أربطوا إقتصادنا بقيم السماء بدلا من إقتلاع النظام

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-08-2018, 10:30 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-02-2018, 06:31 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


أربطوا إقتصادنا بقيم السماء بدلا من إقتلاع النظام

    05:31 PM February, 03 2018

    سودانيز اون لاين
    محمد بشير عبادى-السودان/ولاية الخرطوم/أمبدة
    مكتبتى
    رابط مختصر

    تنتشر رسائل هذه الأيام مضمونها يرسم صورة سوداء قاتمة لحال الدولة وينذر بإنهيارها نسبة لتدهور قيمة الجنيه السوداني وعدم معالجة أمره حتى هذه اللحظة . إلى هنا والأمر مقبول ،فالجميع في السودان يعلم مدى تدهور الإقتصاد وإنعكاسه على حياة الناس معيشيا وإجتماعيا ولكن الأمر غير المقبول لما جاء في هذه الرسائل هو الدعوة بخبث لإقتلاع النظام للخروج من أزمتنا حتى لا نعود لإقتصاد الندرة في ثمانينيات وبداية تسعينيات القرن الماضي،حيث كانت المتاجر خالية من السلع الإستهلاكية الرئيسة وكانت معاناة صفوف الوقود والرغيف وإنقطاع الخدمات من كهرباء ومياه وإتصالات .. هذه الرسائل وبغباء فاضح ودون قصد قد ذكرت محاسن هذا النظام القائم الذي يريدون له البقاء حتى ولو بذهاب من أتى به ، إذا العلة ليست في النظام السياسي ولا في النظرية ..العلة سادتي في فشل الحكومة الحالية، يجب على رئيس الجمهورية التدخل فورا وتغيير التشكيل الوزاري الحالي وبسرعة لأنه فشل في إنزال السياسات لأرض الواقع ، فشل في إبداع أساليب تعالج الإشكالات الراهنة المتمثلة في شح الكتلة النقدية في البنوك وبالتالي إختلال الميزان التجاري ومعالجات هذه الإشكالات يعلمها الراعي في فيافي السودان وهي:
    *تشجيع إستقطاب الأموال من الخارج بتحفيز المغتربين والمستثمرين الأجانب.
    *زيادة الصادر وترشيد الوارد ، عبر الإنتاج وإستيراد الأولويات.
    *ترشيد صرف الحكومة بوقف شراء العملة من السوق الموازي لإستيراد حاجياتها وكذلك تقليل الصرف على الدستوريين وكبار الموظفين ويتم ذلك بتكوين حكومة رشيقة (حكومة مرحلة) لا ترضيات فيها ولا إمتيازات ، حكومة تكون ككتيبة حرب مهمتها وضع الأمور في نصابها.
    أما الدعوة لإقتلاع النظام فإنها مغامرة قد تأتي بما لا يحمد عقباه ، ستشتعل نيران الفوضى والإنحلال وسنقول ساعتها نريد الأمان الأمان بدل من هتافنا الآن الجوع الجوع.
    أذكر نفسي وإياكم بتجاهل مثل هكذا رسائل فإنها دعوة ساذجة للعصيان فبعد أن فشل الشيوعيون وبني علمان في إستقطاب الشارع عبر شعاراتهم التي حفظها الناس حول ديكتاتورية النظام والقمع وبيوت الأشباح ووووو .. هذه الدعوات التي لم تنتج ثورتهم المزعومة ،فقاموا بإعادة تدوير قمامتهم هذه المرة بدعوى الحفاظ على الوضع الراهن ولكنهم أثبتوا من حيث لا يريدون أننا في أحسن نظام دولة ..هذه كبوات وأخطاء تحدث في كبريات الدول وما الأزمة الإقتصادية العالمية عام 1929م وماتلاها ببعيدة عن الأذهان وما مظاهرات "وول إستريت" ببعيدة كذلك عن الأذهان،فلماذا لم يدعوا الناس هناك لإقتلاع النظام وهدم الدولة وبناءها من جديد،كل مافعلوه هو أن تدخلت الإدارة العليا للدولة وأوقفت التدهور عبر إجراءات إقتصادية إسعافية ثم بعدها وضعوا إستراتيجيات لمعالجة الأمر جذريا وفي كل مرحلة كان لها رجالها.
    العبرة ليست بالشخوص فمافائدة أن نذهب بعمرو ثم نأتي بزيد ،العبرة بالسياسات والدقة والصرامة في إنفاذها..أعيدوا هيكلة الإقتصاد السوداني وفق أحكام الشريعة الإسلامية ، لا جمارك ولا ضرائب ولا جبايات ولا ربا ورشاوي،فقط الزكاة المفروضة،دعوا الإقتصاد يتحرك ، دعكم من نظريات الغرب والشرق البالية المربوطة بقيم المادة،أربطوا إقتصادنا بقيم السماءحتى لا تنهار عمده ، بعدها بإذن الله ستنزل البركة وينعكس خيرها على الناس نعمة وطمأنينة ورخاء.
    اللهم أرفع عنا البلاء والغلاء..اللهم آمين
    محمد بشير عبادي
    إعلاميون بلاجمود
                   |Articles |News |مقالات |بيانات

03-02-2018, 06:35 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4945

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)


    أها جنس الكلام الفارغ دا يبلعوه كيف

                   |Articles |News |مقالات |بيانات

03-02-2018, 06:37 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عبدالعظيم عثمان)

    أها جنس الكلام الفارغ دا يبلعوه كيف
    ------------------
    كونك تمر وتعلق فقد بلعته والا كان تجاهلته
                   |Articles |News |مقالات |بيانات

03-02-2018, 06:37 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عبدالعظيم عثمان)

    أها جنس الكلام الفارغ دا يبلعوه كيف
    ------------------
    كونك تمر وتعلق فقد بلعته والا كان تجاهلته
                   |Articles |News |مقالات |بيانات

03-02-2018, 06:41 PM

Nasr
<aNasr
تاريخ التسجيل: 18-08-2003
مجموع المشاركات: 8497

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)

    دا من عينة "بكاء" البشير أمامه الضباط
    "العلة سادتي في فشل الحكومة الحالية، يجب على رئيس الجمهورية التدخل فورا وتغيير التشكيل الوزاري الحالي "

    ولماذا لا تكون العلة في الرئيس الذي جاء بالحكومة؟؟؟؟؟
    في أي شركة فاشلة تتجه أصابع الإتهما أولا للمدير
    لأنه كان له مطلق الصلاحية في تعيين من يريد من الناس
    فلماذا لم يعين الناس الصاح؟؟؟

    لماذا يعين البشير الفاشلين والفاسدين في حكومته؟؟؟
    أليس ذلك لأنه أول وأكبر الفاشلين والفاسدين ؟؟؟؟؟؟؟؟؟؟؟؟

    هذه المرة عرف أن الرأس هو سبب المصيبة
    وأن الحكومة كلها فاسدة وفاشلة

    المجد لشعب السودان داحر الطغاة
    ولا نامت أعين الجبناء
                   |Articles |News |مقالات |بيانات

03-02-2018, 06:53 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8419

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Nasr)

    ما نوع الحبال المطلوبة لربط الاقتصاد بقيم السماء؟
    وهل هي متوفرة محليا ام لابد من استيرادها؟
    وان كانت ستسورد فهل تظن اخي عبادي ان استيرادها سيكون مجزيا
    في ظل تدهور قيمة العملة المحلية مقابل العملات الأجنبية خصوصا وان
    من يقع عليهم عطاء الاستيراد لازم يطلعوا بأرباح كويسة؟
    ما أظن ان هناك من يغامر لا بالاستيراد ولا بالقيام بعملية الربط التي لابد
    ان تتم بالتعاون مع جهات اجنبية تتوفر لها إمكانيات الوصول للفضاء
    مثل وكالة الفضاء الامريكية او الروسية وربما الأوروبية.
    اقتلاع النظام اسهل بكتير لانه جذوره مسوسة وهياكله عبارة عن اعجاز
    نخل خاوية.
                   |Articles |News |مقالات |بيانات

10-02-2018, 07:21 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: سيف النصر محي الدين)

    ما نوع الحبال المطلوبة لربط الاقتصاد بقيم السماء؟
    -------------
    حبل الله المتين
                   |Articles |News |مقالات |بيانات

03-02-2018, 06:54 PM

muntasir

تاريخ التسجيل: 07-11-2003
مجموع المشاركات: 3371

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Nasr)

    قال قيم السماء قيام التِقِل الساعة ٣صباحا في صحاري الصي وبيوضة قول آمين
                   |Articles |News |مقالات |بيانات

10-02-2018, 07:25 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: muntasir)

    قال قيم السماء قيام التِقِل الساعة ٣صباحا في صحاري الصي وبيوضة قول آمين
    -----------------------------
    قيام التقل ده حق المجاهدين الصابرين المحتسبين وهم البعرفوا قيم السماء وقادرين إن شاء الله على ربط إقصادنا بها
                   |Articles |News |مقالات |بيانات

03-02-2018, 07:00 PM

كمال عباس

تاريخ التسجيل: 06-03-2009
مجموع المشاركات: 13944

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Nasr)

    ولكن هل النظام السياسي - مربوطة بقيم السماء ؟هل نظام الحكم برئاسة جمهوريته - يعبر عن قيم السماء ومرتبط بها؟ الهيمنة والإقصاء والفساد والإستبداد - معبر عن قيم السماء !؟ * أها ياسيد عبادي -بوتد قوي يربط بين السماء والأرض - ورينا رؤيتك لمعالجة - الميزان التجاري وميزان المدفوعات وتقليل الوارد وزيادة الصادر؟ وتقوية العملة الوطنية
    أها قول الربا قد حرم وإعتمدنا عليا الزكاة - قد ورينا - رؤيتك التأصيلية - للضرائب والجمارك ؟ - هل قيم السماء تبيح الغاء مجانية العلاج والتعليم والغاء الدعم للسلع الأساسية وتكريس معظم الميزانية للأجهزة الأمنية ؟*

    (عدل بواسطة كمال عباس on 03-02-2018, 07:02 PM)

                   |Articles |News |مقالات |بيانات

03-02-2018, 08:36 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13444

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: كمال عباس)


    شايف في عنوان البوست في أيقونة ((منقول))
    دحين ورينا الكلام الفارغ ده منقول من وين عشان نعرف نرد عليهو.

    وإذا ختيت أيقونة (منقول) قشرة ساكت ......... فتك بي عافية
                   |Articles |News |مقالات |بيانات

10-02-2018, 07:32 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد أبوالعزائم أبوالريش)

    شايف في عنوان البوست في أيقونة ((منقول))
    دحين ورينا الكلام الفارغ ده منقول من وين عشان نعرف نرد عليهو.

    وإذا ختيت أيقونة (منقول) قشرة ساكت ......... فتك بي عافية
    -------------------
    من الواتساب مجموعة اعلاميون بلا جمود والباب مفتوح لك هنا للرد واهو في النهاية موضوع مطروح ان كنت انا كاتبه او ناقله ففي النهاية يشكل قناعتي ووجة نظري
                   |Articles |News |مقالات |بيانات

03-02-2018, 08:40 PM

Kabar
<aKabar
تاريخ التسجيل: 26-11-2002
مجموع المشاركات: 16257

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: كمال عباس)


    محمد بشير عبادي..حبابك يا صديق
    اولا التحية لشعارك (اعلاميون بلا جمود) فكرة ظريفة وعصرية واتمنى ان تواظب عليها انت وغيرك من اهل الإعلام..
    وبعد..

    انت قلت:
    Quote:
    هذه الرسائل وبغباء فاضح ودون قصد قد ذكرت محاسن هذا النظام القائم الذي يريدون له البقاء حتى ولو بذهاب من أتى به ، إذا العلة ليست في النظام السياسي ولا في النظرية .


    اتفق معك في ان مثل هذه الرسائل هي بروباقندا دون ان تقصد ذكرت محاسن النظام (السستم) ، مع اني لا ارى النظام (السستم) يحتاج لرسائل مضادة لنتأكد من محاسنه. قلناها للسادة المعارضين وصانعي الشعارات العاطفية ان النظام شئ والحكومة شئ اخر.. فنحن عندنا النظام هو الفيدرالية ، تطور البنيات التحتية ، التوسع في الإعلام ، تطور صناعة البترول ، تطور صناعة الإتصالات ، تطور نظام التأمين الصحي ، وهذه مكاسب عرفها الشعب السوداني ، وبالتالي أي دعوة لإقتلاع النظام تعني الدعوى لإقتلاع هذه المكاسب وبتعني مواجهة مباشرة مع الشعب وهذه اشياء لا تنتبه لها الجهات التي تطلق مثل هذا الشعار دون مراعاة لضبط لغتها.
    اتفق معك ان العلة فعلا هي الحكومة التي فشلت في ادارة الأمور ، لأنها مثلها ومثل النخبة المعارضة تهتم بقشور الأمور ولا تتكاسل عن ابتداع الحلول الناجعة.. الشعب السوداني تحمل الحصار الأمريكي الإقتصادي ، وتم تأسيس بنيات تحتية كبيرة في ظل الحصار والحرب ، والآن نستغرب : الحرب هدأت وفي طريقها للنهاية والحصار رفع ، ولازالت البلد في ضائقة..اذن العلة في الإدارة ومن يدير البلد..
    خطوات المعالجة التي ذكرتها ، معقولة واتفق معك ، والأهم وقف الحرب باسرع وقت ممكن ، هناك جهات كثيرة ترغب في الإستثمار في السودان في اقاليم بعينها ولكن يمنعها وجود الحرب وعدم الإستقرار ، وانت تعرف يا صديقي رأس المال يحب الهدوء والإستقرار لينمو ومنها يفيد ويستفيد.
    مسألة ان يكون فرد واحد (الرئيس) هو صمام الأمان فهذه مسألة اختلف فيها معك يا صديقي ، بالرغم من أن الواقع يجعل عمر البشير بحكم انتخابات 2015 هو رئيس الجمهورية ، ولكن ماذا عن العشرة ، الخمسة عشرة سنة القادمة ؟..ماذا يحدث ان لا قدر الله البشير بقى في حق الله؟..الأفراد يجيئون ويذهبون ، ولكن المؤسسات تستمر..لذلك الضرورة تقتضي مؤسسية واضحة تشكل صمام لأمان البلد ومستقبلها.

    انت كتبت:
    Quote:
    أعيدوا هيكلة الإقتصاد السوداني وفق أحكام الشريعة الإسلامية ، لا جمارك ولا ضرائب ولا جبايات ولا ربا ورشاوي،فقط الزكاة المفروضة،دعوا الإقتصاد يتحرك ، دعكم من نظريات الغرب والشرق البالية المربوطة بقيم المادة،أربطوا إقتصادنا بقيم السماءحتى لا تنهار عمده ، بعدها بإذن الله ستنزل البركة وينعكس خيرها على الناس نعمة وطمأنينة ورخاء.
    اللهم أرفع عنا البلاء والغلاء..اللهم آمين


    في هذه الجزئية اختلف معك يا صديقي..الجمارك والضرائب نظم ومؤسسات اثبتت فعاليتها في نموذج الدولة منذ ان ابتدعها الإنسان لممارسة الإستخلاف في الأرض..
    نعم اتفق معك في وقف الجبايات والرشاوى والمحسوبية ، لكن الجمارك والضرائب هي انظمة يجب ان تبقى ، والمطلوب تطويرها وتفعيلها بصورة منضبطة.
    قيم السماء يا صديقي ، وهي نقطة الخلاف الجوهرية معك هنا.. فالله سبحانه وتعالي يا صديقي اعطانا الأراضي الخصبة الشاسعة في السودان ، واعطانا الأنهار ، واعطانا الغابات ، واعطانا المعادن (اشكال وانواع) ، واعطانا العقل..فماهو المطلوب اكثر من هذا؟..هل المطلوب ان نسأل الله ان ينزل من سماءه السابعة ليزرع لنا الأرض ويستخرج لنا البترول والمعادن؟..

    وان كنت يا صديقي تعيب على العلمانيين السودانيين دعوتهم لتأسيس دولة محايدة تجاه الدين ، فانت لا تختلف عنهم في العاطفية والهتافية حينما تدعو لحكاية احكام الشريعة..الدول التي في رفاهية كبيرة تعرف الجمارك والضرائب والإنتاج الفاعل ولا تعرف الشريعة .. في حين الدول التي تزعم انها تعرف احكام الشريعة هي دول متخلفة وفيها فساد اداري واقتصادي كبير للغاية ، وفيها عدم استقرار وبلبلة..!!
    النموذج العلماني في كوكب الأرض الآن ، دوله واهله اكثر من طبق ويطبق مفهوم الإستخلاف في الأرض وذلك بالبناء والسلام والرفاهية..
    حكاية تحويل صراع الإصلاح في السودان الى معارك من شاكلة العلمانية والإسلام واحكام الشريعة هذا صراع مزيف ومحاولة لصرف الناس عن قضاياهم الحقيقية..!

    البركة نزلت وقاعدة تنزل طوالي يا محمد..العيب فينا نحنا..!!

    كبر
                   |Articles |News |مقالات |بيانات

03-02-2018, 08:59 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4945

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Kabar)


    يا عبادي جنس خطابك دا الكيزان ذاتهم قنعوا منه
    وما بقوا يقولوه إنت كنت مقرش ويـن ؟
    تعرف اذا لمو فيك يا عبادي حيربطوك في أقرب كراع عنقريب
    قبل ما تربط الإقتصاد بقيم السما


    الكيزان لا عارفين قيم الأرض ولا عارفين قيم السما
    غشوا الناس بالدين دخلوهم الجوامع وهم دخلوا السوق وسرقوا البلد
    وإنت جاي هسي بمنتهي الغباء عاوز تعيد إنتاج هذا
    الخطاب التضليلي الكذوب
                   |Articles |News |مقالات |بيانات

03-02-2018, 09:32 PM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21228

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عبدالعظيم عثمان)

    خزنة وتنك
    ولحية فشنك
    طلع البدر علينا أم..
    يا مستهبل..
    .. طلع البنك

    محجوب شريف
                   |Articles |News |مقالات |بيانات

03-02-2018, 09:49 PM

Abdullah Idrees
<aAbdullah Idrees
تاريخ التسجيل: 05-12-2010
مجموع المشاركات: 2321

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Elbagir Osman)

    "ما نوع الحبال المطلوبة لربط الاقتصاد بقيم السماء؟"

    بس .. عايزين نشوف حبل سعف ولا عشميق ولا حبل مستورد ، لانو المستورد مشكلة حتدخلنا في دولار و وانت عارف الباقي !

    انت بتستهبل نربطو نحن ؟
    انتو لو بتعرفو قيم السماء الحصل ده كان بيحصل يا لصوص ..
                   |Articles |News |مقالات |بيانات

03-02-2018, 11:19 PM

Deng
<aDeng
تاريخ التسجيل: 28-11-2002
مجموع المشاركات: 46379

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Abdullah Idrees)

    الكيزان الجد جد، أقتنعوا بأن إنهيار الدولة قادم وافي أي طريقة لتفاديه، ولكن بعض الإنتهازية والمتملقين مازلوا يرغبون في بقاء هذا النظام الفاسد وذلك لأنهم أغتنوا فيه.

    بالله شوفو سقووط الزول اللي أسمه محمد النور كبر ده!

    أها وين بعض المحسوبين على المعارضة اللذين كان يطبلون له في كل الاوقات؟؟
                   |Articles |News |مقالات |بيانات

03-02-2018, 11:29 PM

احمد حمودى
<aاحمد حمودى
تاريخ التسجيل: 11-01-2013
مجموع المشاركات: 3287

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Deng)

                   |Articles |News |مقالات |بيانات

04-02-2018, 00:08 AM

منتصر عبد الباسط

تاريخ التسجيل: 24-06-2011
مجموع المشاركات: 7171

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: احمد حمودى)

    السبب أن الصرف ليس موجه للإنتاج ولا في التدريب والتأهيل البشري الذي يؤهل منتجين
    ولا هناك سياسات مشجعة للإنتاج.
    والسبب الثاني هو ترهل الدولة وكثرة الوظائف السياسية والدستورية وكذلك الصرف غير المحدود للأمن
    والجيش والقوات الأخرى.
    الحكومة الفيها معروف منذ سنواتها الأولى ...لكن المعارضة أدواتها التي تستخدمها للتغيير بالية
    ومنتهية الصالحية والحكومة هذا ما جعلها تتماداى في غيها وفي أن تجعل معظم الميزانية موجهة للأمن والبند الأول.
    لماذا لا تكون المعارضة لها أفكار وحلول وممارسات عملية بأي شكل في أرض الواقع داخل السودان
    عقل المعارضة غير حاضر في المشهد .
                   |Articles |News |مقالات |بيانات

04-02-2018, 01:15 AM

Mohamed Doudi
<aMohamed Doudi
تاريخ التسجيل: 27-01-2005
مجموع المشاركات: 2834

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: منتصر عبد الباسط)

    بالله شوفو سقووط الزول اللي أسمه محمد النور كبر ده!

    أها وين بعض المحسوبين على المعارضة اللذين كان يطبلون له في كل الاوقات؟؟

    معليش يا جورج الم اكن اتصور الاخ كبر بمثل هذا الدفاع الاعمى عن حكومه القتل
    هل كبر نفسه مقتنع بما كتب؟
    قال الناس تفرق بين النظام والحكومه؟
    والله يا كبر على عثمان والتربى والبشير ذاتو لا يستطيع ان يبرر كما فعلت
    ياخى لا يوجد نظام ....بل نظام مركزى قابض بقوه على الهامش
    مافى حاجه اسمها حكم فيدرالى بربك هل حكومه جنوب كردفان لها نفس صلاحيات حكومه البرتا؟
    نظام الغى مجانيه العلاج وانت تتحدث عن تامين صحى؟
    يا صديقى وضعت نفسك فى مواجه الشعب السودانى
    انت تستفز الملايين بمحاوله تجميل صوره الحكومه المشوهه

    دودى
                   |Articles |News |مقالات |بيانات

04-02-2018, 03:17 AM

كمال عباس

تاريخ التسجيل: 06-03-2009
مجموع المشاركات: 13944

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Mohamed Doudi)

    كتب السيد كبر
    Quote: ( اتفق معك في ان مثل هذه الرسائل هي بروباقندا دون ان تقصد ذكرت محاسن النظام (السستم) ، مع اني لا ارى النظام (السستم) يحتاج لرسائل مضادة لنتأكد من محاسنه. قلناها للسادة المعارضين وصانعي الشعارات العاطفية ان النظام شئ والحكومة شئ اخر.. فنحن عندنا النظام هو الفيدرالية ، تطور البنيات التحتية ، التوسع في الإعلام ، تطور صناعة البترول ، تطور صناعة الإتصالات ، تطور نظام التأمين الصحي ، وهذه مكاسب عرفها الشعب السوداني ، وبالتالي أي دعوة لإقتلاع النظام تعني الدعوى لإقتلاع هذه المكاسب وبتعني مواجهة مباشرة مع الشعب وهذه اشياء لا تنتبه لها الجهات التي تطلق مثل هذا الشعار دون مراعاة لضبط لغتها. )

    أولا حينما نتحدث عن النظام فإننا نعني المفهوم السياسي المعروف علميا وفكريا ال regime وهو مانسعي لإسقاطه وأقتلاعه ! فمن يرفض إقتلاع النظام ( regime ) فليعلنها بوضوح !
    ثانيا الفدرالية ! مايطلق عليه النظام بالفدرالية ليست بفدرالية !إي فدرالية هذه يعين في حكام الولايات ! والتي يحل فيها رئيس الجمهورية - مجلس تشريعي ولائي منتخب ؟أو يحل فيها رئيس الجمهورية المجلس الوطني ! ورئيس مدي الحياة هذه ليست فدرالية وإنما نظام ديكتاتورية وشمولية علي مستوي المركز والأقاليم ! نقف مع م حكم لامركزي -أو فيدرالي - ديموقراطي تعددي يكفل ويصون الحريات وحقوق الإنسان وحقوق المواطنة !
    ** لاوجود لفدرالية حقيقية بلاديموقراطية وبلا حقوق !
    ثالثا التأمين الصحي ! مكاسب شعبنا هي مجانية العلاج والدواء - أما يسمي بالتأميين الصحي فهو نظام شائه قام علي مصادرة مجانية العلاج والدواء - فمعظم المواطنيين - لايغطيهم ما يسمي بالتأمينولاهم موظفيين بقطاع عام أو خاص !
    ** رابعا الإتصالات دي شركات خاصة - تأخذ أضعاف ماتقدمه من خدمات هذا بالإضافة للضرائب التي تجبيها الدولة من هذه الخدمة ! خامسا صناعة البترول -هو وينو البترول السودان - ؟ السودان يستورد أكثر إحتيجاته من النفط!والبنية التحتية للنفط أقامتها شركات صينية تأخذ نصيبها من نفطا والآن تطالب الشركات الصينيىة بحقوقها ويستجدي النظام الشركات الصينية لتعفي ديونها !
    * السدود والشوارع لم تقام بعائد النفط أو الذهب وإنما بقروض مليارية يقع عبء دفعها أجيال قادمة! وهي في النهاية دخلها فساد وضعف الجودة ! وختاما من قال أصلا إنه يسعي لنسف كبري أو سد أو شارع أو مصفاة أو أنبوب نفط أو يصادر حق مواطن في تأمين صحي - يدفع هو مخدمه مقابل تلك الخدمة ؟
    *من قال أصلا إنه يسعي لنسف كبري أو سد أو شارع أو مصفاة أو أنبوب نفط هذه المنشآت لايسعي إي شخص لنسفها لأنها مولة من دمنا وعرقنا وبقروض سيقوم شعبنا بتسديدها ! مايهدد ويخرب البنية التحتية هو ضعف الجودة - والغش الذي صاحب الإنشاء !...

    (عدل بواسطة كمال عباس on 04-02-2018, 03:38 AM)

                   |Articles |News |مقالات |بيانات

04-02-2018, 03:44 AM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21228

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: كمال عباس)

    البشير والترابي
    لما الوضع ما عجبهم سنة 89
    ليه ما مشوا اعتكفوا في مسجد يدعون الله؟

    الباقر موسى
                   |Articles |News |مقالات |بيانات

04-02-2018, 04:24 AM

Haytham Ghaly

تاريخ التسجيل: 20-01-2013
مجموع المشاركات: 3713

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Elbagir Osman)

    Quote: ولماذا لا تكون العلة في الرئيس الذي جاء بالحكومة؟؟؟؟؟


    الغريبة يا ناصر انو هذا العبادي عارف المعلومة دي

    بدليل انو طالب بحكومة ما يكون فيها ترضيات

    اذاً هو عارف ان كل الحكومة معينة تعيين ترضيات ولا عزاء للمؤهلات

    لكن طبعاً لازم ينافق .. لازم يزور الحقايق ولازم يظهر الولاء لإلههم المقدس الاهبل البشير


    والله مفروض شعارك يكون : منافقون بلا حدود
                   |Articles |News |مقالات |بيانات

10-02-2018, 07:51 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Haytham Ghaly)

    لكن طبعاً لازم ينافق .
    -------------
    النفاق ده كيفنو..زول بقول للرئيس شغلك ماصاح اتدخل وصحح ..شفتني قلت ليهو انت صح في ظل الوضع الماثل؟ وللا الا تتهدم الدولة؟
                   |Articles |News |مقالات |بيانات

11-02-2018, 07:07 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Elbagir Osman)

    البشير والترابي
    لما الوضع ما عجبهم سنة 89
    ليه ما مشوا اعتكفوا في مسجد يدعون الله؟

    الباقر موسى
    ----------------------
    ده شي يخصهم..عموما لارهبانية في الاسلام
                   |Articles |News |مقالات |بيانات

04-02-2018, 04:38 AM

Kabar
<aKabar
تاريخ التسجيل: 26-11-2002
مجموع المشاركات: 16257

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Mohamed Doudi)


    كتب بيت الأشباح دينق:
    Quote:
    الكيزان الجد جد، أقتنعوا بأن إنهيار الدولة قادم وافي أي طريقة لتفاديه، ولكن بعض الإنتهازية والمتملقين مازلوا يرغبون في بقاء هذا النظام الفاسد وذلك لأنهم أغتنوا فيه.

    بالله شوفو سقووط الزول اللي أسمه محمد النور كبر ده!

    أها وين بعض المحسوبين على المعارضة اللذين كان يطبلون له في كل الاوقات؟؟

    بيت الأشباح دينق..


    الجرسة فوق كم؟..ليه بيت الأشباح بيستنجد بالناس؟..نفهم من كده انكم اتعصرتوا وما قادرين تحسموا حاجاتكم مع كبر؟..

    اكون ساقط او ناجح مش مهم..وبيت الأشباح دينق اخوان غير مؤهل اخلاقيا لتقييم محمد النور كبر..!

    لكن المهم ، فتح عينك كويس واقرأ تاني وتالت: الحزب الشيوعي السوداني مسك البلد دي بالغلط لمدة تلاتة ايام وهذه لن تحدث مرة اخرى..!

    يعني الشيوعيين لا بانتخابات ولا بانقلابات البلد دي تاني ما عندهم فيها سالفة..فقط يعيشوا على ذكرياتهم ..!\

    شايف مخلب الشيوعيين القذر (مؤتمر البجا) عندو رأي في انو الحكومة تفاوض عبد العزيز الحلو وتجلي عقار وعرمان..!!!!

    كبر
                   |Articles |News |مقالات |بيانات

04-02-2018, 04:42 AM

Kabar
<aKabar
تاريخ التسجيل: 26-11-2002
مجموع المشاركات: 16257

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Kabar)


    كتب محمد دودي:
    Quote:
    معليش يا جورج الم اكن اتصور الاخ كبر بمثل هذا الدفاع الاعمى عن حكومه القتل
    هل كبر نفسه مقتنع بما كتب؟
    قال الناس تفرق بين النظام والحكومه؟
    والله يا كبر على عثمان والتربى والبشير ذاتو لا يستطيع ان يبرر كما فعلت
    ياخى لا يوجد نظام ....بل نظام مركزى قابض بقوه على الهامش
    مافى حاجه اسمها حكم فيدرالى بربك هل حكومه جنوب كردفان لها نفس صلاحيات حكومه البرتا؟
    نظام الغى مجانيه العلاج وانت تتحدث عن تامين صحى؟
    يا صديقى وضعت نفسك فى مواجه الشعب السودانى
    انت تستفز الملايين بمحاوله تجميل صوره الحكومه المشوهه


    الحبيب محمد دودي..حبابك يا صديقي
    اهلك قالوا: ما بتموت على لونها الإ جدادة الوادي..
    ونحن يا صاحب جدادة وادي وعينا ما بملاها الإ التراب..فدع عنك الخم والبروباقندا بتاعة الشيوعيين دي يا حبيب..الخم والتدليس والخطاب العاطفي انتهى من زمان في السودان ، والآن يسود خطاب العقل والأسئلة الحقيقية..
    نعم يا محمد يجب ان تفرق الناس بين النظام والحكومة..وقد وضحت هذه النقطة ولكنك تجاوزتها وخشيت شمال..النظام هو الحكم الفيدرالي برغم اخطائه القابلة للمعالجة افضل من نظام حكومتك الكانت مركزية في اخر ديموقراطية وافضل من تصورك لأي نظام حكم قادم خصوصا لو كان حزب الأمة هو المسيطر عليه..لأن حزب الأمة ما عندو رؤية لمعالجة اثار الحرب ولا معالجة للنظام الإقتصادي ، ولا مليارات عشان يعمل اقتصاد قوي وانما ح يكون اداة طيعة في يد المؤسسات الدولية مثل صندوق النقد الدولي..

    الحكومة الحالية ليست حكومة مؤتمر وطني لوحده ، هي حكومة فيها فئات اخرى (احزاب ، حركات ، شخصيات..الخ)..!
    الآن في هذه اللحظة ، الحكومة تخوض مفاوضات مع الحركة الشعبية جناح عبد العزيز الحلو ، يعني الحكومة نحن ناس المناطق المتضررة من الحرب في اولوياتها ، يعني مطلبنا وقف الحرب وتحقيق سلام بأي شكل كان الحكومة بتاخدو بجدية في اعتبارها وبتحاول تعمل حاجة ، في نفس الوقت المجموعة التي تمارس الكوراك في الخرطوم من اجل بقاء الدعم للوقود والقمح هي نفسها المجموعة التي تحرض بعض من اهل السلاح لإستمرار الحرب..فكيف بربك يا محمد تتوقعني ان اقف مع الحرب وانا عرفت الحرب لعشرات السنين؟..هل القوى المعارضة عندها حل واضح لوقف الحرب؟..اقول لك ليس لديها حل للحرب وانما تستغلها كأداة ضغط لتحقيق طموحاتها الخاصة وهذا لن يحدث ونحن على قيد الحياة..!

    علي عثمان والترابي ، افضل منكم يا صديقي ، ادوا دورهم ومشوا في حالهم..يعني لمن قالوا ليهم امشوا بيوتكم المسيرة لم تتوقف ولم يحرد أي واحد فيهم ويعمل فيها ضبان ضكر وانما خضعوا لشروط السستم الذي قاموا بصنعه بانفسهم..حتى ولو لعب الترابي دور المعارض ، فكان دور محسوب ومحدود..في الجانب الآخر ناس حزب الأمة أي واحد يزعل يمشي يعمل ليهو كوم براهو ويصير الكوم حزب وينال مكاسب على ضوء ذلك..يعني يا محمد بيتكم (حزب الأمة) اتشلع وانت بتحلم تخمنا بان حزب الأمة يمكن ان يحل مشاكل السودان..؟..

    حديثك عن الحكم الفيدرالي والتأمين الصحي.. عن أي سودان يا محمد انت تتحدث يا صديقي؟..انت لا تعرف السودان ولا تعرف قيمة التحول والتغيير الذي حدث فيه..!
    كل ولاية في السودان الآن يديرها اهلها من الوالي ، مرورا بالوزير ، لغاية اصغر عامل فيها ، وهذا الكلام لم يكن موجودا في عهد حكومة حزبك..!
    صحيح الحكم الفيدرالي الآن فيه بعض الأخطاء ولكنها قابلة للمعالجة والإصلاح..يعني هذا اساس متين ولو نجحت في اسقاط الحكومة وحاولت تجاوز هذا المكسب فان حكومتك لن تصمد طويلا..!

    مجانية العلاج هذه بروباقندا يا محمد دودي تصلح في عصور الغفلة (الخمسينات/الستينات/السبعينات/الثمانينات) لكن في الألفية الثالثة فلن تصلح..وانت كسياسي ممكن تغش الناس بانك ح توفر ليهم علاج مجاني ، ولكن لمن تمسك الحكومة ح يبقى ليك بمبي..!!
    البلد التي تعيش فيها انت يا محمد ليس فيها مجانية علاج ومجانية تعليم ، اللهم الإ في حدود معينة ، في السودان التعليم العام مجاني يا محمد..وبعض العلاج مجاني..وذلك وفقا للإتجاهات العالمية..يعني الأمم المتحدة اشترطت حد معين من العلاج والتعليم يكون مجاني فالسودان متقيد بهذه الحدود..!
    نظام التأمين الصحي الشغال في السودان هو نفس فكرة التأمين الصحي في مقاطعة سسكتشوان الذي انشأته حكومة يسارية تعرف قيمة الإنسان ومسئوليتها تجاه الإنسان ، واهو داك ناس قيم السماء شغالين بيهو زي الترتيب..!

    كتبت نقد لنظام التأمين الصحي في السودان وسوف تقرأه قريبا يا محمد..كنت سأحترم موقفك السياسي لو طالبت الحكومة بتبني سياسات توفر فرص العمل لكي ينال كل شخص حقه في العلاج وذلك بالمساهمة في هذه العملية..حكاية علاج مجاني دي اصبحت مافي يا محمد..!!

    حكومة جنوب كردفان حكومة في ظل الحرب يا محمد كيف يعني تقارنها بحكومة البرتا؟..حكومة البرتا لو كانت في حالة حرب وقوانين طوارئ ستكون اكثر ضعفا من حكومة جنوب كردفان..!
    جنوب كردفان مثلها ومثل مقاطعة البرتا في غرب كندا ، انها اغني ولاية في السودان بعد ذهاب الجنوب ، وكنا نسعى ان نقنع ابناءها وبناتها بهذه الحقيقة ، وقد اقتنع الكثير منهم..الأولوية فيها وقف الحرب يا صديقي ، ولو الحرب وقفت..علي بالحلال يا محمد نزرع جنوب كردفان قمح ونطحنو ونديهو لناس العاصمة مجانا عشان تاني ما يحنبكوا عشان الرغيفة..!
    الحكومة الآن هي التي تتفاوض مع الحركة الشعبية (الحلو) وليست احزاب الغفلة الساكة كيس النايلو الشايلو الهوا في الخرتوم..كيف يعني ما اقف معها يا دودي؟..تاني ما ح ندفق مويتنا على سراب الوعود الخائبة..!!
    الحرب الثانية يا محمد (2011) حزب الأمة تخلى تماما عن قواعده في جنوب كردفان مثلما تخلى عنهم في حروب دارفور..فلماذا نضحي من اجل حزب لفظنا مثلما تلفظ المرأة جناها الولدتو بالحرام؟

    من حقك ان تتفق مع بيت الأشباح دينق..ولكنك كسياسي كنت اظن فيه الحصافة فانت لا تقرأ الأشياء يا محمد..وخطابنا اكثر من تأثر به هو بيت الأشباح دينق اخوان..في احد الخيوط المجاورة بيدخل دينق ويحنس عقلاء الكيزان لأنو عارف ان البلد مليانة سلاح وممكن في كسر من الثانية تروح فسوة مدنقر..باقي ليك مشينا زازينا دينق وخنقناهو؟..بالطبع لأ..طالما الناس اقتنعت بخطابنا فاننا نسعد بزيادة الرصيد..!

    حكاية استفزاز الملايين..تستحضرني نكتة المحسوبية في عهد جعفر نميري..زول مجتهد دخل معاينة وسألوهو: اين هي ارض المليون شهيد؟..قال ليهم: الجزائر..قام معاين اخر قال ليهو: ممكن تقول لينا اسماء المليون شهيد..!
    اها يا حبيب ممكن تقول لينا اسماء الملايين الذين يستفزهم كلام كبر..!!!!!!

    التحية للحبيب يعقوب..يدو فاضية تب يا قريبي..لا حراب ولا رجال..!!

    ودمت طيبا يا صديقي..

    كبر
                   |Articles |News |مقالات |بيانات

04-02-2018, 05:43 AM

Mohamed Doudi
<aMohamed Doudi
تاريخ التسجيل: 27-01-2005
مجموع المشاركات: 2834

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Kabar)

    الاخ كبر سلام مره اخرى
    نعم يا محمد يجب ان تفرق الناس بين النظام والحكومة..وقد وضحت هذه النقطة ولكنك تجاوزتها وخشيت شمال..النظام هو الحكم الفيدرالي برغم اخطائه القابلة للمعالجة افضل من نظام حكومتك الكانت مركزية في اخر ديموقراطية وافضل من تصورك لأي نظام حكم قادم خصوصا لو كان حزب الأمة هو المسيطر عليه..لأن حزب الأمة ما عندو رؤية لمعالجة اثار الحرب ولا معالجة للنظام الإقتصادي ، ولا مليارات عشان يعمل اقتصاد قوي وانما ح يكون اداة طيعة في يد المؤسسات الدولية مثل صندوق النقد الدولي..

    يا حبيب مافى اى تفرقه بين النظام والحكومه خصوصا فى النظم اللاشرعيه النظم التى استولت على الحكم عن طريق القوه والغش وانتهت النظام الذى اختاره الشعب حرا
    وبالمناسبه تبنى نظام نميرى الحكم الفدرالى (الاقليمى) الحكم اللامركزى ونفس النظام كان موجود فى الفتره الانتقاليه والحكومه الديمقراطيه 9 اقاليم وحكومات رشيقه وتوجيه معظم الدخل للتنميه (بنيه تحتيه وصحه وتعليم) الانقاذ غيرت الاسم من اقليم لولايه وقسمت الاقاليم السته الى كم وعشرين على اساس قبلى لا يخدم التنميه ابدا
    فقول الفتره الديمقراطيه كانت مركزيه ده غلاط وحب للانقاذ فقط على الاقل فى الفتره الديمقراطيه كانت ميزانيات الاقاليم تصرف كما فى الميزانيه المجازه من الجمعيه التاسيسيه دونما اى نظره سياسيه او محاباه او عقاب كما هو حال الانقاذ....
    مين القال ليك حزب الامه ما عندو رؤيه لمعالجه اثار الحرب ومعالجه النظام الاقتصادى المنتهى؟
    يا حبيب اولوياتنا فى حزب الامه ايقاف الحرب اولا ولا يتاتى هذا الا بذهاب هذا النظام واتفاق كل الفرقاء على حل سياسى سلم ومن ثم بدء التعمير وووضع برنامج اقتصادى اسعافى اولا ومن ثم خطه بواسطه خبراؤنا من كل القوى السياسيه لوضع برنامج متوسط وطويل المدى يتم الالتزام به

    الحكومة الحالية ليست حكومة مؤتمر وطني لوحده ، هي حكومة فيها فئات اخرى (احزاب ، حركات ، شخصيات..الخ)..!
    اعلم بانك اذكى بكثير من هكذا حكى فيا حبيب خلينا نستفيد من بعض فى حوار منتج بدل انكار الحقيقيه.....يا كبر المؤتمر الوطنى او البشير هو الذى يتخذ القرار...مافى زول شاورهو من احزاب الزينه فى اى قرار سياسى او اقتصادى او سيادى .....

    علي عثمان والترابي ، افضل منكم يا صديقي ، ادوا دورهم ومشوا في حالهم..يعني لمن قالوا ليهم امشوا بيوتكم المسيرة لم تتوقف ولم يحرد أي واحد فيهم ويعمل فيها ضبان ضكر وانما خضعوا لشروط السستم الذي قاموا بصنعه بانفسهم..حتى ولو لعب الترابي دور المعارض ، فكان دور محسوب ومحدود..في الجانب الآخر ناس حزب الأمة أي واحد يزعل يمشي يعمل ليهو كوم براهو ويصير الكوم حزب وينال مكاسب على ضوء ذلك..يعني يا محمد بيتكم (حزب الأمة) اتشلع وانت بتحلم تخمنا بان حزب الأمة يمكن ان يحل مشاكل السودان..؟..

    مبرووك ليك اعجابك بالترابى وعلى عثمان الذان ساقا البلاد للتهلكه مرتان....المره الاولى التامر على النظام الديمقراطى والذى ادى على عثمان القسم لحمايته كعضو بالبرلمان والمره الثانيه عندما انشقت حركتهم الفاشيه وخلفت ماساه دارفور
    بالمناسبه انت معلوماتك دى بتجيبا من وين؟
    انقسمت الجبهه الاسلاميه القوميه الى الاتى وهم فى السلطه:
    1-المؤتمر الوطنى
    2-المؤتمر الشعبى
    3-سائحون
    4-مجموعه ود ابراهيم
    5-الاصلاح الان
    6-حزب العداله بتاع ناس امين بنانى والمرحوم بلايل ما تاكد من الاسم بالضبط
    7-حزب الطيب مصطفى
    وهنالك بين 3-5 لم استحضرهما عند كتابه هذا الرد سوف اتى اليهم لاحقا
    اما بخصوص حزب الامه القومى انشق الاخ مبارك وكون حزب الامه الاصلاح والتجديد ( كل انشقاقات حزب الامه اتت من هذه المجموعه فقط) طبعا فى ناس نفسا قصير فتساقط الاخ مبارك وعبدالرحمن فى منتصف الطريق واتمنى ان يسقط النظام حتى يحاسبهم الشعب مع ذمره الوطنى الفاسده

    حديثك عن الحكم الفيدرالي والتأمين الصحي.. عن أي سودان يا محمد انت تتحدث يا صديقي؟..انت لا تعرف السودان ولا تعرف قيمة التحول والتغيير الذي حدث فيه..!
    كل ولاية في السودان الآن يديرها اهلها من الوالي ، مرورا بالوزير ، لغاية اصغر عامل فيها ، وهذا الكلام لم يكن موجودا في عهد حكومة حزبك..!

    يا كبر انا كنت قريب شغال فى الخرتوم يعنى قبل سنه وكم شهر جلست كخبير اممى اكثر من سته شهور فى احد الوزارات ...فيا حبيب بحكم علمى وانتمائى الحزبى اعرف السودان وما يدور به اكثر منك...
    هل نقول من كلامك الفوق ده انت كنت لا تفهم فى الشان العام ما بين 1982-1989؟
    عبدالرسول النور ومحمد على المرضى ديل كانو حكام لكردفان ولا حكام لا اقاليم فى دوله اخرى
    كان هنالك حكم فيدرالى حيث حكم ابناء المناطق اهلهم ولكن الانقاذ الان الغت الفكره وقالت بانها تسبب القبليه ولذلك اتى بكاشا للنيل الابيض وهكذا
    انت تشيد بنظام تم الاستغناء عنه الظاهر عليك غير متابع

    مجانية العلاج هذه بروباقندا يا محمد دودي تصلح في عصور الغفلة (الخمسينات/الستينات/السبعينات/الثمانينات) لكن في الألفية الثالثة فلن تصلح..وانت كسياسي ممكن تغش الناس بانك ح توفر ليهم علاج

    مجانيه العلاج ليه ما بتصلح وانت مستفيد من مجانيه العلاج بكندا؟؟؟؟ هووووووووووووى يا كبر سيب التناقض

    يا كبر ما تملا يدك بالسراب ...المؤتمر الوطنى لا يستطيع دفع فاتوره السلام لا فى جبال النوبه ولا فى دارفور وسوف تستمر الحروب حتى لو توفقت لبعض الوقت ....النظام هو سبب الحروب وهو من اشعلها وهى اهم اسباب بقاؤه لولا الحرب يا كبر وافرازاتها لما دافعت عن المؤتمر الوطنى......

    دودى
                   |Articles |News |مقالات |بيانات

04-02-2018, 06:03 AM

عمر دهب
<aعمر دهب
تاريخ التسجيل: 19-10-2014
مجموع المشاركات: 1628

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Mohamed Doudi)

    اى مكياج لن يزيل قباحه هذا النظام والذين فى متاهاتهم يجملون وجه النظام بتزوير قيم السماء ضد الغلابه وهم فى قاع عذاباتهم وانهيارهم الاقتصادى لن يكسبوا الا مواقفهم المخجله يوم النهايه القريبه
                   |Articles |News |مقالات |بيانات

04-02-2018, 06:20 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30474

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عمر دهب)

    كتابات مناصري الحكومة اليومين ديل لا تخرج عن أحد اتجاهين الأول أنو انتو الغلطانين و انتو السبب في ضيق الحال شعب كسلان غير منتج ومستهلك! او شعب فاسد تخلى عن دينه فابتلاه الله بالضيق و النقص بسبب الفساد و البعد عن الدين
    لاقتني مقالات عديدة في هذا الاتجاه تصب اللوم علينا وتحملنا مسوؤولية فشل البشير و الكيزان في ادارة اقتصاد الدولة ومحاربة الفساد!
    الاتجاه التاني يحاول أن يروّج لفكرة أن البشير كويس لكن الحوالينه مغيبينه او غاشينه وهم الفاسدين و يحاول زرع الأمل في ضدور قرارات قوية من البشير تلجم الفساد و الدولار و تفج الضائقة الاقتصادية وكل هذا تمهيدا لتمرير مسالة خرق الدستور المتوقعة و اعادة ترشيحه لدورة ثالثة وربّما رابعة!!
    و الإتّجاهين كل واحد أتــفه من التاني
                   |Articles |News |مقالات |بيانات

11-02-2018, 07:04 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عمر دهب)

    اى مكياج لن يزيل قباحه هذا النظام والذين فى متاهاتهم يجملون وجه النظام بتزوير قيم السماء ضد الغلابه وهم فى قاع عذاباتهم وانهيارهم الاقتصادى لن يكسبوا الا مواقفهم المخجله يوم النهايه القريبه
    ----------------------------------------
    فعل الأمر (أربطوا) موجه لذوي السلطان والمختصين وحتى المعارضين لجميع السودانيين (الدولة)..أين المكياج والتزيين هنا يا استاذ عمر دهب.. ولو ربطنا الاقتصاد بقيم السماء لرفع العذاب عن الغلابة ..وانت سيد العارفين ..وفي السماء رزقكم وماتوعدون..الرازق الله بس كيف نتوجه ليهو
                   |Articles |News |مقالات |بيانات

04-02-2018, 06:43 AM

Kabar
<aKabar
تاريخ التسجيل: 26-11-2002
مجموع المشاركات: 16257

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Mohamed Doudi)

    كتب محمد دودي:
    Quote:
    يا كبر انا كنت قريب شغال فى الخرتوم يعنى قبل سنه وكم شهر جلست كخبير اممى اكثر من سته شهور فى احد الوزارات ...فيا حبيب بحكم علمى وانتمائى الحزبى اعرف السودان وما يدور به اكثر منك...
    هل نقول من كلامك الفوق ده انت كنت لا تفهم فى الشان العام ما بين 1982-1989؟
    عبدالرسول النور ومحمد على المرضى ديل كانو حكام لكردفان ولا حكام لا اقاليم فى دوله اخرى
    كان هنالك حكم فيدرالى حيث حكم ابناء المناطق اهلهم ولكن الانقاذ الان الغت الفكره وقالت بانها تسبب القبليه ولذلك اتى بكاشا للنيل الابيض وهكذا
    انت تشيد بنظام تم الاستغناء عنه الظاهر عليك غير متابع


    ول ابا محمد دودي..حبابك يا صديقي
    قلت لي شغال خبير وين؟..الخرتوم شنو يا محمد وشغل خبراء شنو؟..الخبراء ديل مش ياهم ناس النقة البتحاول تنتصر لخطابها الخاص غصبا عن الواقع؟..أي خبير يشتغل من الخرتوم صحيح بيكون عارف الخرتوم لكن ما بيعرف التكتح عن السودان..بالمناسبة يا صديقي انا اعرف كيف تصيغ الخبراء والمنظمات خلاصاتها..الخواجات اشرف منكم يا محمد يعني الواحد فيهم لو حاول استجداء دعم بيمشي يغبر كرعينو في الفلوات والخلاء..ومافي مشكلة تب..كن شجاعا واذكر لينا المنظمة الكنت شغال ليها خبير عشان نوريك هي شنو في السودان..!
    وما تنسى اساتذتنا دكتور عشاري احمد محمود ودكتور سليمان بلدو..برضك كانوا خبراء في منظمات دولية..ولو نسيت الحاصل ح نعيدو ليك زي الترتيب..!

    كذاب يا محمد دودي..عبد الرسول النور ومحمد علي المرضي كانوا حكام كردفان ، ولم يحكموا ولايات شمال كردفان وجنوب كردفان وغرب كردفان..ولا انت فاكر ده نجر من راس اخوك كبر ساكت؟..ده الواقع كده ، وتقسيم كردفان لولايات عندو مبررات واقعية واهل الولايات هم من فرض على الحكومة الفيدرالية بتاعة الكيزان ديل هذا التقسيم.. فأي سودان انت قاعد تتكلم عنو يا محمد؟..
    في عهد حكومات حزب الأمة ، منذ الإستقلال وحتى سنة 1989 لم يكن هناك حكم فيدرالي في السودان ، وانما تطبيق مجوبك لفكرة دكتور جعفر محمد علي بخيت ونظام جعفر نميري بتاع الحكم الإقليمي..وده حصل بعد 1986!

    كتب محمد دودي:
    Quote:
    مجانيه العلاج ليه ما بتصلح وانت مستفيد من مجانيه العلاج بكندا؟؟؟؟ هووووووووووووى يا كبر سيب التناقض


    كذاب وابن ستين كذاب يا محمد دودي..انا في كندا ، طيلة وجودي 18 سنة ، قاعد اساهم في علاجي..لم اتلقى علاج مجاني مية في المية من كندا (حاليا قاعد استخدم بعض العلاجات وقاعد ادفع نسبة مئوية والباقي بتدفعو الشركة الشغال معاها ، مافي حكومة في كندا بتدفع لي علاج بنسبة مية في المية..!!)..
    زرت السودان مرتين ، مرة سنة 2012 ومرة سنة 2015 ، في المرة الأولى ربنا حفظنا وقضيت وكتي في السودان ورجعت ، في المرة الثانية كنت عيان في مدينة الدلنج ، اشقائي وابي وامي (الله يرحمها) ، كلهم تبرعوا لي بان اذهب واقابل طبيب لأنو بطاقاتهم للتأمين مكتوب فيها اسمي كعضو اسرة..واستغرب احد اشقائي حينما قلت له: انا مواطن اجنبي..!!
    مشيت قابلت صيدلي ، ولحسن الحظ كان دفعتي في جامعة الخرطوم ، وذكرت ليهو المرض بتاعي والأدوية القاعد اخدها في كندا..وقال لي: ح اديك بدائل..!!
    ودفعت ثمنها وشلتها ومشيت في حالي..!!

    المهم يا صديقي حكاية تشبك لينا جابوا كاشا وين ولا زعيط ومعيط ودوهم وين..ده كلام عاطفي يا محمد..ولو دايرنا نستعدى حزب الأمة بنعرف شغلنا كيف..!

    الحكومة الآن في مفاوضات مع الحركة الشعبية (جناح الحلو) ..حزب الأمة عندو شنو عشان يقدمو لينا عشان نضحي عشانو؟..نحن ناس المناطق المتاثرة بالحرب..

    الرغيف..نحن ناس ماريق ودخن وسمسم وفول..ولو ضربتنا مجاعة المخيت بيمرقنا منها..!..حميرنا وتيرانا وكرعينا بتشيلنا..يعني يسحبوا دعم من بنزين دي ما فارقة معانا..!

    الحرب فيها طرف ثاني يا محمد دودي وليست هي مسئولية الحكومة فقط ، ولا انت نسيت سيدنا نصر الدين الهادي نائب رئيس الجبهة الثورية؟..الحرب اطراف والأطراف الأخرى مهما حاولت التنصل لن تستطيع اسقاط مسئوليتها في الحرب..وعشان نكون واضحين حركات دارفور المسلحة ، الحركة الشعبية شمال ، ديل اطراف حرب ومسئولين بمستوى واحد مثلما هي مسئولية الحكومة..!!

    طبعا انت تحاول ان تتناسى مفاوضات سد النهضة الأثيوبي..ومش مهم يا صديقي..!

    نخبة الصوالين..لو دايرة ترجع السودان يكون كنفوس لمصر..دي ما بتحصل يا محمد..!

    ودمت..

    كبر

    (عدل بواسطة Kabar on 04-02-2018, 06:50 AM)
    (عدل بواسطة Kabar on 04-02-2018, 07:58 AM)

                   |Articles |News |مقالات |بيانات

04-02-2018, 07:43 AM

د.أحمد الحسين
<aد.أحمد الحسين
تاريخ التسجيل: 17-03-2003
مجموع المشاركات: 3259

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Kabar)

    The strangest post the funniest post I have ever read in this forum
                   |Articles |News |مقالات |بيانات

04-02-2018, 07:48 AM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 4295

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: د.أحمد الحسين)

    قيم السماء بتاع فنيلتك
                   |Articles |News |مقالات |بيانات

04-02-2018, 08:25 AM

Kabar
<aKabar
تاريخ التسجيل: 26-11-2002
مجموع المشاركات: 16257

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: علي دفع الله)


    كتب دكتور احمد الحسين:
    Quote:

    The strangest post the funniest post I have ever read in this forum



    وده انجليزي يا مرسي؟..

    الأكثر اضحاكا يا استاذنا انو الجمهورييين دعوا لمظاهرة في يوم 18 يناير 2018 وكل المرقوا بيهو انهم قدموا الفطور (سندوتشات فول وموية) لعساكر الإحتياطي المركزي ..عشان يجوا بعد داك الجمهوريين يعملوا منظر: اكلنا العساكر فطور وقاموا اعتقلوا الناس..!!

    حليل ابونا المك ادم ام دبالو..جيوش السلطنة الزرقاء بتاعة بادي مين كده ما عارف..بتحاربوا بالنهار ..وبالليل بيرسل ليهم العشا..ولم يمن على احد..الى أن جاء كتاب التأريخ ، فيما بعد، ليذكروا هذه الحقيقة..!!!

    هل كان الأستاذ محمود محمد طه ، يا دكتور احمد الحسين ، بيقدم الطعام والشراب للسابلة والهوام عشان يعمل رصيد نضال يجي يبتز بيهو الناس فيما بعد؟..مثلما يفعل تلاميذه وتلميذاته اليوم..!!

    ده هو الموقف المضحك يا صديقي..انو تلاميذ وتلميذات الأستاذ يقدموا ليهم شوية طعام لعساكر الإحتياطي المركزي ويجوا يبتزوا الشعب السوداني بهذه الفعلة..ويقولوا لينا بلا خجلة..فطرناهم وقاموا اعتقلوا الناس..!

    شكرا محمود محمد طه..ربيت ناس..ولكن يا استاذنا..ناس خانت التربية..!!

    كبر
                   |Articles |News |مقالات |بيانات

04-02-2018, 01:18 PM

كمال عباس

تاريخ التسجيل: 06-03-2009
مجموع المشاركات: 13944

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Kabar)

    نعود للأخ كبر القائل:-
    Quote: ( اتفق معك في ان مثل هذه الرسائل هي بروباقندا دون ان تقصد ذكرت محاسن النظام (السستم) ، مع اني لا ارى النظام (السستم) يحتاج لرسائل مضادة لنتأكد من محاسنه. قلناها للسادة المعارضين وصانعي الشعارات العاطفية ان النظام شئ والحكومة شئ اخر.. )

    الحكومة - النظام- السستم والدولة!!
    قلت حينما نتحدث عن النظام فإننا نعني المفهوم السياسي المعروف علميا وفكريا ال regime وهو مانسعي لإسقاطه وأقتلاعه ! إقتلاع النظام وإسقاطه - فالنظام ليس هو الدولة وهذه من البديهيات الفكرية والسياسية المعروفة ! مصطلح نظام رديف للفظ حكومة ولكنه ليس مقابل لمفهوم الدولة !
    في النقاشات الفكرية والمنهجية يقال يجب التفريق بين الدولة والحكومة فالدولة هي الهياكل والمؤسسات - هي الخدمة المدنية والجهاز الإدارية والجيش والشرطة وبقية مؤسسات الدولةوممتلكات شعبها - فلتبقي الدولة ولتتغير أو تسقط الحكومات والأنظمة - إسقطوا النظام ولكن حافظوا علي دولتكم وهذا كلام منطقي وعقلاني لم يقل أحد أصلا بنقيضه أو بإسقاط الدولة! فواجبنا للحفاظ علي الدولة وشعبها وهو مايدفعنا لإسقاط النظام الذي قوض أسسالدولة وفرط في ترابها ودمر خدمتها المدنية والعسكرية وأذل شعبها ومزق نسيجه الإجتماعي!!...من الواضح أن السيد كبر حينما ذكر:
    Quote: ( الفيدرالية ، تطور البنيات التحتية ، التوسع في الإعلام ، تطور صناعة البترول ، تطور صناعة الإتصالات ، تطور نظام التأمين الصحي ، وهذه مكاسب عرفها الشعب السوداني)
    أراد - وبحسبي - فهمي - التباهي بما يعتبره منجزات للإنقاذ وقد أتي بهذه النقاط زاعما أن المعارضة تريد إسقاطها ومحوها وقد رددت علي هذا المنطق بقولي
    Quote: ( من قال أصلا إنه يسعي لنسف كبري أو سد أو شارع أو مصفاة أو أنبوب نفط أو يصادر حق مواطن في تأمين صحي - يدفع هو مخدمه مقابل تلك الخدمة ؟*من قال أصلا إنه يسعي لنسف كبري أو سد أو شارع أو مصفاة أو أنبوب نفط هذه المنشآت لايسعي إي شخص لنسفها لأنها ممولة من دمنا وعرقنا وبقروض سيقوم شعبنا بتسديدها ! مايهدد ويخرب البنية التحتية هو ضعف الجودة - والغش الذي صاحب الإنشاء !)
    هتفنا ضد نظام نميري ولم ندعو لنسف ومحو مصنع كنانة الذي هو ملك الشعب - إسقطنا الإستعمار ولم يقول أحد فلندمر مشروع الجزيرة والسكك الحديدية ولم يقل أحد أنسفوا هذة المنشاة الإقتصادية لأنها أقيمت في عهد عبود ! لم يقل أحد ولن يقل ذلك لأن هذه ممتلكات شعبنا !

    (عدل بواسطة كمال عباس on 04-02-2018, 01:31 PM)

                   |Articles |News |مقالات |بيانات

04-02-2018, 04:02 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14265

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: كمال عباس)



    ربـط قيم السماء بالارض .. شعار كيزان جامعة الخرطوم منذ الستينات

    وحكموا البلاد لوحدهـم من 30 سنـة

    وحتى الآن ما استطاعــوا ربط قيم السماء بالارض ؟؟؟؟؟

    يعني مثلاُ يجيبوا ناســـا مقاول ... ؟؟؟؟

    الشعب السوداني أفاق وأصبح واعياً بما يكفي ويعرف ربـه ودينـه مسلمين كانوا أم مسيحيين

    والعبارات المنمقـة هذه ما عادت تسري في أذهان الناس وتأســر ألبابهــم

    حتى تلاميـذ الصفين السابع والثامــن رأوا بأم العين الجوع والفقر والمرض

    وانتشــــر الوعي ... وهذا ما يخيفهــم

    صاحب البوست نفسـه لا يستطيع شرح معنى هذه العبارات المبهمــة المزخرفــة وليس لها أصل

    في دين أو فقه أو شريعـة وليس ملزمــة لأحــد وهي مجرد لغويات مراد منها اظهار

    الثقافة والورع لأناس أثبتت تقارير المراجع العام من 30 سنـة أنهم غير ورعين وغير اتقياء

    هذه اللعبة انتهـــت


                   |Articles |News |مقالات |بيانات

04-02-2018, 08:14 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13444

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: أحمد الشايقي)

    Quote: صاحب البوست نفسـه لا يستطيع شرح معنى هذه العبارات المبهمــة

    هو مشى وين صاحب البوست؟
                   |Articles |News |مقالات |بيانات

04-02-2018, 09:56 PM

Mohamed Doudi
<aMohamed Doudi
تاريخ التسجيل: 27-01-2005
مجموع المشاركات: 2834

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد أبوالعزائم أبوالريش)

    الاخ كبر مره اخرى

    كذاب يا محمد دودي..عبد الرسول النور ومحمد علي المرضي كانوا حكام كردفان ، ولم يحكموا ولايات شمال كردفان وجنوب كردفان وغرب كردفان..ولا انت فاكر ده نجر من راس اخوك كبر ساكت؟..ده الواقع كده ، وتقسيم كردفان لولايات عندو مبررات واقعية واهل الولايات هم من فرض على الحكومة الفيدرالية بتاعة الكيزان ديل هذا التقسيم.. فأي سودان انت قاعد تتكلم عنو يا محمد؟..
    في عهد حكومات حزب الأمة ، منذ الإستقلال وحتى سنة 1989 لم يكن هناك حكم فيدرالي في السودان ، وانما تطبيق مجوبك لفكرة دكتور جعفر محمد علي بخيت ونظام جعفر نميري بتاع الحكم الإقليمي..وده حصل بعد 1986!

    هل فعلا درس القانون يا كبر وكمان باعرق جامعه بالسودان ؟ ام تريد ان تكابر وتكاجر وتضيع وقتى ووقت عزيزى القارى؟...ياخ انا اعتبر هذا الحوار مثاقفه بيننا نستفيد من بعضنا البعض فيا سيدى
    الحكم الاقليمى الذى وضعه نميرى وسارت على هداه الديمقراطيه كان حكما فدراليا من حيث المجالس التشريعيه واداره الولايه لنفسها ولكنه ليس كفدراليه الغرب او جنوب افيقيا واندنوسيا وماليزيا لان الحاكم كان يتم تعينه مركزيا كما الان وكان من المفترض ان تناقش الفدراليه فى المؤتمر الدستورى لولا الانقلاب المشئوم. انا شخصيا كنت ارى ان تعمم فدراليه اتفاقيه اديس ابابا على كل السودان. اى باحث او متابع للشان السودانى يؤكد من غير شك علو كعب تجربه نميرى والفتره الديمقراطيه على تجربه الانقاذ المشوهه التى قسمت الناس لقبائل وخشم بيوت وادت الى جهاز ادرى مرهل اصبح عاله على التنميه والمواطن بربك امريكا بعظمتها 350 مليون فيها 50 ولايه وكندا تانى اكبر دوله مساحه فى العالم عدد محافظاتها 10 فقط.

    كذاب وابن ستين كذاب يا محمد دودي..انا في كندا ، طيلة وجودي 18 سنة ، قاعد اساهم في علاجي..لم اتلقى علاج مجاني مية في المية من كندا (حاليا قاعد استخدم بعض العلاجات وقاعد ادفع نسبة مئوية والباقي بتدفعو الشركة الشغال معاها ، مافي حكومة في كندا بتدفع لي علاج بنسبة مية في المية..!!)..
    زرت السودان مرتين ، مرة سنة 2012 ومرة سنة 2015 ، في المرة الأولى ربنا حفظنا وقضيت وكتي في السودان ورجعت ، في المرة الثانية كنت عيان في مدينة الدلنج ، اشقائي وابي وامي (الله يرحمها) ، كلهم تبرعوا لي بان اذهب واقابل طبيب لأنو بطاقاتهم للتأمين مكتوب فيها اسمي كعضو اسرة..واستغرب احد اشقائي حينما قلت له: انا مواطن اجنبي..!!
    مشيت قابلت صيدلي ، ولحسن الحظ كان دفعتي في جامعة الخرطوم ، وذكرت ليهو المرض بتاعي والأدوية القاعد اخدها في كندا..وقال لي: ح اديك بدائل..!!
    ودفعت ثمنها وشلتها ومشيت في حالي..!!

    يا كبر مفروض نحترم بعض شويه
    بالمناسبه انا فى كندا منذ 1994 والعلاج مجانى ياكبر لا تخدع عزيزى القارئ ..لو كنت شغال فصاحب العمل او الشركه تدفع الدواء والاسنان اما اذا كنت تاخذ رعايه اجتماعيه من الحكومه فكله مجانا عدا محافظه كوبيك حتى تكلفه الدواء مجانا....فيا كبر العلاج فى كندا مجانا

    لمهم يا صديقي حكاية تشبك لينا جابوا كاشا وين ولا زعيط ومعيط ودوهم وين..ده كلام عاطفي يا محمد..ولو دايرنا نستعدى حزب الأمة بنعرف شغلنا كيف..!
    معليش يا صديقى كيسك فاضى ومقدود كمان ...انت الظاهر عليك مغيب تماما او لا تدرى شئئا عن السودان
    عزيزى القارى ....الرئيس البشير قال بان انتخابات الولاه كانت نتائجها عكس الهدف فساهمت فى تفشى التعصب والقبيله ولذا رجع لتعيين الولاه وفرض ولاه من غير ابناء الولايه....الاستثناء كان احمد هارون فقط
    كلامى علمى وحقيقى وانت الذى تتكلم من غير درايه...قال عاطفى قال
    انت شنوا ولا منو ال بستعدى حزب الامه؟ والله كلام....ناسك ناس الانقاذ لم يستطيعوا ترويض ذلك المارد وقبلهم كل النظم الدكتاتوريه ....كدى انت قول كلامك ده لاحباب كالقرى فقط ....ناس خالد اصيل ومحمد عبدالرحمن او للجاليه فقط

    الحكومة الآن في مفاوضات مع الحركة الشعبية (جناح الحلو) ..حزب الأمة عندو شنو عشان يقدمو لينا عشان نضحي عشانو؟..نحن ناس المناطق المتاثرة بالحرب..
    اها المفاوضات انتهت ؟ الم اقل لك بان المؤتمر الوطنى غير مستعد لدفع فاتوره السلام. وان الحروب الداخليه وفتنه وتفتيت المجتمعات هو الدافع الوحيد لبقاءهم فى السلطه(خلق عدو مهما كان) لتبرير بان البلاد مستهدفه لتمرير كل قوانين الاسثتنائيه وتبرير قتل وتعذيب وتشريد الشرفاء

    الرغيف..نحن ناس ماريق ودخن وسمسم وفول..ولو ضربتنا مجاعة المخيت بيمرقنا منها..!..حميرنا وتيرانا وكرعينا بتشيلنا..يعني يسحبوا دعم من بنزين دي ما فارقة معانا..!
    عليك الله ده تفكير زول عندو قضيه؟؟؟
    يا كبر يا حبيب ارتقى لمستوى الحوار؟
    بالمناسبه الخبر اقل تكلفه من الكسره والعصيده لنسبه لارتفاع تكاليف الانتاج نتيجه للجبايات والرسوم الكبيره التى تفرض على المنتج والتاجر

    دودى
                   |Articles |News |مقالات |بيانات

04-02-2018, 10:00 PM

Mohamed Doudi
<aMohamed Doudi
تاريخ التسجيل: 27-01-2005
مجموع المشاركات: 2834

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد أبوالعزائم أبوالريش)

    هتفنا ضد نظام نميري ولم ندعو لنسف ومحو مصنع كنانة الذي هو ملك الشعب - إسقطنا الإستعمار ولم يقول أحد فلندمر مشروع الجزيرة والسكك الحديدية ولم يقل أحد أنسفوا هذة المنشاة الإقتصادية لأنها أقيمت في عهد عبود ! لم يقل أحد ولن يقل ذلك لأن هذه ممتلكات شعبنا !

    عفاركم عليك يا كمال
    الظاهر اخونا كبر يفتش ليهو فى وزاره او وظيفه كبرى من الانقاذ
    حتى لو كان مستشار صحفى بكندا
                   |Articles |News |مقالات |بيانات

10-02-2018, 07:59 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: علي دفع الله)

    قيم السماء بتاع فنيلتك
    -----------------
    قيم السماء بتاعة ربنا يا معلم الغفلة ..انت بتدرس شنو؟ إلحاد؟!!!
                   |Articles |News |مقالات |بيانات

13-02-2018, 08:20 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: د.أحمد الحسين)

    ما الغرابة يا دكتور احمد فيمن يطرح البديل الاسلامي عوضا عن الوضعي وقد جربنا الرأسمالية والإشتراكية..اذا كان الأمر استهبال كما يدعون فالعلمانيون هم المستهبلين دي اسقاطات منهم يدعون للديمقراطية وهم أكثرديكتاتورية (تجربة مصر نموذجا) وتجربة انقلابات الشيوعيين في السودان نموذجا آخر
                   |Articles |News |مقالات |بيانات

10-02-2018, 07:47 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: منتصر عبد الباسط)

    عقل المعارضة غير حاضر في المشهد
    -----------------------------
    المعارضة عقلها مع هدم الدولة فكرة الحزب الشيوعي
                   |Articles |News |مقالات |بيانات

10-02-2018, 07:45 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Deng)

    الكيزان الجد جد، أقتنعوا بأن إنهيار الدولة قادم وافي أي طريقة لتفاديه، ولكن بعض الإنتهازية والمتملقين مازلوا يرغبون في بقاء هذا النظام الفاسد وذلك لأنهم أغتنوا فيه.
    --------------
    والجنوبيين الجد جد اقتنعوا بانهيار دولتهم الوليدة وكذلك السودان الجديد
                   |Articles |News |مقالات |بيانات

10-02-2018, 07:43 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Elbagir Osman)

    خزنة وتنك
    ولحية فشنك
    طلع البدر علينا أم..
    يا مستهبل..
    .. طلع البنك
    البنك ولحية فشنك دي حقت اليهود ما حقت مسلمين..البنوك فكرة يهودية عشان كدة قلنا الناس ترجع لي ربها
                   |Articles |News |مقالات |بيانات

10-02-2018, 07:38 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Kabar)

    محمد بشير عبادي..حبابك يا صديق
    اولا التحية لشعارك (اعلاميون بلا جمود) فكرة ظريفة وعصرية واتمنى ان تواظب عليها انت وغيرك من اهل الإعلام..
    وبعد..
    ------------------
    أشكرك أخي كبر على مداخلاتك القيمة الموضوعية التي أكفتني مدادا كثيرا كنت سأريقه توضيحا لوجهة نظري فكأنما كان هناك توارد خواطر رغم أنني لاول مرة أتشرف بمداخلاتك كما أشكرك على إطرائك على مسمى (إعلاميون بلاجمود) .
    سأعلق لاحقا على مداخلاتك بشئ من التفصيل
    دمت بخير وعافية
                   |Articles |News |مقالات |بيانات

10-02-2018, 07:30 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: كمال عباس)

    ولكن هل النظام السياسي - مربوطة بقيم السماء ؟هل نظام الحكم برئاسة جمهوريته - يعبر عن قيم السماء ومرتبط بها؟ الهيمنة والإقصاء والفساد والإستبداد - معبر عن قيم السماء !؟ * أها ياسيد عبادي -بوتد قوي يربط بين السماء والأرض - ورينا رؤيتك لمعالجة - الميزان التجاري وميزان المدفوعات وتقليل الوارد وزيادة الصادر؟ وتقوية العملة الوطنية
    أها قول الربا قد حرم وإعتمدنا عليا الزكاة - قد ورينا - رؤيتك التأصيلية - للضرائب والجمارك ؟ - هل قيم السماء تبيح الغاء مجانية العلاج والتعليم والغاء الدعم للسلع الأساسية وتكريس معظم الميزانية للأجهزة الأمنية ؟*
    ----------------------
    اذا ربطنا اقتصادنا بقيم السماء ده كله بجي وأكتر ..في صدر الاسلام كان يطاف بأموال الزكاة ولا يجدون من ينفقونها عليه في عهد سيدنا عثمان بن عفان رضي الله عنه كان صحابة رسول الله صلى الله عليه وسلم يقولون صرنا نعد الألف والألفين من دنانير الذهب وهم ذاتهم الذين كانوا يربطون الحجارة على بطونهم من الجوع
                   |Articles |News |مقالات |بيانات

10-02-2018, 07:20 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Nasr)

    لماذا يعين البشير الفاشلين والفاسدين في حكومته؟؟؟
    -----------------------
    ديل بعضهم كانوا ناسكم بتجمعكم وجبهاتكم المتعددة
                   |Articles |News |مقالات |بيانات

10-02-2018, 07:17 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)

    أولا معذرة لكل الأخوة المتداخلين على تأخري للرد والتعليق نسبة للمشغوليات ..أرحب بالذين أتفقوا معي أو من أختلفوا وكذلك من سخر وتهاتر فكل إناء بالذي فيه ينضح وهذا أسلوبه ليس يعنيني تغييره
    فكرة البوست واضحة هناك رسائل تحريضية انتشرت في وسائل التواصل الغرض منها توجيه الرأي العام نحو هدم الدولة بنظامها السياسي بدعوى المحافظة على الوضع الراهن حتى لانعود لاقتصاد الندرة ومعروف هدم الدولة هي أجندة معروفة لحزب بعينه هذه فلسفته البناء على الأنقاض .. المقال فند ذلك وقدم روشتة مبسطة للمعالجة الاقتصادية بصورة اسعافية تفاصيلها يعلما أهل الإقتصاد أما عناوينها الرئيسة فيدركها الجميع في السودان وهاهي نتائجها ظهرت للعيان تراجع سعر الدولار ووقفت الهرجة ..أختتم المقال بمقترح لحل جذري لقضية الإقتصاد السوداني وهو تطبيق المنهج الرباني في المعاملات الإقتصادية والتجارية أحل الله البيع وحرم الربا والزكاة هي المورد الرئيس لبيت مال المسلمين ..ألا يشكي الناس حاليا من الجبايات والعسف والفساد في تحصيلها وهي تذهب لجيوب بعينها لا يستفيد من عائدها عامة الشعب ..ألا يتحدث أهل الإختصاص عن معوقات الاستثمار والانتاج والصادر..فإلام الضجة الكبرى إلام ؟
    الضجة سادتي ان رأس السوط هبش الذين كانوا وراء هذه الهوجة
                   |Articles |News |مقالات |بيانات

10-02-2018, 07:32 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4945

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)



    Quote: .أختتم المقال بمقترح لحل جذري لقضية الإقتصاد السوداني
    وهو تطبيق المنهج الرباني في المعاملات الإقتصادية والتجارية أحل الله البيع
    وحرم الربا والزكاة هي المورد الرئيس لبيت مال المسلمين .


    يا عبادي قبل ما تزوغ

    إنت جاي بعد 29 سنة من حكم الإسلامين
    عشان تقول الحل هو تطبيق المنهج الرباني
    طيب الكيزان المطرطشين ديل كانوا بيطبقوا في شنو ؟
    منهج شيطاني أو منهج شنو يعني ؟
    ما ياهم شغالين كل السنوات الفاتت دي شابكننا (شريعة شريعة ولا نموت)
    غشوا الناس بإسم الدين , وإنت جاي تبيع للناس الوهم دا تاني؟
    وتفعد تقول نربط الإقتصاد بقيم السماء؟
    ما بتفتروا من التجارة بإسم الدين
    خجله ساكت مافي
    موية وش برضه مافي
                   |Articles |News |مقالات |بيانات

10-02-2018, 07:43 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37752

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عبدالعظيم عثمان)


    ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

    ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى


    1-التجاهل
    2- التجاهل
    3- التجاهل

    يجب فضح جميع الكيزان وبعض المندسين الجبناء.

    أنه لمخجل جدا أن يدعي البعض الوطنية وهم يقفون مواقف المتفرجين


    ومعا لكشف عصابة مافيا الانقاذ وجميع المأجورين

    ولا نامت أعين الجبناء والعار للذين ينشرون أكاذيب الكيزان في
    هذا المنبر

    يجب فضح جميع الكيزان وبعض المندسين الجبناء.

    أنه لمخجل جدا أن يدعي البعض الوطنية وهم يقفون مواقف المتفرجين



    .......
    قيم في عيمك ايها الكوز الدجال
                   |Articles |News |مقالات |بيانات

10-02-2018, 10:06 PM

Nasr
<aNasr
تاريخ التسجيل: 18-08-2003
مجموع المشاركات: 8497

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Mustafa Mahmoud)

    نواصل حوارنا
    قال مبتدر البوست
    "أحل الله البيع وحرم الربا والزكاة هي المورد الرئيس لبيت مال المسلمين"
    لأن راعي البوست جهجهنا وحيرنا
    نسأل سؤال بدهي ومهم
    الدعوة لربط الإقتصاد بقيم السماء
    موجهة للشعب أم للحكومة ؟؟؟؟
    إذا كان السؤال موجه للشعب
    فالشعب حيلته شنو؟؟؟؟
    هل يملك البنوك؟؟؟ وهي المرابي الأكبر والأول
    الحكومة "الأسلامية" تملك بنوك ربوية
    وتستجلب قروض ربوية
    بل وتطلب من البرلمان الكيزاني
    أن يحيز لها إستجلاب القروض الربوية
    فيفعل البرلمان ذلك
    بل وهناك من علماء السلطان من يصدر فتاوي بذلك

    والحكومة الإسلامية
    هي التي ترهق كاهل الناس بالضرائب والجبايات والمكوس والجمارك
    وأنت توحي بأن مصدر دخل بيت مال المسلمين يجب أن يكون من الزكاة فقط
    والحكومة إذن تخالف الشرع الإسلامي
    ومع ذلك فأنت تدافع عنها
    ولا تريد لها إسقاطا

    مقطع من مساهمة راعي البوست
    "تنتشر رسائل هذه الأيام مضمونها يرسم صورة سوداء قاتمة لحال الدولة وينذر بإنهيارها نسبة لتدهور قيمة الجنيه السوداني وعدم معالجة أمره حتى هذه اللحظة . إلى هنا والأمر مقبول ،فالجميع في السودان يعلم مدى تدهور الإقتصاد وإنعكاسه على حياة الناس معيشيا وإجتماعيا ولكن الأمر غير المقبول لما جاء في هذه الرسائل هو الدعوة بخبث لإقتلاع النظام"

    السؤال المحير
    حكومة خربت الإقتصاد
    لأنها من وجهة نظرك
    لا تربط الإقتصاد بقيم السماء

    حكومة زي دي خايف عليها من السقوط ليه؟؟؟؟؟؟
    الحكومة الفاشلة دي والسبب فشلها أنها لا تطبق الإسلام وطرقه وشرائعه
    داير تحافظ عليها ليه ؟؟؟؟

    أحترم من يقول "حتي ولو فشلت إقتصاديا وسياسيا فهي حكومة إسلامية
    وأن لا أسمح بإسقاط حكومة إسلامية "
    لكن زي شغلك دا ما محترم عندي

    ثم يا راعي البوست والذي يدعي لقيم السماء
    لماذا تكذب وأنت تعلم أن الكذب خصلة لا تليق بالمسلمين تماما
    ففي حديث للرسول أن المسلم قد يسرق ويزني ولكنه لا يكذب

    فأنت تقول هنا
    "فكرة البوست واضحة هناك رسائل تحريضية انتشرت في وسائل التواصل
    الغرض منها توجيه الرأي العام نحو هدم الدولة بنظامها السياسي بدعوى المحافظة
    على الوضع الراهن حتى لانعود لاقتصاد الندرة ومعروف هدم الدولة هي
    أجندة معروفة لحزب بعينه هذه فلسفته البناء على الأنقاض"

    أنت تعلم والقاصي والداني يعلم أن فكرة هدم دولة الكيزان
    ليست هي أجندة لحزب واحد فقط "دا إذا إنت قاصد الحزب الشيوعي"
    أنت تعلم أن هدم دولة الكيزان الظالمة
    وبناء دولة السودانيين العادلة
    هي مطلب جل الأحزاب السودانية الفعالة في الساحة السياسية
    نقصد أحزاب الأمة والإتحادي والشيوعي والبعث والأحزاب والحركات الجهوية مسلحة أم غير مسلحة
    ومعظم من كتب هنا يفند كلامك
    أو كتب يدعو للخروح ضد دولة الكيزان
    ليسوا شيوعيين
    فلماذا الكذب يا هذا ؟؟؟؟؟

    ودي الكذبة الثانية
    فأنت تقول
    "المقال فند ذلك وقدم روشتة مبسطة للمعالجة الاقتصادية
    بصورة اسعافية تفاصيلها يعلما أهل الإقتصاد أما عناوينها الرئيسة
    فيدركها الجميع في السودان وهاهي نتائجها ظهرت للعيان
    تراجع سعر الدولار ووقفت الهرجة"

    فهمنا مما قلت أنك قدمت روشتة والحكومة عملت بالروشة وظهرت نتائج ذلك
    في تراجع سعر الدولار ووقف الهرجة "
    فسألنا سؤال مهم:
    وما هي روشتك للعلاج ؟؟؟؟
    "إذا العلة ليست في النظام السياسي ولا في النظرية ..
    العلة سادتي في فشل الحكومة الحالية، يجب على رئيس الجمهورية التدخل فورا
    وتغيير التشكيل الوزاري الحالي وبسرعة لأنه فشل في إنزال السياسات لأرض الواقع ،
    فشل في إبداع أساليب تعالج الإشكالات الراهنة المتمثلة في شح الكتلة النقدية في البنوك
    وبالتالي إختلال الميزان التجاري ومعالجات هذه الإشكالات يعلمها الراعي في فيافي السودان "

    أولا المشكلة في وجهة نظرك في الحكومة وليس النظام ولا النظرية
    أها الرئيس ما حل الحكومة كما تريد
    (وينوبك ثواب تورينا الرئيس ما حل الحكومة الفاشلة دي ليه؟؟؟
    وإنت ذات بتكون داير تعرف ...)

    دي وصفتك الأساسية والرئيس ما أشتغل بيها
    وبرضو مصر
    علي أنه وصفتك إشتغلو بيها ونجحت !!!!!!

    أما إذا كنت تقصد الحزء دا من الوصفة
    "فشل في إبداع أساليب تعالج الإشكالات الراهنة المتمثلة في شح الكتلة النقدية في البنوك
    وبالتالي إختلال الميزان التجاري ومعالجات هذه الإشكالات يعلمها الراعي في فيافي السودان "

    فدي برضو ما تمت
    بل والبنك المركزي عاجل المشكلة علي عكس ما تقول
    البنك المركزي بدل أن يعالج إشكالات شح الكتلة النقدية
    هو زاد من شح الكتلة النقدية
    فهو وقف سيولة النقد
    (يعني منع الناس من إنه يشيله قروشهم من البنوك)
    وهذا أكثر فعل ما إسلامي
    أن تمنع الناس من مالها وممتلكاتها
    دا نهب وشغل رابطيين لا حكام
    (ما عندها فرق من الحرابة)

    الرئيس الفاشل وحكومته الفاشلة
    برضو ما عالجوا مشكلة إختلال الميزان التجاري
    طبعا لأنك ما ناقش كيف يرتبط الميزان التجاري بالكتلة النقدية
    ولا حتي عارف ما هو الميزان التجاري
    فما حنضيع معاك وقت في الحتة دي

    لكن برضو كذبت
    ما في أي معالجة تمت للميزان التجاري
    (يمكن أنت تتعالج إذا صادرات السودان
    حصلت التسعة مليار فإتفرج يا سلا م )

    المهم
    دولتك الإسلامية والتي تحاف عليها من السقوط
    ليست إلا مرابي رباطي ويقوم عليها علي بابا كبير الحرامية
    (وهم أكثر من أربعين بكتير)
    ولو أنه طبقت عليهم الشريعة الإسلامية
    لقطعت أيديهم للسرقة ولقطعوا من خلاف وصلبوا
    للحرابة (وأولها سرقة السلطة في إنقلاب عسكري
    وبدأوا بعدها في سرقة الناس ومالهم بإسم التمكين)
    ولغربوا من الأرض للجبايات والمكوس والجمارك
    التي يأخذون من الناس ظلما
    ويصرفونها في غير مواردها
    (زي حج الدستوريين وفيللهم وعرباتهم )

    سرقة مشروع الجزيرة
    سرقة الخطوط الجوية
    سرقة خط هيثروا
    سرقة الخطوط البحرية
    سرقة المدينة الرياضية
    سرقة الأراضي السكنية
    سرقة واردات الذهب والبترول
    هذا قليل من آلاف السرقات
    بل وملايينها

    طبق لينا قيم السماء في ديل
    وإنت عارف عقوبة "السماء" فيها
    وخليك من الكتلة النقدية والميزان التجاري
    (وناسك ديل تاني ما يقولوك حاجة إنت ما فاهمها)

    بعد كل هذا الكذب بإسم الإسلام
    حتقابل ربك كيف؟؟؟؟
                   |Articles |News |مقالات |بيانات

11-02-2018, 07:32 AM

د.أحمد الحسين
<aد.أحمد الحسين
تاريخ التسجيل: 17-03-2003
مجموع المشاركات: 3259

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: Nasr)

    وده انجليزي يا مرسي؟..

    الأكثر اضحاكا يا استاذنا انو الجمهورييين دعوا لمظاهرة في يوم 18 يناير 2018 وكل المرقوا بيهو انهم قدموا الفطور (سندوتشات فول وموية) لعساكر الإحتياطي المركزي ..عشان يجوا بعد داك الجمهوريين يعملوا منظر: اكلنا العساكر فطور وقاموا اعتقلوا الناس..!!

    حليل ابونا المك ادم ام دبالو..جيوش السلطنة الزرقاء بتاعة بادي مين كده ما عارف..بتحاربوا بالنهار ..وبالليل بيرسل ليهم العشا..ولم يمن على احد..الى أن جاء كتاب التأريخ ، فيما بعد، ليذكروا هذه الحقيقة..!!!

    هل كان الأستاذ محمود محمد طه ، يا دكتور احمد الحسين ، بيقدم الطعام والشراب للسابلة والهوام عشان يعمل رصيد نضال يجي يبتز بيهو الناس فيما بعد؟..مثلما يفعل تلاميذه وتلميذاته اليوم..!!

    ده هو الموقف المضحك يا صديقي..انو تلاميذ وتلميذات الأستاذ يقدموا ليهم شوية طعام لعساكر الإحتياطي المركزي ويجوا يبتزوا الشعب السوداني بهذه الفعلة..ويقولوا لينا بلا خجلة..فطرناهم وقاموا اعتقلوا الناس..!

    شكرا محمود محمد طه..ربيت ناس..ولكن يا استاذنا..ناس خانت التربية..!!

    كبر
    YahooURLEmailProfileEditرد على الموضوع |Articles |News |مقالات |بيانات
    Ustadh Kabar Salam
    Yes, this is English and do you believe me I write scientific papers for publication in the Journals of the English folk themselves. By the way, the Republicans had not said we gave the security people food. Other people spread this story
                   |Articles |News |مقالات |بيانات

11-02-2018, 07:38 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: عبدالعظيم عثمان)

    يا عبادي قبل ما تزوغ

    إنت جاي بعد 29 سنة من حكم الإسلامين
    عشان تقول الحل هو تطبيق المنهج الرباني
    طيب الكيزان المطرطشين ديل كانوا بيطبقوا في شنو ؟
    منهج شيطاني أو منهج شنو يعني ؟
    ما ياهم شغالين كل السنوات الفاتت دي شابكننا (شريعة شريعة ولا نموت)
    غشوا الناس بإسم الدين , وإنت جاي تبيع للناس الوهم دا تاني؟
    وتفعد تقول نربط الإقتصاد بقيم السماء؟
    ما بتفتروا من التجارة بإسم الدين
    خجله ساكت مافي
    موية وش برضه مافي
    ----------------------------
    ازوغ امشي وين يا خوي عبدالعظيم ترانا قاعدين في بلدنا السمحة ام كتاحة دي..ناس النظام مخيرين مع ربهم المهم الاقتصاد الاسلامي هو الحل جربنا الاشتراكية والرأسمالية كلها مانفعت لأنها مرفوعة على عمد مادية..ياسيدي الانسان كما يحتاج لغذاء الجسد يحتاج لغذاء الروح المسألة ليست رفاه مادي فقط يعني ماتجي تتحدث لي عن مجانية ايه ومرتبات قروش بس اتحدث لي عن تربية روحية مقابلة والقروش دي ذاتها يجب تأصيل تحصيلها ..والا حنكون كالغرب او الشرق رفاه مادي وامراض اجتماعية ادمان اكتئابات انتحار تفكك اسري وووو ..البرنامج متكامل يا استاذ
                   |Articles |News |مقالات |بيانات

11-02-2018, 07:19 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)

    هل الغلاء وظلم الحكام للمحكومين بسبب الذنوب؟
    الأصل أن كل مصيبة إنما هي من نتاج الذنوب، وقد قال سبحانه {وما أصابكم من مصيبة فبما كسبت أيديكم ويعفو عن كثير} وقال جل من قائل في شأن من هم أزكى وأطيب وهم أصحاب رسول الله صلى الله عليه وسلم حين هزموا يوم أحد {أولما أصابتكم مصيبة قد أصبتم مثليها قلتم أنى هذا؟ قل هو من عند أنفسكم} فالله تعالى لا يظلم الناس شيئاً ولكن الناس أنفسهم يظلمون، {ولا يظلم ربك أحدا} {وما ربك بظلام للعبيد} {إن الله لا يظلم مثقال ذرة}.
    ولا يعني هذا أن الحكام مأجورون على ظلمهم رعيتهم ولا أنهم معفون من تبعات هذا الظلم، بل هم مؤاخذون محاسبون، ولن يفلتوا من عقوبة ربنا سبحانه في يوم تشخص فيه الأبصار، وقد يعجل الله لهم العقوبة في الدنيا بما يسلطه عليهم من أنواع النكال من خلع أو محاكمة مثلما حصل لطغاة العرب حديثاً ومن قبلهم شاوشيسكو في رومانيا ورضا بهلوي في إيران وغيرهم كثير، وقدقال سبحانه {وكذلك أخذ ربك إذا أخذ القرى وهي ظالمة إن أخذه أليم شديد}.
    الشيخ: د. عبد الحي يوسف
    ----
    نقلا عن موقع النيلين
                   |Articles |News |مقالات |بيانات

11-02-2018, 09:21 PM

محمد النيل
<aمحمد النيل
تاريخ التسجيل: 08-10-2009
مجموع المشاركات: 5778

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)
                   |Articles |News |مقالات |بيانات

14-02-2018, 08:21 PM

محمد بشير عبادى
<aمحمد بشير عبادى
تاريخ التسجيل: 12-04-2016
مجموع المشاركات: 1048

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)

    حكم الجمارك التي تفرضها الدولة على البضائع الداخلة إليها، ولذلك حالتان:

    الأولى: أن تكون على بضائع المسلمين، وهذه إذا كانت تؤخذ من أصحاب البضائع في مقابل خدمات تؤدى إليهم كلُ حسب بضاعته فلا حرج في ذلك ولا يجوز التهرب منها، لأنها حق على صاحب البضاعة وجب عليه الوفاء به.

    أما إذا كانت الجمارك تحصل في غير مقابل، أو في مقابل خدمات لا تبلغ الرسم الجمركي، فإنها حينئذ داخلة في المكس والضرائب المحرمة، وقد قال صلى الله عليه وسلم: لا يدخل الجنة صاحب مكس. رواه أحمد وأبو داود والحاكم.

    والمكس من الغصب، قال المرداوي في الإنصاف: ويدخل فيه -أي الغصب- ما أخذه الملوك والقطاع من أموال الناس بغير حق من المكوس وغيرها.

    وهناك حالة يجوز فيها فرض الضرائب والجمارك على المسلمين وهي فيما إذا كانت الدولة مضطرة لذلك وليس في خزينتها ما يفي بتلك الضرورة ولم يحصل تسيب لذلك المال بصرفه في غير وجهه.

    والحالة الثانية: أن تكون على بضائع غير المسلمين، وهي جائزة، فقد أخذ عمر بن الخطاب رضي الله عنه العشر من تجارات غير المسلمين، وفي سنن أبي داود عن النبي صلى الله عليه وسلم: إنما العشور على اليهود والنصارى، وليس على المسلمين عشور
    نقلا عن اسلام ويب
                   |Articles |News |مقالات |بيانات

14-02-2018, 08:42 PM

كمال عباس

تاريخ التسجيل: 06-03-2009
مجموع المشاركات: 13944

للتواصل معنا

FaceBook
تويتر Twitter
YouTube


Re: أربطوا إقتصادنا بقيم السماء بدلا من إقتلا (Re: محمد بشير عبادى)

    الأخ محمد بشير عبادي
    طرحت عليك محددة ومباشرة تطلب إجابات دغرية ومباشرة ! إن كنت تملك إمكانات فكرية وحوارية وثقافية فتفضل بالإجابة عليها وعلي طرح الآخريين ! - كن علي قدر المسؤلية
    -- وإلا فإن الخلاصة التي سيصل لها إي قارئ موضوعي هي أن أنصار النظام يفتقرون للقدزاتالفكرية - وأكيد أنك بهذا تضر النظام من حيث تريد له النفع !
    هذه هي الإسئلة :
    (((ولكن هل النظام السياسي - مربوطة بقيم السماء ؟هل نظام الحكم برئاسة جمهوريته - يعبر عن قيم السماء ومرتبط بها؟ الهيمنة والإقصاء والفساد والإستبداد - معبر عن قيم السماء !؟ * أها ياسيد عبادي -بوتد قوي يربط بين السماء والأرض - ورينا رؤيتك لمعالجة - الميزان التجاري وميزان المدفوعات وتقليل الوارد وزيادة الصادر؟ وتقوية العملة الوطنية
    أها قول الربا قد حرم وإعتمدنا عليا الزكاة - قد ورينا - رؤيتك التأصيلية - للضرائب والجمارك ؟ - هل قيم السماء تبيح الغاء مجانية العلاج والتعليم والغاء الدعم للسلع الأساسية وتكريس معظم الميزانية للأجهزة الأمنية ؟*
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de