|
دعواتكم لزميلنا المفكر د.الباقر العفيف بالشفاء العاجل
|
|
 Re: زعمطونا .. وخليل يغادر المنبر! (Re: محمد عبد الماجد الصايم)
|
والله ياعمك زعمطونا الهولندين بتاعين (النخنخة) ديل
وزعمطة حرررررم زعمطة معتز قريش ما زيها...
وكاس العالم بدون البرازيل زي سودانيز بدون خليل ..
وغايتو حنقود جهود ضخمة خلف الكواليس حتي نحل موضوع ابو خليل ده فقهيا
حتي لو وصلنا الموضوع ده للقرضاوي زااااتو يرشنا بفتوي سنية 
| |
 
|
|
|
|
|
|
|
|
Re: زعمطونا .. وخليل يغادر المنبر! (Re: محمد خليل ساني)
|
Quote: زعمطة السواد!
معقولة .. كأس العالم بدون البرازيل! |
ود الصايم
اى معقولة
بس الزعمطة حارة شديد - عليكم بالتلج واعزلوا البارد
ياخى لو شفت شمارات الهولنديين فى تحليل المباراة فى التلفزيون تموت بالضحك - قال دونغا دة بدق فى الواطة كدة فاكر نفسو حكم مصارعة حرة ههههههههه
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: الفاتح الصادق حامد)
|
Quote: وكاس العالم بدون البرازيل زي سودانيز بدون خليل ..
وغايتو حنقود جهود ضخمة خلف الكواليس حتي نحل موضوع ابو خليل ده فقهيا
حتي لو وصلنا الموضوع ده للقرضاوي زااااتو يرشنا بفتوي سنية |
هندسة
يجوز ارجاع واقناع خليل للمنبر مع الكراهة
ياخى البرازيليين ديل مسخوها زاتو خلى يطيروهم - عجبنى للمرقوت
| |
|
|
|
|
|
|
|
|
 Re: زعمطونا .. وخليل يغادر المنبر! (Re: Ahmed Elmardi)
|
أحمد المرضي يا حبيبنا!
قلت لي بتاع المصارعين! ياخ ديل بعد ما فقدوا
سوائل في البطولة سبحان الله .. فاقوا من الغيبوبة!
خط الرجعة دا خليهو جاهز يا عمكـ .. الظروف ما معروفة!
الحكم دا عامل زي التريسل!
ما فيهو نكهة كلو كلو!
غايتو ضيّعنا وقعد!
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: GamarBoBa)
|
اسه دي رجعتي من كافية في نص امستردام , قاعد براي في نص اهلي ديل , ضرسوني ضرس و قربوا يكتشفوا اني بشجع البرازيل
لمن جابو القون التاني كلهم كوركو و ضاعت الـ daaamt بتاعتي وسط الزحمة و حمدت الله انهم ما سمعوني كان زعمطوني جد جد
في واحد النوع المدبب داك قصيروني و غارس في الواطة بكرعين مقوسات كل ما يفشل هجوم للبرازيل يقبل علي و يعمل حركة طرزان
ديك و يضرب صدرو بي يدينو. اخوكم كجعلي قلت الموت حق و الحياة باطلة البرازيل دي لو جابت التعادل بفرح و بكورك و دقة تفوت
ولا حد يموت لكن البرازيل كتر خيرها حافظت علي حياتي.
بالجد زهجان و بطني طامة من كورة هولندا و اللعب العبيط اللعبوهو . عاملين زي لمن تكون نضيف و بترقص في حفلة و معاك بت جميلة
و يكون برقص جنبك واحد عواليق كده و كل شوية يعفصك او يلزك لمن تخلي ليهو الرقيص و الحفلة ذاتها
هذا و الكاس ماردونا يا شباب
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: خدر)
|
مولانا خــدر
والله دقتكـ دي كانت سبب كافي إنو البرازيل تغلب!
غايتو كاكا لو كان عارف الموضوع دا ما كان ضيّع
قونو السمح داكـ .. باللاي شفت الزول دا خاتيها
في المقص كيف .. الحارس بكون جاهو كتيف عديل!
غايتو بعد دا الواحد يتفرّغ للبورض!
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: محمد عبد الماجد الصايم)
|
ياود الصائم ..
زعمطوكم مااختلفنا ..لكن خليل يخلى المنبر مااظن ..
الزول نسى غلب البرازيل بقى يكوس ليهو فى مخرج
عشان يمسح قصة الحليفة دى ..
انا غايتو افتيتو.. قلت ليهو سلمنى 150 ريال واعتبر
الموضوع منتهى ..اطعام عشرة مساكين فى 15 ريال ..
هو على فكرة على استعداد يدفع اى مبلغ ...
...
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: khaleel)
|
Quote: طبعا يا امين
في فتوي من الازهر بان الحلفان بالطلاق هو يمين المسلمين
ويحل باطعام عشرة مساكين
يعني ما عنده مشكلة لو البرازيل ما شالت الكاس] |
لكن والله مرّاقتك عينة
_______________
ود الصايم البوست دة بيت بكا ولا فشة خلق ... بالله حدد عشان نعرف نلبس شنو
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: أمين يحيى)
|
شوف يا ميسي،
ناس السامبا ديل بمجرد ما يلبسوا الأزرق ويتركوا الأصفر ما ينتظروا مننا تشجيع،
فريق البرازيل أصبح يفتقر إلى الفنيات التي كانت سببا في حبنا لأدائه المتفرد
يعني الشغل اللي كان بيسووهو ناس كاريكا وإيزودورو وإيدر وفالكاو لم يعد متوفرا،
هذا الدونقا كتب الهزيمة منذ أن ترك قائمة مطولة من الموهوبين كان يمكنهم عمل
الكثير، بالله في زول عاقل بيخلي رونالدينهو خارج التشكيله؟
حزني على 197 مليون برازيلي معظمهم من الفقراء سيتوسدوا الفجيعة والأسى لأربعة سنوات ستأتي.
منك لله يا خليل .....
.
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: محمد المرتضى حامد)
|
حبيبنا .. محمد المرتضى!
نفسياتي في التشجيع بتمش كتير معاكـ .. يعني لما شفت البرازيل
بالأزرق، ورغم حبي للأزرق، لكن طوالي بكون طلعت من الزمن!
الببسي لو ما بقى ببسي ما بكون ببسي!
البرازيل قدمت شوط أول ولا أروع، شغل جميل والله!
لكن في الشوط التاني حصل شنو الله أعلم، لكن بالتأكيد تغييرات
مستر دونقا الغريبة كان ليها دور كبير في الموضوع دا!
| Quote: كاريكا وإيزودورو وإيدر وفالكاو |
ياخ معقولة .. من الزمن داكـ بتتفرج البرازيل؟
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: تيسير عووضة)
|
| Quote: البوست دا اسمو فش غبينة! |
ياخ دة دبل غبينة عديل كدة ،،،
والله حاولنا نفش غبينتنا بي غادي عند الود كيكي لكن الفقد حاااااااااار ،،،
المرحوم كان عزيز علينا شديد ... ما عارف ليه بعد خروج البرازيل إتذكرت نكتة الحنكوشة ال أهدت الجكس (الأغبش) بتاعها في عيد الحب ببغاء بيردد إسمها ... وتاني يوم سألتو عن الببغاء قال ليها (والله لذيذ خالص لكن طعمو جداد جداد)
هسة بعد دة كأس العالم يا ربي يكون طعمو بالوظة ولا كيف يا عمك !!!
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: تيسير عووضة)
|
| Quote: غايتو شوفو ليهو طريقة خجّة! |
يا عمك انا وافقتك في حتة إنه خليل وكيكي أحسن ناس بلعبوا " ون تو " في المنبر ده والناس ديل لو خشوا تشكيلة البرازيل كان إحتمال كبير الهولنديين ديل اكلوا نيم.فخليل ده لازم يرجع بفتوة من القرضاوي او قم او حتى لو تمشي الفاتيكان.ياخ ده زول بحب زيدان ياخ.
تلفونك مهترش ومطرطش
| |
|
|
|
|
|
|
|
|
|
Re: زعمطونا .. وخليل يغادر المنبر! (Re: تيسير عووضة)
|
Quote: فحلفك على شيء تعتقده فبان بخلافه يعتبر من اليمين اللغو، واللغو في الطلاق مما اختلف فيه أهل العلم كما بيناه مفصلا في الفتوى رقم: 56669. والراجح من هذه الآراء عدم وقوع الطلاق في هذه الحالة، وعليه فلا تطلق منك زوجتك بناء على هذه اليمين.
والله أعلم.
|
ود الصائم ياعمك صاحبك خليل خلاص لقينا ليهو فتوي
خلي زول حبيبنا عشان كده مشينا لي عمك قوقل
| |
|
|
|
|
|
|
|
|
|
Re: زعمطونا .. ود الصايم يغادر المنبر! (Re: محمد عبد الماجد الصايم)
|
ودود كماين ياعمك
عشان جرستكم دي قلنا نخفف عليكم الصدمة من بدري على طريقة توقع الزعمطة ولا إنتظارها
أرشح الماتدور الأسباني للفوز بكأس العالم ..
المدرب دونقا ومن أول مباراة واضح جدا أنو يسعي لمجد شخصي بالحصول مع السامبا على
اللقب لينال شرف ثاني مدرب يحصل مع منتخب بلاده على كأس العالم كلاعب وكمدرب مثل ما فعل
بكنباور مع ألمانيا ولذلك اعتمد طريقة اللعب التجاري ومنع البرازيل من طريقتها الساحرة
في دردرة الخصوم قبل النيل منهم في النهاية.
هذه الطريقة التجارية التى إعتمدها دونقا في هذا المونديال كشفتها المنتخبات منذ البداية
وأعدت عدتها لمجابهتها ولولا هيبة أسم البرازيل لخرج راقصو السامبا من الدور الأول .
الكأس لمصارعي الثيران .
| |
|
|
|
|
|
|
|
|
|
Re: زعمطونا .. ود الصايم يغادر المنبر! (Re: أحمد الصديق)
|
مكفولنا أحمد الصديق يا عمكـ
زي ما قلت كـدا دونقا دا بالذات فرّغ البرازيل
من الأداء الممتع السهل، القصة بقت عندهم خلّص
الكورة وخلاس! بالنسبة للأرجنتين برضو زي أولاد
الحلة بتلموا عشان يمشوا يلعبوا كورة ويرجعوا!
بالنسبة للفتوى .. احتمال الخج وارد بصورة كبيرة!
| |
|
|
|
|
|
|
|
|
|
Re: زعمطونا .. ود الصايم يغادر المنبر! (Re: معاوية المدير)
|
ود المدير
ما جنازة بحر، لكن دونقا خلاها كـدا!!
أنا عن نفسي عندي نظرية إنو البرازيل ديل شغالين
بنظام التوربينات، يعني بداية الكورة بتفحوا
تلاتة توربينات والبقية بكونو كنب ساي، أها كل ما
القصة تسخّن التوربينات بتفتح! غايتو أمس شكلوا
الفيوز ضرب!
زي ما قال عادل إمام: الراجل غِلِط!
| |
|
|
|
|
|
|
| |
محمد عبد الماجد الصايم
عبدالكريم الامين احمد
Hadeer Alzain
mayada kamal
doma
محمد خليل ساني
amir jabir
الفاتح الصادق حامد
abas
ابراهيم عدلان
عبد اللطيف السيدح
Ahmed Elmardi
GamarBoBa
عبدالمجيد المقابل
معاوية عبيد الصائم
خدر
khaleel
محمد عبدالرحمن
أمين يحيى
محمد المرتضى حامد
الفاتح ميرغني
هشام حسن
معتصم دفع الله
داليا الكباشى
أحمد الصديق
معاوية المدير
محمد زكريا
حبيب نورة
محمد البشرى الخضر
عمران حسن صالح
Nader Abu Kadouk
فيس بوك
تويتر
انستقرام
يوتيوب
بنتيريست