زيت السمسم السودانى يصل امريكا:فرصة لكل التجار مطلوب موزعين
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 27-04-2018, 06:11 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أقيف يا زول وين ماشي ... كلمات الشاعر عمر إبراهيم

11-04-2018, 11:26 AM

محمد حمزة الحسين

تاريخ التسجيل: 22-04-2013
مجموع المشاركات: 1591

للتواصل معنا

FaceBook
تويتر Twitter
YouTube


أقيف يا زول وين ماشي ... كلمات الشاعر عمر إبراهيم

    11:26 AM April, 11 2018

    سودانيز اون لاين
    محمد حمزة الحسين-امدرمان- ابوسعد
    مكتبتى
    رابط مختصر


    الشاعر عمر ابراهيم شاعر غنائي فذ له اعمال كثيرة
    في الوصف والغزل كم صدح له الفنان القامه المبدع عبد الواحد محمد بشير ودمديني
    المشهور اسفيرياً بـــ عبد الواحد الباوقه
    في الفترة الأخيرة الاحداث الجسام التي انتاشت الوطن ولم تسلم ولاية النيل والشماليه وانسانها
    صوب قريحته الشعريه لإنصاف هذه البقعه وانسانها موجها ومصوباً ومذكرة بعظمة انسانها
    وارث اهله فخرجت له اعمال كثيره منها عمل باسم نهر النيل (يقول في مطلعها : داير اغنيلم ناسي نهر النيل الشكر هيلن عايز اجر النم )
    غناها الفنان الحماسي محمد الحسن قيقم سنرفد بها هذا البوست مع عمل آخر اكثر شمولاً لإنسان نهر النيل ومكوناته غناها الفنان القامه
    عبد الواحد ودمديني
    :
    :
    هذا العمل يخاطب فيه الشاعر إنسان الولايه وإنسان كل السودان بالبقاء في الوطن من أجل إعمارهـ
    والحفاظ عليه وتعميره بدل الهجره والبهدله التي يجنيها من الغربه والاغتراب هذا العمل غناه الفنان خرساني بخيت
    وتم تسجيله في التلفزيون القومي إبان موجة الهجرة وقد نال اعجاب الفنان محمد جبارهـ وهي فرصه لإظهار هذا العمل بحنجرة
    فنان قامه لا تخطئه العين وسانحه للتعريف عن هذاالشاعر المرهف ...

    أقيف يازووووول وييييين ماشي وقول شقيش ووييين ماشي
    نترككم مع الكلمات
    Quote: اقيف يازول وين ماشى
    وقول شقيش وين ماشى

    رايح وين مخلى اهلك
    رايح وين مخل بلدك
    هو الرباك من جهلك
    اخير يازول تكون قبلك
    ديل بيسندو لى ضهرك

    اقيف يازول وين ماشى
    عندك نيل حداه نخيل
    وناس فى الضيق يشدو الحيل
    ساعة الحوبه هم بلحيل
    يعشوا الضيف تلوت الليل
    ديل مالكين عواتى الخيل
    وللعشمان يطبقوا الشيل

    اقيف يازول وين ماشى
    ابوك تربال وعيشتو حلال
    وكايس لى سترة الحال
    مكفكف ديمه ضرعاتو
    يقتح فى الابق شغال
    يقوم فجرواى بالنجمه
    يسابق حتى فى النسمه
    ودايما راضى بالقسمه
    شال طوريتو والاربل
    على الرحمن هو متوكل
    يرمى الحب ويرجى الرب
    ولافى يوم عرف كضب
    عامره البينه بين الله
    يمين طعامو ماقل
    حتى ان شا الله بى غله

    على المافيش يعزم الضيف
    غنيه نفسو ديمه عفيف

    اقيف يازول وين ماشى
    يمين الغربه مابترحم
    اسال قبلك الجرب
    باما شال جبال الهم
    ضيع عمرو واتعشم
    قايل المال هناك بالخم
    ولافى حساب ولا بالكم

    اقيف يازول وين ماشى
    شن الناقصو شان ترحل
    بلد حدادى مدادى
    فيه الغابه والوادى
    موسم ضهرو من الكى
    ماسمعناه قال احى
    حد ماناسو يختلفوا
    يقول حرم وبى حلفو
    اقعدو وبيضو النيه
    وليكم ست بغفر السيه
    زمان جابونى زنديه
    وتشهد كررى كان ليا

    اقيف يازول وين ماشى
    تعالو نسوى ربابه
    تعالو نسوى تقابه
    تعالو النبقى جلابه
    اقيف يازول وماتزعل
    اقيف يازول وخليك صاح
    وقفك مهرك الجماح
    اخير يازول تكون فلاح
    ومافى لزوم تكون سواح
    تعال نبنيه سودانا
    وشدير الصى يكون تفاح

    اقيف يازول وين ماشى
    زمان اجدانا وصونا
    نصونوا ترابه نحميهو
    وست نتساوى بالفيهو

    اقيف يازول وين ماشى
    تعال النمسك الدفه
    قلوبنا ماه مختلفه
    تعال نبداهو من حلفا
    وتعال نبنيلنا مستشفى
    وجامع ومدرسه ومرفا

    اقيف يازول وين ماشى
    ايدك تبقى فوق ايدى
    انا الغير الله ماعندى
    ابيت جبعان عشاى ادى
    دا شيتا وارثو من جدى

    اقيف يازول وين ماشى
    تعال نتقاسم التمره
    وتعال نتوطا فى الجمره
    عشان نبنيه سودانا

    شعر الأستاذ الشاعر عمر إبراهيم عمر
    مع التحيات لله الزاكيات
                   |Articles |News |مقالات |بيانات

11-04-2018, 11:41 AM

محمد حمزة الحسين

تاريخ التسجيل: 22-04-2013
مجموع المشاركات: 1591

للتواصل معنا

FaceBook
تويتر Twitter
YouTube


Re: أقيف يا زول وين ماشي ... كلمات الشاعر عمر إب (Re: محمد حمزة الحسين)

    هذا عمل قومي في الحماس من كلمات الشاعر وموثق
    غناهـ الفنان القامه محمد الحسن قيقم متعه الله بالصحة والعافيه



    كلمات : عمر ابراهيم
    غناء : محمد الحسن قيقم

    داير اغنيلن ناسى نهر النيل
    الشكر هيلن داير اجر النم

    الجنس فرسان
    مابيعرفوا الخوف
    ديل يلاقوا اللد
    لوصفوف وصفوف
    من لهيبن تر
    ديل يحرقوا الجوف
    فى حما الاعراض
    ومقنع المكشوف

    دار جعل تشهد
    حرقوا الباشا
    كرهوا افعاله
    والنفوس كاشه
    الجنود فروا
    صول وام باشا
    قطعوا رقابن
    والدموم ماشه

    فى العلوم نفخر
    بام طبول كدباس
    دامر المجذوب
    خرجت دراس
    بربر التاريخ
    انتى ياكى الساس
    فى النخيله زمان
    ضحوا كم فراس

    مابنهاب الجوع
    طينا بالفدان
    عندنا الباوقه
    عامره سوحه جنان
    من تقينا نكيل
    ندى بالمجان
    امشى زور مقرات
    النخيل ريقان

    ديل غبش يازول
    للماعارفين
    مابيخونوا الجار
    حاشا مو طامعين
    فوق حدود السيف
    ديل يجوك حافين
    يدرجوا العاطله
    وتايه للمسكين

    هيلن العرضه
    والدرق والسيف
    يضبحوا الشايل
    يوم يجيهم ضيف
    السبح لالوب
    حاشا ماتزيف
    اى زول دغرى
    فى المدن والريف

    داير اغنيلن
    يستحقوا القول
    لى لسانى بسل
    والكلام بيطول
    سيرتم سمحه
    لافشر لاهول
    ناسى نهر النيل
    كعبه لى كل زول

    ونسبة لمحدودية المشاركات نلتقي غداً لنرتع في ظلال هذا الشاعر الوارف ومراميه
    وان شاء الله نتحصل علي العمل الآخر الذي صدع به فنان الباوقه عبد الواحد ودمديني
    اهلي ولاية النيل وهو عمل اكثر شمولاً لمكونات الولاية
    :
    :
    :
    مع التحيات لله الزاكيات
                   |Articles |News |مقالات |بيانات

15-04-2018, 03:43 PM

محمد حمزة الحسين

تاريخ التسجيل: 22-04-2013
مجموع المشاركات: 1591

للتواصل معنا

FaceBook
تويتر Twitter
YouTube


Re: أقيف يا زول وين ماشي ... كلمات الشاعر عمر إب (Re: محمد حمزة الحسين)

    فوق ولاية النيل
    داير اجر نمى
    لو يوفى القول
    حقهم عنى
    ءءءءءءءءءءءء
    لى ولاد المك
    منى الف سلام
    انتوا يوم حرت
    كنتوا فى القدام
    *يشهد التاريخ*
    مافى زول اتلام
    الترك فروا
    والبقيه حطام
    ءءءءءءءءءءءءء
    دامر المجذوب
    نار تقاقيبا
    من بعيد لاحت
    والمسك طيبه
    *تهدى للضالين*
    يعجبوك شيبا
    غير عبادة الحى
    مافى تب صيبه
    ءءءءءءءءءءءءء
    ميرفاب بربر
    للرجال مقياس
    ديل علم بينين
    للحضاره اساس
    *عندنا الحلفا*
    وتانى تور كدباس
    والغبش بى فوق
    للعلم نبراس
    ءءءءءءءءءءءءء
    فى ديار انقير
    مما قمت صبى
    ناس تكرم الضيف
    فاتوا حاتم طى
    *حدث العالم*
    واحكى ليهم بى
    قولهم فتوار
    ياها دار والدى
    ءءءءءءءءءءءءء
    الرباطاب ناس
    مابيسوا اللوم
    فى المحافل هم
    ديل دلالة القوم
    *من زمامه ابدأ*
    حله حله وحوم
    امشى لى مقرات
    مافى زول مزموم
    ءءءءءءءءءءءءءءء
    عن ولاد منصور
    بنهى ترحالى
    استريح وانجم
    وانا سعيد حالى
    *فوق ضفاف النيل*
    والنسمه هابالى
    عشان ابل الشوق
    الشغل بالى

    كلمات عمر ابراهيم 2017
    لحن وغناء المبدع عبد الواحد

    :
    :
    :
    :
    ولي عودة
    مع التحيات لله الزاكيات
                   |Articles |News |مقالات |بيانات

16-04-2018, 10:16 AM

محمد حمزة الحسين

تاريخ التسجيل: 22-04-2013
مجموع المشاركات: 1591

للتواصل معنا

FaceBook
تويتر Twitter
YouTube


Re: أقيف يا زول وين ماشي ... كلمات الشاعر عمر إب (Re: محمد حمزة الحسين)

    وشاعرنا نجم الدين الشيخ يقول في قصيدة يصف صديق كاجر ابوهو واسرتو وهاجر
    وعندما رجع وجد امه ماتت وابوه كذلك ورجعت حليمه لي قديمه
    يقول فيها :-

    شايل أمالا في عينيه يحلم سافر إتغرب ...
    وضيع عمرو في الغربه مسكين املو يتسرب ...
    فارق تربتو ووطنه قايل الغربه فيها مجال يحقق فيها غايتو كايس فيها سترة حال ...
    مشاكل الدنيا ما بتنحل الا يكون معاك المال ووضع الدنيا تتغير مدام طبع الزمن بطال...

    ويقول :-
    مرات بس يلوم قدروا يقول انا حظي ما جيد ومرات يرضي بي قدرو حكم الواحد السيد ...
    شن يعمل مع الايام ما دام في قيدا متقيد لا موت امو هـــزاااااااهو ولا العيد جابو متعيد ...

    الي ان يقول محفزا :-
    شن وداك تتغرب ما سودانا اضحي جميل ممكن فيهو تتعيش بلد مساحتو مليون ميل ...
    بلد خيراتو منسابا فيهو بترول وفيهو نخيل ومأوي للنزح والجاع وبي خيراتو ماهو بخيل ...
    ارجع تعال وطنك اصلاً الرجوع مو عيب وازرع وابداء بي نخلك بين الناس ابقي فريد ...
    *** *** ***

    ورد الله غربت كل متغرب

    :
    :
    :
    :
    مع التحيات لله الزاكيات
    التعديل لوضع الريل بلي لكن فشلت

    (عدل بواسطة محمد حمزة الحسين on 16-04-2018, 10:27 AM)

                   |Articles |News |مقالات |بيانات

22-04-2018, 04:14 PM

محمد حمزة الحسين

تاريخ التسجيل: 22-04-2013
مجموع المشاركات: 1591

للتواصل معنا

FaceBook
تويتر Twitter
YouTube


Re: أقيف يا زول وين ماشي ... كلمات الشاعر عمر إب (Re: محمد حمزة الحسين)

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de