاشخاص ..
هذا البوست لا علاقة له بالمدعو جورج بوك الذى يكنتب فى هذا المنبر باسم دينق ..
و فى الحقيقة فان اسم دينق برئ منه .. براءة الذئب من دم سيدنا يوسف عليه السلام ... !!
المتملق الجديد الطيب قريمان.
أنا ما عندي حاجة تخلي الناس تتبرئى مني، بل بالعكس تماما، أي انسان شريف ومحترم يقدر ما أقوم به في فضح الكيزان والارزقية والمتملقين من أمثالك. أي بلد أو مدينة زرتها، أجد دائما فيها سودانين يقدرون مواقفي ويشيدون بها. وهم تاج راسي ومصدر فخر عظيم بالنسبة لي.
أدري جيدا بأن أسم دينق صار يصيبك بصداع وطشاش وبتهلوس به بالليل كمان. لذلك يا متملق يجب أن تسئل نفسك، لماذا لم يكن أسم دينق يزعجك في الماضي عندما كنت تقف ضد الكيزان وتقف مع العدل ومع الحق؟؟
03-27-2018, 03:18 AM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
أنا ما عندي حاجة تخلي الناس تتبرئى مني، بل بالعكس تماما، أي انسان شريف ومحترم يقدر ما أقوم به في فضح الكيزان والارزقية والمتملقين من أمثالك. أي بلد أو مدينة زرتها، أجد دائما فيها سودانين يقدرون مواقفي ويشيدون بها. وهم تاج راسي ومصدر فخر عظيم بالنسبة لي.
أدري جيدا بأن أسم دينق صار يصيبك بصداع وطشاش وبتهلوس به بالليل كمان. لذلك يا متملق يجب أن تسئل نفسك، لماذا لم يكن أسم دينق يزعجك في الماضي عندما كنت تقف ضد الكيزان وتقف مع العدل ومع الحق؟؟
No comments
03-27-2018, 04:10 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
حقا ما ذكرته فى جورج بوك .. المتلصق فى اسم دينق ..
زول سطحى .. و لا يعرف الا رؤوس موضوعات .. قادى بيها القارئ و اعضاء المنبر .. و فاكر نفسه عبقرى زمانه ... فعلا فشوش و رغوة ... !!
Quote: ياقريمان ما تلاوز ياعمك .. أرتكز .. وماتستخدم الساتر .. دينق سيد الإسم فشوش ساكت .. وزي مابتقول حبوبة صلاح غريبة .. جنها وجن الراجل الروغبة 😁 فصاحبك هو في الحقيقة عبارة عن روغبة ليس إلا 😂 ..... الروغبة .. بمعني الرغوة
03-27-2018, 04:07 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
كانت كارشول بيئة اجتماعية طيبة تجد فيها السودان كله بكل تنوعه العرقي منه و العقدي و القبلي حاضرا .. فكان عم عبدالفتاح الدنقلاوى .. و الفكى ابراهيم .. و حسن الترزى .. و محمد ابراهيم الحلاق .. و ود السوكى السواق .. و من البيوت بيت صالح الحبشى .. و لم تكن كارشول قرية و انما كانت مدينة صغيرة .. و كانت مخططة بأجمل ما يكون تخطيط المدن ذات الشوارع المستقيمة فهي لا تقل في التخطيط عن أحياء مخضرمة فى العاصمة السودانية بل انى اجزم ان بها بيوتا كانت افضل و ارقى و اغلى سعرا من بيوت العاصمة بل كانت المنازل في كارشول تحمل ارقاما .. و قد تجد في كثير من الاحيان تجد ارقاما قد كتبت على الابواب او عليها قد كتب اسم صاحب المنزل و في احيانا اخرى يجمع بينهما .. منزل رقم 729.. منزل / محمد عبدالله جابر .. منزل رقم 325 صاحبه عبد الفراج نورين .. و منزل لا يحمل اسما او رقما على بابه .. و لا تجد منزلا مكتب عليه منزل احرار ..
و في شمال المدينة تجد منزلا واحدا و قد خط اسم صاحبه بنبط كبير و بلون جاذب للنظر " منزل دينق ابو حليمة" ... !!
03-27-2018, 10:06 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 31403
و دينق ابو حليمة رجل لا يعرفه سكان كارشول فحسب و انما عرفه من كل قطان تلك البقاع السمراء "المدن و القرى و الارياف و الرحل من رعاة الماشية " كانوا يعرفون دينق ابو حليمة معرفة ابنائهم او أكثر .. جاء ابو حليمة الى تلك المدينة الوادعة "كارشول" بصحبة زوجته عتيقة و لم يكن له ولد وعرفت فيما بعد زوجته بحاجة عتيقة... !! قدم ابو حليمة الى تلك القرية المدينة "كارشول" بعد ان كان في مدينة للجنوب منها يعمل في صناعة المراكب و القوارب الشراعية التي يجوب بها سكان تلك البقاع النهر العظيم الذى يعرف بالنيل الابيض و قد يسافرون بها الى مسافة طويلة قد تستغرق ايام بل أسابيع و اشهر قبل عودتهم يصلون قرى نائية لهم فيها تجارة و مأرب اخرى متخذين من النهر و افرعه دروبا كان سكان تلك المدينة و ما جاورها من قرى يعملون في صيد الأسماك و نقل البضائع المختلفة الى انحاء شتى لا يستطيعون اليها بشق الانفس و لكن بتلك المراكب و كانت تلك القرى و الارياف التي تقع على ضفاف و شواطئ ذلك النهر العظيم مأهولة بالسكان الى أخرها و سبب الكثافة السكانية هناك يعود لان سكانها يتزوج الشباب منهم في سن مبكرة و يعددون في الزواج قد يصل الرجل الى عدد يزيد عن العشرين زوجة فيكون لهم من الابناء و البنات ما لا يعرف عددا لهم و في الغالب ما يخطئهم و يلتقيهم في الاجتماع الاسرى و لا يدرى ان كانوا ابناءه الا بعد ان يساله من تكون امه .. !!
نواصل
03-27-2018, 10:40 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
كان دينق ابو حليمة سريعا في عمله موجودا لصنعته لذلك يحرص الناس على الشراء منه أو صيانة المراكب عنده و لقد عرف عن ابى حليمة العمل الجاد الدؤوب الذى يمتد الى ساعات النهار بأكملها و لا يعرف معظم الناس متى يبدأ ابو حليمة عمله و ظن الكثيرون انه يجد له مرقدا بين مراكبه يحرسها و كان اكثر ما يميزه الصمت فكان لا يتحدث الى الناس الا لمما .. مما جعل بعض الناس يظنون به الظنون و يفسرون صمته كيف يشاؤون غير أن الناس متفقون أن هناك رائحة تفوح من جسمه رائحة لا يعرفون كيف يصفونها و لكنها رائحة يتفق الجميع انها مقبولة .. لكن من اين له بتلك الرائحة و الناس هنا لا تعرف العطور و يزيد استغرابهم حينما يجدون ابا حلية لا ينظر الى وجه محدثه الا مرة واحد ليتبين من هو و من بعد ذلك ينظر الى الارض و يستمع باهتمام بالغ و عندما يتعرف على محدثه من صوته فانه لا يتحدث .. و دوما يحاول الناس الاقتراب منه ليشتموا من بينه تلك الرائحة الغربية التي يتمناها من يجيدون الشم و لهم حاسة كحاسة الكلب البوليسي و من افلح في شمها فلا يجد لها تفسيرا و يذهب البعض الى الجن الذى يسكن البحر "النهر" يأتيه بها من بلاد بعيدة .. و اما من يزعم ان الرائحة مصدرها فمه فذلك قول مردود عليهم لان الرائحة من بين يديه و من خلفه و لا ينفك المسواك من يده الا و ينتقل الى فمه و المعروف عن ابى حليمة أنه دوما ما يهمهم بكلمات لا يفقهها غالب اهل تلك الديار يسمونها لغة الجن البحري الذى يمده برائحته العجيبة و كانت ملابسه دينق ابو حليمة فى الغالب عبارة عن عراقى و قد خيط من قماش قطني يعرف "بالدمورية" .. كان دينق ابو حليمة قصير القامة .. قصر واضح لكنه غير مخل و كانت اعلاها منكبان قويان و ذراعان ملتفان من غير كبير او بروز فبنية ابى حليمة بنية متينة متكاملة و كانت شكيمته قوية الى درجة كبير فأذما امسك بيد اقوى أحد الرجال الأقوياء فانه لا يستطيع ان الفكاك من بين اصابع ابى حليمة غير ان ابو حليم لم يجرب ذلك مع غيره من البشر استشف الناس ذلك من خلال طريقته فى تناول الاخشاب و لعل قوته الجسمانية تعود لمهنته والتي ظل يزولها منذ صباه الباكر و قد كان ابو حليمة متخصص في صناعة ما يعرف بمراكب "الشروق" ..
نواصل
03-27-2018, 11:29 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
المدعو جورج بوك شخصية غير محبوبة، لو مفاوضاتي مع بكري لشراء المنبر كللت بالبنجاح، أول حاجة بعملها بقلل ليهو كوتو لمداخلة في الاسبوع تمهيداً لفصله، لأنو شعار المنبر الجديد ح يكون: سودانيز إخاء ومحبّة وجورج ما عندو الحبّة
Quote: المدعو جورج بوك شخصية غير محبوبة، لو مفاوضاتي مع بكري لشراء المنبر كللت بالبنجاح، أول حاجة بعملها بقلل ليهو كوتو لمداخلة في الاسبوع تمهيداً لفصله، لأنو شعار المنبر الجديد ح يكون: سودانيز إخاء ومحبّة وجورج ما عندو الحبّة
جورج بوك .. متلصق فى كل موضوع .. و القضية انه سطحى و محدود و لا يستطيع ان يفتح بوست و احد مقنع يكتبه من الالف الى الياء .. كل ما يفعله نقل و جدل عقيم لا يسمن و لا يغنى من جوع .. يا له من جهلول ... !!
03-28-2018, 04:49 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
كتب جورج بوك .. الذى اعلنا تجريده تماما من دينق الاسم الذى لا يستحق ..
Quote: " No comments" ـــــــــــــــــــــــــــــــــــــــــــــــ
متملق الكيزان والإنقاذ المدعوا الطيب قريمان.
أنت حتقول شنوا؟
ما بتقدر تقول أي حاجة يا فضيحة.
ليعلم الجميع .. أنى انا الطيب رحمه قريمان .. لو انى اردت الانضمام الى اى جهة سياسية او فكرية غير التى انتسب اليها لاعلنت ذلك على الملاء .. و اعلنت ذلك هنا فى هذا المنبر و فى غيره من المنابر و المواقع الاخرى .. جورج بوك و غيره .. لا يعجبهم العجب و الصيام فى رجب .. يردونك ان تكتب ما يحلو لهم و الا انهالوا عليك بالتهم الجزافية و القصص الخرافية ..
انا اكتب بكامل وعى و بحرية كاملة و بارداة و شرف .. اعتز بما أكتب هنا و فى اى مكان آخر .. مرفوع الراس .اينما ذهبت .. و اسخر قلمى لما اراه من موضوعات ..
اتخذ من حديث سيدنا الرسول .. محمد صلى الله عليه و سلم قاعدة اتعامل بها مع كافة المواقف ..
روى حذيفة بن اليمان رضي الله عنه أن النبي صلى الله عليه وسلم قال : (لَا تَكُونُوا إِمَّعَةً ، تَقُولُونَ : إِنْ أَحْسَنَ النَّاسُ أَحْسَنَّا ، وَإِنْ ظَلَمُوا ظَلَمْنَا ، وَلَكِنْ وَطِّنُوا أَنْفُسَكُمْ ، إِنْ أَحْسَنَ النَّاسُ أَنْ تُحْسِنُوا ، وَإِنْ أَسَاءُوا فَلَا تَظْلِمُوا)
03-28-2018, 04:34 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
عندما تسافر السودان ،أو لأي دولة هل ألتقيت بأعضاء وقراء هذا المنبر من قبل؟؟
أرجوا أن تجاوب على هذا السؤال.
لو كنت تعلم مكانة ول أبا بريمة عند قرائه حول العالم لما كتبت عبارتك تلك .. بريمة .. رجل له مكانة ادبية و له كتب قد نشرت على نطاق كبير .. فماذا تملك انت يا جورج بوك غير بضع عبارات و مساككة غير مجدية .. اشر الى بوست واحد كتبه و له مكانة ادبية او علمية او سياسية .. انت زول خالى الوفاض .. تعرف يعنى شنو خالى الوفاض .. يا هذا .. دع الخزعبلات التى تثير ... !!؟
03-28-2018, 04:25 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
Quote: سلامات يا أخونا.... عشان ما تسرح بخيال روائي حاول اقرأ البوست دا كوووويس و اعتبره مدخل لمعرفة الأسماء و مدلولات الأسماء و مجازيتها.
لو انك راجعت ذلك البوست لوجدتنى من المشاركين فيه .. معلومات ذلك البوست لا احتاج اليها لاكتب .. لو كنت تعرف جيدا من أكون لما اتيت بهذا البوست فانا فى غنى عنه ..
ثم اننى انا الطيب الذى احدد ما اكتبه فى كل البوستات التى افترع او اشارك فيها .. اشكرك على الحرص ... !!
03-28-2018, 04:28 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
اصلا هم شوية يا حبيب وبيعرفوا كيف يخلقوا الفرق ، ممكن تجازف هويتهم وفقا لمفهوم صديقنا ياسر عرمان و منظراتية قطاع الشمال ممن نحتوا مفهوم (الجنوب الجديد) ، وترتيب حضورهم (الشوية ديل) في المنبر (اقدمية وكده): منوت ، قيقراوي ، قريمان..!!!..ثم جني..وهيثم غالي (بالمشاهرة والخدمة والإلزامية)..!!
بالطبع يا صاحب ، ستحتفي كثيرا بجاكة ياسر عرمان قطاع الشمال (الجنوب الجديد) لكن ، مثلك مثل غيرك ، بتعبر ماشي في اهل الجنوب الجديد:من هم ؟..كيف يبدون؟ بماذا يحلمون؟ مماذا يخافون..؟ وشايفين شنو مستقبل امسودان الفضل..!!..وكل ذلك في اطار الموزاييك المجوبك الإسمو جمهورية امسودان ، او جمهورية امسودان الديموقراطية بحسب اساطير اب عاج (رضي الله عنه..!!)..
حصل ، يا سفيان ، سألت روحك عن معني قيقراوي؟..من اين اتى هذا الإسم وماذا يعني والفكرة شنو من استخدامو من قبل زميل ليك في هذا المنبر عرف كيف يخلق المفارقة وقليل من التقط عمق رسالته (قيقرواي: ناحت عبارة /المافي شنو..!!)..
و(المافي شنو) الثقافات السودانية بتجازفها بمعني : لو النفوس اتطايبت العنقريب بيشيل مية ..او (الفقرا اتقاسموا النبقة) مع انو بعض الخبثاء يذهب انو التقاسم ذاك كان (شد حلة/ماعون صناعة الملاح او المرق)..اوعك تقول لي ما بتعرف (شد الحلة) يا قُــص؟؟..!!
المفارقة يا سفيان ، حتى بوست حبيبنا الجميل اشول اشوانق ، الذي جلبت رابطه هنا كحجة قامعة وصاروخ حاسم ، خريطتو غايبة عن الكثيرين والكثيرات هنا..بمعني ادق ليه ناس التماس (شريط الحدود بين امسودان وجنوب امسودان) ليهم حظ كبير فيهو ؟..تداخل جوزيف زكريا (ممثلنا من ابيي) ، تداخل بريمة ، تداخل الطيب قريمان ، تداخل عبد الرحمن طبيق ، تداخل من ناس التماس من دارفور..وكانوا اكثر الناس جدية في خلق طرح مفارق (معرفة الثقافات السودانية ، ومعرفة انسان امسودان باخيه من امسودان..!!).. فكيف كان حضور الحناكيش؟..ارجع للبوست وشوف الحاصل..!!
الــــ (هذا) الذي تسأله من هو..
هو افضل منك ومني يا قريبي..لأنو ببساطة ابن الأرض الذي يعرف تفاصيل شقوقها وخصوبتها ، وانسانها ، وثقافاته واحزانه وافراحه ومخاوفه وطموحاته..!!
بيت الأشباح دينق الأخوان لم يسجل حضور في ذلك البوست الحقيقة/المكابدة/اليقين..ولكنه يبتز الناس بانو ناس المنبر يعرفونه..يعني حتى لو كانوا شتات منبت ثقافيا وحضاريا ومبثوث في عــــــــرصـــــات الخليج وخرطوم الوهم اياه..!! لماذا خاف دينق اخوان من الدخول في بوست اشول اشوانق ، وهنا جاي عامل فيها ضبان ضكر؟..ببساطة لأنو ما بيعرف امسودان ، ويظن ان الحوامة في شوارع الخرطوم وعواصم العروب..يكفى لأن يكون سوداني..!!!!!!!!! بالمناسبة (قريمان) تعني المشتاق ، مش مشتاق بتاع العشق والهيام ، وانما المشتاق للموت والشهادة في سبيل القيم التي يؤمن بها..!! اما الجزيرة مصران..فنترك ذلك للحناكيش التي احتفت بأشوانق (من باب عزومة المراكبية)..ليجازفوا لينا معناها:كفكرة/كمكان/ كٍانسان..الخ..!
وبرضو الشكر لصديقنا صلاح احمد ابراهيم (اخو فاطنة)..الذي صابته ذات وجعة مأساة عنبر جودة..!!!
وشكرا لود الرضي صاحب (من الأسكلا)..فالحناكيش لغاية الليلة لافين صينية عشان يحددوا وين موقع الأسكلا في الخرطوم ، فمابالك بالجبلين..والرنك...وشنو كده ما عارف..!
ومثلما نحتت انتلجنسيا الغفلة مفهوم (الجنوب الجديد) عملت نايمة عن مفهوم (الشمال الجديد ، في دويلة جنوب امسودان)..وعندنا هم اهالي التماس (من حفرة النحاس لغاية اصوصا ولا شنو كده ما عارف) شريط غني بالأحلام والمأسي والنسيان..و (ياهــذا)..!!!
الشابة امل عبد الملك ، ممثلة اعالي النيل في الدورة المدرسية في سنة 2008 بمدينة دنقلا ، غنت بلغة الحناكيش (غنية عثمان حسين)..عمر البشير (رئيس جمهورية امسودان ) ما لقى كلمة يرددها مع الفنانة الشابة غير:لما حار بي الدليل..!!
وكان محقا..فامسودان الدايشة ، كلها بي صمة خشمها حار بيها الدليل..والغريبة لسع محتارة ليه حار بيها الدليل..!!
ما تبقى من اغنيات الشلك والنوير وسليم والصبحة والجمع..هذه اشجان لا يحتملها اهلنا هنا..لأنهم سينشغلون كثيرا بنبض الطبول والريتم الحار ويتدرشون عن استنباط المعاني الباهرة التي نضيعها مليون مرة في الثانية ثم نعلن دهشتنا بلا خجلة:لما حار بي الدليل..!!
وكذا يا صديقي ، نظل امة ممكن يمرق عليها السلطان ذات خطبة عصماء ويقول ليها: لو عثرت نملة في حلة دينق ابو حليمة ، لسئلت لماذا لم اسوي لها الطريق..!
اما اذا اختفى جبل نواحي كسلا مع شركة صينية ، نحن يا مؤمن يا مصدق نقعد نتغالط كيف يعني جبل يختفي ، ونكسل ان نسأل روحنا: هو اصلا الجبال الموجودة هناك كم وشكلها شنو..!!!!!!!!
اخير نردد مع كبيرهم:لما حار بي الدليل..!
ونعمل رايحين طوالي ونشكي امرنا للدهر دهشة: حار بي الدليل..!!
التحية لمحسن طه ، منوت ، قيقراوي ، قريمان..!!
كبر
03-28-2018, 06:29 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
إنت يا كبر بتقول لي سفيان راجع البوست وسميته بوست (أشول أشوانق) ..... الحقيقة تسمية (أشول) كانت سبب في كتابة البوست من أساسه (إذا كلفت نفسك وقريته قبل ما تطالب الناس بقرايته) .... الأخ والصديق (شول) إحتج على مناداة الناس ليهو بإسم (أشول) وأوضح إنو أشول إسم أنثى .. واسمه هو (شول أشوانق دينق).
الشئ التاني ... لا البوست الأشار ليهو سفيان ولا مداخلة سفيان فيها ذكر لزميل المنبر دينق .... أما إذا كنت لا يطيب لك كتابة مداخلة إلاّ بذكره ...... بعافيتك.
________ ده مجرد رد على كبر يا قريمان ..... ما قصدنا مخالفتك في عدم كتابة مداخلات.
03-28-2018, 07:18 AM
Deng Deng
تاريخ التسجيل: 11-28-2002
مجموع المشاركات: 52720
Quote: لو انك راجعت ذلك البوست لوجدتنى من المشاركين فيه .. معلومات ذلك البوست لا احتاج اليها لاكتب .. لو كنت تعرف جيدا من أكون لما اتيت بهذا البوست فانا فى غنى عنه ..
يا لك من فرعون صغير
طز فيك وفي أمثالك من المتملقين ولاحسي أحذية الكيزان أيها الدعي الرعديد.
03-28-2018, 02:39 PM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
يادينق ياخ سلام ياخ لو سمحت اتضاير شوية وابقي علي جنبة كدا .. اخونا قريمان قال لا يعنيك بهذا البوست وهو عندو باقي كلام ماكتبو لسة .. فشنو إنت أصلا ماعندك جديد حتي في إفتراءتك وإساءتك للأخوان تظل لغتك مكررة ومجوجة ومقززة .. وأصبحت لا تطرب حتي من كانت تطربهم قبلا .. فعبارات مثل كوز وصبي وارزقي ومتملق ومجنون .. استهلكتها حتي بكت حروفها منك .. ثم ايضا مازلت تلبس عباءت النضال والوطنية ولم نسمع منك بمبادرة واحدة من اجل أبناء وطنك المحتاجين الضعفاء المكلومين .. تتخندق خلف جهاز كمبيوتر من أجل الوصاية وانت احق بها ورب الكعبة .. يادينق نصيحة مني ليك ركز في واقع جنوب السودان وفي ابتلاؤته وحاول تضيف حاجة .. اعمل ليك قافلة بتاعت إغاثة رسلها بور ولا ننقلا ولا الناصر ولا كبيوتا .. أجتهد شوية من أجل إنسان البلد الذي هو في امس الحاجة الي جرعة ماء نقية ..لا تشبعه عنترياتك ولا تفرحه الادوار التي تنتابك من الفينة والاخري كمن يصيبه المس والجنون .
.... دم بخير 😁
03-28-2018, 08:21 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
سلامات يا قــُص الحال و الأهوال ياخ!؟ اشكرك أن تمددت في الكتابة و انت تحركك يا(هذا) التي كتبتها ، ايوة يا قريبي انا عارف وانت عارف انو امسودان البنتكلم عنو دا ما أتيحت ليهو اي نظم بتاعة تعايش عن تتخلق فيهو وحدة موضوعية لهذا التعدد لي دا و (داك) نحنا هسي في(زمن الغربة و الارتحال) و كل خلق الله في أم سودان شغالة بثقافة (دار ابوك كان خربت)... المهم يا صاحبي انا هنا معنى انو كلنا لسه في بدايات معرفتنا بي ببعض و مافي زول يعتقد انو اعرف من التاني فقط لانو من الحتات البيسموها مناطق تماس أو تداخل قبلي أو غيرو (بالله شوف ليك جنس مسميات في وطن اسمو امسودان!! ؟) اها يا سيد (الامنتي ليك) دا الخلاني اذكر (ياهذا) و (محق فيها) لانو تاريخيا في أمسودانا دا (هذا) الرئيس و (ذاك رئيس الوزراء) و (ذاتك أكتوبر الشوفينية) لحدود (هذا) النظام شغالين شغل (ضل الضحى) يا حبيب اسمح لي اكلمك (ضحى) لأنك عارف انو وطنا وطن (حكواتية) سااااهت عشان كده الليلة(هذا) قد يحكي حكوته عن(دينق ابو حليمة) ويعتقد مثلاً انها اصل التسمية اها بكرة (تل) ينبل (ذاك) بي حكوته عن (دينق ابو خديجة) و الاتنين ماخدين تفويض من أنهم من مناطق يقال ليها مناطق تماس!!!!! ياااااللهول ياااااللهول من(هذا) امسودان! ؟ المهم.... المافي شنو!! ؟ عندنا القيقراوي و التندلاوي و أي شي بس ما عندنا النظم الإداري السياسي البيخلينا في أمسودان. تحياتي لك و لجميع الشهداء و لكل من خط على ذاك البوست سطرا بالحبر وهنا كذلك.
بما ان الأخ الطيب قريمان قال ما عندك علاقه باسم دينق ولا بشبهك من الآن فصاعداً لن نناديك الا باسم جورج بوك وبعد نهاية الحدوته سنضغط علي الاخ بكري لتجريدك من الاسم بالله ساعدنا شويه بعدم الهرجله واعادة البوستات وتكرار نسخ ولصق المشاركات البوست دا عندو مهمه ما تغرقوا لينا بي سماجتك وسجامتك دي .... ولي طلب غير صورة البروفايل دي من المناضل الحر مارتن لوثر كينج لانها ايضاً كذلك لا تشبهك ولا تشبه مساككتك ووصايتك علي الأحرار بهذا البورد انا بهديك صورة سلفا مجرد اقتراح او ممكن تشوف ليك صورة اي بقرة من سفوح النيو سايت . : : : : : : مع التحيات لله الزاكيات للأخ قريمان وواصل يا حبيب متابعين معاك قصة الأصيل دينق ابو حليمة ذو الرائحة الجميله
03-29-2018, 11:15 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
ياشيخ عمر كيف حالك .. شايف المدعو دينق ولا كأننا نصحناه .. شغال تكرير لفارغ وساقط قوله وأخر شي فقد اعصابه وبقي بفلت .. 😁 علي الأقل اضاف لينا مفردة وسخانة جديدة علي كومه السابق المعلوم للجميع .. المهم .. كنا واقفين وين ههههه .. ياشيخ عمر .. الزول دا ل طلع من هنا بي فردة نعال بكون محظوظ 😁
03-29-2018, 05:01 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
الجميل دينق بتداخلك مع هذا المتلون الحرباء قرمان بتعمل رواج لموضوعاتو البايرة بي محبتنا وودنا ومعزتنا ليك تعمل رايح من بوستاتو انتهى او كما قال الخلبوص باوقة
03-29-2018, 08:58 PM
Deng Deng
تاريخ التسجيل: 11-28-2002
مجموع المشاركات: 52720
ولي طلب غير صورة البروفايل دي من المناضل الحر مارتن لوثر كينج ...........................................................................................
طبعا التحيات الزكيات حنك بيش انت عنصرى من صوف راسك لكرعيك بعدين ي عنصرى عندك فكرة انو السجون فى الجنوب كانت مفتوحة ؟؟عارف ليييييه؟ الحاجة التانية انا ابوى موظف سكة حديد ودرست فى اويل الثانوية فى بحر الغزال فى مدرسة فيها اكتر من الف طالب ...ودخلت الاتحاد ..والمدرسة الوكت داك فيها 7 شماليين بفهم شمال الكيزان السياسى شرق وغرب وشمال اقسم بالله ي عنصرى كنت بشيل حربتى و بتحرك من اويل للفنقو المسافة 80 كيلو تقريبا.....
ما زلنا في الطريق إلي أريزونا وآخر شخص قضينا معاهو وقت جميل كان دينق الذي استقبلنا بكل أريحية وأصالة سودانية عريقة، التقينا إنسان جميل محب للسودان والسودانيين لفترة من الزمن ستظل محفورة في الذاكرة مدى الحياة. لجمعكم الكريم عاطر التحايا ...
03-29-2018, 09:31 PM
ABDALLAH ABDALLAH ABDALLAH ABDALLAH
تاريخ التسجيل: 08-25-2007
مجموع المشاركات: 7629
Quote: يا أخوانا قوة عين الجنوبين دي مبالغة .. دينق يطردوا فوقه مثل البعير الجربان .. ما ينطرد .. دا كله بسبب الشيوعيين
لا ياول أبا بريمة .. دينق دا صورة مشوهة للإنسان الجنوبي .. الناس ديلاك طييين وحلوووين وعندهم حسن المعشر .. وماتشبع منهم .. ناس دوت مجاك والجميل شول أشوانق الخ الخ لستة طويلة لحدي ما اوصلك المعلم إستيف الذي يعمل حدادا بسوق شمبات .. دينق دا زي الولدة الخاسرة .. ماتقيس عليهو نوووهايئ 😂
03-30-2018, 06:10 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
الخص ليكم البوست يا بق بق اذا كان سقوط اي عضو بهذا المنبر بيقاس بكم تهافت الكيزان حول بوستاته ودفاعهم عنه بيكون صاحبكم اكمل السقوط للقاع تماما ثانيا انصحك انت وبقية مساعدات الياي المعاك المؤلفة قلوبهم ديل محتاجين الكنجلات وتذاكر الطيران ومخصصات لزيارات الاهل والاحباب غير كده ما بتقدرو تسيطروا عليهم بحركات مساعدات الياي دي
ثالثا لو تابعنا مشاركات للاعضاء بهذا البوست بخلاف الامنجية والكيزان بنلقاها مشاركات من اعضاء ممكن يكونوا مختلفين في اتجاهتهم الفكرية ومتفقين حول السلطان دينق
رابعا شايفكم بقيتو تقابضو في الاعضاء كمان فلان يدافع عن فلان وعلان غايته هزيمة كبيرة لرتل كتائب الكيزان والانتهازيين في بوست وقع تحت الانتداب الكيزاني او كما قلنا ههههههههههه
03-30-2018, 06:24 AM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
سلام ياجماعه الحكايه ماحكايه اسماء الحكايه هى صدق اصطفافك مع وطنك ،ايمانك بان هذا النظام قد قاد هذه البلاد الى التهلكه ويمضى بها الى مالاتحمد عقباه ـوقوفك مع الذين يناضلون داخل السجون وخارجها وهذا اضعف الايمان ، هو الحكايه الاصليه ، الشغله ماشغله مزاح ، شغله مجموعه بتزين افعال النظام او بحسن نيه مازالت تامل فى هذا النظام ، رغم ماحاق بشعبه وحدوده وقيمه وسماحته الحكايه ماحكايه دا فلان ودا علان ، بقدر ماهى وطن مصاب فقد كل مقوماته على يد شرزمه لم تقف لحظه الا مع مصالحها ، وقوفك مع هذه الشرزمه باى لون هو اصطفافك ضد شعبك ضد احلامه واطفاله . حال اطفالنا وحال بلادنا يرثى لها البعيد وانى لعجب كيف يمكن ان يخون الخائنون ايخون انسان بلاده كما يقول الشاعر.
03-30-2018, 06:53 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
بقية دي فيها إجحاف شوية 😁 كان تقول ( وشرزمة مساعدي الياي ) 😁 بعدين هو إسمو مساعد و المساعد اصلا منسوب للياي .. فمن البلاغة ان تكبها هكذا ( مساعدي الياي ) 😁 .. نجي الموضوع .. قريمان قال ماقاصد دينق المعانا هنا .. لحدي هنا كويسين جاء دينق ولبس البوست جلابية .. وجاب معاهو يايات وجلب كركبة ولساتك مشقوقة وبلالي ضراعات .. ومساعد مساعد 😁.. جاء بي كوم من الحاجات عشان لما يقع في الحفرة دي تعملو ليهو نظام سستة ظريفة .. وهو اساسا لو ما الهيلمانا العاملا ليهو التيم دا .. كان وقع زمان وكسر مخاريقو الإتنين ومعاهن كم فقرة كدا من عموده الفقري 😁 .. مبروك عليهو .. ومبروك عليكم .. اتلم التعيس علي الأتعس منو 😂
التحية والتقدير للبشمهندس الطيب قريمان على توضيحه .. وحقيقة لن أنادي جورج الا بجورج .. وقد أناديه بجاز(JAZZ) وهو يعرف هذا جيداً حينما كان اسمه في غرف البالتك السودانية ب(JAZZ) أليس كذلك يا جوروج ؟؟ افصح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب رحمه قريمان
جمال ود القوز
محمد حمزة الحسين
Abureesh
Deng
معاوية عبيد الصائم
Biraima M Adam
محمد أبوالعزائم أبوالريش
aosman
سفيان بشير نابرى
Hafiz Bashir
Kabar
مني عمسيب
قسم الفضيل مضوي محمد
محمد أبوزيد
Mannan
وائل حمزه الزبير
فرح الطاهر ابو روضة
علي دفع الله
معاوية المدير
ABDALLAH ABDALLAH
فيس بوك
تويتر
انستقرام
يوتيوب
بنتيريست