منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 17-12-2017, 12:09 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أحمد محمد عمر.......... بوست ............

18-10-2017, 07:18 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


أحمد محمد عمر.......... بوست ............
                   |Articles |News |مقالات |بيانات

18-10-2017, 07:23 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    ما عندي صبر

    مجرد سؤال ليك وللجميع

    ليه ناس تقنية المعلومات والكمبيوتر بشكل عام السودانيين ما موهوبين في الشغلانة دي

    عشان أوضح الصورة
    لو مشيت لهندي فاتح محل أو مكتب متخصص في الموضوع وطلبت منو أي شيء بعملوا ليك
    السودانيين ما بقدرو يعملوا أي شيء

    ليه في رأيك
                   |Articles |News |مقالات |بيانات

18-10-2017, 07:25 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مع العلم
    عدد السودانيين الدرسوا كمبيوتر وتقنية معلومات عدد مهول
    لكن مافي ناس بارزين
                   |Articles |News |مقالات |بيانات

18-10-2017, 07:31 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    الكلام دا ليس تقليلا يا جماعة لكن مجرد ملاحظة
    قد يكون في ناس كويسين لكن ما لدرجة التميز
                   |Articles |News |مقالات |بيانات

18-10-2017, 08:07 PM

Asim Ali
<aAsim Ali
تاريخ التسجيل: 25-01-2017
مجموع المشاركات: 1242

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    الاخ حمد - كل سنه وانت طيب
    حسب ظنى انو قصه الدراسه عندنا بتخضع للقيمه الاجتماعيه للتخصص زى الطب والهندسه زمان فى العقدين او الثلاثه الماضيات ظهر جانب اخر
    وهو التخصص المطلوب فى السوق وبيحقق وضع كويس للزول على سبيل المثال هندسه البترول والدراسات الخاصه بمجال الكمبيوتر
    .ببساطه القصه ماموهبه او حب للمجال يقود للابداع فيهو القصه بحث ن مهنه تضمن وضع مادى جيد ومطلوبه فى السوق.
    .اما المثال للجانب الاخر فالهنود والروس من انبغ الناس فى الدراسات المرتبطه بالرياضيات والهندسه والعلوم عموما لذلك تجد ايام الدوله الامويه اوالعباسيه ..
    تجد ان النوابغ من تلك المناطق.وحتى لو شفت اوروبا وامريكا تلقاهم متمكنين فى المجالات دى .
    معليش استرسلت ......لكن الخلاصه انو الزول لو دخل مجال من دن موهبه او رغبه حقيقيه وكان فقط بسبب ان التخصص يضمن مهنه ذات دخل جيد
    ماح يقدر يقدم جديد ويكون شغال بالقصور الذاتى

    (عدل بواسطة Asim Ali on 18-10-2017, 08:18 PM)

                   |Articles |News |مقالات |بيانات

18-10-2017, 08:19 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28634

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Asim Ali)

    انت يا حمد قايس على المحيط الحولك في السعودية,مجال الـ I.T مجال حديث نسبيا كعلم او كممارسة وطبيعته تختلف عن المجالات الأكاديمية الأخرى و التفوق فيه ما زي بقية العلوم مكتبة ومذاكرة وحفظ ثم امتحان ..إلخ إلخ
    المهم العايزاقوله شنو, السوداني المميز حقيقة في المجال دا ما بتلقاه في السعودية براتب اربعة او خمسة آلاف ريال
    يا قاعد في السودان معلم كبير يا في امريكا وبرضو معلّم كبير, المعاكم ديل الناس القرو و خشوا المكتبة وذاكروا وحفظوا وامتحنوا واغتربوا واشتغلوا
    نفس القاعدة على الهنود بس الفرق في النسبة و التناسب
                   |Articles |News |مقالات |بيانات

18-10-2017, 08:41 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Asim Ali)

    مافي سوداني داخل البلد بيعتد بي شغلتو لأنو ما موكلاهو عيش ..إلا الكيزان وجماعة السوق ....دا سبب واحد من عدة اسباب جلها تخص التخصص نفسو ... ونشوف احمد بقول شنو وبنرجعلك كان الله هون ....حمدنا واحمد ... هلا وغلا ...

    (عدل بواسطة Salah Zubeir on 18-10-2017, 11:22 PM)

                   |Articles |News |مقالات |بيانات

18-10-2017, 10:35 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8093

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    انا غايتو باقي اليوم ده موقف نفسي الفة :)
    البوست ده شكله متجه نحو مناطق التوتر واثارة التناحر والبغضاء.
    هل من الممكن مناقشة اي ظاهرة او فرضية في صورتها العامة بعيدا عن ربطها بفلان او علان
    من اعضاء المنبر او حتى غير الاعضاء؟
                   |Articles |News |مقالات |بيانات

18-10-2017, 11:27 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: سيف النصر محي الدين)

    ههههه احمد دا يا دكتور صاحبي الاسفيري
    لكن لازم نسمع كلام الألفه ليعم السلام ...
    كلامك صحيح وعدلناها ... شكرا" دكتور.
                   |Articles |News |مقالات |بيانات

18-10-2017, 11:35 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8093

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    تشكر يا هندسة
                   |Articles |News |مقالات |بيانات

19-10-2017, 00:41 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: سيف النصر محي الدين)

    هههههه سلامات للجميع
    حمد الشين القالوا عاوزين يحظروا صورته

    الـ IT ما موهبة .. علم وقراية كتيرة شديد ومتابعة وتجاريب عملية .. كل ما اشتغلت اكتر كل ما عرفت أكتر
    بختلف من باقي المجالات في سرعة التطور .. يومياً في تقنيات جديدة وأساليب جديدة
    نحن السودانيين كسلانين عشان كدة صعب جداً نتميز فيه
    الهندي البصلح ليك اللابتوب دة بقعد في المحل 18 ساعة لا بكل لا بمل بياكل وهو ماسك الماوس عشان كدة كل المشاكل مرت بيه بينما السوداني الفي وضعه بشتغل 3 ساعات وبعديها بزهج ويقعد يلعب بالتلفون وأسوأ حاجة فيه ما بقتنع بي إنه دة مكانه! حاسي بالامتعاض وبشتغل مجبور لأنه مفروض يكون مدير كبير وكدة
    الحاجة التانية إنه مع اعتماد الناس على تقنية المعلومات أغلب يومها في كل أنشطتها اتوسع المجال بصورة تصعب المتابعة ونحن ناس قاباضين الواحد داير يكون بتاع ذكاء اصطناعي وقواعد بيانات وفوتوشوب في نفس الوقت
    الحاجة التالتة شغل الكمبيوتر بعتمد على الوهمة يعني كل ما خلعت العميل كل ما شلت منه قروش اكتر ونحن السودانيين ما بنعرف نقدم نفسنا كويس
    والبنجحوا في تقديم نفسهم ما بعرفوا يشتغلوا كويس
    أسماء كتيرة كانت ملء السمع والبصر في فترة من الفترات على إنهم الخبراء القرو في لندن وامريكا وبتاع ويجيبوهم لينا في ندوات أيام الجامعة ونقول وحاتهم .. أول ما تحتك بيهم في شغل حقيقي تكتشف إنهم مواطنين صالحين .. يعني ناس عاديين يأكلون الطعام ويمشون في الأسواق وبرامجهم ضاربة .. والله صحي

    في حاجة حأجيك ليها بعدين واللي هي الفرقة الشاسعة بين العملي والنظري
                   |Articles |News |مقالات |بيانات

19-10-2017, 04:14 AM

Maawya Hussein
<aMaawya Hussein
تاريخ التسجيل: 27-12-2007
مجموع المشاركات: 9282

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    كمبيوتر مان الدفع الاوائل خرجت مهندسيين مميزين جدا وشطار وابتعثت جزء كبير منهم لدراسات عليا في اوروبا واغلب المبتعثين استوعبتم مؤسسات اووروبيه وما رجعو تاني .فلا البلد ولا الجامعه استفادت من تاهيلوم . كمبيوتر مان تدريجيا الحكومه مارست عليها ضغوط لحدي ما دمرتا كباقي المؤسسات التعليميه

                   |Articles |News |مقالات |بيانات

19-10-2017, 04:33 AM

حيدر حسن ميرغني

تاريخ التسجيل: 19-04-2005
مجموع المشاركات: 19862

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Maawya Hussein)

    (تفضيل الهندي على السوداني ) مزاج بس ليس إلا- زي الإعتقاد في ماركات الجوالات والسيارات والساعات
                   |Articles |News |مقالات |بيانات

19-10-2017, 01:12 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مرحب بيكم جميعا
    بداية يا أحمد لما فتحت البوست صدقني ما متأكد تماما إنك دارس تقنية معلومات لكن الموضوع دا حائص لي بسبب الأهمية الكبيرة للعلم في تسهيل تلقي واستخدام بقية العلوم والأنشطة
    تانيا أنا معلوماتي ضعيفة جدا في المجال دا بسبب إني ما درستو ولصعوبة فهم تقنياتو لغير الدارسين

    وخلونا نبدأ بالتعريف المنقول دا

    تعريف تقنية المعلومات
    وهو علم ظهر مع ظهور الحاسوب في تاريخ 1993 م، وهو علم معروف في اللغة الإنجليزية (IT (Information Technology وهي دراسة تشمل (الصتميم، التطوير، دعم، تفعيل، أو تقديم الخدمات التي تعتمد على الكمبيوتر) وهذه تقنية المعلومات التي يتفرّع منها تخصصات عدّة والتي تشمل ( البرمجة ، المعالجة، والتخزين، ومعالجة البيانات، والحماية، وعمليات الإرسال . IT وهو إختصار ل تكنولوجيا المعلومات والتي أصبحت من أوائل التخصصات المطلوبة في الوقت الحالي على مستوى العالم وبالأخص بالدول التي تشتهر بالتكنولوجيا وتعتمد بشكل كبير على أعمالها في الحاسوب، وهو المصدر الأوّل لسير الأعمال بالشكل المطلوب وخصيصاً في الشركات الكبيرة التي تهتم بتطوّر أنظمتها، ولا يتم التطوير في الشركات الحالية إلاّ بتطوّر التكنولوجيا فيها والتي تكون من إختصاص أناس مختصين في مجال تقنية المعلومات بشتى مجالاتها، فهو علم واسع يندرج تحت إسمهِ تخصصات كثيرة والتي من خلالها يمكن أن يختص فيها شخص ويصبح من المبدعين . تعتبر تقنية المعلومات من أكبر وأهم التخصصات التي تتطوّر بشكل كبير وعلى مستوى العالم، فهو من المجالات التي لا يستطيع فيها الشخص أن يتوقّف في مرحلة معيّنة فهو عليم يتطوّر في كل لحظة ويجب أن يواكب الشخص الذي يختص في أحد تخصصات تقينة المعلومات وتكنولوجيا المعلومات أن يواكب العالم بشكل مستمر وغير منقطع أو متقطّع، فهو من أهم عناصرهِ الإستمرارية في التعلّم والتطوير الذاتي . كيف تكون مبدع في تقنية المعلومات من المعروف أنّ تكنولوجيا المعلومات IT يتفرّع منها تخصصات كثيرة إختر منها ما يناسب قدراتك وطموحاتك والمجال الذي يهواهُ قلبك وابقى على تواصل معهُ حتّى آخر يوم في حياتك وملازم لهُ . إبحث عن كل شيء جديد في التخصّص الذي إخترتهُ واصنع الأفكار وصيغها بطريقتك وبإبداعك . إختر البرمجية الأكثر طلباً وأكثرها شهرة، وهذا لا يمنع معرفة البرمجيات الأخرى، ولكن إختر شيئاً وابقى فيه حتى النهاية لتصل الى قمة المعرفة في التخصص . الصبر على التعلّم، ف فروع الحاسوب بشكل عام تحتاج الى صبر كبير على تعلّمها، فهو من المجالات الواسعة فيجب أن تصبر على تعلّم هذه التقينات لتبدع فيها . التخصصات التي يتفرّع منها تقنية المعلومات إدارة البيانات Database . تخزين البيانات Database Storage . علم الحاسوب Computer Science . الشبكات Network . الحماية Security . التدقيق الأمني للحاسوب Security check of the computer . الشبكة العالمية (برمجة الإنترنت) Web Developer And Web Designer . البرمجة Programming . تقنية الإتصال والمعلومات Information And Communication Technology . تحليل الأنظمة Analysis . إختر ما ترغب من هذه المجالات واستمر في تعلمها ولا تتفرّع بأكثر من فرع وابقى على صلة مع واحدة فقط وابدع فيها واعطها كل ما لديك حتى تعطيك ما تريد حتى تصل الى القمة .

    ونواصل
                   |Articles |News |مقالات |بيانات

19-10-2017, 04:47 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    Quote: ليه ناس تقنية المعلومات والكمبيوتر بشكل عام السودانيين ما موهوبين في الشغلانة دي
    +++
    عدد السودانيين الدرسوا كمبيوتر وتقنية معلومات عدد مهول
    لكن مافي ناس بارزين

    بس تقنية المعلومات ليست موهبة، ربما تكون من أشق المجالات
    +++
    إيه يعني "مهول"؟
    نسبة كم من المتخرجين؟
                   |Articles |News |مقالات |بيانات

19-10-2017, 05:01 AM

عبد العزيز محمد عمر

تاريخ التسجيل: 16-02-2013
مجموع المشاركات: 2679

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)


    لم يجدوا فرصتهم في العمل لاكتساب الخبرة...
                   |Articles |News |مقالات |بيانات

19-10-2017, 05:14 AM

muntasir

تاريخ التسجيل: 07-11-2003
مجموع المشاركات: 2862

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: عبد العزيز محمد عمر)

    سلام ودالبشرى يعني قصدك إن السودانيين الشغالين IT في السعودية مالهم ! معاك أحلى ميكرفون منتصر النصيح😀
                   |Articles |News |مقالات |بيانات

19-10-2017, 05:38 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28634

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: muntasir)

    ههههه عشان خاتر النصيح دي ما ح اتجاهلك و ح اعفص لغمك بمزاجي :)
    السودانيين بتاعين الـ I.T في السعودية و غيرها اكتفوا بشهادة التخرج من الجامعة أو المعهد و بحثوا عن وظيفة عادية وتوقّف طموحهم هنا, نادرا ما تلقى مدير القسم مثلا سوداني في الخليج
    ليه لأنهم من الأساس تعاملوا مع الـ I.T كدراسة عادية للحصول على شهادة ثم وظيفة, أنا أرى أن دراسة الـ I.T تملكك tools تدخل بيها العصر من الباب الواسع و تتحدّث لغته لدخول مجالات أخرى أو لتطويرها في رقبتها و هي احد اكثر المجالات تقبل التطوير بل و التغيير
    و التغيير فيها ثوري و جذري يكاد يلغي ما قبله تماما وعلى مدار الساعة, لا أحد من جيل اليوم يعلم عن الـ DOS مثلا, لكن اصغر طفل ممكن يطقطق ليك اندرويد آب في دقايق !
    عشان كدا من يدرس الـ I.T فقط ليتخرج ويحصل شهادة و يتوظف بها عشان يفرمت لابتوب أو ينزّل ليك الأوفس و الأنتي فايرس أو يسطب نتوريك لمحل بيع بالتجزئة بتلقاه قاعد في السعودية و يجي حمد يشيل حاله هنا
                   |Articles |News |مقالات |بيانات

19-10-2017, 05:36 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 5443

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    تحياتي اخ حمد، وأحمد .. وضيوفهما
    في اعتقادي أن سبب بلاوي التعليم، ومابعد التعليم العالي في السودان، تفرخت من :
    - ثورة التعليم العالي قاتلها الله
    - سياسات التعريب الغبية التي تم انتهجتها الإنقاذ.
    لماذا؟
    أولا: لأن التخصصات التقنية عموما مرتبطة ارتباطا وثيقا بمراكز التطور وثورة الأرقام والمعرفة، لا ثورة الحصار أو الانقاذ،
    وأغلب مصادر علوم الحاسب وهندسته وتقانة معلوماته -ان لم تكن كلها- مكتوبة بلغات غير العربية
    لذا فطالب التقانة في السودان لا تنقصه الموهبة ولا الرغبة، بل وسائل اكتساب المعرفة الحديثة
    بينما الطالب الذي يدرس في الهند وغيرها من دول شرق آسيا، ترتكز دراساته في الأساس على اللغات الحية
    التي تنج التقانة، ومن ثم علوم الرياضيات والتقانة في مسار متوازي ، ومن ثم بقية العلوم .
    بمعنى أن الخريج من تلك الدول مهما كان تخصصه، فهو تقني من طراز عالي ، من واقع الممارسة والتعليم.
    ثانيا: خريج تقانة المعلومات في كل العالم يكتسب الخبرة بمجرد تخرجه لتوفر فرص الممارسة والعمل
    بينما خريج الجامعات السودانية يصطدم بعطالة مستدامة، وحتى بعد أن يوظف،
    يصطدم باتجاه كل المؤسسات نحو استيراد التقنية والبرمجيات ، وعدم الثقة إلا فيما هو أجنبي
    ثالثا : المناهج التعليمية في السودان أصبحت تركز على التطبيقات والحزم الجاهزة،
    و بالتالي لاتتيح للطالب فرص الابداع ابتداءا من جذور التخصص وتطويره.
    أما المناهج التعليمية المتخصصة في الهند فهي متطورة جدا ، وتنافس حتى المناهج التي تدرس في الجامعات الأمريكية ،
    بعكس الكورسات التي تدرسها الجامعات السودانية التي عفى عن بعضها الدهر، وأكل وشرب عليها الحصار والفقر .
                   |Articles |News |مقالات |بيانات

19-10-2017, 08:11 AM

طلحة عبدالله

تاريخ التسجيل: 14-09-2007
مجموع المشاركات: 15187

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: عمر التاج)

    Quote:
    ليه ناس تقنية المعلومات والكمبيوتر بشكل عام السودانيين ما موهوبين في الشغلانة دي


    شامي لي ريحة شهادات كرتونية يا حمدوف هههههههه
    أيوة نعم دا بوست عن الشهادات الكرتونية بجدارة وان دخل
    من باب تاني ..
    اعتقد والله أعلم أن البوست في مرمي نيران الجماعة بما
    يستوجب عمل ساتر يا حبيب ..

    من وجهة نظري الشغلانية مربوطة بالموهبة والرغبة والمثابرة
    أعرف بعضهم ما درسوا أصلا والواحد منهم يمكن يفكك ليك
    اللابتوب أو الموبايل حتة حتة ويعيد صياغتو مرة تانية بالطريقة العايزا.
    ياخ ديل علماء اختراع عديييييل كدا .. وقاعدين في السودان مستمتعين
    وممتعين .
    ................
    بوست (النجار والنبلة ) .. coming soon ..

    ...............

    (عدل بواسطة طلحة عبدالله on 19-10-2017, 08:14 AM)

                   |Articles |News |مقالات |بيانات

19-10-2017, 08:24 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4320

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: طلحة عبدالله)

    سلامات يا حمد

    الموضوع ما محصور في تقنية المعلومات
    مجالات كثيرة نحنا لا متفوقين فيها ولا حاجة
    منفوخين ساي بالكراتين الشايلنها الناس
    المصيبة في التعليم ونوعه وطريقته وفي تعاطي المجتمع مع الخريجين
    وفي التدريب والشغل والتطوير
    العالم دا ماشي بي سرعه شديدة ونحنا لسه شغالين نقول
    أفضل الأطباء السودانين
    وأفضل المهندسين السودانين
    وأفضل العساكر السودانين
    وأفضل لاعبي الكورة السودانين
    وأفضل المترجمين السودانين
    وأحسن ناس بتكلموا إنجليزي السودانين
    وأحسن ناس يسوقوا طيارات السودانين
    وأحسن ناس بيزرعوا السودانين

    أها شفت جنس النفخ دا يا حمد هو المطلع زيت البلد دي
    وفي النهاية شهادات التخرج دي مجرد كراتين ما عندها قيمة
    اذا كان من يحملها لم يضيف شيئا للبشرية وللعمل وللعمل
                   |Articles |News |مقالات |بيانات

19-10-2017, 08:25 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: طلحة عبدالله)

    Quote: المناهج التعليمية في السودان أصبحت تركز على التطبيقات والحزم الجاهزة،
    و بالتالي لاتتيح للطالب فرص الابداع ابتداءا من جذور التخصص وتطويره.
    أبداً والله
    جذور الجذور ذاتو
    قرينا من لغة الـ Assembly
                   |Articles |News |مقالات |بيانات

19-10-2017, 08:35 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    ما داير اجيب اسماء وتواريخ
    لما كنا في الجامعة كانوا معانا طلاب نضيفين كدة .. جداااد لنج
    النوع الجاي من آخر الدنيا البي هناك وشايل لابتوب في زمن الكمبيوتر ابو كرشة كان ترف
    بعضهم كان عندهم مواقع اليكترونية والزمن داك الانترنت إلا تشترك فيه بالشهر في نادي الجمعية السودانية للانترنت وبطاقة دخول بالسعر الفلاني وعييييك يعني التصفح ذاتو كان بالجلالة خليك من بناء موقع
    بطقطقوا لغات برمجة وحاجات كانت بتخلعنا كلنا بي اساتذتنا ومسمينهم البروفّات .. كل مستوى في الجامعة فيه واحد أو اتنين منهم
    ظهرت مسابقة لطلاب الكمبيوتر في الجامعات العربية ولا الافريقية ما عارف .. طواااالي ناس جامعتنا دفعوا ليهم حق تذاكر الطيران والإقامة في الفنادق لحدي نهاية المسابقة عشان يمشي يوروا ناس برة العبقرية بتاعتنا
    وحاتك مشوا الليلة جونا راجعين بعد بكرة .. اتنفضوا من صفارة الحكم وجو الطيش زي الما حاصل حاجة
    الطالب المشى معاهم من دفعتنا سألته شنو يا عمك ! انتو قدها وقدود اتخلعتو بي جو المسابقة ولا اتكبكبتو ولا الحصل شنو؟
    قال لي اتغلبنا عدييييل كدة .. بسألوا فينا عن حاجات ولا سمعنا بيها والشفع الصغار المعانا جاضمينها زي الحلاوة .. نحن الطيشة دة مستوانا الحقيقي
                   |Articles |News |مقالات |بيانات

19-10-2017, 08:43 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    في واحد جاب سيرة كمبيوترمان فوق
    لو في جهة بترعى الابداع الطلابي جد جد ياها كمبيوترمان دي
    ما عارفها بعد بقت جامعة المستقبل اتغيرت ولا بنفس طريقتها القديمة
    الداير يستمتع جد جد يتابع مشاريع التخرج بتاعة طلابها
    ياخي في طلاب زمان عملو مشروع اسمه مستكشف الطريق اشترته وزارة الدفاع الاماراتية وانا بي عيني دي شفت ضباط اماراتيين بدبابيرهم حايمين في الجامعة بدربوا فيهم الطلاب على السيستم

    بس عشان الناس تكون صريحة شغل تقنية المعلومات بحتاج امكانيات مادية وطلاب كمبيوترمان هم الأغنى

    (عدل بواسطة أحمد محمد عمر on 19-10-2017, 08:45 AM)

                   |Articles |News |مقالات |بيانات

19-10-2017, 08:47 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    لخصت الموضوع بقصتك دي يا أخ أحمد محمد.
    هي السطحية والمبالغة في الظهور وغياب النقد وتغليب الخاص على العام.

    وفوق كل ذلك
    الهوس بالألقاب.
                   |Articles |News |مقالات |بيانات

19-10-2017, 09:11 AM

محمد الأمين موسى
<aمحمد الأمين موسى
تاريخ التسجيل: 30-10-2005
مجموع المشاركات: 3436

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    Quote: منفوخين ساي بالكراتين الشايلنها الناس


    يا عبدالعظيم شكلك عايز تفتح ليك مصنع إعادة تدوير وتعدّم البلد أي كرتونة لافة... حسب علمي المشكلة في أكياس البلاستيك الطايرة في الهوا وليس في الكراتين!
                   |Articles |News |مقالات |بيانات

19-10-2017, 09:41 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    من الطبيعي أن يبرع الهنود في الكمبيوتر
    اخترعوا الأرقام المعروفة باسمهم وربما الصفر
    وحتى الألعاب التي تحتاج لذكاء اشتهروا بها مثل الشطرنج
    الهندي ممكن يفوز عليك في الشطرنج في الانترنت في دقائق.
                   |Articles |News |مقالات |بيانات

19-10-2017, 09:53 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    قبل كم يوم اتنين في الشغل من الاولاد الجداد ديل بتفاخروا بمعرفتهم والتقنيات الشغالين بيها وانا جنس التحديات دي بكون بعيد منها لأنه معرفتي حقة امبارح عادي ممكن ما تصلح ليوم الليلة
    المهم في النهاية احتكموا لي وقالوا لي تعال قارن بين اساليبنا في تطوير المواقع أي واحد يقول ليك هو بشتغل كيف
    قلت ليهم لا تقولوا لي ولا تكلموني افتحوا الـ sublime text وبديكم مهمة برمجية وبعد 4 ساعات نشوف منو الأنجزها
    فبهت الذي افتخر
    السبب طبعاً إنهم بتاعين ماوسات ساي لكن برمجة أكواد سطر سطر بتجرسهم

    الأدوات الجاهزة في تقنية المعلومات بتصنع كيس النايلون القالو دكتور محمد دة
    الواحد يجيب ليه قوالب جاهزة يعمل ليها حركات بيجاي وبيجاي ويقول ليك شغلي

    رغم إنه شغل الـ IT اكتر شغل في الدنيا فيه عصرة قراية لكن برضو اكتر شغل فيه بالونات هواء بتفرقع بأي احتكاك عملي جاد ودة ظاهر لينا في كل الأنظمة السودانية
                   |Articles |News |مقالات |بيانات

19-10-2017, 10:08 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 15878

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    تحياتي حمد
    وضيوفه
    نحن المستخدمين بنتعب كتير معاهم . اقل مشكلة يقول ليك فرمته . يضيع ليك حاجات مهمة جدا . مافي حل يعني . يقول ليك لا طش
    ف شنو تضطر تتعلم العلم الضروري البخليك تحلحل مشاكلك براك
    اكتشفت انا الغير متخصص ولا قاري مشاكل ممكن تتعالج بدون فرمتة
    الهند صحيح شقيقي بمشي امتحن في الهند امتحانات ماكروسوفت
                   |Articles |News |مقالات |بيانات

19-10-2017, 10:24 AM

محمد مجيدو
<aمحمد مجيدو
تاريخ التسجيل: 06-07-2013
مجموع المشاركات: 1961

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    يا حمد ...

    تصدق انا في سنة 1986 نلت شهادة دبلوم برمجة كمبيوتر ( لغة البيسك )
    من احد المعاهد الامريكية ... وكان الكورس مدتو سنتين ...
    طبعا الان مع تطور علم الكمبيوتر , لغة البيسك والكوبول دي قربت تنقرض ..

    المهم .. اهي كرتونة ومجدوعة في البيت وما استفدت منها اي حاجة ..
    ولا اشتغلت في مجال برمجة الكمبيوتر ..
    حسرة على الدولارات الراحت ساااي

    عاالم بطااالــــــــــــــــــة ,,
                   |Articles |News |مقالات |بيانات

19-10-2017, 11:18 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: محمد مجيدو)

    تحياتي احمد محمد عمر ....
    ياخي خلينا نقلب عليك المواجع شويه ....
    ونسالك من الآتي:-
    1:- هل الكرتونه الاخدتها من الجامعه تؤهلك
    الدخول لي سوق عمل ال IT مباشرة؟
    2:- هل تعلم إنو الهنود من الثانوي بدخلو
    معاهد للحصول علي شهادات سيسكو
    وماكروسوفت ومباشرة" بنزلو سوق العمل
    مع الابديتنق ستريم المتاح ليهو في مواقع
    هاتين الشركتين الامريكيتين فكلو يوم بيعملو
    check لمواقع هاتين الشركتين للحصول علي
    ال latest واخر تقنيات الحلول ... ودا الجايب
    الفرق بين الهندي والسوداني الما متاح ليهو
    يتواصل الا مع الصينين فقط.
    4:- هل بتتفق معاي انو نحنا في السودان علي بعد
    سنين ضوئيه من محترفي ال IT ... الذين تعاظم
    دورهم في الحياة اليومية وبقو مهمين في اي
    وزارة او مؤسسه او شركة خاصة وبالتاكيد حتي
    في بيوتنا الخاصه.
    5 :- في الخليج ومع تعاظم دور ال IT صار من
    المتعارف عليه تخصص IT help desk وهو
    يعني بال peripherals من سيرفرس وبيرسونال
    كمبيوترس .... الخ ويعمل به حاملي شهادات
    ماكروسوفت.
    والتخصص التانيNetwork Engieer والذي يعني
    بالشبكه من سويتشات وراوترس و LAN و WAN ... إلخ
    ويعمل به حاملي شهادات سيسكو ...
    وفي دي بقي تلقي الهنود مجضمين شغل الهلب ديسك
    وال نتورك لانو بعد الثانوي وفي ريعان الصبا تلقاهم
    كاوشو شهادات ماكروسوفت وسيسكو في سنتين اوتلاته
    سنوات بالكتير وبقي محترف IT ... عشان كدا ممكن
    يركبو في اي وظيفة واي مشكلة مستعصية ممكن
    يحلوها مع الهلب ديسك بتاع ماكروسوفت وسيسكو
    البيكون اونلاين 24 ساعة في اليوم.
    تحياتي ....
    تعديل :- سحبت سؤال شخصي لي احمد ... خفتا ساي.

    (عدل بواسطة Salah Zubeir on 19-10-2017, 11:56 AM)

                   |Articles |News |مقالات |بيانات

19-10-2017, 11:39 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    Quote: الكوبول دي قربت تنقرض
    قربت شنو يااااا مجيدو ياخ !
    وحاتك دي اندفنت وبقت بترول هسة لدرجة لمن نعد الكائنات المنقرضة الديناصورات بتاعة الكمبيوتر ولا بنتذكرها ذاتو :)
                   |Articles |News |مقالات |بيانات

19-10-2017, 12:11 PM

عليش الريدة
<aعليش الريدة
تاريخ التسجيل: 17-08-2015
مجموع المشاركات: 1334

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    الطرفة القديمة البتلخص جزء من المشكلة،قالوا في طالب هندسة الكترونيات على وشك التخرج،
    يوم حبوبتو سألتو من قرايتو شنو،بعد ماوراها جابتليهو رادي حقها معطل قالتليهو صلحو لي..
    الشاب هبش فيهو وغلبو يصلحو،قاليها :ياحاجة راديك دا وديهو السوق،وكان عندك مسألة جيبيها النحلها ليك...
                   |Articles |News |مقالات |بيانات

19-10-2017, 12:12 PM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    سلامات صلاح
    انت لمست الحتة الكنت عاوز اتكلم عنها اللي هي الفرقة الشاسعة بين النظري والعملي
    مع الأسف مقررات الجامعة ما بتأهلك لسوق العمل
    السبب إنه الأساتذة - إلا من رحم ربي - منظراتية ساي
    في مشاريع التخرج لمن تغلبنا حاجة ونمشي ليهم يقولوا لينا ما بنشتغل معاكم كود لأنه الكود دة شغلة طلاب .. طبعاً بكترة الحك في النهاية اكتشفنا إنهم ما متعمقين في الأكواد لأنهم ما برمجوا .. بس اتخرجوا أوائل الدفعة ومسكوا طباشيرة

    بالنسبة للشهادات بعترف بإني كسلان شديد وفعلاً هن في البال

    أنا أكتر واحد في الدنيا مقتنع بإني قاعد ساي .. كل ما أقول جضمت مجال امشي اشوف اخر ابديت في اليوتيوب ألقى لي وِليد امريكي بتكلم عن حاجات لا سمعت بيها ولا أظن اسمع بيها .. أيوة بعيدين ونص وخمسة رغم المعرفة البقت مكشحة في شوارع النت .. زمان كنت بحاول احلل في الأسباب لكن في النهاية أي فاشل بلقى مبررات لي فشلو .. ياهو الكسل .. أي مشكلة غيره محلولة

    بالنسبة لشغل الصيانة والشبكات ما تبعي أنا من سنين كدة اتجهت لتطوير الويب ومشاكلنا أسوأ بكتير من ناس الهلب ديسك .. يزازي بيك هكر يحميك النوم شهر
                   |Articles |News |مقالات |بيانات

19-10-2017, 12:20 PM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    يا ابو سن
    الكمبيوتر دة ساهل لأنه قوقل ما قصر مع الناس
    أفضل المصممين الاتعاملت معاهم ما قروا كمبيوتر
    بعرف معلمين كبار في النت دة ما قروهو أكاديمياً لكن بستخدموا الحزم الجاهزة دي ويعدلوا فيها لمن يحيرونا

    يا عليش زمان في الداخلية كهربة غرفتنا اتعطلت
    جمبنا ناس هندسة كهرباء نادينا واحد منهم يصلحها قال لينا جيبو ورقة وقلم ارسم ليكم الدائرة لكن لا بشيل لي زردية لا مفك :)
    وحاتك لمن فتشنا ناس تربية تقني القرو المدرسة الصناعية ديلك حتى نجدونا
                   |Articles |News |مقالات |بيانات

19-10-2017, 01:48 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    هلا عاصم علي

    التخصص المطلوب فى السوق وبيحقق وضع كويس للزول على سبيل المثال هندسه البترول والدراسات الخاصه بمجال الكمبيوتر .ببساطه القصه ماموهبه او حب للمجال يقود للابداع فيهو القصه بحث ن مهنه تضمن وضع مادى جيد ومطلوبه فى السوق.
    حتى دي يا عاصم نحن ما مجهزين فيها كويس
    السوق محكوم بالعرض والطلب والتنافس
    دول كتيرة اعتمدت على تخطيط القوى العاملة بحيث انها تتناسب مع سوق العمل لذلك صممت مناهجها ومؤسساتها التعليمية وفقا لذلك
    وفي دي بتحدد من هو "المنافس" في مهن محددة وامكانياتو شنو وهل يمكن التغلب عليه؟ ما اندفاع ساي بدون تروي
                   |Articles |News |مقالات |بيانات

19-10-2017, 03:09 PM

محمد الأمين موسى
<aمحمد الأمين موسى
تاريخ التسجيل: 30-10-2005
مجموع المشاركات: 3436

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    أنا غايتو بحترم ناس الآي تي ديل لوجه الله تعالى زي احترام المتصوفين لشيوخهم، لأني ببساطة بنسب جل الفضل الحاصل في تقدم حياتنا المعاصرة لي لغة الجن الاسمها لغة الـ0 و1 التي يتحدثها هؤلاء القوم.
                   |Articles |News |مقالات |بيانات

19-10-2017, 03:11 PM

Rami Abdelkareem
<aRami Abdelkareem
تاريخ التسجيل: 17-10-2017
مجموع المشاركات: 66

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: محمد الأمين موسى)

    سلام حمد
    شكلي كده حاكون اساسي في بوستاتكي
    المشكله الكبيره عندنا هي عدم الاهتمام بالهوايات منذ الصغر
    الهوايات مابس كوره وسباحه الخ
    يعني اكيد في اطفال عندهم هوايات يمسك اي لعبه يفرتقها وعايز يعرف الجواها شنو
    يجي الابو والام ويديهو علقه جامده لانه بوظ اللعبه
    بعدين البلد زاتو مامحفز
    بتذكر قبل عشره سنه كان معانا واحد كان داير يحضر ماجستير في الفيزياء
    اها في الجامعه في شتوتقارت عايزين كان يبدلو الكمبيوترات قالو بدل مايجدعوها
    يدوها لحته تستفيد منها، الراجل كتر خيرو اتصل بي جامعة السودان وحكى
    ليهم الحاصل اتخيل رد ناس جامعة السودان شنو
    قالو ليه طيب البدفع حق الشحن منو
    وقس على ذلك
                   |Articles |News |مقالات |بيانات

19-10-2017, 03:48 PM

قسم الفضيل مضوي محمد
<aقسم الفضيل مضوي محمد
تاريخ التسجيل: 08-01-2013
مجموع المشاركات: 1771

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Rami Abdelkareem)


    .
    ..
    ...
    سلام لكل الشباب في الربع الخالي (هي اقصد في الربع الجديد) ...
    .
    .
    .
    شايف كتير من المداخلات بتثني على الهنود وانهم افضل وما عارف ايه ...
    زمان كان معهد الكليات التكنولوجية بخرج طلاب الان ماسكين مواقع حساسة في الخليج ...
    عارف واحد قريبنا شغال في واحدة من دول الخليج ...
    شغال في العاصمة ولو حصلت اي مشكلة في اي مدينة أخرى الا يسعتينوا بيه ...
    والراجل دا بس كان حده الدبلوم ولا حتى عامل بكالوريوس ، خلي ماجستير ودكتوراه ...
    الداير اقولوا انه الجامعات زمان كانت بتهز وترز والتخصصات كانت موضوعة وفق رؤية معينة ...
    الان في كل كورنة جامعة والخريجين بالالاف والحصيلة (بيق زيرو) ...
    من أسباب التدهور في التعليم عموما في رايي هو انانيتنا كأفراد ...
    أي زول همه في نفسه بس بتين يتخرج ويتخارج من البلاد الظالم أهلها ...
    ما في أي ضريبة وتضحية دايرين نقوم بيها وكل واحد منتظر الباقيين عشان يعملوا ...
    بعرف واحد اسمه استاذ الخير الزين ، الخير فاتح فصل محو أمية للنجارين والحداديين وغيرهم مجانا ...
    وظروفه المادية سيئة جدا ولكن برضو قاعد يحاول ينحت في الصخر عسى ولعل ...
    التحية للاستاذ الخير الزين ولجميع القابضين على جمر القضية في السودان ...
    .
    .
    .
    والتحية موصولة لي حمد عبد الغفار ولجميع زوار البوست ...
    ...
    ..
    .
                   |Articles |News |مقالات |بيانات

19-10-2017, 04:10 PM

علي عبدالوهاب عثمان

تاريخ التسجيل: 17-01-2013
مجموع المشاركات: 6170

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: قسم الفضيل مضوي محمد)

    حبيبنا حمد .. مودتي
    قبل يومين برنامج في التلفزيون القطري ( مش الجزيرة )
    شاهدت برنامج عند جامعة في الهند
    IT .. يتقدم لها مليون ونصف طالب يتم قبول 850 طالب فقط
    وطلبة وخريجي هذه الجامعة مطلوبين في كل دول العالم حتى قبل التخرج
    واجرى اللقاء شاب قطري من داخل الجامعة برنامج جميل ..

    الهنود أذكياء ..
    وعندي زميلي في المكتب ( شوكت ) مدير مشاريع .. كان يعرفني عن قريته في الهند
    صدقني نحن هناك في دنقلا ضواحي الدنيا قرانا زي باريس بالنسبة لقريتهم .. بيوت صغيرة
    حيوانات داخل البيوت ملابس متواضعة أطفال يقطعون مسافات طويلة عشان المدرسة
    سألته عن الحكومة .. قال لي نحن ما عارفين حكومة وأهلنا ما بيعرفوا حتى إسم الرئيس
    إذكرت أهلي زمان في السواقي غير زراعة الساقية ما عارفين الدولة ولا الحكومة لأن ما في حاجة تربطهم بالدولة
    ما سالوا عن الحكومة إلا مع الأزمة وتموين السكر أيام نميري ..

    من الواضح أن الهنود يعتمدوا على انفسهم ويقاتلون من أجل الرزق وتطوير الذات
    فقد لاحظت هذه الاشياء في ( شوكت ) كفاح صحيح وارسل إثنين من اولاده في بريطانيا

    ده شعب عندو إصرار غريب وإرادة قوية جداً .. عشان كده الهند بقت من أقوى الدول

    هم قريبين مننا ممكن نطبق تجربتهم ..

    معليش حمد طولت عليك .. خلينا نمسك درب الهنود ..

                   |Articles |News |مقالات |بيانات

19-10-2017, 04:03 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 5443

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Rami Abdelkareem)

    Quote:
    أبداً والله
    جذور الجذور ذاتو
    قرينا من لغة الـ Assembly

    كدي في الأول رد السلام ، وابدأ بالمتفق عليه وبعدين أعرج على الغلاط ..
    مداخلتي الكئيبة ديك أصلا ما كانت بتتكلم عن جيلكم ، شكلك عجيز ومن زمن بدرسو الاسمبلي
    أنا بتحدث عن بعض جامعات (اليوم) المابتدرس طلبة علوم الحاسب أي من لغات المستوى المتوسط،
    وحتى بعد تخرجهم تلقاهم ساكين كورسات تتعلق بآخر ما وصلته التكنلوجيا والبرمجيات عشان يلحقوا السوق
    قبل سنتين شهدت اختبار قدرات لمجموعة من خريجي الحاسب في مؤسسة كبيرة،
    أغلب الاختبار كان خوارزميات بلغة البيسك (الدرسها مجيدو قبل كم سنة دي)
    تتخيل أغلب الخريجين - وكثير منهم من جامعات مرموقة مصنفة- قالوا مادرسوها ؟
    ختاما الكلام القالو اخ صلاح الزبير ده عين الحقيقة في شان الاختلاف بيننا وبين الهنود ، لذا ارجو يسمح لي أعيدو وأتامله ثانية
    والسلام ختام
    Quote:
    ونسالك من الآتي:-
    1:- هل الكرتونه الاخدتها من الجامعه تؤهلك
    الدخول لي سوق عمل ال IT مباشرة؟
    2:- هل تعلم إنو الهنود من الثانوي بدخلو
    معاهد للحصول علي شهادات سيسكو
    وماكروسوفت ومباشرة" بنزلو سوق العمل
    مع الابديتنق ستريم المتاح ليهو في مواقع
    هاتين الشركتين الامريكيتين فكلو يوم بيعملو
    check لمواقع هاتين الشركتين للحصول علي
    ال latest واخر تقنيات الحلول ... ودا الجايب
    الفرق بين الهندي والسوداني الما متاح ليهو
    يتواصل الا مع الصينين فقط.
    4:- هل بتتفق معاي انو نحنا في السودان علي بعد
    سنين ضوئيه من محترفي ال IT ... الذين تعاظم
    دورهم في الحياة اليومية وبقو مهمين في اي
    وزارة او مؤسسه او شركة خاصة وبالتاكيد حتي
    في بيوتنا الخاصه.
    5 :- في الخليج ومع تعاظم دور ال IT صار من
    المتعارف عليه تخصص IT help desk وهو
    يعني بال peripherals من سيرفرس وبيرسونال
    كمبيوترس .... الخ ويعمل به حاملي شهادات
    ماكروسوفت.
    والتخصص التانيNetwork Engieer والذي يعني
    بالشبكه من سويتشات وراوترس و LAN و WAN ... إلخ
    ويعمل به حاملي شهادات سيسكو ...
    وفي دي بقي تلقي الهنود مجضمين شغل الهلب ديسك
    وال نتورك لانو بعد الثانوي وفي ريعان الصبا تلقاهم
    كاوشو شهادات ماكروسوفت وسيسكو في سنتين اوتلاته
    سنوات بالكتير وبقي محترف IT ... عشان كدا ممكن
    يركبو في اي وظيفة واي مشكلة مستعصية ممكن
    يحلوها مع الهلب ديسك بتاع ماكروسوفت وسيسكو
    البيكون اونلاين 24 ساعة في اليوم.

                   |Articles |News |مقالات |بيانات

19-10-2017, 04:37 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: عمر التاج)

    هلا محمد البشرى

    المهم العايزاقوله شنو, السوداني المميز حقيقة في المجال دا ما بتلقاه في السعودية براتب اربعة او خمسة آلاف ريال يا قاعد في السودان معلم كبير يا في امريكا وبرضو معلّم كبير, المعاكم ديل الناس القرو و خشوا المكتبة وذاكروا وحفظوا وامتحنوا واغتربوا واشتغلوا نفس القاعدة على الهنود بس الفرق في النسبة و التناسب

    يا محمد العلم دا الممارس بتاعو إلا يكون ما عايز يتطور لأنو تطورو منو وفيهو ومتطلبات عملو ياها ذاتا معينات التطور؛ السعودية والخليج صحيح ما داك التطور لكن البنية التحتية لتقنية المعلومات والإمكانيات أكبر من السودان الفيهو المعلمين دا يبقى الفارق شنو : إدراك أهمية المجال دا في الحياة الحالية ومستقبلها
    ورغم إنو دا ما دافع البوست لكن أقول ليك الحصل لي قبل أسبوع
    مشيت لسوداني صاحبي مهندس كمبيوتر عايز أركب واي فاي للكمبيوتر (شلتو شغال) ركب الواي فاي لما جيت البيت الكمبيوتر ما اشتغل قعد يعمل لي تيت تيت ويكنتك
    اتصلت عليهو قال لي الهارد دسك بتاعك تعبان ما استحمل الواي فاي ؟ يا مؤمن يا مصدق قلت بكرة برجعو ليهو عشان يغير الهارد ديسك (200 ريال)
    مشيت الشغل سألت فلبيني بعد وريتو الحاصل قال لي مافي علاقة للحاصل بكلام الزول دا امشي أضغط الواي فاي في الجانب البعيد من مسمار الربط ممكن يكون ما راكب كويس
    جيت البيت قلت ليهم لحقوني موية جنب الكمبيوتر فتحتو ضغطت الواي فاي شغلتا إشتغل زي الحلاوة وللآن.
    دا بوريك محدودية زولنا وما عندو تصور للمشاكل المحيطة بالمسألة وكيفية الـ troubleshooting
    لاحظ دي أبجديات الموضوع البنتكلم فيهو فما بالك بالشبكات الضخمة والبرامج العملية
                   |Articles |News |مقالات |بيانات

19-10-2017, 04:50 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28634

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مثالك دا يا حمد وموضوع الـ troubleshooting عموما وفي مختلف المجالات ما موضوع دراسة! فيه حاجتين الخبرة و الخيال و حاجة تالتة لكن ما طوالي وهي قليل من الحظ
    عادي ممكن الفلبيني ما اذكى من زولك لكن الكيس مر عليه من قبل او كيس شبيه به, بعدين دي ما الـ I.T البتبقيك معلم. شغل الهاردوير دا اي كفتجي ممكن يجضمه
                   |Articles |News |مقالات |بيانات

19-10-2017, 04:51 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    كيفك يا صلاح

    افي سوداني داخل البلد بيعتد بي شغلتو لأنو ما موكلاهو عيش ..إلا الكيزان وجماعة السوق ....دا سبب واحد من عدة اسباب جلها تخص التخصص نفسو ...

    والله يا صلاح صدقا لكلامك دا أنا خليت مهنتي الرئيسية بعد ما وصلتا فيها لمرحلة أقرب للإجادة التامة لأنو القطاع بتاعها نازل في السعودية
    وعندي شهادة دبلوم ترجمة كانت مكرتنة مشيت نفضتها وقلبت لقيت مافي مقارنة رغم إنو دراستي للهندسة الزراعية بالإنجليزي هي الأعانتي في الشغل الجديد
    وهسة لي قريب 9 سنوات الزراعة الحاصل فيها شنو ما عارفو ابتعاد تام
    بس تقنية المعلومات علم خلاس يتحكر في قمة المطلوبات غير إنو علم ممتع في روحو دي يعني اتقانو ما ممل وقد ما تحتاج فيهو لمساعدة الآخرين لو رسخت في بداياتو

    يا جماعة الاقتباس دا حلو شنو
                   |Articles |News |مقالات |بيانات

19-10-2017, 05:02 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    يا محمد البشرى
    قصدي يا محمد التجويد حتى لما تكون الشغلة لقيط مصاريف
    يعني خليك اسم معروف في السوق بالمهارة وسع خيالك ، وقت الفراغ افتح كمبيوترك الفي المحل دا شوف المشاكل المحتملة لكل جزء في الكمبيوتر وهكذا
    تخيل غير الهارد ديسك والمشكلة في محلها ؟
    دي لو عملها لسعودي بقلب ليهو دكانو في رأسو وبدفعو الخسائر كلها ومعاها شتائم بالكسل وعدم الفهم الخ
                   |Articles |News |مقالات |بيانات

19-10-2017, 05:13 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا د. سيف

    هل من الممكن مناقشة اي ظاهرة او فرضية في صورتها العامة بعيدا عن ربطها بفلان او علان من اعضاء المنبر او حتى غير الاعضاء؟

    والله يا سيف الموضوع دا معلق في رأسي ليهو فترة وما مستهدف بيهو أحمد ولا أهل المهنة عموما
    بس احمد بكون فاهم قصدي وحيستجيب واستجابة زول من أهل المهنة بتمشي بالنقاش وبتسلط الضوء على نقاط القصور لأنو التكنولوجيا موضوع ما بقبل (فنيا) التشريع من أي زول
    وهدفي إنو تقنية المعلومات علم وممارسة بضع حد لكثير من الممارسات السالبة في مجالات العمل.
    لذلك بتمنى تطور كبير للمهنة دي وسط السودانيين تسهيلا للعمل وتحسينا للدور الرقابي على التجاوزات

    واتمنى البوست يمشي بشكل سلس
                   |Articles |News |مقالات |بيانات

19-10-2017, 05:16 PM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    سلامات عمر التاج ومعليش ما انتبهت للتحية وحبيت اخش في الموضوع طوالي
    كلامك فيه حاجات كتيرة ما حاصلة زي إنه خريج الكمبيوتر ممكن يبقى عاطل
    بصراحة كدة إلا الزول الكسلان ولا الداير يشتغل 5 ساعات في اليوم ويقبض مرتب آخر الشهر لكن اكتر مجال فيه شغل في الدنيا مجال الكمبيوتر دة وشغل حر كمان بس محتاج لزول شجاع ومغامر

    التعليم العالي ما بدرس أي حزم جاهزة بل بالعكس حالياً في جامعة السودان بدرسوا لينكس بدلاً عن ويندوز
    البرمجة الإجرائية بتاعة البيسك قرايتها ضررها أكتر من نفعها لأنه العالم اتعداها زمان واتحول تجاه البرمجة الكائنية المنحى وحالياً يتم تدريس الجافا في كل كليات الكمبيوتر التي اعرفها
    وكمتابع لمناهج الجامعات الامريكية الكبرى زي MIT وهارفارد وستانفورد ومن تبعهم باحسان في كورسيرا و edx بقول ليك بقلب قوي لا وجود للبيسك وكل لغات البرمجة الاجرائية والعالم تحول إلى الجافا من حوالي 20 سنة وبيدرسوا بعدها بايثون

    مناهجنا ما فيها مشكلة وكتير من الجامعات مواكبة التطورات الحاصلة في العالم خطوة بخطوة .. نحن مشكلتنا في الجانب العملي .. ما عندنا الخبير في المجال .. ناسنا بتاعين نظريات واوراق مؤتمرات ساي لكن ما فيهم أي زول انتج لينا حاجة مفيدة نقول دة البروف السوداني الصمم السيستم الصاقعة داك

    المناهج براءة لكن المشكلة في الاستاذ الما بكفيهو مرتبه وهمو في لقمة العيش عشان كدة بكون شايل طبشيرته ويتجارى من جامعة لجامعة يلحق ساعات التدريس الإضافي
    ودة طبعاً بالإضافة للسبب الأساسي اللي هو احباطنا الهدام من الوضع وكسلنا من التطوير والقراية
                   |Articles |News |مقالات |بيانات

20-10-2017, 00:51 AM

Mahjob Abdalla
<aMahjob Abdalla
تاريخ التسجيل: 05-10-2006
مجموع المشاركات: 5251

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    سلام حمد و ضيوفك
    الهنود صحيح فيهم الشطار جدا و فيهم المتوسط و الاقل من المتوسط لكن الشئ الوحيد البشتركو فيهو كلهم انو
    They know how to sell their experience very
    الهندي لو خبرتو سنة واحدة بقول ليك عشرة سنين و لو عندو بكالوريوس بقول ليك ماجستير.
                   |Articles |News |مقالات |بيانات

20-10-2017, 01:45 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Mahjob Abdalla)

    Quote: لخصت الموضوع بقصتك دي يا أخ أحمد محمد.
    هي السطحية والمبالغة في الظهور وغياب النقد وتغليب الخاص على العام.

    وفوق كل ذلك
    الهوس بالألقاب.
    عارف يا حاتم
    أنا لي يوم الليلة المعلومة المعلومة الشربوها لينا أهلنا الكبار بتاعة إنه جامعة الخرطوم مصنفة الثالثة عالمياً لي هسة ماكلة معاي جمبة
                   |Articles |News |مقالات |بيانات

20-10-2017, 03:59 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    والله حارة ومحبطة ما تعرف تضحك ولا تبكي.
    أها النزيدك
    زميل لي حكى عن قريبو زمان سافر كورس امريكا وقعد قبلو واشتغل هناك.

    أها ناس بيتم في الحي بقوا يصلحوا بيهو الونسة:
    - فلان ولدنا ما بقدر يجي لأنو الأمريكان دايرنو شديد
    - فلان ولدنا مانعنوا يمرق من امريكا نهائيا
    - فلان ولدنا محددين ليهو دول معينة يسافر ليها إجازة
    - فلان ولدنا لمن يجي السودان بيجوا معاهو اتنين حرس

    فلان ولدهم دا عامل في شركة.

    ودي زيها وزي (أولادنا في إيرلندا أحسن دكاترة)
    وزي داك بتاع السويد الحكى قال (الحكومة أدتني الإقامة مدى الحياة) مع إنو دا حق بيثبت تلقائيا مع التقديم للدكتوراة لأي أجنبي هناك.
                   |Articles |News |مقالات |بيانات

20-10-2017, 06:41 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 3432

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    تحياتي الأخ حمد و ضيوفك الاكارم
    و الله نقاش جميل و جاد و مفيد..و فيه تناول بانورامي واسع لكل جوانب مشكلتنا نحن السودانيين:‏
    التعليم –الشخصية السودانية- الكسل- تخلف تعليمنا العالي.و كذلك تخلفنا في علم العصر اللي نحن مقصرين فيه رغم إنه ‏متاح..‏
    العايز أقوله :انتو ما ملاحظين انه نحن طموحاتنا بسيطة في معظم المجالات؟
    ‏ الصحافة: مستوانا محلي .و الزراعة( و هي تخصصي الأولي) برضه ينطبق عليها ما ينطبق على الكمبيوتر..‏
    أنا اشتعلت في الزراعة اكثر من عشرة سنوات لكن للآن لم أطبق ما درسته( معظم الخريجين هم كذلك)..‏
    في الإعلام برضه مستوانا محلي( ما يغركم الكم مذيع او صحفي في قناة الجزيرة)..‏
    في مجال الرياضة( براكم عارفين..طوال تاريخنا الرياضي ما عندنا لاعب لعب في نادي اوروبي.‏
    ‏....أو قدمنا نجاز كروي يُعتد به.و قس على ذلك..‏
    اعتقد مش المشكلة مشكلة جينية باعتبارنا سودانيين ..و لكن المشكلة في طبيعة المجتمع القائم اساسا منذ آلاف السنين ‏على الزهد
    و الرضا تجاه متطلبات الحياة الدنيا..و الاعتماد على ما يسمى باقتصاد الكفاف ..أي الاكتفاء بالحد الأدنى(بما ‏يكفي للمعيشة)‏
    ‏..و قد ساعد على ذلك توفر الموارد الطبيعية و الغذاء و ده لازال مستمر حتى الآن...‏
    و لكن قد يتغير بتغير الظروف و حدوث منافسة على المستوى الاجتماعي إمكن بوادر هذا الوضع بدأت تطل برأسها ‏الآن مع دخول العولمة و اقتصاد النيوليبرالية..‏

    و الله أعلم
    آسف على الإطالة ‏
    و تحياتي للجميع
                   |Articles |News |مقالات |بيانات

20-10-2017, 06:56 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: محمد عبد الله الحسين)

    السوداني قنوع في أي حاجة
    إلا لما يشوف سوداني زيو ببقى هلوع.
                   |Articles |News |مقالات |بيانات

20-10-2017, 07:56 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    تحياتي حمد ....
    بالاضافة لي العيوب الواضحه في
    مخرجات التعليم الجامعي ومحدودية
    طموح الخريجين في التطوير نتيجة
    الظروف الاقتصادية والاجتماعية
    الضاغطه وإختفاء خريجي تعليم
    الدبلوم الذي يصقل بالخبرة العملية
    ويطور لي درجة علمية لاحقا" إذا
    توفرت الإراده (الهند والفلبين سيطرو
    علي سوق العمل حول العالم بفضل
    خريجي الدبلوم) ...
    كان تأثير الحظر الامريكي والغربي علي
    تدفق المعلومات من مصادرها ووقف
    التعامل مع منتجي ومصنعي ادوات
    ومعينات تكنولوجيا المعلومات ال
    reliable حول العالم مما أنتج جيش
    من خريجي ال IT لا حول له ولا قدره
    علي المنافسة.
    اللافت جدا" الفترة الزمنية التي تم
    فيها الحظر الأمريكي والغربي علي
    السودان وهي الفترة التي إنفجرت
    فيها ثورة تكنلوجيا المعلومات في
    بداية الألفية الثالثة حيث تم تغييب
    السودان تماما".


                   |Articles |News |مقالات |بيانات

20-10-2017, 10:05 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    هلا بالضيف أحمد محمد عمر

    الـ IT ما موهبة .. علم وقراية كتيرة شديد ومتابعة وتجاريب عملية .. كل ما اشتغلت اكتر كل ما عرفت أكتر

    قصدت الاستعداد النفسي لتقبل معلومات شائكة ومعقدة وسرعة استيعابها ومهارات تطبيقها والتعامل معاها
    أنا يا احمد ما عايز الناس تخترع جديد فقط هضم الموجود والتعامل معاهو بشكل جيد ومتابعة التطورات فيهو وإذا أمكن تطويره
    المشكلة الرئيسية في تلقي التكنولوجيا هي إنو حركة التعريب فيها شبه معدومة والترجمة القاعدة تحصل هسه دي ما بتقرب المسألة لأنها مجرد ترجمة لعناوين فقط لذلك لا بد من إجادة اللغة الإنجليزية أولا لأنو المصادر الموثوقة كلها بالإنجليزية ولغات أخرى غير العربية.
    مثلا كلمة Byte تلقاها معربة بايت ولو سألت كتير من الناس قلتا ليهو البايت دا شنو ما بكون عارف.
    لذلك الموضوع ما دراسة فقط مثل غيرها من العلوم لا بد من الممارسة المتواصلة ومتابعة المستجدات
    وبرضة المسألة محتاج لمستوى عالي من الذكاء والتركيز والقدرة على المقارنة والصبر


                   |Articles |News |مقالات |بيانات

20-10-2017, 10:35 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا معاوية حسين

    كمبيوتر مان الدفع الاوائل خرجت مهندسيين مميزين جدا وشطار وابتعثت جزء كبير منهم لدراسات عليا في اوروبا واغلب المبتعثين استوعبتم مؤسسات اووروبيه وما رجعو تاني

    فعلا كمبيوترمان بدت بداية قوية بس يا معاوية زمن كمبيوتر مان المسألة كانت في بدايتها يا دوبك وورد واكسل وباوربوينت لذلك لما الأمر تشعب واصبح مطلب حياتي كبير
    بقى عايز امكانيات بشرية ومادية كبيرة، القصة تراجعت. ودا معاه ابتعاد الحكومة عن عملية التطوير بشكل عام.
                   |Articles |News |مقالات |بيانات

20-10-2017, 12:12 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    حيدرنا

    (تفضيل الهندي على السوداني ) مزاج بس ليس إلا

    ما مزاج ، دي الحاجات الما بنفع معاها المزاج لأنو الطالب الخدمة صاحب حاجة ملحة
    الهنود أثبتوا جدارة في الأمر
    الشغالانة شغلانة نمل عايزة كتير صبر
                   |Articles |News |مقالات |بيانات

20-10-2017, 12:38 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا حاتم



    بالتأكيد ، ربما صياغة الكلام ما مضبوطة لكن تظل الموهبة والمهارة هي أساس نوعية مثل هذه المعارف
    الموهبة تُخلق مع الانسان وهي تعينه على سرعة ودقة التعامل مع الأشياء التي لا يقدر عليها غير الموهوب
    المهارة مكتسبة في كثير من الأحيان. الصبر الواحد دا ممكن تعتبرو واحد من الهبات

    أما عن العدد لو كان 10-15 ألف بكون عدد مهول عطفا على حداثة العلم ولو اتلقى ثلت العدد ناس متمكنين ممكون يقودو العمل في الدولة على الأقل المؤسسات الحكومية.

    بعدين الكلام عن الزول المشى أمريكا وقالوا منعو الأمريكان دا لقيتو وين؟
    دا ود خالنا زول شاطر فعلا مشى أمريكا وغطس وللآن لما الناس بدت تسأل ناس أمي وخالاتو وعماتو قالوا الأمريكان منعو إجي لأنو ماسك منصب مهم جدا
    أنا قريب دا بديت أبحث عن الاسم لقيت ليك زولنا قاعدنجي كبير وكان متحفظ عليهو وخاضع للتحقيق بسبب أحداث سبتمبر بتاعة البرجين.

    المهم
                   |Articles |News |مقالات |بيانات

20-10-2017, 12:52 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    غايتو احتمال كبير يكون زولنا دا واحد
                   |Articles |News |مقالات |بيانات

20-10-2017, 05:16 PM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2568

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    سلام صاحب البوست والضيوف ..
    جايي راجع إن شاء الله للموضوع الأساسي بس عندي تعليق بسيط في حكاية انو لغة كوبول قديمة وانقرضت خلاص ، الحاصل انو ولي يومنا ده أكتر المعاملات المالية للمؤسسات الكبرى على مستوى العالم بيتم تنفيذها بلغة كوبول وهسي لو فتشتو في النت حا تلقوا في وظائف مفتوحة لمبرمجي كوبول ، لغة سريعة جداً في التنفيذ وبتشتغل في معظم أنظمة التشغيل وعادي جداً ممكن تطور بيها تطبيقات في الـVisual Studio وممكن يتعمل ليها انتقريشن مع الويب والموبايل.
    أكتر البورصات ، البنوك ، الصرافات الآلية ، معاملات نقاط البيع والبطاقات الإئتمانية ، أنظمة مراقبة الحركة الجوية والحجوزات لشركات الطيران وغيرها كتير شغالة بي كوبول.
    صحيح هي لغة برمجية قديمة وفيها عيوب لكنها عملية جداً وميزاتها مغطية على عيوبها ..

                   |Articles |News |مقالات |بيانات

20-10-2017, 05:52 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 3719

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: محمد عبدالله مختار)

    السبب تقدر تعزيه يا حمد أخوي ..
    لضعف الشق العملي ..
    في كافة التخصصات عندنا ..
    واتجاه الدراسة للتركيز ..
    على لشق الاكاديمي والنظري ..
    الدول النهضت كلها نهضت ..
    بالتركيز على الدبلومات الوسيطة ..
    بسبب التركيز على الشق العملي فيها ..
    ويكون الشق النظري للأساسيات فقط ..
    وشغل المط والتطويل والتنطع ..
    في الشق النظري والاكاديمي ..
    يتم بسترته وحوصلته فيما يفيد الطالب فقط ..
    عشان كده فاتتنا وسبقتنا كثير من الدول ..
    لتركيزها على مسألة متطلبات سوق العمل ..
    واصلا دراسة سيدها يجي يقعد عاطل ..
    او تكون للمنظرة وتعليق الشهادة والوجاهة ..
    الدول دي ما شغالة بي الحكاية دي كتير ..
    المال هو تفكيرهم وتركيزهم عليه ..
    عشان كده نجحوا ..
    ناسنا لي هسه في المنظرة الفارغة ..
    وعايشين بي مزاجهم في انفصام كارثي ..
    وتطنيش كامل لمتطلبات سوق العمل ..
    عشان الدولة عايز تحلب ذوي الطالب ..
    مش لتستفيد الدولة من الطالب لي قدام ..
    يعني تعجيل الاستفادة وجعلها آنية فقط ..
    هنا الفرق .. هي ازمة ضمير ليس الا ..

                   |Articles |News |مقالات |بيانات

21-10-2017, 05:14 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: جمال ود القوز)

    يا حمد أنا ضد التعريب جملة وتفصيلاً
    شرح بالعربي ممكن لكن تعريب العلم نفسه مضر شديد لأنه في مجالنا متغير على مدار الساعة بالتالي حركة التعريب ما بتواكب خاصة وإننا مجرد مستهلكين بينما الانتاج بتم بالانجليزية

    صلاح انت لمست أزمة حقيقية وهي الحصار الحرمنا من الشغل اونلاين جوة السودان
    بس بعترف إنه جميع العلوم كانت متاحة مجاناً على النت وحتى التقنيات الأمريكية المحظورة مننا كانت في ليها بدائل مفتوحة المصدر لو كان عندنا العزيمة ووضعنا المادي مساعد كان ممكن نطور أدواتنا بما يجعلنا في غنى عن الشركات الأمريكية .. بس زي ما انت عارف مع الأسف المبرمج داخل السودان بكون مشغول بسوء شبكة النت وارتفاع اسعار البامبرز بينما غيره مشغولين بورش العمل حول أحدث المنتجات

    محمد عبد الله الحسين كدي ساعدني في معرفة الكائن التحت دة
    يا ربي دة تنين ولا ديناصور ؟

                   |Articles |News |مقالات |بيانات

22-10-2017, 05:46 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Rami Abdelkareem)

    مرحب رامي


    شكلي كده حاكون اساسي في بوستاتكي المشكله الكبيره عندنا هي عدم الاهتمام بالهوايات منذ الصغر

    نشيلك في رأسنا ياخ خلي بوست

    مافي اهتمام الأسباب كتيرة ومع احترامنا لكل مكونات الشعب السوداني أسس التربية عندنا فيها قصور بسبب إنو لحد عهد قريب معظم الآباء والامهات غير متعلمين وما عندهم رؤية للكيفية التي يجب أن يكون عليها ـبناؤهم مهتمين بالفضائل وقيم المجتمع أما الجانب العلمي فالمهم بس تقرأ بالإضافة للفقر المواجه شريحة كبيرة من المجتمع وحتى الجيل المتعلم حاليا النظرة للتعليم نظرة مادية قصيرة الأمد النتيجة إنو ما عندنا مجتمع تعليمي عندو تقاليد وأنظمة ماشي عليها المحاولات كلها فردية
                   |Articles |News |مقالات |بيانات

21-10-2017, 05:45 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    Quote: ناسنا لي هسه في المنظرة الفارغة ..
    وعايشين بي مزاجهم في انفصام كارثي ..
    وتطنيش كامل لمتطلبات سوق العمل ..
    عشان الدولة عايز تحلب ذوي الطالب ..
    مش لتستفيد الدولة من الطالب لي قدام ..
    يعني تعجيل الاستفادة وجعلها آنية فقط ..
    هنا الفرق .. هي ازمة ضمير ليس الا ..

    دا الكلام.
                   |Articles |News |مقالات |بيانات

21-10-2017, 07:44 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    هلا عبد العزيز الشغيل

    لم يجدوا فرصتهم في العمل لاكتساب الخبرة...

    دي ما حجة يا عبد العزيز الخبرة ما بتجي لزول نائم في السرير نحن عندنا مشكلة اننا بنتخوف من المسئوليات الكبيرة

    اقول ليك حاجة انا القدامك دا لو هسه عملوا اعلان لوظيفة رئيس تنفيذي لشركة رأسمالها 500 مليون دولار ما بقدم ليها خوف ساي لأني ما اشتغلت رئيس تنفيذي قبل دا
    مع العلم إنو علميا وعمليا ممكن أكون أفضل من الهندي أو الفلسطيني أو المصري البختاروهو ليها
                   |Articles |News |مقالات |بيانات

21-10-2017, 08:12 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    سلام ودالبشرى يعني قصدك إن السودانيين الشغالين IT في السعودية مالهم !

    مالهم؟

    السلام عليكم يا منتصر
                   |Articles |News |مقالات |بيانات

21-10-2017, 08:18 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا عمر التاج

    بل وسائل اكتساب المعرفة الحديثة بينما الطالب الذي يدرس في الهند وغيرها من دول شرق آسيا، ترتكز دراساته في الأساس على اللغات الحية التي تنج التقانة، ومن ثم علوم الرياضيات والتقانة في مسار متوازي ، ومن ثم بقية العلوم . بمعنى أن الخريج من تلك الدول مهما كان تخصصه، فهو تقني من طراز عالي ، من واقع الممارسة والتعليم.

    دا كلام جيد يا عمر وبخاطب واحدة من أهم الثغرات وهي وسائل اكتساب المعرفة اللهي حجر الزاوية في مثل هذه العلوم المعقدة
                   |Articles |News |مقالات |بيانات

21-10-2017, 08:36 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    طلحة كيفك

    شامي لي ريحة شهادات كرتونية يا حمدوف هههههههه أيوة نعم دا بوست عن الشهادات الكرتونية بجدارة وان دخل من باب تاني ..

    أبدا يا طلحة المدخل واحد رغم قناعتي إنو أي شهادة صاحبها ما بستفيد منها مهنيا تبقى لا قيمة لها إلا بما يوسع المدارك فقط

    بعدين نبلتك دي شرددت لينا العصافير

                   |Articles |News |مقالات |بيانات

21-10-2017, 08:47 AM

طلحة عبدالله

تاريخ التسجيل: 14-09-2007
مجموع المشاركات: 15187

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    نبلتي طلعتها في الوقت الخطأ يا حمدوف عشان كدا
    ما صادت إلا أم قيردون وود أبرق وعشوشة
    فيما فلت القمري والقطا واليمام خخخخخخخخخ
    نبلتي المن زمن رادي الحجار أبو كديس مقابل شرك الوسيم
    القلبي رادو الشايل الجلاكسي والآيفون .. تفتكر لمن الكأس ؟
                   |Articles |News |مقالات |بيانات

21-10-2017, 08:59 AM

عبدالمنعم الطيب حسن
<aعبدالمنعم الطيب حسن
تاريخ التسجيل: 15-11-2012
مجموع المشاركات: 2597

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: طلحة عبدالله)

    Quote: تفتكر لمن الكأس ؟

    ههههها
    اخخخخخخخخ
    مبالغة لاكن!!!!
    وفي غيرو؟
    غايتو الا يخذلو العمر؛
    لكن واااحلاتو....
    سلام طلحة
    ومعليش حبيبنا حمد لبد؛ بس الدردقة بتاعة طلحة دي ما قدرت افوتا....
    .......................
                   |Articles |News |مقالات |بيانات

21-10-2017, 09:00 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مرحب عبدالعظيم

    الموضوع ما محصور في تقنية المعلومات مجالات كثيرة نحنا لا متفوقين فيها ولا حاجة منفوخين ساي بالكراتين الشايلنها الناس


    التفوق درجة تانية بس خلينا في درجة الاتقان
    قبل سنوات بشكل عام تلقى الأطباء السودانيين عندهم درجة اتقان كبيرة للمهنة مقارنة باقرانهم من دول العالم الثالث بما فيها مصر
    والمسألة دي كانت واضحة جدا في دول الخليج (سوق العمالة) ولا تزال الثقة موجودة في كبار الأطباء ودا نتج من التقاليد المهنية الصارمة الكانت سائدة في السودان
    نحن بقى عندنا حاجة ما تقدر تعرفها شنو - عدم ثقة- عجرفة على التعلم والبداية من الصفر - عدم انضباط
    بقينا فاقدين القدرة على التعلم
    وعكسك تماما نحن ما منفخوين بالشهادات ، نحن بنستحقر الشهادات البنحملها وبنستحقر امكانياتنا
                   |Articles |News |مقالات |بيانات

21-10-2017, 02:42 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا محمد الأمين

    لمي المشكلة في أكياس البلاستيك الطايرة في الهوا وليس في الكراتين!

    ولا في الأكياس المشكلة أعمق من حصرها في تقييم شهادات ، أنا بعرف أمريكان في السعودية دي متواضعين في مستوى شغلهم من حيث المعرفة
    السمعة بس والانضباط وقلة الكلام
                   |Articles |News |مقالات |بيانات

21-10-2017, 02:56 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا أبسن

    ف شنو تضطر تتعلم العلم الضروري البخليك تحلحل مشاكلك براك اكتشفت انا الغير متخصص ولا قاري مشاكل ممكن تتعالج بدون فرمتة

    تعرف حاجات كتيرة ممكن تتباصر بدون معرفة كبيرة إلا المصيبة دي لأنو داخله فيها اصعب حاجتين الكهرباء والإلكترونيات
    لو علق بس يا تقفلو يا تنتظروا
                   |Articles |News |مقالات |بيانات

21-10-2017, 02:59 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    سؤال على السريع للمختصين

    تسمع يقول ليك التطبيق دا لا يشمل أجهزة الهاتف الذكي
    مثلا بشاهد في مباراة في الكمبيوتر يقول ليك هذا الرابط لا يدعم الهواتف
    هل المسألة مرتبطة بالسعة مثلا .
                   |Articles |News |مقالات |بيانات

21-10-2017, 06:14 PM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    سلامات باشمهندس محمد مختار
    غايتو الكوبول دي بس ياها البوكسي 81 في الجزيرة :)
    نعم الأنظمة القديمة مصممة بالكوبول بس دة ما بخليها صالحة الآن ببنيتها البتسل روحك عشان تنفذ دالة صغيرونة
    هل ممكن زول عاوز يبرمج ليه نظام لشركة ممكن يسيب الـ php والبايثون ويشتغل كوبول ؟
    هل في حزمة حديثة بتاعة ERP ولا CRM ولا أي حاجة عندها علاقة بالشركات مستخدمة لغة كوبول ؟
    الويندوز والماك واللينكس كلهن معمولات بي C فهل دة دافع لتعلم لغة C في 2017 في وجود سي شارب ؟
                   |Articles |News |مقالات |بيانات

21-10-2017, 07:28 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    هلا بمجيدو



    ممكن تركب من محل وقفت ما دام الفكرة موجودة وأهو محمد مخنار قال ليك الكوبول لسه شغالة

    والله ضيعتا علينا موهبة
                   |Articles |News |مقالات |بيانات

21-10-2017, 07:42 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا عليش

    يا عليش انا يا دوب وزعوني في أولى ثانوي عندي عم قال لي انت يا حمد البنك الدولي زي باقي البنوك في صرافين وقروش وحاجات ؟
    طبعا بُهت الذي دخل الثانوي
    السودان بلد الإمتحانات
                   |Articles |News |مقالات |بيانات

22-10-2017, 08:48 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    Quote: وحتى التقنيات الأمريكية المحظورة مننا كانت في ليها بدائل مفتوحة المصدر

    عندي ود اختي عمرو 10 سنه شديد ومقرم
    ومسمنو الأصلي .... ما برضي بالتقليد والكوبي
    سي دي وحكاية الصف التاني والتالت نهائي.
    فياخوي احمد ناس الأيزو لو قرو الاستيتمنت
    بتاعتك دي حا يتهموك بعدم الإحترافيه ....
    وعدم الاحترافيه في كل المجالات واحده
    من مشاكلنا الكبيرة جدا" التي سوف تعوق
    قيام مشاريع ضخمه في البلد أو تقلل من
    قيمتها إذ قامت (مصنع سكر النيل الأبيض
    وكبري المنشيه) ...
    مع نهاية الحظر سوف تظهر بلاوي تانية
    سببها سوف يكون عقلية البدائل المتوفره
    ورخيصه.

                   |Articles |News |مقالات |بيانات

22-10-2017, 10:19 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    لا يا صلاح انت فاهم الموضوع غلط
    البدائل مفتوحة المصدر أصلية مية المية وممكن تكون احسن من المدفوعة ذاتو
    هسة أغلبية سيرفرات المواقع لينكس ما ويندوز وقواعد البيانات MySql متفوقة على Sql Server بمراحل بعيدة شديد
    في الموبايلات دي الاندرويد مفتوح المصدر ضارب ويندوز فون و IOS زي السلام عليكم
    كل حزم تقنيات الويب الحديثة بقت مفتوحة المصدر بدءً من wordpress وصولاً لبيئات الشركات زي odoo والأسواق الالكترونية زي open cart

    مرة عبد العظيم عثمان لما كان الكلام عن حقوق الملكية قال ليكم الكلام دة لكن مافي زول فهمه .. نحن في تقنية المعلومات بنؤمن بإنه مشاعية العلم بتطوره وكونك تفتح تطبيقك للناس عشان يستخدموهو ويعدلو فيه بتضمن أفضل جودة وتطوير نتاج خبرات تجريبية وتلاقح عقليات
    أمال انت قايل اللينيكس المجاني الهامل قدر يضرب شركة بحجم مايكروسوفت في السيرفرات كيف !
                   |Articles |News |مقالات |بيانات

22-10-2017, 11:49 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    ههههههه قتا لي مفتوحة المصدر ....
    ما ينفع يا احمد تتعامل مع مصادر
    مفتوحه أو مجهوله في بيزنس فيهو
    استثمارات ببلايين الدولارات ...
    أنا شغال في شركه من اكبر ثلاثه
    شركات انتاج الغاز في العالم ....
    الأست بتاعتا ما اقل من 120 مليار
    دولار ... وإنتاجا السنوي يفوق 65
    مليار دولار .... الشركة علي مدار العام
    لا تخلو من اتيام ال ISO و TUV
    صلتي كمهندس إتصالات في البكان
    الانا شغال فيهو بال IT هي تجميع
    كل أنظمة الإتصالات من تلفون سستم
    (2000) وراديو سستم (2500 بورتابل
    واكتر من 200 بيس ستيشن) و CCTV
    (400 camera) وبوبليك ادريس سستم
    وحاجات تانيه حامياني ... كل هذه الانظمه
    digital based وتجميعا في one stand
    alone LAN البيحتوي علي مئات السيرفرات
    وقريب الف سويتش وكلو سيستم عندو
    الاكسس عن طريق الانترنت لي الشركة
    المصنعة ويستعمل فقط للمصايب الكبيره
    وغالبا" تكون عيوب في التصنيع ولازم يكون
    في ابروفال من الادارة العليا للاكسس ...
    ونفس هذه الشركة عندها 5 مواقع اخري
    بنفس هذه الانظمة ....... دا للإتصالات
    فقط وهي تمثل 10% من استعمال ال IT في
    الشركة .... عشان كدا عندما تخطط للاحتياجات
    بي صورة مركزية لازم تخت في بالك ال
    save reliable recourse and manufacturer
    services وما بكون عندك طريقه تتلاعب في
    الحته دي عشان توفر ولا تجرب ولا تختار الأحسن
    كلامك ممكن مفيد لي جهات نشاط ال IT بالنسبة
    ليها لا يمثل العمود الفقري لي نشاطها او شركات
    ربحية زي شركات الاتصالات البتحاول تقلل من
    ال اوبراتينق بدجت علي حساب جودة خدماتها
    (الشبكه كعبه) او (الشبكه طاشا) ودي كلها طبعا"
    نتيجة لضعف نوعية IT infrastructure او لعدم
    وجود الدعم الفني من المصنعين مفتوحي الهوية.

                   |Articles |News |مقالات |بيانات

22-10-2017, 12:04 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    safe reliable resources

    (عدل بواسطة Salah Zubeir on 22-10-2017, 02:05 PM)

                   |Articles |News |مقالات |بيانات

22-10-2017, 12:09 PM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    لا يا حاج نحن ناس مساكين
    أرقامك دي في النت ما بنقراها
    قبل فترة سمعت من واحد بتاع IT إنه جهة ما دفعت 86 مليون دولار لنظام تعليمي أنا بعرفه .. (ما استأذنته في النشر عشان كدة ما بقدر اقول تفاصيل)
    عضيت اصابعي الاطناشر وقلت ليه أحيييييييي انا هسة كان أديتوني مية ألف دولار بس أنزل ليكم google classroom المجاني دة مع شوية سعة من قوقل كلاود واظبط ليه customization تخليهو يلمع كأروع نظام تعليمي مدفوع :)
    لكن تقول شنو ! الملايين باسيادها ونحن لينا الله واعلانات الادسنس :)


    بس كمان في النهاية الشركات بكل أعمالها دي في النهاية حتصطدم ببيئة مفتوحة المصدر حتى لو عبر تطبيقات الجوال
                   |Articles |News |مقالات |بيانات

22-10-2017, 02:58 PM

محمد عمر ابراهيم
<aمحمد عمر ابراهيم
تاريخ التسجيل: 28-05-2017
مجموع المشاركات: 76

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: أحمد محمد عمر)

    سلامات جميعا
    في فرق بين السوداني و الهندي
    معروف ان كل البرامج والتقنيات بالغه الانجليزيه
    والهند الانجليزي عندهم لغه رسميه وكل مراحل الدراسه
    بالانجليزي و بالتالي بكون الواحد بقدر يمواكب التقنيه
    اما نحنا دراستنا بالعربي ومعظم الاجتهادات البحصل
    عليها الشخص بتكون باجتهادات فرديه وحتي الانجليزي
    البنتعلمو بكون حق كلام و مخاطبه لتمشي امور الشخص
    ما نجليزي عمل وتفكير فالهندي بفكر بالانجليزي لانها لغته
    اما نحنا بنفكر بالعربي ونترجمه للانجليزي عشان كده بنلقي
    الناس البتدرس خارج السودان بتكون موهوبه اكتر خاصه
    اذا كان الشخص معظم مراحل دراسته انجليزيه
                   |Articles |News |مقالات |بيانات

22-10-2017, 06:30 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: محمد عمر ابراهيم)

    هلا قسم الفضيل

    الان في كل كورنة جامعة والخريجين بالالاف والحصيلة (بيق زيرو) ... من أسباب التدهور في التعليم عموما في رايي هو انانيتنا كأفراد

    بالإضافة إلى إنو قطاع الأعمال عندنا تقليدي لسه مافي قطاع خاص بضخامة تفتح المجال لوجود بني تحتية للتقنية
    الثقل في المؤسسات الحكومية ودي طبعا ما يحتاج مقصورة على شريحة معينة باسم الدواعي الأمنية

    برضو نحن بنفتقد للجرأة

                   |Articles |News |مقالات |بيانات

22-10-2017, 07:20 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا علي عثمان

    من الواضح أن الهنود يعتمدوا على انفسهم ويقاتلون من أجل الرزق وتطوير الذات فقد لاحظت هذه الاشياء في ( شوكت ) كفاح صحيح وارسل إثنين من اولاده في بريطانيا

    الاعتماد على النفس وصبر النمل
    نحن الحساب عندنا جايط شديد

    بعدين مع كترة تعداد العالم وانتشار التعليم حكاية الواحد يدعي إنو بعرف أكتر من حاجة دي مشكلة أمسك عنوان واحد وأمشي فيهو بتلقى نفسك وصلت العلم بقى متشعب
    هسه موضوع التقنية فيهو أقسام لا تحصى ولا تعد تجويد أي واحد فيها بفتح المجال واسع لصاحبو
    التفاخر بمعرفة أشياء كتيرة دا مهلك جدا
                   |Articles |News |مقالات |بيانات

24-10-2017, 05:25 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا محجوب عبدالله

    الهندي لو خبرتو سنة واحدة بقول ليك عشرة سنين و لو عندو بكالوريوس بقول ليك ماجستير.

    وطبعا كضبو دا بقدر يثبتو عمليا خصوصا في الخليج لأنو بتحاشى الكلام لصعوبة التواصل بالعربي
    وما في شيء بيظهر التناقض غير الكلام الكتير حول الإمكانيات الشخصية
    دا غير الإرث الموجود عندهم
    شعب تعدادو مليار لا بد أن يكون التفكير هو سبيله للعيش
                   |Articles |News |مقالات |بيانات

24-10-2017, 05:51 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مرحب محمد عبدالله الحسين

    و لكن المشكلة في طبيعة المجتمع القائم اساسا منذ آلاف السنين ‏على الزهد و الرضا تجاه متطلبات الحياة الدنيا..و الاعتماد على ما يسمى باقتصاد الكفاف ..أي الاكتفاء بالحد الأدنى(بما ‏يكفي للمعيشة)‏

    زهد مبالغ فيهو يقتل الطموح في الزول

    وكمان ملاحظ لما تنزل السودان بيقولوا ليك المغترب ما بيقدر يقعد في السودان لأنو ما بقدر يطلع حلة ملاحو وهنا ناس السودان ديل أي واحد من الصباح بيعرف من وين جيب ملاحو
    القصة كلها محصورة في حلة ملاح
    الجيل الحالي تحسو متأهب لحياة طموحة بس المسلك ما سليم تحس إنو بعتمد على الفهلوة ومحاولة (التدقيس) أكثر من الفعل الحقيقي المخطط له
                   |Articles |News |مقالات |بيانات

24-10-2017, 06:07 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مرحب محمد عبدالله مختار

    جايي راجع إن شاء الله للموضوع الأساسي

    وفضلنا وحاتك منتظرين -
    طبعا حضور أهل الشغلة بيفتح الحوار على معلومات مفيدة وأهو حاتم ابراهيم وأحمد محمد عمر موجودين ممكن يكون في أخذ ورد ممتاز
    نتمنى عودتكم


                   |Articles |News |مقالات |بيانات

25-10-2017, 07:48 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    هلا جمال

    الدول النهضت كلها نهضت .. بالتركيز على الدبلومات الوسيطة .. بسبب التركيز على الشق العملي فيها .. ويكون الشق النظري للأساسيات فقط ..

    طبعا يا جمال الوظائف الوسيطة هي ال بتقود العمل ما ممكن الناس كلها من بكالوريوس ولي فوق عشان يبقوا مدراء كلهم نحن ثقافة العمل عندنا مختلة جدا الواحد بكون مهتم برأي الناس حولوا أكتر من رأيو في نفسو وهل هو حقق الرضا الذاتي البدفعو للنجاح والتقدم.
                   |Articles |News |مقالات |بيانات

25-10-2017, 07:51 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    كيفك يا منعم

    عادي ياخ بس تدونا خبر بالبطل
                   |Articles |News |مقالات |بيانات

25-10-2017, 08:01 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    مرحبا محمد عمر

    مشكلة التعلم في السودان بقت معقدة بعد التعريب ولسوء الحظ كل العلوم حديثة التكوين الارتبطت بالتطور السريع في التقنية ظهرت بعد التعريب وضعف اللغة الإنجليزية
    اضافة للخوف من المجهول بدراسة أشياء غير مأمونة المستقبل واتجاه الناس للعب المضمون ليها دور
    التعلم والتطور عايز صبر وتضحيات جسام لكنو في النهاية بفيد صاحبو والبلد
    شوف الطبيب والمهندس مثلا كمهن عليها تركيز ما ببدأ يلمع إلا بعد سن الخمسين يعني شغل 25 سنة على الأقل طيب ممكن تصل لتفس درجة اللمعان لو كرستها في أي مجال تاني بتفكير جيد.
                   |Articles |News |مقالات |بيانات

02-12-2017, 07:48 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    نستأذنك يا حمد، في تصحيح الجهالات.

    Quote: ههههههه قتا لي مفتوحة المصدر ....
    ما ينفع يا احمد تتعامل مع مصادر
    مفتوحه أو مجهوله في بيزنس فيهو
    استثمارات ببلايين الدولارات ...
    أنا شغال في شركه من اكبر ثلاثه
    شركات انتاج الغاز في العالم ....
    الأست بتاعتا ما اقل من 120 مليار
    دولار ... وإنتاجا السنوي يفوق 65
    مليار دولار .... الشركة علي مدار العام
    لا تخلو من اتيام ال ISO و TUV
    صلتي كمهندس إتصالات في البكان
    الانا شغال فيهو بال IT هي تجميع
    كل أنظمة الإتصالات من تلفون سستم
    (2000) وراديو سستم (2500 بورتابل
    واكتر من 200 بيس ستيشن) و CCTV
    (400 camera) وبوبليك ادريس سستم
    وحاجات تانيه حامياني ... كل هذه الانظمه
    digital based وتجميعا في one stand
    alone LAN البيحتوي علي مئات السيرفرات
    وقريب الف سويتش وكلو سيستم عندو
    الاكسس عن طريق الانترنت لي الشركة
    المصنعة ويستعمل فقط للمصايب الكبيره
    وغالبا" تكون عيوب في التصنيع ولازم يكون
    في ابروفال من الادارة العليا للاكسس ...
    ونفس هذه الشركة عندها 5 مواقع اخري
    بنفس هذه الانظمة ....... دا للإتصالات
    فقط وهي تمثل 10% من استعمال ال IT في
    الشركة .... عشان كدا عندما تخطط للاحتياجات
    بي صورة مركزية لازم تخت في بالك ال
    save reliable recourse and manufacturer
    services وما بكون عندك طريقه تتلاعب في
    الحته دي عشان توفر ولا تجرب ولا تختار الأحسن
    كلامك ممكن مفيد لي جهات نشاط ال IT بالنسبة
    ليها لا يمثل العمود الفقري لي نشاطها او شركات
    ربحية زي شركات الاتصالات البتحاول تقلل من
    ال اوبراتينق بدجت علي حساب جودة خدماتها
    (الشبكه كعبه) او (الشبكه طاشا) ودي كلها طبعا"
    نتيجة لضعف نوعية IT infrastructure او لعدم
    وجود الدعم الفني من المصنعين مفتوحي الهوية.


    طبعاً كلامك الفوق دا فارغ!
    مالم تكن (ترغب) في إطلاع الكل على خصوصياتك ومهاراتك في توصيل الكبانيات وتركيب الكاميرات
    Who cares؟

    ببساطة نظرتك للأمور هنا يشوبها الجهل الواضح وعدم القدرة على تقدير الأمور من وجهتها الصحيحة إن لم يكن لقصر النظر نصيب في مقالك هذا.
    حنجي نفرتق (رؤيتك) دي من ثلاث وجهات، اقتصادية وتقنية ومهنية.

    ____
    stay tuned.
                   |Articles |News |مقالات |بيانات

02-12-2017, 08:08 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    (who cares )
    You .. idiot .. and here the prove
    (حنجي نفرتق (رؤيتك) دي من ثلاث وجهات، اقتصادية
    وتقنية ومهنية.)
    Who will care ..

    (عدل بواسطة Salah Zubeir on 02-12-2017, 03:45 PM)

                   |Articles |News |مقالات |بيانات

02-12-2017, 11:27 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    مرحب بيكم حاتم وصلاح مرة أخرى
    البوست للجميع للتداول

    نتمنى عودة المعرِّد أحمد محمد عمر
                   |Articles |News |مقالات |بيانات

02-12-2017, 12:51 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    Quote: البوست للجميع للتداول

    🤓🤓🤓🤓🤓🤓
    حمدنا .... التداول حا يتم بس
    ما تلبد ... اعمل ساتر عدييييل
                   |Articles |News |مقالات |بيانات

02-12-2017, 01:44 PM

Mahjob Abdalla
<aMahjob Abdalla
تاريخ التسجيل: 05-10-2006
مجموع المشاركات: 5251

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    الخواجة الفقد المنطق و بدا يفكفك ده شن نفرو؟

    (عدل بواسطة Mahjob Abdalla on 02-12-2017, 01:57 PM)

                   |Articles |News |مقالات |بيانات

02-12-2017, 01:48 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7005

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: Salah Zubeir)

    ابو صلاح كيفك يا زول
    داير اضحك وماني قادر
    ما بلبد بس اليومين دي قافلة معاي بدون سبب
    لكن البوست حسب التداول والسعر المعروض
                   |Articles |News |مقالات |بيانات

02-12-2017, 04:05 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    اعتذار كبير عريض لكل من مرا
    بي هني ... وشكرا" محجوب لما
    اشرت اليه ...
    والاعتذار موصول لي حبيبنا حمد ...

                   |Articles |News |مقالات |بيانات

07-12-2017, 09:17 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)

    الدنيا ويك اند وما عندي حاجه اعملا
    واتا زايغ ... قنا نشوف كتبتا شنو ...
    Quote: نستأذنك يا حمد، في تصحيح الجهالات.

    الله يسألني يوم القيامه ما لاقاني اجهل منك ...
    Quote: طبعاً كلامك الفوق دا فارغ!

    ههههههههه ... إتا زول غلبان ومسكين ...
    Quote: مالم تكن (ترغب) في إطلاع الكل على خصوصياتك ومهاراتك في توصيل الكبانيات وتركيب الكاميرات
    Who cares؟

    موضوع الخصوصيات دا شايفك مركز عليهو
    خلي لي قدام ...
    مهارتي لن تدركها الا ضحي يوم القيامه ...
    توصيل كبانيات دا خلوهو من سنة حفرو البحر
    ما سمعتا بي VoIP ... اجري لي حبوبتك قوقل
    خليهو يثقفك شويه ... يا بليد.
    تركيب كاميرات دا بيشتغلوهو طقم بتاع فنيين
    انا علي اخر النهار اسمع تقرير المهندس المسؤول
    من التركيب واتاكد انو الكميرا تعمل اون لاين واخطار
    الاقسام التي تقوم باستخدامها الكترونيا" ...
    الكلام دا بينفعك تمشي تمسح خبوب كتير كاتبو
    بي هناك ...
    Quote: ببساطة نظرتك للأمور هنا يشوبها الجهل الواضح وعدم القدرة على تقدير الأمور من وجهتها الصحيحة إن لم يكن لقصر النظر نصيب في مقالك هذا.

    وبي بساطه كمان اما انك حمار بي حق وحقيقي ..
    ياتو امور التي يشوبها الجهل الواضح وما قادر
    اقدرها .... إلخ
    اتا الجمله الما عندها معني دي عامل ليها كوبي
    بيست من وين ... يحرق يومك ...

    Quote: حنجي نفرتق (رؤيتك)

    هنا الامور اتقلبت (رؤيا) انشاالله يفرتقك
    جدي الحبيب ود حمودات ... مقاس جزمتو 52
    وقس علي ذلك ...
    Quote: Stay tuned

    انا بقعد تيوند لكن إتا شلح عديييل
                   |Articles |News |مقالات |بيانات

02-12-2017, 05:07 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2415

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حمد عبد الغفار عمر)

    Quote: الخواجة الفقد المنطق و بدا يفكفك ده شن نفرو؟

    مرحبا أخ محجوب عبد الله
    دا طبعاً بوست تقني تعريفي!

    ============

    الحاصل شنو يا جماعة؟ شايف المسح بدأ (أبكر) من توقعاتي!!
    غالباً بذاءات مش؟ بدليل الاعتذارات
    دا يثبت كلامنا عن إنو البذاءة دافعها (البلادة) لكن ما كل عمة تحتها رمة.

    Quote: ههههههههههههههههاي
    كاااااااااك بتاعت المعفن صاحبك
    كبشور الحق .....
    جابت ليها ريموفال اوف كونتنت ...
    هناك من اطلق التحزير وصاحبك ما كضب.
    بوست المال راح في خبر كان ... عندي باقي
    شغل ما تميتو .....
    بداية النهايه يا عبدو ....
    Re: *****حكاية موضوع تعريفي... و حاجات تانية حاميRe: *****حكاية موضوع تعريفي... و حاجات تانية حامي

    وأنا اعتدت إنو أي تهم توجه لي هي في الواقع مجرد صدى لأفعال من يطلقها، طق طرق.
    So,
    I decided to get my hands dirty and see if I can fix things up a little.

    قبييييل لو سحب لقب (مهندس اتصالات) كنا فكرنا (نعالجه) بتكتيك البولو خفيف الظل
    هسع داك ياهو ماشي في خطرات أوساموس، الفقيد الغليد.

    حأشرح (الخلجات والحشرجات) الحتظهر هنا في الجزء التاني من بوست التكاتيك.
    الباقة الذهبية.
    _____
    حايكون شتاء ساخن جداً، ولسة يادوبك بفتش في (عود) الكبريت، عود واحد.
                   |Articles |News |مقالات |بيانات

02-12-2017, 06:11 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1733

للتواصل معنا

FaceBook
تويتر Twitter
YouTube


Re: أحمد محمد عمر.......... بوست ............ (Re: حاتم إبراهيم)
                   |Articles |News |مقالات |بيانات

1 صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de