منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 20-11-2017, 07:15 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

وحى إلهى ولا إلهام بشرى

14-11-2017, 06:25 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


وحى إلهى ولا إلهام بشرى

    06:25 PM November, 14 2017

    سودانيز اون لاين
    أبوذر بابكر-
    مكتبتى
    رابط مختصر

    إستهلال

    القرآن الكريم

    كلام الله الخالق العظيم

    اتعودت بشكل شبه منتظم، كل مره أقرأ سورة أو جزء من سورة فى القرآن
    ما قراية بغرض التلاوة أو جريا على عادة التعبد أو ما شابه، ودى مفروغ منها طبعا زى ما هى بتجى تلقائيا قبل وبعد الصلوات او فى اوقات تانية

    لكن فى قرايتى المقصودة الغرض الحقيقى هو المعرفة

    والدافع المحفر اساس هو ما ورد فى الآية رقم (89) من سورة النحل

    وَنَزَّلْنَا عَلَيْكَ الْكِتَابَ تِبْيَاناً لِكُلِّ شَيْءٍ وهُدىً ورحمة وبُشرى للمُسلِمين

    خلاصة نهائية وكافية من الله فى انه كل شى مبين وموضح فى الكتاب

    فى أشياء ورد توضيحها وشرحها صراحة
    وأشياء تانية جات تلميحا وتضمينا وتركت لإعمال العقل والتبصر والإسترشاد

    لعلكم تعلمون، لعلكم تدركون، لعلكم ترشدون الخ

    وبخصوص اشتمال واحاطة القرآن الكريم بكل شى
    فى خلط بين الآية المذكورة فى سورة النحل وبين جزء من الآية رقم (38) من سورة الأنعام بقول

    مَّا فَرَّطْنَا فِي الكِتَابِ مِن شَيْءٍ ثم الى ربِهم يُحشرون

    بعض المفسرين بقولو انه الكتاب المذكور فى آية سورة الأنعام هو اللوح المحفوظ، يعنى ما القرأن الكريم، وبعض منهم بقول العكس

    يتبع
                   |Articles |News |مقالات |بيانات

14-11-2017, 06:27 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    تم نشر الموضوع فى المنبر فى اغسطس 2014م

    والان اعادة نشر بغرض الاطلاع ومزيد من الرؤى
                   |Articles |News |مقالات |بيانات

14-11-2017, 06:28 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    بالنسبة للتساؤل الفى عنوان لموضوع

    وزى ما قلت انه دائما بقرأ وبفتش على الأشياء البتستوقف الزول وتخلق ليه تساؤلات
    فى اشياء ممكن الانسان يعرفها بسهولة لأنها بتكون جات صريحة فى النص القرآنى أو حتى يمكن استنباطها وفهمها بشكل مباشر، وفى اشياء يمكن معرفتها بالرجوع للمفسرين

    فى سورة فاطر الآية 24 بتقول

    وإن من أمة إلا خلا فيها نذير

    وبرضو الآية رقم 26 فى سورة النحل

    ولقد بعثنا في كل أمة رسولا

    لما قريت الآيتين ديل
    طوالى جا فى بالى

    بوذا
    كونفشيوس
    زراديشت

    وبدأت الأسئلة

    ربنا سبحانه وتعالى قال إنه مافى أى أمة وإلا بعث ليهم رسول ونذير

    يعنى كل أمم الأرض المعروفة مفروض يكون جاهم رسول من الله

    يتبع
                   |Articles |News |مقالات |بيانات

14-11-2017, 06:32 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    لرسل والأنبياء المعروفين بالنسبة لينا
    ورد ذكرهم بأسماهم فى القرآن الكريم

    والعدد الكلى هو خمسة وعشرين (25) رسول ونبى

    تمنطاشر (18) منهم ذكرو فى سورة الأنعام

    وتلك حجتنا آتيناها ‏إبراهيم على قومه نرفع درجات من نشاء إن ربك حكيم عليم ووهبنا له إسحاق ‏ويعقوب كلا هدينا ونوحا هدينا من قبل ومن ذريته داود وسليمان وأيوب ويوسف ‏وموسى وهارون وكذلك نجزي المحسنين وزكريا ويحيى وعيسى وإلياس كل من ‏الصالحين وإسماعيل واليسع ويونس ولوطا وكلا فضلنا على العالمين

    والباقين فى سور متفرقة تانية وهم

    آدم ، وهود وصالح، وشعيب، ‏وإدريس، وذو الكفل، ومحمد

    صلوات الله عليهم اجمعين

    يتبع
                   |Articles |News |مقالات |بيانات

14-11-2017, 06:34 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    ديل هم الأنبياء والرسل المذكورين صراحة فى القرآن الكريم

    ومن هنا تبدأ الأسئلة

    وقبل الأسئلة برضو فى حديث نبوى
    ان شاء الله بس اقوله بمنطوقه الصحيح

    الحديث فى مسند الإمام أحمد
    عن أبى ذر رضي الله عنه قال
    قلت يا رسول الله ، كم المرسلون ؟
    قال ثلاثمائة وبضعة عشر

    عدد كبير جدا

    والحديث اكيد تدعيم لقول الله تعالى

    ولقد بعثنا في كل أمة رسولا

    كل أمة بعث ليها رسول

    ومعظم او كل الرسل والأنبياء الخمسة وعشرين
    اممهم معروفة ومفصلة ومناطقهم برضو معروفة

    وتقريبا كلهم فى منطقة محصورة فى غرب قارة آسيا
    بتشمل شبه الجزيرة العربية والشام والعراق وما جاورها

    والبشر موجودين طبعا فى أمم فى مناطق تاننية
    زى ما القارات البعيدة فى الأمريكتين وفى غرب وشمال آسيا وفى اوروبا وافريقيا

    مين يا ترى الرسل الأرسلو ليهم ؟

    وكيف كانت طبيعة الرسالة ؟

    أكيد طبعا انه مبتغى وهدف ارسال الرسل من الله للبشر، هو تنظيم حياة البشر فى الأرض ووضع المناهج الصحيحة لحياتهم ونشر الفضائل بينهم

    وده كله طبعا بعد عبادة الله الخالق المن أجلها خلق البشر وغيرهم من المخلوقات أصلا

    يتبع
                   |Articles |News |مقالات |بيانات

14-11-2017, 06:36 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    بوذا
    اتولد قبل خمسمية سنة تقريبا من ميلاد السيد المسيح

    يعنى بكون فى الفترة بعد رسالة موسى بشوية

    كان أمير وابوه ملك فى منطقة شمال الهند
    وبوذا او بودا فى اللغة الهندية االقديمة بتعنى الزول الحكيم او المستنير

    لما عمره وصل ستة وعشرين سنة، وكان يا دوب اتزوج
    بدا يفكر فى الحياة والمعاناة والمرض والموت وما شابه

    وبقى يسأل اسئلة وجودية وفلسفية غريبة على الناس المعاه فى مجتمعه، خصوصا انه كان أمير مترف

    وفجأة ترك حياته كلها ومشى يفتش ويتأمل ويعيش مع الناس فى مجتمعات مختلفة

    وبقية القصة أكيد معروفة للناس ومتاحة برضو فى مصادر كتيرة

    جوهر وخلاصة مبدأ او رسالة بوذا هو التحرر من سطوة الجسد والرغبات
    والتفرغ روحيا للإتصال بالذات القادرة المسيطرة

    نشر المحبة والتفاهم والفضيلة واللاعنف بين البشر
    القول الطيب والعمل الصالح بالإضافة إلى بذل الإحسان والجهد الصادق في الأعمال

    ودى كلها تقريبا جوهر الرسالات السماوية الجات عن طريق الوحى الإلهى

    فهل كان بوذا رسول

    ولا ده كله مجرد الهام ذاتى طلع منه شخصيا ؟
                   |Articles |News |مقالات |بيانات

14-11-2017, 07:01 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4860

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    السلام عليكم،
    وشكراً لك أخي أبو ذر على إشراكنا في هذه التأملات والتنقيبات
    في التربة القرآنية التي ما تزال بكراً،
    وأتفق معك في أن بوذا وكونفوشيوس وزرادشت،
    أغلب الظن أنهم كانوا أنبياء،
    خصوا بالهداية إلى الحقّ، بدون أن يكلفوا بالدعوة إليه،
    وقد يكون بعضهم رسلاً كذلك،
    ونواصل بإذن الله!
                   |Articles |News |مقالات |بيانات

14-11-2017, 07:15 PM

منتصر عبد الباسط
<aمنتصر عبد الباسط
تاريخ التسجيل: 24-06-2011
مجموع المشاركات: 6238

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: صلاح عباس فقير)

    لا أعتقد أن يكون بوذا نبيا
    أولا لأن البوذية تنكر البعث بعد الموت وهذا أمر جوهري وأساسي في الأديان السماوية
    والسبب الثاني هو أن الأنبياء على كثرتهم واجه معظمهم رفض نبوتهم ورسالتهم
    التي تدعوا للتوحيد وكان أكثرهم مغمورين لم يذكرهم التاريخ ..
    لأن التاريخ كان يمجد الحكام والطغاة ويتجاهل العباد والزهاد من الرسل والأنبياء وأتباعهم.
                   |Articles |News |مقالات |بيانات

15-11-2017, 09:11 AM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: منتصر عبد الباسط)

    تحياتى يا منتصر

    ربما ما يكون بوذا نبى موحى اليه او رسول

    حادبك رابط جميل جدا فضلت انزله بدل انزل الموضوع لانه طويل جدا

    والموضوع مقارنة بين ما ورد فى القران وتعاليم البوذية بخصوص البعث والحساب

    حتلقى معلومات مدهشة بالجد، وتكاد تصل درجة التطتبق

    هنا الرابط

    http://www.ahl-alquran.com/arabic/show_article.php؟main_id=1890
                   |Articles |News |مقالات |بيانات

15-11-2017, 08:09 AM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: صلاح عباس فقير)

    تحياتى يا صلاح
    كيف الحال

    انا مؤمن تماما انه لسه فى اشياء كتيرة جدا فى القرآن الناس ما قدرو يصلو ليعا
    أو بالأحرى ما عرفو معانبها
    واسه واقفين فى التفاسير والتاويلات المباشرة من قرون طويلة
    لبد من قرايه متعمقة ومختلفة ومن منظور مختلف ورؤى جديدة

    وطالما انه القران هو اخر كلام من الله للانسان
    فيبقى من باب اولى انه الله وضع فيه كل الخلاصات المطلوبة للناس

    شكرا ليك على المشاركة يا صلاح
                   |Articles |News |مقالات |بيانات

14-11-2017, 08:26 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    قبل الإسترسال

    فى ملاحظة لافتة جدا برضو وهى

    انه ومن ضمن الخمسة وعشرين رسول ونبى

    فى أربعة من العرب

    هود
    صالح
    شعيب
    محمد

    ليه يا ترى ؟

    ليه ربنا ارسل أربعة رسل لنفس الناس؟

    مع اختلاف التواريخ طبعا والأمكنة
                   |Articles |News |مقالات |بيانات

14-11-2017, 08:29 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    كونفشيوس

    الغريب انه ولد وعاش فى نفس فترة بوذا

    اتولد فى شمال الصين

    والخطوط العريضة لمذهبة بتقوم
    على الحب، حب الناس وحسن معاملتهم والرقة في الحديث والأدب في الخطاب، ونظافة اليد واللسان
    واحترام الأكبر سناً والأكبر مقاماً، وعلى تقديس الأسرة وعلى طاعة الصغير للكبير وطاعة المرأة لزوجها

    واهم قاعدة سلوكية عنده بتعتمد على نفس الحكمة القديمة البتقول

    حب لغيرك ما تحبه لنفسك

    والفضيلة الكاملة عنده هى

    ألا تفعل بغيرك ما لا تحب أن يفعل بك

    مش ده كله برضو نفس الشى الورد فى الرسالات السماوية ؟

    كونفشيوس ده جاه وحى من السماء
    ولا برضو الهام واجتهاد منه فقط ؟

    والأغرب من كده انه قال

    الجزء ده منقول من الموسوعة:

    وقتما كنت في الخامسة عشر وقفت نفسي على الاطلاع فلما بلغت الثلاثين توطدت معلوماتي فلما أصبحت في الأربعين زالت شكوكي وفي الخمسين ميزت إرادة السماء وفي الستين كنت مستعدا للإصغاء إليها وفي السبعين تيسر لي إطاعة رغبة قلبي دون أن أتجاوز ما هو حق. وفي مجلس ضم طائفة من مريديه تنهد وقال ليس هناك من يعرفني, فسأله أحدهم عن السبب فأجاب: إنني لا أجأر بالشكوى ضد الشعائر ولا ألقي باللوم على الناس, إن مطالعاتي ودراساتي – وإن كانت متواضعة – تخترق أعلى مكان ولعلي – قبل كل شيء – معروف لدى السماء. ووصف نفسه بأنه مجرد ناقل وليس مبدعا. ووردت بمأثورات كونفوشيوس عبارات يتحدث فيها عن السماء, معبود الصين الرئيسي ويبدو من استقراء كتاباته أنه كان يحس بأن السماء قد استودعته رسالة إبراء العالم الصيني من أوجاعه, وآمن بأن السماء لن تخذله
                   |Articles |News |مقالات |بيانات

14-11-2017, 08:31 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    زراديشت

    ده الوحيد البقول اتباعه انه جاه وحى من السماء
    على عكس اتباع البوذية والكونفشيوسية

    ومن الصدف برضو انه عاش تقريبا فى نفس فترة بوذا وكونفشيوس

    خمسة قرون قبل الميلاد

    هل فى سر خفى ورا الفترة دى تحديدا ؟

    اسمه زراديشت بن يورشب، واتولد فى آذربيجان

    ومذهبه بقوم اساسا على جدلية الخير والشر

    الدعوة للخير بكل ما فيه
    والنهى عن الشر بكل ما فيه

    وتروى حكايات كتيرة دخلت فى حيز الأساطير عن معجزات حصلت ليه وهو صغير، شبيهة بحاجات حصلت لرسل تانين
    زى مثلا تآمر الكهنة الوثنيين عليه ورميه فى النار ونجاته منها زى ما حصل مع سيدنا ابراهيم الخليل
    وكيف انه الملائكة بشرت ابوه بميلاده

    وكيف انه امر بدعوة الناس للإيمان بالخالق العظيم
    والناس حاربوه وطردوه من بلده، وحتى اهله كمان كذبوه وطردوه

    زراديشت عنده عشرة وصايا بدعو بيها الناس وبتتلخص فى

    دعوة الناس إلى الرأفة بالحيوانات والتعامل معها على أساس أنها كائنات لها أرواح وخلقها الله لمنفعة الإنسان، وبرضو من ضمن الوصايا احترام الناس وعدم الاعتداء على الآخرين والرأفة بالضعيف، والتقمص, واحترام العلاقات بين الناس والجيران

    الخ الفضائل الإنسانية المعروفة

    فهل فعلا كان زراديشت نبى ورسول

    ولا مجرد انسان صالح مجتهد ؟
                   |Articles |News |مقالات |بيانات

14-11-2017, 08:33 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    اخناتون

    اخناتون ملك فرعونى من الأسرة التمنطاشر لو ما تخونى الذاكرة، او ربما السبعطاشر
    ما نتأكد كويس

    عاش فى القرن ارعطاشر قبل الميلاد

    وهو الفرعون الوحيد القام بالغاء عبادة آمون والآلهة المصرية الكتيرة التانية
    وطرح ديانة توحيدية لإله واحد

    الشى العمل اللبث والشك فى دعوته هو انه اتخذ الشمس رمز للإله ده

    فى المذهب او الدعوة بتاعته عنده شى اسمه ترنيمة اخناتون العظمى
    بقول فى جزء منها

    إنك الإله الواحد
    لا مثيل له
    خلقت الأرض برغبتك منفردا
    فيها الناس والأنعام وكل الحيوانات
    وبكل ما على الأرض
    وما يسير على أرجله وكل ما يطير بجناحيه في السماء

    ودى كلها اشياء توحيدية ايمانية واضحة

    فهل يا ترى مبعثها كان وحى سماوى
    ولا برضو مجرد الهام ذاتى داخلى ؟
                   |Articles |News |مقالات |بيانات

15-11-2017, 11:29 AM

mohamed mamoun
<amohamed mamoun
تاريخ التسجيل: 09-11-2017
مجموع المشاركات: 3

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    متابعة
                   |Articles |News |مقالات |بيانات

15-11-2017, 12:35 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: mohamed mamoun)

    شكرا يا محمد

    مع التقدير
                   |Articles |News |مقالات |بيانات

15-11-2017, 06:04 PM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 5580

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    سلام يا ابوزر

    تسجيل حضور ومتابعة
                   |Articles |News |مقالات |بيانات

15-11-2017, 06:25 PM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 3891

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: علاء سيداحمد)

    متابعة
                   |Articles |News |مقالات |بيانات

16-11-2017, 06:28 AM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: علي دفع الله)

    حبيبنا على

    تتابعك السعادة وتبراك
    وتبقى حداك
                   |Articles |News |مقالات |بيانات

16-11-2017, 06:27 AM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: علاء سيداحمد)

    ازيك يا علاء

    مشكور ياخ على الحضور والمتابعة
                   |Articles |News |مقالات |بيانات

16-11-2017, 08:31 AM

Mohamed Adam
<aMohamed Adam
تاريخ التسجيل: 21-01-2004
مجموع المشاركات: 3859

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    سلاام أخي أأبوذرز
    متابعة واعجاب

    بس وأنا متابع حابي اقولك حاجه:
    الاإنسان الحالي ماتتوقع منه الكثير لأنه لسع
    في طور طفولتة من حيث فهمه للإديان وأنا واحد من من هذا الإنسان
    إلا أنني عرفت هذه الحقيقه واحاول جاهدا وبقدر المستطاع
    أن أغير نفسي ..... ولا يتم تغيرها إلا بالإبتعاد عن شلة القطيع
    المسماة بالمجتمع ووبذلك أعني (في المسائل الروحية) لا في المسائل
    التقنية!.

    الأديان أكبر من المجتمع بسنوات ضوئية إلا أفراد منه!!


    فووق
    .

                   |Articles |News |مقالات |بيانات

16-11-2017, 09:40 AM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 3987

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: Mohamed Adam)

    شكرا لرافد البوست و أطنان من الإعجاب
    الاخ محمد ادم تحية طيبة
    هل يمكن أن تلقي لنا بظلال على ردك أو أن تشرح اكثر .
                   |Articles |News |مقالات |بيانات

16-11-2017, 05:50 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: Osama Mohammed)

    شكر وترحاب ليك انت يا اسامة

    وسعدنا بحضورك اكيد
                   |Articles |News |مقالات |بيانات

16-11-2017, 05:52 PM

Mohamed Adam
<aMohamed Adam
تاريخ التسجيل: 21-01-2004
مجموع المشاركات: 3859

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: Osama Mohammed)

    الاخ اسامة
    سلام.
    للاجابة علي سؤالك خليني اقول الآتي:
    تفكيرنا في الآخرة يقطعنا عنها ..
    لايمكن نفكر بالمسائل الروحية لانها حاضره معنا
    هنا والآن!
    الحور العين، الجنة، النار وحتي يوم القيامة ذاته
    دي اشياء مستقبلية لاتوجد بالحاضر الا في خيالنا...
    الماضي والمستقبل بالنسبة للمسائل الروحية كضبة
    كبيرة!
    الحاضر وحده هو الصاح!!
    وهو كل شيء بالنسبة للروحي ـ الباراسايكولوجي!
    لايمكن تتنبآ بما سيفعل الكامل المطلق او بمشروعاته الغيبية الا اذا كنت هو - الحاضر !!!
    كل تتنبآتك عنه مهما تكن درجة خيالك عالية
    تعتبر محدوده لانها منبثقة من ذاكرة قديمة
    وهذه الذاكرة من ميزاتها لايخرج منها شئ
    حي وعبقري!
    يبقي ما ح يخرج من رحمها شئ له علاقه
    بالمطلق!
    لان المطلق دائما متجدد وهو "كل يوم
    في شان" يبقي الذاكرة مابتقدر تلده او تقدر
    تخبر عنه لانها تواليف للقديم!

    اجدر واعرف المصلحين اذا سئل عن الامور الروحية
    تجده يلوذ بالصمت!
    لسان الحال ابلغ من لسان المقال!!

    نظرة من العارف يكون "انت" يعني يتوحد ويكون
    العارف والمعروف والمعرفة هو!!
    دائما في هذه اللامور الصمت ابلغ منالكلام!!
    لان الكلام يفسد ولا يصلح!
    عشان كدا صدق اللاوتيز Lao tuz
    ارجع لـ The way of Tao
    "بشرح اوشو"

    الكتاب المقدس لو قال:
    في نار و في جنة يكون كذب لان المطلق او كلامه
    لايدون ولا يحصر بين دفة اي كتب ناهيك من ان
    يحصر بكتاب واحد....
    الكتاب/الكتب/ كاتبهم/واللغة التي تكتب بها
    كلهم محدودين بالنسبة للمطلق العايزين يمسكونا
    طريقو...
    المطلق ماعنده بداية ولا عنده نهاية فانا للمقيد ان
    يقدر يحدده او يقدر ينظر ليهو!

    معظم المصلحين لايتركون خلفهم مناهج ومؤسسات
    دينية عشان ما تواصل تعاليمهم بعد وفاتهم !
    لماذا؟
    لانهم عارفين كل ذلك كذب في كذب!!
    كيف تترك تعاليم ذوقية ذاتية لهداية غيرك !!
    انت حي شحم ولحم ماقدرت توصلها للمعاك من
    اصحاب فكيف يقدر يوصلها غيرك من التابعين
    او تابعي التابعين بعد موتك!!!

    بالبساطة نقول...
    زي ما الناموس دا "هداك" وصيرك مصلح كذلك بل
    من المؤكد سيهدي غيرك برضو !!!

    الناموس دا اصلو ما مستعجل ولا متسرع لان
    الانسان، كمشروع لسع عليه بدري!!!
    شكرا للمصلحين العايزين يوصلوا الانسان لربه
    باسرع ماعندهم ودا نعتبره حسن نيه منهم لكنه يتقاطع
    مع المشروع الانسان' الماهل الغير متسرع" واللسع هو في
    طور الزايجوت!!

    بلايين السنين لاتفك حتي خط ابجدية هذا الناموس...
    الانسان بهذه الارض منذ ان وعي بنفسه ولتاريخ هذا
    اليوم لم يتخطي العتبة الاولي لسلم الانسان
    الكامل وهيهات ان يتخطاه في السنوات "الضوئية"
    المقبلة لان سلمه في التطور مطلق وبالطبع طفولة
    المطلق لاتحدد ببلايين السنين مما تعدون !
    آسف للاطالة ولكن للتوضيح كما طلبت:
    الانسان الحالي اقرب للحيوان منه للانسان لا لشيء
    او لآخر غير انه من حيث تطوره الروحي يعتبر زي
    بادئ لتوه!!
    نعم هو متطور في الجانب التقني ولكنه متخلف
    وبدائي جدا في جانبه الروحي!
    لاحظ نفسك ونفسي كمية الجشع والطمع
    والحيوانية القابعة بدواخلنا !!
    وايضا لاحظ الازدواجية البداخلنا

    وعلي مستوي مجتمعاتنا الانسانية لاحظ الانانية
    وكمية الظلامات والجهالات البداخلها!!
    الدين دائما يستجيب للفرد ويصلح حاله ولكن
    ليس للمجتمع لانه في الغالب يفسده!

    التاريخ والحاضر لم يخبرانا علي مجتمعا ما قد
    اصلحه الدين!!!
    الانسان الحالي "كمشروع انساني" لسع عليه كتيييير
    عشان ما يصل لمرحلة الهدايه، الرشد او النضج
    الروحي"!
    الافراد ممكن تصل لذلك التطور والرقي الروحي اذا
    ما تمردت علي دين المجتمع، لان المجتمع لايزيد
    الفردية الا خبالا.
                   |Articles |News |مقالات |بيانات

16-11-2017, 05:49 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: Mohamed Adam)

    تحية وسلام اخانا محمد ادم

    كلامك صحيح فعلا
    وبتفق معاك تماما

    الانسان ومن البداية ولغاية الان، ما استوعب كل حقيقة الأديان
    ولو عرف نصف المطلوب بس كان الحال حيتبدل اكيد

    الكلام ممكن يكون كتير جدا فى الموضوع ده لانه فيه ابعاد و مداخل اكتر

    شكرا على طرح الرؤية المهمة دى يا محمد
                   |Articles |News |مقالات |بيانات

18-11-2017, 07:44 AM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5922

للتواصل معنا

FaceBook
تويتر Twitter
YouTube


Re: وحى إلهى ولا إلهام بشرى (Re: أبوذر بابكر)

    فى قول بانه النبى ادريس هو اخناتون

    الادعاء ده من المصريين

    هل الكلام ده صحيح ولا فعلا محرد ادعاء

    لابد من بحث ودراسات متعمقة اكتر
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de