منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 25-02-2018, 00:19 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

© من شر البليلة ما يفقع من الضحگ π√

31-10-2017, 07:21 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


© من شر البليلة ما يفقع من الضحگ π√

    08:21 PM October, 31 2017

    سودانيز اون لاين
    دفع الله ود الأصيل-
    مكتبتى
    رابط مختصر

    ® تبسم ، من فضلك ، فأنت على مشارف
    عتبات سودانيز الجوة ورداني بريدو π√
    [}1{]
    {مال الجاحدين.. يأكلوه و احدين}

    [} عمك المادح قاعد يمدح فى السوقو الناس بختو ليهو في القروش فى الطاقية غليدة و كت شافا ليك اتملت بالفكة حاول يكلفت المدحة و داير يلمها يتخارج من ضو .

    [} يقوم يتسلط ليك واحد شماشي(بتاع تلب) خم ليك الحسبة كولها ، و جدع الطاقية ، و قام جاري فللي، خلا ليه خشم عمگ المادح ملح ملح و يلا عمك جدع طارو متل هناگ و عض جلابيتو و قام لبگ طاير وراء الحرامي، يسابق الريح. و لامن خلااااس ركبينو ساحن و غلبو يلحقو، جا راجع تاني شال الطار قرفان بآخر نفس قال: نجرب حظنا تاني نلقط لينا حويجة نتعوض بيها الله.
    [} هنا قام جاه شويفع ملقوف و خالي الذهن تمامندا، ما ناقش أي حاجة مما حدث، فطلب من عمگ طلب حثيث قال ليهو: يا عمي المادح عليك الله كان ما مدحت لينا شفيع الأمة. المادح زعلان ضهرو يفمر قنقر؛ قال ليهو: يا ولد فوم لف ، هي دى أمه يشفعو ليها بالله ؟!!
    ******(((+++)))******
                   |Articles |News |مقالات |بيانات

01-11-2017, 02:02 AM

Basamat Alsheikh

تاريخ التسجيل: 15-08-2015
مجموع المشاركات: 2356

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    والله يا دفع الله ود الاصيل
    اخير مرارتنا تنفقع من الضحك بدل تنفقع من الحسرة والزعل والغضب،،،
    وما شاء الله حكاويك كلها طاعمة وبتخفف لينا الكثير من الام الغربة القساية
    وبعد نشوف اخبار العالم المليانة ماسي واحزان وكوارث وبوستات سودانيز اون
    لاين المليانة مشاحنات، بنجي نفتش بوستات الريلاكسيشن، البتبعد مننا التوترات
    النفسية زي قفشات ود المدير وود ابو سن، وحكاوي البطانة والريف لود البوش
    وود شيقوق وود بلة( الله يطراهو بالخير) وود العبيد، وحكاويك الكلها ابتسامات
    وبسمات.
    ودمت بخير وعافية
    بسمات




                   |Articles |News |مقالات |بيانات

01-11-2017, 03:19 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: Basamat Alsheikh)

    أهلن بآل الشيخ،،،
    [} فعلن ، گل هؤلاء الرهط ممن يصر أخونا/سمعة على تسمسيتنا بالجلابة المونساتية و حارقي البخور، و هو نفسه أكبر (حگامة)، إنما نؤمن بأن لدينا هنا، قيمة مضافة لا يستهان لها، بأن ليس فقط نفگ التگشيرة ، لنفر(البسمات) و إنما لننتزعها غلاباً من وجوه التعساء وفطرحها على أفواه الحزانى ؛ حتى ( نجمل للفرح ممشى).[} خصوصاً و قد باتت لدينا قناعة شبة راسخة بأنو الراجيها من ناس عرمان و عمتگ تراجي ديل ترا واطاتو أصبحت(ياعشمان في الودگة من دفرنش النملة، ترا حرمت عليگ الرشوشة). هذا في ظل تفشي حالة إحباطٍ و يأسٍ تامٍ من حال بلدنا المايل؛ فلم يعد يسر عدواً و لا صليحاً. ترا باقي لينا متل حمامات موقف جاگسون (و الرجال مواغفُ) ، بحيث إنو: الزول البرة تلقاه مزنوق لامن قاعد يبدل في گرعينو ، داير يدخل يقضى غرضو؛ بينما الجوة داگ يشحد في الله يا ربتن عاد يذهب عنو الأذى و يعافيه يبقى مارق متخارج من روائح (ثاني أوگسيد اللعوتيگ) الظايطة هناگ. عمومن تشرفنا بطعامة الطلة< و اللمة عامرة بيگم و معطرة بعبق أنفاسكم ، و الصيوان قائم ، و العنقريب شناطو مگرب و مجدوع تحت ضل نيمة مرشوشة؛ فالدعوة مفتوحة لگل من اشتدت به وعثاء السفر ، و ضاق ذراعاً بوطأة الهجير ، بس يشغانا بجاي على الرحب و السعة، نطق الحنك؛ و بعد داكا ، الزارعة الله إن شاء تقوم وين ما تقوم.

    (عدل بواسطة دفع الله ود الأصيل on 01-11-2017, 04:45 AM)

                   |Articles |News |مقالات |بيانات

01-11-2017, 01:21 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {2}
    ® ضربني ولگى؛ ثم سبقى و جرى استگىπ√{ و ممگن نقول تليها برضو : الضرة مرة، و لو كانت جرة}[} الراجل مشتري لمىتو توب و شبشب هدية ساكت للله في لله و جاي البيت شافتن طاىت من الفرح. و لقى معاها جارته طاقات حنگ . أها زولتگ بدل تشگرو دبرن لهن مشوار ماشات يببورن بالحاجات الجديدة.

    [} قام قال ليها يا مرة ما تمرقي. غايتو لو مرقتي أنا بعرس. قالت ليه طوالي عرس بتخوفني يعني ؟؟ ��!

    [} الراجل إستني مرتو مرقت و طوالي جاب مخدات و بطاطين گومن و لبسن ليگ توب وختا ليهن شبشب تحت السرير و دخل الحمام. ����[} المرة الظاهر قلبا ماگلا ، رغم التظاهر بالعنتريات و اللامبالاة. فجات راجعة سريع هي وجارتا دخلت جوة لقت الشئ مدمدم لابس توبوالشبشب تحت جات مارقة طوالي يگليبا يجيب الضخبان. ������

    [} ووووووب علي الليلة يا فلانة، الراجل ما سواها، و لا يخاف عقباها. زواگ سمعا تمنح ،جاء مارق: يا مرة مالك قولي بسم الله؟؟ قالت ليه مرتك المگعبرة الجبتها دي، كان شفتها طارت لا فووووق و تاح ادتني أم دلدم ، في فقرتي بيدها تقول بالله قالب طوب؛ وتفت لي گمان في وشي و قالت لي : هو زاتو قرفان منگ ، علا بس قال اساسا صابر عليك بس عشان اولادك. شفت جنس قوة العين!

    [} ثم ياخ تعال هناإ إنتا ذاتك دي مرة ليك تعرسا بالله!! ياخوي البت دي معروفة سمعتها كعبة وابوها قالو قبال بتوب كان بتاع تلب ، سراق جنا جداد؛ واخوها همباتي معروف بيشم بنزين ، و أمها للمريسة ده بتسويه لامن تخرت فيها أباطاتا عشان تعتق. يخسي عليك ديل بالله ناس تناسبم ؛ گان مو ربگ عامي بصيرتگ��!!

    [} الراجل طبعا من انبهط من السنعو دا ، و اتلفت لجارتا: الكلام ده صحي با !!؟ قالت ليه: أنا يا جماعة زولة حاجة لي بيت الله ما بتكلم في أعراض الناس لكن الكف ده شفتو تب ، بعيني ديل البياگلن الدود.. و تفت ليها في وشها لمن بزاغها زاتو طار هدا لبهو لامن جاني لي عندي هنا!! فشايف گيف بالله.������

    (عدل بواسطة دفع الله ود الأصيل on 01-11-2017, 03:21 PM)

                   |Articles |News |مقالات |بيانات

02-11-2017, 05:58 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    اقتباس المشاكسة الأصلية كتبت بواسطة ا
    . الهادي ابراهيم محمود مشاهدة المشاركة
    هههههههه
    تعرف يا ود ا لاصيل و لا سنمار،
    لو كان ولع الحفرة لي المرة الجديدة دي و غتاها بالشملة
    كان الولية دي قالتلو ياخي مرتك الجديدة دي و لعت فيني النار.
    قلت ليكانت اسم سنمار دة يعني شنو.
    *****(((((3)))))*****
    ي اخي قول: الحمد لله الما اتشالق، سوا
    شغلة زول أمبدة داك أخو البنات داك القالومسويلو (حفرة)
    (لتفوير العجلاات المبنشرات) والعقدة للواحدة بخمسة جنيهات
    طبعن، كانت الولية بي نفختا ديك ح ترميه في الحفرةو يلقى نفس
    مصير عمك الباشمهندس / سنمار. بالمناسبة أنا حكايتو حاكيها
    لود تهامي. علا عشانما نكلفك مشوار . هدي جبناها ليك تحت:_
    //الملكُ النُعمانُ و جَزاءُ سِنِمَّارٍ//
    *****(((((+)))))*****
    @ من أشهر مضارب الأمثال العربية، إلى يومنا هذا / جَزاءُ سِنِمَّارٍ)
    فقد ذكر في كتب السير أن إمارة الحيرة، إمارة عربية وكان سكانها أصلهم م
    ن بني لخم وهم مزيج من قضاعة والأزد الذين هاجروا من اليمن، بعد انهيار سد مأرب،
    كانت الحيرة تابع لدولة الفرس، وكان على رأس الحيرة في ذلك الوقت النعمان بن امرء القيس
    بن عمر اللخمي، وكان يطلق عليه ملك العرب، كعادة ملوك الحيرة في ذاك الوقت.أراد النعمان م
    لك الحيرة أن يبني قصراً ليس كمثله قصرٌ، يفتخر به على العرب، و يفاخر به أمام الفرس ،
    حيث أن ابن سابور ملك الفرس كان سيقيم بهذا القصرو قد وقع اختيار النعمان على
    سِنِمَّارٍ لتصميمِ و بناءِ ذاك القصر، و زعموا أن سِنِمَّاراً هذا كان بَنَّاْءً رومياً مبدعاً في البناء. بل ،
    يقال إنه مهندسٌ آراميٌّ نبطيٌّ من أصلاء أهل اليمامة؛ و ينسب إليه بناءُ قصرِ الخَوَرْنَقِ الشهيرِ.
    *****(((((+)))))*****
    @ استدعَى النعمانُ هذا البَنَّاء وكلفه ببناءِ قصرٍ ليس له مثيلٌ، يليقُ بسيده/
    ابنِ سابورٍ الذي سينزل فيه. و يُعْتَقدُ أن سِنِمَّاراً قد عربدت به أحلامٌ طائشة و عقد
    عليها آمالاً عراضاً لِيظفرَ بعطيةٍ مجزيةٍ من ملك العرب فور انجازِه لتحفة قصره
    الأعجوبة الذي يقال إنه استغرق في بناءِه عشرين سنة ، و يزيد.
    *****(((((+)))))*****
    @ ما أن فرغ سِنِمَّارٌ من بناء القصر على أتم ما يرام ؛ وأطلقوا عليه اسم{ الخورنق}،
    حتى انهمرت الجموع تعجبون من من حسنه و بهائه . ثم خرج النعمان متفقدا ليعاين البناء؛
    يستعرضه و يطوف بأرجائه، ثم بعد محادثة قصيرة مع سِنِمَّارٍ، أمر رجاله بإلقائه من أعلى
    القصر فسقط سِنِمَّارٌ و قال و هو يلفظ أنفاسها الأخيرة:" جزاني لا جزاهُ الله خَيْراً
    إنْ النعمانُ شراً جزاني رَصَصْتُ بُنيانَه عشرين حِجَّة؛ و حينَ أتممتُهعنه رمانِي".
    و لكن الحوار لم ينته بمقتل سِنِمَّارٍ.
    *****(((((+)))))*****
    @ يزعم كتاب السير أن سِنِمَّاراً قال للنعمان:"
    أما و الله لو شِئْتٌ حينً بنيتٌهجعلتٌه يدورُ مع الشمسِ حيثُما دارتْ.
    فسأله النعمان : إنك إذاً، لتُحسنُ أنْ تبنيَأبدعَ من هذا ؟ ثم أمر برميه
    على عنقه من أعلى القصر ليلقى حتف أنفه) و يقولون أن سِنِمَّاراًقال له :
    إني أعرف موضع أجَرَةٍ - يعني حجرةَ أو طوبةً - لو زالت انقض البنيان من قواعده
    فيخوي الصرح على عروشه ! فسأله الملك : أويعرفها أحدٌ سواك؟ قال: لا. فقال : لأدعنَّها
    و ما يعرفُها أحدٌ بعدَك. فأمر به فقذف به من أعلى الصَّرْحِ ليَقْضِيَ نحْبَه كأسوأِ جزاءٍ
    لخير صَنيعِ في التاريخ) و أيَّاً كان السَّببُ فذاك جزاءُ المعروف عند سُلطانٍ جائِرٍ،
    و من يومها طارت مثلاً يقولون:" جزاء سنمار". لكل من صنع البر لغير أهله!!
    *****(((((+)))))**
                   |Articles |News |مقالات |بيانات

03-11-2017, 04:46 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {4}
    المشاكسة الأصلية كتبت بواسطة عادل القاسم مشاهدة المشاركة:
    @ يا ود الأصيل ياخ اهلنا ديل احلى ناس.
    © فواصل ياخ، و بدون فواصل گمان .

    ® و الله إنتو الأحلى يا عادل.الواحد كلما يقول يجبد لسانو،تقول بترترو ليو حبيبات سكر فوقشلاليفو، يقوم تاني يقابض.
    [} تيب أها، عشان أوگد لگ إنو أهلنا أطعم ناس، هاگ دي ، وصلتنى طازه من علبگم غادي ؛ وتلقاگم سامعنها قدبمة لامن معتتة😂😂😂😂😂😂
    [} ﺍﺑﻮ ﺍﻟﺸﻮﺵ الشايقي ﺍﺷﺘﺮﻯ ﻗﻄﻌﺔ ﺣﺪﺍﺩﻯ ﻣﺪﺍﺩﻯ . ﻭﻓﺎﺗﺤﺔ ﻓﻰ ﺷﺎﺭﻉ ﻇﻠﻂ ﻭ ﻧﺎﺻﻴﺔ ﻣﻦ ﺍﻟﺠﻬﺘﻴﻦ . بنا ﻭﻇﺒﻂ ﺍﻟﺒﻴﺖ ﺟﻮﺓ ﻭ ﺑﺮﺓ .ﻭﺿﺮﺏ ﺍﻟﺴﻮﺭ ﺑﻮﻣﺎﺳﺘﻴﻚ ﺍﻟﻤﻬﻨﺪﺱ ( ﻟﺒﻨﻰ ..ﻟﻮﻥ ﺍﻟﺴﻮﺩﺍﻧﻴﻴﻦ ﺍﻟﻤﻔﻀﻞ ) .
    [} ﻋﻤﻞ ﻛﺮﺍﻣﺔ ﻋﺰﻡ ﻛﻞ ﺍﻟﺠﻴﺮﺍﻥ ﻭﺿﺒﺢ ﻟﻴﻬﻢ ﺗﻮﺭ ﻭﺧﺮﻭﻓﻴﻦ ﻭﺟﺎﺏ ﻧﺎﺱ ﻣﺪﺍﺣﻴﻦ ﺷﻐﺎﻟﻴﻦ ﻣﻦ ﺳﺎﻋﺔ ﺍﻟﻔﻄﻮﺭ ﻟﻰ ﺻﻼﺓ ﺍﻟﻌﺸﺎ ..ﺍﻟﺼﺒﺎﺣﻴﺔﺍﺑﻮﺍﻟﺸﻮﺵ ﻃﻠﻊ ﻋﺮﺑﺘﻮ ﻣﻦ ﺍﻟﺤﻮﺵ ﻣﺎﺷﻰ ﻣﺸﻮﺍﺭ ﻟﻘﻰ ﻣﻜﺘﻮﺏ ﻓﻰ ﺣﻴﻄﺔ ﺍﻟﺒﻴﺖ ﺑﺎﻟﺨﻂ ﺍﻟﻌﺮﻳﺾ ﺑﺎﻟﺠﻬﺘﻴﻦ : ﺳﺤﺎﺏ٠٩١٠٠٠٥٥٥٥ - ﻋﻤﻚ السنجك ﻃﻮﺍﻟﻰ ﺩﻗﺔ ﻟﻰ ﺑﺘﺎﻉ ﺍﻟﺴﺤﺎﺏ ﻭﻗﺎﻝ ﻟﻴﻬﻮ :ﺍﻟﺴﻼﻡ ﻋﻠﻴﻜﻢ ﻳﺎﻫﻨﺪﺳﺔ* ﻣﺮﺣﺐ ﻣﺮﺣﺐ ﺣﺒﺎﺑﻚ- ﻳﺎﺑﺎﺷﻤﻬﻨﺪﺱ ﺳﺤﺎﺑﻚ ﺩﺍ ﺑﺴﺎﻓﺮ؟* ﻭ ﺍﻟﻠﻪ ﻳﻤﺸﻰ يمرق في ﺍﻟﺼﻴﻦ !!- ﻗﺎﻝ ﻟﻴﻬﻮ : ﺍﻧﺎ ﻭﺍﻟﻠﻪ ﻣﻌﻄﻞ ﻓﻰ ﺍﻻﺑﻴﺾ ﻭﻋﺎﻳﺰﻙ ﺗﻤﺸﻰ ﺗﺮﻓﻊ ﻟﻰ ﺍﻟﺒﺮﺍﺩﻭ ﺑﺘﺎﻋﻰ ﻣﻦ ﻫﻨﺎﻙ ﻭﺗﻮﺩﻳﻬﻮ ﺷﺮﻛﺔ ﺍﻟﺘﺎﻳﻮﺗﺎ ﻃﻮﺍﻟﻰ ..* ﻳﺎﺯﻭﻝ ﺣﺮﻡ ﺍﺑﺸﺮ ﺍﻋﺘﺒﺮ ﻋﺮﺑﻴﺘﻚ ﻭﺻﻠﺖ ..* ﺩﺍ ﺭﻗﻤﻚ ﺍﻝ١٢٣ﺍﻟﺒﺮﺟﻊ ﻟﻴﻚ ﻓﻴﻬﻮ؟؛ ﺍﻳﻮﺍﺍﺍﺍﺍﺍﺍﺍﺍ . بمجرد ﻣﺎ ﻭﺻﻠﺖ ﺳﻮﻕ ﺍﻻﺑﻴﺾ ﺍﻋﻤﻞ ﻟﻰ ﻣﺴﻜﻮﻝ ﻋﺸﺎﻥ ﺍﻭﺟﻬﻚ .
    [} ﺯﻭﻟﻚ ﺑﺘﺎﻉ ﺍﻟﺴﺤﺎﺏ ﻭﺻﻞ ﺍﻻﺑﻴﺾ ﻓﻰ ٩ﺳﺎﻋﺎﺕ ﺑﻌﺪ ﻣﺎﻛﺐ ﺟﺎﺯ٣ﻣﺮﺍﺕ . ﻭﺩﻓﻊ ﻟﻰ ﻧﺎﺱ ﺍﻟﻤﺮﻭﺭ١٥٠ﺟﻨﻴﻪ ﻋﺸﺎﻥ ﻋﻨﺪﻭ ﺍﻟﺨﻄﺮ ﺍﻟﺸﻤﺎﻝ ﻣﺎﺷﻐﺎﻝ ..ﺍﺗﺼﻞ ﺯﻭﻝ ﺍﻟﺴﺤﺎﺏ ﻋﻠﻰ ﻋﻤﻚ ﻣﻦ ﺍﻻﺑﻴﺾ ﻭﻗﺎﻝ ﻟﻴﻬﻮ :ﺃﻫﺎ ﻳﺎﺭﻳﺲ .. ﻭﺻﻠﺖ ﺍﻻﺑﻴﺾ ..- ﺟﻤﻴﻞ ، ممتاز جدن ، اﻟﻌﺮبية ﺑﺮﺓ ﺷﻮﻳﺔ ﻣﻦ ﺍﻻﺑﻴﺾ ﺍﺳﺄﻝ ﺍﻟﻨﺎﺱ ﻗﻮﻝ ﻟﻴﻬﻢ ( ﺍﺭﻗﺪ ﻗﻔﺎ ) ﻭﻳﻦ .. و ﻣﻦ ﺍﺭﻗﺪ ﻗﻔﺎ ﺍﻣﺴﻚ ﺍﻟﺸﺎﺭﻉ ﻋﺪﻳﻴﻴﻴﻞ ﺑﺘﻠﻘﻰ ﺍﻟﻌﺮﺑﻴﺔ ﻋﻠﻰ ﻳﻤﻴﻨﻚ ..
    [} ﺯﻭﻝ ﺍﻟﺴﺤﺎﺏ ﻣﺎﺷﻰ ﻟﻤﺎ ﻃﻠﻊ ﻣﻦ ﺍﻟﺸﺒﻜﺔ ﻭﺟﺎﺯﻭ ﻗﻄﻊ ﻭﻣﻮﻳﺘﻮ ﻛﻤﻠﺖ ﻭﻓﻬﻤﻮ ﻛﻤﻞ ..
    [} ﻗﺎﻟﻮﺍ ﺑﺘﺎﻉ ﺍﻟﺴﺤﺎﺏ ﻟﻤﻮ ﻓﻴﻬﻮ ﻧﺎﺱ ﺍﻟﻌﺪﻝ ﻭﺍﻟﻤﺴﺎﻭﺍﺓ ﻣﺸﻐﻠﻨﻮ ﻳﺠﻴﺐ ﻣﻮﻳﺔ ﻭﺣﻄﺐ ......😎😎😎[} دا بسﻋﺸﺎﻥ ﺗﺎﻧﻲ ﺗﺸﺨبتو ﻓﻲ ﺣﻴط الناس و بالذات ﺍﻟشوايقة، گلابات يا عواليق!!

    (عدل بواسطة دفع الله ود الأصيل on 03-11-2017, 05:02 PM)
    (عدل بواسطة دفع الله ود الأصيل on 04-11-2017, 10:56 AM)

                   |Articles |News |مقالات |بيانات

03-11-2017, 07:11 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 3949

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    و الله يا ابو الدفاع حكيك و أسلوب كتابتك ظريف يجمع بين اللماحية و السخرية و التلاعب باللغة بصورة ساخرة
    فكتابات بحق تمثل استراحة خفيفة الظل و بتعتمد على المفارقات اللي بتخلي الزول مش يضحك و يبتسم بس و لكن تجعله يفكر في كثير من المسلمات الموروثة ...
    يعني ما يأخذ الأمور على علاتها...بالجد بوستاتك لها طعم خاص.
    إلى الأمام
                   |Articles |News |مقالات |بيانات

04-11-2017, 11:42 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: محمد عبد الله الحسين)

    (5)
    و الله لو خشية لا أن يقال إن شهادتگم بحقي تعد مجروحة گشهادة أم العروسة، فهذا بمثابة نوط جدارة و وسام تميز و استحقاق من الدرجة الأولى، و قد حان لي أتقلده على يد و
    لسان أستاذي القامة/ ود الحسين.

    [} و لو بالعودة إلى آخر مداخلة عن أبو الشوش، لوجدنا أنها أثارت ردود أفعال متراوحة بين المع و الضد. و لگنها لم تخلو من ظرافة.

    [} هنا مشاكسة بطعم (المديدة حرقتني)؛ كتبت بواسطة حبيبنا (الديگ تور/ سيف الاسلام؛ إذ يقول فيها:وهع هيع هاع، أبو الشوش خطير يا ود الأصيل. قلنالو: و گمان شقي حال البيقع في جنس الصنف الجلدة المقرم دا، يا عمك. بس بعدين أوعگ حتگ تقوم تعنقد لي في حگاية "عمك" دي ؛ زي واحدن گدي أخون(سنجگ) عارف تفسو.

    [} و گما توقعناه، گما لو طرينا القط جانا ينط. فقد ظهر صديقنا الودود اللدود/ Abdelazim( عظمة)، و هو يرغي و يزبد، متحرفا لقتال ، على سماع سيرة أهله؛ فحمر لي شديد و قال:" أفرز لو سمحت" فقلنالو: ياخ، أهلنا السناجگ أجدع ناس و نحييهم من هنا. و لگن الفي قلبو بو الحرقص برايو بيرقص"!!

    [} بس، الحمد لله گان برضو روحو رياضية ، فبلع ريقو و قال: و لنا أسوة حسنة في مولان شيخ/ جمال الوالي ، يوم سمعناه يفتي على الملأ بقوله : قال تعالي في محگم تنزيله ": العارف عزو مستريح". فقلنا له: و هذا زمانك يا مهازل فبيضي و أصفري و اسرحي و امرحي . يوم أن جاز للرويبضة {الرجل الضعيف الجاهل) أن يُفتي في شأن العامة. ما قلناگ ياخ ، " Money Talks and Time Walks ". أها گمان دي أوعة ينط لي واحد شالق, يترجما لينا بمعنى:{تنبح الگلاب ، و الجمل ماش} ؛ مع إنو تصدق، برضو المعنى موش بعيدة , و بمشي الحال؟!!
    فشايف گيف بالله، جنس المحن؟!!!

    (عدل بواسطة دفع الله ود الأصيل on 04-11-2017, 12:58 PM)
    (عدل بواسطة دفع الله ود الأصيل on 04-11-2017, 01:33 PM)

                   |Articles |News |مقالات |بيانات

06-11-2017, 05:21 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    جانا ناطي قشير ود التهامي دايمن مطلش و صيدو ناجع
    بالمشاكسة التالية، قال : الراجل ده بتاع سجارة
    و مرتو برضو وجارتا زاتا بتاعتسجارة خدراء
    و جمرا حي ...؟! (ياخ يقطع البنفو وسنينو)؟؟!!
    ******(((((6))))))*******
    قلنالو: لا لا ي صاحبي بشة . ثم السجارة
    ظاطا ما دايرا ليها ميزانية فس الزمن المكرتح دا.
    علا ممكن يكونو كرعو من شربوت ناس عمك داك الخلا
    جارتم السعوية ديك تلغلغ و تمش سبعة تمانية و لامن مسكت ليك
    شافعا بالقلبة، قال إيه ، دايرة ترضعو بي صلبو.{ارقد آ بلح أنا جرابك}
    مرة عارف واحد فتلا ليكح لقاها كافرة مرتن واحدة. وشو دا قلب بي قفاه.
    ففضل مساهر الليل كلو يجابد فيه و تاني يرجع؛ يبجبدو و تاني يتكرفس
    متل برش اليعف يرجعيا زول الزول دا لامن صبح ، لقالك وشو كلو
    منخش بالله التقول بس جرف بامية كاويق.
    ***(((+)))***
                   |Articles |News |مقالات |بيانات

06-11-2017, 06:07 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (7)
    ® خواف ربى عيالوπ√

    [} قرية من القرى فيها مرة صعبة شنافة و لسانا سليط لامن متبري منها ... تلقاك قاعد فى الضل تشبكك..يا عاطل يا باطل ..تلقاك ماشى تقول: ليك : حايم لي زى كلب الحر .

    [} حتى النساوين بخافن من لطعاتا: اصبري انتى ملاياتك من العيد ما غيرتيهن .. و لا سجم خشمگ إتي ي العدتك وسخانة و لا : بري ما بشرب بى كوزكم المطرقع دا
    الشاهدإنو الحلة كمان فيها واحدن كدي خواف لامن مرعة .. دا الكيس لو كشكش وراهو بالنهار و الشارع فاضى بتلفت و يفتح بنمرة 5 ......و ينط من ضلو. و بعداگ قاعد يقول على روحو: " أنا لا بخاف ، و لا بعرف الخوف؛ علا كان كشكش كديس تلفانه قايم صوف"

    [} و الحلة زاتا على العليها جنبها غابة غزيرة ..و فيها وحش گاسر ..الغنماية البتدخل الغابة دى تانى ما بتمرق ..الفار لو دخل
    فى غضب الله .. ياخ باللختسار ، مافى إنس و لاجن دخل الغابة دى و جا مارق حي...
    *****(((((+)))))*****
    [} أها، البيوت ماتت فيهن بقرة معگية وجدوعها ورا الحلة ...المره أم لسانن فلقة دي ما صدقت لقت ليها موضوع( فطيسة و دايرة تشبع فيهل لطم).

    [} عمتگ بقت لافة الحلة دي بالله على ساق گلب ..تلقاك مع مرتك ..تشبكك انت بس لاصق فى صلب مرتك المتل الصارقيلة دي .. ضاربين الهمبريب .. و بهناك عفنة الفطيسة ظايطة الحلة ..انتو يا يابا عاد رجال التابة وواليابة..متندلين متل الجقور المدغتة( عندها ضغط دم)، النايمن لها شني با يمة تنومو نومة أهل الگهف...
    *****(((((+)))))*****
    [} بس مرة طالعة كدي ، عترت ليك في زولنا الخواف لي التسودا عليهو.. زولك انهجم قام ناطى . بلا و لمت لگ فيهو انت ياخايب الرجا تقامز من كشكشة الكديس ..و تخاف من ضلك ..امش من وشى كدى ..و لا كدى.

    [} صاحبك شالتو الهاشمية انحمق، و سألا: مالك يا حاجة فى شنو؟؛...قالت لي الرجال الليهم شنة و رنة ما نفعوا؛ انت مع شنو گمان آقريعتي راحت..الفطيسة دى ..ماف راجلن كدي يخمها يوديها الغابة... صاحبك دق سدرو و قال ليها ..الليلة عصرن بدري بنريحك منها ..تانى دايرة شنو ..و أنا بجمع الرجال ديل.. و الموضوع أنا بتمو تب، بس أرقدي قفا.

    [} عمتك عارفاه خواف عشان تمسكو بالسابتة و النجيضة قالت ليو تعال ...راحت ادتو ليك حبل و قالت ليو حبلي دا يروح و ما يجى ما بريحك ...و مسعول منو إتا دا براك ...اتا عنك ما تجى مقلع ؛ لكن حبلى دا بس لازم يجى.
    *****(((((+)))))*****
    [} الزول شال الحبل ...و بقى فى ورطة مع المرة دى ..قام لف الحلة دي سگة عمي، بيت..بيت..و لم الرجال ..غايتو اتشودعو مرقو معاه زى 13 نفر ..ربطوا البقرة و جروها ..لما قربوا للغابة..اخونا الكاشف جاتو رجفة الخوف...قال للجماعة "ياناس هوى انا فعلن خايف ..علا اربطونى بى حبل المرة الشوم دي في گراع الفطيسة ..عشان لو جريت يمسكنى"..الجماعة قاموا ربطوه... قالوا نوديها جنب الغابة شوية ... لما وصلوا جنب الغابة .. لافى وحش مفترس لا شيتين..قالوا ندخل بها الغابة شوية ..و فعلن مافى شيء يخوف ؛ وگأنو دي أوشعات ساي.

    [} الجماعة اطمنو و قالوا نتوگر بالنصيبة دى لا عند نص الغابة..و فعلن..وصلوا هناك.. بس قبال ما يرموها و يفكوا الحبل .. قام الوحش گرف ليك ريحة دم ود ابن آدم و جا كابس ليگ عليهم .الناس فگت البيرق جرت جرى نضيف..كل زول مرق مشتت بى جيهة.. علا صاحبنا الخواف الفضلى مزرود بالحبل مع الفطيسة..
    *****(((((+)))))*****
    [} غايتو جنب الحلة..الناس بقت تظهريجوا واحد ..واحد .. حتبن جبدو أنفاسم و قعدو يتفاقدو: فلان وين فلان ماظهر ...فلان داك ظهر ..واحد جاى من صباح..واحد جاى من سافل و لا من صعيد ...المهم فقدوا الخواف لقوه ما جاء ...الجماعة قالوا نمشى نكلم اهلو نوريهم الحصل ..و ناس قالوا حبل الجولگينة مربوط بالبقرة .. نخش الحلة كيف بدون حبل ... اتفقوا ناس يمشوا لأهل الخواف قالو: نختهم في الصورة ..و
    اأنو زولهم غلتان المرحوم لحسو ود أم بعللو..و رسلو وفد رفيع يمشوا يقنعوا الحاجة تتعوض الله في حبلا الما جاء دا.

    [} أها الجماعة اللي راحوا بيت الخواف..دقوا الباب ..للمفاجأة ، فتح لهم الباب عمك الخواف سخشيا ظاطو ..الجماعة استغربوا ..يازول ، إتا قمت بعاتي و لا جيت كيف؟؛ قاللهم: يعني ماكون شايفني ؛ جيت جارى في نصكم. نان و حبل عمتك وين آشقي؟؛ ...قال ليهم .. وگان لحبل المحويب بى فطيستو في الحفظ و الصون .. هديلك ورا البيت. قلت : يا روخ ا بعدگ روح؛ ف فجيت جارها راجع بها .. تحين گدي ، امشو حلو منها الحبل.. و رجعوه لي ستو و گافونا البلا بالبليلة!!!
    *****(((((+)))))*****
                   |Articles |News |مقالات |بيانات

07-11-2017, 05:37 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (8)
    {ما تقرطا شديد ، و فرفش مع الناس}

    امبارح وانا راكب المواصلات،
    السواق كان مشغل أغاني سيرة وهجيج بصوت
    عالي جداً جداً، لامن مزعج. فشعرت إني متضايق شديد.
    و الغريبة الناس كلهم ماف زول اتكلم...بالعكس كانو مبسوطين
    للآخر و ظاقين حنك يتونسو. فلما فاض بي الكيل ومليت بالجد، قمت
    نطيت ليو في لهاتو ؛ و قلت ليو: يا عمك وطي الكواريك ديل اضنينا صنت
    عديل كدا و كمان قاعد بتكلم بكل ثقة...الناس الراكبة كلها عاينت لي بأستغراب،
    و فيهم اللي قاعد يلكز في الجنبو و يضحك. بديت أحس بأنو في حاجة غلت. و قام
    و السواق قال لي: اسمع هوي يا شيخنا، أولن في التبادي ، انتا اساساً الراكبو معانا
    دا بص سيرة. حقتنا برانا .و الشايفم ديل كولهم أهلي و ماشين فرح اختي ، و لامن
    إنتا أشرت لينا حنينا في حالتك ما مارضينا نكسفك؛ فقمنا وقفنا ليكا ، عملاً لوجه
    الله الكريم . أها يازول أنا غايتو من الاحراج والخجلة دا تمممم سكتا و التقول
    صبت فوقي مطرة؟!حسيت إني عكيت، و زي الكأني بايل في هدومي .
    فطوالي طلعت من المود بسرعة ، وو اعتذرت لجماعة ديلفرداً فرداً .
    حتين يا زولانفشيت شوية و فريت الكشمةو قعدتا أنطط..
    أصفق..أبشر معاهم . فااا شايف ليك بالله جنس شلاقة
    و متل ما قالو: الشلاقة عاقة؟!!
                   |Articles |News |مقالات |بيانات

09-11-2017, 08:03 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (9)
    // كول زول في همو //

    حتى شفع الزمن دا ي حفيان موهن فاضيين
    عشان كل زول في همو حتى ناس العم جحا و عمو
    (و لعل من شر البليلة ما يضحك!!!!!) فقد سأل الصبي جده
    الجولكين : هل لديك أسنان يا جدو؟! تلقـف عمك السؤال بلهفةس شديدةٍ ،
    إذ لم يصدق أن يجد ضالته أخيراً ، في أحدٍ ليصغي إليه حتى يشبـع فيه نهـمـه
    للثرثرة في الفاضي و المليان. فراح يُنظِّر و يقول الأسنان يا بني نعمة من الخــالق
    و أحياناً نقمة في ذات الوقت. تماماً كما الأخلاء، الذين بعضهم لبعض عدوٌّ إلا من رحم
    ربي من المتقين. تجدهم مصطفون قمامك كالبنيان المرصوص ، واضعن كل إمكاناتهم في
    خدمتك من حيث لواكة مغايس الدنيا دي (دار الغش أم بناين قش) و لكن لو أراد الله و تمرد
    عليــك سنٌّ أو ضرس فسوف يظـل ينغزك بإيلامٍ شديد حتـى تتخلص منه بالخلع مما يترك
    لكفجوةً وفراغاًعريضاً ، قلما يسده أو يملؤه سواه . تماماً كفقدان صديـقٍ قديمٍ حميمٍ يؤرقك
    و سوف لن يعود بتاتاً و تظل أنت لفراقه محزوناً تدمع عيناكو تعتصر قلبك ألماً لأجله . لكن
    فقط إلى حينٍ ، ريثما تتماثل للشفاء من وطأة ألمه . إلى أن تتناساه مرةً، ثم إلى الأبد.
    و لكن ربما ترك لديك فراغاً عريضاً لتستغله كمجرىً لشريط الذكريات. طبعن
    الشويفع عاوز من الآخر . قاللو:يعني يا جدو أنتبس باختسار كدي إتا
    عندك سنينات تمدغ بهن و لامو عندك؟! الجولكين قاللو: للأسف
    يا بني،جدك قاعد لهله ساي عادم السن . و دي ياها الدايـــرا
    الشويفع فنط قاللو: طيب الحمد لله،اكان كدي هاك تفاحتي
    دي أمسكا لي معاك،كمان أوعك بس تقوم تعافر
    تقرم منها ؛ لحدت ما أجيها راجع.
                   |Articles |News |مقالات |بيانات

09-11-2017, 06:14 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    تبسم (◠ ‿ ◠) فنحن في زمن أبكى المــهرج
    ابتسم (◠ ‿ ◠) لأننا في زمن تصلك فيه البيتزا قبل سيارة الإسعاف( خسوين بعد الرفع من رگوع العقوبات) او بعبــارة اخــــرى.. ابتسم فرزقك مقسوم وقدرك محسوم واحوال الدنيا لا تستحق الهموم لأنها بين يدي الحي القيوم.

    *****(((((10)))))*****

    //مسور بي عرسة //

    أها زولنا دا مرق الضحوة بدري على حواشتو لقى ليك العيوش دي بس ، يا أرض احفظي ما عليكي مفرهدة شيئ جداد و صقَّار، و شيء حملة و لتيبة. قام زووولك يدوبي ليك .

    [} و لامن لمح جارو من هنوووك كورك ليه: اسمع آ ود فلان ، عليك الله شوف جنس المسور السمح دا شن بستاهل ليه علا كان عرسةً جديييدة لنج. داك رفع راسو يجاريه، لكن شاف مرة أخونا واره في صفاقو جايبة ليه الفطور ملحقاه. فعمل حِميل و رايح، ما دايرو يتهور. و يفلت ليه كلاماً بعدين يبقو مو قدرو.
    { ييويهو بي إيدو ، و يغلب أجاويدو}

    [} قعد يتنحنح و قال ليه: و الله يبستاهل ليه بس حجة و زوغة لي بيت الله دا. داك قال ليه: يا زول أقول ليك نعِّرس نسوي لينا بيتاً تاني. كان يوم الجلكينة دي عملت معانا شنكبة أنكبة طوالي نتكامل غادي، تقول لي كدي و كدي؟! ياخي ما بيت الله ملحوق في ساعتن آخَرا؟ كدي بس أصبر لي خلي درت السنة دي اليجينا و نقول كدي نلم الحصاد دا ، أها عليك أمان الله الشاف أخوك في نص الكوشة عريسن بي حريرتو و ضريرتو أصلو ما كضب!!و گان ليگ أنت خليك تكون لي وزير برا حقيبة!! علا لكن حالف طلاق بالتلاتة علا كان حتك نشوف ليك معاي بت حلالن گدي هدية و رضية ، تحتحت فيها شيبك.

    [} و هو لسة قاعد يتجوعل و غرقان في أحلام ظلوط، و مو شايف گويس بي قفاه لحدت ما لكز البعلة منصلبة واقفة وراه و تتصنت ساي لمحن راجلا البهترش دا؛ لحدت ما لگزا ليگ بي كوعو. أها قام انخلع و يلا قعد يقابض زياود برة من راسو ، قال لصاحبو: ما قت ليك حالف أعرس لروحي و أعرس ليك معاي؛ و كمان، نعرس للأستاذة بت االشيخ دي زاتا معانا.
    ***********#####***********
    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                   |Articles |News |مقالات |بيانات

11-11-2017, 06:04 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    // درافت شيك فالصو//
    *******(((11)))********
    أخونا دا مرطب شديد و قام
    لمن شعر بقرب المنية ، حذر مرتوإنو:
    الموت حقة، و الحياة باطلة علا، حسك عينك
    و أوعي لو عرستي بعد ما أنلحس، ثروتي الطايلة دي تمشي تمخمخي بيها مع عريس الغفلة الحا يجيك. زولتك بت أبو الشوش ملحلحة ؛ قالتلو: حاضر على عيني. يلا من عينو شخصت و جهَّزو الجنازة تب جابت ليها علبة حشرتا جوة الكفن قامت واحدة صاحبتا ناقشة الموضوع ، قالت ليها: إنتي يا خية جنيتي، تدفني ليك أموال طايلة قدر دي في تربة؟!! قالت ليها : ما تخافي، أنا نفذت ليه وصيتو بالحرف الواحد: قمت سيلت التركة كولها و أودعتها في حسابي ؛ بعدينك حررت ليه درافت شيك بالمبالغ، و ح يندفن معاه ، أها عاد كان بقى راجل خليه يقدر يقوم يمش يصرفو!!
    *******(((+)))*******
    *فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                   |Articles |News |مقالات |بيانات

13-11-2017, 10:21 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    // ي حليلو، نايم على حيلو//
    ******(((((12))))))*******
    عمك الجولكين كان راقد مسدَّح
    في فراش الموت و عينو شاختة في السما،
    بقول لي مرتو: شفتي و صيتي ، لو اتزوجتي بعدي، جلابيتي السكروتة الصفراء ديك ، أوعي كمان تمشي تورِّثيها لعريس غفلتك الحا يجيك، أثلي ماني عافي منگ مفهوم؟!! قامت زولتك مدردحة واقعة من السما بي سنونا؛ .. حدرت ليه كدا بعين فيها محقرة و قالت: ياخوي مي ياها ديك القصيرة ؟! اطمن ياخوي أرقد قفا ؛ ماگ عارف تلباقية ياي ؛ هو ظاتو كان قبال كدي جربا وبعينگ لقاها زاتا ميها ظابطةقدرو!!! أها تحين شفت جنس كيف بالله ؟!!
    ******(((((*))))))*******
    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                   |Articles |News |مقالات |بيانات

14-11-2017, 05:53 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    اقتباس المشاركة الأصلية كتبت بواسطة سارة عمر مشاهدة المشاركة
    مسطول قاعد مع حبيبتوووو
    جنب النيل في التراب وقالعين جزمهم
    قال ليها: شفتي القمره دييييييييييييييييك..
    قالت ليهوووو بكل خجل ااااي شايفاهااا حبيبي..
    قال ليهااا اقسم بالله ريحة جزمتك دي بتكون واصلاهاااا
    اقتباس المشاركة الأصلية كتبت بواسطة/
    بشير ود التهامي مشاهدة المشاركة:
    هيا زوله هوووي اقيفي قبلك
    ده ما بوستن المساطيل ده بوستن
    (تبسم فأنت على مشارف بوست اسمو:" من شر البليلة ما يفقع من الضحك"
    وكدي .ساره انتي الظاهر من كترة ما انت غائبة (بقيتي ما بتفرزي)؟؟!!
    يا زوله هوووي انقرعي واطري اللينة لا تودري.
    **********(13)*********
    ي بشة ياخ ما تتطفش علينا الحمام. ما كلو
    ياخي عند العرب ليمون!!!عمومن وكتين
    فضيت وجيتنا براك بي كرعينك ، هاك دي.
    *******andandandandand*******
    // عندما يصبح الدين
    تهمةً يتبـــــرؤون منها //
    حكى الشيخ الدكتور / عائض القرني
    شفاه الله و عافاه: أن مواطنا سويديا هداه الله
    لاعتناق ديننا الحنيف لتوه؛ ثم ما لبث أن وافاه عيد
    الأضحى ، فأتى بعجلِ سمينِ للأضحية، ثم شرع في ذبحة. و لكن
    نظرا لحداثة عهده لم يوفق، قام (حرجم) العجل المسكين و الذي و لى
    منه مدبراً و لم يعقب بعد أن لامست الشفرة بلعومه. فسقط في يد الرجل
    ثم أ إلى أقرب مسجدٍ طلب يد العون . دخل على المصلين يلوح بالسكين
    في بيده و هي تقطر دما. سألهم : أليس فيكم مسلمٌ يذبح؟! فأوجسوا
    منه خيفة , إذ ظنوه (داعشياً) خطيراً ؛ و كأنما يمتشق حزاماً ناسفاً
    و تنازعوا أمرهم بينهم ، ثم دلوه على إمامهم الراتب، و الذي
    انتفض بدوره مستنكرا : أنا و مين قال ليكم؟! إنتو ح
    تشبهوني ليه و تلفقولي تهمة باطلة ليه؟! يعني
    الواحد ما يعرفش يصلي قدا ركعتين بس،
    إلا طوالي تقولو عليه مسلم؟!!!!!!
    *******andandandandand*******
    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                   |Articles |News |مقالات |بيانات

14-11-2017, 06:51 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 3949

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    صباح الخير يا أبو الدفاع
    سرد حلو ملفوف بنكت و ورق سلوفان لغوي محشي بتعليقات ساخرة تستل الضحكة من الأعماق..
    أسلوبك مبتكر...يا استاذ.
    و لك التحية
                   |Articles |News |مقالات |بيانات

14-11-2017, 09:16 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: محمد عبد الله الحسين)

    (14)إلاهي يجبر بخاطرك يا أستاذ \ن و يرفع مقامك في عليينـ
    أكان رفعت معنوياتنا الهابطة إلى قاع (الداون تاةن).طبعن هذه النكات
    عبارة عن عصارات ألم الفراق من جراء حصاد غربات ثلاث. فإذا كان
    العميد / طه حسين و قبله/ بشار بن برد،كانا رهينَيْ المحبسينن فلسانحالنا
    يقول إننا رُهَناءُظلماتٍ ثلاث( الروح و الغربة و الوطن).ربما فيذلك تيمناً
    بتشارلس ديكن، و الذي ادعى أن عيون روائع أعماله، منصلب معاناته:
    (The best selling of my works are like the
    legitimate sons of my hardships)
    طيب، عشان ما نقلبا نكد خلينا نرجع لمشاكسات صاحبنا/
    بشير ود التهامي،حين قال لي : ياخي هو زولك العميكة الإطيقش
    داك الشلاقة ليهو شني يعني؟! فطالما حديث عهد بالاسلام) أكان يوكل
    من ينوب عنه في الذبح؛ هو الضبح دا قايلنو لعب ولا لعب يعني؟! هسع أنا)
    علمتني اضبح و ليس أبوي (اللهم ربيارحمهما كما ربياني صغيراًا) كان في
    أيامنا (الغنم) يلدن (جوز) اثنين (سخلة و عتود) و كانت امي (تربي العتان)
    ول لامن أجي في الإجازة تقول لي أمش جيب سكين عمك (ود سعيد)
    وتعال (اتعلم الضبح) و اتعلمت و الحمدلله هسع دي انابراااي
    (بتفوجج فوق خروفي) و جخخخ بضبح ؟! دحين في زول
    يلزمو ضبح بس (من اللضان و إلى اللضان)؟!
    [email protected] فقلنالو: يعني ما (بتحرجم) البهيمة ي و دتهامي؟!
    كدي عان جاي ، لأنو و الله عندنا (تيوس) كدي معانا هنا،
    يستاهلو الضبح فعلاً من اللضان و لي اللضان.علا
    بس منو يقدر يقول: البعلة في الإبريق.

    (عدل بواسطة دفع الله ود الأصيل on 14-11-2017, 09:48 AM)

                   |Articles |News |مقالات |بيانات

16-11-2017, 12:28 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (15)
    (اختلاف اللهجات مصيبة وكارثة عديل)
    زولين مننا متشاكلين لامن خاتنو قرض. قام واحد
    مصرياً ملقوف كدي أظنو من الحايمينبالعدة ديلك جاي جاري
    يحجز فيهم. واحد بقول للتاني:"عاد أصبر (آ العوقة)بلاقيك في فرقة ،
    و بلحسك المرقة المصري لفح الكلمة أفتكرأ اسم الزول ؛ فمسكو قاللو:
    طب استنى يا أخِّيعوقة إِخْزِي الشيطان و خليك إنتا أحسن منو و كفاية لحد كدا
    أقصرو الشر بقا.قام زولك اعتبرو بكدا كأنو بسوي في نظام (المديدة حرقتني)
    شاللو طوبة فتح راسو. المصري دا ف قسم الحوادث لسة بيعَيَّط يقول:"بس أنا
    نفسي أعرَف الأخِّي عوقة داعمل فيا كدا ليه؟!.دا عنيف جدن ياخي.ياخ حتى
    بالأمارة دا كنتي سامع صاحبو التاني اللي عامل معاهالخناقة داك كان
    بعزمو ع العشا بقوللو: (دناحألَحَسَك المرقة).شفت ليك بالله
    جنس لهفة المصاروة؟!!!*****(((((+++)))))****
    *هبشة: يعتي القلع ود بمبة بتكونجابتو المرقة البلحوسوها دي.

    (عدل بواسطة دفع الله ود الأصيل on 16-11-2017, 12:37 PM)

                   |Articles |News |مقالات |بيانات

18-11-2017, 07:13 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (16)
    ® الخوخ البيقلع الضروس π√
    ههههههههههههه

    [} و الله شرقتني لا أشبع الله لك بطناً علا بالحلالياخ ديل ما ناس عُضَّ فؤادي و لا تَعُضَّ رغيفي. أهاا بمناسبة المرقة دي عارف ، ياخ إحنا ظاطنا أبسط مما تتصور.

    [} مرة معاي فردتي/ خال الأولاد معزومين لمة عرس عن ناس ترطيبة.قعدونا في صينية مكبوس عملاقة بحجم مصفاة الجيلي؛ مبركين فوقا بعير له خوار؛ مو ياهو الليهو موقلة؟!كمان حاشينو بجداد ؛ و الجداد محشي بحمام ؛ و الحمام محشي بي قطا و طيور السمان. و أطيار الجنة هذه محشية مكسرات؛ و هلم جرا. أها بقيت ليك أنا غاتس بي جاي ؛ و زولي دا بهناك؛ غرقانين في دهن الضلعة دي لي كيعانا و لامن مانا عارفين كوعنا ظاطو من بوعنا. وكتين شِفق فقدني قعد يكورك لي:"يا زول إت تمام ؟! قت لو تمامين، أها و أنت كيف؟!".

    [} أها يلا بعد قمنا جاء ليك دور بوفيه {الحلو} العجيبة. مشينا عليها؛ جابو سلال الفاكهة عاد المي خمج{أُتينا بها متشابهةً}؛فيها أصناف كدي مشيقحة خاتفة ألوان.. صفرا و محومرة كدي.
    قام زولي سألني دا شنو؟! وليس المفتي بأفقه من
    المستفتي؛ قت لو: " دا ظنيتو خوخ على ما
    أعتقد. قالي:"خوخ شنو يا زول ؛ بس
    نعلو القاعد يدعُّونا بيه داك؛
    البقلع الضروس".
                   |Articles |News |مقالات |بيانات

19-11-2017, 05:43 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {17}

    [} الدراما الجاية ملطوشة من فردتي و صاحبي اللدود و أيضاً أمير شعراء حملنتيش الفُطْحُل/ سوماعين ود البشير ود المحينة ، أدمن منتديات الكواهلة لمسادير الدوبيت بقرية(العريجاء و ما بها عرجٌ ، اللهم إلا إذا صحَّ إنو الهميج أهْلُها هَمَجٌ).
    *******((((((+++))))))*******
    [} بتحكي عن واحد عمك قال: ذات يوم، جايِّنِّي ضيوف هجعتن عُزاز بلحيل. فصَحَّيْت المرة قت لها : أوقدي دوكتك عوسي. و من حيسي جريت السوق هتَّشتْ لهم طب مليت الخرج دا، ما خليت لي فضن ناقص.
    *******((((((+++))))))*******
    [} و لامن رجعت ألقى ليك المرة منسدحة راقدة في رقدتا الخليتا فيها. فيا زول انحمقت، فلخت لگي مطرق لعوت من أقرب بُتُّقة، يلا بربحتها سمح، و وقعتفي المرة دي سلجتها ليك قلبتها بطن و ضهر؛ خليتا تدردق تحت القمرا، متل السنسنة الحمرا.
    *******((((((+++))))))*******
    [} و جيت منسل مارق بي نفختي ديك، فإذا بي
    أكتشف بعد فوات الأوان، و وقوع الفاس في الراس،
    إنو دا ظاطو مو بيتنا و بالتالي المرة المفشوخة لامن
    أكلت أصابعيها دي مي تبعي. إنما كانت مرت جارنا.
    *******((((((+++))))))*******
    [} يا زول راسي دا كبر قدر الكارجلقة و مشيت بيتنا لقيت مرتي عايسة و فاركة ز1و ضاربة بُلَّامة قناعا راجياني. علا بس من الُخلعة، جية ضيوفي زاتا طارت لي في نخريني؛ و بقيت شايل
    الليل حيح مساهر أقلب في درب المخارجة من النصيبة البقت.
    و مستني العوة البي دمها مع جاري المُعْتَدَى على حرمته لا إيدا
    لا كراعا. قلت دي عاد كان جلت أم دُلْدُم دي ما بتجلي . أها يا زول اليوم داك من صباحو لي مطاحو و أنا مراقب الموقف عن كثب.و كمان مشيت السوق دقيت غو يشة دهب؛ قلت لزوم قولة الروب و كسير تلج للضحيةالمسكينة اللي انهانت في صمة خَشُما و انهانت لا إيدا لا كراعا. قلت أول ما راجلا يسعلني بلهمو ياها و بعتذر لو و نخلص.

    [}علا أصلو زولك ما جاب لي سيرة. بس كلما أحدر لو يقعد يتكشم لي متل نار القصب و يمش .يلا ، لا حس لا خبرلحدت ما أتشالقت سعلو براي:
    - إتا آ ود الشيخ تحين ماك زعلان مني لا شيء؟! في شنو يا شيخنا، إتا ماك عارف السويتا ساي!
    - ي زول و الله أنا غلتان و متأسف لامن ساف التراب و غايتو گدي هاك دي غويشة للمرة سكتا لينا بيها
    - يا زول هوسسس وطي حسك ما تسمعك! ياخي دي هسي مصدقة إنو دا أنا اللي الكسرتها، لأول مرة في حياتنا و يلا من ديك زولتك مندرشة تقوم و تقع قدامي عينا دي ما بترفعا تملاها في وشي و خدماتنا الفندقية اتحسنت گتير بقت خمسة نجوم راسو عديييييل كدي لامن موباااالغة. بالله موش ياهو ناس تخاف ما تختشيش؟!!!
    ***********
                   |Articles |News |مقالات |بيانات

20-11-2017, 07:13 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    { أبونيه آبو ، آبو ضراع}
    {18}
    [][]عندنا خط بصات الحصاحيصا - المناقل[][].
    كانو بقيفو لشفع المدارس في حلال الطريق، يشيلوهم مجاني بنظام الأبونيه { بطاقة لإعفاء الطلبة من نصف أو گل أجرة الترحيل} . فيوم واحد تربال( طياني) خامجلو حوض زبالة في
    أم قرية عضام و ركب معاهم نازل ببيت في تنوب و يرجع باگر، و على العليه كمان تمتام.فالكمساري شايفو محكر وسط الشفع ، و مكفكف عراقيه بي دبارة على أكتافينو و ريحتو زبالة تطىد أبو العفين. فجاء ماش عليه يفرطق في أصابعينو :
    - يلا ي عمك ، خلسنا النمش؟!
    - ها ها هاااا أبونيه ،ها آ بو ضراع!
    - أنونيه شنو، يا زول دا للطبة بس؟!
    - ما هاهااااا أنا حتانا طططهالب!
    - و طالب وين آسقي ااحال ،إن شاء الله إتا كمان!
    - ما قلناگ ياخي طهطهطهههههالب في جامعة الخرتوم الكوبرى! فبالله شفتا ليگ جنس محن؟!!!
    [][][][][
                   |Articles |News |مقالات |بيانات

22-11-2017, 05:37 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {19}
    نان ياتا ي الياقوت، العجبتك، بتاعة العاقر دي،
    و لا نعلو زولك مجنون الهبيكة؟! عمومن الاتنين
    طرني واحدة قديمة أحلى، علا بصراحة ملاوز
    منها لو حَكَيانا تجيب هوى و لا نفكها وأمرنا لله؟!.
    طبعن إتا عارف العمايا فاقدين نعمة البصر فقط، و ليست
    البصيرة لذلك بعتمدو أساسن في تلمسم لداناميكا الأشياء،
    على حاسة الشم { أشد من الكلاب البوليسية}و أيضا على لاقط مثبت على قرني
    الاستشعار و موصل بأوتار العصب السابع. فدا عمك واحد منهم راكب آخر كنبة
    في حافلة أمبدة كرور، مرورا بأب نيران و قندهار- سوق الناقة و بالعكس. و بهناك سيدة
    محترمة و لكنها بصراحة، مكتنزة الشحم و اللحم، محتلة كرسي البومبة، منو سلم الباب جنب
    صبارة الموية طوالي. فلامن خلاس {غلقت}جا زول داير يشمع ، و شايلو طبق بيض{ جنا جداد
    الواحد دا} فقال للمرة:" لو سمحتي ي حاجة بعد إذنك ، بس تفتحي لي كريعنك، النخت بيضي
    دا" و هي ردت بكل ذوق و براءة : " اتفضل ياخوي بكل سرور، و كمان حقو تجيبو النمسكو
    ليك عداي جدن ، لامن تنزل".لحدت هنا و الأمور كولها طبيعية جدن جدن. علا بس عمنا
    الأعمي الوراداك شكلو في اللحظة اللي لقط فيها الشمار دا، قعد يقلب فيها كدا، و قام
    الظاهر شَغَّل لاعج نفسهالأمَارة بالسوء بالذات؛ فـــا لقاها الحكاية تب مي ياها
    كلو كلو ؛ لامن راسو سخن ؛ و نفسو الأمارة بالسوء قعدت تحدث فيه
    بخُيْيٍ و خبائث َما أنزل الله بها من سلطان . ثم اتنحنح ليه نحنيحة
    كدا أقرب إلى براءة الذئب. و من حيسو قعد كورك:
    "أفففو آ ناس أمبدة ما غرقت تب" و يلا،
    تترب قمز من محلو مرق بالشباك .

    (عدل بواسطة دفع الله ود الأصيل on 22-11-2017, 07:51 AM)

                   |Articles |News |مقالات |بيانات

23-11-2017, 05:41 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    يلا خلاس هاك النودعك بي دي.
    يمكن ما نتلاقى بقرب و لا كمان
    نضطر نملص جلدنا.
    (20)
    // راكوبة استراحة طابت
    الشيخ عبد المحمود الحفيان//
    ذكرتني في موقف الحصاحيصا ،
    البفوتنو عربات السوق لأهلو، بمش راكوبة
    طابت يلقالو داوودي زبالة يتراوح. مرة نقطة
    التجمع مكتظة و العصر أذن، جبدو أكبر عمة قدموه
    يصلي بم. أها يلا في مستقر سجودهم جا لوري داير
    يلقط حق جازو . و مساعد بي الحلة يكورك أم
    دوانة- وادي شعير - ود البليلة.إلخ .
    @ زولك الإمام مركوبو جنب إضنينو، أصلاً
    داب وردة. عمل تقدير موقف سريع.و يلا تترب
    قمزفرد قمزتن واحدة لقى روحو ملاصق المساعدي
    محكر فوق راس التندة.خلاهم ساجدين لحدما
    أحد المارة لحقم نبهم يرفعو.

                   |Articles |News |مقالات |بيانات

23-11-2017, 08:01 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (21)
    [} واحد أخونا دا كرستلاوي مشى سنن ملأ قرنو صاح لامن غلبو
    ليك المشي. قام طلبلو تكسي سواقو طلع شحمان جداً جداً و ما مستحمي.أخونا شم ريحة ثنان الأباطات طاقة تجيب الضهبان؛ لامن الطشمة ظاطو فكت منو. قال ليه: هق .. هقق أرقد آعيش أنا جرابك، اسمع ياخينا، إنت عربيتك دي قوة مكنتا كم حصان؟ قام داك قاللو بگل براءة: قوتا 4 حصين! صاحبك:ههق، يا زول إتا بي صحك؟ الحصين ديل 3 بس! السواق قاللو: كلام شنو يا زول؟! أيوة فاضلات3 حصين بس، كدي عليگ أقيف و خزن يمين شوية، أنا شاگي إنو في واحد حصان ميت هنا جوة!!
    ***********^^^^^^************
    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                   |Articles |News |مقالات |بيانات

26-11-2017, 06:28 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (22)
    عمنا دا شغال(لَيَّاس بيوت) و مفلس عادم التعريفة؛
    يومو داك شانق يدين عراقيهو بي دبرار فوق كتافينو؛ كمل
    ليه ريح حيطة خمج حوض زبالتو و خلاه يخمر لباكر و مرق
    ماش من بركات، متراوح أهلو في حتة اسما بقادي ،جنوب
    الجزيرة. قال عشمان يلقالو بو مروة يصولو.
    @فعلا، وقف ليو لوري هوستن داوودي حق طوب
    و تراب و زبالة. و گان ركبن معاهم نسوان ماشات
    لموجب عزاء، غادي في الطريق. فقباليتوهطو سمح
    قام مساعدي الحلة
    داير يخلس منهم ، يلقط حق الجاز:-
    - يلا يا حاجات أدونا الفيها النصيب؟!
    - عمك قالو : لا ، ما تخلس منهن!
    - طيب، كدي أدينا إتا حقك أول و حقهن!
    - و الله ما عندي!
    - يلا يا حاجات إنتن، عمنا دا شكلو بيهرج يقابض ساي!
    - يا زول قتا لبك حررم ما تشيل من الحريم!
    - طيب يا عمنا حك جيبك و خلسنا يا بنزلك هنا في الخلا .
    - يا ولدي ما قتا لك معلم الله!
    - طيب ي حاج وكت عدمان ، مالك بتتشوبر؟!
    @ هنا في ولد شاب راكب في التندة كان مراقب
    الموقف المؤثر دا،و لاحظ إنو عمك دا فيه شحنة شهامة
    و مروءة لامن خرافية.علا يظهر العين بصيرة ؛ لكن الحيلة
    قليلة و الإيد قصيرة . فطوالينزل سلم على عمنا في جبينو؛
    و نادي الكومساري دفع لهم گولهم ؛ و كفاهم شر المذلة.
                   |Articles |News |مقالات |بيانات

28-11-2017, 10:09 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)


    { يا عشمان لك في ودكة من (دِفْرِنْش)
    النملة،ترا حرممانة عليك الرشوشة}

    {23}
    { يا عشمان في الودكة
    من صلب النملة،
    ترا حرمت عليك الرشوشة}
    ياخ عمك دا شدة مو جلدة شديد،
    لامن يكطع الخميرة من بيت النمل ظاطو. فقام
    ليك مرة كدا جابو ليهم خدامة حبشية في البيت و يلا
    عاد قعد يساوم لك فيها على الماهية قام سألها: الناس الكنتي
    شغالة معاهم كانو بدوكي كم؟عشان ما نقوم كمان نظلمك بعدين؛
    قالت ليهو بكل براءة و صدق و أمانة : الصراحة كنت شغالة بي بطني
    ساي ؛ يعني كنتا بضوق معاهم ياها لهيمت الكسرة دي آكل و أشرب بس
    و اتنفض افوت أتراوح أهلي ؛ قام هنا زولك طوالي شغل ليك فيروس الجشع
    انعدل في قعدتو ،بعدين اتنحنح و قال ليها: طيب يا بت الناس نحنا ترانا ح نبقى
    ليك متل أهل أمك و أكتر ، وح تبقى بيناتنا عُشْرَة عُمُر طولية ،فيا بتي لو يعني
    إتعشمنا فيك ساي تراعينا شوية ، أها طيب ،ما بتجاملينا تخلي لينا حاجة و لو
    بسيطة يعني!!!- قامت الحبشية قالت لو بي حدرة سخرية: علا لاكين يا عمو
    كدا (ما بتكون عسرتا عليا شديد)؛ تيب أقول ليك حاجة، خلاس بعفيكم من
    أية أتعاب ، بس بجيب لي رغيفةأغمسا في عطرابة دخان شيتكم،
    و لامن أفوت أشربفي بيتنا.كدا كويس معاك؟!
    بالله ياعمك ، مو ياهو داا لفضل
    😂😂😂😂😂
    فغايتو جنس غياتو ،بالله شوف جنس
    دا !!قلنا ليك الوضع أصبح أليم شديد


                   |Articles |News |مقالات |بيانات

30-11-2017, 05:42 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {24}
    مشاكية من حبيبنا بشير ود تهامي تبسم ، من فضلك ، فأنت على مشارف عتبات النخبة//بسم الله الرحمن الرحيم (المنتدي ده بقي مسكون ولا شنو)؟!انا ادخل العنوان الفوق ده القي روحي في{ يا عشمان في الودكة من صلب النملة، ترا حرمت عليك الرشوشة}
    الكلام كتير ولكنه رهين المحبسين
    المشاركة الأصلية كتبت بواسطة بشير ود تهامي
    يجازي محنك يا ود الأصيل، ياخ
    حليل زمن (ربع الرطل بسرف القزازة) عليك الله هسع (بسرف) دي البعرفا ليك منو ...؟! ههههه ولا (العرنون) تنخت عليك يا ود الأصيل وماني خاتي عليك (الكان قطعت مصاريني بالضحك)؟؟!!
    هسع (الصفيحة) بقت (جركانه) ومعفنه وبتجيب امراض كمان...؟! حليل الصفيح النضيف الناصع البياض؟؟!!ياخ فضحتونا يا ناس (ام طرقن عراض)؟؟!! هههههههههه(المومبار) مافيهو مشكلة علا عليك الله (أم مالبين) دي البعرفا ليك منو هسع دي ...؟! ياخ انتا زول سمح سماحة ربنا يديك العافية في الدارين (اريتني كنت ساكن جنبك) كان افطر واتغدي واتعشا ضحك ساااي وكان فارقني الهم والغم وكان سوء الهضم راح مني وبقيت متلي متل (الحاشي البشاري)اقدل سااااااي وامتر في واطة الله دي ....؟! هلا هلا
    [} قلنا لگ مرات ي بشة بتلاقي نفسك كدامصاب بدوخة إحساس البنفسج. لدرجة ماك قادرتكمل كتابة ولا قراية حتى؛ و نَفَسك انكطع من الجريوراء حرفٍ سلسٍ، وعبارةٍ جذلةٍ منتقاةٍ بحنكةٍ، و أسلوب سرديٍّسهلٍ ممتنع ، بحيث يتسلل ليس خلسةً ، بل عنوةً بل و اقتدار عبر أوتارعصبل السابعه اًإلى سراديب وجدانك تماماً،كما يسري تيار طفيف عبر مسام الروح ليعيدلدايناميكا أشيائك رمانة توازنها. كذلك هي حروفكم أيها السادة (النخوباب) . بصراحة كدا، الكلام كتير لكنه لا يزال رهين المحبسين:أقفاص صدورنا الصماء،فضلاً عن مسالكناإلى فسيفساء ذوائقكم السمهريةالتي ربما ريثما نستأنس لمدى تماهيها لاستساغة كل ما نثرثر به هنا، لربما يستغرق ذلك وقتاً و يتطلب جهداً مقدراً.اللهم إن كانت مواتية،فطوبى لوجودنا بين ظهرانيكم. و كذلك مرحى لنا بأقلام تبوح لنا بِصَخَ[ صمتها عالياً كأعلامٍ ترفرف عاليةً خَفَّاقةًو على رؤوسها مشاعل من نور ما يفسرسعينا اللاهث وراء المفرداتالغنية عن التعرية،،،

    (عدل بواسطة دفع الله ود الأصيل on 20-12-2017, 07:46 PM)
    (عدل بواسطة دفع الله ود الأصيل on 20-12-2017, 07:49 PM)
    (عدل بواسطة دفع الله ود الأصيل on 20-12-2017, 07:52 PM)

                   |Articles |News |مقالات |بيانات

01-12-2017, 02:56 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (25)
    [} قالگ :الولاية عملت تكريم للطالبة الجات الأولى في مرحلة الأساس.. بعد التكريم ركوبها هليكوبتر في جولة حول الولاية.. و كان معاها والي الخرطوم رئيس المؤتمر الوطني بالولاية.. ووزير التربية والتعليم برضو مؤتمر وطني.و رئيس اتحاد الطلاب طبعا مؤتمر وطني.. ومدير مدرستها ماعندو علاقة بالسياسة.
    [} تعطلت محركات الطيارة وقربت تقع.. وفي الطيارة أربعة شنط براشوت بس، يعني لازم راكب يروح فيها.!الراكب الاول، والي الخرطوم قال أنا والي الخرطوم ووزير الدفاع السابق،و الشعب ما برضى لي جنس الموتة الفطيسة دي، ختف شنطة البرشوت الأول وانبرش.
    [} الراكب الثاني، گان و زير التربية.. قال أنا مسئول كبير و عندي مهام عظيمة و كتيرة، عايزني اموت ليكم كدة سومبهار ساااه؟! ؛ فقام جبدلو شنطة برشوت و اتخارج.[} الراكب الثالث، رئيس اتحاد الطلاب، قال انا عيني على المستقبل و قدامي گدا كم وثبة بالزانة ؛ عايز أبقى مسئول لي شنة و رنة في البلاط الرئاسي. گمان دايرني اموت سنبلة ساي ختف الشنطة التالتة و بقي مارق.
    [} الراكب الرابع، گان السيد/ ناظر المدرسة، قال للراكبة الخامسة، و هي الطالبة المكرمة الجات الأولى:- شوفي يا بتي انا عشت كتيير، و مافي حاجة فارقة معاي. لكن انتي وجيلگ مستقبل البلد دي أمانة في رقابگم ؛ عشان كدة شيلي البرشوت الرابع دا و نطي.. البنوتة قالتلو:
    - يديك العافية يا أستاذ.. و كمان أقول ليك حاجة انت ذاااتك هدا ، عندي ليك برشوت!!. - أصلي، ما بصدق، إنتي بي صحك ، يا بتي؟!��.- اي و الله، يا عمو.. - علا لاگين بس لقيتيهو وين؟
    - يا عمي، ربك دا مو كريم ، يمهل. لا يهمل. يلا، عمك اللمبيلامن تلب، من شلاقتو ،ختف شنطتي حقت المدرسة،و قفزبها في الظلام!!������

    (عدل بواسطة دفع الله ود الأصيل on 01-12-2017, 02:59 PM)

                   |Articles |News |مقالات |بيانات

02-12-2017, 01:36 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (26)
    ]{ عوداً على ما فرعنا به هذا البوست، حسب الصيغة أعلاه
    ( يا عشمان في الودكة من ورك النملة ، حرمت عليك الرشوشة).
    فقد ورد مضرب المثل في شأن البخلاء الأشحاء، كما أسهب في وصفهم الجاحظ ، أو كقوم جريرٍ، حين هجاهم . بقصيدة عصماء من عيون الشعر، حيث أجاد و برع ، إلى أن قال فيهم:
    > قومٌ إذا استنبح الأضياف كلبهمُ قالوا لأمّهمُ بُولي على النّارفتمسك البول بُخلا أن تجود به و لا تبول لهم إلا بمقدار

    [} كذلك يصلح المثل أن يساق أيضاً في حال المواهيم من ذوي الآمال العراض و الشبحات العُراض، الحالمين بالمحال ، المادِّين أرجلهم إلى أبعد من مقاسات ألحفتهم، الناظرين لأبعد من أرانب أنوفهم، و الممتطون إلى شُرَفٍ فوق هامات الثريا لعقد قرانهم بالقمر هناك.
    خريبيشة:-
    وجب التنويه إلى أن السياق المذكور للمثل عاليه ، له في نسخته الأصلية صيغ و ألفاظ أظرط و ألعن من هذه و جدناها نابيةً مشاترةً إلى حدٍ كبيرٍ؛ و قد لا تليق بمقام النخوباب.و خشية أن يندى لها جبين حرية الملكية الفكرية، فتشمئذ لها ذوائق ذوي النفوس الرهيفة الشفيفة. لذا، فقد ارتأينا حجبها بشيء من التصرف. فرجاء ممن كان يعرفها أن يمدُغ و هو ساكت، و من لا يعرف أن يگف عنا جشاءه و يكفينا شر السؤال.
                   |Articles |News |مقالات |بيانات

03-12-2017, 08:45 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (27) المشاكسة الأصلية كتبت بواسطة أبو صديق ة:
    أسمح لينا يا أبو حازم نخرب ليكم الرصة الحلوة دي.
    شفتو كيف يا الدكاترة ... يا ناس الاضراب خلاص صلاحيتكم انتهت
    بعد الروشته الصحية بتاعت وزارة الصحة قالو تانى العلاج رقيص....
    أها قال شنو الناس ديل ( الصحة تنصح النساء باالاكثار من الرقص لتفادي
    الإصابة بامراض وجع القلوب السرطانات و خلافو � يعني تاني رقيص
    وحت نضيف . يلا حتووووو حتو حتو ..ودى حاجة مني انا اضافة و كدي.
    * الرقص على اغنية حنانة لقى اهلو ما جانا ... لالام المفاصل -
    * واغننية يابا الشيخ الطيب ... للصداع - *و أغنية المغتربين..كلكم
    تجو تجو صفقه صفقه صفقة. للتايفويد و الملاريا- *واغنية جناي البريدو
    .لآلام اللثة والاسنان ) !!!! * وأغنية راجل المرة حلو حلا ... لوجع الفشفاش.
    *أغنية بلا يخمك يا البايريكس ... دى لآلام البطن * اغنية جنى الوزين .دى
    للبواسير و المسالك السوفلية بس ...نصيحة اخيرة للنساء ما تمشن
    تتراقصن في اي حتة يقومو يلمو فيكم ناس النظام العام ..بقى ليكم
    ميتهو خراب ديار .... واخر حاجة أغنية الدكاتره يا الستة .
    .. دى تنفع زي سفوفة للشرقه وضيق النفس
    ��� يلا صفقة صفقة صفقة ���
    يا حبوب إتا يدخولك الحشن دا ، يا دوبك
    (حليتا للدعس ) يلا بعد دا هاكم دي : أغينة
    (يا ناس شوفو لي حلل) من ألحان أبونا الشيخ/
    بلة الغايب في الركايب . و أداء حامد التايب مع فرقة
    (البالمبو) المصاحبة لرقصاتا الفنون الشعبية العديبة.
    طبعن دي عرفتوها لي شنو؟! أقول و لا أهااا
    خلاس ح أقول و(أمري لله) دي ل(مرض حامد)!!

    (عدل بواسطة دفع الله ود الأصيل on 03-12-2017, 09:18 AM)

                   |Articles |News |مقالات |بيانات

04-12-2017, 07:55 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (28)
    المشاكة الأصلية كتبت بواسطة عادل القاسم مشاهدة المشاركة
    وحيات الله الناس دي راحت ليهم ساكت..
    ترا بقى غالبون اليعملوهو سااااااي.

    الموشكلة يا عضولي ، نحنا كشعب بنؤمن بخزعبلاتم دي سريع
    و بتنتشر كما النار في الهشيم و تصبح قاعدة و عرف و قانون هسي شوف
    الولية دي بترقص في السهلة. وصلتني للتو و اللحظة. جديدة وحصرية
    عمتك حاجة كبيرة في ملجة الخدار بحري، فجاة و قفت ترقص و تغني
    وتحت فيهو حت نضيف: ورى ورى ورى .. ورى ورى طوااااالي . قال
    ليك الناس اتهجمت ووقفت تعاين ليها واحد قال ليها دا شنو يا حاجة.
    قالت ليه يا ولدي مواعيد دواي جات قالوا لي الرقصة دي
    كل سته ساعات عندي التهاب مفاصل
    😂😂😂😂

                   |Articles |News |مقالات |بيانات

05-12-2017, 08:19 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {29}
    من أطرف طرائف أيام حنتوب الجميلة}:
    مرات ملامحك براها تخونك ، و ترميك في مطبات نواعم

    [} طيب نمرق بكم من حتة النواعم دي كاتمة شوية:
    ود أب ظن ، عربي مقرم من من ظرفاء قاع المدينة في حنتوب. مرة على خشبة المسرح عاين في الجمهور شاف أحمد منقة/ رجل رزين و هادي جدن و بتاع كسر قراية رياضبات بس {أدشنل}، كنا بتسمبهم الترزية (لطول جلسوهم للذاگرة ليل نهار). لاكينو متلش و شكلو بصراحة و شكلو يوحي بإنو أخطر شرامي. قام ود أب ظن حب يخرج بيه عن النص و يظمج الجمهور معاه. فناداه: ي منقة هووي د، تعال بالله جيب سفة!!
    _ زعى أحمد منقة و قال ليه: يا زول قول بسم الله منو القال ليك أنا قاعد أسف، تسف الجردقة و الرماد البكيل حماد، إن شاء الله.
    _ ود أب ظن طبعن مصر يشاغب: و الله ي منقة ، بحگم التخصص، فالمعطيات كولها عندك ، علا ماك قادر تبرهن بس!!
                   |Articles |News |مقالات |بيانات

06-12-2017, 07:27 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (30)
    الجاية دي كان حكيناها خصيصاً لعمنا عمران
    على أساس إنو قريب من بيئة ثقافة {الحلب و الصر}.
    و لكن يبدو أنه تحنش كما تحنكش الذين من قبله ، فلم
    ينقش منها شئاً فما جابت دهل لذلك قررنا نجيبا راجعة
    هنا للارشيف، عسى و لعل يعتر فيها زول يضحك فيها.
    @ بتحكي عن حياة أهلنا الغُبَش أبان مسوحن موية
    مع {السعية} في البطانة. و هي قديمة منكوتة من تحت بيت
    الكلاوي ؛ و دايرالا زولن غنامي مقرقح متلولدنا/ود بادي؛
    شان يفهم في مصطلحات ثقافة بيئتنا المحلية في أم هَبَج

    ¶ فديل شَفَّع ، وليد و أختو قاعدين يلعبو {العيتنوبة} يتناقزو
    {يقلبو الهوبة} فوق سدر جدهم. قام الوليد مرق طهارتو و قاللو هاك
    يا جدي صررني. جدو ماخدو على قدر عقلو ختف لو تلقون شرطو
    و بلاهو بشوية بزاغ و ربط للشويفع طرف الهناية {الحميميسة}
    و قاللو يلا خلاس صرررناك ، قوم أجر ، و انتهى الموضوع.

    ¶ لحدت هنا و الأمور عادية جدن، على عاد البنية إخيتو لامن شافت
    المنظر قام حركا ليك الفضول و ربما نهشتا ليك الغيرة.و للشلاقة ليها
    و على حسب جهلا و غباها، جات جارية من هنووووك فاتحة (حاجاتا)،
    يلاتصر و تلح على جدها ، ستين يمين بالتلاتة، علا حتنا يصررني متل
    ما سويتو لأخوي. لحد ما دخلت عمك الجولكين ظاطو في حيصة بيصة.
    ففام اتلفت منها كدي و قال لها: والله عاد يا بنيتي المتلك إنتي ماني
    عارف لك صرفة ، علا بس كان يخمجو لك شوية بعر{يلوطوك}
    بيه لواط عديييل ساااه؛ و ننفك من شبكتك. بالله بس ما
    تخذلونا. دي نكتة متكلفة و متعوب عليها ؛نكتنااها
    جبناها ليكم هنا مخسوس ،شان تفر
    الكشمة تورونا سنيناتكم تضحكو.
                   |Articles |News |مقالات |بيانات

07-12-2017, 07:29 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    { 31}
    ][} عوض الله جا من البلد عشان يتعالج في الخرتوم ، محل بشة بنوم و الطيارة بتقوم...ودوهو المستشفي لقي 3 دكاترة قاعدين د.ايمن و د.ريم و د.احمد
    ¶ د ايمن سالوا قال ليه : عندك شنو عمو يا عوض الله- قال ليه : عندي حمارة و بقرتين و تلات عوين - دكتور/ احمد قال ليه : لا يعني بتحس بي شنو ...؟ قال ليه : والله ختت راسي القاسية،تاني علايحسسني عوعاي الديكة الدغش- دكتورة / .ريم قالت ليه : لا يا عمو.قصدو يعني البيوجعك شنو!؟قال ليها : و الله ي بت الناس مفي شيتن كدي هسي موجعني ،غير انجعاصتك وسط الرجاجيل ديل.😂

    (عدل بواسطة دفع الله ود الأصيل on 18-12-2017, 04:43 PM)

                   |Articles |News |مقالات |بيانات

18-12-2017, 04:41 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    { 32}
    ]{ محمد إبراهيم π√
    نقداقتباس المشاركة الأصلية كتبت بواسطة سيف الاسلام مشاهدة المشاركة:* ما اجمل ان نعود الي صفحات حبيبايب المنبر بين كلمات ود الأصيل .

    [} و ليتك تعلم ي ديك/تور ما بنا من لواعج شوق و (حنين لعودة الغائبين يدوبنا)و عمومن أن نعود أخيرن خيرن من أن نذهبمع الريح فلا نعقب. و طالما الدرب جابك ، خلينا نفضي معاك باقي جرابنا قبال تشتت حتگ و تخليؤنا.

    [} فدا موقف لا يخلو من طرافة من الزمن الجميل حصل في أيام معمعات برلمان ما بعد الانتفاضة 1986، التي جاءت مخرجاتها مهببة كمخرجات الحمار الوطني الأخيرة.

    ¶ الشاهد ،كان عمنا الشيوعي المخضرم/محمد إبراهيم نقد و هو صاحب دم شربات رغم هموم السياسة؛ كان معاه مع عمنا أبوسبيب و دفع الله التوم طاقين حنك و قافي. فجاء النائب الكوز/ هجو قسم السيد شايللو مجموعة مصاحف طبعة فاخرةو گدي، يلا أدى صحبانو الكوزين الاتنين باعتبارهما يعني خلاث خاثة الخاصة ؛و قام لي التعترو فط ليك نقد . فعمك دا ناداه و سأله: تعال هنا، ليه ما أديتني معاك مصحف؟!- هجو قاللو : ما حبيت أحرجك، أيها الرفيق!- نقد و قد اشتهر ببراعتهه وسرعة بديهته في صناعة المواقف و قلب الطاولة رأساً على عقب من حولها ؛ قام قالو: شوف، أنا اسمي محمد و أبوي إبراهيم ، و نقد دي بالعربي معناها: عبد أي: عبد الله. يعني اسمي فيهو اتنين انبياء! والتالت أبو أعظم نبي و سيد ولد آدم ؛ أها تعال هنا وريني بالله، من الله خلقگ سمعت ليك بي نبي اسمو هجو ؟*****^^^*****

    (عدل بواسطة دفع الله ود الأصيل on 18-12-2017, 04:46 PM)

                   |Articles |News |مقالات |بيانات

19-12-2017, 03:15 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (33)
    المشتهي الحنيطير يطير, إن شاء البن.
    [} دا كمان واحد زهجي
    لمان شايل أخلاقو هنا في رأس نخرينو.
    ياخي دا من شدت رويحتو مي مكركرة براها،
    شفت مرات لامن يزهج من ضلو الواحد المباريه دا ظاطو يقول ليه: يا زول بقول ليك أحسن لك تختاني بي الله واحد، و لا تكترو و تقللو ، أقوم أقبل عليگ انشبك فيك ، علا بعدين يفرزونا باللباسات.

    [} أها مرة كدي عارف زولنا دا عندو معزاية ماخدا جديدة و محيَّنة لبن ، جاب قرعتو داير يحلبا و هي ملقلقة و نفسا عاجباه بالحيل. قامت بعفةية گدا أتمنعت ليك عليه رفستو مرة و مرتين(يعني نظام غنج غنمايات و گدي)، فغايتو دي فوتا ليها ، أگلا في لباد حنانو ساي،

    [} علا لاگين الرفسة التالتة دي الظاهر جاتو ليك الحالة قام قال لها إتي بترفسيني أنا آ بت الغلفاء إنتي ظنيت أهلك ما حدسوك بي؟ يلا قام جاب لو سلبة عكما دورجا و ربطا ليك على الشبعة سمح لمن قطعا النفس ، و حكل كريعاتا حلبا ليك بالغسب لامن ملأ قرعتو رسفا لبن ، و يلا مسكا ليك من نخريها كباه ليها
    سعطا ليك باللبن في نخريها لامن شرقت.و قام فايت و قال لها:
    أها يلا أريتك تشبعي بيه.. و إن شاء الله
    المشتهي الحنيطير يطير.
                   |Articles |News |مقالات |بيانات

19-12-2017, 03:28 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    ( 34)
    ®كيدهن لبعضهن أعظمπ√
    {دي قصة أدهشتني حتى أضحگتني ، ثم أجهشتني بالبگاء} .
    [} من أعجب ما ستقرأ ، يحكى أن امرأتين دخلتا على القاضي ابن أبي ليلى، وكان قاضياً معروفاً وله شهرته في زمنه.
    فقال القاضي : من تبدأ؟ فقالت إحداهما : ابدئي أنتِ.


    [} فقالت الثانية : أيها القاضي مات أبي وهذه عمتي وأقول لها يا أمي لأنها ربتني و كفلتني حتى كبرت.قال القاضي: وبعد ذلك؟ قالت: جاء ابن عم لي فخطبني منها فزوجتني إياه. و كانت لها بنت فكبرت البنت و عرضت عمتي على زوجي أن تزوجه ابنتها بعد ما رأت بعد ثلاث سنوات من خلق زوجي. و زيّنت ابنتها لزوجي لكي يراها. فلما رآها أعجبته. قالت العمة: أزوجك إياها على شرط واحد أن تجعل أمر ابنة أخي (زوجتك الأولى) إليّ .

    [} فوافق زوجي على الشرط. و في يوم الزفاف جاءتني عمتي وقالت : إن زوجك قد تزوج ابنتي وجعل أمرك بيدي فأنت طالق
    فأصبحت أنا بين ليلة وضحاها مطلقة .
    [} ثم بعد حين من الدهر، ليست ببعيدا، جاء زوج عمتي من سفر طويل، فقلت له يازوج عمتي: تتزوجني؟ و كان زوج عمتي شاعراً كبيراً. فوافق زوج عمتي. و قلت له لكن بشرط أن تجعل أمر عمتي إلي، فوافق زوج عمتي على الشرط، فأرسلت لعمتي
    وقلت لها: قد جعل أمرك إلي،ّ و أنت طالق . ثم تزوجته.
    فأصبحت عمتي مطلقة و واحدة بواحدة. أطال الله عمرك.
    فوقف القاضي عندما سمع الكلام من هول ما حدث. :و قال : يا الله . فقالت: له اجلس ! إن القصة لم تبدأ بعد فقال: أكملي ...

    [} قالت : وبعد مدة مات هذا الرجل الشاعر الهرم، فجاءت عمتي تولول و تطالب بالميراث من زوجي الذي هو طليقها. فقلت لها ؛هذا زوجي فما علاقتك أنت بالميراث ؟

    [} و عند انقضاء عدتي بعد موت زوجي جاءت عمتي بابنتها وزوج ابنتها الذي هو زوجي الأول وكان قد طلقني و تزوج ابنة عمتي ليحكم بيننا في أمر الميراث . فلما رآني تذكر أيامه الخوالي معي ، وحن إليّ . فقلت له: تعيدني ؟ فقال: نعم .قلت له: بشرط أن تجعل أمر زوجتك ابنة عمتي إلي.فوافق. فقلت لابنة عمتي أنت طالق! فوضع أبو ليلي القاضي يده على رأسه وقال : أين هو السؤال ؟

    [} فقالت العمة : أليس من الحرام أيها القاضي أن نُطلّق أنا و ابنتي ثم تأخذ هذه المرأة الزوجين والميراث؟فقال ابن أبي ليلي :و الله لا أجد في ذلك حرمة وما الحرام في رجل تزوج مرتين ، وطلق ، وأعطى وكالة؟ و بعد ذلك ذهب القاضي للخليفةالمنصور وحكى له القصة ، فضحك حتى تخبطت قدماه في الأرض وقال : قاتل الله هذه العجوز ،من حفر حفرة لأخيه وقع فيها . و هذه وقعت في البحر..
                   |Articles |News |مقالات |بيانات

19-12-2017, 08:33 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    قم للمعلم وفه التبجيلا

    و زي ما قلت لود التهامي ماك طالبني حليفة،
    ما تتصور السعادة البتغمرني في الساعة البنحس
    فيها إنو فرينا الكشمة على شلاطيم الغلابة و بالظاط
    كمان الناس(المِعْطَرِبِين) ديل.. لأنني ملدوغ من نفس الجحر.
    و طوووول يا ليل على الواعيك و يا جمرة أحرقي الواطيك.
    ***********$$$$$$$**************
    سمح كدي هاك شوف دي:-
    عمك دا أستاذ جغاريف معاشي مشالو لفكهاني قالْلُو:
    عليك الله أدني بس موزتين، شوفن بيوزنن نص لهن كيلو!؟🍌🍌 ،
    و فرد برتكانة، ما دستة 🍋🍋 و باقي ناس جوافة وكيوي و سفرجل و جنس
    التماطيث ديلك عاد، علا نشمهن كروفة ساه!! (لزوم رِوَّيح شحتفة الروح)،
    يعني متل شوف العين الما كتل لو غزال . بتاع الفواكه نقش أستاذو، و ناغم: يا ولد ،
    تعال ارفع للأستاذ دا 10 كيلو 🍌🍌🍌 و كرتونة برتكان و كرتونة تفاح 🍎🍎 و كيلو
    عنب بناتي 🍒🍒و كيلو🍓🍓 شنو داك و ظ£ بتاتيخ 🍉🍉 المهم جيه عمك طب جيه شديدة
    و قالو:يا أستاذ عندك عربيه طبعاً ، دحين البرادو الواقف داك مو هيلك؟ عمك شعر بالاستفزاز
    و قاللو!: لا يا ولدي. بتاع الفواكه قال يا ولد وقف ليك أمجاد وارفع فيها حاجات الأستاذ و قبل
    عيله قالولو: طلَّك بالتلاتة يا أستاذ ما تدفع فيهن ولا ملينة حمراء ، عمك لامن انبهط قاللو: يا
    ولدي، و الله عقدني عدييل كدي، و ما عرفتك بتاع الفواكه قال تزكر يا فندي زمان المدرسة
    يومك المعرتني ليك بي حبل عاشميق و أنا تولب نطيت منك بالشباك، يلامن ديك و عيك
    الشوفة يا روفة للقراية أم دق، كبدتي أبتا ساه، و ختيت لها ختتن سوداء أصلي تاني ما
    قبلت عليها، و دقشت البنادرلام هدا بقيت زول. عمك صفق كف على كف؛ ثم أدارها
    علي علي (جضومو)، و قال للفكهاني: هي نان يا و لدلي ما أريتك يوم داك أكان
    أمهلتا لي، تحين ما كنت تلبت وراك و جريت معاك، ترانا قعدنا نتزحزح
    مع شغلانة الطباشيرة المهببة دي لامن عصيبنا هديل انشمط و ركينا
    بقن سايحات تراهن متل القارشات بِلْلِي و حاتات سفايف.
    لحدت ما نزلونا المعاش. و علي قلة عمك/ سيد خليفة
    (أنا كان رضيت بالهم ما يرضي بي همي)
    *****$$$$$$*****
    😂😂😂😂😂😂😂
                   |Articles |News |مقالات |بيانات

19-12-2017, 09:05 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 3949

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    ود الأصيل يا أصلي
    انت منساق مع التسواح العاطفي و الاندياح النوستالجي و نحن جارين وراك و ما محصلنك..
    مرة بالجوال و مرة بالواتس و مرة بالرجلين و ما محصلنك..
    انت غيرت الأرقام و لا شنو؟
    أنا من الصباح قدام بابك العالي و لا من مجيب.
                   |Articles |News |مقالات |بيانات

19-12-2017, 10:52 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: محمد عبد الله الحسين)

    (35)
    أولن لك العتبى حتى تستغيث بالرضا،
    و تسامحني يا أستاذ ثم تدني راسك أبوسها، عشان نوفيك التبجيلا.ودا و الله موش تُقًل، لا سمح الله و لا شيتين؛ علا فعلن الايامات دي أخوك عامل (متل ود الميوية) ملخوم جنس لخمة، و جقلبة جري نضيف. باقيلك عملت بي نصيحتك أخيرن ، و هدا راكب التونسية ، هي قصدي الأثيوبية( علا بس ترانزيت)، و مندلي البلد بعد غياب سنين ضوئية. بس دوعاتك لينا بالسلامة.

    [} و قبال نمرق من حتة الحرم المدرسي ، قلنا نودعكم نفارقكم بحاجة كدا من نفس الأجواء . فتعرف ي ودا لحسين ، قدر ما الواحد يقول ينقرع، تقول بالله بترترولو حلاوة مولد فوق شلاضيمو. بالذات لو غَرَّقنا ليك في دراماتنا مع ناس صديقنا اللدود/ود التهامي الله لا جاب باقيهم. لأنهم دايماً برجعونا لسنين مدارس زمان. علا بس ماني حاضر ذات الراسين متل جلاكينگم الهنا ديل. ياخ إذا گان واحد خات بروفايلو لي بوب مارلي و التاني مكرضم لي وشو (سافِّي خاتي السفة دقار دفار) بالله لامن أشوفو بنخلع.

    *****(((((فسحة ود الناظر)))))*****

    @ أها ، تحين إتا في هيبة المعلم ، و لا حتى وليداتو كنا بنوفيهم التبجيلا. غايتو أمرنا لله، بدور أحكي ليك درامات كعبات بلحيل ، لامن يندى ليهن جبين إبليس ظاطو من الخجل{ علا عاد ينفضوهن من الدهن ، و لا كان تسدد إضنيك ،و تقرأ}

    @ ود ناظرنا دا كان اسمو عبد الإله . الجنا شدت مو نضيف و أكلو رغيف، كنا، و لا مؤاخذة، بنتغزل في {فُسْحَتُو} مي ياهي أم لونن أصفر ديك! أيوة ، أولن ، لأنها الوحيدة الممكن نشم فوقا {دعكة كوشنة}. تانياً و الأهم، لأنو كان الوحيد (البيطلع زي الناس) في بيت ناس أمو. طبعن، موش زينا نحنا ، مضطرين ننتظر لحدت المساء نمشي الخيران. لكن هم سنة ناعمة بستعملو جرادل {الألطا} البشيلوها الجماعة ديلك مو ياهون أبان عَنْقَرةً غليدة، بالله السيف ما يدليها؛و بفسحو الحاجة دي بالكارو جارنها بي جَمَل.

    [} أها ، وكتين صاحبنا الحنكوشة يمش يطلع فوق المسطبة التحتا الجردل، تلقانا منرصين نتربص به الدوائر؛ نحدرلو و نتقارص و نقول: د " أحيييي أنا يا (فُسْحَة) عبد الإله".

    @ و أما نحنا فزي ما قلت لك خلها في سرك ساه. أولن {مِكَوْفْرِين}، ماسكانا ليك {يابوسة} مزمنة. و عاد كان لي {أم بعيرة} ديك، لامن ربك يهون مضطرين نرجى لحدت حولول المساء نمشي نمرق ليها (نفسجا) ليك في الخيران؛ و كنا {نضعها كالشاه} ، تلقانا الواحد لابدلو ورا بُتُّقَة {شدرة لعوت ، و لا سروب}، و { يدعم و يَقْنِت }، لامن {عروق راسو ديل يِشَرْطنن و يجن ناطات} ؛ فوكتين خلاس تجيه الحالة يقرب يقلع البتقة بي عٍرٍشًا و يقول: الحمد لله الذي أذهب عني الأذي و عافاني.

    (عدل بواسطة دفع الله ود الأصيل on 19-12-2017, 03:38 PM)

                   |Articles |News |مقالات |بيانات

20-12-2017, 07:19 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {36{
    القراية أم دق
    طيب, دي برضو قبال نغادر أجواء الحرم المدرسي عندنا الأستاذ الجليل عمر منوفلي ،فرتدي، و في نفس الوكت خال أولادي، معلم ساخر ،
    دايمن قاعد يقول: هو المعلم شنو قيالنو ، ما زول غلبتو القراية أم دق
    و فجأة قرر يقري أولاد الناس.
    *****((((+)))))*****
    [} فدا كمان شافع تلميذ خملة عليه جنس خمالة ماعادية؛ لامن ما بفرز طوظ من سبحان الله. ياخ دا حتى بس لو بالغلت ساه جاوب صاح و ما صدقو يصفقولو و يدورو يدوه جايزة التلميذ النشيط، نظام گسير تلج ساي، يلقوه ليك دقس راح في سابع نومة، فلامن يصحوه يقوم يلكز جارو يقوللو: عليك الله قوم أتناولا لي معاك.
    [} فطبيعي يجي البعد الطيش.امو تعبت معاهو شديد كل يوم ناقلنو مدرسة. في النهاية ودتو مدرسة اقباط من فولة تيت شال البىنجية و قفل مواد الامتحانات كلها .. امو استغربت قالت ليهو دي عملتها كيف؟؟ قال ليها: من جيت خاشي عليهم ، المدرسة لقيت الناس ديل كاتلين ليهم زول و معلقنو في خشبة و مشتحين يدينو زي المصلوب
    فعرفتهم ما بهظرووو..ومافي يما ارحميني .
    😂😂😂😂😂😂😂😂😂

    (عدل بواسطة دفع الله ود الأصيل on 20-12-2017, 07:24 PM)

                   |Articles |News |مقالات |بيانات

20-12-2017, 07:32 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {37}
    أم صفقن عراض
    يقول بشير ود تهامي: يا ود الأصيل، حليل زمن الجنوبين يجو البقالة و.يقوليك (فول بيكرج وزيت بي كرجين)؟؟!كانو بحبو الزيت ما بعرف ليه؟اظنه عشان بشتغلو في العماره و الاسمنت بقكونو غبش ..؟! كان الدنيا بي خيرا والناس امان لا جشع لا طمع وكان عندنا بقالة صاحبها كاتب لافته معلقة (لو خلص الفول انا مش مسؤول)

    [} طبعن ، دا كان ي صاحبي بشير زمن ربع الرطل يرسف القزازة،و متر مصران ( العرنون) فيه سبعة ياردات . بالمناسبة ، عمنا دا جزار من الأقاليم وكتين كرتحت معاو هناك و الناس كولها هجت جات محل الريس بنوم الطيارة بتقوم ، تتكدس في مدن الصفيح { في الضواحي و طرف اامداين}. الشاهد عمك جا فتح جزارة هنا. و كون زباين و أمورو بقت طيبة. فمرة لمح لو زول أشعث أغبر يشق الصفوف و يدافع الزبابن ،
    و ماش عليه .و يكوركأعلى حسو: اللخو ، أدينا ستة أمتار.
    االجماعة استغربو و فالولو : يا شيخنا إتا مسحلب و لا راميك جمل؟؛
    هي جزارة و دكان فاتورة؟! لكن عمك الجزار قالهم خلوه ي جماعة،
    الزول دا أنا فهمتو داير شنو. و قبل على الزول قالو:
    تعال قرب جاي اللخو ، أولن حمدله على السلامة، متين وصلت من أم صفقن عراض؟!
    و طوالي دنقر تحت الطربيزة كطع ليه { بومبار معاه أم مالبين}
    و ناولو طلبو و الزول عصر ليه الفيها النصيب و مشى.

    «« توقيع ود الحيشان التلاتة»»
    و بَعْضُ النُّفُوسِ ** كبَعِضِ الشَّجَـرْ
    جَمِيـــــلُ القَـوامِ ** رَدِيْءُ الثَّمَـــــرْ
    وَ سَبْرُ النُّفُـوسِ *** كَصم الحجـارة
    فَمِنْهَا كَرِيْمُ نَّفِيْسُ* وً جلمـود صخــرْ
    و كَمْ مِّنْ ضَرِيْرٍ* كَفِيْفٍ بَصِيْرُ الْفُؤَادِ
    و كَمْ مِّنْ فُـؤَادٍ *غَرِيْرٍ كَفِيْفُ الْبَصَـرْ

    (عدل بواسطة دفع الله ود الأصيل on 20-12-2017, 07:37 PM)

                   |Articles |News |مقالات |بيانات

20-12-2017, 07:54 PM

امتثال عبدالله

تاريخ التسجيل: 15-05-2017
مجموع المشاركات: 923

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    والله يا ود الاصيل قصة الفكهاني والاستاذ المعاشي المشى يشتري منه موزتين وتفاحة واحدة
    قصة اوسكار اوسكار اوسكار ، وفيها معاني نبيلة وفيها طرفة تنتزع البسمة من وسط الدموع، وخاصة
    قول الاستاذ المعاشي القال للفكهاني ،،كان امهلتني كنت نطيت وراك من الشباك،،
    من المعاني الكثيرة سوف وفاء الفكهاني لاستاذه،،،وفعلا قم للمعلم ووفه التبجيلا ..كاد المعلم ان يكون رسولا،،
    ومن المعاني ، وفي هذا الزمن القمئ تجد المتعلمين واصحاب الشهادات العلمية فقراء ،،،..والجهلاء اغنياء،،،
    وشكرا مرة ثانية ود الاصيل فانك تزرع البسمات والضحكات في نفوسنا ونحن نبحث عن الفرحة وسط الاحزان
    ومع وافر تقديرنا وامتناننا وشكرنا




                   |Articles |News |مقالات |بيانات

20-12-2017, 07:57 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: امتثال عبدالله)

    اقتباس المشاركة الأصلية كتبت بواسطة [B
    طبعا إنت رجل موسوعة و مرجع لا يستهان بك و من خلال متابعتي لما تتحفنا به من درر وجدت أن باعا في سوح قوقل الرحيبة ..
    و بما أنك أوردت المثل الشعبي أعلاه ( يا داب ما حلت للدعس ) الذي إختلفت روايات مناسبته ف يا ريت تنورنا بما لديك من ذخيرة معرفية حوله.
    ****"((( 38)))*"*""
    [} معليش ي بو صديق مداخلتك الفوق دي ماني طانشا. علا فعلاً سقطت من سهون في زحمة المشاوير و أخوك زي ما قلت لك متخارج ماشي لبعض الوقت. فقلت أنضف الأرشيف لقيتك بتسأل عن تفسير لقولهم:(يا داب حلت للتعس) فحسب علمي الضيق، و إتا ترا زول باجور(جزيرة).

    [} فقالو دا شراقي ، و حرامي كان بيسرق القطن. وكتين يقبضوه يفتشوه
    في بنطون حنتوب بيقعد ينهم في الفوقرا أهل السلسلة و كدي؛ يقول:
    يا بوي العليش هوووي يا البتقلب القطن عيش, يلا تلحقني و تفزعني)
    لحدت ما يوم نهماتو طلعت فشنك ؛ فقبضوه حاحكموه و كطعو يدو تعزيراً.فلامن شافا بقت ملسا كدي؛ قال مواسياً لروحو:(يا داب حلت للتعس)يعني: كمد المسروقات ودَفِسا بكل سهولة و يسر جوة شوال الكبس.
    [} و قيل في رواية أخرى إنها تحكي اعن حرامي ما شاء
    الله بتاع كلّو(شغال جدادو بيض(جنا جداد الواحد دا ؛عشان برضو
    مخنا ما يهوب في ربى الأحلام بعيد منك) كان يسرق البهيمة ويضبحا
    كيري ساي و ويبيعا لى ناس الجو الرطب.ففي ذات يومٍ قُبِض عليه وقُطِعت يده من الرسغ حداً. فقال قولةً اطارتْ مثلاً: يا داب حِلَتْ للدعِس(لزومالسلخ).و ما نخشاه في حالتنا، بعد الرفع من ركوع عقوبات الملايات الملتحفة العمريكية,يقول كدي الدولار ينبهل في السوق و جماعتك ديل ياخدوا راحتم فيهو طب سف و قرش ينشفوه في رمشة عين.و بهنا ناس قريعتي راحت ما رافعين الأذان في مالطا و عاملين عصيان بالنظر في شوارع بوسطن، لندن، روما و باريس هذا و العلم عند الله و تسامحونا للقصور ياخ.

    (عدل بواسطة دفع الله ود الأصيل on 20-12-2017, 08:00 PM)

                   |Articles |News |مقالات |بيانات

21-12-2017, 10:59 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: امتثال عبدالله)

    (39)
    لعمري يا امتثال، يا أغلى من غالية،
    أنا الذي أدين لكم بالتجلة و التبجيـــلا.و أنتم
    من تغرسون فسائل الود النبيل في وجدانيفتوقدون أناملكم
    شموعاً لتبديد غبار العتمة من أحزاني.خسوسن إنكم ح توحشوني
    شديد، و أنا(قالع) من حيث أنا الآن لممارسة عادتي بهواية الترحال
    و لحدت ما نرسى لينا على بر لنعاود التواصل،إن كان للعمر بقية.
    فإلى ذلك الحين، و فقبال نتفارق فسوف أهريكم الليلة بفضفضات
    أو، إن شئتم ، تسمونها فرفرة الروح لدى فجة الموت مع قرين الذات.

    ******(((((+++)))))*******
    إذن إليكم بقبسات من (همــــسي الحزيــــــنٌ)

    @ هكذا نحن ، نظل نغدو و نراوح مكاننا ســـراً،
    كظلٍ أعوجَ فارق عوده ، فما يلبث أن يعود كهبوب ريحٍ
    يغشى جلمود صخرٍ حطة السيل من علٍ. فما من شعورٍ أفتك
    بقلب غريبٍ عائدٍ لتوه إلى أطلال كوخٍ كان يضم ذات يومٍ، رفاةً
    من يباب عمره. و أنا أزرع فناء الدار جيئةً و ذهاباً،إذا بسير(طاحونة
    الأنين) يلفني من كل حدَبٍ و صوبٍ. فتغرورق عيناي بدموع فرحةٍ
    مبتورةٍ لم و سوف لن تتم أبداً, فلا حياة هنا لمن أناغم.

    @ جئت أسترق النظر من ثقوب أبواب الذكريات.أتسلل كما اللصوص
    من نافذةٍ مشرعةٍ لصفيرالرياح الهوج،تنوح فوق النخل . فلا أجد سوى بقايا
    أطيافٍ باردةٍ ، كصقيع إحساسيالمتجمد . و هناك إذا ببضع حُصيَّاتٍ لمحتها ملقاةٍ
    فوق كثيب رملٍ مهيلٍ .لقد هممت بالتقاطهن لأرجم بهن مارداً وقف يذكرني بأن عقارب
    ساعةزماني سوف لن تعود القهقرى. و أن أقسىوطأة إحساسٍ على قلب عاشقٍلوطنه،
    هو أن يأتيه عائداً ليتحسسه، فلم يجد منه شيئاً ، كسرابٍ بقيعةٍ يحسبه الظمآن ماءً،
    أو كباسط كفيه إلى فقاقيع رغوةٍ هُلامية يلاحقها ليبلغ بها فاه و ما هو ببالغه.
    ******(((((+++)))))*******
    @ و هذه دياري الحزينة التي كنت أرتادها في مراتع الصبا،
    إذ غدت مدن أشباحٍ تجوبها أسرابٌ من دواب الأرض تأكل منسأة
    عشقٍ في حناياً صدر حطام إنسانٍ كان يعيش هناك، ثم صار أثراً
    بعدعينٍ؛ و حذفت أقراص ذاكرته الخربة المفقودة مرةً و إلى الأبد من
    كافةالملفات و الأضابير القديمة ، نظرً لحدوث عطبٍ ذهني كان بليغاً.

    @ و في سويعاتي السوداوية تلك، رحت أطرق الأبواببإلحاحٍ هستيريٍّ
    شديدٍ ، رُغم زهدي في أن يلقي أحُدُهم بالاًلوجودي فيفتح لي مصراع نافذة.
    فربما تملكني شعورٌ لا إراديٍّباللاجدوى من أي شيء! ثم وقعت عيني على
    فحمةٍ مدفونةٍ تحت قدمي،فخطفتها و رُحْتُ أرسم بها خطوطاً كفافيةً على
    جدران هذا الزمان هنا،تشي بأن كل ما جنيته من عناء عودتي هو أني:
    حضرت إلى هنا،ربمامتأخراً جداً، فلم أظفر بلقيا كائنٍ منكان من أهلي!
    لذا، أيقنت بأن نعمة الصبر و السلوانبحد ذاتها فن راق تقتضي
    إجادته تصالحاً تاماً مع الذات، مع تمرسٍ يوميٍّ
    على احترام شروط فقه الأمر الواقع.

    *صدر تحت توقيعي في 21/12/2017,
    بكامل قواي العقلية المعتبرة شرعاُ و قانوناً.
    *****(((((ود الاَصِيــــــــــل)))))*****

    (عدل بواسطة دفع الله ود الأصيل on 21-12-2017, 11:06 AM)

                   |Articles |News |مقالات |بيانات

21-12-2017, 11:22 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (40)
    # لعمري لأنتم الذين حللت بطين و أذين قلبي أهلاً
    و نزلتم ساحتي سهلاً لمجالستي القرفصاء كي نبوح
    و نفضفض. هذا بخلاف صديقٍ ل ي لدود و مشاگس/
    حين زجرني و قال لي: مافي سبب يخليكم تحـزنو وأ نتم
    طافشون في بلادٍ طيرها أعجميٌّ و عربيٌّ. أعمنو يعني
    قاعد جوة و إيدو في الموية و عايش في الطراوة.

    ® و لگنني قلت له: عارف حركاتك جيداً يا فردة ،
    أنك ربما أعمق مني حزناً و لكنك تريد فقط استفزازي
    لأكي أنداح لك و أبوح بالمزيد. . و لكن لم لا؟! فما أشبه
    حالي بحالك و ما أشبه ليلة كلينا ببارحة الشاعر /
    نائل الحريري حين يرثي نفسه ويقول:
    :*****(((((+)))))*****
    إذاً ، تعالوا ، دثروني .. زملوني
    إنَّ في صوتي حريقاً يأكل الأخضر و اليابسَ حزناً!!
    فتعالوا أشعلوه! فإن نصف الموت أن تحيا طريـــداً!!
    و نصف العقل أن نهوى الجنونْ.. زّملوـني...!!
    غلّقوا الأبوابَ و الأستــارَ.. و أجفانَ العيــــونْ!!
    بعدَ حينٍ سوفَ ألقي عامداً كلَّ ثيابي وسأشدو راقصاً
    حتَّى أقعْ . و ستمحو الشمس مني كبريائي و عذابي
    و سأبقى بعضَ روحٍ ...نصفَ قلبٍ و أشلاء...
    *****(((((+)))))*****
    @ زّملوني ملءَ كفَّين.. ثم صلِّوا كي أموتْ!!
    ..إنَّهمْ ...قد غلّقــوا كلَّ الحكايــــا..والبيـــوتْ!!
    أوصدوا بالشَّمعةِ الحمراءِ بابَ فمي و غاريِ غطَّاهُ الحمامْ..
    و على البــــابِ ..تجلَّى فوقَ عرشي خيط العنكبـــــوتْ!
    .زّمليوـني...لم يعد في العمر ما أبكي عليهْ ليــــلةٌ أخرى
    ...و سوف يلقي قاتلي عنّي يدَيهْزّمليـوني..إنّ روحــــي
    ضدًّ قلبي ثائرةْ وجراحي غائراتٌ في حنايا الخاصرةْ
    طعنوني...زرعوا فيالظهر سكيناًوفي القلب الظلامْ
    تركوني نازفاَ في اللّيل موسيقا وحزناًَ لا ينامْ
    *****(((((+)))))*****
    @ تركوني تحتَ قاعِ البئرِ أبكي سلبوني صدرَ أمِّي
    و قميصي خبَّؤوهْ.. ألصقوا بالذئبِ و الموتِ الجريمهْ..
    أحضَروا الذئبَ أمامي ...مزَّقوهْ ثمَّ باسمِ الرَّبِّ..
    ثُم قاموا جعلوا الذئبَ وليمةْ..
    آهِ يا كلَّ المواويلِ القديمةْ..
    ألفُ آهٍ ...كلَّما مزَّقتُ من عريي ثيابي..
    ألفُ آهٍ...كلَّما فصَّلتُ أحلامي على ذاكَ الجسدْ
    ألفُ آهٍ! حينما ترفض مني كلُّ أوطانيَ أوراقَ انتسابي
    ألفُ آهٍ ...كلَّما أدركتُ أنِّي لا أحدْألفُ آهٍ .. وأنا في عتمتي
    خلفَ الزوايا و أنا المسؤولُ عن كلِّ الخطايا
    وأنا طعمُ المرارةْ..
    وأنا الأبكمُ ..إمَّا صِحتُ
    قاموا رجموني بالحجارة
    و أنا عشرونَ نصفاً، ميِّتٌ يبكي وحيٌّ لا يُفيقْ
    و أنا (روما) و(روما) ضمَّها عشرونَ نيروناً
    وأطفـــــــــــأها الحريــــــقْ ..
    و ينــــــــــدلق الرحيــــــــــق
                   |Articles |News |مقالات |بيانات

21-12-2017, 11:44 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (41)
    آه لو آه تفيد مجروح .. و المثل القديم ساير..
    رهاب ما حصلوا الجاري.. و سماك ما حصلو الطاير
    حليل زمن الصبا الماضي .. و حليل زهر الحياة الزاهر
    حليل زمن الحبيب راضي .. و حليل زمن الهوى الطاهر
    حليلو الأبلج الباسم .. حليلو الكاحــــل النايـــر
    حليل قمر السماء القاسم لياليه و صبح داير.

    @ لگل من نزل ساحتي هنا مؤمناً
    ومن جاذبني طرفي الحديثو قاسمني شجون
    البوح الشفيف هنا منالمؤمنين و المؤمنات ، الأحياء
    منهم و الأموات،گذلگ كل من يذگرني دونا بأن الصبر
    و السلوان: نعمة من المولى عز وجل وهبها للانسان
    لكي ينسي و يعيش باقي أيامه بي(حلومرها)..

    © مرة قال لي قريني : ياخي كلامك ده
    بحسسني بذاتي عندما أمشي إجازة قصيرة بي
    هناك ،لا أهل لا حُبَّان لا أي زول . تحس بالقفر اليباب)؟!
    بيتنا القديم ساكننو ناس تانين مننا و فينا. و لكنهم أغراب؟!
    ياخوي اتا نعَلَّك بس كطعت راجع بي غادي لبحر االمالح
    و لا شنو)؟! دحين ما دقستا استعجلتا شوية، ياخ ما كان
    تتقل شويه حبتين ، لحدت ما نشوف نهاية (مخرجات
    الحومار الوتني دي مويدانا على وين ؟!
    غايتو بس الله يسترنا بي سترو
    الواحد الأحد الفرد الصمد.
    ∆ سمخ، هبشة بجاي :ل ي اخ وصديق
    وزميل طفولة صادفته مرة في إجازة و جلست معاه
    طقينا حنك (أحدثه حديث المشتاق لأيامنا ديگ (ويا النسيت
    أيامنا و طعامة الماضي التليد و هو يا حبة عيني يحدثني
    عن وحشة الراهن البليد) فشتان ما بين ما أنا أصبو إليه
    و ما هو عليه الحال؟! ثم افترقنا كالغرباء و فيما بعد
    حسيت إنو مافي فايدة من ملاقاته مرة ثانية بتاتا؟!
    ٪٪٪٪٪٪٪٪(+++)٪٪٪٪٪٪٪٪
    ثم جاء دوري لأقول له: يا حبيبو، ياخي قول بسم الله ،
    كدي أولن خلني النضحگك شوية من منظرنا الاتنين مع صحبگ
    دا (عاملين گدا لا مؤاخذة، متل نفرين في حماملت موقف جاگسون
    و الرجال مواغف، الدخولو بقروش زي سينما بانت الدوبر التاني داك،
    واحد برة مزنوق لامن قاعد يبدل في گرعينو گايس يدخل يفضي،
    بينما التاني جوة، مخنوق يشحد في الله ، يا ربتن بس
    يذهب عنو الأذي و يعافيه ، يتخارج ).

    ¶ علا و الله ياكاك إتا زولي البتجيب لي كثافتي .
    تكترو و تقللو تخليني أترع ليك صفحات أثير الأسافير دي
    هسي أسى و دموع. ثم صبراً آل (صــابر) ، فأن موعدكم ربوع
    بلادي مع تحيات العودة و السلامة و حرارة اللقيا بإحساس عنيف.
    أطللتم علينا كما المزن تأتي دوماً حبلى بماء طهور و برد و دعاش.
    و لأن ليس لقرين التجلي طقوس و لا للبوح نقاط تفتيشٍ فيما بين
    النفوس فقد داهمني قريني للتو بضع بأبيات حيث قلت فيها:
    [} و فى خاطري همسٌ إلى الأقمار أبعثه تباعاً
    ثم ضاع الهمس مني ، ثم دنا وكان القلب يسكنها لتياعاً
    فأينعت الدواخل إذ تنادت وعم الشوق في شعري و شاعا
    ولم ندربأن بنا فيوضاً فجاءت على عواهنها سمعاً و طاعا
    و مازال في الخاطر لوعة، و في جراب النظم قنديلاً و يراعاً.
    ود الأصيييييييل،،،،
                   |Articles |News |مقالات |بيانات

21-12-2017, 11:57 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (42)
    آسف جداً يا جماعة للعصف الذهني
    بس لأني والله خايف ما نتلاقى تاني،،
    و لكم مني صباحاتٍ و أماسيَ رابحات
    و بكل خير نافحاتٍ . و فعلاً معاكم حق . بس ياريت لو نقتنع
    بإنو أحلى يومٍ لم نعشه بعدُ ؛ و أوسع بحرٍ لم ترتده أشرعتنا بعدُ .
    و عشان ما أدبرس بيكم أكتر. فزي ما قالو: لو تشوف محنة غيرك تهون عليك
    همومك ؛ و لو كانت مثل زبد البحر. فلم أصدق الآن، و أنا عائدٌ أدراجي من آخر مشية
    للبلد. و لكن، و يا لسخرية المفارقة : فعند فجر اليوم قابلني شاب عربي قادم من بلاد واغ
    الواغ. يطلب اللجوء إلى بلادي التي لم يجد بداً منها بعد أن ضاقت به أرض الله ذرعاً كالمستجيرٍ
    من الرمضاء بالنَّار أو (كمن تعذر عليه العثور على الماء أو استخدامه ، فاضْطُر للتيمم بالتراب).
    أو كمن (أضطر لغسل نجاسة غربة الأبدان ببول اغتراب الروح في بلدي يا حبوب). سألني الشاب
    عن كيفية الحصول على فيزة للإقامة الحرة هناك. فنسيت كل معاناتي ، و رحت لا إرادياً أكضب
    أحاسيسي و ما رات أم عيني، (أغالط نفسي بي إصراب و أقول يمكن أ نا الما جيت)؛ ثم أقلب
    180 درجة من السخط و السب و اللعن إلى مدحٍ بما يشبه الذم و ثناءً على أوضاعٍ كأنها من ف
    راديس ألف ليلة وليلة ،و سكانها خلائق نورانيةٍ من وحي خيال كليلة و دمنة. و لماسألني عن إمكانية
    الاستعانة بوكالةٍ للسفر و السياحة قلت له: إن بلدنا مضيافٌ طبعاً لا تطبعاً ( وحتى الطير يجيها جعان،
    و تلقاه من طرف تِقِيها شِبِع) ، و إنو السواح في قاموسنا هم فقط (الدراويش و الفقرا أهل الله) تراهم
    في كل وادٍ يهيمون في ملكوته الفسيح . و الفندقة عندنا هناك في بيوت من القش يشيدهاالنفير،
    والونسة الدقاقة في خلوة ناس جدي و الإعاشة ما تشيل همها: بتلقاها (ملحوتي) من(تكل)
    ناس حبوبة و أنه لا داعي حتى لحمل وثائقَ سفرٍ أو هويةٍو لا هم يحزنون .إذ يكفي ياخ
    العرب أنك ضيفنا ف(يا ضيفنا إن زرتنا لوجدتنا نحن الضيوف و أنت رب المنزل).
    فلْنخطو معاً بلحاظ ترقب الشوق و تثير ذاك الصحو المعطن بالحفاوة ..
    فنرتشف أريج كل من نضحتينابيع الذكر من فمه حديثاً ذو طلاوة
    دمت خالداًو القمر يستديرترقباً لكل من أخذ نصيبه من الأيام.
    ودَّ الأَصِيل (عــــــــابــــر ســـبيـــل)
                   |Articles |News |مقالات |بيانات

21-12-2017, 12:02 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (43)
    حقيقي، يؤسفني القول إنني عائد لتوي من أسوأ ،
    و لكنها ربما كانت (أفيد) سفرةٍ في حياتي ، راعني ما سمعت
    فيها و روعني ما رأيت.. فهل شاهدتم يوماً كلباً عض يداً ترعاه؟!!
    هل صادفتم ذئباً في البرية أكل أخاه؟!!! لا بل هل قابلتتم فيلاً
    يكذب, يسرق, يزني، يشهد زوراً، ينكر حقاً,
    يفشي سراً، يمشي مغروراً بين يديْ مولاه!!!
    *لا والله لا والله لا والله كلامك ده مايطمن ابداُ
    يعني (البحر خلفكم والعدو امامكم) مقولة : طارق
    بن زياد (حسبنا الله ونعم الوكيل) أكان كدي
    عاد قلبكن و وحدكن يا (المعطربين)
    ********(((^^^^^^^)))********
    ألا يا وطناً و كت نشتاقلو بنرحل ليه من غير زاد..
    ذلك اليومَ تقاسمنا الليلَ نفترشُ الأرض و نلتحفُ السماءَ،
    ملتصقين كجمرتين علي مبخرٍ يفوح بالعنبر. كان الليل وردياً بلون
    ردائك الذي تقلص كما العرجون القديم من رقعةٍ كانت تسعُ مليونَ ميلٍ.
    نتمايل برقصة البجع على أنغامٍ أوتار قيثارة جنائزيةٍ لا أعيها إذ أسمع وشواشها
    مع وقع قدميك، كما يستبين بريحٍ عشرجٌ زجلُ ، نهيم كما المجرات عبر الكون و المارة
    حولنا شهبٌ تتهاوى كما الفُقَّاع من فرطما ثملوا.. قلبي على و طني ، و بينهما حجابٌ من
    غشاوات الاغتراب.ساعدايَ خاتمان علي خاصرة الوطن الطري كعجينة حنطةٍ، و مشذبة
    جوانحه كما أشواك التمر هندي .. كم أخشي عليك الاندثار إلي حفناتٍ من غبار .
    و لا أخشى في هواك طعنةَ طاعنٍ ، قلتها هامساً في أذني ليلك البهيم ،
    ثم انحنيت لأطبع على خدك المحمر و شماً بلون مسمارالقرنفل.
    حتي حلمتُ أن أسلافي بعانخي و تهراقا ينصباني
    إماماً للمصلين في محرابك.
    ********(((^^^^^^^)))********
    و كفكفتُ عبراتي و فرشتُ دربك بمنديلي المبلل
    بدمع العاشقين.حتي لم أعد أعرف أيُّ قلبٍذاك الذي كان
    يدق نابضاً بين صدرينا!نظراتك تفتت قسمات وجهي إلي دوائر
    من بخارٍ.أنفاسك ترقى إليعلى من مراقي خيالي.إنها هفافةٌ بحيث
    تهش منابت شاربيحين تمر عليه من حين إلىحين. ألا أيها الليلُ
    الطويلُ، يامانح الدنيا همساً يمر مراً كبساط ريحٍ و يجعل البوح
    نشوى و السهرحُمَّى و الهجود عبادة و النجوم نيامٌ تتعثرعلى
    آثارها قدميَّ بقارعة الطريقِ.. فيندلقُ الرحيقُ!!
    ********(((^^^^^^^)))********
                   |Articles |News |مقالات |بيانات

21-12-2017, 12:04 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (44)

    اقتباس المشاكسة الأصلية كتبت
    بواسطة عادل القاسم مشاهدة المشاركة
    ود الأصيل ياوي.. الدنيا دي ابتسم ليها بس واعمل رايح
    .٪٪٪٪٪٪٪٪٪٪٪(((+++)))٪٪٪٪٪٪٪٪٪٪٪٪
    ياخي ما عملنا رايحين اللخو وغرقانين في شبر موية عديل،
    جينا لقينا حقنا كولو راح (في رمشة عين أبعدوك يا حنين!!)
    *****(((((+++)))))******®
    # تعرف ي عضولي ، ذات يومٍ تنامى إلى علمي ،
    و طبعن ، نحنا دايماً ، آخر من يتنامى إلى علمن، أنهم
    قاعد يوزعون أراضٍ للفئويين في (وادي عبقرٍ أخضرَ،
    على تلة زعتر). و لكن يبدو أنه كان وادياً غير ذي زرعٍ .

    © و بما أنني فئويُّ مثلي مثل غيري الألوف المؤلفة من
    المساحيق في الأرض ، فقد حزمتُ بقجة أوراقي ، و حقبتُ عصا ترحالي
    و ذهبتُ مع الذاهبين إلى منطقة شرق النيل، و لميت لي في قطعة واطة درجة ثانية،
    قلنا:كتيرةٌ على المحنة. كان أول شبر أناله ضمنَ خطةٍ أسكانيةٍ. الشاهد أنه مع تسلمي
    لعقد ملكية المنفعة المُبرم مع الدولة ، تملكني شعور نشوة بأنني صرت و لأول مرةٍ في
    عمري (مواطناً) كامل السودنة و ساري الأهلية و كأنما صار لي نصيبٌي تراب (بلدي
    يا حبوب) تماماً مثلما لجدود جدي بعانخي و تهراقا و ود حبوبة و علي عببد اللطيف
    و كمنانعبد الفضيل الماظ (مين عبد الفضيل الماظ، بالله في زول بتذكرو ، هسي ؟!)!.
    ما علينا يخاي،. فالشاهد إني أ:اد لا أُصَدِّقُُ يانني حصلت على صك( شهدة بحث)
    تفبيد و يثبت ملگيتي لشبر من تراب بلادي. و بقيت لعداگ ماني سائل
    في أي حد يقدر يسأنلي عن تلت التلاتة كم
    .***********(((((+++)))))************
    @ فا كنت مشخبت لي خريتة بُنْيان كدي كاطحَّا من راسي ساااه
    و من سنين عَدَداً . علا عاجباني بلحيل لامن شايفا متل خرطة سنمَّار يومو
    البنا للملك النُعْمان بن المنذر قصر الخَوَرْنَق. علا غايتو أصلي ماني قايل يجي
    اليوم الممكن تتحول فيه أضغاث أحلامِ ظلوط على خرقة ورقٍ إلى هيكل حقيقةٍ
    ماثلةٍ على الطبيعة. ياخي لدرجة كنت عاوز لي زول يقرصني عشان أفوق
    و أعرف أنا وين يا ربي . كنت داسها متل جنا الحرام و مرقتها متل
    السنسة الحمراء ، أعاين فيها و أتأملو أتكشم متل نار القصب.
    @ في ألأثناء دي ، قام شافني ليك واحد فلسطيني واقف جنبي.
    بدا و كأنه مهندس معماري ؛ و دخل معاي عشرة ونسة على عواهنها
    طقينا حنك لامن قلنا بس .و لا من اطمأن لعفويتي ، تبرع لي بإبدائه لي
    ملاحظاتٍ فنيةٍ حول عيوب خرطتي الشايلا و التي بخسها لي على أنها
    لم تكن تَمُتُّ باية صلةٍ و لا ناقة لها و لا بعير ، بهندسة و فن العمارة.

    ∆ و بالفعل، وجدته محقاً، فطأطأت رأسي الفاضي يعني زي الفاهم،
    بينما هز لي رأسه و مضى لحال سبيله في عجاله و هو يغالب دموعه فهُرِعْتُ
    وراءه أصبح به ، و أنوي الأخذ بتلابيبه و كأنه جاسوس قد شم في ثيابي رائحة
    رجال موساد أو مخابراتٍ مركزيةٍ، أو حتى دواعش ولِمً لا ؟!.عمومن ، فأمام
    بإصراري على اللحاق به فوجئت بالرجل يمسك فروة رأسه بكفيه و يهم بسحقها
    و تهشيمها بعرض الحائط و يحدجني بنظراتٍ مغرورقة بالدموع خلف الرموش
    مكبوتة بي حسرة و ضياع .. ورعشة الكف الخضيب .. مقرونة بي نظرة وداااع
    جابو القدر في سكتي) . حسسني بحزنٍ دفينٍ لا يقرؤه إلا من عاش مثل مأساته.!
                   |Articles |News |مقالات |بيانات

21-12-2017, 12:06 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    لله دَرُّكم أيها المك الهُمامُ.
    لأأنك جئتَ (باسطاً) يدك إليَّ لا لتقتلني ،
    و إنما لتأخذ بيدي لكي تدفعي قُدُماً. و بما أننا ظللنا هائمين،
    لا بل مُنَْزلِقينَ على حافَّة جدار الخَاطِرةفإن شُعُورِي حيالَك و كل
    مَنْ يَقْرَأُنِي أنه يظل هو منيو أنا منه، على مقربةِ ما بين مِرْآتَيْ رهانٍ،
    بل هي مرآةٌ واحدة ٌ.. قسمتها عصا الترحالنصفَينِ، لِتَعْكَسَ لي، عن
    بعدٍ سحيقٍ، تفاصيلَ فسيفساءَبواطن أمري. گأقرب ما توهمني،
    فتوحي به إلي أضغاث أحلامي، و تهاويم بعض ظني ،
    حد تشابكبنات أفكاري و تشابه أبقاري.
    ¶ هذا ، و لواعج الحنين لو عجزت أن ترتق فتقاً
    أحدثه ألم البعاد ما بين ضفتي نَهَرِ، فحتما سوف لن تفشل
    أن تضعنا ضمن مزاجية أن نسترق السمع لما يدور من
    هَمْسٍ على الضفة الأخرى. حيث: {بسمة ٌبالسن.. و نظرة
    بالعين ، و البادئ دوماً يكون ألذُّ و أطعم.
    @ و لكنِّي لا أخفي عليك اندهاشي من مواقف بعض الناس مني.
    إنهم لا يطرحون عَليك إلا أسئلة غبيةً، فيُجبرونك على الرد عليها بأجوبة
    أشدَّ منها سذاجةً و غباءً . يسألونك مثلاًع( تِفَّةِ) شعرك، لا عما إذا كان تحت
    تلك القبة فكيأم فأراً ميتاً؟! أو يسألونك: في أي مجال تعمل، لا ماذا كنت تصبو
    لتكون بارعاً؟!أو يسألونك كم تملك لاعن كم ضيعتُ من عصارة جُهْدِك و وقتك
    سدىً؟! أو يسألونك عن أخبار المرأة التي تزوجتها ، لا عن أخبار تلك التي كنت
    ولا تزال تَعشقُها؛ و يُحِبُّ ناقَتَها بعيرُك؟! أو يسألونك :ما أسمك لا ما إذا كان لهذا
    الاسم شنَنٌ يوافق طبقك؟! أو يسألونك: كم عمرك لا: عن عُمُرِك فيم بعزقته، أو عن
    شبابك فيم ضيعته ، أو مالك فيم أفنيته؟! أو يسألونك: أي مدينهتسكن لا عن أي مدينةٍ
    أفلاطونيةٍ فاضلة تسكن وجدانك و لم ترتد أشرعتك شواطأها بِعْدُ؟!ا أو أنهم يسألونك:
    هل تُصلي لا هل تخشى لومة الله تعالى ، في صلاتك؟!! لذلك ، فقد آثرْتُ فتعودْتُ
    أن أُجيب على هكذا سخافاتٍ في صمتٍ و بهدء غالباً ما تأتي بعده انفجار هُبُوبِ
    العاصفة. فنحن حين نصمت نُجبر الآخرين على تدارك أخطائهم حتى لا
    يستفحل أمرُها إلى خطايا. و من يُعاتِبُني على ذلك قلت له:
    لا تُؤاخذني، حيثُ إنَّ"يَدَاكَ أوْكَتَا ، و فُوكَ نَفَخَ"
                   |Articles |News |مقالات |بيانات

21-12-2017, 12:08 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (46)
    بالعودة إلى صديقي الفلسطيني فقد سألته بنبرة عتاب:
    - ماك سامعني يا خي بنادي عليك؟! فجائني رده يقطر حزناً:
    - أسف و أبدأً و الله يا أخي الكريم ، لم أسمعك مطلقاً!...
    - سألته : لماذا تركني هكذا و أدبر و استكبر،ثم عبس و بسر:
    - قال: دعني يا أخ العرب أرد على سؤالك بسؤالٍ عويصٍ؟
    - يا زول ،ما في أي مانع بس تفهمنا حكايتك شني ، مالك زهجان!
    - أولأً ، هلا خرَرْتَ يا أخي ساجداً شاكراً لأنعم الله على أن حباك بوطنٍ
    حدادي مدادي و يكون لك فيه رقعة أرضٍ لتشيَّدها ولو بقصور من الرمل!؟ في الحقيقة،
    لا أملك سوى القول بأن سؤاله ذاك قد فاجأني و أربكني لمان ظاتو دخلني في حَيْصَ بَيْصَ
    من الإحراج و الخجل و..قلت مجيباً: لا و الله لم أفعلها قط من ذي قبل ، و لكنك لو مُصِر عليها شديد،
    نسجد هسي دي و مالو! قال: إذن عليك أن تخر الآن ساجداً أمام كل خلق الله، معلناً على رؤوس أشهادهم أنك
    مَدينٌ لربك بنِعَمٍ إن تُعَدُّ فلا تحصى .فوالله إن قيمة أن يكون لك مأوىً و لو كان بيت نملٍ ، لهي أعظم نعمةٍ، ناهيك
    أن يكون لك وطن مترامي الأطراف، و لو كان مصاباً بغرقرينة تبتر من أطرافه شيئاً فشيئاً. أخذت الرجل في أحضاني
    و إحساسٌ لا يقاوم بالعقوق يغمرني ،إذ تذكرت كم مرةٍ شاهدت جرافات بني صهيون و هي تهدم بدم بارد بيوتاً و صوامعَ
    و بِيَعاً و وصلواتٍ و مآذن يذكر فيها اسم الله كثيراً بين يدي عويل النساء و ذهول الرجال! و كم تداعت إلى مخيلتي صورٌ
    لحالٍ باتَ من بعضه في عديد من بقاع الدنيا عربيها و أعجميها كلهم في القهر و الهم سواء فبنيان لا تهدمه جرافة
    الصهاينة تجده لا محالةً خاوٍ على عروشه بأيدي أبنائه، و لا حتى بيد عمرو ، جراء هرج و مرج لا يبقي
    و لا يذر...فاللهم نعوذ بك من علمٍ لا ينفعُ، و من قلبٍ لا يخشعُ، و من بُطونٍ لا تشبعُ، و من عيونٍ
    لا تدمعُ، و من وطنٍ نراه يُطرحُ فلا يُجمع ُ،و من دعاءٍ لا يسمعُ فلا يستجاب له.
    اللهم آآآآآآآآآآآآآميييين!!
    *****^^^^^*****

    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                   |Articles |News |مقالات |بيانات

21-12-2017, 12:10 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (47)

    ® هَمْسُ البُعادِ عبر الفيافي و الوهادπ√
    *******^^^^^*******
    © عبر شريط الذكريات و بوح قرين الذات للذات
    في جوف ليلٍ طويلٍ لا ينجلي ، و إذا انجلى، فبصبح ؛ و ما الإصباح منه بأمثل.
    و الذكرى إكسيرٌ يربط كل طائرٍ مرتحل عبر البحر..فاقد الأهل و ربما سيعود يوماً
    ليجد مكانه محفوراً على قسمات وجوه العابرين..تُهامسها دوزناتٌ من أوتار الحنين.

    @ نريد تجريد ذو اتنا من غشاوات تضرب حاجزاً من الصمت بيننا و بين
    بيادرَ عطشى، ننقش ليها حروف الريد ناصعة كحبات الخرز علي أجنحة حمائم
    زاجلة. تظل تجوب كل مجاهل الغربات إلى أن ترسو هناك لديها..و تبوس يديها

    ∆ و تلقى العشيرة بتشتغل منديل حرير گبيييير.. لحبيب بعيد خلاها أوهن من بيت
    عنكبوت و فارق دفء أحضانو.. جحيمٌ ما هويناه..و لكنّا قبلناه برضا على عواهنه..
    لعله يعزينا كلما استرجعنا وقع خطى مشيناها ذات يوم ٍفي شعابه .عابري سبيلٍ
    في حنايا الشوق!! فصبرٌ جميلٌ و الله المستعان على ما يصفون!

    [} يا أيها الوطن الجريح متى يعود خرير الدم مدراراً في ثنايا عروقك؛ و
    تعود كقبطانٍ أضناه عناء البحث عن حطام قاربه المهشم .حتى تلم
    شتاتنا كقراصنة كلٌ جاء يحمل غراباً على كتفيه!!
                   |Articles |News |مقالات |بيانات

21-12-2017, 12:14 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (48)
    @ لقد بات قلمي يزرع نطف مداده خبط عشواءَ، جيئة و ذهاباً بين السطور
    على صفحاتي ، دون أن يسجل شيئاً يذكر. كحال طاولةٍ عرجاءَ فقدَتْ إحدى
    سيقانها ذات عراكٍ عبثيٍ في ملهىً ليليٍّ.. أو ذات زحامٍ في حلبة صراعٍ للثيران.

    ® و رحتُ أنفض غبار نور الذاكرة من على شرفةٍ مائلةٍ في ركنٍ قصيٍّ لنثر الخاطرة.
    و جئتُ أحمل فوق رأسي رغيف خبزٍ يأكل النمل منه..و على كَتِفِي خارطةٌ مطويةٌ دُسَّت
    بين سقط متاعِي.. لوطنٍ كان عملاقاً، بيد أنه بات مصاباً ب(غرقرينة) عنيدةٍ في كافة أطرافه،
    ظلوا على إثرها يبترون في كل مرة ربعاً خالياً من ربوعه الشاسعة الممددة على رقعة قارَّةٍ.
    حتى أوشك أن يصبح قزماً أو قرداً أعمش.كأن سيرة ذاتي بقعةدمٍ كذبٍ دُلقت على قميص
    خنزيرٍ برٍّيٍّ ..و ظلت تتمدد على طرقاته. و طرت أبحث عن مرلفئ غرباتي في محطات
    ترانسيت لمطاراتٍ و موانئَ علها تقبل عذراً لي أقبح من ذنبي.. لدخولها بدون ثبوتياتٍ.
    و لدى خرجةٍ خرجناها منذ نيفٍ و نيفٍ، و ربما لا نعود بعدها أبداً ونحن في
    ظلمات يضائلُ بعضُها بعضاً، في همٍ لجي حتى إذا أخرج أحدنا يده لم يكد يراها.

    © فتروح أصابعك تفرك عبثاً في عينيك، علَّهما تدران لك بقطرة
    ( دمعة حزنٍ تسكبها فوووق ذراعك). لكنهما تجمدان و لا تجودان و
    لو بشيء ذراً للرماد على الدقون. و لكن لا ضير فإن أسقطتني الخطوب
    فذاك شأنها، و شأني أنا أن أسقط منتصب القامة.
    ∆ أمشي، و أنا أمشي.و أنا أمشي سمهري القوام، حتى لو كلفني
    ذلك شرخاً أبدياً في ظهري أو أن أموت دونه واقفاً كنخلةٍ حمقاء.
    أقول قولي هذا و أنا شاردٌ بكل ذهني
    في كلمات أمير الشعر و الشعراء شوقي:
    عصفورتان في الحجاز حلتا على فنن
    في خامل من الرياض لا ندٍ و لا حسن
    بينا هما تنتجيان سحر اً على الغصن
    مرّ على أيكهما ريحٌ سرى من اليمن
    حيّا وقال درتان في وعاء ٍ ممتهن؟!
    لقد رأيت حول صنعاء و في ظل عدن
    خمائلاً كانها بقيةٌ من ذي يزن
    الحب فيها سَّكر و الما ء شههدٌ و لبن
    لم يرها الطير و لم يسمع بها إلا افتتن
    هيا أركبا فنأتها في ساعة من الزمن
    قالت له أحداهما و الطير منهن الفطن
    يا ريح أنت ابن السبيل ما عرفت ما السكن
    هب جنة الخلد اليمن،،،،لا شيء يعدل الوطن!!
    صدر تحت توقيعي بكامل قواي العقلية
    المعتبرة شرعا و قانونا،،،،
                   |Articles |News |مقالات |بيانات

21-12-2017, 12:17 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    (49)

    /نجوت و فزت و رب الكعية //

    ® و أما عني, شخصياً، و بما أن عُمْر الشقي باقي،
    فلقد نجوتً كثيراً لأعيش, ككلبٍ بسبع أرواحٍ ، فقط ، لأن
    طلق عيار نارياً عشوائياً كثيراً ما مر قريباٌ جداً من شحمة
    أذني ، أو من بين فخذَيَّ ، أو تحتَ إبطي، أو فوق ذراعي،
    دون أن يستقر في تمرة خافقي . كما لم يَشُجّني جلمود
    صخرٍ طائشٌ حطه السيل من علٍ ،على فاخورتي.

    @ و نجوت أيضا، لأن سائقَ
    ناقلة جندٍ تنبه ذات وخزة ضمير أفعى،
    و في آخر لحظةٍ، لوجود طفلٍ رضيعٍ يئن بين
    مؤخرة مجنزرته و بين جدار فصلٍ عنصريٍّ عازلٍ،
    كانت توشك على دهسي ثم سحقي معه ، فحقن دمي
    و لا أدري لماذا، من خطر محقق؛ لأعود ك(تابوت موسى)
    إلى حجر أمي اليائسة، كي أجد قلبها بات فارغاً، و هي
    تقلب كفيهابأسوأ الفروض على جمر الخوف و الرجاء .
    فحمداً كثيراً على أيةحالٍ ، لمن لا يحمد
    على مكروهٍ أبداً سواه: إذ كم مرة يومياً يموت
    أحدنا و لم يُلْقِ بلاً. و كلما مات أحدنا و تنبه، كلما
    استأنف التهام الحياة بشَغفٍ و لهفـةٍ و شراهـةٍ كحبة
    خوخمخستكة،أو كتمرة (دفيق) ساقطة من غصنها. فلا وقت
    طويلاً للخوف من مجهول، ما دامت الدنيا، و هي أنثى مغرورٌ
    فيها كثير من الناس؛ و كثير حق عليه العذاب. وهي مشغولة
    عن سكرات الموت بتجديد صباها و فجورها و تقواها،
    و على مرأى من المساحيق في الأرض،،،

    «« التوقيـــع/ ود الأصيـــــــــــــل »»
                   |Articles |News |مقالات |بيانات

21-12-2017, 12:07 PM

امتثال عبدالله

تاريخ التسجيل: 15-05-2017
مجموع المشاركات: 923

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    ود الأصيل
    الترحال لا يقف عقبة امام التواصل والكتابة والتكنلوجيا الحديثة تتيح لك مواصلة الكتابة وانت بين طيات السحاب ولذا نرجو أن لا تغيب عن المنبر لان غيابك سيكون فقد كبير للقراء من اعضاء المنبر ومن غير الأعضاء..بلاش تفارق..ود الكنزي مش تجي تقول حاجة لصديقك
    مع وافر التقدير
                   |Articles |News |مقالات |بيانات

22-12-2017, 03:34 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: امتثال عبدالله)

    { 50}
    [}> ودع هريرة إن الرگب مرتحل و هل تطيق فراقا أيها الخبل؟!!
    لا بل، هل لديگ خيار سوى ال(امتثال) تشبثا بشرف البقاء هنا؟!
    أمام طلتگم الرشيقة, گما الحسن أسفر بالحجاب;
    قمر توشحَ بالسَحابْ; و غَبَش توغل, حالما, بفجاجِ غابْ;
    فجر تحمم بالندى ..و أطل من خلف الهضابْ;

    [}> الورد في أكمامه, ألق اللآلئ في الصد فْ.
    سُرُج تُرفرفُ في السَدَفْ, ضحكات أشرعة يؤرجحها العبابْ;
    و مرافئ بيضاء تنبض بالنقاء العذبِ من خلل الضبابْ;

    [}> من أي سِحرٍ جِئت أيتها الجميلهْ!؟ من أي باِرقة نبيلهْ!؟
    هطلت رؤاك على الخميلةِ فانتشى عطرُ الخميلهْ!؟
    من أي أفقٍ ذلك البَرَدُ المتوجُ باللهيبِ, و الشمسُ الظليلَهْ!؟
    من أي نَبْعٍ غافِل الشفتينِ تندلعُ الورودُ؟! من الفضيلَهْ!!!

    [}> هي ممكنات مستحيلهْ قمر على وجه المياهِ,
    يلُملم شعثهُ العشب الضئيلُ و ليس تُدركه القبابْ;
    قمر على وجه المياه سكونه في الإضطرابو بعده في الإقترابْ;
    غَيب يمد حُضورَه وسْطَ الغيابْ وطن يلم شتاته في الإغترابْ;
    روح مجنحة بأعماق الترابْ و هي الحضارةكلها تنسَل من رَحِم الخرابْ;
    و تقوم سافرة لتختزل الدنا في كِلْمتين : (أنا الحِجابْ )

    [}> الحُسْنُ أسفرَ بالحجابِ فمالها حُجُبُ النفورْ
    نزلت على وجهِ السفورْ؟! واهًا أرائحة الزهورتضيرُ عاصمة العطورْ !؟
    أتعف عن رشْفِ الندى شَفَةُ البكورْ ؟!أيضيق دوح بالطيورْ ؟

    [}> يا للغرابة- لا غرابهْ
    يا بسمة ضاقت بفرحتها الكآبهْ;
    يا نغمة جرحت خدود الصمت و ازدرت الرتابهْ;
    يا وقدة محت الجليد و عبأت بالرعب أفئدة الذئابْ;
    يا عِفة و طهارة بينَ الكلابْ;;;;;;;;;;;;;;;;;;;;;;;;;;;;;;;;;;:;;;;

    [}> يا لستُ غانية و كأسا;;;
    نَعلاكِ أطهرُ من فرنسا كلهاجَسَدًا و نفْسا;
    نعلاك أجْملُ من مبادئ ثورةٍ ذُكِرَتْ لتُنسى;
    مُدي جُذورَكِ في جذورِكِ و اتركي أن تتركيها;
    قري بمملكةِ الوقارِ و سَفهي الملِكَ السفيها;;;;
    يا حرة ما دامَ صوتُكِ مِلءَ فيگ. و جميلة ما دُمتِ فيها;

    [}> هي مالَها من مالِها شيء سِوى (سِيدا *) بَنيها !هي كلها
    ميراثُكِ المسروقُ: أسفلت الدروبِ,حجارةُ الشرفاتِ;;;;
    أوعيةُ المعاصِرْ..النفطُ , زيتُ العِطرِ ,مسحوقُ الغسيلِ;
    صفائحُ العَرباتِ ,أصباغُ الأظافرْ .خَشَبُ الأسِرةِ , زئبقُ المرآةِ;
    أقمشةُ الستائِرْ .غازُ المدافئِ , مَعدنُ الشَفَراتِ ,أضواءُ المتاجرْ;
    و سِواهُ من خيرٍ يسيلُ بغيرِ آخِرْهي كلها أملاكُ جَدكِ
    في مراكشَ, أو دمشقَ أو الجزائِرْ;

    [}> هي كلها ميراثك المغصوبُ فاغتصبي كنوزَ الإغتصابْ .
    زاد الحسابُ على الحسابِ و آنَ تسديدُ الحسابْ;
    فإذا ارتضتْ..أهلاً ,و إنْ لم ترضَ, فلترحَلْ فرنسا
    عن فرنسا نفسِها, إن كانَ يُزعجُها الحجابْ;;;!!!

    ® حاشية:
    [}> (سيدا) بنيها، لعل الشاعر أحمد مطر يقصد تعريبا لعبارة (CIDA) من الفرانگفونية، و هي ختصار لمرض نقص المناعة المگتسبةأي:(الأيدز) يضرب أطناب بتلگ الإمبراطورية العجوز، و يفتگ بشبابها؛ و هي تحارب الحجاب بوثفه أيقونة دينية و نذير شر للتعصب ،التطرف و الإرهاب،إلخ.

    (عدل بواسطة دفع الله ود الأصيل on 22-12-2017, 04:34 PM)

                   |Articles |News |مقالات |بيانات

22-12-2017, 05:01 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {51}
    جلودية للطيش
    المشاركة الأصلية كتبت بواسطة الحفيان
    لا حول و لا قوة الا بالله و الله الجلدنة دي شي بطال
    بلحيل وvنوع عمك دا بكره الناس حياتهم

    [}> أعوذ بالله يا الحفيان ياخي من
    الجلودية. يأخي ديل في نوع كدي
    لامن ببالغ ظاطو. علا بالمناسبة يا
    الحفيان بس تسمح لي بواحدة ليها
    لا مؤاخذة علاقة،بالحفا و النعلات.
    *******((((+))))******
    [}> يلا نودعكم بختام المسك من بيت كلاوي الجلودية
    فقال ليك عمك دا حتو جلدة لامن بس خلو سااااه.
    لاگين، معرس لو مرة كمان أفظع منو. النوع اللي لو بيتا دا شب فيه حريق بتعمل لناس الدفاع المدني مس كول بزغة بس متل أبو الشهاق عشان يدبرو ليها عربية مطافي و لا إسعاف.
    [}> فالشاهد، مرة عمك دا مشتريلو مركوب كطع جنينة جديد لنج. موش طلعن ، عشان يلبسو لا , بس يطلعو يشمو و يمسحو بقطران و تاني يدسو قال لليوم الأسود.

    [}> فيومو داك مشابو صلاة الفجر يدَّبا على طراطيف أصابعينو رأفة
    ب{جلد} مركوبه. يلا ، وهو في الركعة التانية يقوم إبليس الصلاة/ خنزاب يجيه يوسوس لو ، و يذكر ليگ إنو زي الناسي لمبة حبوبة ونسيني موقدة. فمن حيسو كطع صلاتو و قام صوف فاگي البربرق بنمرة 5 لا يلوي على شيء; عشان يلحق يطفيها و يرجع يكمل.

    [}> لاگين ، المرة بت رجالن تعجبگ، أتاريهاطالعة
    أحرص منو؛ جاها نفسو قايم لقاها قامت باللازم تب.
    - يلا و قعد يناهف و يهترش : يا ولية اللمبة
    - قالت لو: يا راجل ها، قول بسم الله أنا اللمبة طفيتا من قبيلگ.
    علا تحين إتا هسي جاي جاري بالمركوب الجديد دا من هناك أكان لاقاك
    ضُقل و لا عرش شدرة ساي عتر ليك كطع لينا مركوبگ الجديد دا تخلي خشمنا نلح ملح. . ففام يلم لها في جبهتا و قال لها: علا والله ياكي آ بت الشيخ مرتي و أنا ياني راجلك؛و كان للمكرو، ما تشيلي همو ؛ تراني جيت صارو في أباطي. قلتا كان جات في كراع (الراكب أهون من جلد المركوب).

    (عدل بواسطة دفع الله ود الأصيل on 22-12-2017, 05:02 PM)

                   |Articles |News |مقالات |بيانات

22-12-2017, 05:35 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    {52}
    ∆ دا واحد أخونا، زول الله في بلد الله، عايش في المدرنة التي لا ينقشع عنها الضباب، لندن. فمرة نازل إجازة؛ صحبانو شرامة طلبو منو يجيب لهم معاه صعوط.
    ¶ فعلن رجع محملا بكميات من ود عماري الجيد و العطرون الحجري و تراب الجردقة الممتاز (لزوم التمطير، و گدي). فتحوها؛ ناس الجمارك و مدينة الضاباب و ضواحيها قعدو گولهم تشنغ تشنق يعطسو يومين.

    [}> فقالولو دي مخدرات. لگن زولنا حلف صادق بالتكطعو مو عارف عنها حاجة. قالولو: گدي ضوقا؛ قام خمش لو فوكامة و خمجا و زرق ليها جردقة تراب تىترا فوقا ؛ ثم شاللو منها سفة ختاها دقار . زولگ بردلب يا واطة جاك زول.

    [}> طوالي عملو نداء عاجل لاستدعاء قوات الدرگ من شرطة إسگوتلانديارد . جو خمو ليگ المسگين لا إيدو لا گراعو بي نقالة و بالإسعاف على المستشفى ، و منها على المختبر الجنائي بمباحث مكافحة المخدرات.

    ¶ هناك الضابط النبطشي گان عمگ شيبة، و صاحب خبرة طويلة ببيئة السودان. قاللهم جيبو المضبوطات اللقيتوها مع الزول دا. لگن للمفاجأة، عمگ مما عينو وقعت على گيس التمباك، أصلو ما صدق؛ قام خمشلو كمية و مطرا بالجردقة و ظبط المقادير تمام التمام.بعداگ دنكل لروحو سفة گااااربة ختاها دقار مجروص ، لامن تلاليشو ورمن متل نفخة الفشفاش؛ فكت ليه خرمة شابكة ليها سنين و دنين . بعداك قبل على جماعتو و قاللهم: اسمعو هنا ، حا تطلقو سراح(المتهم البريء) الزول المسكين دا هسي؛ و لا بخليهو يرفع ضدكم دعوى رد اعتبار؛ و أنا ح حأكون(شاهد ملگ) معاه.
    يلا جماعتگ ، جري أعطو الراجل حريتو أطلقو يديهو.

    (عدل بواسطة دفع الله ود الأصيل on 22-12-2017, 06:01 PM)

                   |Articles |News |مقالات |بيانات

22-12-2017, 05:06 PM

امتثال عبدالله

تاريخ التسجيل: 15-05-2017
مجموع المشاركات: 923

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: دفع الله ود الأصيل)

    ابداع وروعة ولا شك،،
    يعجبني ان الحروف العربية تاتيك طائعة مختارة تشكلها وتعجنها وتصوغها سطورا يمكن
    وصفها بالسهل الممتنع،، سطورا تشع وهجا ونورا وحبورا،،،تسيطر على حروف اللغة العربية،
    والتي يصفها البعض بانها من سلسلة اللغات الصعبة والصعيبة، كما كان شكسبير يسيطر على
    حروف اللغة الانجليزية، وسنغور على حروف اللغة الفرنسية،،،فمنكم نتعلم ،،
    مع وافر التقدير والاحترام
                   |Articles |News |مقالات |بيانات

22-12-2017, 05:33 PM

Ali Alkanzi

تاريخ التسجيل: 21-03-2017
مجموع المشاركات: 2649

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√ (Re: امتثال عبدالله)

    يا امتثال
    انت خليتي حاجة تتقال عن ودالاصيل؟
    قولك جواهر وذهب
    لا تجمعني اي معرفة او علاقة أو صلة بود الاصيل ولو التقينا في مجمع لن يعرف احدنا الاخر
    ولكن عطر كلماته الفواحة بالمنبر اجبرتني ان اتخذ مجلساً في حديقته الغناء وكنتُ مصاباً بالتعب والحمى فاذهب حديثه عني وعثاء السفر وكأبة المنظر وانقلبتُ لأهلي مسروراً وبحمل بعير من المشاعرالانسانية التي تريح القلب وتنظم ضرباته
    وحفاوة بود الاصيل افترعت طرحاً لانه وصف لي المنبر وصفاً لو بقينا مئة عام لمهتدينا لمثل ما قال.
    فقد قال واصفاً المنبر بما قل ودل
    لك والود وانت تتجولين في هذا المنبر وتكادي ان يكون حضورك فردا من بنات جنسك
    مودتي لكلاكما
    وإن عدتم عدنا
                   |Articles |News |مقالات |بيانات

22-12-2017, 08:03 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: امتثال عبدالله)

    أحبتي/ امتثالي و گنزي،،،
    [}> و الله لو سال سليل الفراديس مدادا، و جرت به سيقان نخل الشمال، و هشاب الغرب و الصعيد، و أبنوس الجنوب أقلاما على صفحات قرطاسي الفضفاصة ، لنفد گل ذلگ قبل أن تنفد گلماتي لرد غيض من فيوض ثنائگم العذب بحق رجل مثلي، عرف قدر نفسه بين سواد أولئگ(الغبش أبان مسوحن موية)، حتى ترتقون بي إلى مصاف ناس شگسبير ، فضلا عن ليوبولد سيدار سينغور و ألان داماس و إيمي زيزير، وگذا أشينوا أتشيبي و أشيائه المتداعية جانبا( Things Fall Apart).

    [}> هذا، بينما تصدمني حقا، أصوات أخري ،لا أجد لها وصفا بسوى أنها نشاز ، و هم يصرون على التقاط (صورة سيلبي) لأنفسهم مع هذا المنبر الگامل (الدثم).في نظري أن تلگ أمانيهم أگثر منها تقريرا موضوعيا لأمر واقع. أم ماذا ترون، و أنتم أهل مگة و أدرى بشعابها؟!

    [}حسبي القول لهم: گن جميلا، تر الوجود جميلا!
    إن شر النفوس لنفس تتوخى قبل الرحيل الرحيلا!
    ترى الشوگ في الورود و تأبى أن ترى فوقها الندى إگليلا!
    أيها هذا الشاگي و ما بگ داء؛ گيف تغدو، إذا غدوت عليلا؟!

    (عدل بواسطة دفع الله ود الأصيل on 23-12-2017, 03:48 AM)

                   |Articles |News |مقالات |بيانات

24-12-2017, 11:15 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: دفع الله ود الأصيل)

    { 53∆ خدعة بتي گلب ∆

    تملكه الجوع الگافر، فجاب شوارع
    قاع المدينة جيئتن و ذهابن بحثا عما فد
    يسد به رمقه. فقد أصبح لا يقوي علي هوهوة
    النباح، ياخ دا لدرجة وگت يدور يبول لامن يشبح
    گورعينو يسند تب على أقرب حائط مبگى ؛ طبعن،
    و يدعي.مگابرا ، بأن ذلگ ليس خشية أن بفع مغشيا
    عليه من( الگوفارة)، و إنما رأفتن بالحيطة أن تنهال
    ساقطة عليه من شدة طوفتن بوله. عمومن ما علينا.
    [}> الشاهد، أنه لمحها من على بعدٍ
    گلبة فتاة حسناء، تتبختر ماشية الهوينة
    گما يمشي الوجي الوحل. وهي تعض بنواجذها
    (عظماً)، تضعه بين فكيها و تمخمخ فيه آخر مخمخة
    فكر أخونا و قدر بكيفية الحصول عليه منها بأي ثمن گان.
    فهل سوف يطلبه منها مستجدياً عطفها عليه؟! كلا، فربما
    لن تغنجت؛ و ربما تستهجنه متهمة إياه بالتحرش، أم
    يظفر به غصباً و عنوةً و اقتداراً ، أم بالحيلة؟!!

    ¶ طائفة متزاحمة من الافكار الجهنمية
    بدأت تتقاطر إلى عقل باله و لم يقتنع بواحدةٍ
    منها . أخيرا قرر أن يخدعها مستغلاً في تنفيذ
    مخططه حاجتها الي الحنان و الرومانسية حاول
    بقدر المستطاع ان يخفي ملامح الجوع الظاهرة
    عليه و استبدالها بملامح العاشق الولهان.

    ¶ ثم دنا منها و تولَّه ؛ ثم نبح عليها
    و تنحنح و تبختر؛ ثم أدبر و كشر عن أنيابه، لعلها
    تحسبه متبسماً و محيياً إياها. رمقها بنظرة
    حانية ذات مغزى، كما لو كان مبدياً لها مدى
    افتتانه بقوامها السمهري لرشيق و خصرها
    الرقيق الممشوق.

    ¶ فسرعان ما سال لعابها ؛ إذ لم تكن
    مصدقة أنها عثرت أخيرا على من توقعه
    في حبائلها و لتجد فيه(كلب) حلامها الذي
    الذي سوف يتوجها ملكة علي قلبه في افخم
    (كوشة) في قاع المدينة . هزت له ذيلهبل، بغنج
    واضح لا تخطئه عين (زير گلاب).

    ¶ فأدرك أنها غرقت معه في احلام ظلوط.
    سألها برقة (دونجوانية) مصطنعة: ما اسمك
    يا بوريبتي. ردت بإبتسامة بريئة عريضة
    ظهر علي إثرها نوائبها المليئة ببقايا اللحم :
    أنا ساامية و بدلعوني (سوما) .

    ¶ فسقط العضم من بين فگيها ؛
    و سقط معه في يدها. فالتقطه علي الفور
    و هم بالمغادرة. ثم أدركت انه خدعها كأي
    {ابن كلب} غيره. لگنها أرادت أن تسترجع
    عضمها منه ،، سألته مستدركة : و لكن
    لم تقل لي ما اسمك ،ي جرقوستي؟

    ¶ لكنه رد دون ان يلتفت عليها
    و هو مولياً دبره لا يلوي على شيءٍ ؛
    و لم يعقب و قد تخير لنفسه اسما خاليا
    من حروف الحلق ؛ مع تجنب دقسات
    ( فتحة الخشم) و كدي ؛ لگي تبقيه
    عاضاً علي غنيمته بنواجذه.
    ¶اسمي إدريس .. إدريس،
    يا بت الشيخ، يلا باي !!

    (عدل بواسطة دفع الله ود الأصيل on 24-12-2017, 11:51 AM)
    (عدل بواسطة دفع الله ود الأصيل on 24-12-2017, 11:52 AM)
    (عدل بواسطة دفع الله ود الأصيل on 24-12-2017, 11:52 AM)
    (عدل بواسطة دفع الله ود الأصيل on 24-12-2017, 11:52 AM)
    (عدل بواسطة دفع الله ود الأصيل on 24-12-2017, 11:52 AM)
    (عدل بواسطة دفع الله ود الأصيل on 24-12-2017, 11:52 AM)
    (عدل بواسطة دفع الله ود الأصيل on 14-01-2018, 08:33 AM)

                   |Articles |News |مقالات |بيانات

24-12-2017, 12:55 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: دفع الله ود الأصيل)

    (54)
    المشاركة الأصلية كتبت بواسطة
    سيف الاسلام مشاهدة المشاركة

    بكون قالا ادليس ادليس؟!!
    ¶ يعني ي ديك/ تور قصدك تمرقو لينا
    گلب و < ابن 60 كلب> و لسانو ألجن كمان!؟!
    طبعن ، أبدع ما في الحبكة الدرامية للكلب هو
    تمكنه من تخيره لمصفوفة (حروف اسمه) لبگون /
    إدريس أو إدليس على قولتگ. و هذا ما يعرف في
    علوم فقه اللغة{ Linguistics} بأحرف
    {Fricative} و هي التي تقوم على
    صك الأسنان و اللثة.
    ¶ يعني لو جاب أي اسم فيه
    أي من حروف الجوف كأن، يقول :
    {الياقوت عبد الفتاح}مثلا، مع الاعتذار،
    لأخونا الياقوت ، كان عضم القصير
    وقع منو و حقو راح.
    تخريمة:
    [}> علا بالمناسبة عمنا الكلب أصلن
    ما مشى بعيد .لأنو طبعن زي ما قالو قال:
    هو أساسن اسمو/ حاج إبراهيم ؛ علا لاكين
    سامع الناس براهون بي تحت تحت قاعدين
    يقولو ليه الكلب. فما في زولن هاين
    روحو أبدن. كلو كلو يا كافي
    البلاء و يا حايد المحن؟!
    ٪٪٪٪٪٪٪٪٪(((+++)))٪٪٪٪٪٪٪٪٪
    أبو صديق كتب:
    كم من سامية تربت يداها دون عظم
    و كم من إدريس نجا بفعلته مع عظم.
    أوجزت و أبلغت يا ود الحيشان
    لك التجلة و التقدير.
    ^^^^^^^^}}}}}}}{{{{{{{^^^^^^^^
    أشكر لك صديقي الوفي أبو صديق
    حسن صنيعك بأريحية إصغائك الجميل.
    و مثلما أنه ياما للخداع ضحايا (ساميات)؛
    فكذلك ياما هنالك كلابٌ بشريةٌ ممن مردوا
    على السلب و النهب و لا يزالون يبرطعون
    في الهواء العليل أحراراً طلقاءَ.

    (عدل بواسطة دفع الله ود الأصيل on 24-12-2017, 01:22 PM)
    (عدل بواسطة دفع الله ود الأصيل on 14-01-2018, 08:29 AM)
    (عدل بواسطة دفع الله ود الأصيل on 14-01-2018, 08:29 AM)

                   |Articles |News |مقالات |بيانات

24-12-2017, 01:48 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: دفع الله ود الأصيل)

    ( 55)
    تماطيق
    [}> طيب و نحن مارقين على التيگ أوف،
    خلينا نختم ليگم الجزئية دي بواحدة قريبة
    من أجواء بين طبات السحاب.

    [}> دا زول لهفان و شرفان لامن موبالغة.
    النوع البقول لأمو:( يا جماعة رصو لبنا الغدغ)
    ففي الطيارة المضيفة جابت الوجبة ختت ليهو
    الصيينة فيها شوية (لغاويس گدي، ما تبل الريق)،
    فال إيه؟! گطعة رغيف سغيرة (گورواصان) تتدول
    في اللهاء، وحبات رز و لحمة مارتديلا رهيفة ه، گان
    عاينو ليها براها تتلاشى، و تلات حبات فول صوبا
    في صحي أم امين و معاهن الموية زولك خمشهن
    لهمقن كولهن شفطن ليگ في لهمة فرد واحدة
    و قال ليها: آاي. يا زولة ، الشيء دا نجض
    طب يلا خلاص اغرفي ياي ، بعد دا .
                   |Articles |News |مقالات |بيانات

11-01-2018, 04:16 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: دفع الله ود الأصيل)

    (56)
    ها قد عدنا بعد الغياب؛؛؛
    مسطول قالولو استخرج لينا صيغة المفرد من كلمة "عواليق"
    قال: دي أصلن قاعد تجي طقمة كاملة؛ فما في طريقة تتفرتق.
                   |Articles |News |مقالات |بيانات

11-01-2018, 04:50 PM

Ali Alkanzi

تاريخ التسجيل: 21-03-2017
مجموع المشاركات: 2649

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: دفع الله ود الأصيل)

    غبتَ عنا يا صاحب القلم الرفيع
    ليك وحشة، كما يقول التوانسة
    يا أخي ما تفرتقنا منك
                   |Articles |News |مقالات |بيانات

14-01-2018, 07:14 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 988

للتواصل معنا

FaceBook
تويتر Twitter
YouTube


Re: © من شر البليلة ما يفقع من الضحگ π√و (Re: Ali Alkanzi)

    (57)
    أستاذي و حبيبي علي، أيا گنزي المفقود
    طلية غيابي ، و گم يظل عبق أنفاسگم
    حضورا أنيقا حاديا لرگابي.گونوا دوما لعافية.
    و گلما فسحت لنا سانحة للاتگاء ، انتهزناها
    لنجاذبگم طرفي البوح المباح. فإليگم بهذه:

    ® يا نسوان السودان انتبهن£
    ® واحدة بتحكي..قالت الباب دق؛ و ربك رب الخير
    كنت واقفة جنبو ..طق فتحت.اشوووفا ليك واقفة قدامي حاجة كدا ياااامة حسناء سورية متل بهورة الرتينة سمحة سماحة الجن الاحمر تحلفي تقولي بس بالله متلبة ليها هسي من فيديو كليب. تقول لهيفاء وهبي أقعدي في واطاة الله دي. سعلتني: كيفك، اختي(تأبوريني) بدي أشتغل أي شغل:بطبخ، بكنس، بنضف،غسيل ومكوة،؛ياريت تساعديني.

    © الحاجة قالت: قلتا ليها بلحيل بساعدك و دخلت لاجوه و سليت ورقة ورقة خدرا أم خمسين من جيب راجلي ؛ و جبتها عصرتها ليها قوووي في راحة يدها و كشيتها ليگ ؛ قلت ليها الله يفرج كربتك. علا انتن آ أمات دقق ماااكن شبه شغلة بيوت. تحين ياختي يلا أمسكي الدرب ظا عديل و انكشحي عليك يسهل و علينا يمهل ما تجيبي لينا هوا و تعملي لينا حبس كبس . و تاني كان شفتگ بي جاي بحش عراقيبك ديل حش. أها، الراجل جوة ناداني من هناااك: دا منو ي ولية؟ قلت ليهو بتاع النفايات
    ياخوي و مشيناه فات خلاس.
    ¶ أها و إنتن هووووي يالسودانيات با حليلكن النايمات علي حيلكن . خليكن قريبات من الباب و وأوووعكن تخلن الرجال يفتحو البيبان للماشية و الغاشية. لحدت ما نشوف آخرة أزمة الربيع العربي دي ربنا يعديها على خير. و انتا عاد ي بشار ، دعيت عليگ و ماني ختيانة
    عليگ ، تربع إن شاء الله يا بابا إيديك ملانات قصب و شكيناك
    علي الله أكان فكيت فينا زلعة و سبب خراب بيوت.

    (عدل بواسطة دفع الله ود الأصيل on 14-01-2018, 08:21 AM)

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de