|
|
 بـورداب لـندن .. استلموا كمال إدريس .. وشوفو لينا طريقة باللاي!
|
الأعزاء بورداب لندن وما جاورها (لحدي أمريكا كــدا)
أخباركم ياخ ومشتاقين وإلخ إلخ إلخ
مرسلين ليكم واحد كرت كرتونة ..
الزميل كمال إدريس ـ المدير بتاع جدة
والحمد لله نقلوهو لندن وجاييكم بالسلامة!
باللاي جيهو لينا الزول دا تب
وودوهـو الحتات الغالية غالية باللاي
الزول دا من النوع الكبســور الأصلي
|
|
 
|
|
|
|
|
|
|
 Re: بـورداب لـندن .. استلموا كمال إدريس .. وشوفو لينا طريقة باللاي! (Re: كمال ادريس)
|
| Quote: ادروب ود القاضي... والله قربت اصدق اني عندي زول هناك... ياخ عمك عثمان كرهنا الكسرة زاتا. |
حبيبنا .. كمال ...سلامات وربنا يجيبك لينا بالسلامة ...
انت عمي ماكلمك ولا شنو ؟!! انا لي فترة في لندن ...وعمي ده سبب رئيسي لهجرتى شمالاً ونهائياً كمان ...ياخي ده صعب لامن خلاني افكر اعمل تحقيق في اسباب وفاة ابوي ( الله يرحمه )..
الحياة هينا صعبة وغالية جيب معاك سيرلاك ليك وللعيال ...
| |
|
|
|
|
|
|
|
|
|
Re: بـورداب لـندن .. استلموا كمال إدريس .. وشوفو لينا طريقة باللاي! (Re: ممدوح أبارو)
|
واحد كبسور اتعرف على كبسورة وقال ليها انا طبيب
طوالي البنية شبكتو ليك حبان وبنبان
يومين تلاتة عرفتو على صاحبتها
وفي يوم من الايام هي وصاحبتها ماشات البوستة
يرسلن خطاب
وزولك في مكتب البوستة على الكاونتر يختم في الرسائل
تاخ تاخ تاخ والبنيات يعاينن فيهو وما مصدقات
وبعد اتأكدن تب قامت الكبسورة مشت عليهو وسلمت عليهو
وقالت ليهو يا كضاب ما قلت دكتور
فرد سريعا : اعمل شنو نقلوني هناياخ
ود الصايم تحياتي واحتراماتي
| |
|
|
|
|
|
|
|
|
|
Re: بـورداب لـندن .. استلموا كمال إدريس .. وشوفو لينا طريقة باللاي! (Re: كمال ادريس)
|
Quote: الاميرة منى كنت متخيل نفسي حا ابقى كده في هيثرو يوم الجمعة 7 صباحا لغاية ما طمنوني الحبان باني فايت ود الصايم وما حا اكون براي بعد كنكشن في دبي.
اعشم في قندهار او حتى جبل اولياء في لندن. |
يا سلام يا كمال..بس كده؟؟
المهم أظهر علينا سريع وقبل عبداللطيف كمان ما يرجع..
وقبل الجبل ما يبقي جليد ..
سعداء بوصولك لندن..
ارقامي برسلها ليك في المسنجر..
برضه عندنا زميلة عزيزه بوردابية جات من الخارج..ان شاء الله نتلاقي كلنا قريب
....
...
Quote: زي الزول الرايحة ليهو حاجة
زي بتاع الغريبة شايل صينيتو بيتلفت
زي بتاع الركشة ماعارف يلف راسو ولله يلف الدركسون |
بكرة ترسي علي بر وتعزم ود الصايم..وادجوارد رود كله شيشات
| |
|
|
|
|
|
|
|
|
|
Re: بـورداب لـندن .. استلموا كمال إدريس .. وشوفو لينا طريقة باللاي! (Re: محمد عبد الماجد الصايم)
|
Quote: جاي يا عمكـ ما تضايق ياخ!
اليومين ديل العيال بأمهم في السودان
أها الواحد مش مفروض يستمتع بالوحدة دي؟
أها بعد ما المرة تجي
أنا بقوم بتخارج السودان
ومن هناكـ توووش الإمارات جاكـ نفر
وكان تأشيرة لندن كمان ضربت
المرة تاني إلا تشوفني يوم الحساب! |
انا نفسي المدام دي، تقعد تقراالكلام ده... يا ربي جواز سفرك تاني بتلم فيه؟
ألف مبروك أ.كمال.. وبالتوفيق في بريطانيا... والأداك بالكوريك يدي ود الصايم بالكُمشه، ويدينا بالملعقة
| |
|
|
|
|
|
|
| |
محمد عبد الماجد الصايم
وليد محمد المبارك
عبود عبد الرحيم
حيدر حسن ميرغني
فايزودالقاضي
omer osman
عصام علي أحمد
كمال ادريس
جلال جبريل
ممدوح أبارو
عبدالله ود البوش
مجدي عبدالرحيم فضل
Muna Khugali
saif massad ali
الطيب العامرى
داليا حافظ
مريم بنت الحسين
فيس بوك
تويتر
انستقرام
يوتيوب
بنتيريست