|
|
 كمان جابت ليها رطــوبة!
|
إنا لله
باللاي الرياض دي من أمس حالتا حالة!
سخانة مليون .. رطوبة تلاتة مليون!
معقولة لكن .. الحاصل شنو ياخ!
أساسي .. مستحمل السخانة والرطوبة دي كيف
شايل اللوز ولا شنو؟
______________
أتقدم إليكم بأصدق التهاني وأسمى آيات التبريكات بمناسبة حلول شهر رمضان
المبارك أعاده الله على الجميع بالخير واليمن والبركات، وأدعو الله عز وعلا
شأنه أن يمنّ على الجميع بنعمة الصحة والعافية. وأن يعيد علينا شهر الطاعة
والعبادة والجميع بخير بإذن الله تعالى.
__________
اعتذاري لكل من أرسل sms لعدم الرد .. الفلس حاصل شوية اليومين ديل
والخط متعدي الحد الائتماني وشغال شحن بس .. والمشكلة في شحن الخط ما برسل رسايل
يكون من شنو دا يا ربي؟
|
|
 
|
|
|
|
|
|
|
|
Re: كمان جابت ليها رطــوبة! (Re: ممدوح أبارو)
|
| Quote: قلت لي الرياض بقت حافظة بس |
حافظة البسيطة دي يا عمكـ
ياخ الواحد عامل زي الزير القناوي
ينقط من أي حتة!
وإنت طيب يا حبيب وبألف خير والعائلة الكريمة
باقي لي دا أول رمضان بعد العرس
ياخ فيهو جنس متعة
| |
|
|
|
|
|
|
|
|
|
Re: كمان جابت ليها رطــوبة! (Re: GamarBoBa)
|
يا بوبا
السنة دي أخوكـ عزابي بمشي يدي فاااضية
داير بالحلل شــنو .. ضرب تقيل وتوليعة حجر!
غايتو إلا الحلل تجي تتصور معاي
النجيضة: يا ربي حألاقي غتاية الحلة حقت السنة الفاتت؟
| |
|
|
|
|
|
|
|
|
 Re: كمان جابت ليها رطــوبة! (Re: GamarBoBa)
|
ود الصايم
كل العام و انت بخير
وتقبل الله الصيام و القيام اذا حصل منك
حكاية شحن الخط ما بيعمل رسائل
دي زي زمان اليمانية بتاعين الدكاكين زمان
كان ممكن يدينك اي حاجة الا السجائر
يقولك الماعندوش ما يلزموش
| |
|
|
|
|
|
|
|
|
|
Re: كمان جابت ليها رطــوبة! (Re: osman righeem)
|
ود الصايم
تقبل الله منكم ومنا صالح الدعاء ...تصوم وتفطر علي خير...
قال رطوبة قال....
ياخوي بالله عليك تجي هنا تشوف الرطوبة البتجيب الرطوبة الجد جد ( الساحل الشرقي من الأطلنطي )
آدم العشا
| |
|
|
|
|
|
|
|
|
|
Re: كمان جابت ليها رطــوبة! (Re: Adam D.El-Asha)
|
| Quote: ياخوي بالله عليك تجي هنا تشوف الرطوبة البتجيب الرطوبة الجد جد ( الساحل الشرقي من الأطلنطي ) |
آدم يا عمكـ
بس
أنا داير أشوف رطوبتكم دي!
التأشيرة يا عمكـ
التأشيييييرة ياخ!
_
وإنت بألف خير
| |
|
|
|
|
|
|
|
|
|
Re: كمان جابت ليها رطــوبة! (Re: haroon diyab)
|
| Quote: كمان جابت ليها رطــوبة! |
دى واحدة من العنوانين القاصدها عزام..
يعنى الخليج دا غير الرطوبة فيهو شنو؟؟؟
يوم واحد ماشفت لى نسمة جات طايرة من جيت هنا
زى التقول الدنيا كانت ريبع وزهور..
تصوم دى ما متاكدة منها.. لكن تفطر على خير
| |
|
|
|
|
|
|
|
|
|
Re: كمان جابت ليها رطــوبة! (Re: Amira Elsheikh)
|
| Quote: يعنى الخليج دا غير الرطوبة فيهو شنو؟؟؟ |
بت الشيخ
كل سنة وإنتي طيبة
شايفكـ أمس شختّي لي
من ناحية فيهو .. فيهو
ياخ نحن ناس حرّ وسخانة ساي!
الرطوبة دي بتجهجه باكاتنا وكــدا!
بعدين المشكلة ما في الصوم يا بت الشيخ
المشكلة في الفطــور ياخ!
| |
|
|
|
|
|
|
|
|
 Re: كمان جابت ليها رطــوبة! (Re: Amira Elsheikh)
|
كل سنة وإنت طيب تصوم وتفطرعلى خير
يا ود الصايم
وكل العام و انت بخير
وتقبل الله الصيام و القيام
لكن ليه الناس دي كلها مجمعه على إنو البصوم دا جدك ما إنت
أوعى يكون صيامك صيام الضب بس
بعدين شنو حر وما حر ضربت الكندشة دي وصدقت نفسك ولا إتولدت في الإسكيمو على قول أبوي
تحياتي للأسرة بالله
| |
|
|
|
|
|
|
|
|
|
Re: كمان جابت ليها رطــوبة! (Re: وجن)
|
Quote: لكن ليه الناس دي كلها مجمعه على إنو البصوم دا جدك ما إنت
أوعى يكون صيامك صيام الضب بس
بعدين شنو حر وما حر ضربت الكندشة دي وصدقت نفسك ولا إتولدت في الإسكيمو على قول أبوي |
وجن يا عمتكـ
والله نحن في رمضان دا بنجضم الأمور صاح
صيام تقيل .. وفطور تقيل
ياخ الحـر دا والله سمح .. سمح عديييل كــدا لو قارناهو بالرطوبة!
ياخ أنا أمس مستحمي يمكن عشرة مرات!
| |
|
|
|
|
|
|
|
|
|
Re: كمان جابت ليها رطــوبة! (Re: HAIDER ALZAIN)
|
| Quote: كدي تعال الشرقية يا حبيب عشان تآمن زاااتو |
كان بجيكم
كل سنة وإنت طيب يا عمكـ
تعرف الشرقية دي آخر مرة مشيت فيها (زمن النضارات)
باللاي وصلت بيت عمنا وفتحت باب العربية تاني ما شفت حاجة!
باللاي مع السمن دا الواحد ينقط في الموية زي اللستكـ الغسلوهو هسي
| |
|
|
|
|
|
|
|
|
|
Re: كمان جابت ليها رطــوبة! (Re: خالد المحرب)
|
Quote: ياعمك كل سنه وانت طيب الصوم والجفاف والتصحر يقلل من الانفتاح لمن يحافظ بعد الفطور
ينقص الوزن والترهل لمن يحافظ بعد الفطور ودى فرصة للانعتاق وهلما جرا مزيد من درجة الحراره بكره
تحياتى ياعمك |
المحرب يا عمكـ
إنت صمت من الليلة ولا شنو؟
ياخ عاوز تعمل لينا انعتاق في الفطور مالكـ يا عمكـ!
تصوم وتفطر على خير يا حبيب
| |
|
|
|
|
|
|
|
|
 Re: كمان جابت ليها رطــوبة! (Re: omer osman)
|
رمضان كريم وتصوموا وتفطروا علي الف خير جعله الله فضيلا علي كل العالمين وعلي كل اهل الارض اجمعين .
تصوم وتفطر علي الف خير اخي العزيز محمد تقبل المولي مننا جميعا صيامنا وقيامناوانت والاسرة الكريمه بالف خير .
جعله الله شهر تفريج وتفريح وتكريب وعظم كل الاجور امييين يا رب العالمين..تقبل منا انك سميع عليم
| |
|
|
|
|
|
|
|
|
|
Re: كمان جابت ليها رطــوبة! (Re: حواء سليمان ابراهيم)
|
| Quote: قبل الزحمة..... والرز واللحمة...... |
اللهم إني صائم
حـــوا .. دا شنو دا ياخ!
دعاء باللحمة والرز والواحد صايم
وفوق دا كلو الواحد يقرا كلامكـ دا الساعة واحدة ونص نصة نهار!
اللهم إني صائم!
اللهم إني صائم!
تصومي وتفطري على خير!
| |
|
|
|
|
|
|
|
|
|
Re: كمان جابت ليها رطــوبة! (Re: عبدالله كع)
|
| Quote: بطل الجرسه يا قريبك رطوبة شنو وعوارة شنو .... دي النفسيات البتجي قبل رمضان بس .. |
كع يا عمكـ
أخباركـ ياخ ووين الناس مختفي كــدا
متذكر الصينية بتاعت الـ جكن ناقتس ديكـ!
ياخ شايفا ليكـ قدامي هسي دا!
تقول لي عــوارة!
كدي فكـ النفس دا!
| |
|
|
|
|
|
|
|
|
|
Re: كمان جابت ليها رطــوبة! (Re: محمد عبد الماجد الصايم)
|
Quote: كع يا عمكـ
أخباركـ ياخ ووين الناس مختفي كــدا
متذكر الصينية بتاعت الـ جكن ناقتس ديكـ!
ياخ شايفا ليكـ قدامي هسي دا!
تقول لي عــوارة!
كدي فكـ النفس دا! |
هسي يا صايم عاد ده كلام .. .. .. قوم اقضي وطرك سااااااااكت وولعة شيشتك يا قريبك
قولتا لي نفس !! ... شكيتك علي الله
| |
|
|
|
|
|
|
|
|
|
Re: كمان جابت ليها رطــوبة! (Re: عفاف الصادق بابكر)
|
Quote: يا أخوي رطوبه ما رطوبه .. سخانه ما سخانه
مافي مفررررررر رمضان كريم |
بت الصادق .. رمضان كريم
تصومي وتفطري على خير
ما هي المشكلة في المفررر دا زاتو!
كاسين ليهو كواسة ما لاقين!
الحمد لله .. الرطوبة خفت شوية!
| |
|
|
|
|
|
|
|
|
 Re: كمان جابت ليها رطــوبة! (Re: abdalla osman)
|
السلام عليكم ورحمضان كريم .. وتصوموا وتفطروا على خير ..
ملحوظة:
البوست دا انصرافي جدا .. لانو بيشتت مجهودات رمضان .. ( اي زول /ة  ) .. (جالد / ة ) يجي يفكها فينا في الشهر الفضيل دا وداخل البوست دا ..
يا كاروشة .. أرجو أنك تنتبه لي شغلك .. يعني إنت عايز يفكوك السنة كلها ضارب الطراوة والبيرقر ..؟
اتعصر شوية عشان تعرف مشروعية الصوم .. الاحساس بالآخر ..
حسع أنا كان لقيت زول حاسي بي .. كان (بقرن) ليك رمضان دا تلاتة شهور مع بعض كدا .. لكن اهـو الواحد من اربعة رمضان .. لمبتو بتولع .. والباقي يتمو بوستات انصرافية زي دي ..
الحاجات ماشة بالمقولب زاتو .. يفكو ليك الناس الما فيها (نكهة) والفيهم (نكهة) يربطوووم ..
اللهم اني صايم ..
| |
|
|
|
|
|
|
|
|
|
Re: كمان جابت ليها رطــوبة! (Re: tmbis)
|
| Quote: السلام عليكم ورحمضان كريم |
تمبس يا عمكـ
باللاي جاي شايل بقج الغباين دي وماشي فينا كــدا
هسي يعني الجماعة ديل كلهم ضاربين وكـــدا!
ياخ دا بوست ولا إجازة مرضية! (ما عاوز أقول عذر شرعي وكــدا)!
هسي يعني شنو الإحساس بالآخر
يعني أنا أصوم عشان أحس بي عمر الفاروق ولا الشفيف ولا حميدة!
ياخ أخير أكون فاطــر وأخاطـــر زاتو!
بي مناسبة البيرقر دي!
ياخ قبل شوية بتكلم معاها .. قالت لي: يا بابا
ما شفتني أنا أمس وقعت بردلوب من السرير!
ياخ أنا زاتي وقعت بردلوب من الكرسي بتاعي!
غايتو مشروع شهادة عربية وفشل
| |
|
|
|
|
|
|
|
|
|
Re: كمان جابت ليها رطــوبة! (Re: abdalla osman)
|
Quote: يعنى الخليج دا غير الرطوبة فيهو شنو؟؟؟
يوم واحد ماشفت لى نسمة جات طايرة من جيت هنا
زى التقول الدنيا كانت ريبع وزهور..
|
الغالى ود الصايم
ازيك وكل سنة وانت طيب
اميرة قالت ليك النجيضة
طبعا عندنا "سقط شرعا ، السقط الواحد دا "
هسى البطاطين تتطاقش
انت بالمناسبة المقعدك فى الرطوبة شنو؟
لا شبهك ولا بتشبها
تعال مارق
| |
|
|
|
|
|
|
|
|
|
Re: كمان جابت ليها رطــوبة! (Re: سلمى الشيخ سلامة)
|
ودالصايم وضيوفه الكرام كل عام وانتم بخير ورمضان كريم
واقول لي ودالصايم لو علي الرطوبه ساااااهله وهينه , المشكله نحن كهربتنا ومويتنا بقطعوا في رمضان
وكانهم موقعين عقود اتفاق علينا ,,
الله في ,,
| |
|
|
|
|
|
|
|
|
|
Re: كمان جابت ليها رطــوبة! (Re: العوض المسلمي)
|
| Quote: المشكله نحن كهربتنا ومويتنا بقطعوا في رمضان |
مسلمي يا عمكـ
عليكم بالبزيانوس!
ما كمان تمشو تفطروا وتهضموا بالشامبيون!
بعدين الكهرباء والموية دايرين بيها شنو ياخ!
ما ياهو السمكـ رقد هبطرش زي ما قال ود الباوقة!
| |
|
|
|
|
|
|
|
|
|
Re: كمان جابت ليها رطــوبة! (Re: سلمى الشيخ سلامة)
|
Quote: انت بالمناسبة المقعدك فى الرطوبة شنو؟
لا شبهك ولا بتشبها
تعال مارق |
بس .. النجيضة بتاعت البوست جات
سلمى يا شقيقة
ياخ أنا أموت موت عدييل في السقط .. حتى لو كان سهوا!
الفيزا ياخ!
الفييييزا
الجماعة ديل من يوم حداشر داكـ كرهونا العيشة!
تأشيرة أم خمسة سنوات ديكـ .. قالوا لي كان ليكـ!
شوف عيني القنصل قرّب يقول لي قوم لف ..
يا كمان بكون قالا وأنا ما عرفت الترجمة كويس!
تصومي وتفطري على خير!
| |
|
|
|
|
|
|
|
|
|
Re: كمان جابت ليها رطــوبة! (Re: abdalla osman)
|
Quote: شايف في محاولات تشتيت تراويح ..حبة والدور على رمضان يعني لوك الصبر
شويية كده امكن تفرج. |
يا دكتور يا عمكـ
أخباركـ ياخ!
عمكـ دا لو انتظرناهو ببيح لينا الشيشة في نهار رمضان زاتو!
نلوكـ الصبر شوية زي ما قلت كــدا يمكن نمرق لينا بسفة سفتين!
| |
|
|
|
|
|
|
|
|
|
Re: كمان جابت ليها رطــوبة! (Re: كمال علي الزين)
|
Quote: كل سنة وإنتا طيب يا(حمودي)
رمضان كريم ..
معاك حق (رطوبة) شديدة .. |
كييييييمو يا عمكـ
الرطوبة برجلت لينا خم الرماد ياخ!
باللاي الشيشة زاتا رطبت أبت تجر!
تصوم وتفطر على خير يا حبيب
| |
|
|
|
|
|
|
|
|
|
Re: كمان جابت ليها رطــوبة! (Re: طارق جبريل)
|
Quote: ابو شنب
انتو وكت الرطوبة هارياكم المقعدكم شنو
ما تمشوا للنشاف في الخرطوم |
طلبة يا عمكـ
نشاف الخرطوم ما بناباهو ياخ
لكن كمان جابت ليها رطوبة!
غايتو إلا الرطوبة دي!
بتخلي الحاجات ما ياها!
| |
|
|
|
|
|
|
|
|
|
Re: كمان جابت ليها رطــوبة! (Re: الزوول)
|
Quote: يا راجل شفقتنا ...قلنا عليها الرطوبة البعالجوها بالحبوب ديك
تتطلع رطوبة جرسة من رمضان ساي |
الزول يا عمكـ
ياخ شفقتنا نحن زاتنا ياخ!
ياخ الجرسة دي قبل رمضان يا عمكـ
يا دوب حنبدأ جرسة رمضان بعد دا!
| |
|
|
|
|
|
|
|
|
|
Re: كمان جابت ليها رطــوبة! (Re: محمد عبد الماجد الصايم)
|
يا ود الصايم ياخ كل سنة وإنت طيب ،،،
والله رمضان السنة دي مجهجه ناس الخليج بالرطوبة الشديدة
أخوك أمبارح مشى متأخر صلى العشاء والتراويح برّة المسجد
عليّ الأيمان قربت أفطر زاتو !!!! ياخ هي جنس رطوبة
____________________________________
لقيت البوست بتاعك شديـيـيـيـد وخصوصاً بالنهار!!!
| |
|
|
|
|
|
|
|
|
|
Re: كمان جابت ليها رطــوبة! (Re: عمر التوم)
|
| Quote: رطوبة جدة .....تنادي ...رطوبة الرياض حول |
عمر التوم يا عمكـ
تصوم وتفطر على خير ياخ!
رطوبة جـدة دي زي السؤال الإجباري في الاختيار
لكن نحن ناس الرياض ديل .. نتخارج كيف من الموضوع دا!
رطوبة بلا بحر دي كيف باللاي؟
| |
|
|
|
|
|
|
|
|
|
Re: كمان جابت ليها رطــوبة! (Re: أمين يحيى)
|
Quote: أخوك أمبارح مشى متأخر صلى العشاء والتراويح برّة المسجد
عليّ الأيمان قربت أفطر زاتو !!!! ياخ هي جنس رطوبة |
أمين يا عمكـ
الرطوبة كـدي خليها شوية
إنتو بتفطروا بعد التراويح ولا شنو؟
تعرف الحمد لله بالنهار دا مرتاحين من الرطوبة
ضاربين ليكـ التكييف البجيكـ من وين ما تعرف دا وتاكلين!
أها
تمش البيت ما تعرف تخش وين زاتو!
| |
|
|
|
|
|
|
|
|
|
Re: كمان جابت ليها رطــوبة! (Re: محمد البشرى الخضر)
|
| Quote: غايتو متوكل توم كان خش هنا و شاف مولد عمك و الوشوش الخدرا المبزّرة دي إلاّ يفطر نص النهار عديل كدا |
جرجيرة يا عمكـ
متوكل توم دا مفروض يكون مربوط في رمضان دا
البجيبو المنبر شنو؟
تصوم وتفطر على خير يا عمكـ
شايف كرشكـ في الصور الأبيتا
طوالي جا في بالي
دي كرش ولا ننبرش؟
| |
|
|
|
|
|
|
|
|
|
Re: كمان جابت ليها رطــوبة! (Re: محمد عبد الماجد الصايم)
|
رمضان كريم ياخخ
وتقبل الله منا ومنكم صالح الاعمال
مشتاقين يا حبيب ، واوعى تكون صايم عزابي؟؟؟
رطوبة وسخانة شنو ورياض شنو؟ امس الخرطوم الليل كلو شغالي "حوالينا ولا علينا"
كل ما الرعد يضرب اتذكر ليك قوم عاد واقول ربنا يلطف ، غرق جد ، الحمدلله رب العالمين
| |
|
|
|
|
|
|
|
|
|
Re: كمان جابت ليها رطــوبة! (Re: محمد يوسف الزين)
|
| Quote: مشتاقين يا حبيب ، واوعى تكون صايم عزابي؟؟؟ |
عابد يا عمكـ
تصوم وتفطر على خير ياخ!
هسي لو الأولاد كانو قاعدين الواحد كان جاب سيرة رطــوبة
ياخ المطر دا قصتو بقت قصة في البلد دي!
مطرة مطرتين في السنة والباقي وايتات موية!
| |
|
|
|
|
|
|
|
|
|
Re: كمان جابت ليها رطــوبة! (Re: خالد العطا)
|
بسم الله الرحمن الرحيم
وبه دوما نستعين
بيان من وزاره الداخليه الاسفيريه لمنبر سودانيز قاعدين في اللاين
بهذا قد تقرر احضار المدعو : عمك ود الصايم, على جناح السرعه الاسفيريه (يمكن بكري ياجر لينا طياره عشان زحمه المواصلات)
واحضاره في التو واللحظه من بلد (الورعان) الى بلد (بلدي ناسا حنان) وذلك نسبه لجرسته الشديده والغير مبرره من حبيبه رطوبه
لذا فقه قررنا انو لازم يضوق مطره السودان الصابه شوووووووووو كده من بعد الفطور لحدي بالليل عشان يعرف الله واحد ...
والله الموفق ...
ملاحظه: اقول يا ود الصايم انت ووجهك , ترى ان رحت كذا ولا كذا او دقيت على خويك تمبس, لا اخليك تشوف شين عمرك ماشفته
واصير لك نشبتن بالحلق بعد .. تفهم ولا لا؟؟؟
مش حاتأدر تيغامض عينيك بأءه ... لووول
| |
|
|
|
|
|
|
|
|
|
Re: كمان جابت ليها رطــوبة! (Re: داليا الكباشى)
|
Quote: إنا لله
باللاي الرياض دي من أمس حالتا حالة!
سخانة مليون .. رطوبة تلاتة مليون!
معقولة لكن .. الحاصل شنو ياخ! |
يا مسكين حكمتاعلى روحك بالوحدةلغايةنهاية رمضان(:(:
ياخي حذروك إنهم ما جايين كان الواطة سخنة...تقوم تكتب بوست؟؟؟(:(:(:
كل سنة وأنت بألف خير
لنا
| |
|
|
|
|
|
|
|
|
|
Re: كمان جابت ليها رطــوبة! (Re: حواء سليمان ابراهيم)
|
يا ود الصائم
رمضان كريم للجميع !
بروفايلك دا في الصـيام مقدور عليهـو !
لكن بتعـــــزي بيهو الناس كـــيف ؟
بعدين الغربة دي الفوره فيها ألف وخمسمائة ! سردب بس للرطوبة
عشان تستلم الريال آخر الشهر وتعبي الموبايل !! إتصالات العيد على الأبواب !
هشام
| |
|
|
|
|
|
|
|
|
|
Re: كمان جابت ليها رطــوبة! (Re: Hisham Ibrahim)
|
Quote: اعتذاري لكل من أرسل sms لعدم الرد .. الفلس حاصل شوية اليومين ديل
والخط متعدي الحد الائتماني وشغال شحن بس .. والمشكلة في شحن الخط ما برسل رسايل
يكون من شنو دا يا ربي؟ |
ود الصائم يا عمك كل عام و انت طيب شكلك كده مقضيها مس كولاااااااات ساي
| |
|
|
|
|
|
|
|
|
|
Re: كمان جابت ليها رطــوبة! (Re: Sayed Bekab)
|
| Quote: ود الصائم يا عمك كل عام و انت طيب شكلك كده مقضيها مس كولاااااااات ساي |
بيكاب يا عمكـ
رمضان كريم ياخ!
مس كل شنو يا عمكـ
البركة في الموبايلي عشرة ريال تتونس لمن تطرش!
المرة زاتو تزهج منكـ تقول ليكـ ما داير تمش الشغل؟
لو القصة زنقت خالص بندوّر في زين .. ناس عشرة عليكـ وعشرين علينا ديل!
| |
|
|
|
|
|
|
|
|
|
Re: كمان جابت ليها رطــوبة! (Re: شمائل النور)
|
| Quote: كان شفت الطشاش والرجفة العندنا تمسك في رطوبتك دي قوي |
شمايل يا نووور
رمضان كريم وربنا يرفع الأسهم والنجوم
الحمد لله على الرطوبة دي
لو جيت حضرت جوكم دا كان رمضاني كلو جاط ساي!
| |
|
|
|
|
|
|
|
|
|
Re: كمان جابت ليها رطــوبة! (Re: Hisham Ibrahim)
|
| Quote: لكن بتعـــــزي بيهو الناس كـــيف ؟ |
هشام يا عمكـ
رمضان كريم ياخ!
غايتو العزا دا قدرت ما جازفت ليهو طريقة ما لقيت
أهو غايتو الناس تكون متفهمة إنو الواحد ضحكنجي وما عندو موضوع
يعني لو مشيت ليهم العزا بالدرب عدييييل .. شوية ونسة كــدا
وبتلقاني فكيت الضحكة! نعمل شنو يا عمكـ!؟
| Quote: عشان تستلم الريال آخر الشهر وتعبي الموبايل !! إتصالات العيد على الأبواب ! |
دي كمان قصة تانية!
| |
|
|
|
|
|
|
|
|
|
Re: كمان جابت ليها رطــوبة! (Re: lana mahdi)
|
| Quote: ياخي حذروك إنهم ما جايين كان الواطة سخنة...تقوم تكتب بوست؟؟؟ |
لنا يا خبيرة التغذية
غايتو الحصلت علينا السنة دي ما بتتوصف
صيام ورطوبة وعزوبية!
ياخ أنا مفروض يدوني جايزة نوبل في التحمل!
| |
|
|
|
|
|
|
|
|
|
Re: كمان جابت ليها رطــوبة! (Re: داليا الكباشى)
|
داليا ..
إنا لله
شايفكـ خبيرة لغات حيّة وميتة
قطع شكـ شهادة عربية .. أصلو ما في حل تاني
إلا كمان تكوني بدوية عدييييل
والله مطرة السودان دي بحبها حُـب!
بقعد في الراكوبة وأستمتع بيها لمن الجماعة
يكوركو .. يا عمكـ تعال أفتح بير السايفون الحوش اتملا!
أها لمن تفتحي بير السايفون دا والله الموية دي بتعمل ليكـ صوت كـدا
لمن تتخلع زاتو .. صوت عجيب خلاس .. والرعد والبرق شغال تاح تاح
والصينية فوق راسكـ! وقصة كــدا خليها
لكن برضو مطرة بلدنا ولا رطوبة الخليج!
| |
|
|
|
|
|
|
| |
محمد عبد الماجد الصايم
ممدوح أبارو
GamarBoBa
osman righeem
Adam D.El-Asha
haroon diyab
وجن
فيصل محمد خليل
HAIDER ALZAIN
khaleel
هاشم محمد الحسن عبدالله
الزوول
طارق جبريل
حيدر حسن ميرغني
omer osman
رشيدة عثمان فقيري
كمال علي الزين
حواء سليمان ابراهيم
حبيب نورة
سيف الدولة كامل
عفاف الصادق بابكر
عبدالله كع
abdalla osman
tmbis
خالد عبد الله محمود
سلمى الشيخ سلامة
العوض المسلمي
mohamed elshiekh
أمين يحيى
عمر التوم
محمد البشرى الخضر
محمد يوسف الزين
داليا الكباشى
lana mahdi
Hisham Ibrahim
Sayed Bekab
شمائل النور
البدري عبد الله
فيس بوك
تويتر
انستقرام
يوتيوب
بنتيريست