دعواتكم لزميلنا المفكر د.الباقر العفيف بالشفاء العاجل
|
|
 يا جـمـاعة هـوووي .. مـعـليـش والله!
|
السادة أحبابنا وإخواننا وأخواتنا وأعمامنا
وعماتنا وجكسينا في المنبر العام .. الكان حُـر
وكـل من يسأل عنّا سواء هاتفيا أو برقيا أو بمداخلة ساي!
أما بعد
مشتاقين ليكم شديد يعلم الله وإلخ إلخ إلخ .. وهكذا دواليكـ
النجيضة:
صورتي الشايفنها على يمينكم دي .. آآي دي، يعلم الله
عاجباني شديد .. شايف نفسي فيها سمح سماحة ما أنزل الله بها من سلطان
وقاشر بيها قشرة شديدة ومريّحاني ..
المشكلة فيما يأتي:
بوستات العزاء والعيانين والزعلانين!
بجيكم فاتح حلقي دا زي ما شايفين كـدا واللوز طالعة!
أها .. القصة في الحالات دي بتبقى جايطة شوية
تكون شايل ليكـ فاتحة وبتضحكـ .. وبتقول لزول عيان
سلامتكـ .. وبرضو بتضحكـ .. وتمش تكاوي محمد عادل .. وبرضو
بتضحكـ .. وتجيكـ مواهب خاشة شمال .. وبرضو تجيها بتضحكـ!
دا غير لمن ود البشرى ينظّر في بوستات القراءة بالإضنين ..
في الحالة دي بتكون مضطر إنكـ تضحكـ! عاد تعمل شنو!
دا شنو الكلام الكتير دا!
الكنكلوجن والنجيضة:
اعتذاري لناس العزاء والعيانين وكل من تكون صورة البروفايل
المذكورة أعلاه غير مناسبة في بوستاتهم .. ما بقدر أفارقا!
والاعتذار موصول لمن حلف بالطــلاق عشان الصورة دي
وبقول ليهو .. اتصرّف يا عمكـ
وتحياتي لمن دبّرس بحياتي
|
|
 
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: وليد عبد اللطيف)
|
| Quote: صورتكـ البشمال دي الناس تعودت عليها خلاص |
وليد يا عمكـ .. إنت الكيبورد بتاعكـ لفتاوي ولا شنو؟
الصورة يمين ياخ! البشمال دي بتكون صــدى الصورة
| Quote: اها دفع ليك حق الصورة ولا اخلص ليك حقك منو |
رامين قدّام ياخ!
نخلص حقنا من البرلمان عدييييييييل!
| |
|
|
|
|
|
|
|
|
 Re: يا جـمـاعة هـوووي .. مـعـليـش والله! (Re: داليا حافظ)
|
| Quote: غايتو أنا من ختيت صور د/ ناهد في بروفايلي وانا الأكل غالبني |
ههههههههههههه
ياعمكـ
بالله داليا حافظ دي مابالغت
داليا حافظ
| Quote: ياخ ما تغيرا ..لمن تغيرا دمك ببقى تقيييل .. |
وكمان لما يغيرا بنمرر الماوس سريع في مداخلاته
ههههههه
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: احلام وهبي)
|
| Quote: Re: يا جـمـاعة هـوووي .. مـعـليـش والله! |
ود الصااااااااااااائم يا حبوب
قررررط على كدا
تصدق لمن شفت مداخلتك امس في بوست بت اليمني بتاع تضامنوا مع ود الصايم
زعلت من شفت صورتك الاسع دي مافيش
وتمنييييييت انو اخش واقول ليك وين صورتك الضااااااحكة دي
انا كلللللل ما اشوف صورتك دي بضحك بدوووووووون سبب
وواحد زميلينا في الشغل محللللللللفني يعرف مناسبة الصورة شنو
لمن شافني بضحك سالني عن السبب
قلت ليه انا زاتي ما عارفة المناسبة
الله يبسطك داااااائما عشان تبسطناوتدخل البسمة في قلوب المتاعيس الزيييينا وكدا
هههههههههههه
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: omar arbab)
|
الكنكلوجن والنجيضة:
Quote: اعتذاري لناس العزاء والعيانين وكل من تكون صورة البروفايل
المذكورة أعلاه غير مناسبة في بوستاتهم .. ما بقدر أفارقا!
والاعتذار موصول لمن حلف بالطــلاق عشان الصورة دي
وبقول ليهو .. اتصرّف يا عمكـ |
شكيتك على الله آآآآآآآآ المسنوح
بكري دا كان شايف شغلو اكان لحسك زماااااااان
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: الطيب شيقوق)
|
حبيبنا / ميمد عبد الماجد عبد اللطيف ود الصايم
سلامات وأخبارك يا زول
وين الناس ؟؟
دى ما كانت صورة الضيعتك شهرين ما تجى الجامعة..
شد حيلك وحصل المحاضرات الفاتت عليك ..
لينا زمن نفتش فيكم انت و عمنا حمزاوى ...
وجيتونا الليلة بى صوركم ..
مشتاقون .. وعودا حميدا ..
| |
|
|
|
|
|
|
|
|
 Re: يا جـمـاعة هـوووي .. مـعـليـش والله! (Re: محمد عبد الماجد الصايم)
|
Quote: السادة أحبابنا وإخواننا وأخواتنا وأعمامنا
وعماتنا وجكسينا في المنبر العام .. الكان حُـر
وكـل من يسأل عنّا سواء هاتفيا أو برقيا أو بمداخلة ساي!
أما بعد
مشتاقين ليكم شديد يعلم الله وإلخ إلخ إلخ .. وهكذا دواليكـ
النجيضة:
صورتي الشايفنها على يمينكم دي .. آآي دي، يعلم الله
عاجباني شديد .. شايف نفسي فيها سمح سماحة ما أنزل الله بها من سلطان
وقاشر بيها قشرة شديدة ومريّحاني ..
المشكلة فيما يأتي:
بوستات العزاء والعيانين والزعلانين!
بجيكم فاتح حلقي دا زي ما شايفين كـدا واللوز طالعة!
أها .. القصة في الحالات دي بتبقى جايطة شوية
تكون شايل ليكـ فاتحة وبتضحكـ .. وبتقول لزول عيان
سلامتكـ .. وبرضو بتضحكـ .. وتمش تكاوي محمد عادل .. وبرضو
بتضحكـ .. وتجيكـ مواهب خاشة شمال .. وبرضو تجيها بتضحكـ!
دا غير لمن ود البشرى ينظّر في بوستات القراءة بالإضنين ..
في الحالة دي بتكون مضطر إنكـ تضحكـ! عاد تعمل شنو!
دا شنو الكلام الكتير دا!
الكنكلوجن والنجيضة:
اعتذاري لناس العزاء والعيانين وكل من تكون صورة البروفايل
المذكورة أعلاه غير مناسبة في بوستاتهم .. ما بقدر أفارقا!
والاعتذار موصول لمن حلف بالطــلاق عشان الصورة دي
وبقول ليهو .. اتصرّف يا عمكـ
وتحياتي لمن دبّرس بحياتي |
غايتو يا ود الصايم ما حصل كتبت مداخلة طويلة زي دي !!!
وانا متأكده إنك ولا ح تكتب كمان ههههههههههههههه
بالمداخلة الطويلة دي بتكون فقدت سوائل عديل كدا هههههههههه
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: انعام عبد الحفيظ)
|
يا ود الصايم
كيفنك
من قبل تم عمل بوست عن الصور ومن ضمنها كانت صورتي وبعض الزملاء ماسكين بالات موسيقيه
يعني انا ماسك ساكسفون وجنبي ابو امنه حامد والفاتح يسن ماسك شيلو " عرفت الشيلو ده..؟؟"
وهكذا فانتقد الزميل هذه الصور علي اساس انها غير لائقه مع بوستات العزاء مثلا
لكن حسب اعتقادي ان الصوره تمثل الشخص كالعنوان
غض النظر لنوع او رافع البوست
وللا رايك شنو يا صديقي
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: انعام عبد الحفيظ)
|
يا صايم
خت اي صورة ............ وانسي
ما في ناس بتمشي العزاء قاشرة قشرة السنين .. وبحكو نكات مع كبايه الشاي والمويه البارده
بتكلمو في الكورة والاعراس والسياسه .... والجكس يا حنين
كدا خلي الفرااااش ... في المقابر الناس بتقعد كيمان كيمان .. وهاك يا حنك .. ناسين اكرام الميت !.
ديل الرجاجيل ..
اما الجنس التاني ... بوبار للدين .. وصحاكات كانك في شارع الهرم .
وزيارة المريض في المستشفي ............ وحاتك برنامج عديييييييييييييييل
اضحك اضحك - انعل ابوها يا خي -
الميت .. رحمة الله واسعه
العيان بشفيه رب الكون
والزعلان يطرشق
اهدرت الباندوث ساااااكت يا شيخ 
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: محمد عبد الماجد الصايم)
|
يا عمك أمشي شوف ناس بيت السودانيين كاتبين عنك شنو
(( أستديو النجوم وهو النسخه المشوهه من نجوم الغد التي أنتجها التلفزيون القومي وهو برنامج ولد كمسخ مشوه وحلقه الليله ممكن نطلق عليها حلقه الشنه المره معروف من أبجديات الظهور في الشاشه أن تملك الحد الأدنى من الجمال لكن أن يكون المذيع في عمر جدي والفرقه الموسيقيه بثياب متنافره ولجنه الحكام فيها سميه حسن بكميه بودره تفتح بوتيك وفيصل أحمد سعد بصلعته وختامها كان الجمهور تقول التلفزيون اليوم داك عامل مسابقه شنه قوميه يأخي جمهور مبالغه عديل طبعاُ نحن يا شباب حته الجمال دي ولا بنجامل فيها ولا كمان دايرين تثبتو كلام راغب علامه فينا الشين بنقول ليهو شين في عينه ومصيبه البرنامج الليله إنو ناس النيل الأزرق وفي نفس الوقت كان بيبثوا حلقه لنجوم الغد سجلت مع ناس منتدى الهلال الإلكتروني في قطر أها الواحد يمشي يسمع ويتفرج على ريماز وشريف الفحيل ومنار صديق ويرجع يتفرج في ناس صلاح ديل .... شويه تتفرج في المغتربين المرطبين وهم شايلين كميراتهم الديجتال وبجانبهم أطفالهم وحلالهم والأمور ميه ميه من الجو ده اقلب لقناه السودان حيث الكتاحه والغبار والشنه الحامضه ,,,,
عشان الماساه تكتمل أحمد المك قاعد وش في إستديو النجوم يا ودالمك مابالغت في جيتك براك دي إنت عارف مدعو عشان شنو ؟؟؟ ولا أقول ليك ..
حالياً في زول بيشبه ودالصايم بيغني أغنيه لعبدالرحمن عبدالله وللأمانه هو مقلد أكثر من بارع لبلبل الغرب ويمكن ده يكون حسنه البرنامج الوحيده بعد زمره المهرجين الفاتو ديك لكن برضو شين ماقلت ليكم بيشبه ودالصايم...
سنتر الخرطوم ........... الشنه بالكوم
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: فدياس نجم الدين)
|
| Quote: حالياً في زول بيشبه ودالصايم بيغني أغنيه لعبدالرحمن عبدالله وللأمانه هو مقلد أكثر من بارع لبلبل الغرب ويمكن ده يكون حسنه البرنامج الوحيده بعد زمره المهرجين الفاتو ديك لكن برضو شين ماقلت ليكم بيشبه ودالصايم... |
فدياس يا عمكـ
هي الحربُ إذن
أتاري أنا طول الليل عندي عشراقة!
| |
|
|
|
|
|
|
|
|
 Re: يا جـمـاعة هـوووي .. مـعـليـش والله! (Re: محمد طه الحبر)
|
ود الصايم يا عمكـ
قود تو سي يور سمايل اجين
عندي ليك اقتراع مادام انت متحسس من بوستات البكيات بي صورتك دي
خت ليك ورقه هامشيه جم الكمبيوتر بس ما تشوف بوست عزاء .. سجل اسم الميت واهله
وتعال اعمل بوست موحد عزي الناس السجلتها كلها وانت خاتي صورة تناسب المقام
حسه المهم لازماك صورة حزينه لا تقل بريستيجا عن صورتك الحاليه
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: Dalal Ezzaldin)
|
| Quote: قود تو سي يور سمايل اجين |
دلال يا عمّتكـ
والله نحن الح نقول ليكـ قود تو سي يور باسوورد أقين
Quote: وتعال اعمل بوست موحد عزي الناس السجلتها كلها وانت خاتي صورة تناسب المقام
|
أها يا دلول
النجيضة بتاعتكـ دي أنا جيت عملت بيها ضربة استباقية!
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: tahani abusin)
|
| Quote: غايتو أنا من ختيت صور د/ ناهد في بروفايلي وانا الأكل غالبني |
هاهاهاهاهاهاهاهاهاهاهاهاهاهاهاهاهاهاهاها
غايتو يا داليا حافظ والله بالغتى عدييييييييييل كده
يا أخى أنا يمين لى حوالى خمسمية شهر ما ضحكت قدر ما ضحكت هذا اليوم
والمشكلة أنه لا يوجد شخص أستطيع أن أقول أنه جا جارى جنبى وقال لى
يا ود يا مهورى إنت بتضحك كده مالك ،، لأننى لحالى فى فندق الفور سيزونز
بدمشق وعزائى سودانيز وأشياء أخرى ،،
يا ود الصايم والله قبل ما أشوف بوستيك ده علقت فى مكان آخر هنا قبل لحظات بأن ضحكتك المختفية أثرت فينى كثيراَ
يا أخى أضحك كما تريد وكيفما تريد ولأى سبب تريد ،،
مع التحية للجميع مع الأمنيات بأن يجعل أيامنا جميعها أفراحا فى أفراح ،،
ماهر
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: Mahir Mohammed Salih)
|
الحبيب ود الصائم
احلال على بلابل الدوح احرام على الطير من كل جنس
ياخي قبيل لمتني على البوست بتاعي بتاع الغربان والبوم اسع عشان صورة كاتب مقالة الدولة العثمانية لوووووووولز
الصورة جميلة بس المرة الجاية استخدم معجون حلاقة هههههههههه قالوا بيشيل الكلف والنمش وحب الشباب والموس لازم تكون جليت جي تو تلاته شفرات
اضحك الله سنك ويعدلها عليك شقيش ماتقبل
داليا حافظ تاني الواحد لمن يجي يشد الحزام يخت صورة ناهد
دلال عز الدين لسع ماوصلتو للصور بالفرنسي هههههههههههههههههههههههه
تحياتي
زاتوووو
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: Hassan Makkawi)
|
يا عمكـ
حسب وعدي ليك طلبت من وليد الشفت حق الدعاية بصورتك
قال ياخي انا دفعت زمان وانت دخلك شنو
يعني قبضت قبيضك وحمدت سيدك (ياقول حبوبتي نور الشام )
ود الصايم
لكن تخيل لو قالوا ليك عيد الضحكة دي تاني ما اظن تجي زي دي صاح ولا انا غلطان
----------------------
ياعمك رسل الكرفتة بكرة عندنا برنامج
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: داليا حافظ)
|
Quote: النجيضة:
صورتي الشايفنها على يمينكم دي .. آآي دي، يعلم الله
عاجباني شديد .. شايف نفسي فيها سمح سماحة ما أنزل الله بها من سلطان
وقاشر بيها قشرة شديدة ومريّحاني |
ودالصايم فعلا صورتك القبل كم يوم ما مناسبه مع الفتحات والشيش والذى منو
لكن دى ميه الميه ياخ تشبه الحاجات كلها
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: خالد المحرب)
|
| Quote: يا وليد وياسر ومحمد وماهر والزول زاتو إن شاءالله دايما ضاحكين ..وأخجلتم تواضعنا .. |
الله يحفظك يا داليا حافظ
وصراحة ردك كان مضحك وفي محلة
ومثل هذه الردود تعجب صراحة
| Quote: المليان ولا فاضي ؟ |
وهذه الردود مثلا محتاجة موهبة
واخوك فاقدها
ولا عشان انا برلوم ياود الصايم على قول ( فيصل نوبي )
| |
|
|
|
|
|
|
|
|
|
Re: يا جـمـاعة هـوووي .. مـعـليـش والله! (Re: Mahir Mohammed Salih)
|
Quote: يا ود الصايم والله قبل ما أشوف بوستيك ده علقت فى مكان آخر هنا
قبل لحظات بأن ضحكتك المختفية أثرت فينى كثيراَ
يا أخى أضحك كما تريد وكيفما تريد ولأى سبب تريد ،، |
تسلم يا ماهر ياخ!
بس بنعمل احتياطاتنا من بدري ياخ!
ما معقول الزول دا كلّ مرة يجي يطلّق لينا هنا ياخ!
| |
|
|
|
|
|
|
| |
محمد عبد الماجد الصايم
ismeil abbas
وليد عبد اللطيف
محمد البشرى الخضر
داليا حافظ
اسعد صلاح البدري
الطيب رحمه قريمان
محمد المختار الزيادى
Yassir Tayfour
احلام وهبي
mayada kamal
Ashraf el-Halabi
Mohammed Awad
محمد كابيلا
محمد زكريا
فادية اليمني
العوض المسلمي
omar arbab
الطيب شيقوق
انعام عبد الحفيظ
عبدالله كع
أمين يحيى
فدياس نجم الدين
Dalal Ezzaldin
ALZOLZATOO
عمران حسن صالح
Hassan Makkawi
الملك
صالح عبده
محمد مكى محمد
فيس بوك
تويتر
انستقرام
يوتيوب
بنتيريست