|
Re: ***** شوفو لينا موضوع عبدالله خليل دا ***** (Re: ABUHUSSEIN)
|
حبيبنا أبوحسين .. صدقني وجودك في المنبر ده مهم .. لا بد من الضبط من ظرف زمني بسيط جاءت كل هذه البوستات حبيبنا عرفات مرات يفتح بوستات وثائقية مهمة ولكن مع عبدالله خليل رحمه الله .. في خلط كبير الامر متروك لسيد الحوش .. شكرا الحبيب أبوحسين .. مازلت في المكتب ( دوام) قلت أقضي شوية وقت في المنبر ( في البوستات الاخوانية ) لأخرج من جو العمل وجدت البوستات دي مكرره الجملة قلت أحسن نصلي العشاء محل الشغل .. وعشرة كوتشينه في الجمعية مع الشباب
أتمنى لك عطلة جميلة .. مودتي .. أبوحسين ..
حبينبا عرفات .. الله يخليك خفف الموضوع شوية ..
| |
|
|
|
|
|
|
Re: ***** شوفو لينا موضوع عبدالله خليل دا ***** (Re: ABUHUSSEIN)
|
أبوحسين الحبيب .. عشرة بوستات تقريباً في الصفحة الاولى ..
حبيبنا عرفات الله يخليك .. يا اخي نحن هنا جدة .. ما زي ناس لندن مرطبين معظم وقتنا مع سودانيز .. نتسلى شوية ..
الله يخليك .. خفف علينا شوية .. زي زمان بوستات وثقائية مع صور
غايتو باقي لي نصف ساعة أغادر المكتب
مع التحية أبوحسين .. الظاهر خميسك رائق ..
| |
|
|
|
|
|
|
Re: ***** شوفو لينا موضوع عبدالله خليل دا ***** (Re: علي عبدالوهاب عثمان)
|
سلام يا احباب العداء السافر ما فى داعى ليهو نحن لازم مع أنفسنا اولا ثم نتصالح مع الغير يعنى إثارة الفتن ما فى داعى ليها يعنى زى الزعيم عبدالله خليل اتى إلى الحكم عبر انتخابات حرة نزيهة لذا يجب علينا احترامه والا نجعل من المنبر العام ساحة لتصفية حسابات قديمة بين حزب الأمة و الاتحاديين لقد ماتت بموت أصحابها نحن الان أمام تحدى كبير هو جيل لا يعرف الا الانقاذ ، كيف نتعامل مع هذا الجيل ؟ تحياتى اخوتى صديق مهدى على
| |
|
|
|
|
|
|
Re: ***** شوفو لينا موضوع عبدالله خليل دا ***** (Re: صديق مهدى على)
|
Quote: والله يا ابوحسين حقو كان يمسكوك البلف .. بتاع البوستات البتنفتح في المنبر .. كان اتعكلت في أي موضع مخستك ومنعتو .. لكن نسوي شنو ؟ .. غايتو انا اعترضت .. |
و الله غلبنا البنسوي يا جيمي .... الكاتب واحد و عبدالله خليل دا زول واحد ... ليه كل البوستات دي ....؟؟؟؟ بوست واحد بأدي الغرض .... و يدي غيروا فرصة يتواجدوا في الصفحة الأولى دي ... دا إحتلال راسو عدييييييل ....
| |
|
|
|
|
|
|
Re: ***** شوفو لينا موضوع عبدالله خليل دا ***** (Re: حمد عبد الغفار عمر)
|
=
Quote: ميت ليهو 3 سنوات منقستو ده .. |
منغستو حيٌ يُرزق يا ود القوز، لكنه بلغ الثمانين من العمر، (ومن يعش ثمانين حولاً لا أبا لك يسأمِ) وربما تشابه عليك البقر يا جمال القوز بين هيلاماريام وبين مليس زيناوي الذي مات وشبع موتاً قبل خمس سنوات، ورقد قوز.
أما رئيسنا الذي يظهر في الصورة في الأعلى مع الراحل زيناوي كشبيهين بأكثر من أربعين، فهو لحسن حظنا لم يصبه السأم الذي اصاب منغستو برغم أنه يرزح مثله في منتصف العقد الثامن من العمر، كما لم يصبه الملل أو البواسير جراء الجلوس الطويل على الكرسي لسنوات ممتدة تتخطى مجموع سنوات جلوس الصادق المهدي وسوار الدهب ونميري والمحجوب وعبود وعبدالله خليل.
رئيسنا تحميه العناية الإلهية من العين العينة ومن بطش يد عزرائيل التي أصابت زيناوي وأخطأت رئيسنا، كما أنجى الله صُلب رئيسنا من التقرحات والبواسير التي أصابت منغستو ولم تُصب البشير.
حمداً لله على سلامة أبوحسين والتحايا لكم ولعبدالله خليل وعرفات حسين ... .. .
| |
|
|
|
|
|
|
|